Mostefa Djadjam ပါဝင်သော ဇာတ်ကားများ

Roqia (2025) IMDb Rating (6.0) Roqia ဇာတ်ကားဟာ ၁၉၉၀ ပြည့်လွန်နှစ်တွေက အယ်လ်ဂျီးရီးယားနိုင်ငံပြည်တွင်းစစ်ရဲ့စိတ်ဒဏ်ရာတွေကိုအချိန်ကာလနှစ်ခုနဲ့ ဆက်စပ်ဖော်ကျူးထားတဲ့ psychological horror ဇာတ်ကားကောင်းတစ်ကားဖြစ်ပါတယ်။ ၁၉၉၃ ခုနှစ်မှာ အာမက်ဆိုတဲ့ အမျိုးသားတစ်ယောက်ဟာ ပြင်းထန်တဲ့ ယာဉ်မတော်တဆမှုနဲ့အတူမှတ်ဉာဏ်တွေပျောက်ဆုံးသွားခဲ့ပြီး မျက်နှာတစ်ခုလုံးပတ်တီးတွေ လက်မှာဒဏ်ရာတွေနဲ့အတူ မိသားစုဆီ ပြန်ရောက်လာခဲ့ပါတယ်။ သူ့ရဲ့အငယ်ဆုံးကလေးက ပတ်တီးစီးထားတဲ့ အာမက်ရဲ့ရုပ်ကိုအရမ်းကြောက်လန့်နေပြီး ညဘက်တွေမှာ ထူးဆန်းတဲ့လူတွေက အာမက်ဆီကိုရောက်လာပြီး သူနားမလည်တဲ့ ဘာသာစကားနဲ့တီးတိုးပြောနေလေ့ရှိကြပါတယ်။ ဇနီးဖြစ်သူက အကောင်းဆုံးဖေးမကူညီနေပေမယ့် အာမက်ဟာ သူမှတ်မိမနေတဲ့ အတိတ်ကိုစိုးရိမ်ကြောက်ရွံ့စိတ်က ပိုလို့ဆိုးလာခဲ့ပါတယ်။ လက်ရှိကာလမှာတော့ အသက်အရွယ်ကြီးရင့်နေပြီဖြစ်တဲ့ ပယောဂဆရာကြီးတစ်ဦးကအယ်လ်ဇိုင်းမား ရောဂါကိုစပြီး ခံစားနေရပါတယ်။ကျမ်းစာအုပ်ကို နေရာအထားမှားပြီး သူများတွေကိုစွပ်စွဲတတ်တာမျိုးတွေပါဖြစ်လာပြီး နေ့စဉ်တာဝန်တွေကို ထမ်းဆောင်ဖို့ကသူ့အတွက် ဝန်ထုပ်ဝန်ပိုးတစ်ခုလိုဖြစ်လာခဲ့ပါတယ်။ သူ့ရဲ့သစ္စာရှိတပည့်ဖြစ်သူကတော့ ဆရာကြီးရဲ့မှတ်ဉာဏ်ချို့ယွင်းမှုကြောင့်လူ့အဖွဲ့အစည်းကို မကောင်းဆိုးဝါးတွေ ဘေးက မကာကွယ်နိုင်တော့မှာကိုစိုးရိမ်နေပြီး တကယ်လည်းသူစိုးရိမ်သလို သူတို့ပတ်ဝန်းကျင်မှာ သာမန်လူတွေကျူးလွန်တဲ့ အကြမ်းဖက်မှုတွေ၊ အစုလိုက်အပြုံလိုက်သတ်ဖြတ်မှုတွေ ပိုပိုများပြားလာချိန်မှာတော့..။ ဒီရုပ်ရှင်ကို ၈၂ ကြိမ်မြောက်ဗင်းနစ်အပြည်ပြည်ဆိုင်ရာရုပ်ရှင်ပွဲတော်ရဲ့ International Critics’ Week section မှာစတင်ပြသခဲ့ပြီးဝေဖန်ရေးသမားတွေရဲ့ တခဲနက်အားပေးမှုကိုရရှိခဲ့ပါတယ်။ (၉၉) ကြိမ်မြောက် အော်စကာဆုပေးပွဲရဲ့အကောင်းဆုံးအပြည်ပြည်ဆိုင်ရာ ရုပ်ရှင်ဆု (Best International Feature Film) အတွက် အယ်လ်ဂျီးရီးယားနိုင်ငံ ကိုယ်စားပြုအဖြစ်လည်းရွေးချယ်ခံခဲ့ရပါတယ်။မြည်းစမ်းကြည့်သင့်တဲ့ အာရပ်ရုပ်ရှင်အနုပညာလက်ရာတစ်ခုပါပဲ။ File size… (1.1 GB) / (690 MB) Quality…. WEB-DL 1080p HEVC / 720p Format…. mkv/mp4 Genre…. Horror,Thriller Duration…. 01:34:07 Subtitle…. Myanmar Subtitle (Hardsub)

Six Feet Over (2024) IMDb Rating (6.4) ဘာသာရေး၊ ချစ်ခြင်းမေတ္တာ၊ အယူအဆတွေနဲ့ ပတ်သက်ပြီး အတွေးအမြင်သစ်တွေကို ပေါ်လာစေနိုင်မယ့် ပြင်သစ်ရုပ်ရှင်ကားတစ်ကားပဲဖြစ်ပါတယ်။ Sofiane ဟာ အယ်လ်ဂျီးရီးယားသံတမန်တစ်ဦး၏ သားဖြစ်ပြီး ငယ်စဉ်ကတည်းက နိုင်ငံများစွာသို့ ပြောင်းရွှေ့နေထိုင်ခဲ့ရသူဖြစ်ပါတယ်။ ပညာသင်ကြားရန် ပြင်သစ် မှာ အခြေချနေထိုင်သော်လည်း ဗီဇာကိစ္စအဆင်မပြေမှုကြောင့် နေရပ်ပြန်ပို့ခံရမည့် အခြေအနေတစ်ခု ဖြစ်နေပါတယ်။ ဒီနိုင်ငံမှာ ဆက်လက်နေထိုင်ခွင့်ရဖို့ သူက ဝန်ထမ်းစာချုပ် ချုပ်ဆိုဖို့ လိုအပ်နေတာကြောင့် အလုပ်တစ်ခုကို အမြန်ရှာဖွေခဲ့ရတယ်။ ကျောင်းသားတစ်ယောက်အနေနဲ့ အလုပ်တစ်ခုရဖို့ မလွယ်တာကြောင့် ပြင်သစ်နိုင်ငံသားအများစု မလုပ်ချင်တဲ့ အလုပ်တစ်ခုဖြစ်တဲ့ အလောင်းပြင်တဲ့အလုပ်ကို သူလုပ်ခဲ့ရတယ်။ လူငယ်တစ်ယောက်အနေနဲ့ အလောင်းပြင်တဲ့အလုပ်ဟာ ဘယ်လောက်ထိစိန်ခေါ်မှုတစ်ရပ်ဖြစ်နေလဲဆိုတာကို ရိုက်ကူးပုံဖော်ထားရင်း Sofiane တစ်ယောက် ဘယ်လိုမျိုး အခက်အခဲတွေ ဖြတ်ကျော်သွားမလဲ? သူလိုအပ်နေတဲ့ ဗီဇာကိုရော ရရှိနိုင်ပါ့မလားဆိုတာတွေကို စိတ်ဝင်စားဖွယ်ကြည့်ရှုနိုင်မှာ ဖြစ်ပါတယ်။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size…(1.5 GB) / (710 MB) Quality….WEB-DL 1080p HEVC / 720p Format…. mkv/mp4 Genre….Comedy,Drama Duration….01:36:05 Subtitle….Myanmar Subtitle (Hardsub) Encoder….Double K Translated by Su Mon

Munich (2005) IMDb - 7.5/10 Rotten - 78% ပါလက်စတိုင်းမြေကို ဂျူးတွေက သူတို့ဘိုးဘွားတွေပိုင်တဲ့ မြေဆိုပြီး ကျူးကျော်ဝင်ရောက် နေထိုင်တယ် ။ ပါလက်စတိုင်းပြည်သူတွေဟာ သူတို့မြေကို ဖယ်ပေးလိုက်ရပြီး ဒုက္ခသည်စခန်းတွေမှာ လူမသိ သူမသိပဲ ၂၄ နှစ်တိတိ နေလိုက်ရတယ် ။ နှစ်စဉ်နှစ်တိုင်း အစ္စရေးတွေကြောင့် ပါလက်စတိုင်းတွေ သွေးမြေကျတာ ဘယ်သူမှ မသိဘူး ။ သူတို့ရင်ထဲမှာတော့ တစ်နေ့တော့ ပါလက်စတိုင်း နိုင်ငံတော်ကြီးပြန်လည်တည်ဆောက်ကြမယ့် အိပ်မက်တွေ ဆုပ်ကိုင်ထားတယ် ။ ကမ္ဘာကြီးပေါ်က အမေ့အလျော့ခံ ပါလက်စတိုင်းတွေဟာ တစ်နေ့တော့ ဂျာမဏီနိုင်ငံမှာ ကျင်းပနေတဲ့ ၁၉၇၂ အိုလံပစ်ပွဲမှာ အစ္စရေး အားကစားသမားတွေကို ပြန်ပေးဆွဲပြီး သတ်ပစ်လိုက်ကြတယ် ။ လူတွေဟာ ပါလက်စတိုင်း ဒုက္ခသည်တွေကို ဂရုစိုက်မိအောင်ပေါ့ ။ အစ္စရေးအစိုးရဟာ ချက်ချင်းပဲ ဂျူးမျိုးချစ်လူငယ် လူလေးယောက်ကို စေလွှတ်ခဲ့တယ် ။ မြူးနစ်အိုလံပစ်အကြမ်းဖက်မှုရဲ့နောက်ကွယ်က လူ ၁၁ ယောက်ကို တိတ်တဆိတ် လုပ်ကြံသတ်ဖြတ်ဖို့ပေါ့ ။ ဂျူးနဲ့ ပါလက်စတိုင်းဘယ်သူတွေဟာ ကမ္ဘာ့အလယ်မှာ တကယ် သနားဖို့ကောင်းလဲ ဆိုတာ ဒီရုပ်ရှင်ကပြသသွားတယ် ။ တကယ်တမ်း တွေးစရာအချက်က ပါလက်စတိုင်းတွေဟာ တကယ်ပဲ အကြမ်းဖက် ခဲ့သလား ? ဂျူးတွေဟာ သူတို့နိုင်ငံ ပြန်ပေးရမှာကြောက်လို့ ပါလက်စတိုင်းတွေကို လူတွေ မုန်းပြီး အထင်လွဲအောင် သူတို့ကိုယ်တိုင်ပဲ တမင်တကာ ပြုလုပ်ခဲ့သလား? ဆိုတာတော့ စိတ်ဝင်စားစရာပါပဲ ။ ကမ္ဘာ့အလယ်မှာ အထူးသဖြင့် မူဆလင်နိုင်ငံတွေရဲ့ အလယ်မှာ တစ်ကိုယ်တည်း ရပ်တည်ဖို့ဆိုတာ လှည့်ကွက်တွေ မျက်ရည်ခြူကွက်တွေ မပါပဲနဲ့တော့ ဘယ်နိုင်ငံကမှ အစ္စရေးနိုင်ငံဖြစ်လာဖို့ ထောက်ခံခဲ့မှာ မဟုတ်ဘူး ဆိုတာပါပဲ ။ ဂျူးတွေကပဲ လုပ်ဇာတ်နဲ့ မျက်ရည် ခြူမလား? ပါလက်စတိုင်းတွေကပဲ တကယ်ဆိုးသလား ? ဆိုတာတော့ .... ဇာတ်ကားနဲ့မဆိုင်ပါဘူး ဒါ ကျနော့ အတွေး သက်သက်ပါ File Size : (1.2 GB)  Quality : Blu-Ray 720p Running Time : 2hr 44min Format : Mp4 Genre :Action, Drama, History, Thriller Subtitle : Myanmar Subtitle (Hard Sub) Source :1080p.BluRay.x264-GECKOS Synchronization by Wai Linn Kyaw Review by Wai Linn Kyaw Encoded by Thanhtike Zaw