Minami Hamabe ပါဝင်သော ဇာတ်ကားများ

Until We Meet Again (2026) IMDB - 7.0/10 ၂၀၀၈ ခုနှစ်က အော်စကာဆုပါ ရရှိခဲ့တဲ့ Departures ဆိုတဲ့ ဂျပန်ကားလေးကို ကြည့်ဖူးကြလားမသိဘူး။ သူက ဂျပန်ရိုးရာ ဈာပနတို့ နာရေးတို့ ပြင်ဆင်ပေးတဲ့သူတစ်ယောက်ရဲ့ နိစ္စဓူဝကို ရိုးရိုးရှင်းရှင်းနဲ့ အနုပညာမြောက်မြောက် ဖော်ကျူးထားတဲ့ဇာတ်ကားကောင်းတစ်ကားပေါ့။ နောက်ပြီးတော့ ၂၀၀၅ ခုနှစ်တုန်းကလည်း ဟောလိဝုဒ်ကနေ သရဲဝိဉာဉ်တွေကို မြင်တွေ့နိုင်တဲ့အစွမ်းရှိတဲ့ကောင်မလေးတစ်ယောက်က သူတို့အခက်အခဲတွေကို ကူညီဖြေရှင်းပေးပြီး တမလွန်ဘဝကူးနိုင်အောင် ကူညီပေးတဲ့ Season 5 ထိရှိခဲ့တဲ့ နာမည်ကြီး စီးရီးလေး Ghost Whisperer ဆိုတာလည်း ရှိပြန်တယ်။ ပြောချင်တာကတော့ ကျွန်တော့်အမြင်အရမှာတော့ ဒီဂျပန်ကားလေးက အဲဒီဇာတ်လမ်းဇာတ်အိမ် ၂ ခုကို ပေါင်းစပ်ထားသလိုဖြစ်ပြီး သူ့နည်းသူ့ဟန် သူ့လမ်းကြောင်းနဲ့သူ ရိုက်ထားတဲ့ ဒရမ်မာဇာတ်လမ်းကောင်းလေးပဲ ဖြစ်ပါတယ်လို့။ ဒါဟာ နာမည်ကျော် စာရေးဆရာမ Yoko Nagatsuki ရဲ့ ဝတ္ထုကို ရုပ်ရှင်အဖြစ် အသက်သွင်းထားပြီး၊ ၂၀၂၆ ခုနှစ်အတွင်း ဂျပန်ရုပ်ရှင်လောကမှာ မျက်ရည်အကျစေဆုံးနဲ့ ရင်ထဲကို အနွေးဓာတ်အပေးနိုင်ဆုံး လူမှုဘဝနှင့် သံယောဇဉ် ဒရာမာ ရုပ်ရှင်ကားကြီးလည်း ဖြစ်ပါတယ်။ ဇာတ်လမ်းအကျဉ်းလေပြောရမယ်ဆို မီဆိုရာဆိုတဲကောင်မလေးက သေဆုံးပြီး မကျွတ်မလွတ်ဖြစ်နေသေးတဲ့သူတွေကို တစ်ခါတလေမှာ မြင်တွေ့ရတတ်ပြီး ကူညီပေးတတ်သူတစ်ယောက်။ ဒါပေမဲ့ သူကိုယ်တိုင်ကလည်း အလုပ်မရသေးလို့ အလုပ်ပေါင်းစုံလျှောက်ပြီး ရုန်းကန်နေရသူလေး။ တစ်နေ့မှာတော့ သေဆုံးသူအမျိုးသမီးတစ်ယောက်ကို ကူညီမိရာကနေ နာရေး ဈာပနအခမ်းအနား စီစဉ်ပေးသူ အုရုရှိဘာရာဆိုတဲ့ ယောက်ျားတစ်ဦးနဲ့ ဆုံစည်းခဲ့ရပါတယ်။ အုရုရှိဘာရာက မီဆိုရာဟာ သေဆုံးသူတွေကို မြင်တွေ့နိုင်တဲ့စွမ်းရည်ရှိတာကို ယုံကြည်ပြီး ဒီစွမ်းရည်ကို အသုံးချပြီး ကွယ်လွန်သူတွေနဲ့ နာရေးရှင်တွေကို ကူညီဖေးမဖို့အတွက် သူ့လုပ်ငန်းမှာ အလုပ်သင်အဖြစ် လုပ်ကိုင်ဖို့ စည်းရုံးဖိတ်ခေါ်လိုက်ပါတော့တယ်။ အဲဒါနဲ့ အလုပ်မရှိလို့ယောင်နေတဲ့ မီဆိုရာလည်း လုပ်ကြည့်မယ်ဆိုရာကနေ လုပ်ကြည့်တဲ့အခါ တကယ်တမ်းအလုပ်ခွင်အတွင်း အုရုရှိဘာရာတစ်ယောက် ဘယ်လိုတင်းကျပ်ပြီး မီဆိုရာ ဘယ်လိုအခက်တွေ့ရမလဲ ကြုံဆုံလာတဲ့ နာရေးပြဿနာလေးတွေကို နှစ်ယောက်သား ဘယ်လိုမျိုး ကိုယ်စီကျွမ်းကျင်ရာ အရည်အချင်းလေးတွေနဲ့ ဖြေရှင်းကြမလဲ နှစ်ယောက်သားမှာလည်း နောက်ကွယ်မှာ ဘယ်လိုဇာတ်လမ်းလေးတွေ ရှိနေခဲ့ကြဦးမလဲဆိုတာတွေအပြင် သေဆုံးခြင်းဆိုတဲ့အရာဟာ အဆုံးသတ် ကြောက်စရာတစ်ခုမဟုတ်ပဲ နွေးထွေးတဲ့နှုတ်ဆက်ခြင်းဆိုတာ၊ ချစ်ခြင်းမေတ္တာရဲ့ နောက်ဆုံးလက်ဆောင်တစ်ခု ဖြစ်တယ်ဆိုတာကို သက်သေပြသွားတဲ့ ရင်ထဲစွဲကျန်ရစ်မယ့် ဂျပန် ဒရာမာ ရုပ်ရှင်ကားကောင်းကြီး ဖြစ်ပါတယ်...။ မင်းသားနေရာက My Happy Marriage တို့ Trillion Game တို့ရဲ့သရုပ်ဆောင် အဆိုတော် Ren Meguro ဖြစ်ပြီး ချစ်စရာ မင်းသမီးလေးနေရာကတော့ Godzilla Minus One တို့ Let Me Eat Your Pancreas တို့ထဲက သရုပ်ဆောင် Minami Hamabe လေးဖြစ်ပြီး တခြားသော ဂျပန်နာမည်ရှိ သရုပ်ဆောင်များလည်း ပါဝင်ထားကြပါသေးတာမို့ ပိုလို့တောင် ကြည့်လို့ကောင်းဦးမှာ အသေအချာပါပဲဗျာ...။

Under Ninja (2025) +++++++++ ဒီတစ်ခါ တင်ဆက်ပေးမှာကတော့ Under Ninja မန်ဂါကို ပြန်လည်အသက်သွင်း ရိုက်ကူးတင်ဆက်ထားတဲ့ Action-Comedy အမျိုးအစား ဂျပန်နင်ဂျာဇာတ်ကားလေးဖြစ်ပါတယ်။ amazaki Kento၊ Hamabe Minami၊ Miyase Ryubi စတဲ့ အဆင်လေးတွေ ငမ်းရင်း ဂျပန်နင်ဂျာကို ကြည့်ရှုခံစားနိုင်ဖို တင်ဆက်ပေးလိုက်ပါတယ်။ ဇာတ်လမ်းအကျဉ်း +++++++ လွန်ခဲ့တဲ့ နှစ်ပေါင်း ၇၀ လောက်က ဖျက်သိမ်းခံလိုက်ရတဲ့ နင်ဂျာအဖွဲတွေထဲမှာ NIN ဆိုတဲ့ နင်ဂျာအဖွဲတစ်ခုကတော့ မြေအောက်အဖွဲအနေနဲ့ လျှိဝှက်စွာ ဆက်လက်ဖွဲစည်းပြီး လက်ရှိကာလအထိ လုပ်ကိုင်နေခဲ့ပြီး အဲဒီ NIN အဖွဲရဲ့ လုပ်ဆောင်ချက်တွေကို UNDER NINJA (UN) ဆိုတဲ့ နင်ဂျာအဖွဲက စိန်ခေါ်တိုက်ခိုက်လာပါတော့တယ်။ သတင်းအရ UN အဖွဲထဲက ခုမိုဂါခုရဲ ကူရိုဆိုတဲ့သူကို NIN တွေ စိမ့်ဝင်နေတဲ့ အထက်တန်းကျောင်းကို ဝင်ရောက်ပြီး တာဝန်ထမ်းဆောင်ဖို စေလွှတ်ခဲ့တဲ့အခါမှာတော့ အထီးကျန် ပျင်းရိနေတဲ့ ကူရို တစ်ယောက် အထက်တန်းကျောင်းသားအဖြစ် ဟန်ဆောင်ပြီး ကျောင်းပြန်တက်ရပါတော့တယ်။ ကျောင်းမှာ ရန်ဘက်နင်ဂျာတွေနဲ့ အတန်းဖော်သူငယ်ချင်းတွေအကြား ခုမိုဂါခုရဲ ကူရိုတစ်ယောက် သူ့ရဲ့တာဝန်တွေကို ထမ်းဆောင်နိုင်ပါ့မလား... NIN နဲ့ UN နင်ဂျာအဖွဲကြားမှာ ဘယ်အဖွဲက အနိုင်ရသွားမလဲ... ဆိုတာတော့ ဇာတ်လမ်းလေးထဲမှာပဲ ဆက်လက်ရှုစားပေးပါဦးနော်။ File Size… (1.43GB) / (860MB) Quality… WEB-DL 1080p HEVC /720p Format…mkv / mp4 Duration…2h 3m Genre … Spy , Action , Comedy Subtitle….Myanmar Subtitle (Hard Sub)

Silent Love ( 2024 ) ဇာတ်အိမ်လန်းလန်းနဲ့ ဂျပန်ရိုမန့်တစ်ရုပ်ရှင်ပါ။ ပုံမှန်ဂျပန်ရုပ်ရှင်တွေလို အရမ်းငြိမ်နေတဲ့ပုံစံနဲ့သွားတာမဟုတ်လို့ ဂျပန်ရုပ်ရှင်ပရိသတ်မဟုတ်တဲ့ အာရှရုပ်ရှင်ပရိသတ်တွေအတွက်လည်း အကြိုက်တွေ့လောက်မယ့် ရုပ်ရှင်ပါပဲ။  ရိုမန့်ကားတွေမှာ ပြဿနာက မတူတဲ့ပုံစံတစ်ခု အသစ်ထွက်လာဖို့ တော်တော်ခက်ခဲတာပါပဲ။  ဖြစ်နိုင်သလောက် အကုန်လုံးရိုက်ပြပြီးပြီ။ ထပ်ကျော့လည်း ရိုက်ပြခဲ့ပြီးပြီ။ အသစ်ကောင်းကောင်းတစ်ခုခုပေါ်လာဖို့က တော်တော်ကြုံတောင့်ကြုံခဲလိုဖြစ်နေတယ်။ ဒါက ဇာတ်အိမ်ကို အဓိက အခြေအတည်တဲ့ အမျိုးအစားအတွက်ပဲ ပြောတာပါ။ ပြောရရင် ဒီကားကို စစဖွင့်ချင်းတုန်းက ကျွန်တော်လည်း မျှော်လင့်ချက်မထားထားတော့ စစအခန်းနဲ့တင် နာမည်ကြီးရိုမန့်ကားထဲက အခန်းပဲဟ။ ဒါထပ်ရိုက်ပြဦးမှာလားတွေးမိပေမဲ့ ထင်တာနဲ့တော့ လွဲသွားတယ်။ ဒီတော့ ရိုးအီနေမှာစိုးလို့ ရိုမန့်မကြည့်ဖြစ်တော့ရင်တောင် ဒီကားတော့ စမ်းကြည့်သင့်တယ်ထင်တာပါပဲ။ ဇာတ်ကတော့ ပီယာနိုတီးတာက ဘဝတစ်ခုလို့ ခံယူထားတဲ့ ကောင်မလေးတစ်ယောက်ရှိတယ်။ တစ်နေ့ သူက မျက်စိကွယ်သွားတော့ သတ်သေဖို့လုပ်တယ်။ ဒါကို သန့်ရှင်းရေးသမားကောင်လေးက ကယ်လိုက်တယ်။ အဲဒီကောင်လေးကလည်း စကားမပြောနိုင်ဘူး။ ဒီကနေသူတို့ရေစက်စတယ်ပေါ့။ ဒီလိုနဲ့ ကောင်မလေးက ပြန်ကောင်းဖို့လမ်းစလည်းရတော့ ဆက်ရှင်သန်ဖို့ကြိုးစားတယ်။ ကောင်လေးကလည်း ကောင်မလေးကျောင်းမှာ အလုပ်လုပ်နေတော့  သူတို့ ရေစက်ထပ်ဆုံဖို့ဖြစ်လာတယ်။ ဒီကနေ မတူတဲ့ဘဝနှစ်ခု ရေစက်ဆုံရာက အိပ်မက်တွေသက်သက်ပဲဖြစ်သွားမလား။ တကယ်ဖြစ်လာမလား တခြားအကွေ့အချိုးတွေနဲ့ ဆက်ကြည့်ရမှာပါ။ နောက်ထပ်ကာရိုက်တာ တစ်ယောက်နဲ့အချိတ်အဆက်လုပ်ထားတာလည်း ရှိသေးတာမို့ ဇာတ်လမ်းအစစ်က ကျွန်တော်အကျဉ်းပြောခဲ့သလောက်တော့ ပျင်းဖို့မကောင်းပါဘူး။ လွယ်လွယ်လေးပြောရရင် ဒီဇာတ်လမ်းက ကမ္ဘာချင်းမတူတဲ့ မျက်မမြင်ကောင်မလေးနဲ့ အအကောင်လေးရဲ့ မဖြစ်နိုင်တဲ့အချစ်တစ်ခုကို ဖြစ်အောင်လုပ်ကြည့်ကြတဲ့အကြောင်းပါပဲ။ ( အညွှန်းနဲ့ ဘာသာပြန်ထားသူကတော့  WiRa Aung ပါ ) File size_(1.9GB)/(950MB) Quality_Blu-Ray 1080p / 720p Format_mp4 Duration_01:50:00 Genre_Drama, Romance Subtitle_Myanmar Subtitle (Hardsub) Encoder_a hao Translated by WiRa Aung

ဂျပန်နိုင်ငံရဲ့ ဂန္ဓဝင် ဂေါ်ဇီလာ ရှေးဟောင်းကားတွေကို အမှတ်တရဖြစ်စေမဲ့ စတိုင်နဲ့ ရိုက်ကူးထားတဲ့နောက်ဆုံးထွက် ဂေါ်ဇီလာကားပဲဖြစ်ပါတယ်။ ဂေါ် ဇီလာအမှတ်တံဆိပ်စတင်ခဲ့ပြီး နှစ် ၇၀ မြောက်အထိမ်းအမှတ်လည်းဖြစ်ပါ တယ်။ ဒီရုပ်ရှင်ဟာ ဘက်ဂျက် ၁၅ သန်းထဲနဲ့ ရိုက်ကူးထားပြီး ဂျပန် နဲ့ အမေ ရိကန်မှာတင် ၇၅ သန်းကျော် ပြန်ဝင်နေပါပြီ။ CGI သုံးထားတာဖြစ်ပေမဲ့ ဂန္ဓဝင် အရုပ်စတိုင်အတိုင်း တူအောင် ပြန်ဖန်တီးထားတာလည်းတွေ့ရပါတယ်။ IMdb မှာလည်း 8.4 တောင်ရရှိထားပါတယ်။ Godzilla (2014) ရဲ့ ဒါရိုက်တာ Gareth Edwards ကတော့ ဂေါ်ဇီလာရုပ်ရှင်ဆိုတာ ဒီလိုဖြစ်ရမှာဆိုပြီး အားကျသံကြီးနဲ့ မှတ်ချက်ပေးသွားပါသေးတယ်။ ဇာတ်လမ်းအကျဉ်း - ဂေါ်ဇီလာရဲ့ မူလဂျပန်နာမည်ကတော့ ဂေါ်ဂျီရာဖြစ်ပြီ ဂေါ်ရီလာ (ဂျပန်သံ ဂေါ် ရီရာ) နဲ့ ဝေလငါး ကူဂျီရာတို့ကို ပေါင်းခေါ်ထားတာပါ။ ဂေါ်ဇီလာဆိုတာ သမိုင်း မတင်ခင် လက်ကျန် တွားသွားသတ္တဝါမျိုးနွယ် အနေနဲ့ ပင်လယ်ကြမ်းပြင်အောက် မှာ ရှိနေခဲ့တဲ့ သတ္တဝါကြီးပါ။ ဟိုက်ဒရိုဂျင်ဗုံး စမ်းသပ်မှုကြောင့် သူ့အသိုက်နဲ့ ဆွေ မျိုးတွေ ပျက်စီးသွားပြီးနောက် ဒေါသတကြီးနဲ့ ကုန်းမြေပေါ်ကို တက်လာတာလည်း ဖြစ်ပါတယ်။ သူ့လမ်းကြောင်းမှာရှိတဲ့အရာတိုင်းကို ဖျက်ဆီးပစ်ပြီး အဏုမြူဓာတ် ရောင်ခြည်တွေကိုလည်း စုပ်ယူနိုင် ပြန်သုံးနိုင်ပါတယ်။ ဂေါ်ဇီလာရဲ့ ဇစ်မြစ်ဟာ အဏု မြူဆန့်ကျင်ရေး သင်္ကေတအတွက် ရည်စူးပြီး စတင်ခဲ့တာပါပဲ။ ဟောလိဝုရုပ်ရှင်တွေမှာ ဂေါ်ဇီလာကို သတ္တဝါဆိုးကြီးအနေနဲ့ပဲ ပုံဖော်တာမျိုးပေမဲ့ ဂျပန်တွေမှာတော့ ဂေါ် ဇီလာဟာ သတ္တဝါကြီးတစ်ပိုင်း နတ်ဘုရားတစ်ပိုင်းအနေနဲ့ ပုံဖော်ခံရတာများပါတယ်။ နတ်ဘုရားဆိုပေမဲ့ ဒေါသကြီးပြီး ဖျက်ဆီးတတ်တဲ့ နတ်ဘုရားမျိုးကို ပုံဖော်ထားတာပါ။ 1954 ပထမဆုံးဂေါ်ဇီလာရုပ်ရှင်ကို ရုံတင်ချိန်မှာ လာကြည့်ကြတဲ့ ဂျပန်နိုင်ငံသားတွေ မျက်ရည်တွေနဲ့ ထွက်လာခဲ့ကြတယ်ဆိုရင် အခြားနိုင်ငံသားတွေနားလည်နိုင်မှာမဟုတ် ပါဘူး။ ဒုတိယကမ္ဘာစစ်အဆုံးမှာ အနုပညာရှင်တွေ နဲ့ နိုင်ငံရေးသမားတွေဟာ အဏုမြူ ဗုံးကိစ္စကို ပေါ်တင်ဆွေးနွေးခွင့် ရှုံ့ချခွင့်မရကြပါဘူး။ ဒါကြောင့်ပဲ ဟီရိုးရှီးမားနဲ့နာဂါဆာ ကီတို့ရဲ့ အဖြစ်ဆိုးကို ဂေါ်ဇီလာနဲ့ တင်စားပြခဲ့တာပါ။ ဂေါ်ဇီလာရဲ့ ကျောက ဆူးတောင် တွေဟာ အဏုမြူဗုံးဒဏ်ရာကြောင့် အမာရွတ်ကြီးတွေဖြစ်လာတာဖြစ်ပြီး ဂျပန်တွေရဲ့ ရင်ထဲက အမာရွတ်ကြီးကို ပုံဆိုးပန်းဆိုးတမင်လုပ်ပြီး ဖော်ပြထားတာပါ။ ဟောလိဝုရုပ် ရှင်အချို့ဟာ ဒီဆူးတောင်တွေကို လှအောင်တောင် ပြင်လိုက်ပါသေးတယ်။ ဒီဇာတ်လမ်းဟာလည်း ဒုတိယကမ္ဘာစစ်ပြီးကာစ လေကြောင်းတိုက်ပွဲတွေကြောင့် ပြန်နာ လံထူနေစ ဂျပန်နိုင်ငံ ဂေါ်ဇီလာတိုက်ခိုက်ခံရတာနဲ့ အစပြုခဲတာပါ။ စစ်အပြီးသုညအချိန်မှာ ဂေါ်ဇီလာတိုက်ခိုက်မှုဟာ သုညမှ အနုတ်သို့လို့ ဆိုလိုပြီး Minus One ဆိုတဲ့နာမည်ကို ပြန်သုံးခဲ့တာပါ။ ဒီရုပ်ရှင်ဟာ မူလဂေါ်ဇီလာ စတင်တိုက်ခိုက်တဲ့ အိုဒိုကျွန်းကနေပဲ စတင် ထားပြီး၊ စစ်အပြီးလက်နက်တွေဖြုတ်သိမ်းနေချိန် ပြန်အပ်နေချိန်မှာ ရှိမဲ့စုမဲ့ အင်အားလေးနဲ့ ဂေါ်ဇီလာကို ရန်ဆိုင်ကြပုံတွေကို ပြသထားတာဖြစ်ပါတယ်။ ဒါကြောင့် ခုနှစ်ပိုင်းမှာ လူတွေ ကြည့်ထားတဲ့ နောက်ဆုံးပေါ် Monsterverse က တိုက်ပွဲအကြမ်းတွေကို မြင်ရမှာမဟုတ် ပါဘူး။ လေယာဉ်နောက်မြီးတောင်ပံလေးထပ်တပ်နိုင်တာကိုတောင် တအံ့တဩဖြစ်ရတဲ့ လေယာဉ်စက်ပြင်ဆရာတွေ၊ ခုန်ထွက်ခလုတ်ဆိုတာဘာမှန်းမသိတဲ့ပိုင်းလော့တွေကိုပဲ မြင် ရမှာပါ။ ဒီတော့ ကိုယ်တွေရဲ့ ကလေးဘဝတွေကို အလွှမ်းမိုးဆုံးဇာတ်ကောင်တွေထဲက တစ်ခု ဖြစ်တဲ့ ဂေါ်ဇီလာရဲ့ အမှတ်တရရုပ်ရှင်အဖြစ် ခံစားကြည့်လိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(6.2 GB) / (2.02 GB) / (1.05 GB) Quality............BLU-RAY 4K HEVC / 1080p / 720p Duration.........2Hr 04Min Subtitle...........Myanmar Hardsub Format............MKV / MP4 Genre..............Action, Adventure, Drama Translator.......Mr.Anderson Encoder..........SWM

Shin Kamen Rider (2023) ~ IMDb - 6.6/10, Rotten Tomatoes - 82% ~ မှတ်မှတ်ရရဆို Kamen Rider ခေါ် နှံကောင်ရိန်းဂျားကားတွေကို စကြည့်ကြတော့ ပါဝါရိန်းဂျားတွေထက်တောင် စောဦးမယ်။ ဇာတ်ကိုမမှတ်မိရင်တောင် ကလေးဘဝကကြည့်ခဲ့တဲ့သူတွေ တော်ရုံတော့မေ့မှာမဟုတ်ဘူး။ ဟီးရိုးကားပေမဲ့ ရုပ်ထွက်တွေက ဒိဒတ်ပြီး ကြမ်းသကိုး။ ဗီလိန်တွေဆိုလည်း တော်တော်ရွံစရာကောင်းနေတယ်။ ဒီနှစ်မှာတော့ ဒီ Kamen Riderရဲ့ အနှစ်ငါးဆယ်ပြည့်အထိမ်းအမှတ်အနေနဲ့ Shin Kamen Riderဆိုပြီး ထွက်လာတယ်။ ၂၀၂၁မှာပြည့်ဝာာပေမဲ့ ကိုဗစ်ကြောင့် နောက်ကျသွားတာ‌ပေါ့။ ဇာတ်ကလည်း ကျွန်တော်တို့ငယ်ငယ်က ဇာတ်ကိုမှ ဒါရိုက်တာကလည်း Hideaki Anno ဆိုတော့ အတိုင်းအထက်အလွန်ပါပဲ။ Evangelion တွေရဲ့ ပဲ့ကိုင်ရှင် Hideaki Anno ကိုတော့ ဂျပန်အန်နမဲဖန်တွေထဲ မသိတဲ့လူမရှိလောက်ဘူး။ သူ့အနေနဲ့ Shin Japan Heroes Universe ဆိုပြီး Shinji Higuchi နဲ့တွဲ ရိုက်ထားတဲ့ လေးကားထဲမှာ ဒီကားက နောက်ဆုံးပိတ်ကားပါပဲ။ ကျန်တဲ့သုံးကားကတော့ Shin Godzilla (2016), Evangelion: 3.0+1.0 Thrice Upon a Time (2021) နဲ့ Shin Ultraman (2022) တို့တွေပါ။ ဒီဘဲကို တစ်ပေါက်လေးစားသွားတာက ဒီယူနီဗာ့စ်ကြီးကို သူတို့ထောင်ထားပေမဲ့ ဒီအကောင်တွေအချင်းချင်းပေါင်းရိုက်ပြီး ငွေရှာဖို့ အစီအစဉ်တော့မရှိဘူး။ ပြောရရင် ဒီဟာတွေကို ရုပ်ရှင်အနေနဲ့ တွဲရိုက်ပြဖို့အစီအစဉ်မရှိဘူး။ သူတို့လုပ်ချင်တာက ပစ္စည်းစုရောင်းတာ အရုပ်ရောင်းတာတို့ တီရှပ်ရှောင်းတာတို့ပေါ့။ ဒါပဲ။ ရုပ်ရှင်ကို သွားမထိခိုက်ဘူး။ ဒါနောက်ဆုံးလို့ ပြောထားတော့ နောက်လည်းထိခိုက်လာဖို့ ရှိမယ်မထင်ပါဘူး။ သူ့ယူနီဗာ့စ်ကြီးကို ဒီမှာတင်ပဲ လှလှပပအပြီးသတ်သွားတယ်။ Cast တွေကတော့ Pale Moon တို့၊ Death Note: Light Up the New World တို့၊ Last Samurai တို့ထဲပါဖူးတဲ့ Sosuke Ikematsu, Let Me Eat Your Pancreas LA ထဲက Minami Hamabe, We Couldn't Become Adultsနဲ့ One Million Yen Girl မင်းသား Mirai Moriyama အပြင် အထူးခြားဆုံးကတော့ ကျွန်တော်တို့ရဲ့ အလှနတ်ဘုရားမ Masami Nagasawa ကလည်း ဧည့်သည်သရုပ်ဆောင်လိုလို ဝင်သရုပ်ဆောင်ထားပါသေးတယ်။ Shin Ultraman မှာလည်း အဓိကဇာတ်ကောင်နေရာက သူပါခဲ့ဖူးပါတယ်။ Cast တွေရော ဇာတ်ရော အပြရော အသံရော ရှယ်ကြမ်းတယ်ဆိုပေမဲ့ သဘောအကျဆုံးက သူ့ဇာတ်ပါပဲ။ ဒါတော့ပုဂ္ဂလိက အမြင်နဲ့ဆိုင်လောက်မယ်။ စူပါဟီးရိုးကားတကာထဲ ကျွန်တော့်အကြိုက်ဆုံး မာစတာပိစ်အဖြစ်ဆုံးလို့ ထင်တဲ့ စူပါဟီးရိုးကားက ဇက်စနိုက်ဒါရဲ့ Watchmen ဆိုတော့ ဒီကားထဲက မိန်းဗီလိန်က Ozymandias အငွေ့အသက် ပြေးပြေးရနေသလို ဒီဗီလိန်တွေဖြစ်ပေါ်လာပုံနဲ့ သူတို့ခံယူချက်တွေကို ကာရိုက်တာသွင်းထားတာရော ဇာတ်လမ်းရောက တော်တော်လေး အထာကျတယ်။ ဆရာ့ဆရာရိုက်တာဆိုတော့လည်း သိပ်တော့လည်းမဆန်းပါဘူး။ ဆန်းတာကတော့ ဒီဘဲ Shin Japan Heroes Universe ဆိုပြီးထောင်လိုက်သလို လေးကားလုံးအောင်မြင်ပေမဲ့လည်း ဒါကိုဆက်မလုပ်တော့တာပါပဲ။ အရုပ်ရောင်းဖို့ယူနီဗာ့စ်ထောင်တယ်ဆိုပေမဲ့လည်း ဒီလိုရပ်နိုင်တာကိုက ဘယ်ယူနီဗာ့စ်နဲ့မှ မတူတဲ့ ယူနီဗာ့စ်ဖြစ်သွားစေတာပါပဲ။ အန်နိုရဲ့တွဲဖက် Shinji Higuchi ကတော့ Marvel Cinematic Universe ရဲ့ဖော်မြူလာအတိုင်းမလိုက်ဘဲ ရုပ်ရှင်တွေကို တစ်ကားချင်းစီသီးခြားပဲ ရိုက်ထားတယ်လို့ ပြောခဲ့ရှာပါတယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.8GB, 805MB Quality - 1080p, 720p IMDb Rating - 6.6/10 Format - mp4 Duration - 2H 1Min Genre - Action, Adventure, Drama Subtitle - Myanmar Subtitle (Hardsub) Translated by WiRa Aung Encoded by Y

မနကိုတနိဟာ အေးအေးဆေးဆေးနေတတ်ပြီး ရှက်တတ်တာကြောင့် လူတွေနဲ့ သိပ်ရောရောနှောနှော မနေဖြစ်တဲ့ မိန်းကလေးတစ်ယောက်ပါ။ သူ့မှာ အရမ်းရင်းနှီးတဲ့သူငယ်ချင်းဆိုလို့ တက္ကသိုလ်စတက်ကတည်းက ခင်လာတဲ့ ဆုမိရဲတစ်ယောက်ပဲ ရှိတယ်။ ဆုမိရဲကတော့ မိန်းကလေးအချင်းချင်းတောင် အားကျရလောက်အောင် ချစ်စရာကောင်းပြီး လူတိုင်းနဲ့ ဝင်ဆံ့သူပါ။ ဆုမိရဲ သေဆုံးသွားတဲ့အခါ ကိုတနိဟာ ဖြေမဆည်နိုင်ဘဲ အတိတ်ထဲမှာပဲ ပိတ်မိနေခဲ့တယ်။ လက်ရှိဘဝကို အဆင်ပြေအောင် ဆက်လျှောက်နေပေမယ့် သူငယ်ချင်းအကြောင်းကို မကြာခဏ ပြန်သတိရနေမိပါတယ်။ ဆုမိရဲရဲ့ ထူးခြားတဲ့ပုံစံတွေ၊ နှစ်ယောက်ကြားက သံယောဇဉ်နဲ့ အတူပျော်ခဲ့ဖူးတဲ့ အဖြစ်အပျက်တွေကို ပြန်တွေးရင်း သူငယ်ချင်းကို လွမ်းဆွတ်နေရတယ်။

Kakegurui ဆိုတဲ့ နာမည်ကြီး psychoဆန်ဆန် ကျောင်းတွင်းလောင်းကစားပွဲတွေနဲ့ ရှင်သန်နေတဲ့ ကိုယ်ပိုင်အထက်တန်းကျောင်းကိုနောက်ခံထားပြီး ရိုက်ကူးထားတဲ့ဇာတ်ကားလေးကို တင်ဆက်ပေးလိုက်ပါတယ်။ Kakegurui ဆိုတာ မန်းဂမှာကတည်းက ဖန်အတော်အသင့်ရထားပြီး anime ကနေတစ်ဆင့် live action အထိအားပေးမှုအခိုင်အမာရထားတာပါ။ ဇာတ်လမ်း အမျိုးအစားကတော့ Drama,Game,Mystery,Psycho,School Shounen ဖြစ်ပါတယ် သင်ရိုးအသစ်အဆန်းတွေနဲ့ကိုယ်ပိုင်အထက်တန်းကျောင်းတစ်ခုရှိပါတယ်... အဲ့ကျောင်းကိုတစ်နိုင်ငံလုံးကချမ်းသာတဲ့ကျောင်းသားတွေပဲ တက်ရောက်နိုင်ကြတယ်..ရေပေါ်ဆီလူတန်းစားသီးသန့်ပေါ့... အဲ့ကျောင်းမှာကကျောင်းသားတွေကကျောင်းသားကို ပြန်အုပ်ချုပ်နေတာပေါ့... တခြားကျောင်းနဲ့မတူတာကတော့အဲ့ကျောင်းမှာလောင်းကစားလုပ်တဲ့ဓလေ့တစ်ခုရှိတယ် အတန်းပြီးတာနဲ့ကျောင်းရဲ့နေရာတိုင်းမှာလောင်းကစားလုပ်တယ် အဲ့ကျောင်းမှာလောင်းကစားလုပ်တာနိုင်တဲ့သူက ဘုရင်လိုနေရပြီးရှုံးတဲ့သူကတော့ဘုရင်ကိုပြုစုရတယ်.... လက်ရှိဘုရင်မလေးကတော့ Mary ပေါ့...သူမကိုဘယ်သူ့မှမနိုင်ဘူး... တစ်နေ့မှာ Yumeko Jabami လို့ခေါ်တဲ့ထူးဆန်းတဲ့ကျောင်းသူတစ်ယောက် ကျောင်းပြောင်းလာပြီးအဲ့ဒီထူးဆန်းတဲ့ကျောင်းသူလေးရောက်ရှိလာမှုနဲ့အတူ ဘာတွေဆက်ဖြစ်မလဲပြီးတော့ဘယ်လိုမျိုးလောင်းကစားလှည့်ကွက်တွေပါလဲဆိုတာကို စိတ်လှုပ်ရှားဖွယ်ကြည့်ရှုခံစားနိုင်မယ့် ဇာတ်ကားကောင်းလေးတစ်ခုပါ.. Translated & Review By Chu Chu Encoded By PhoeniX

ရေတပ်ကလူတွေကိုစိတ်နာပြီး အစိုးရနဲ့ကင်းကင်းနေချင်သော အင်ပါယာ တက္ကသိုလ်က သင်္ချာဉာဏ်ကြီးရှင်လေး ကိုင် တာဒါရှီတစ်ယောက်... မုန်းလှပါချည်ရဲ့ဆိုတဲ့ ရေတပ်က ဗိုလ်ချုပ်တစ်ဦးရဲ့ ကူညီပေးမှုနဲ့ ရေတပ်မှာ ဗိုလ်မှူးတစ်ယောက်ဖြစ်ခဲ့ပါတော့တယ် သူ့ရဲ့တာဝန်ကတော့ သူ့ကိုအကူညီတောင်းတဲ့ ဗိုလ်ချုပ် ရာမာတိုတို့နဲ့ ဆန့်ကျင်ဘက်ဖြစ်နေတဲ့ စစ်သင်္ဘောတည်ဆောက်ဖို့ ပြိုင်ဆိုင်နေတဲ့ ဟီယာရာမာရဲ့ ဒီဖိုင်းကုန်ကျစရိတ်အမှန်ကို ဖော်ထုတ်ပေးဖို့ပါပဲ ကိုင် တစ်ယောက် ဘာမှအသေးစိတ်မသိရပဲဘဲနဲ့ ကိန်းဂဏန်းတွေဟာမလိမ်ညာတတ်ဘူးဆိုတဲ့ ယုံကြည်ချက်တစ်ခုတည်းနဲ့ သူ့တာဝန်တွေကိုပြီးမြောက်အောင်လုပ်ခဲ့ပါတော့တယ် သို့သော်လည်း သူမသိသေးတဲ့ ရေတပ်နောက်ကွယ်ကလူတွေရဲ့ လျှို့ဝှက်ချက်ကိုသိလာရတဲ့အခါမှာတော့.... နိုင်ငံကိုကာကွယ်ဖို့ကြိုးစားနေကြတဲ့ ရေတပ်ကတပ်မတော်သားတွေအကြောင်းနဲ့ ကိုင်ရဲ့ ထက်မြက်လှတဲ့ နည်းလမ်းတွေကိုတွေ့မြင်ရမှာဖြစ်ပါတယ် ။ ( အညွှန်းရေးသားထားသူကတော့ Shoon Thu Thu Chain ဖြစ်ပါတယ် ) Quality__720p IMDb Rating__6.5/10 Format__mp4 Duration__02:09:00 Type__Action , Drama , Mystery Subtitle__Myanmar Subtitle (Hardsub) Translated by Shoon Thu Thu Chain Encoded by Naing Aung Latt

Murder at Shijinso (2019) ဇာတ်လမ်းကတော့ နည်းနည်းဆန်းပါတယ်။ Zombies တွေပါဝင်တဲ့စုံထောက်ဇာတ်လမ်းပါ။ နှစ်စဉ်ကျင်းပနေကျဖြစ်တဲ့ ရောခ့်ဂီတပွဲတော်ဆီကိုခြိမ်းခြောက်စာတစ်စောင်ရောက်လာပါတယ်။ ဒါပေမဲ့လည်း ပွဲစီစဉ်သူကခေါင်းမာစွာနဲ့ မဖြစ်ဖြစ်အောင်ကျင်းပခဲ့ပါတယ်။ အကျိုးဆက်ကတော့ ပွဲအတွင်းမှာဖုတ်ကောင်တွေပေါ်လာပြီး ဧည့်သည်တွေတည်းခိုတဲ့ ရှီဂျင်းဆိုစံအိမ်တော်မှာလည်း လူသတ်မှုတွေဖြစ်ပွားခဲ့ပါတယ်။ ထိုအမှုတွေကို သဲလွန်စကောက်ရင်း ဖော်ထုတ်မယ့်ဇာတ်လမ်းမျိုးပါ။ File size…(2.4 GB) / (1.1 GB ) Quality….Blu-Ray 1080p HEVC / 720p Format…. mkv/mp4 Duration….02:01:15 Subtitle….Myanmar Subtitle (Hardsub) Encoder….Benjamin Translated by Nay Lin Thar

ပထမဆုံးပြောရမယ်ဆိုရင် ကျွန်တော်ဂျပန်ကားတွေကိုမကြိုက်ပါဘူး.. မကြိုက်ဘူးဆိုတာထက် အမြဲကြားနေကျဘာသာစကားမဟုတ်တဲ့အတွက်ကြောင့် စိမ်းနေတာလည်းပါတာပေါ့.. ဒါပေမယ့် ဒီကားလေးကိုတော့ Encode လုပ်ဖို့အတွက်စစ်ရင်းအစမ်းကြည့်ပါတယ်... ကြည့်နေရင်းနဲ့ကောင်းတဲ့ကားလေးတစ်ကားဖြစ်တာကြောင့် အားလုံးလည်းခံစားလို့ရအောင် တင်ဆက်ပေးလိုက်ပါတယ်... အညွှန်းလေးကိုဖတ်ကြည့်ရအောင်... ဒီကားမှာ အာဂျင်းဆိုတဲ့ ဇာတ်ကောင်အကြောင်းကိုပြောပြထားတာပဲဖြစ်ပါတယ်... အာဂျင်းကို ဂျပန်ရဲ့မန်ဂါစီးရီးကနေပြန်လည်အသက်သွင်ပြီးရိုက်ကူးခဲ့ပါတယ်... အာဂျင်းဆိုတာက မသေတဲ့လူမျိုးတွေပါ... ပြောရမယ်ဆိုရင်တော့ လူတပိုင်း မိစ္ဆာတစ်ပိုင်းအရာတွေပဲဖြစ်ပါတယ်.... ဒီအာဂျင်းတွေဟာ လူတွေကိုဒုက္ခပေးတဲ့အရာတွေမဟုတ်ပါဘူး... ဒါပေမယ့်တိုးတက်ပြောင်းလဲလာတဲ့ နည်းပညာတွေအရ အာဂျင်းရဲ့ မသေနိုင်တဲ့အစွမ်းတွေကို လူသားတွေဟာ စိတ်ဝင်စားလာကြပြီး အာဂျင်းတွေကို ဖမ်းဆီးကာ အမျိုးမျိုးနှိပ်စက်ပြီး သုတေသနတွေလုပ်ကြပါတော့တယ်.... ဒါကြောင့်လည်းအာဂျင်းတွေကို ခြေထောက်ဖြတ်လိုက် ဓားနဲ့ဖြတ်လိုက်နဲ့ နောက်ဆုံး မြင်မကောင်းတဲ့ ဒဏ်ရာတွေ ဖြစ်လာရင် reset လို့သူတို့ခေါ်ဝေါ်ကြတဲ့ အာဂျင်းတွေကိုသတ်လိုက်ပါတော့တယ်... ခဏကြာရင် အသတ်ခံလိုက်ရတဲအာဂျင်းဟာ ပြန်လည်ရှင်သန်လာပါတယ်... အာဂျင်းရဲ့ အစွမ်းတွေကတော့ ဘယ်လောက်ပဲဒဏ်တွေရရ  လက်ပြတ် ခြေပြတ် သေနတ်မှန် ဘယ်လိုပဲဖြစ်ဖြစ် သူ့ကိုသတ်လိုက်တာနဲ့ခဏအတွင်းမှာ ပြန်လည်ရှင်သန်လာတာပဲဖြစ်ပါတယ်... နောက်ပြီးတော့ အာဂျင်းတွေမှာ ကိုယ်ပိုင် အရိပ်လို့ခေါ်တဲ့ မိစ္ဆာတွေ တစ်ယောက်ချင်းစီမှာရှိပါတယ်... အဲဒီမိစ္ဆာတွေကို သူတို့ဟာ ထိန်းချုပ်နိုင်ကြပါတယ်... ဒီလိုမျိုးအနှိပ်စက်ခံရတဲ့အာဂျင်းတွေဟာ လူတွေကိုမုန်းတီးလာကြပါတယ်... သူတို့ဟာအစမ်းသပ်ခံမဟုတ်ဘူးဆိုတာလည်း လူတွေသိအောင်ပြချင်လာကြပါတယ်... ဒါကြောင့် သူတို့ဟာ လူသားတွေကို ကိုယ်ပိုင်အုပ်ချုုပ်ခွင့်နယ်မြေတွေတောင်းပြီးတော့ နောက်ဆုံးမှာ လူသားတွေကို မျိုးတုန်းသတ်ဖြတ်စတင်ပါတော့တယ်... အာဂျင်းတွေအားလုံးမဆိုးသွမ်းကြပါဘူး...ဒါပေမယ့် တစ်ယောက်တည်းသောအာဂျင်းကတော့ စိတ်မနာနိုင်ပဲ လူသားတွေဘက်ကရပ်တည်ပြီး သူရဲ့မျိုးနွယ်တူ အာဂျင်းတွေကို ပြန်လည်ရင်ဆိုင်ဖို့ အခြေနေဖြစ်လာခဲ့ပါတော့တယ်..... အားလုံးပဲ ကျန်တဲအရာတွေကိုတော့ စိတ်လှုပ်ရှားဖွယ်ကြည့်လိုက်ရအောင်လား... File Size : (853 MB) and (288 MB) Quality : Blu-Ray 720p Running Time : 1hr 49min Format : Mp4 Genre : Action, Horror, Mystery Subtitle : Myanmar Subtitle (Hard Sub) Source : Blu-Ray 1080p Translated by Pone Thone Encoded by Moe Myint Lwin

Let Me Eat Your Pancreas (2017) IMDb - 7.1/10 My Drama List - 8.2 “ငါတို့ရွေးချယ်ခဲ့တဲ့ဆုံးဖြတ်ချက်တွေက ငါတို့နှစ်ယောက်ကို ဆုံစေခဲ့တာပဲ” အတန်းထဲမှာ တစ်ယောက်တည်း သီးသန့်နေတတ်တဲ့ ရှင်းဂဟာရုကိတစ်ယောက် ဆေးရုံမှာ အူအတက်ခွဲရင်း အတန်းထဲမှာ နာမည်အကြီးဆုံးဖြစ်တဲ့ ရာမာအူချီဆာကူရာရဲ့ ဒိုင်ယာရီစာအုပ်ကို မတော်တဆဖတ်မိပြီး ဆာကူရာ့ရဲ့ လျှို့ဝှက်ချက်သိသွားပါတယ်။ ဆာကူရာက ရှင်းဂတစ်ယောက် သူ့လျှို့ဝှက်ချက်ကိုအသုံးချပြီး အာရုံအစိုက်ခံရအောင်လုပ်မယ်လို့ ထင်ထားခဲ့ပေမယ့် တကယ်တမ်း ရှင်းဂကဘာမှမလုပ်လို့ စိတ်ဝင်စားပြီး ရင်းရင်းနှီးနှီးနေဖို့လုပ်လာပါတယ်။ တကယ်တော့ ဆာကူရာက ပန်ကရိယရောဂါနဲ့ တစ်နှစ်အတွင်း သေရတော့မယ့်လူပါ၊ အဲဒါကို မိဘကလွဲပြီး ဘယ်သူမှမသိပေမယ့် ရှင်းဂသိသွားပြီး အဲဒါကိုအသုံးမချတဲ့အတွက် သူ့ရဲ့လက်ကျန်အချိန်တွေကို ရှင်းဂနဲ့အတူ ပျော်ပျော်ဖြတ်သန်းဖို့ ဆုံးဖြတ်ခဲ့ပါတယ်။ တစ်နှစ်အတွင်း ဘာတွေကြုံရမလဲ ရှင်းဂတစ်ယောက်ကရော ပြောင်းလဲလာမလား... Let Me Eat Your Pancreas ဇာတ်လမ်းကို 2014 ခုနှစ်မှာ manga အနေနဲ့ထွက်ရှိခဲ့ပြီး 2017 ခုနှစ်မှာ live-action ရိုက်ကူးခဲ့တဲ့ ဒီဇာတ်ကားကို 2018 ခုနှစ်မှာ animeအဖြစ် ထပ်မံအသက်သွင်းခဲ့ပါတယ်။ မင်းသား Takumi Kitamura မင်းသမီး Minami Hamabe တို့ သရုပ်ဆောင်ထားပြီး လူကြိုက်များခဲ့တဲ့ ဇာတ်ကားလေးတစ်ကားပဲဖြစ်ပါတယ် File size…    1.3 GB /  600 MB Quality… BluRay 1080p / 720p Format… mp4 Duration…. 1h 55m Genre ..... Drama/Romance Subtitle…. Myanmar Subtitle (Hard Sub) Encoder…. LegoHeart Translated by Benni

One Piece: Heart of Gold (2016) IMDB - 6.9/10, MyAnimeList - 7.4/10 OP ရဲ့ ဒီရုပ်ရှင်လေးကကျ သူတို့ရဲ့ ရုံတင် Movie အတွဲထဲမှာ မပါဝင်ပဲ TV Special အနေနဲ့ ထုတ်ပေးခဲ့တာ ဖြစ်ပါတယ်။ အချိန်ကာလအနေနဲ့ Dressrosa Arc အပြီးလောက်ဖြစ်ပြီး One Piece Film Gold ရဲ့ Prequel အနေနဲ့ အဲဒီဇာတ်ကားကို တိုက်ရိုက်ချိတ်ဆက်ထားတာပါ။ ဒီကားလေးရဲ့ဇာတ်လမ်းကတော့ တစ်ကမ္ဘာလုံးကိုတောင် ဝယ်ယူလို့ရနိုင်တဲ့ ရှားပါးရတနာ Pure Gold ဆိုတာကို ကမ္ဘာ့အစိုးရကနေ အသည်းအသန် လိုချင်နေခဲ့ပါတယ်။ အဲဒါကြောင့် ဒီ Pure Gold ရှိတဲ့နေရာကို သိတဲ့ ကလေးမလေး Olga ဆိုတာကိုလည်း ဖမ်းခေါ်လာပါတယ်။ ဒါပေမဲ့ သူခိုးလက်ကနေ သူဝှက်လုဆိုသလိုပဲ ရတနာမုဆိုး ပင်လယ်ဓားပြဖြစ်တဲ့ Mad Treasure ကလည်း ဒီ ကလေးမလေး Olga ကို ထပ်မံဖမ်းဆီးရာကနေ လွတ်မြောက်သွားပြီး Olga တစ်ယောက် Luffy တို့ ရှိရာ Thousand Sunny ပေါ် ရောက်လာပါတော့တယ်။ အဲဒီမှာ အကျိုးအကြောင်းရှင်းပြပြီး Olga လည်း Luffy တို့ကို Pure Gold ရှိရာ ဒဏ္ဍာရီလာကျွန်းဖြစ်တဲ့ Alchemi ကို စွန့်စားခန်းထွက်ဖို့ ဖြစ်လာပြီး နောက်ကလည်း လိုက်လာတဲ့ Mad Treasure တို့နဲ့ ဘယ်လိုတွေ ရင်ဆိုင်ကာ ရတနာတွေ ရှာဖွေသွားမလဲဆိုတာကို ရိုးရာမပြတ် ကြည့်ရှုခံစားရမှာ ဖြစ်ပါတယ်...။