Miranda Edwards ပါဝင်သော ဇာတ်ကားများ

ဒီကားကိုတော့ ဒါရိုက်တာ Jason Bourque ကရိုက်ကူးထားပြီး Alexa PenaVega, Jaeda Lily Miller, Miranda Edwards တို့က အဓိက ပါဝင်သရုပ်ဆောင်ထားပါတယ်။ ဆိုဖီ နဲ့ သမီးဖြစ်သူအမ်မလီတို့ဟာ ဆိုဖီ့အရင်ယောက်ျားဖြစ်တဲ့ မေဆန်ရဲ့ပြစ်မှုတွေကြောင့် သက်သေကာကွယ်ရေးအစီအစဉ်နဲ့ နာမည်ပြောင်းပြီး နေထိုင်နေရတဲ့မိသားစုပါ။ ဆိုဖီ့မှာ ချစ်သူအသစ်ရနေပေမယ့် အန္တရာယ်ရှိနေတဲ့အတိတ်ကြောင့် လက်ထပ်ဖို့အထိ မလုပ်နိုင်ပါဘူး။ မြို့ငယ်လေးမှာ ချစ်သူသစ်အပြင် မိတ်ဆွေသစ်ဖြစ်တဲ့ အမန်ဒါတို့ မိသားစုပါရှိနေပြီး ပျော်ရွှင်ဖွယ်ဘဝသစ်ကို ဖြတ်သန်းနေတဲ့ ဆိုဖီ့အတွက် သတင်းဆိုးတစ်ခုရှိလာခဲ့ပါတယ်။ မေဆန်ဟာ ထောင်ဖောက်ပြေးလာခဲ့ပြီး သူတို့ကိုလိုက်ရှာနေခဲ့တာပါ။ ဖုံးကွယ်ထားတဲ့လိပ်စာအထိ မေဆန်ကလိုက်လာတဲ့အခါမှာ FBI မှာလည်း သူလျှို‌ရှိနေတယ်လို့ သံသယဝင်လာခဲ့ပါတယ်။ ကိုယ်တိုင်လည်း အထူးတပ်ဖွဲ့ဝင်ဟောင်းဖြစ်ခဲ့တဲ့ ဆိုဖီဟာ အရင်ယောက်ျားရဲ့ရန်ကနေ သမီးနဲ့ ချစ်ရသူမိတ်ဆွေတွေကို ဘယ်လိုကာကွယ်သွားမလဲ။ ရဲသူလျှိုကရော ဘယ်သူဖြစ်နေမလဲ... သူတို့အဆုံးထိလွတ်မြောက်နိုင်မှာလား... ဒါတွေကို ဇာတ်ကားကြည့်ရှုရင်း အဖြေရှာရမှာပါ။ File Size… (1.21 GB) / (649 MB) Quality… WEB-DL 1080p HEVC /720p Format…mkv / mp4 Duration…1h 30m Genre ….Drama Subtitle….Myanmar Subtitle (Hard Sub)

လော့စ်အိန်ဂျလိစ်မြို့မှာ ငွေတွေတင်လာတဲ့ ထရပ်ကားတစ်စီးကို ဓားပြအဖွဲ့တစ်ဖွဲ့ ဝင်တိုက်ပါတယ်။ စုံထောက်နိုက်တ်နဲ့ သူ့တွဲဖက် ဖစ်ဇ်တို့က ဖမ်းဆီးဖို့ ကြိုးစားကြရင်း ဖစ်ဇ် သေနတ်ထိသွားပြီး အရေးပေါ်ဆေးကုသမှု ခံယူရတဲ့အထိ ဖြစ်သွားတယ်။ အဲဒီနောက် နိုက်တ်က ဓားပြအဖွဲ့ကို မိဖို့ အစွမ်းကုန် လိုက်ဖမ်းပါတော့တယ်။ ဒါပေမဲ့ ဒီအဖွဲ့က တစ်မြို့ပြီးတစ်မြို့ ပြောင်းပြီး ဓားပြတိုက်နေသလို ခြေရာဖျောက်တာလည်း သေသပ်လို့ ဖမ်းမမိနိုင်ဖြစ်နေပါတယ်။ နောက်ဆုံး နယူးယောက်မြို့မှာ သူတို့ရဲ့ခြေရာကို နိုက်တ်လိုက်မိသွားပြီး အရင်က ပတ်သက်ဖူးတဲ့ သတင်းပေး ဝင်းနာနဲ့ ပြန်တွေ့လာတယ်။ အဲဒီပြန်လည်ဆုံတွေ့မှုကနေ ဘယ်လိုအလှည့်အပြောင်းတွေ ဖြစ်လာမလဲဆိုတာကို ဆက်ပြထားပြီး စုံထောက်နိုက်တ်အဖြစ် Bruce Willis က သရုပ်ဆောင်ထားပါတယ်။

Detective Knight ဇာတ်ကားသုံးကားတွဲထဲက Redemption မှာတော့ Bruce Willis သရုပ်ဆောင်ထားတဲ့ စုံထောက်နိုက်ဟာ တရားရင်ဆိုင်ရဖို့ ထောင်ထဲမှာ စောင့်နေရပါတယ်။ အဲဒီမှာ ဖာသာကွန်လန်နဲ့ မူးယစ်ဆေးသုံးစွဲသူ ကိုဒီရို့ဒ်တို့ကို သိကျွမ်းလာပြီး လွတ်မြောက်ရေးအကြောင်း ဆွေးနွေးဖြစ်ကြတယ်။ တစ်ဖက်မှာတော့ နယူးယောက်မြို့မှာ ဘဏ်ဓားပြတိုက်မှုတွေနဲ့ ဗုံးပေါက်ကွဲမှုတွေ ဆက်တိုက်ဖြစ်လာလို့ ပြည်သူတွေလည်း ကြောက်လန့်နေကြပါပြီ။ ရဲဌာနနဲ့ မြို့တော်ဝန်တို့ပါ အကျပ်ရိုက်လာတဲ့အခါ အရင်က အတွဲညီခဲ့တဲ့ စုံထောက်နိုက်နဲ့ စုံထောက်ဖစ်တို့ဆီ အကူအညီတောင်းဖို့ ဖြစ်လာပါတယ်။ ခရစ္စမတ်နေ့မှာ ဆန်တာဝတ်စုံတွေဝတ်ပြီး ဘဏ်ဖောက်နေကြသူတွေရဲ့ နောက်ကြောင်းနဲ့ ဒီအမှုတွေကို နိုက် ဘယ်လိုကိုင်တွယ်မလဲဆိုတာ ဆက်ပြထားတဲ့ အက်ရှင်သည်းထိတ်ရင်ဖိုဇာတ်ကားပါ။

မြို့ငယ်လေးတစ်မြို့မှာ နေထိုင်ကြတဲ့ အထက်တန်းပြီးခါစ ဆယ်ကျော်သက်သူငယ်ချင်းလေးယောက်ဟာ Friendship Game လို့ခေါ်တဲ့ ထူးဆန်းတဲ့အရာဝတ္ထုတစ်ခုကို တွေ့ရှိသွားကြပါတယ်။ ဂိမ်းစည်းမျဉ်းအတိုင်း စိတ်ထဲက အနက်ရှိုင်းဆုံးဆန္ဒတွေကို တစ်ယောက်နဲ့တစ်ယောက် ပြောပြပြီး ကစားလိုက်ကြရာက သူတို့ရဲ့ ခင်မင်မှုကို စမ်းသပ်တဲ့ဖြစ်ရပ်တွေ ဆက်တိုက်ဖြစ်လာတော့တယ်။ ဒီဂိမ်းမှာ ခင်မင်မှု ပျက်ပြားသွားရင် လူကိုယ်တိုင်ပါ သေဆုံးလိမ့်မယ်လို့ ဆိုထားပါတယ်။ နည်းလမ်းမျိုးစုံနဲ့ သံယောဇဉ်တွေ စမ်းသပ်ခံနေရတဲ့ သူငယ်ချင်းလေးယောက်ဟာ သူတို့ကြုံလာရတဲ့ ထိတ်လန့်စရာဖြစ်ရပ်တွေကို ကျော်ဖြတ်နိုင်ပါ့မလား။

P2 (2007) P2 (2007) ဇာတ်ကားဟာ ကြည့်ဖူးသူမှန်သမျှနီးပါး သဘောကျ ကြိုက်နှစ်သက်ကြတဲ့ Underrated Christmas horror ကားကောင်းတစ်ကားပါ။ ကြည့်ဖူးသူတွေပြန်ကြည့်သင့်သလို မကြည့်ရသေးတဲ့လူတွေလည်း လုံးဝမြည်းစမ်းကြည့်သင့်တဲ့ Hidden Horror Movie Gems တွေထဲကတစ်ခုပါပဲ။ ဇာတ်လမ်းကတော့.... အိန်ဂျလာဘရစ်ချ်ဟာ မန်ဟက်တန်မြို့လယ်ခေါင်က ရုံးခန်းအဆောက်အအုံကြီးမှာအလုပ်လုပ်တဲ့ မိန်းမလှလေးတစ်ယောက်ဖြစ်ပြီး ခရစ်စမတ်ညနေမှာတော့ အလုပ်တွေမပြီးပြတ်လို့တစ်ယောက်တည်းကျန်နေရစ်ခဲ့ပါတယ်။ သူ့အစ်မ အိမ်မှာ မိသားစုညစာအတူစားဖို့ချိန်းထားတာလည်းရှိတဲ့အတွက် ဖြတ်စရာကိစ္စတွေကိုအမြန်ဖြတ်ရင်း ရုံးခန်းကထွက်ဖို့ လုပ်တဲ့အချိန်မှာ ရုံးခန်းတွေကိုလိုက်ပိတ်နေတဲ့ လုံခြုံရေးတစ်ဦးနဲ့ဆုံတဲ့အတွက် အောက်ထပ်ကိုဆင်းလာခဲ့ပါတယ်။ ရုံးခန်းအဆောက်အအုံကြီးရဲ့မြေအောက် ကားပါကင်ကိုရောက်တဲ့အချိန်မှာတော့ သူ့ကားစက်မနိုးနိုင်တာကိုသိလိုက်ရတဲ့အချိန်မှာ ကားပါကင်စောင့်လူငယ်တစ်ယောက်ရဲ့အကူအညီနဲ့ရုံးပေါ်ပြန်တက်ပြီး တက္ကစီစောင့်ဖို့ကြိုးစားခဲ့ပေမယ့် အဆောက်အအုံကြီးရဲ့ ပင်မဂိတ်တံခါးကလည်း သော့ခတ်ထားတဲ့အတွက် အိန်ဂျလာတစ်ယောက်မြေအောက်ကားပါကင်ဆီပြန်ဆင်းလာရတဲ့အချိန်မှာတော့ ရုန်းရင်းဆန်ခတ်ဖြစ်ရပ်တစ်ခုကိုကြုံလိုက်ရပြီးသတိလစ်သွားပါတော့တယ်။ ပြန်လည်သတိရလာမယ့် သူ့အတွက် ကြိုဆိုနေမှာကတော့ သေရာပါစိတ်ဒဏ်ရာရသွားစေမယ့် ခြောက်ချားဖွယ်အတွေ့အကြုံတွေ၊ စွန့်စားခန်းတွေနဲ့ပြည့်နှက်နေတဲ့ညတစ်ညပါပဲ။ (ရုပ်ရှင်အညွှန်းနဲ့ဘာသာပြန်ကို Alias မှ တင်ဆက်ထားပါတယ်။) File size…(2.1 GB )/(1 GB)  Quality….BluRay 1080p HEVC / 720p Format…mkv/mp4 Duration….01:38:00 Subtitle….Myanmar Subtitle (Hardsub) Encoder….Ka Naung Trasnlated by Alias

IMDb Rating (7/10) / Rotten Tomatoes (84%) နာမည်ကျော်မင်းသမီး လင်းဆေးလိုဟန် ပါဝင်သရုပ်ဆောင်ထားတဲ့ Rating မြင့် Teen School ကျောင်းသား အချစ် ဟာသ ရုပ်ရှင်ဇတ်မြူးလေး ဖြစ်ပါတယ်... ဒီရုပ်ရှင်ကားကို April 30, 2004 (USA) မှာ ရုံတင်ပြသခဲ့တာဖြစ်ပြီး ရိုက်ကူးစဉ်က Budget $17 million သာကုန်ကျခဲ့ပေမယ့် ရုံတင်ဝင်ငွေ $130 million ရရှိခဲ့တာကြောင့် အနုပညာအရရော စီးပွားရေးအရပါ အောင်မြင်မှုရရှိခဲ့တဲ့ဇာတ်ကားပါ... ဇာတ်လမ်းကတော့... နယ်ကပြောင်းလာပြီး သက္ကသိုလ်ကျောင်းတက်ရတဲ့ ကေဒီ တစ်ယောက် ကျောင်းမှာ ထူးထူးဆန်းဆန်းတွေသာ မြင်ရပါတယ် သူမြင်နေကြ မဟုတ်တဲ့ ဂုဏ်အရှိန်အဝါ ပြိုင်ဆိုင်တာတွေ အလှပြိုင်တာတွေ အဆင့်အတန်း ခွဲတာတွေ နဲ့ အုပ်စုလိုက် သွားလာတက်တာတွေကို စတင် လေ့လာရပါတော့တယ်.. သူတို့ ကျောင်းမှာ နာမည်ကြီးနေတဲ့ ပလစ်စတစ် ကောင်မလေး အဖွဲ့က ကေဒီ ရဲ့ အလှကို စတင် သတိထားမိသွားပြီး ကေဒီ ကို သူတို့ အဖွဲ့ထဲ စတင်ခေါ်ပါတော့တယ်… ရိုးသား တဲ့ ကေဒီတစ်ယောက် အလှတွေ ပြင်တက်လာပြီး အချစ်နဲ့ တွေ့ပြန်တော့လဲ မလုပ်ဖူးတဲ့ လိမ်ညာတာတွေ သူများကို ချောက်တွန်းတာတွေ စတင်လုပ်ဖြစ်လာပြီး မူလ ရိုးသားပြီး စာတော်တဲ့ ကေဒီ ရဲ့ ပုံစံလေးဟာ တစ်ဖြေးဖြေး ပျောက်ကွယ်ခဲ့ပါတယ်.. ပလစ်စတစ် ကောင်မလေးများ အဖွဲ့မှာ ကေဒီ တစ်ယောက် နေရာရလာမလား သူမ ရဲ့ ရိုးသား မှု နဲ့ အချစ်ရဲ့ အားပြိုင်မှုတွေကို ဘယ်လို ရင်ဆိုင်မလဲ ဆိုတာကိုတော့ Mean Girl ရုပ်ရှင်လေးမှာ ကြည့်ရှုခံစားလိုက်ပါနော်။ File size…(2 GB) and (1.1 GB) Quality….BluRay 1080p and 720p 5.1CH Format…mp4 Duration….01:37:00 Subtitle….Myanmar Subtitle (Hardsub) Encoder….Nyeinsaeya Aung