Mohan Joshi ပါဝင်သော ဇာတ်ကားများ

Deool Band 2 (2026) ကျောင်းတော်ပိတ်ထားသည် ၂ IMDb (7.5/10) ဒီဇာတ်ကားကတော့ ၂၀၁၅ က ထွက်ခဲ့တဲ့ လူကြိုက်များခဲ့တဲ့ Deool Band ရဲ့ အဆက်ဖြစ်ပြီး ဘာသာရေး၊ သံသယနဲ့ တောင်သူလယ်သမားတွေရဲ့ လက်တွေ့ဘဝပြဿနာတွေကို ခပ်စပ်စပ်လေး ရိုက်ပြထားတဲ့ Marathi Devotional Drama ဇာတ်ကားပဲဖြစ်ပါတယ်။ရုံတင်၀င်‌ငွေ ကုဋေ ၁၀၀လောက်အထိကိုလည်း ရရှိထားပါတယ်။ ဇာတ်လမ်းက မိုးခေါင်ရေရှားပြီး အကြွေးနွံနစ်နေတဲ့ ကျေးလက်ရွာလေးတစ်ရွာမှာ တူကရမ်ဆိုတဲ့ လယ်သမားတစ်ယောက်ဟာ မျိုးစေ့အတုနဲ့ ဓာတ်မြေဩဇာအတုတွေကြောင့် သီးနှံတွေပျက်စီးပြီး အခက်အခဲကြုံရတဲ့အခါ သူ အလွန်ကြည်ညိုတဲ့ Swami Samarth ဘုရားကို အားကိုးတကြီး ဆုတောင်းတယ်။ ဒါပေမဲ့ ဒုက္ခတွေက ပြေလည်မသွားဘဲ ပိုဆိုးလာတဲ့အခါ တူကရမ်ရဲ့ ဇနီး ဆန်ဂီတာ က တကယ်ပဲ ဘုရားဆိုတာ ရှိရဲ့လား၊ ဘုရားက တကယ်ရော ဆင်းရဲသားတွေကို ကူညီရဲ့လားဆိုပြီး သံသယဝင်လာခဲ့တယ်။ဆန်ဂီတာဟာ သူ့ရဲ့ သံသယနဲ့ ဒေါသတွေကို မထိန်းနိုင်တော့ဘဲ Swami Samarth ကို တိုက်ရိုက်စိန်ခေါ် ပြီး ငါတို့ ခံစားနေရတဲ့ ဒုက္ခတွေကို တကယ်မြင်ရဲ့လား ဆိုပြီး မေးခွန်းထုတ်ပါတော့တယ်။ အဲဒီမှာပဲ Swami Samarth ကိုယ်တိုင် လူ့ပြည်ကို ဆင်းလာပြီး ဆန်ဂီတာနဲ့ လယ်သမားတွေရဲ့ လက်တွေ့ဘဝထဲမှာ အတူတူရှိပေးရင်း သူတို့ရဲ့ ယုံကြည်ချက်၊ အကူအညီနဲ့ ဒုက္ခတွေကို ဘယ်လိုရင်ဆိုင်ကျော်ဖြတ်မလဲဆိုတာကို ကြည့်ရှုရမှာပဲဖြစ်ပါတယ်။ File size… 3.4 GB / 2.2 GB Quality…WEB DL 1080p HEVC/ 720p Format…mkv/ mp4 Duration….3h 2m Subtitle….Myanmar Subtitle (Hard Sub)

Badass Ravi Kumar (2026) ငါဟဲ့ရာဗီကူးမား ၂၀၁၄ က ထွက်ရှိခဲ့တဲ့ The Xpose ဇာတ်ကားရဲ့ spin-off အဖြစ်ထွက်ရှိလာတဲ့ရုပ်ရှင်ကို တင်ဆက်ပေးလိုက်ပါတယ်။ ဒီရုပ်ရှင်ဟာ ဘောလိဝုဒ်ရွှေခေတ်ဖြစ်ခဲ့တဲ့ ၈၀ ခုနှစ်တွေက အက်ရှင်ကားတွေရဲ့ ပုံစံအတိုင်း ရည်ရွယ်ချက်ရှိရှိ ပိုပိုကဲကဲ တင်ဆက်ထားတဲ့ ဂီတအက်ရှင်ဒရာနာမာ ပုံစံမျိုး ဖြစ်ပါတယ်။ ကိုယ့်ကိုယ်ကိုယ် စူပါဟီးရိုးလို့ခံယူထားတဲ့ ဇာတ်လိုက်ကျော် ရာဗီကူးမားဟာ အိန္ဒိယရဲ့ ထိပ်တန်းလျှို့ဝှက်ချက်တွေနဲ့ ဒုံးကျည်ကုဒ်တွေ ပါဝင်တဲ့ လျှို့ဝှက်ဖလင်လိပ်ကို ပြန်လည်ရယူဖို့ တာဝန်ပေးခြင်း ခံရပါတယ်။ ဒီဖလင်လိပ်ကို အကဝါသနာပါတဲ့ ဒုစရိုက်ဂိုဏ်းချုပ် ကာလို့စ်က လက်ဝယ်ပိုင်ဆိုင်ထားတာပါ။ ရာဗီကူးမားဟာ မက်စကပ် မြို့အထိ လိုက်လံပြီး လူဆိုးဂိုဏ်း ၁၀ ခုထက်မကကို တစ်ယောက်တည်း ရင်ဆိုင်ကာ နိုင်ငံတော်လုံခြုံရေးအတွက် အလွန်အမင်း စွန့်စားခန်းဖွင့်ပုံတွေကို ဒီရုပ်ရှင်ထဲမှာ မြင်ကြရမှာ ဖြစ်ပါတယ်။​ File size… 3.32 GB / 1.64 GB Quality…1080p HEVC/ 720p Format…mkv/ mp4 Duration....2h 26m Subtitle….Myanmar Subtitle (Hard Sub)

မာရသာအင်ပါယာကို တည်ထောင်ဖို့ ကြိုးစားနေတဲ့ကာလမှာ ဘုရင် ချက်သရပတီရှီဗာဂျီနဲ့ သူ့အပေါင်းအပါတွေက နယ်ချဲ့လက်ပါးစေတွေကို တော်လှန်ကြပါတယ်။ အဲဒီအချိန်က မာရသာနယ်မြေတွေဟာ အချင်းချင်း ကွဲပြားနေပြီး အင်အားကြီးတဲ့ ဆူတန်ကလည်း ပိုပြီးကွဲပြားနေအောင် သွေးထိုးပေးနေတယ်။ သတ္တိရှိတဲ့ မာရသာလူမျိုးတွေဟာ ဆိတ်၊ ကျွဲကိစ္စလောက်နဲ့တောင် အချင်းချင်း ရန်ဖြစ်သတ်ဖြတ်နေကြပါတယ်။ ဒီအဖြစ်တွေကို ရင်လေးနေတဲ့ ရှီဗာဂျီက နယ်မြေအားလုံးကို စုစည်းပြီး ဘုံရန်သူကို တိုက်ထုတ်ဖို့ ကြိုးစားလာတယ်။ တစ်နယ်ပြီးတစ်နယ် သိမ်းပိုက်လာရင်း မာဗယ်နယ်မြေ ၁၂ ခုလုံးက ကြောက်ရွံ့ရတဲ့ ဘာဂျီပါရာဘူဒေ့ရှ်ပန်ဒေနဲ့ ထိပ်တိုက်တွေ့လာပါတယ်။ ပဝန်းခင့်တိုက်ပွဲကို အဓိကဇာတ်အိမ်တည်ထားပြီး ဘာဂျီပါရာဘူဒေ့ရှ်ပန်ဒေ ဦးဆောင်တဲ့ စစ်သည် ၃၀၀ နဲ့ စစ်သည် ၁၂၀၀၀ ပါဝင်တဲ့ ဘီဂျာပူရီတပ်တို့ ရင်ဆိုင်ကြတဲ့အကြောင်းကို ရိုက်ကူးထားတာပါ။ တိုက်ပွဲတွေနဲ့အတူ နိုင်ငံရေးအရ ဉာဏ်ချင်းအားပြိုင်ကြပုံကိုလည်း ဖော်ပြထားပါတယ်။

Baghban (2003) IMDB : 7.4 Rotten Tomatoes : 84% Genre : Romance / Drama “ကိုယ်တို့ သားသမီးတွေအိမ်မက်တွေကိုဖြည့်စည်းရင်းနဲ့ ကိုယ်တို့အိမ်မက်တွေနဲ့ဝေးကွာခဲ့ရတယ်” သားသမီးတွေရဲ့ ခါးခါးသီးသီးငြင်းပယ်ခံရမှုအပေါ်မှာ ဖခင်တစ်ယောက်ရဲ့ တုန့်ပြန်တဲ့စကား။ မိဘဆိုသည်မှာ ဆင်းရဲသည်ဖြစ်စေ၊ ချမ်းသာသည်ဖြစ်စေ သားသမီးတွေကိုတော့ ပြည့်စုံအောင်ထားချင်တာ သဘာဝပါပဲ။ “အဖေ မဆာလို့မစားတော့ဘူး” “အမေ့အတွက်မချန်နဲ့တော့နော်၊ အမေစားခဲ့ပြီးပြီ” ချိုမြိန်တဲ့ မုသားတွေအောက်က မျက်ရည်စတွေကို သားသမီးတွေမြင်သည်ဖြစ်စေ၊ မမြင်သည်ဖြစ်စေ မိဘကတော့ အနစ်နာခံစမြဲပါ။ ဘယ်သူကလုပ်ခိုင်းလို့လဲဆိုတော့ ဘယ်သူမှ မလုပ်ခိုင်းပါဘူး။ အဖြေကတော့ မိဘဖြစ်နေလို့ပါပဲ။ သာမန် မိသားစုမိကြီးပြင်းလာတဲ့လူ၊ မပြည့်စုံတဲ့မိသားစုမှာ ကြီးပြင်းခဲ့ရသူတွေဆို ဒီလိုမျိုး ကိစ္စတွေကို အမြဲလိုလိုကြုံခဲ့ရပါလိမ့်မယ်။ ဒါတွေကိုငယ်စဉ်အခါတုန်းက မသိခဲ့ရပေမဲ့ အသက်အရွယ်တစ်ခုရလာတဲ့အချိန်မှာတော့ အားလုံးကိုနားလည်လာရပါတယ်။ ဒီလိုမျိုးနားလည်လာရတဲ့အချိန်မှာ မိဘတွေက အနားမှာရှိကောင်းလည်းရှိနေနိုင်တယ်။ ရှိချင်မှလည်းရှိလိမ့်မယ်။ nအရာအားလုံးနောက်မကျသွားခင်တော့ မိဘဟာမိဘပဲဆိုတာ ဒီရုပ်ရှင်ကအကောင်းဆုံးချပြသွားပါတယ်။ ဇာတ်ညွှန်း မယ်လ်ဟိုတာ ဆိုတာ သာမန်လခစားဝန်ထမ်းတစ်ယောက်ပါ။ အပင်မကြီးပေမဲ့ သား ၄ ယောက်ကိုတော့ အရိပ်လုံလောက်အောင်ပေးနိုင်ခဲ့တယ်။ ငါ့သားလေးလိုချင်တာရဖို့ မိုးကိုဒူးနဲ့တိုက်ရပါစေ ဆိုတဲ့လူစားမျိုး။ သူ့မှာ ပူးဂျာဆိုတဲ့ ဇနီးသည်တစ်ယောက်ရှိတယ်။ အသက်ကြီးလာသည့်တိုင် အချစ်တွေကမကုန်ခမ်းနိုင်၊ ချစ်မဝနိုင်ဖြစ်နေတုန်း။ နက်ကတိုင်ကို စည်းတတ်တယ် ဒါပေမဲ့ မစည်းဘူး ဇနီးသည်စီးပေးမှ နက်ကတိုင်မှ လည်ပင်းမှာ မြဲမှာလို့ မှတ်ယူထားတဲ့လူမျိုး။ Baghban ဆိုတာကို မြန်လာလိုပြန်ရရင် ဥယျာဉ်မှူးပေါ့လေ။ ဥယျာဉ်ထဲက အပင်လေးတွေ ဝေဆာလာဖို့ နေပူပူ မိုးရွာရွာ အရိပ်တကြည့်ကြည့် ကြည့်နေရမှာ ဥယျာဉ်မှူးတစ်ယောက်ရဲ့တာဝန်ပဲလေ။ ဒါမှလည်း အပင်တွေကြီးလာခဲ့အခါမှာ ကိုယ့်ကိုအရိပ်ပြန်ပေးနိုင်မယ်လေ။ မဟုတ်ဘူးလား။ ဒါပေမဲ့ ရာ့ဂျ်အတွက်တော့ အဲလိုမျိုးမဟုတ်ခဲ့ဘူး။ ရာ့ဂျ်တစ်ယောက်အလုပ်ကထွက်ပြီး ပင်စင်စားဖြစ်လာတဲ့အခါ၊ အပင်တွေကြီးလာတဲ့အခါ၊ ရေသောက်မြစ်တွေခိုင်လာတဲ့အခါ၊ ဥယျာဉ်မှူးရေလောင်းဖို့မလိုဘူးဆိုပြီး ဥယျာဉ်မှူးကိုကန်ထုတ်ခဲ့တယ်။ တစ်ခါမှ မခွဲဖူးတဲ့၊ အရမ်းချစ်ကြတဲ့ လင်မယားနှစ်ယောက်ကို တစ်အိမ်စီခွဲပြီးခေါ်ထားလိုက်တယ်။ ပတ်ဝန်းကျင်အသစ်မှာ ကိုယ့်ကို ချစ်ခင်နွေးထွေးမှုပေးတဲ့ ဇနီးသည်ကလည်းမရှိပြန်၊ သားနဲ့ချွေးမတွေကလည်း ကိုယ့်ကို ပစ်ပယ်လာတဲ့အခါ ဖခင်တစ်ယောက်ရဲ့ရင်ထဲက မျှော်လင့်ချက်မိုးတိမ်တွေပြိုကျခဲ့ရပါတယ်။ ဒီလိုနဲ့ ဘယ်လိုဆက်ဖြစ်မှာလဲဆိုတာကို မျက်ရည်လေးဝဲရင်းခံစားကြည့်လိုက်ကြပါဦးခင်ဗျာ။ File size…   3 GB /  1.2 GB Quality… Web-DL 1080p / 720p Format… mp4 Duration…. 3h 1m Genre .....Romance / Drama Subtitle…. Myanmar Subtitle (Hard Sub)

IMDb Rating (7.6) တစ်ခါတလေ ကျွန်တော် တို့ နှလုံးသားမှာ မသိစိတ်နဲ့ စွဲမြဲစွာ ကပ်ငြိမိတဲ့သူ တစ်ဦးဦး ရှိနေတတ်ကြပါတယ်။ သိစိတ်နဲ့လည်း တမ်းတဖြစ်တတ်ကြပါတယ် သူနဲ့သာဆို သေအတူ ရှင်မကွာ လက်တွဲရင်း ဘ၀လမ်းကို လျှောက်လှမ်းနေချင်ခဲ့တယ်။ ဒါဟာ နှလုံးသားရဲ့ တောင့်တမှုဖြစ်ပြီး စိတ်ရဲ့ လိုအင်လည်း ဖြစ်ပါတယ် ဒါဟာ တစ်ဖက်သတ်ဖြစ်နေခဲ့လည်း ဆုပ်ကိုင်ထားတဲ့ သစ်ရွက်နု စိတ်ကူးလေးလည်း ဖြစ်ပါတယ်။ ဒါမှမဟုတ် ကိုယ်တိုင် တရားစီရင်ခဲ့တဲ့ ဥပဒေတစ်ရပ်ဆိုလည်း မမှားဝံ့ပါဘူး ဤမျှထိ အစပြုလာသော အချစ်သည် ဘယ်အရပ် မှ စပါသနည်း။ Amar အတွက်တော့ နယ်စပ်ရထားဘူတာရုံငယ်လေး မှ စခဲ့ဟန်တူသည် ရေဒီယို အသံလွှင်ခြင်းကိစ္စနဲ့ပတ်သက်လို့ ခရီးထွက်ရင်း သူမကို Amar စတွေ့ခဲ့သည်။ လေကထန် မိုးကသည်း ရင်း ချမ်းအေးသော ဤချိန်၀ယ် သူမ သည် သဘက်လေးကို ဦးခေါင်းထက်ပေါ် မလုံ့တလုံ လွှားခြုံရင်း ချမ်းခိုက်နေဟန်တူသည်။ သူမ သည် ပြစ်မျိုးမရှိသော နတ်မိမယ် တစ်ဦးဟု Amar သတ်မှတ်လိုက်သည် ဘ၀သည် တိုတောင်းသော အချိန်လေး တစ်ခုပင်ဖြစ်သည်။ ထို့ကြောင့် ရထား တစ်စီး နဲ့ တစ်စီး လွဲရင်း နှလုံးသား ပါ လွဲသွားဟန်တူသည်။ သူ့နှလုံးသားသည် သူမ ရှိရာ ရထားလေးဆီ လိုက်ပါစီးနင်းဖြစ်ကြောင်း Amar သိလိုက်ပါသည် Amar ဟာ သူ့ အလုပ်ခွင် ရောက်သော်လည်း ထို မျက်၀န်းလေးကို မေ့နိုင်စွမ်း မရှိခဲ့။ သို့သော် Amar ကံကောင်းလှပါသည်။ သူရောက်ရှိသော မြို့လေးမှာပင် သူမကို ပြန်တွေ့လိုက်ရသည်။ ထို့သို့နှင့် Amar ဟာ သူမကို ချစ်ခွင့်ပန်နိုင်ဖို့အရေး အခြေပြု စတင်ကြိုးစားတော့လေသည် ဒါပေမဲ့ သူမအတွက် Amar ဟာ ငြင်းဆိုမှုတစ်ရပ် ဖြစ်နေခဲ့သည်။ သူမ၏ အမည်ကိုပင် ဖော်ပြနိုင်စွမ်း ပြောပြနိုင်စွမ်း မပြုခဲ့။ Amar ကိုလည်း မထိခိုက်စေချင်ခဲ့ပါ Amar ကလည်း အချစ်၏စွမ်းအားကြောင့် ခေါင်းသိပ်မာသည်။ သူမ၏ နာမည်လေးကိုတောင် မသိရဘဲ ဤမြို့ လေးမှ ထွက်ခွာသွားမည်လည်း မဟုတ်လှ။ သူ အကြိမ်ကြိမ် ကြိုးစားချင်ပါသည်။ သို့သော် သူမ ၏ တန်ပြန်မှုတွေကြောင့် Amar အခက်တွေ့ရသည် တစ်ခါက သူမ မေးဖူးသည်။" ရှင် ကျွန်မအကြောင်း ဘာများသိလို့လဲ " " နှလုံးသားတစ်ခုလုံးရင်းပြီးငါ မင်းကို ချစ်ခဲ့ပြီးပြီပဲ။ ငါ့အတွက် ကျန်တာ ဘာမှမဟုတ်တော့တာ " ဟုသာ Amar ပြန်ဖြေသည် သူမ ဟာ ဘယ်သူလဲ။ ဘယ်ကလဲ ဆိုတာ Amar မသိချင်ပါ။ ခေါင်းတစ်ချက်သာ ငြိမ့်ပါက သူမနဲ့အတူတူ ကမ္ဘာဆုံးထိ ပြေးထွက်သွားချင်သူသာ ဖြစ်ပါသည် သို့ပေမဲ့တစ်နေ့မှာတော့ Amar ဆီ လူစိမ်းနှစ်ယောက် ရောက်လာပြီး နှိပ်စက်ခဲ့ကြသည်။ Amar တစ်ယောက် ဒဏ်ရာတွေ အများအပြားနဲ့ သေလုမျောပါးဖြစ်ခဲ့ရတယ်။ သိပ်မကြာခင် Amar ပြန်ကောင်းလာချိန်မှာတော့ သူမကို လိုက်ရှာခဲ့သေးတယ်။ ဒါပေမဲ့ ထိုမြို့လေးမှာ သူမ ရှိမနေခဲ့တော့ အခုတော့ အချစ်ဟာ ကောက်ရိုးထဲက အပ်လေးလိုပါ။ အခုတော့ Amar ဟာ သူ့နှလုံးသားလေးကို ပြန်ရှာဖွေတဲ့ ရိုမီယိုတစ်ယောက် ဖြစ်နေခဲ့မိပါတော့တယ် ဒီလိုနဲ့ Amar ဟာ သူ့မင်းသမီးလေးကို ပြန်ရှာဖွေမှာလား ။ ပြန်ရှာတွေ့မှာလား။ ဇာတ်လမ်းဟာ ဘယ်လို ခံစားမှုရသတွေနဲ့ မခံချိသာအောင် လုပ်မလဲ ဆိုတာတော့ ကြည့်ရှုပြီးမှ ကိုယ်တိုင် ဆုံးဖြတ်လိုက်ကြပါဦး ဒီနေရာအထိ ကျွန်တော့် ညွှန်းဆိုချက်က ထိမိမှာမဟုတ်ပါဘူး။ တဒင်္ဂ အချိန်တစ်ခု မှာ သိပ်ချစ်သွားမိတဲ့ မင်းသားရဲ့ စရိုက်ကိုပဲ အဓိက ရေးချင်ခဲ့တာပါ တစ်ခါတလေ နေရာလေးတစ်ခုကနေ တွယ်လာတဲ့ သံယောဇဉ်ကို ကျွန်တော်တို့ ခံစားမိကြတယ်။ အချစ်ကို ပေါက်ဖွားလာကြတယ်။ တဒင်္ဂဟာ အစဉ်ထာ၀ရ ဖြစ်ပါ့မလား ဆိုတဲ့ အချစ်သံသယ မေးခွန်းတွေကိုလည်း ဒီကားလေးက ခြေဖျက်လိုက်ပုံရပါတယ် ဒါ့ကြောင့် Drama အဆွေးတွေကို ကြိုက်နှစ်သက် ခံစားချင်တယ်ဆိုရင်တော့ ဒီကားလေးကို ညွှန်းပါတယ် ဒီကားလေးမှာ မင်းသားကြီး ရှာရွတ်ခမ်း ရဲ့ သရုပ်ဆောင်ပုံက အသက်၀င်မြဲ အသက်၀င်ဆဲမို့ ကြည့်ရကျိုးနပ်ပါတယ်။ ဒါ့ပြင် အကအလှနဲ့ အချစ်အပါအ၀င် နိုင်ငံရေး ကိုပါ ထည့်သွင်းထားတာကြောင့် ဇာတ်အိမ်က ပိုကြွ လာပါတယ် နောက်ဆုံး ဇာတ်၀င်ခန်း Dialogue ကလည်း ဒီကားရဲ့ အခရာ ဖြစ်လာခဲ့ပါတယ် " Just once that you love me " " မင်းလည်း ငါ့ကိုချစ်ပါတယ်လို့ တစ်ခါလေးသာ ပြောပေးပါ " တဲ့ ဒီလိုနဲ့ ……………… (အညွှန်းကို Linnkhayan FB မှ ကူးယူဖော်ပြထားခြင်းဖြစ်ပြီး ဘာသာပြန်ခံစားတင်ဆက်ထားသူကတော့ Thaik San ဖြစ်ပါတယ်။) File size…(2.8 GB)/ (1.6 GB) / (800 MB) Quality…WEB-DL 1080p /720p/480p Format…mp4 Duration….02:43:00 Subtitle….Myanmar Subtitle (Hardsub) Encoder….Nyeinsaeya Aung Translated by Thaik San

Ishq 1997 ( ချိုမြိန်တဲ့သောက) IMDb - 6.8/10 Ishq ဇာတ်ကားဟာ1997 ခုနှစ်ကထွက်ခဲ့တဲ့ ဇာတ်ကားဖြစ်ပြီး IMDb - 6.8ရရှိထားကာ အဲဒီနှစ်ရဲ့ တတိယ၀င်ငွေအများဆုံးရခဲ့ပါတယ်။ ပါ၀င်သရုပ်ဆောင်ထားတဲ့ မင်းသား မင်းသမီးတွေကလည်း. နာမည်ကျော် ခန်း ၃ ခန်းထဲက Pk မင်းသားဖြစ်တဲ့ အမီရာခန်း ( Aamir Khan ) ၊ မင်းသားကြီး အဂျေး ( Ajay Devgn ) ၊ မင်းသမီးကြီး Juhi Chawla နဲ့ Kajol တို့ရဲ့ ငယ်စဉ်ကာလ နုပျိုချောမောမှုတွေနဲ့အတူ Chemistry မိမိရိုက်ကူးတာပါ.. ဇာတ်ကားအကျဉ်းကတော့- ဆင်းရဲသားကို မစင်ပုံရွံသလို ရွံတတ်ကြတဲ့ ကျိကျိတက်ချမ်းသာတဲ့ သူဌေးကြီး နှစ်ဦးဟာ သူတို့ရဲ့သားနဲ့သမီးကို သဘောမတူတဲ့လူနဲ့ ယူသွားမှာကြောက်လို့ သူတို့မသိစေဘဲ လက်ထပ်စာချုပ်ကြိုချုပ်ပေးထားဖို့လုပ်ရာက အသိုင်းအဝိုင်းထဲကမဟုတ်တဲ့လူနဲ့တွေ့ဆုံမိပြီး သဘောကျသွားရာကနေ ဘာတွေဆက်ဖြစ်မလဲ ? ဘယ်လို ပြဿနာ ဘယ်လိုအရှုပ်အထွေးတွေဖြစ်လာဦးမလဲ? ချစ်သောသူချင်းပေါင်းရပါ့မလား? အလွဲလွဲအမှားမှားနဲ့ပဲ ချစ်ရသူနဲ့လက်ထပ်မယ့​သူ မတူကွဲပြားသွားမလား? ဘာညာသာရကာကတော့ ဇာတ်ကားထဲမှာ ဆက်လက်ကြည့်ရှုပေးကြပါခင်ဗျာ။ (အညွှန်းနဲ့ဘာသာပြန်ကတော့ CM Bollywood Team ကပဲဖြစ်ပါတယ်ခင်ဗျ) File size… 5.2GB / 1.9GB Quality…WEB DL 1080p / 720p Format... mp4 Duration….2h 41m Subtitle….Myanmar Subtitle (Hard Sub) Encoder….YK Translated by CM Bollywood Team