Mike Lucock ပါဝင်သော ဇာတ်ကားများ

Ghost in the Cell (2026) ++++++++++ ဒီဇာတ်ကားကတော့ Supernatural Horror, Mystery နဲ့ Psychological Thriller အမျိုးအစား အင်ဒိုနီးရှား ထိတ်လန့်သည်းဖို ရုပ်ရှင်ဇာတ်ကားပဲ ဖြစ်ပါတယ်။ ဒါရိုက်တာ Syamsul Yusof နဲ့ အဖွဲ့သားတွေက ရိုက်ကူးတင်ဆက်ထားပြီး သရုပ်ဆောင်တွေအဖြစ် အင်ဒိုနီးရှား ရုပ်ရှင်လောကရဲ့ နာမည်ကြီး မင်းသား Zul Ariffin, မင်းသမီး Maya Karin, Bront Palarae နဲ့ Faizal Hussein တို့က အဓိက ပါဝင်သရုပ်ဆောင်ထားကြပါတယ်။ ဇာတ်လမ်းကတော့ ကိုလိုနီခေတ်ကတည်းက တည်ရှိခဲ့ပြီး ဆိုးရွားလှတဲ့ သမိုင်းကြောင်းတွေကြောင့် နာမည်ဆိုးနဲ့ ကျော်ကြားတဲ့ မြေအောက် အကျဉ်းထောင်ဟောင်းကြီးတစ်ခုဆီကနေ စတာပါ။ အဲဒီထောင်ရဲ့ အထူးသီးသန့် အကျဉ်းခန်းတစ်ခုမှာ အရင်က အာဏာပိုင်တွေရဲ့ မတရား နှိပ်စက်သတ်ဖြတ်တာကို ခံခဲ့ရတဲ့ အကျဉ်းသားတစ်ယောက်ရဲ့ မကျွတ်မလွတ်တဲ့ မိစ္ဆာဝိညာဉ်ဆိုး ပူးကပ်ကျိန်စာသင့်နေခဲ့ပါတယ်။ တစ်ရက်မှာတော့ နိုင်ငံရေးအရ အမှုဆင်ဖမ်းဆီးခံလိုက်ရတဲ့ အကျဉ်းသားသစ်တစ်ယောက် အဲဒီအခန်းထဲ ရောက်လာပြီး မတော်တဆ သွေးထွက်သံယိုမှုတစ်ခု ဖြစ်ပွားရာကနေ နှစ်ပေါင်းများစွာ ငြိမ်သက်နေတဲ့ ကျိန်စာဆိုး နိုးထလာပါတော့တယ်။ ညဉ့်နက်လာတာနဲ့အမျှ ပိတ်လှောင်ထားတဲ့ အကျဉ်းထောင်တစ်ခုလုံးမှာ လျှပ်စစ်မီးတွေ ပြတ်တောက်သွားပြီး ဝိညာဉ်ဆိုးက အကျဉ်းသားတွေနဲ့ ထောင်အစောင့်တွေကို စိတ်အာရုံချောက်ချားအောင် လှည့်စားရင်း တစ်ယောက်ပြီးတစ်ယောက် ရက်ရက်စက်စက် သတ်ဖြတ်ပါတော့တယ်။ အပြင်ကမ္ဘာနဲ့ အဆက်အသွယ် လုံးဝပြတ်တောက်နေတဲ့ ထောင်နံရံတွေကြားထဲမှာ အချင်းချင်း သံသယတွေ၊ ကြောက်ရွံ့မှုတွေနဲ့အတူ အသက်ရှင်ကျန်ရစ်ဖို့ အသည်းအသန် ရုန်းကန်ကြရတဲ့ သည်းထိတ်ရင်ဖို Horror ဇာတ်ကားကောင်းတစ်ကား ဖြစ်ပါတယ်။ ဒီဇာတ်ကားဟာ အင်ဒိုနီးရှား ရုပ်ရှင်လောကရဲ့ Box Office စံချိန်တင် Horror ဒါရိုက်တာနဲ့ ထိပ်တန်း အက်ရှင်မင်းသား Zul Ariffin တို့ရဲ့ တွဲဖက်လက်ရာဖြစ်လို့ ကြေညာချိန်ကတည်းက အရှေ့တောင်အာရှ ပရိသတ်တွေကြားမှာ အကြီးအကျယ် ရေပန်းစားခဲ့တာပါ။ အထူးသဖြင့် ရိုးရာ အယူသည်းမှုတွေကို ခေတ်မီ CGI အထူးပြုလုပ်ချက်တွေ၊ သွေးသံရဲရဲ Practical Makeup တွေနဲ့ ပေါင်းစပ်ထားပြီး ပိတ်လှောင်ခံရမှုက ပေးစွမ်းတဲ့ claustrophobic horror ခံစားချက်ကို အကောင်းဆုံး ဖန်တီးပြသထားနိုင်တဲ့ ရုပ်ရှင်အဖြစ် ဝေဖန်သူတွေရဲ့ ချီးကျူးမှုကို ရရှိထားပါတယ်။ File Size… (1.88GB) / (949MB) Quality… WEB-DL 1080p HEVC / 720p Format…mkv / mp4 Duration…1h 46m Genre …Horror, Comedy, and Thriller Subtitle….Myanmar Subtitle (Hard Sub)

Lupa Daratan (2025) အခုတစ်ခါမှာတော့အင်ဒိုနီးရှား Drama-Comedy ရုပ်ရှင်ကားကြီးတစ်ကားဖြစ်တဲ့Lupa Daratanဆိုတဲ့ဇာတ်ကားကို တင်ဆင်ပေးလိုက်ပါတယ်.... ဇာတ်လမ်းကတော့ အောင်မြင်မှုတွေ တရဟောရပြီး ထိပ်ဆုံးကို ရောက်နေတဲ့ အောင်မြင်ကျော်ကြားပြီး မာနကြီးတဲ့ မင်းသားကြီး ဗင်နို အကြောင်း ဖြစ်ပါတယ်။ သူဟာ အောင်မြင်လာတဲ့အခါမှာ အတူတူရုန်းကန်ပေးခဲ့တဲ့ အစ်ကိုဖြစ်သူနဲ့ ဘေးနားကလူတွေကို မေ့ပြီး မြေကြီးပေါ် ခြေမချနိုင်လောက်အောင်ဘဝင်မြင့်နေခဲ့တာပါ။ ဒါပေမဲ့ သူ့ဘဝရဲ့ အကြီးမားဆုံးနဲ့ အရေးအကြီးဆုံး ဇာတ်ကားကြီးတစ်ခုမှာ ခေါင်းဆောင်မင်းသားအဖြစ် သရုပ်ဆောင်ဖို့ လက်ခံလိုက်တဲ့အချိန်၊ ထူးဆန်းတဲ့ အဖြစ်အပျက်တစ်ခုကြောင့် သူ့ရဲ့ သရုပ်ဆောင် အရည်အချင်းတွေ ရုတ်တရက်ကြီး လုံးဝပျောက်ဆုံးသွားပါတော့တယ်။ ရိုက်ကွင်းပေါ်မှာ သရုပ်ဆောင်လို့ လုံးဝမရတော့ဘဲ ဖြစ်ပျက်သွားတဲ့ အရှက်ရစရာဗီဒီယိုတွေကလည်း အွန်လိုင်းမှာ Viral ဖြစ်ကုန်တဲ့အခါမှာတော့... File Size - 2 GB/ 688 MB Quality - NF WEB-DL 1080p/ 720p Duration - 1h 57m Format - mp4 Genre - Comedy, Drama Subtitle - Myanmar Subtitle (Hard Sub)

Jembatan Shiratal Mustaqim (2025) IMDb Rating (6.3) ဘန်တန်ခရိုင်ကမ်းရိုးတန်းဒေသမှာ ပြင်းအားကြီးမားတဲ့ ငလျင်လှုပ်ခတ်ခဲ့ပြီး ဆူနာမီလှိုင်းလုံးကြီးတွေပါ ဝင်ရောက်ဖျက်ဆီးခဲ့တဲ့အတွက်ဒေသတစ်ခုလုံး ဖွတ်ဖွတ်ညက်ညက်ကျေသွားခဲ့တဲ့ အချိန်ဖြစ်ပါတယ်။ အာယာရဲ့ဖခင်ဟာ လူမှုဝန်ထမ်းဒုဝန်ကြီး တစ်ဦးဖြစ်ပြီး ငလျင်ဒဏ်ခံပြည်သူတွေအတွက် ကယ်ဆယ်ရေးဆောင်ရွက်ပြီးညတစ်ညမှာ အိမ်ကိုပြန်လာခဲ့ပါတယ်။ အဲ့ဒီညမှာပဲ အပြင်သွားဖို့အတွက်အာယာကိုခေါ်ထုတ်လာခဲ့ပြီး သူတို့အရင်နေခဲ့တဲ့ အိမ်အဟောင်းကိုမောင်းခိုင်းရင်းနဲ့ သူဟာအပြစ်ကြီးတစ်ခုကို ကျူးလွန်မိခဲ့ကြောင်း အဲ့ဒီအပြစ်ကို ပြန်လည်ပြင်ဆင်ဖို့သွားနေတာဖြစ်ကြောင်းပြောပြခဲ့ပါတယ်။ ဒါပေမယ့်လည်း လမ်းမှာတင် ယာဉ်တိုက်မှုဖြစ်ခဲ့ပြီး အာယာကအသက်ရှင်ခဲ့ပေမယ့်ဖခင်ဖြစ်သူကတော့ ပွဲချင်းပြီးဆုံးပါးသွားခဲ့ပါတော့တယ်။ အာယာသတိပြန်လည်မလာခင် ကောင်းကင်ပေါ်မှာသွယ်တန်းထားတဲ့ ကြိုးတံတား တစ်ခုကိုမြင်လိုက်ရပြီးအဲ့ဒီတံတားပေါ်က လူတွေပြုတ်ကျနေတာကိုပါ တွေ့ခဲ့ရပါတယ်။ အဲ့ဒီနောက်မှာတော့ အာယာရောသူ့မိခင်တို့ကပါ ဆုံးပါးသွားတဲ့ ဖခင်ရဲ့ ခြောက်လှန့်မှုတွေ၊ အကူအညီတောင်းခံမှုတွေ ဆက်တိုက်ကြုံလာရပြီး သူတို့ဖခင်/ခင်ပွန်းဖြစ်တဲ့သူ မှားခဲ့တဲ့ အမှားကိုရှာဖွေဖော်ထုတ်ပြီး ပြင်ဆင်ပေးဖို့ကြိုးစားကြရပါတော့တယ်။ တမလွန်ကိုဖြတ်ကူးရာ တံတားဖြစ်တဲ့ ဆီရာသလ်တံတား အယူအဆကို အခြေခံပြီး Visual Effects ကောင်းကောင်း ဇာတ်လမ်းဇာတ်အိမ်ခိုင်ခိုင်နဲ့တင်ဆက်ထားတဲ့ ဇာတ်ကားကောင်းတစ်ကားဖြစ်ပါတယ်။ File size… (870 MB) / (570 MB) Quality…. WEB-DL 1080p HEVC / 720p Format…. mkv/mp4 Genre…. Horror,Thriller Duration…. 01:36:42 Subtitle…. Myanmar Subtitle (Hardsub)

Wed or Wait (2025) IMDb Rating (7.7) နီကန်က သူ့နေ့စဉ်အလုပ်တွေနဲ့ပုံမှန်ရှင်သန်နေပြီး ဘာကိုမှအလေးအနက်မထား ပေါ့ပေါ့ပါးပါးနေတတ်သူပါ။ ကာလရှည်တွဲနေတဲ့ချစ်သူ အာယာရှိပေမယ့် သူကလည်း သူ့အလုပ်နဲ့သူရှုပ်နေပြီး သူတို့နှစ်ဦးလုံးက လက်ထပ်ဖို့၊ အတူနေဖို့ကိစ္စတွေကိုဆွေးနွေးတိုင်ပင်တဲ့အဆင့်ထိတောင်မရောက်ကြပါဘူး။ အဲ့ဒါတွေအားလုံးဟာ နီကန်ရဲ့ညီမ ဖြစ်သူစေ့စပ်လိုက်တဲ့အချိန်မှာတော့ အရာရာပြောင်းလဲသွားပါတော့တယ်။ အရှေ့တိုင်းထုံးစံ အကြီးရဲ့အရင် အငယ်က လက်မထပ်ကောင်းဘူးဆိုတဲ့ အယူအဆကစပြီး မိခင်ဖြစ်သူရဲ့ဖိအား၊ ပတ်ဝန်းကျင်ရဲ့မေးခွန်းတွေကြောင့် အိမ်ထောင်ရေးကို စိတ်မဝင်စားခဲ့တဲ့သူဟာသူ့ညီမထက်အရင် သူအရင်လက်ထပ်ရအောင်ကြံစည်ရပါတော့တယ်။ ဒီလိုအချိန်မှာ သူ့ရဲ့လက်ရှိချစ်သူကို စိတ်ပျက်စပြုလာပြီး တစ်ခုပြီးတစ်ခု ဆက်တိုက်အပြစ်မြင်လာချိန်မှာ သူ့ရဲ့ငယ်ချစ်ဦးဖြစ်တဲ့ ဂယ်ရီက သူ့ဘ၀ထဲကိုပြန်လည်ရောက်ရှိလာတဲ့အခါမှာတော့ ဇာတ်လမ်းက ရှုပ်ပြီးရင်းရှုပ်ဖို့ဖြစ်လာပါတော့တယ်။ ရိုးရှင်းတဲ့ သုံးပွင့်ဆိုင်အချစ်ဇာတ်လမ်းထဲမှာမှ အရွယ်ရောက်လာရတဲ့ ဘ၀၊ အမျိုးသမီးတစ်ယောက်ရဲ့ဘ၀ မှာ ရင်ဆိုင်ရတဲ့စံသတ်မှတ်ချက်တွေ၊ ပတ်ဝန်းကျင်ရဲ့အမြင်တွေ ဖိအားတွေအကြောင်းကို အတင်းလုပ်ယူမထားပဲ ပေါ့ပေါ့ပါးပါးထည့်သွင်းထားပြီးတင်ဆက်ပုံ သရုပ်ဆောင်တွေကလည်း သဘာ၀ကျပြီး ချစ်စရာကောင်းတဲ့ နွေးထွေးမှုကို ခံစားရမယ့် Feel-Good Romance-Dramaကားကောင်းတစ်ကားဖြစ်ပါတယ်။ File size… (1.3 GB) / (800 MB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama,Romance Duration…. 01:48:04 Subtitle…. Myanmar Subtitle (Hardsub)

Risky Business (2024) IMDb Rating (6.9) ညီအစ်ကိုသုံးယောက်ရှိတယ်။ အစ်ကိုကြီးက ကွာရှင်းခံထားရပြီး သမီးလေးကိုပါ အုပ်ထိန်းခွင့်မရတဲ့ ငွေမရှိတဲ့သူ။ အလတ်က လိမ်စားညာစား ငတေငပွေ။ အငယ်ဆုံးက ကျောင်းပြီးဖို ရရာအလုပ်လုပ်ရင်း ကြပ်တည်းနေတဲ့လူ။ ဒုက္ခညီအစ်ကို၃ယောက်ပေါ့။ ငွေမရှိကြသလို ငွေကလည်း အရေးတကြီးလိုနေကြတဲ့သူတွေဖြစ်နေတော့ သူတိုတွေ သူဌေးအိမ်က တီဗီတစ်လုံးခိုးဖိုသွားကြတယ်။ အဲဒီတီဗီဈေးကလည်း သန်းနဲ့ချီနေတော့ ငပွေအလတ်ရဲ့ အစီအစဉ်ထဲ ခက်ခဲနေတဲ့ ကျန်တဲ့ညီအစ်ကိုနှစ်ယောက်ပါလာခဲ့တယ်။ ဒါပေမဲ့ သူတိုသွားခိုးတာက ဂန်းစတားကြီးအိမ်ဖြစ်နေတဲ့နောက် ဘာတွေဆက်ဖြစ်လာမလဲ ဟာသတစ်ပုံပင်နဲ့ ကြည့်ရမယ့် အင်ဒိုနီးရှားရုပ်ရှင်ပါ။ (အညွှန်းနဲ့ဘာသာပြန်ကတော့ W ဖြစ်ပါတယ်။) File size…(1.7 GB) / (900 MB) Quality….WEB-DL 1080p HEVC / 720p Format…. mkv/mp4 Genre….Comedy,Crime,Drama Duration….01:48:05 Subtitle….Myanmar Subtitle (Hardsub) Encoder….Double K Translated by W

Hutang Nyawa (2024) Imdb 6.5 သရဲကားမကြိုက်တဲ့လူတွေတောင် အကြိုက်တွေ့သွားစေမဲ့ အင်ဒိုသရဲကားလေးတစ်ကား တင်ဆက်ပေးထားပါတယ် ထိုင်ရာကနေ မထတမ်းကြည့်ချင်နေမှာဖြစ်ပြီး ကြည့်ရှုသူတို့ရဲ့ ညတွေကိုတောင် အိပ်မက်ဆိုးတွေနဲ့ ဖုံးလွှမ်းသွားစေနိုင်မှာပါ မိသားစုထဲမှာ သားနဲ့သမီးဆိုပြီးရှိပေမဲ့ အချစ်မခံရတဲ့ သမီးဖြစ်သူ အယ်ဝင်နာ ဖခင်ဖြစ်သူက အယ်ဝင်နာလေး ၇နှစ်မှာ မိသားစုကိုထားသွားခဲ့တယ် သူကြီးလာတော့လည်း အိမ်ထောင်မပြုဘဲ ကလေးရခဲ့လို့ အမေဖြစ်သူက အမြင်မကြည်ဘူးပေါ့ သူတို့နေတဲ့အိမ်က မသန့်ဘူးပဲပြောရမလား အခြောက်အလှန့်ကြမ်းတယ်ပေါ့ သူကတော့စိတ်ကျန်းမာရေးနဲ့ ဆိုင်မယ်ထင်လို့ ဆရာဝန်နဲ့တောင်ပြနေလေရဲ့ ဒီမှာခြောက်လှန့်တဲ့ပုံစံတွေက ဇာတ်လမ်းမဆန်ဘဲ ကိုယ့်ပတ်ဝန်းကျင်မှာ အတော်များများကြားဖူးကြသလိုမျိုး ခြောက်တာဆိုတော့ ကျောချမ်းစရာဖြစ်နေမှာ အမှန်ပါပဲ ဒီသရဲကြောင့်ပဲ သူ့ကလေးက ပြင်းပြင်းထန်ထန်ထိခိုက်သွားရတယ် ဆေးရုံတင်ထားရတဲ့ အခြေအနေဖြစ်လာပြီး အရင်တည်းက‌ အကြွေးပိနေတဲ့သူတို့အတွက်တော့ အသက်ရှုပေါက် ပိုပိတ်သွားတာပေါ့ ဒီအချိန်မှာပဲ ကယ်တင်ရှင်အနေနဲ့ ဖခင်ရဲ့ သူငယ်ချင်းဟောင်းက ရောက်လာခဲ့တယ် ဖခင်နဲ့အသိမို့ ကူညီချင်ပါတယ်ဆိုပြီး လူသူမနီး ဖုန်းလိုင်းမမိတဲ့ စက်ရုံဟောင်းကြီးကိုခေါ်သွားရာကနေ ဇာတ်လမ်းကပိုကောင်းလာပါတယ် အယ်ဝင်နာမြင်နေရတာတွေက လူတွေလား လူမဟုတ်တာတွေလား အိမ်မှာမြင်တွေ့ ကြုံတွေ့ခဲ့ရတာတွေထက် စက်ရုံကြီးမှာ ၂ဆလောက်ပိုဆိုးနေတော့ တော်ရုံကြောက်တတ်တဲ့လူတွေအတွက် တစ်ယောက်တည်း မကြည့်ရဲလောက်မဲ့ ဇာတ်ကားမျိုးပါပဲရှင် ( အညွှန်းနဲ့ ဘာသာပြန်တွေကတော့ Yunni ~ ToMo ပဲဖြစ်ပါတယ် ) File size…691 MB / 403 MB Quality…WEB DL 1080p HEVC / 720p Format…mkv/mp4 Duration….1h 40min Subtitle….Myanmar Subtitle (Hard Sub) Encoder….YK Translated by Yunni ~ ToMo

ဒီ Bonnie ဆိုတဲ့ဇာတ်ကားလေးက 2024 ကထွက်ခဲ့တဲ့ အင်ဒိုဇာတ်ကားလေးဖြစ်ပါတယ် Action,Drama & High school life Genre ဖြစ်ပါတယ်... ဇာတ်လမ်းအကျဉ်း ++++++++ ယောက်ျားဖြစ်သူ ရန်ပွဲမှာ သေဆုံးသွားလို့ တစ်ချိန်လုံး အရက်သောက်,လောင်းကစားလုပ်နေတဲ့ အမေကိုစိတ်နာပြီး ကိုယ်ခံပညာကလည်း တတ်တော့သူ့ရဲ့မကျေနပ်ချက်တွေကို လက်သီးသုံးပြီး ဖြေရှင်းတတ်တဲ့ကျောင်းသူ ကောင်မလေး တစ်ယောက်ရဲ့အ‌ကြောင်းပါ... သူက မတရားအနိုင်ကျင့်တာတွေ မိန်းကလေးတွေအပေါ် ဖိနှိပ်တာတွေ, sexual assault လုပ်တတ်တဲ့ကောင်မျိုးတွေနဲ့ ဆုံတိုင်း မနက်‌မှာတွေ့ရင် ဟဲ့ကောင်တွေ မနက်စာစားနေကြ တာလားလို့မေးပြီး ဗျင်းလိုက် , ညတွေ့ရင် ညစာစားနေတာ လားမေးရင်းနဲ့ တီးလွှတ်လိုက်နဲ့ အကုန်ပတ်တီးနေတဲ့ ပတ်တီးလေးဆိုတော့ ကျောင်းတွေလည်း ဒီနေ့စတက် မနက်ဖြန် ထွက်ဆိုသလို ခဏခဏပြောင်းရတဲ့ Main Lead ကောင်မလေးရဲ့ ဇာတ်လမ်းပါ ဇာတ်ကြောင်းက အင်မတန်ရိုးရှင်းပြီး run-time သိပ်မကြာဘူးဆိုတော့ ဇာတ်လမ်းအကြောင်းတော့ အများကြီး မပြောတော့ပါဘူး ပေးရတဲ့အချိန်နဲ့ ပြန်ရတာနဲ့ တန်တယ်လို့ ယူဆလို့ရပါတယ်... Main Lead ဖြစ်တဲ့ Bonnie နေရာမှာသရုပ်ဆောင်တဲ့ Livi Ciananta ဆိုတဲ့မင်းသမီးရဲ့ ပွဲဦးထွက်ရုပ်ရှင်ဖြစ်ပြီးတော့ ဒီဇာဝာ်ကားအတွက်မင်းသမီးကိုယ်တိုင် Stuntသမားမသုံးပဲ Martial Arts training တွေကိုယ်တိုင်အချိန်ပေးလေ့ကျင့်ပြီး အင်ဒိုနီးရှားမှာ နာမည်ကြီးတဲ့ ဒါရိုက်တာတွေနဲ့ ရိုက်ကူးထားတာပါ.. ဒီဇာတ်ကားရဲ့ ထူးခြားချက်ကတော့ ရုပ်ရှင်ထဲမှာ ကဗျာ စာသားလေးတွေ ပြန့်ကျဲပြီး နောက်ခံစကားပြောအနေနဲ့ ပါဝင်နေတာပါပဲ Indonesian to English , English to Burmese ဘာသာပြန်ရတဲ့အတွက်ကြောင့် ကဗျာလေးတွေကို ဘာသာပြန်တဲ့နေရာမှာ လိုအပ်ချက်လေးတွေရှိရင် နားလည်ပေး ကြပါ..... ကဗျာလေးတွေရဲ့ Message ကို အတတ်နိုင်ဆုံးခံစားပြီး ဘာသာ ပြန်‌ပေးထားပါတယ်.... တချို့ ကဗျာစာသားလေးတွေက အတော်လေးနက်လို့ ဘာသာပြန်ရင်း ကဗျာ‌ပိုးပါဝင်ပြီး ဇာတ်ကားထဲမှာပါတဲ့ ကိုယ့်ကိုကိုယ်သိထားတာ အကောင်းဆုံးပဲဆိုတဲ့ က‌ဗျာ စာသားလေးကို မှီငြမ်းပြီးတော့ ကဗျာလေးနှစ်ကြောင်းပါ စပ်လိုက်ပါသေးတယ်.... " In life , it's better to know your own voice While you're sailing through the sea of noise " ကဲ ကဗျာလေးပါ မေတ္တာလက်ဆောင်ထည့်ပေးထားတယ် ဆိုတော့ အားပေးကြပါဦးခင်ဗျာ.................. ( အညွှန်းနဲ့ ဘာသာပြန်ကတော့ Nice Guy ဖြစ်ပါတယ် ) File size… (1.51GB) / (840MB) Quality… WEB-DL 1080p HEVC / 720p Format…mkv / mp4 Duration….2h Genre …..Action , Drama , Thriller Subtitle….Myanmar Subtitle (Hard Sub) Encoder….Min Wai Translated by Nice Guy

Blood Curse (2023) စ/ဆုံး IMDb Rating (7.3) ဝူလန်ဟာခေတ်ပညာတတ်လှပသွက်လက်တဲ့ မိန်းမပျိုလေးတစ်ယောက်ဖြစ်ပြီး သူတို့မိသားစုဟာ ငွေကြေးပြည့်စုံရုံတင်မကပဲ အချင်းချင်း ချစ်ခင်လေးစားကြသလို လက်အောက်ငယ်သားတွေကိုလည်း စာနာထောက်ထားတတ်ကြတဲ့သူတွေပါ။ အစစအရာရာပြည့်စုံနေတဲ့ သူတို့ဘ၀ဟာ သူတို့ဖခင်ရဲ့အသိနှစ်ဦး ရှေ့ဆင့်နောက်ဆင့်ဆုံးပါးသွားရာကစပြီး ထူးဆန်းတဲ့အဖြစ်တွေကြုံလာရသလို သူတို့ဖခင်ကိုယ်တိုင်ပါ ကျန်းမာရေးစတင်ထိခိုက်လာခဲ့ပါတယ်။ ဒီဖြစ်ရပ်တွေရဲ့နောက်ကွယ်ကိုစုံစမ်းရင်း သူတို့ကြုံနေရတဲ့ ပြဿနာတွေဟာ သဘာ၀လွန်အင်အားစုတွေနဲ့ပတ်သက်နေတယ်ဆိုတာ သိလိုက်ရပါတယ်။ အဲ့ဒီမှာပဲ သူတို့မိသားစုလိုပဲ ဒီလိုအောက်လမ်းတိုက်ခိုက်မှုတွေရဲ့သားကောင်ဖြစ်ခဲ့တဲ့ အယ်ဆာဆိုတဲ့ လူငယ်တစ်ယောက်နဲ့ဆုံဆည်းခဲ့ပြီး သူတို့နှစ်ဦးဟာနက်နဲရှုပ်ထွေးတဲ့လျှို့ဝှက်ချက်တွေကို ဖော်ထုတ်ဖို့ကြိုးစားရင်း၊အန္တရာယ်တွေကိုအတူရင်ဆိုင်ဖြေရှင်းကြရမှာဖြစ်ပါတယ်။ အင်ဒိုနီးရှားရိုးရာ မှော်ပညာကိုအခြေခံထားပြီး မိသားစုဒရာမာတွေ၊ တစ်ဦးနဲ့တစ်ဦးအကောက်ဉာဏ်နဲ့လှည့်စားမှုတွေ၊ လှည့်ကွက်တွေကို ဇာတ်လမ်းဇာတ်အိမ်ခိုင်ခိုင်ခန့်ခန့်နဲ့ရောစပ်ပြထားတာဖြစ်ပြီး တစ်ပိုင်းပြီးတစ်ပိုင်း မထတမ်းဆွဲဆောင်နိုင်တဲ့ ဇာတ်ကားမျိုးပါ။ အောက်လမ်းဇာတ်ကားတို့ထုံးစံ မသတီစရာတွေ၊ စိတ်မသက်မသာဖြစ်စရာပြကွက်နဲ့သွေးထွက်သံယိုတွေတော့ ဖောဖောသီသီပါဝင်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size… (650 MB) / (350 MB) Quality…. WEB-DL 1080p HEVC / 720p Format…. mkv/mp4 Genre…. Fantasy, Horror, Thriller Duration…. 00:45:00 Subtitle…. Myanmar Subtitle (Hardsub) Encoder…. Benjamin Translated by Alias

Ex-Addicts Club (2023) Ep 1 to 10 (complete) IMDb Rating (6.9) ရည်းစားဟောင်းကို မုမအွန်နိုင်လို့ တငူငူ တငိုင်ငိုင်နဲ့ လေလွင့်နေတဲ့နွားကြီးတွေ နွားမကြီးတွေ ဖြစ်နေရင် ဒီဟာသဇာတ်လမ်းတွဲလေးကို ကြည့်သင့်ပါတယ်နော်။ အနည်းဆုံးတော့ အငိုမျက်လုံး အပြုံးမျက်နှာ လုပ်လို့ရတာပေါ့။ ဇာတ်လမ်းအကျဉ်း ရေဆာ၊ ဆက်၊ ကိုရီနှင့် တီနာတို့ဟာ ရည်းစားဟောင်းကို စိတ်ဖြတ်နိုင်ဖို့ ရည်းစားဟောင်းကိုမမေ့နိုင်သူများအဖွဲ့ကို ဖွဲ့စည်းထားခဲ့ပါတယ်။ သူတို့အဖွဲ့ဟာ ဖောက်ပြန်ခံရတဲ့သူနဲ့ ထားခဲ့ခံရတဲ့သူနဲ့ လှည့်စားခံရတဲ့သူနဲ့ တစ်ယောက်တစ်မျိုး မရိုးရပါဘူး။ သူတို့ဟာ ရည်းစားဟောင်းကို လုံးဝမမေ့နိုင်ပဲ စားလည်းဒီစိတ် သွားလည်းဒီစိတ်ဖြစ်နေတဲ့အတွက် အိမ်ထဲအိမ်ပြင်တောင် မထွက်နိုင်တော့ပဲ နေ့စဉ်ဘဝမှာ အပြင်ကမ္ဘာနဲ့ ကင်းကွာနေကြသူပါ။ ဒီတော့ သူတို့လေးယောက်သား ရည်းစားဟောင်းကို နည်းလမ်းပေါင်းစုံနဲ့ ဘယ်လိုမုအွန်ကြမလဲဆိုတာကို ရယ်ရယ်မောမောကြည့်ရှုရမဲ့ sitcom လေးပဲဖြစ်ပါတယ်။ (အညွှန်းနဲ့ဘာသာပြန်ကတော့ Matteo ဖြစ်ပါတယ်။) File size… (500 MB) / (250 MB) Quality….WEB-DL 1080p HEVC / 720p Format…. mkv/mp4 Genre….Comedy, Drama, Sitcom Duration….00:25:00 Subtitle….Myanmar Subtitle (Hardsub) Encoder….Benjamin Translated by Matteo

Susuk (2024) အညွှန်း ဒီအင်ဒိုသရဲကားကိုမကြည့်ခင်မှာ အားလုံးကို Susuk ရဲ့ အဓိပ္ပါယ်ကိုရှင်းပြပါမယ်။ Susuk ဆိုတာ ‌ရွှေအပ်လေးတစ်မျိုးဖြစ်ပြီး လူခန္ဓာကိုယ်ရဲ့ တစ်ရှူးအလွှာထဲကို ထိုးထည့်ရတဲ့အရာပါ။ Susuk မှာ အလှအပသက်သက်အပြင် အဆစ်အမြစ်နာကျင်ခြင်းနှင့် အခြားအသေးစားရောဂါများကို ကုသခြင်းအထိ ရည်ရွယ်ချက်အမျိုးမျိုးရှိပါတယ်။ ဤအလေ့အကျင့်ကို ထိခိုက်ဒဏ်ရာရခြင်းနှင့် မတော်တဆထိခိုက်မှုမှ အကာအကွယ်အဖြစ်လည်း အသုံးပြုကြပါတယ်။ Susuk အလေ့အကျင့်ကို ဒေသအတွင်း အစ္စလာမ္မစ်အသွင်ကူးပြောင်းရေး မတိုင်မီကတည်းက ယခုခေတ်အစ္စလာမ့်ပညာရှင်များ ( ဟရာမ် ) မှ တားမြစ်ပိတ်ပင်ထားပါတယ်။ Susuk ကို ဂါထာများဖြင့် မြှပ်နှံထားသည်ဟု ဆိုကာ ၎င်း၏ ထိရောက်မှုကို တိုးမြှင့်ရန်အတွက် တစ်ချိန်တည်းတွင် ပြုလုပ်လေ့ရှိပါတယ်။ Susuk ကို မသေဆုံးမီ ဖယ်ရှားရန် လိုအပ်ပြီး မဟုတ်ရင် လူက သေဆုံးရန် ခက်ခဲမည် ဟုလည်း ဆိုကြတယ်။ ထို့ကြောင့် သက်ဆိုင်သူက အသက်ကြီးလာတဲ့အခါ ဒါမှမဟုတ် နာမကျန်းဖြစ်တဲ့အခါတွေမှာ Susuk ကို ဖယ်ရှားကြတာများတယ်။ Susuk ကို ဖယ်ရှားခြင်းက တတ်ကျွမ်းသူ၏ ကျွမ်းကျင်မှုလည်း လိုအပ်တာပေါ့။ နဂိုကတည်းက အလှအပအတွက် သုံးတဲ့ Susuk ကို ဖယ်ရှားလိုက်ပါက ခြောက်လအတွင်း သူ၏ နဂိုမျက်နှာကို ပြန်လည်ရောက်ရှိမည်ဟုပြောစမှတ်တွင်ကြပါတယ်။ ဒီဇာတ်လမ်းမှာတော့ လာရက်စ်တစ်ယောက် လိင်အလုပ်သမအဖြစ်လုပ်စားနေပြီး သူ့ရဲ့ညီမ ယူ နဲ့လည်း ဆက်ဆံရေးမပြေလည်ပါဘူး။ တစ်နေ့ကျတော့ လာရက်စ်တစ်ယောက် အသက်အန္တရာယ်စိုးရိမ်ရတဲ့အခြေအနေရောက်လာတဲ့အခါမှာတော့ သူ့ညီမက အစ်မကို ကယ်တင်ရန်အလို့ငှာ နည်းပေါင်းစုံနဲ့ ကြံလာပါတော့တယ်။ ဖြစ်ချင်တော့ အစ်မခန္ဓာကိုယ်ထဲမှာလည်း Susuk (ဆူဆု) ရှိနေတဲ့အတွက် သေလည်းမသေနိုင်ဘဲ ဆန့်တငင်ငင်ကြီး ဖြစ်နေတဲ့အခါ ဘယ်လိုပယောဂတွေ ဝင်ရောက်လာမလဲ။ ယူ တစ်ယောက် သူ့အစ်မ လာရက်စ်ကို ကယ်တင်နိုင်ပါ့မလားဆိုတာ ရင်တထိတ်ထိတ်နဲ့ ကြည့်ရှုလိုက်ရအောင်လားနော်။ အညွှန်းနဲ့ဘာသာပြန်ကတော့ Kaung Set ပဲ ဖြစ်ပါတယ် Genre..... Horror Quality…. 1080p | 720p File size…  1GB | 562MB Format… mp4 Duration…. 1h 43min Subtitle…. Myanmar Subtitle (Hardsub) Translator ..... Kaung Set  Encoder ..... Aaron

အင်ဒိုသရဲကားဖြစ်တာမို့ ထိတ်လန့်စရာတွေ ကွင်းကွင်းကွက်ကွက်မြင်ရဦးမှာပါ...၊ ဇာတ်လမ်းနာမည်က "စူရူဂါနာမန္တန်"တဲ့ ဒီမန္တန်ဟာ အငြိုးကြီးတဲ့အမျိုးသမီးတစ်ယောက်က သူ့ရန်သူတွေကိုကျိန်စာတိုက်ခဲ့တဲ့မန္တန်ပါ...။ ရန်သူတွေတင်မကဘဲ ရန်သူရဲ့ မိန်းမတွေ၊ သမီးတွေကို ဆွေစဥ်မျိုးဆက်တိုင် အသက်သေဆုံးအောင် ကျိန်စာတိုက်ခဲ့တာပါ...။ ဇာတ်လမ်းလေးကဘယ်ကစလဲဆိုတော့ တန်ထရီဟာ စကောလားရှစ်ရတော့ တက္ကသိုလ်ကျောင်းသူဆောင်ကို ပြောင်းလာခဲ့ပါတယ်...။ တန်ထရီမှာက ပရလောကနဲ့ဆက်သွယ်နိုင်တဲ့ အမြင်မျိုး ရှိလေတော့ ရောက်ရောက်ချင်းမှာပဲ အဆောင်မှာ ဝိုးဝိုးဝါးတား အရိပ်တွေမြင်ရ အသံတွေကြားရ စိတ်မသိုးမသန့်ဖြစ်ရတယ်ပေါ့.... နောက်မှသိလာရတာက ဒီအဆောင်မှာပဲ ကောင်မလေး တစ်ယောက်နဲ့ ကောင်လေးတစ်ယောက် ပျောက်ချင်းမလှ ပျောက်သွားဖူးတယ်...။ သေလားရှင်လားမသိရ အလောင်းလည်းမတွေ့ရ‌ပေါ့...။ တန်ထရီရဲ့ အကြားအမြင်အာရုံနဲ့အတူ ပျောက်သွားတဲ့ လူနောက်လိုက်ရှာရင်း ဘယ်လိုကြောက်စရာပုံပြင်တွေတွေ့ရမလဲ ဘယ်လိုနတ်ဆိုးတွေနဲ့ကြုံဦးမလဲဆိုတာတော့ ကိုယ်တိုင်ပဲခံစားလိုက်ပါဗျာ...။ File size…910MB / 449MB Quality…WEB-DL 1080p / 720p Format…mp4 Duration….1h 38m Genre ….. Action , Drama , History Subtitle….Myanmar Subtitle (Hard Sub) Encoder….Horror Translated by Themes

Jailangkung: Sandekala (2022) IMDb Rating (5.7) ဂျိုင်လန်ကွန်း (Jailangkung) ဆိုတာအင်ဒိုနီးရှားမှာခေတ်စားတဲ့ နာမည်ကျော်ဝိဉာဉ်ခေါ်အရုပ်တစ်မျိုးဖြစ်ပြီး သူတို့ဟော်ရာကားတွေမှာမကြာခဏတွေ့မြင်ရတတ်တာ သတိထားမိကြပါလိမ့်မယ်။ သူဟာ ouija board လိုမျိုးအလုပ်လုပ်ပြီး အဲ့ဒီလိုပဲမလိုလားအပ်တဲ့ဝိဉာဉ်တွေဝင်ရောက်လာတတ်သလို ဘေးထွက်ဆိုးကျိုးတွေလည်းမကြာခဏပေးတတ်ပါသေးတယ်။ ဒီဇာတ်ကားမှာလည်း ဂျိုင်လန်ကွန်းက အဓိက ဇာတ်ဆောင်နေရာက ပါဝင်ထားပါတယ်။ ဇာတ်လမ်းကတော့ နယ်ဘက်ကိုအပန်းဖြေခရီးထွက်လာတဲ့ မိသားစုတစ်စု ခရီးတစ်ထောက်နားကြရင်း နေဝင်ရီတရောမှာသူတို့သားအငယ်ဆုံးလေး ပျောက်သွားတာနဲ့စတင်ထားပါတယ်။ နယ်ခံရဲတပ်ဖွဲ့ရဲ့အကူအညီနဲ့ပိုက်စိပ်တိုက်ရှာဖွေကြရင်း သူတို့သိလာတာကတော့ဒီနားဝန်းကျင်မှာ ကလေးတွေမကြာခဏပျောက်ဆုံးလေ့ရှိပြီးပျောက်ဆုံးမှုအားလုံးမှာလည်း တူညီတဲ့အချက်တွေ အများကြီးရှိနေပါတယ်။ ပျောက်ဆုံးပြီးမကြာခင် ကလေးအလောင်းတွေ့ရှိတယ်လို့သတင်းကြားတဲ့အချိန်မှာစိုးရိမ်တကြီး သွားကြည့်ခဲ့ပေမယ့် သူတို့သားငယ်မဟုတ်ပဲတစ်ခြားကလေး ဖြစ်နေလို့စိတ်သက်သာရာရခဲ့ပေမယ့် အဲ့ဒီကိစ္စနဲ့ဆက်စပ်ပြီး သိလိုက်ရတဲ့အချက်တစ်ခုကစိုးရိမ်စိတ်ကိုငယ်ထိပ်တက်ဆောင့်စရာဖြစ်ခဲ့ပါတယ်။ အဲ့ဒါတွေတင်မကပဲ မိခင်ဖြစ်နဲ့အစ်မဖြစ်သူဟာ သူတို့သား/မောင်ရဲ့ဝိဉာဉ်အရိပ်ကိုထိတ်လန့်ဖွယ်သဏ္ဍာန်နဲ့မကြာခဏခြောက်လှန့်မှုတွေပါရင်ဆိုင်လာရပါတော့တယ်။ အစကနေအဆုံးအထိစိတ်ဝင်တစားရှုစားရမယ့် ဟော်ရာကားကောင်းတစ်ကားဖြစ်ပြီး ထင်မှတ်မထားတဲ့ဇာတ်လမ်းအချိုးအကွေ့တွေ ခြောက်လှန့်ခန်းတွေပါ ရှယ်ကြမ်း ရှယ်မိုက်ပါတယ်။ File size… (1.8 GB) / (760 MB) Quality…. WEB-DL 1080p HEVC / 720p Format…. mkv/mp4 Genre…. Horror,Mystery Duration…. 01:31:44 Subtitle…. Myanmar Subtitle (Hardsub)

အရှေ့တောင်အာရှရုပ်ရှင်စျေးကွက်မှာ ထိုင်း၊အင်ဒိုနီးရှား နိုင်ငံများရဲ့ရုပ်တွေက တော်တော်လေးလေးပေါက်ပေါက်ရောက်ရောက်ရှိပါတယ်။ သရဲကားဆိုရင်လည်း ထိုင်း၊ အင်ဒို၊ မလေးရှား အစရှိတဲ့ဇာတ်ကားတွေသာ ထိပ်ဆုံးက ဦးဆောင်နေပါတယ်။ ဒီတစ်ခါမှာတော့ မကြာခင်ကမှထွက်ရှိထားတဲ့ အင်ဒိုနီးရှားသရဲကား DreadOut ကိုတင်ဆက်ပေးချင်ပါတယ်။ Jump scare တွေများများစားစားမပါဘဲ အဆုံးထိ စိတ်ဝင်တစားကြည့်ရှုရမယ့် Horror ကားမျိုး ကြည့်ချင်သူတွေဆိုရင် ဒီကားကိုကြည့်ဖို့ လက်တို့ပါရစေ။ ဇာတ်လမ်းအကျဉ်းကတော့... Jessica, Beni, Dian တို့သုံးယောက်က အထက်တန်းကျောင်းသူ/သား တွေပါ။ မျက်မှောက်ခေတ်ဆယ်ကျော်သက်တွေရဲ့ထုံးစံအတိုင်း Social Network တွေရဲ့လွှမ်းမိုးမှုကို အကြီးအကျယ်ခံထားရတဲ့သူတွေပေါ့။ သူတို့သုံးယောက်က Social Network ပေါ်မှာ ပေါ်ပြူလာဖြစ်ချင်တာကြောင့် နှစ်အတော်ကြာစွန့်ပစ်ထားတဲ့ တိုက်အိုကြီးပေါ်သွားပြီး Live လွှင့်ကာ Follower ရှာဖို့ကြံကြပါတယ်။ အဲဒီမှာ Alex ဆိုတဲ့ခပ်ရမ်းရမ်းကျောင်းသားတစ်ယောက်ရယ်၊ Erik ဆိုတဲ့စော်ကြည်ဘဲတစ်ယောက်ကိုပါ ချောဆွဲကြပါတယ်။ နောက်ထပ်ချောဆွဲခံလိုက်ရတာက Linda၊ Linda က သူတို့တွေရဲ့ ဂျူနီယာတစ်ယောက်၊ မိသားစုအဆင်မပြေလို့ စတိုးဆိုင်မှာ ကျောင်းတစ်ဖက်နဲ့အလုပ်လုပ်နေရတဲ့သူ။ သူ့ကိုခေါ်ရတဲ့အကြောင်းအရင်းက တိုက်အိုကြီးရဲ့အစောင့်နဲ့ ရင်းနှီးတာကြောင့် သူတို့အသာတကြည်ဝင်ခွင့်ရအောင် ခေါ်ချင်တာ။ Linda က အစကတော့ ငြင်းပေမယ့် နောက်ပိုင်း လိုက်လာခများများစားစားရမယ်လည်းဆိုရော ခေါင်းညှိတ်ပြီးလက်ခံလိုက်တယ်။ ဒီလိုနဲ့တိုက်အိုကြီးဆီရောက်ပြီး အစပိုင်းကတော့ အေးအေးဆေးဆေးပဲ၊ မျက်နှာပြောင်လိုက်၊ သရဲအခြောက်ခံရချင်ယောင်ဆောင်လိုက်နဲ့ပေါ့။ ဖြစ်ချင်တော့ သူတို့လွှင့်နေတဲ့ Live က လိုင်းကျပြီး ပျောက်သွားတယ်။ Viewer လေးကလည်း နည်းနည်းများလာပြီဆိုတော့ စိတ်ကလည်းခပ်ပါပါနဲ့ တိုက်စောင့်ရော ရဲတွေကကြိုးတားပြီး တားမြစ်ထားတဲ့ဘက်ကို လိုင်းမိလိုမိငြားနဲ့ အဖွဲ့လိုက်သွားကြတဲ့အချိန်မှာ စတော့တာပါပဲ။ အဲဒီဘက်အခြမ်းမှာ ချိတ်ပိတ်ထားတဲ့အခန်းတစ်ခန်းရှိတယ်။ သူတို့ထဲမှာ ကြောက်တဲ့သူကကြောက်နေပေမယ့် အဖွဲ့လိုက်ဆိုတော့ စိတ်ကြွပြီးအခန်းထဲဝင်သွားတဲ့အခါမှာတော့ သူတို့ဘဝရဲ့မမေ့နိုင်စရာ ညတစ်ညနဲ့ကြုံတွေ့ဖို့ အကြောင်းဖန်လာခဲ့တော့တယ်။ ဒီဇာတ်ကားက ထွက်တာလည်းတစ်ရက်တောင်မပြည်သေးဘူးဆိုပေမယ့် IMDB မှာတော့ 5.6 Rating ကိုရထားပါတယ်။ Horror တွေဆို Rating စုတ်တာထုံးစံလိုဖြစ်နေကြောင့် 5.6 လောက်ဟာ Entertain ဖြစ်ပြီး ကြည့်လို့ကောင်းတဲ့အနေအထားမှာရှိတယ်လို့ ပြောလို့ရပါတယ်။ ဒါ့အပြင် ဒီဇာတ်ကားမှာ သိပ်ထင်မထားကြတဲ့ Plot Twist တချို့လည်းပါတာကြောင့် စိတ်ဝင်တစားကြည့်ရှုရမယ့် ဇာတ်ကားတစ်ကားပဲဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ Myo Thant Kyaw ပါ) File Size : (1.50 GB) , (750 MB) Quality : NF WEB-DL (1080p 5.1,720p) Running Time : 1hr 37min Format : Mp4 Genre : Adventure, Fantasy, Horror Subtitle : Myanmar Subtitle (Hard Sub) Source : 1080p.NF.WEB-DL.DDP5.1.H.264-Beeru Translated by Myo Thant Kyaw Encoded by THZ

အသစ်ထွက် အင်ဒိုနီးရှား action ကားသစ်လေးပါ။ IMDb 6.9 အထိရရှိထားတာကြောင့် မဆိုးလှတဲဇာတ်ကားလေးပဲဖြစ်ပါတယ်။ Western နဲ့ Eastern ကိုရောစပ်ရိုက်ကူးထားပြီး အတော်အသင့်ကြည့်ကောင်းတဲ့ဇာတ်ကားလေးပါ။ အင်ဒိုနီးရှားဆူလ်တန်ဘုရင်တွေအုပ်စိုးခဲ့တဲ့နယ်မြေတွေပေါ်ဒတ်ချ်တွေ ကိုလ်ုနီလာပြုတဲ့အချိန်ကာလကို နောက်ခံထားရိုက်ကူးထားတာပဲဖြစ်ပါတယ်။ Reviews ကောင်းကောင်းတွေလည်းရရှိထားတဲ့ဇာတ်ကားပါ။ Rotten Tomato မှာလည်း 78% အထိရရှိထားပါသေးတယ်။ ကြည့်ရတာအရသာမရှိဖြစ်စေမှာတော့မဟုတ်ပါဘူး။ ကြည့်ကောင်းတဲ့ action ကားတစ်ကားဖြစ်တာကြောင့် အပန်းဖြေကြည့်ရှုရအောင်ညွှန်းပေးလိုက်ရပါတယ်။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုသူရပါ) File Size : (800 MB) and (380 MB) Quality : WEB-DL 720p Running Time : 1h 42min Format : Mp4 Genre : Action Subtitle : Myanmar Subtitle (Hard Sub) Source : WEB-DL 1080P X264 AAC - JeeJa Translated by Thura Zarni Aung Encoded by Thanhtike Zaw

Polis Evo 2 (2018) IMDb - 7/10 ဒီရုပ်ရှင်ကတော့ Polis Evo (2015)ရဲ့အောင်မြင်မှုနဲ့အတူ နောက်ဆက်တွဲရုပ်ရှင်အဖြစ် ဆက်လက်ထွက်ရှိလာခဲ့တာပါ။ မလေးရင်းဂစ် ရှစ်သန်းကျော်သုံးပြီး နှစ်ဆယ့်သုံးသန်းကျော်ပြန်ဝင်ခဲ့တဲ့ ရုံတင်ကားတစ်ကားပဲဖြစ်ပါတယ်။ မလေးရှားရုပ်ရှင်ဇာတ်လမ်းကောင်းတွေစာရင်းမှာ နံပါတ်တစ်ဆယ်အတွင်းချိတ်ခဲ့တဲ့ ရုံတင်ကားတွေထဲက တစ်ကားပါပဲ။ ပထမဇာတ်လမ်းထဲမှာ ကိုင်နဲ့ ဆာနီတို့ အင်စပက်တာကြီးနှစ်ယောက် မူးယစ်ဂိုဏ်းတစ်ခုကို ချေမှုန်းပြီးတဲ့နောက် ဒီဇာတ်လမ်းမှာတော့ အကြမ်းဖက်အဖွဲ့အစည်းတစ်ခုနဲ့ ရင်ဆိုင်ရမှာပါ။ မူးယစ်ဆေးထုတ်လုပ်မှုကိုဝင်စီးရင်း အကြမ်းဖက်ခေါင်းဆောင်ကို ဖမ်းမိရာကစ သူတို့ခေါင်းဆောင် ပြန်လွှတ်ပေးဖို့အရေး ကျွန်လေးတစ်ကျွန်းပေါ်က ရွာသူရွာသားတွေကို ဓားစာခံလုပ်ပြီး တောင်းဆိုပါတယ်။ ဒီမှာပဲ အမှုတစ်ခုကိုလိုက်နေတဲ့ ကိုင်နဲ့ ဆာနီတို့က အဲဒီကျွန်းလေးပေါ်ရောက်နေရက်နဲ့ ကြုံတော့ အရင်ရုပ်ရှင်လို အခွီတွေ အက်ရှင်တွေနဲ့ ကြည့်ပျော်စေဦးမှာပါဗျ။ (aungmo3han ဘာသာပြန်ထားပါတယ်) Genre..... Action, Adventure, Crime Quality…. 1080p | 720p File size… 1.7GB | 919MB Format… mp4 Duration…. 2h 5min Subtitle…. Myanmar Subtitle (Hardsub) Translator ..... aungmo3han Encoder ..... Aaron

The Raid 2 (2014) Berandal IMDb Rating (7.9) / Rotten Tomatoes (83%) 2011 ကထွက်ထားတဲ့ The Raid: Redemption ရဲ့အဆက်ဖြစ်ပြီး တခြားအဆက်ကားတွေနဲ့မတူ Rating တွေတောင် ပိုလို့ကောင်းလာတဲ့ Sequel ကားဖြစ်ပါတယ်။ အာရှဇာတ်ကားတွေထဲမှာတော့ တော်တော်လေးကောင်းတဲ့ အက်ရှင်ဇာတ်ကားဆိုတာ ငြင်းလို့မရပါဘူး။ ဇာတ်လမ်းအကျဉ်းကတော့ ………. လူဆိုးဂိုဏ်း ခေါင်းဆောင်တွေ၊ စိတ္တဇ ဝေဒနာသည်တွေနဲ့ ပြည့်နေတဲ့ အဆောက်အဦကြီးထဲမှာ တိုက်ခိုက်ပြီး ထွက်ခွာလာတဲ့နောက်ပိုင်း ဂျာကာတာ ရဲသား ရမ်ဟာ အရာအားလုံးဟာ ပြီး ဆုံးသွားခဲ့ပြီ၊ သူဟာ သာမန်ဘဝမှာ နေထိုင်နိုင်ပြီလို့ စဉ်းစားပါတယ်။ သူကြုံခဲ့ရတဲ့ တိုက်ခိုက်မှုကြီးမှာက ရဲနဲ့ လူဆိုးတွေရဲ့ အလောင်းတွေဟာ အခန်းတစ်ခုလုံး ပြည့်မတတ်ပါပဲ။ ဒီလိုအခြေအနေကို ကြုံတွေ့ခဲ့ရတော့ ရမ့်အနေနဲ့ ထပ်ပြီး အမှားတွေ မလုပ်ချင်တော့ဘူး။ သူ့ရဲ့ ပြိုင်ဘက်တွေဟာ ဖြုံလောက်တယ်ဆိုပေမဲ့ ဒီအဆောက်အဦထဲမှာတော့ ကြမ္မာငင်သွားခဲ့ရပါတယ်။ ဒါပေမဲ့ သူ့မိသားစုကတော့ အန္တရာယ်ရှိနေပါပြီ။ ရမ့်အနေနဲ့ သူ့ဇနီးနဲ့ မွေးကင်းစအရွယ် သားငယ်ကို ကာကွယ်ဖို့သာ ရွေးချယ်စရာ ရှိပါတော့တယ်။ ဒါကြောင့် သူဟာ ဒုစရိုက်လောကကို လျှို့ဝှက်ဝင်ရောက်ရ ပါမယ်။ ခြစားနေတဲ့ နိုင်ငံရေးသမားတွေနဲ့ ရဲတွေဆီကို ပြိုင်ဆိုင်နေတဲ့ အင်အားစုတွေကို အဆင့်ဆင့် ဝင်ရောက်ရမှာပါ။ ရောက်ပြီဆိုမှ သူတို့ရဲ့ အပြုအမူတွေကို ရပ်တန့်ဖို့ လုပ်ဆောင်ရမှာ ဖြစ်ပါတယ်။ ဒီလိုနဲ့ ရမ်ရဲ့ ရှည်လျားတဲ့ ခရီးကြမ်းကြီးကို စတင်ခဲ့ပါတယ်။ ဒီခရီးဟာ သူ့ရဲ့ ကိုယ်ပိုင်ဘဝကနေ ကွဲထွက်ပြီး အကြမ်းဖက်မှုတွေ ကျူးလွန်တဲ့ ယုဒါ့အဖြစ် တာဝန်ပေးအပ်ခံရတယ်။ ထောင်ထဲမှာတော့ သူဟာ နာမည်ကြီး လူဆိုးဂိုဏ်းမှာ အခရာတစ်ဦးရဲ့သား ယူကိုရဲ့ ယုံကြည်မှုကိုရရှိခဲ့ပြီး လူဆိုးဂိုဏ်းနဲ့ ဆက်သွယ်ဝင်ရောက်တယ်။ နောက်ပိုင်းမှာတော့ ဆိုးဆိုးရွားရွား အခြေအနေမှာ ရောက်ရှိနေတဲ့ အဖွဲ့အစည်းကြီးကို အဆုံးသတ်သွားစေဖို့ ဘဝတစ်ခုလုံး ပုံအောပြီးကြမ်းကြမ်းရမ်းရမ်း ဆောင်ရွက်သွားတာတွေကို တွေ့မြင်ရမှာ ဖြစ်ပါတယ်။ ဇာတ်ကားကောင်းလေးအဖြစ် တော်တော်များများက ရွေးချယ်မှတ်ချက်ပေးထားတာကို တွေ့ရလို့အက်ရှင်ကားတွေကြိုက်တဲ့ ပရိတ်သတ်ကြီးအတွက် ဖော်ပြလိုက်ပါတယ်။ (ရုပ်ရှင်အညွှန်းကို peoplemm website မှကူးယူဖော်ပြပါသည်။) File size…(7.2 GB) / (2 GB )/ (1.3 GB) Quality…BluRay Uncut Version 4K HEVC/ 1080p HEVC / 720p Format…mkv/mp4 Duration….02:30:00 Subtitle….Myanmar Subtitle (Hardsub) Encoder….Ka Naung Translated by Alias

ဒီတစ်ခါမှာတော့ Horror ဇာတ်ကားကောင်းကောင်းလေးတွေကိုမှ ကြည့်ရှုရတာ ကြိုက်နှစ်သက်ပါတယ်ဆိုတဲ့ ပရိတ်သတ်ကြီးကို rating 6.4/10 အထိရရှိထားတဲ့ Macabreဆိုတဲ့ အင်ဒိုနီးရှားဇာတ်ကားကောင်းလေး တစ်ကားနဲ့မိတ်ဆက်ပေးပါရစေ ဒီဇာတ်ကားကို Kimo Stamboel က ဒါရိုက်တာအဖြစ်ကော ဇာတ်ညွှန်းရေးဆရာ အဖြစ်ကော တာဝန်ယူရိုက်ကူးထားပြီး အင်ဒိုနီးရှားရုပ်ရှင်သရုပ်ဆောင် အကျော်အမော်တွေဖြစ်တဲ့ မင်းသား Ario Bayuနဲ့ မင်းသမီး Julie Estellaကပါဝင်အားဖြည့်ရိုက်ကူးထားပါတယ် ဇာတ်လမ်းအစမှာ မိဘတွေအက်ဂျီကြောင့် ကားမတော်တဆမှုဖြစ်ပြီးဆုံးသွားလို့ ခပ်တန်းတန်းဖြစ်သွားတဲ့ ညီမဖြစ်သူ လိုင်ဒီယာနဲ့ အက်ဂျီတို့ မောင်နှမနှစ်ယောက်ကို ပြန်လည်ပေါင်းစည်းဖို့ကြိုးစားကြပုံနဲ့ အစပျိုးထားပါတယ် အဲ့နောက်မှာတော့ ညီမဖြစ်သူလိုင်ဒီယာတစ်ယောက် အကိုဖြစ်သူတို့အက်ဂျီနဲ့ဇနီးဖြစ်သူ ကိုယ်ဝန်သည် အက်စ်ထရစ်တို့ အတူတူဂျာကာတာမြို့ကိုသွားတော့မှာဖြစ်တဲ့အတွက် လိုက်ပို့လိုက်ပါတယ် ဒီလိုနဲ့ အက်ဂျီတို့ငါးယောက် ဂျာကာတာကိုသွားတဲ့လမ်း ညကြီးမိုးချုပ်မှာ လမ်းမှာ မျှော်လင့်မထားဘဲ ကောင်မလေးတစ်ယောက် ဒုက္ခရောက်နေတာတွေ့လို ကူညီဖို့ဆုံးဖြတ်လိုက်ကြပြီး ကားအသွားမလာမရှိတာနဲ့ အိမ်အထိလိုက်ပို့ ပေးလိုက်ကြပါတယ် သူတို့တစ်တွေ လမ်းမှာကူညီပေးလိုက်တဲ့ ကောင်မလေး နာမည်ကဆိုနီဖြစ်ပြီး ကောင်မလေးအိမ်ကိုရောက်တဲ့အခါမှာတော့ ထင်မှတ် မထားတဲ့အရာတွေနဲ့တွေ့ကြုံလိုက်ရပါတော့တယ် အဲ့တာကတော့ ဆိုနီတို့မိသားစုဟာ အိမ်ကိုရောက်လာတဲ့ ဧည့်သည်တွေကို စားကောင်းသောက်ဖွယ်တွေနဲ့ ဧည့်ခံကျွေးမွေးပြီး ဆေးခတ်ကာ ရက်ရက်စက်စက်သတ်ဖြတ်ပြီး ကလိစာတွေကို လူချမ်းသာတွေထံပြန်လည်ရောင်းချတာပဲ ဖြစ်ပါတယ် သူတို့တွေ ဒီအိမ်ကြီးမှာ ဘယ်လိုရက်စက်မှုအပေါင်းသရဖူဆောင်းထားတဲ့လုပ်ရက်တွေကို ရင်ဆိုင်ကြုံတွေ့ကြမလဲ သူတို့တွေ ဒီအိမ်ကြီးကနေ အသက်ရှင်လျက်လွတ်မြောက်အောင် ဘယ်လိုတွေ ကြိုးပမ်းကြမလဲ အဲ့ဒီနောက် သူတို့တစ်တွေ ဒီအိမ်ကြီးကနေကော အသက်ရှင်လျက် လွတ်မြောက်နိုင်ပါ့မလား ဆိုတာကိုဒီဇာတ်ကားလေးထဲမှာ လိုက်ပါစီးမျောခံစား ကြည့်ရှုလိုက်ပါဦး ဒီဇာတ်ကားက Horror,Drama&Thriller ဖြစ်ပြီး ကြည့်ရှုသူပရိတ်သတ်က ဟာခနဲ့ ဟင်ခနဲ့ဖြစ်သွားအောင် မျက်တောင်မခတ်ကြည့်ရှုရမယ့် ဇာတ်ကားဖြစ်ပါတယ် ဒီဇာတ်ကားဟာ အင်ဒိုနီးရှားHorrorကားဖြစ်တာနဲ့အညီ သွေးသံရဲရဲအခန်းတွေ ပါဝင်တဲ့အတွက် ကလေးငယ်လေးတွေ ကြည့်ရှုဖို့မသင့်တော်ဘူးဆိုတဲ့အကြောင်းကို ကြိုတင်အသိပေးပါရစေ.... File size…1.87GB / 857MB Quality…Blu-Ray 1080p 5.1 CH/ 720p Format…mp4 Duration….1h 35m Genre ….. Drama , Horror , Thriller Subtitle….Myanmar Subtitle (Hard Sub) Encoder….Min Wai Translated by Eh Phaw