Ming Lo ပါဝင်သော ဇာတ်ကားများ

၂၀၁၆လောက်တုန်းကလို့ထင်တယ် ပနားမားစာတမ်းဆိုပြီး စာရင်းရှင်းတမ်းတွေထွက်ပေါ်လာခဲ့ပါသေးတယ် မြန်မာတောင်မှပါပါသေးတယ်။ ဒီကားကပနားမားစာတမ်းထဲကအကြောင်းအရာတစ်ချို့ကို ရိုက်ပြထားတာပါ။ စီးပွားရေးပိုင်းဆိုင်ရာတွေ တရားဥပဒေပိုင်းဆိုင်ရာတွေ ငွေကြေးခဝါချတာတွေ ငွေဖြုငွေမည်းကိစ္စတွေ များစွာပါဝင်နေပါတယ်။ ချမ်းသာတဲ့သူတွေ သူတို့ရဲ့ပိုင်ဆိုင်မှုစာရင်းဇယားတွေကိုသာအမှန်တိုင်းပြထားမယ်ဆိုရင် တကယ်တမ်းပေးရမဲ့အခွန်တွေကမနည်းမနောပဲလေ ။ဒါကိုသူတို့ကိုတိမ်းရှောင်ချင်ကြတယ်။ ၏ဒီတော့ ဒီလိုတိမ်းရှောင်ဖို့ဘယ်လိုလုပ်ရင်ဖြစ်နိုင်မလဲ?? ခင်ပွန်းသည်ကို မတော်တဆမှုမှာ ဆုံးရှုံးလိုက်ရတဲ့အယ်လင်ရယ် မတော်တဆမှှုဖြစ်ပွားတဲ့သဘောၤပိုင်ရှင်ရယ် သူတို့တွေကရောဘယ်လိုဆက်စပ်နေလဲဆိုတာကို ကြည့်ရှုရမှာပါဗျ။ Netflixမှာအခုရက်ပိုင်းတော်တော်လေးလူကြိုက်များနေတဲ့ဇာတ်ကားတစ်ကားလဲဖြစ်ပါတယ်။

Jason Bateman နဲ့ Deadpool မင်းသား Ryan Renold ရဲ့ အခွက်ပြောင်ချက်တွေနဲ့ ပြည့်နှက်နေတဲ့ ပရိတ်သတ်တွေကို တသောသောညံစေမယ့် ဇာတ်ကားတကားပါ။ ဟုတ်ပါတယ် ဇာတ်ကားနာမည်အတိုင်း အပြောင်းအလဲလေးတွေအကြောင်း ရိုက်ထားတာပါ။ မိသားစု၊ အလုပ်အကိုင်၊ မိတ်ဆွေ..အဲ့လိုအရာအားလုံးနဲ့ ပြည့်စုံနေတဲ့ ဒေ့ဗ်လော့ခ်ဝုဒ်..... အဖေနဲ့ အစေးမကပ်၊ ဖြစ်သလိုနေ ဖြစ်သလိုစား၊ ကြုံရာလုပ်ဖြစ်နေတဲ့ မစ်ချ်ပလန်ကို..... သူတို့နှစ်ယောက်ရဲ့ ဘဝအစိတ်အပိုင်းတွေ၊ တောင့်တမှုတွေ၊ ဖြစ်ချင်..လုပ်ချင်ပေမယ့် အခါမသင့်လို့ မလုပ်နိုင်ရတာတွေ... အဲ့လို လူ့လောကသဘာဝတွေကို"တစ်ချိန်က အခက်အခဲတွေဆိုတာ နောင်တစ်ခါကျ ဟာသတွေ ဖြစ်သွားတာပဲ..." ဆိုသလိုမျိုး ဟာသလေးတွေ အနည်းငယ်နှောပြီး ရိုက်ကူးထားတဲ့ ဇာတ်ကားကောင်းလေးပဲ ဖြစ်ပါတယ်။ မိသားစု ကိစ္စတွေ၊ အလုပ်ကိစ္စတွေနဲ့ ငြီးငွေ့နေပြီး အားလုံးလိုလိုကို မေ့တတ်နေပြီဖြစ်တဲ့ ဒေ့ဗ်တစ်ယောက် အချစ်ဆုံးသူငယ်ချင်း မစ်ချ်နဲ့ တစ်ညတာ လျှောက်လည်၊ စားသောက်၊ ကိုယ့်ကိစ္စ သူ့ကိစ္စတွေကို ရင်တွေဖွင့်အပြီးမှာတော့.....ကပေါက်ကပေါက်ချာ စောင်တလွဲဖြစ်ကုန်တာတွေကိုတော့ ကိုယ့်လူတို့ ကိုယ်တိုင်သာ ဟားကြပါတော့ဗျို့... သတိ: : ဤဇာတ်ကားတွင် စကားလုံးအသုံးအနှုန်းများ အနည်းငယ် ကြမ်းသလိုရှိပါမည်..(သို့သော် ဟာသသာ... :P) File Size : (950 MB) and (360 MB) Quality : Blu-Ray 720p Running Time : 1hr 52min Format : Mp4 Genre : Comedy, Fantasy Subtitle : Myanmar Subtitle (Hard Sub) Translated by Wai Yan Maung Source : 1080p BluRay x264-SPARKS Encode by Thanhtike Zaw

အကယ်​၍ သင်​ဟာ Single Father တစ်​​ယောက်​ဖြစ်​ပြီး သင့်က​လေးအိပ်​ဖို့အတွက်​ ​ကျောတစ်​ခင်းစာ​တောင်​မဖန်​တီး​ပေးနိုင်​​တော့ဘူးဆိုရင်​...သင့်ရင်​​သွေးကိုစွန့်လွှတ်လိုက်​​မှာပါလား? ? ? Chris Gardner ဆိုတဲ့ လူတစ်​​ယောက်​​က​တော့ မိမိရဲ့သား​လေးလက်​ကိုဆွဲပြီး ဘဝရဲ့အခက်​ခဲဆုံးအချိန်​​တွေကိုဖြတ်​​ကျော်​ပြီးလို့ အခုဆို Millionaire တစ်​​ယောက်​​တောင်​ဖြစ်​လို့​နေပါပြီ။ သင့်ဘဝကို သင်​ခက်​ခဲလှပြီလို့ထင်​​နေရင်​ တကယ့်ဖြစ်​ရပ်​မှန်​ဘဝကိုအ​ခြေခံပြီးရိုက်​ကူးထားတဲ့ ဒီဇာတ်​ကား​လေးကို အချိန်​​ပေးပြီးကြည့်ကြည့်လိုက်​ပါ ဒီကား​လေးကြည့်ပြီး အရင်​ဦးဆုံး ခံစားမိမှာက​တော့ ဖခင်​တစ်​​​ယောက်​ရဲ့​မေတ္တာ ဘယ်​​လောက်​ နက်​ရှိုင်းတယ်​ဆိုတာပါပဲ... ဘဝရဲ့အဆိုးဆုံးအ​ခြေအ​နေတစ်​ခုမှာ​တောင်​ သားဖြစ်​သူကို လက်​လွှတ်​မခံခဲ့တဲ့ ဖခင်​တစ်​​ယောက်​ရဲ့ ​မိဘ​မေတ္တာ... ကျွန်​​တော်​တို့ ​တော်​​တော်​များများ ​ငွေကိုသည်းကြီးမည်းကြီးရှာ​နေကြချိန်​မှာ ​ပျော်​ရွှင်​မှုဆိုတာဘာလဲ ဘယ်​လိုအရာက မိမိကို​ပျော်ရွှင်​​စေတာလဲ မ​တွေးမိကြတာများပါတယ်​... ဒီဇာတ်​ကား​လေးက​နေ ​တော်​ရုံသတိပြုမိဖို့ခဲယဉ်းတဲ့ဖခင်​တစ်​​ယောက်​ရဲ့ချစ်​ခြင်းမေတ္တာရယ်​...​​ ​ပျော်​ရွှင်​မှုဆိုတာ ကြိုးစားသူတိုင်းအတွက်​ အလှမ်းမ​ဝေးဘူးဆိုတာရယ်​... ဘဝဆိုတာ ​"ဘုံလုံတစ်​လှည့် ငါးပျံတစ်​လှည့်" ဖြစ်​​တယ်​ဆိုတာ စိတ်​ကူးယဉ်​သက်​သက်​မဟုတ်​ပဲလက်​​တွေ့မှာပါ တကယ်​ရှိတယ်​ဆိုတာ တို့ကို...သာမန်​အ​ရောင်းသမား(Saleman) ​လေးဘဝက​နေ သန်းကြွယ်​သူ​ဌေးတစ်​​ယောက်​ဖြစ်​လာသည်​အထိ ခက်​ခက်​ခဲခဲ ရုန်းကန်​လှုပ်​ရှားခဲ့ရသူ Chris Gardner ရဲ့ဘဝကို​ inspired လုပ်​ပြီး ရိုက်​ကူးထားတဲ့ "The Pursuit of Happyness" ဆိုတဲ့ကား​လေးမှာ အထင်​အရှား​တွေ့ကြရမှာပါ... ဒီဇာတ်​ကား​လေးကို​တော့ Director Gabriele Muccino ကရိုက်​ကူးထားပြီးကျွန်​​တော်​တို့ရုပ်​ရှင်​ကြိုက်​သူ​တွေအားလုံးနဲ့ ရင်းနှီးပြီးသားဖြစ်​တဲ့ မင်းသားကြီး Will Smith ကသရုပ်​​ဆောင်​ထားပါတယ်​... ထူးခြားမှုအ​နေနဲ့က ဒီဇာတ်​ကားထဲမှာ Chris Gardner(Will Smith) ရဲ့ သား​နေရာက​နေ သရုပ်​​ဆောင်​ထားသူက​တော့Will Smith ရဲ့ သားအရင်းဖြစ်​သူ Jaden Smith ပဲဖြစ်​ပါတယ်​...၈ နှစ်​အရွယ်​သာရှိ​သေးတဲ့ Jaden Smith ရဲ့ပထမဦးဆုံးပွဲဦးထွက်​ကားဖြစ်​​ခဲ့ပေမယ့် > MTV+TV awards(2007) : Breakthrough Performance ဆု > Phoenix Film Critics Society Awards(2006) :Best Performance by a Youth ဆု > Teen Choice Awards(2007)ဆုတို့ရခဲ့တဲ့အပြင်​ အခြား Nominees ​ပေါင်းများစွာလဲ ဝင်​ခဲ့ပါ​သေးတယ်​...အနုပညာ​သွေးအခံရှိလို့ထင်​ပါရဲ့... မင်းသားကြီး Will Smith ကိုယ်​တိုင်​လဲ > Academy Awards,USA(Oscar)(2007): Nominated > Gloden Globe,USA(2007): Nominated တို့အပြင်​ အခြား Nominees ​ပေါင်းများစွာနဲ့ ဆု​တွေကိုလဲ ရ​ခဲ့​သေးတာဆို​တော့.. အချိန်​၂နာရီ​ပေးပြီးကြည့်​ရမှာ တကယ်​တန်​တဲ့ကား​ကောင်းတစ်​ကားလို့ညွှန်းလိုက်​ပါရ​စေ​ဗျာ...။ IMDb Rating(8.0)ထိရရှိထားပါတယ်။ File size…(1.7 GB)/(800 MB) Quality….BluRay 1080p/720p Format…mp4 Duration….01:57:27 Subtitle….Myanmar Subtitle (Hardsub) Encoder….Nyeinsaeya Aung Translated by Saw Bwar

Jarhead (2005) IMDB....7.0 ဒီစစ်ကားက တခြားစစ်ကားတွေနဲ့ မတူတဲ့ ထူးခြားချက်က ရဲဘော်တစ်ယောက် စစ်ထဲစဝင်တဲ့ အခန်းကနေ စပြထားတယ် .. စစ်မြေပြင်အတွက် သင်တန်းတွေ ရဲဘော်သစ်ကို ကြိုဆိုပုံတွေ အထက်အောက်ဆက်ဆံပုံတွေကို အသေးစိတ်ရိုက်ပြထားပြီးမှ တဖြည်းဖြည်း စစ်မြေပြင်ကိုခေါ်ဆောင်သွားတယ် .. သရုပ်ဆောင်တွေကလည်း နာမည်ကြီးမင်းသား Jake Gyllenhaal, Jamie Foxx, Peter Sarsgaard, Lucas Black စတဲ့သူတွေမို့ ဝေဖန်ရေးဆရာတွေကတောင် တာဝန်ကျစစ်သည်နေရာမှာ သရုပ်ဆောင်တာ ဇာတ်ရုပ်ပီပြင်လွန်းတယ်လို့ ချီးကျူးခံထားရတယ်... စာရေးဆရာကြီးဖေမြင့်ကပြောဖူးတယ် အားလုံးကိုလက်တွေ့သိဖို့မဖြစ်နိုင်ပေမဲ့ ကျွန်တော်တို့မယ် လေ့လာပြီး သိနားလည်ပေးလို့ရတယ်တဲ့ .. စာအုပ်တွေ ရုပ်ရှင်တွေက အဓိကပေါင်းကူး တံတားတွေအဖြစ်တည်ရှိနေသတဲ့ .. ဒီကားက စစ်သားတွေရဲ့ နေပုံထိုင်ပုံ ကြမ်းတမ်းပုံ အရေးကြုံလာရင် အချင်းချင်းစည်းလုံးပြီး အခက်အခဲတွေ ရန်သူတွေကိုရင်ဆိုင်ကျော်ဖြတ်ခြင်းတွေကို လှလှပပလေးရိုက်ပြသွားတယ် ကိုင်းခံစားကြည့်လိုက်ပါဦးခင်ဗျ .. File Size… 2.57 GB, 1.2 GB Quality…BluRay 1080p, 720p Format…mp4 Duration…02:05:00 Subtitle…Myanmar Subtitle(Hardsub) Translated by Zuel Khant Thwin Encoded by AHtet

Stephen Kingရဲ့ Riding the Bulletဆိုတဲ့ ဝတ္တုကို ပြန်ရိုက်ထားတဲ့ကားပါ။ ဒါရိုက်တာက အတော်ကြီးထဲမပါနေတာတောင် ဇာတ်အိမ်နဲ့ နောက်ခံစကားပြောတွေက တော်တော်ကြမ်းပါတယ်။ ကြည့်နေတုန်းက ဒီကားက ဇာတ်အိမ်နဲ့ အဖြစ်အပျက်တွေ Narrativeတွေက ကားနဲ့မလိုက်အောင် ဘာလို့လန်းနေတာလဲလို့ တွေးမိပေမဲ့ ကားဆုံးလို့ စတိုရီက ဘယ်သူလဲရှာတော့ စတီဖင်ကင်းမှန်းသိတော့ အံ့ဩစရာတော့မဟုတ်တော့ဘူး။ စတီဖင်ကင်းဝတ္တုကတော့ စတီဖင်ကင်းဝတ္တုလို့ပဲပြောရမှာပါပဲ။ စတီဖင်ကင်းရဲ့ ဟော်ရာကားမဟုတ်တဲ့ကားတွေ အားလုံးနီးပါးက Narrativeပိုင်းတွေ တော်တော်လှနေတတ်သကိုး။ ကင်းဖန်ဖြစ်ဖြစ် ဒီတိုင်းဖြစ်ဖြစ် ကြည့်သင့်တဲ့ကားပါပဲ။ Ratingတွေကတော့ ကျန်တဲ့အချက်တွေကြောင့် မကောင်းလှပေမဲ့ ဇာတ်လမ်းကတော့ စိတ်ဝင်စားစရာကောင်းသလို Conceptလည်းလှပါတယ်။ ပုံမှန်ဆိုလူတွေက ရှင်သန်ခြင်းကို ချစ်တတ်ကြပြီး သေခြင်းကို ကြောက်တတ်ပေမဲ့ ဒီရုပ်ရှင်ရဲ့ အဓိကဇာတ်ကောင် အလန်ပါကာကတော့ သေခြင်းကိုချစ်ပြီး ရှင်သန်ခြင်းကိုကြောက်နေတဲ့လူပါ။ ဒီလိုနဲ့ သူ့မွေးနေ့တစ်ရက်မှာ ရေချိုးကန်ထဲ သတ်သေဖို့လုပ်ပါတယ်။ ဒီအချိန်မှာ သူ့ရည်းစားနဲ့ သူငယ်ချင်းတွေက Supriseတိုက်ဖို့ ရောက်လာလို့ သေရင်းတန်းလန်းနဲ့ ဆေးရုံရောက်သွားတယ်။ ဒီလိုနဲ့ ဆေးရုံက ဆင်းလာပြီးနောက် ဂျွန်လန်နွန်ရဲ့ရှိုးပွဲကိုသွားကြည့်ဖို့လုပ်ကြတုန်း သူ့အမေက လေဖြတ်သွားလို့ ဆေးရုံရောက်နေတာကို သိလိုက်ရတယ်။ ဒီလိုနဲ့ရှိုးပွဲသွားဖို့အစီအစဉ်ကိုဖြတ်ပြီး သူ့အမေရှိတဲ့ မိုင်ပေါင်းများစွာအကွာက ဇာတိကဆေးရုံလေးကို လမ်းမှာတွေ့သမျှကားတွေ လိုက်တားဆီးရင်း ပြန်လာခဲ့တယ်။ ကားကြုံလိုက်စီးရင်း ဘယ်လိုလူတွေနဲ့တွေ့ပြီး ဘာတွေဖြစ်ပြီး သေခြင်းကို သဘောကျတဲ့ကောင်လေးဟာ ရှင်သန်ခြင်းကို ချစ်တတ်လာမလဲ ကြည့်ရမယ့်ရုပ်ရှင်ပါပဲ။ ရုပ်ရှင်စကားအတိုင်းဆို ရှင်သန်ခြင်းကို ပိုချစ်တတ်လာဖို့ သေခြင်းနဲ့ပွက်ကာသီကာလေးကြုံဖူးဖို့လိုတယ်တဲ့ ။ သေခြင်းဆိုတာ ရှင်သန်ခြင်းကို ပိုအဓိပ္ပာယ်ရှိစေတဲ့အရာပါပဲ။ ဒီသေခြင်းနဲ့ရှင်ခြင်းအကြောင်း ဇာတ်လမ်းမှာ သေခြင်းနဲ့ ရှင်ခြင်းကို စတီဖင်ကင်းက လှလှပပကြီး ပြောပြထားတာကို ကြည့်ရမှာပါပဲ။ File Size :  2.1 GB, 924 MB Quality : Blu-Ray 1080p / 720p Running Time : 1hr 38min Format : Mp4 Genre : Horror, Thriller Subtitle : Myanmar Subtitle (Hard Sub) Translated by : Wira Aung Encode by : Thit San Khant

ရုပ်ရှင်ကားကောင်းတကားဆိုတာ ကြည့်ပြီးတော့ တလမဟုတ်တောင် တပတ်လောက်ကိုယ့်ခေါင်းထဲမှာ ဒီရုပ်ရှင်အကြောင်းကို စွဲကျန်ခဲ့တဲ့ကားမျိုးလို့ပြောရင် သဘောတူကြမယ်ထင်ပါတယ်။ ဒီကားက နာမည်ကျော် The good, The bad , The Ugly ထဲကသရုပ်ဆောင် Clint Eastwood ကိုယ်တိုင်ပါဝင်သရုပ်ဆောင် ,ဇာတ်ညွှန်းရေး ပြီး ဒါရိုက်တာလုပ်ထားတဲ့ ကားပါ။ ဒီကားက အော်စကာမှာလည်း အဓိကဇာတ်ဆောင်မင်းသမီး ၊ ဒါရိုက်တာဆု ၊ ဇာတ်ပို့ဆုတွေအပြင် တခြား ဆုတွေကိုလည်း အပုံလိုက်ရထားတဲ့ကားပါ။ အရင်ဆုံးပိုစတာတွေကိုကြည့်ပြီးတော့ သာမန်ဘောက်ဆင်ကားလိုမျိုးထင်လိုက်ရင်တော့မှားပါလိမ့်မယ်။ ဇာတ်လမ်းကသာမရိုးကျသွားသလိုလိုနဲ့ ဇာတ်ကောင်တွေကြားက သံယောဇဉ်တွေ ၊ဘောက်ဆင်လောကအကြောင်းတွေ ကိုသေသေချာချာလေးပြနိုင်တဲ့ ဇာတ်ကားပါ၊။ အဓိကကတော့ ဇရန်ကီ နဲ့ မက်ဂီရဲ့ကြားက ဆရာတပည့်သံယောဇဉ်တွေ ၊ ဖခင်မေတ္တာလိုနေတဲ့ မက်ဂီရဲ့ ခံစားချက်၊ ဖရန်ကီရဲ့ ဖခင်မေတ္တာပေးပုံတွေကို သေချာလေးပြထားပါတယ်။ Clint Eastwood က သရုပ်ဆောင်ကောင်းတယောက်တင်မကပဲနဲ့ ဒါရိုက်တာအလုပ်ကိုလည်း ကျွမ်းကျင်ပိုင်နိုင်တယ်ဆိုတာကို ဒီကားကြည့်ရင်သေချာသိနိုင်ပါတယ်။ ဘောက်ဆင်လက်ဝှေ့တွေကို အပြင်နဲ့ထပ်တူကျအောင်ပြနိုင်တာတွေ အပြင် ဒိုင်ယာလော့တွေကအစ သဘာဝကျပြီး ရင်ထဲကျန်စေနိုင်တဲ့ဇာတ်ကားလေးမို့ မကြည့်ရသေးရင် ကြည့်ကိုကြည့်သင့်တဲ့ ဇာတ်ကားတကားပါ။ ဇာတ်လမ်းကိုလည်းအများကြီး မရေးပေးတော့ပါဘူး ကြည့်ရတာအရသာပျက်မှာစိုးလို့ပါ။ ဒီဇာတ်ကားကြည့်ပြီးရင်ထဲကျန်ခဲ့တာတော့ "မိုကွီရှီလာ" ဆိုတဲ့ စကားလုံးပါပဲ။ File size…2.5 GB / 1 GB Quality… Blu- Ray 1080p/ 720p Format… mp4 Duration…. 1h 10m Genre ..... Drama Subtitle…. Myanmar Subtitle (Hard Sub)

Lost Souls (2000) IMDb Rating (4.8) / Rotten Tomatoes (8%) ရုပ်ရှင်အကြောင်းမပြောခင် အခြေခံအကြောင်းအရာတချို့ကို ပြောပြချင်ပါတယ်။ ပထမတစ်ခုက စာတန်မာရ်နတ် (Satan)ပါ။ စာတန်သည် ဘုရားသခင်ကို ပုန်ကန်ခဲ့တဲ့ကောင်းကင်တမန်တစ်ပါးဖြစ်ပြီး အဆိုးယုတ်ဆုံးစွမ်းအားတွေရဲ့ အရင်းအမြစ်၊ လူသားတွေကို ဘုရားသခင်ထံမှ ခွဲထုတ်ဖို့ ကြိုးပမ်းသူ၊ လှည့်ဖြားမှုတွေ၊ ဖျက်ဆီးမှုတွေကို လုပ်ဆောင်သူဖြစ်ပါတယ်။ တပည့်တပန်းမိစ္ဆာတွေကို ကမ္ဘာမြေပေါ်လွှတ်ပြီး မကောင်းမှုတွေ ခိုင်းစေတတ်သူဖြစ်ပါတယ်။ နောက်တစ်ခုက ခရစ်တော်၏ ရန်သူတော် (Antichrist)ပါ။ သူကတော့ အန္တိမကာလ (End Times)မှာ ပေါ်ထွန်းလာမယ့် ယုတ်မာသော၊ အာဏာရှင်ဆန်သော ခေါင်းဆောင်တစ်ဦးဖြစ်ပြီး၊ လူသားတွေကိုလှည့်စားပြီး ဘုရားသခင်ကိုငြင်းပယ်အောင် လှုံ့ဆော်ပါလိမ့်မယ်။ ဗျာဒိတ်တော်ကျမ်း(Revelation) မှာ Antichrist ကို သားရဲကြီး (The Beast) လို့ ဖော်ပြထားပြီး စာတန်ရဲ့ ကိုယ်စားလှယ်အဖြစ် ဆောင်ရွက်ပါလိမ့်မယ်။ ဇာတ်လမ်းကတော့ မာယာ (Winona Ryder)ဟာ ဘုန်းတော်ကြီးတစ်စုနဲ့အတူ နတ်ဆိုးနှင်ပွဲတစ်ခုမှာပါဝင်ခဲ့ရာကနေ စာတန်မာရ်နတ်ရဲ့ အနာဂတ်အကြံအစည်တွေကို ရိပ်မိသွားခဲ့ပါတယ်။ ပီတာကယ်ဆန် (Ben Chaplin)ကတော့ နာမည်ကြီးစာရေးဆရာတစ်ဦးဖြစ်ပြီး စိတ္တဇလူသတ်သမားတွေကို လေ့လာပြီး Bestseller စာအုပ်တွေရေးနေသူပါ။ သူမသိတာကတော့ သူလေ့လာနေတဲ့ လူသတ်သမားတွေဟာ မိစ္ဆာနတ်ဆိုးတွေ ပူးကပ်နေတယ်၊ သူ့ကိုလည်း စာတန်မာရ်နတ်က Antichrist လက်ရွေးစင်အဖြစ်ရွေးထားတယ် ဆိုတာတွေကိုပါ။ ဒါတွေကို ရိပ်မိသွားတဲ့ မာယာဟာ ပီတာ့ကို ကယ်တင်နိုင်ဖို့ ဘယ်လိုအတားအဆီးတွေ ကျော်ဖြတ်ရမလဲဆိုတာကတော့ ဆက်လက်ရှုစားကြည့်ပါ။ Nomination ၂ကြိမ်ဝင်ဖူးပေမယ့် ဆုတွေမရဖူးသလို ဝေဖန်ရေးတွေကြား မျက်နှာမလှခဲ့ပေမယ့် Stranger Things ကြယ်ပွင့် Winona Ryder ကိုတော့ ချီးကျူးထားကြပါတယ်။ Directorကတော့ Janusz Kaminskiဖြစ်ပါတယ်။ (အညွှန်းနဲ့ဘာသာပြန်ကတော့ T Lone ဖြစ်ပါတယ်။) File size…(2.4 GB) / (1 GB) Quality….Blu-Ray 1080p HEVC / 720p Format…. mkv/mp4 Genre….Drama,Horror,Thriller Duration….01:38:40 Subtitle….Myanmar Subtitle (Hardsub) Encoder….Double K Translated by T Lone

Dr. Dolittle (1998) နာမည်ကြီးမင်းသားကြီး Eddie Murphy ရဲ့ တော်တော်လေးကျော်ကြားခဲ့တဲ့ Dr. Dolittle ကို တင်ဆက်ပေးလိုက်ပါပြီ။ ငယ်စဉ်ကတည်းက တိရစ္ဆာန်တွေနဲ့ စကားပြောနိုင်ပြီး ထူးထူးဆန်းဆန်း ကြောင်တောင်တောင်ကလေးလေးဖြစ်နေလို့ ပယောဂပါအနှင်ခံရမလိုဖြစ်ခဲ့တဲ့ Dolittle လေးတစ်ယောက် ဆရာဝန်ဖြစ်လာ ခဲ့ပါတယ်။ လူကြီးဖြစ်လာတဲ့ကာလတစ်လျှောက်မှာတော့ တိရစ္ဆာန်တွေရဲ့အသံကို မကြားနိုင်တော့သယောင်ဖြစ်နေခဲ့တာပေါ့။ တစ်နေ့... ကိုယ့်ကားနဲ့တိုက်မိမလို ဖြစ်သွားတဲ့ လမ်းဘေးခွေးက ပြန်ဆဲသွားတာကို ခံလိုက်ရပြီးနောက်မှာတော့ Dolittle ဟာ အရင်ကလို အကောင်ပလောင်တွေပြောသမျှ ပြန်ကြားနိုင်နေ မှန်း ကိုယ့်ကိုယ်ကိုသတိထားမိလာပါတော့တယ်။ ဆရာဝန်အလုပ်စကတည်းက ပိုက်ဆံများများရှာရဖို့ကိုပဲ တစိုက်မတ်မတ်ဦး တည်ပြီး တည်တည်ကြည်ကြည် ကြိုးကြိုးစားစားအလုပ်လုပ်လာပြီးမှ ငယ် ငယ်ကလို လူထူးဆန်းဘဝပြန်ရောက်တော့မယ်ဆိုတော့ မခံချင့်မခံသာတွေ ဖြစ်ပြီး ဦးနှောက်ဓာတ်မှန်ရိုက်လိုက် ဘာလာလာမကြားယောင်ပြုလိုက်နဲ့ အရူးမီးဝိုင်းဖြစ်နေတာပေါ့။ ဒါပေမယ့် စိတ်ရင်းကောင်းတဲ့ Dolittle အတွက် တော့ အကူအညီလိုနေတဲ့ သတ္တဝါလေးတွေကို လျစ်လျူရှုဖို့က ထင်သလောက် လွယ်ကူမနေခဲ့ပါဘူး။ နယ်ရောက်တုန်း ဇီးကွက်တစ်ကောင်ကို ကူညီပေး အပြီးမှာတော့ Dr. Dolittle လည်း တစ်တောလုံးရဲ့ဆယ်လီဖြစ်သွားပါတော့ တယ်။ "ငါတို့ပြောတာတွေ နားလည်တဲ့ဆရာဝန်ဟေ့" ဆိုပြီး အိမ်တိုင်ရာ ရောက် အလုံးလိုက်အရင်းလိုက် အုပ်လိုက်ခဲလိုက်ရောက်ချလာပြီး ဆေးခန်း ထိုင်ခရော စမ်းသပ်ခပါမရတဲ့ လူနာအကောင်ပေါင်းစုံကို စေတနာ့ဆေးခန်း ထိုင်ပေးရတဲ့အထိ ရာထူးတိုးသွားပါတော့တယ်။ တစ်ဘက်မှာလည်း စပ်ပေါင်းဖွင့်ထားတဲ့ဆေးခန်းကို ကုမ္ပဏီကြီးတစ်ခုဆီ အမြတ်များများနဲ့ရောင်းပစ်ဖို့ကိစ္စရှိနေတာမို့ ငွေမျက်နှာပဲကြည့်တဲ့ လုပ်ဖော် ကိုင်ဖက်ကြောင့် အိမ်မွေးမဟုတ်လို့ ဆေးဖိုးလိုက်ပေးမယ့်ပိုင်ရှင်မရှိတဲ့ တိရစ္ဆာန်တွေကို ပရဟိတလုပ်ဖို့က မဖြစ်နိုင်ခဲ့ပါဘူး။ ကံကလည်းထပ်ဆိုး ချင်တော့ ကြွက်ကို CPR ပေးနေချိန် မိန်းမကမြင်ပြီး ရွာသာကြီးရောက် သွားရှာ၊ ရွာသာကြီးကလွတ်လာတဲ့အခါမှာတော့ ခံရတာမတန်လှလေခြင်း ဆိုတဲ့စိတ်နဲ့ ဒွိဟလွန်ဆွဲနေချိန် Dr. Dolittle တစ်ယောက် ကိုယ့်ရဲ့ တမူ ထူးတဲ့အရည်အချင်းနဲ့ အများအကျိုးဆက်ပြုသွားမှာလား၊ ပတ်ဝန်းကျင် က လက်မခံတဲ့ကိစ္စကို အရူးအဖြစ်ခံပြီး ဆက်လုပ်လေမလား ဆိုတာကို မပျင်းရလေအောင် စိတ်ဝင်တစားနဲ့ ကြည့်ရှုသွားရမယ့် Comedy ဇာတ် ကားကောင်းလေးပဲဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi Myaing ဖြစ်ပါတယ်) File Size..........(1.7 GB) / (694 MB) / (446 MB) Quality............BLU-RAY 1080p / 720p / 480p Duration.........1Hr 25Min Subtitle...........Myanmar Hardsub Format............MP4 Genre..............Comedy, Family, Fantasy Translator.......Hnin Wut Yi Myaing Encoder..........SWM

Contact (1997) IMDb Rating (7.5) / Rotten Tomatoes (68%) Forrest Gump တို့  Cast Away တို့  Back to the Future တို့လို နာမည်ကျော်ရုပ်ရှင်ကားတွေကို ရိုက်ကူးခဲ့တဲ့ ဒါရိုက်တာ Robert Zemeckis ရဲ့ Sci-Fi /Drama ရုပ်ရှင်ကားကြီးဖြစ်ပါတယ်။ မင်းသမီး Jodie Foster, မင်းသားကြီး Matthew McConaughey တို့လို ဝါရင့်သရုပ်ဆောင်တွေပါဝင်ထားပြီး ရုံတင်ဝင်ငွေ $171.1 million ထိ ရရှိခဲ့တဲ့ တခေတ်တခါက အောင်မြင်ကျော်ကြားခဲ့တဲ့ရုပ်ရှင်ကားကြီးဖြစ်ပါတယ်။ လူသားတွေက ကိုယ့်ရဲ့ဖြစ်တည်မှုတစ်ခုတည်းနဲ့တောင် ပြဿနာတွေ ဒီလောက်ရှုပ်ထွေးနေတာ အဆုံးအစမဲ့ ကျယ်ပြောလှတဲ့ စကြဝဠာကြီးထဲကိုတောင် ခြေဆန့်လို့ ငါလိုလူမျိုးရှိသေးလား ရှာဖွေတတ်ကြသူတွေပါ။ လူကြီးမင်းအနေနဲ့ အပေါစား ဂြိုဟ်သားဇာတ်ကားထဲကလို ကွိကွိကွကွတွေပြော၊ အစိမ်းရောင်ကိုယ်ခန္ဓာနဲ့ အခြားကမ္ဘာသားတွေကို စိတ်ဝင်စားတတ်သူတစ်ယောက်လား။ ဒါဆိုရင်တော့ ဒီဇာတ်ကားက လူကြီးမင်းအတွက် မဟုတ်ပါဘူး။ အတ္တအဇ္ဇတ္တတစ်ခုနဲ့ပဲ လူကြီးမင်းဟာ ကမ္ဘာပေါ်က နေ့ရက်တစ်ခုကို ကျင်လည်ခဲ့တယ်ဆိုပါစို့။ လူကြီးမင်းဖြတ်သန်းနေတဲ့ မိနစ်တိုင်းမှာ စကြဝဠာထဲက ခုန်လျှိုးပေါက်တွေကတဆင့် သတ္တဝါတွေဟာ အလင်းနှစ်သန်းချီအဝေးကို စက္ကန့်မခြား ခရီးထွက်နေကြသတဲ့။ မိခင်မြေက စွန့်ခွာလာသူတွေကို ကြိုဆိုလိုက် မောင်းထုတ်လိုက် လုပ်နေသူတွေရှိပါတယ်။ ဒါဟာ ဘယ်သူတွေပါလဲ။ ဒါမှမဟုတ် ဘယ်သူပါလဲ။ သိပ္ပံပညာဟာ အချက်အလက် (database) နဲ့ သက်သေသက္ကာရ (prove) ကို အလေးအနက်ထား နံပါတ် ၁ နေရာက စဉ်းစားကြသူတွေပါ။ ဒါပေမဲ့ သိပ္ပံပညာနဲ့ ဖြေရှင်းလို့မရတဲ့ အရာတွေမှာရော ဘုရားရှင်ကို အရာရာရဲ့ အဖြေပါလို့ လက်ညိုးထိုးမလား။ သတိထားပါ လူကြီးမင်း။ ဘုရားသခင်ကို ဘယ်သူဖန်ဆင်းခဲ့သလဲလို့မေးရင် ကြက်ဥနဲ့ ကြက်မပြဿနာလို ဂျာအေးကို မုန့်လုံးစက္ကူကပ်နေမှာပါပဲ။ ဆင်မှာလည်း ဆင်အထွာနဲ့၊ ဆိတ်မှာလည်း ဆိတ်အထွာနဲ့ဆိုပေမဲ့ ဆင်အထွာကိုရော ဆိတ်အထွာကိုရော ပုရွက်ဆိတ်လေးက မမီခဲ့ပါဘူး။ ဒါပေမဲ့ ဆင်တွေ ဆိတ်တွေကို အောင်သေအောင်သားစားသူက ပုရွက်ဆိတ်လေးလည်း ဖြစ်နိုင်ပါရဲ့။ နွားခြေရာခွက်ထဲမှာ ရေတင်ကျန်ရစ်တာကို သမုဒ္ဒရာကြီးထင်နေတဲ့ ဖားလောင်းကို ဧရာဝတီမြစ်ထဲက ငါးကြင်းတစ်ကောင်က ရယ်သွမ်းသွေးတယ်ပဲ ထားကြပါစို့။ ‌အတ္တလန်းတစ် သမုဒ္ဒရာထဲက ဝေလငါးကတော့ သူ့နေရာမှာတောင် နယ်မနှံ့ခဲ့သေးပါဘူး။ ဒီလိုနဲ့ပဲ ဘုရားသားတော်တစ်ပါးနဲ့ သိပ္ပံကျေးကျွန်တစ်ယောက်က ကိုယ်ယုံကြည်ရာကို တစိုက်မတ်မတ် လုပ်ခဲ့ပေမဲ့ ရေများရင် ရေနိုင်လို့ မီးများရင် မီးနိုင်တဲ့လောကကြီးမှာ အမှန်တရားနဲ့ ယုတ္တိကျ ပြေပြစ်ခြင်းဆိုတာ တစ်ခါတလေမှာလည်း ဘယ်ဘက်မှာ၊ တစ်ခါတလေမှာလည်း ညာဘက်မှာ။ လူကြီးမင်းက အဖြူကို အဖြူပါလို့လက်ခံထားချိန်မှာ မဟူရာလို နက်မှောင်ပါတယ်လို့ ပြောလာသူတစ်ယောက်ကို လေးစားတတ်ဖို့ တကယ်အရေးကြီးပါတယ်။ သူကလည်း အမည်းကို ‌အဖြူလို့ ပြောလာသူတစ်ယောက်ကို ရင်ဆိုင်နေရသူပါ။ ဒါပေမဲ့ တစ်ထွာစာ မြေနေရာလောက်နဲ့ လူတစ်သိန်းအသက်ကို စတေးရဲသူ လူသားတွေဟာ အမည်းကို အဖြူပြောတယ်ဆိုပြီး အယူလွှဲမှားသူစာရင်းထဲကိုထည့် ရက်ရက်စက်စက် အပြစ်ပေးတတ်သူတွေ။ ဒီလိုနဲ့ပဲ အပြစ်အနာအဆာတွေ အများကြီးနဲ့ လူသားတွေရယ်၊ လူသားတွေလိုသတ္တဝါတွေရယ်ကို သူတို့က ဘယ်လောက်တောင် သိမ်နုတ်သလဲ၊ ဉာဏ်တိမ်သလဲဆိုတာ ခေါ်ပြောလိုက်ရုံတမယ် တစ်ဆင့်မြင့် အခြားကြယ်စုကြယ်ဝေးက ဂြိုဟ်သားတွေဟာ ရေဒီယိုလှိုင်းတွေနဲ့ ဆက်သွယ်ခေါ်ယူ ပညာပေးနေကြသတဲ့။ ဒီဇာတ်လမ်းဟာ လူကြီးမင်းတို့ကို အတွေးတစ်စုံတစ်ရာ ‌ပေးစွမ်းမှာဖြစ်ပြီးတော့ တနုံ့နုံ့ခံစားနေရမယ့် ရုပ်ရှင်တစ်ကားပါပဲ။ သိပ္ပံပညာရှင် အမျိုးသမီးတစ်ဦး ဗေဂါကြယ်အဖွဲ့အစည်းဆီကနေ ဆက်သွယ်မှုတစ်ခုရ၊ သူတို့ပေးတဲ့နည်းပညာနဲ့ သူတို့ဆီကို ခရီးထွက်ခဲ့တဲ့အကြောင်းဆိုပေမဲ့ အရင်းစစ်ရင် အမြစ်ကဆိုသလို မြေကမ္ဘာပေါ်မှာပဲ အသိအသစ်တွေနဲ့ အစကနေ ပြန်လည်နေထိုင်ရခြင်းကို ရည်ညွှန်းတယ်ထင်ပါရဲ့လေ။ စိတ်ပညာအသားပေးရုပ်ရှင်မလို့ ဇာတ်လမ်းနဲ့ ဇာတ်ကွက်ကို အဓိကမထားဘဲ ဒါရိုက်တာပေးချင်တဲ့ သတင်းစကားကိုသာ လိုအပ်သလို အဓိပ္ပာယ်ဖွင့်ယူနိုင်တဲ့ ကြည့်သင့်ကြည့်ထိုက်တဲ့ ဇာတ်ကားဖြစ်‌ကြောင်းပါဗျာ။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်။) File size…(3 GB) / (1.4 GB) Quality….BluRay 1080p/720p Format…mp4 Duration….02:29:40 Subtitle….Myanmar Subtitle (Hardsub) Encoder….Ka Naung Translated by Arr Khun Winchester