Mu Lan ပါဝင်သော ဇာတ်ကားများ

အခုတစ်ခါ သာ့ကျားတို့အတွက် ယူဆောင်လာတဲ့ဇာတ်လမ်းလေးကတော့ Dual Female Lead အသားပေးဇာတ်လမ်းသစ်လေးပါ။ ဒီဇာတ်လမ်းထဲမှာ သခင်နဲ့တပည့်ကြားက သံယောဇဉ်၊ နာကျင်စရာကလဲ့စားချေမှုတွေကိုပါကြည့်ရှုရင်း ဆရာတပည့်ကြားက moment ကလိကလိလေးတွေကိုပါ ကြည့်ရှုရမှာဖြစ်ပါတယ်။ ဒီစီးရီးထဲမှာ Liu Mei Han နဲ့ Jinna Fu တို့က အပေးအယူမျှမျှလိုက်ဖက်ညီညီသရုပ်ဆောင်ထားတာမို့ ကြည့်ပျော်တဲ့စီးရီးလေးတစ်ခုဖြစ်မှာ ကျိန်းသေပါပဲ။ ဇာတ်လမ်းအညွှန်း >>> လက်မှုပညာသည်တစ်ဦးရဲ့သမီးဖြစ်သူ နန်ယန်ကျစ်ဟာ မထင်မှတ်ဘဲ မိသားစုလိုက် ရက်ရက်စက်စက်သတ်ဖြတ်ခြင်းကို ကြုံတွေ့ခဲ့ရပါတယ်။ အဲဒီနောက်မှာတော့ သူဟာ ကျွမ်းဝူကျိုဆိုသူရဲ့တပည့်အဖြစ် ခံယူခဲ့ပြီး ဘဝရဲ့ရွှံ့နွံတွေထဲမှာရုန်းကန်ရင်း ဘာမှမသိတဲ့မိန်းမငယ်အဆင့်ကနေ သွေးအေးပြတ်သားလှတဲ့အမျိုးသမီးငယ်တစ်ယောက်အဖြစ် ပြောင်းလဲလာခဲ့ပါတယ်။ ဒါပေမဲ့ မိသားစုအတွက် လက်စားချေဖို့တော့ မမေ့ခဲ့ပါဘူး။ သူ့လက်ထဲမှာရှိတဲ့သဲလွန်စအနည်းငယ်နဲ့တင် မိသားစုအတွက် ကလဲ့စားချေဖို့ လင်ယာမျှော်စင်ထဲကို တစ်ကိုယ်တော်စွန့်စားပြီး ဝင်ရောက်စုံစမ်းခဲ့ပါတယ်။ ကောလာဟလတွေအရတော့ အဲဒီမျှော်စင်ထဲကို ဝင်သွားတဲ့သူမှန်သမျှဟာ တိုက်ခိုက်ရေးကွင်းထဲက သားရဲတိရိစ္ဆာန်တွေလိုဖြစ်သွားပြီး ဘယ်သူမှ အသက်ရှင်လျက်ပြန်မထွက်နိုင်ခဲ့ပါဘူး။ နန်ယန်ကျစ်တစ်ယောက်အားကိုးရာမဲ့ပြီး တစ်ယောက်တည်းရုန်းကန်နေရချိန်မှာပဲ လုံးဝမထင်မှတ်ထားတဲ့အမှန်တရားတစ်ခု ပေါ်လာခဲ့ပါတယ်။ အဲဒါကတော့ ဆရာဖြစ်သူ ကျွမ်းဝူကျိုဟာ တခြားသူမဟုတ်ဘဲ အသက်သေစေနိုင်တယ်ဆိုတဲ့ လင်ယာမျှော်စင်ရဲ့အရှင်သခင်ကြီးအဖြစ် တစ်ကျော့ပြန်ပေါ်ထွက်လာတဲ့အချက်ပါပဲ။ ဒီဇာတ်လမ်းက တကယ့်ကိုစိတ်လှုပ်ရှားစရာကောင်းတဲ့ Dark Thriller Wuxia ပုံစံမျိုးမို့လို့ ကြည့်ရတာအားရစရာကောင်းမှာပါ။ ကိုယ်အသက်စွန့်ပြီး ဝင်ခဲ့ရတဲ့မျှော်စင်ရဲ့အရှင်သခင်က ကိုယ့်ဆရာသခင်ဖြစ်နေတာကို သိလိုက်ရတဲ့အလှည့်အပြောင်းက ဇာတ်လမ်းကို ပိုကြည့်ကောင်းစေမှာမို့ ကလိကလိဖြစ်ရင်း ဆရာတပည့်ကြားက သွေးပွက်ပွက်အန်စေမဲ့အခြေအနေတွေကိုပါမြင်ရမဲ့ ကားကောင်းလေးပါပဲနော်။ Total Episodes : 23 Quality : WEB-DL 1080p Format : mp4 Genres : Drama Runtime : 15 min Subtitle : Myanmar Subtitle ( Hardsub )

၁၉၉၀ခုနှစ်နှောင်းပိုင်းကာလကို အခြေခံထားပြီး ပီပြင်အားရစရာကောင်းတဲ့အက်ရှင်တွေနဲ့ဖန်တီးထားတဲ့ အက်ရှင်ကားကောင်းလေးပဲဖြစ်ပါတယ်။ လူကုန်ကူးမှုတွေကိုမုန်းတီးတဲ့ ရဲအရာရှိချီဖုန်းက တက္ကသိုလ်ကျောင်းသူလေးတစ်ယောက် အဓမ္မဖမ်းဆီးခံရတာနဲ့ပတ်သက်ပြီး ကယ်တင်ဖို့ကြိုးစားတဲ့ မှုခင်းဇာတ်ကားပဲဖြစ်ပါတယ်။ ကျောင်းသူလေးကိုကယ်ဖို့ကြိုးစားရင်း ချီဖုန်းဟာ မထင်မှတ်ပဲ အကြီးစားရာဇဝတ်မှု ပဋိပက္ခကြားထဲကိုရောက်သွားပါတယ်။ အဲဒါကတော့ နယ်ကျော်လာတဲ့လူကုန်ကူးဂိုဏ်းနဲ့ ဒေသခံရာဇဝတ်ဂိုဏ်းကြားက အချင်းချင်းသတ်ဖြတ်ကြတဲ့ပွဲပဲဖြစ်ပါတယ်။ ချီဖုန်းဟာ ရန်သူတွေဝန်းရံနေတဲ့ကြားကနေ သူ့ရဲ့အရည်အချင်းနဲ့ သတ္တိကိုသုံးပြီး ဒီရာဇဝတ်ဂိုဏ်းနှစ်ခုလုံးကို အပြတ်ချေမှုန်းဖို့ကြိုးစားပါတော့တယ်။ Filesize : 1.48 GB / 850 MB Quality : WEB-DL 1080p HEVC , 720p HEVC Format : mp4 Genres : Crime, Action, and Mystery Runtime : 1h 38 min Subtitle : Myanmar Subtitle ( Hardsub )

မင်ကော်ခေတ်အစပိုင်း ရှန်ဟိုင်းမှာ ရဲသားလေး ရှောင်းကျန့်က အတော်ဆုံးစုံထောက်တစ်ယောက် ဖြစ်ချင်နေပါတယ်။ လျှို့ဝှက်ဆန်းကြယ်တဲ့ အမှုတစ်ခုကို စုံစမ်းရင်း မထင်မှတ်ထားတဲ့ အကြောင်းတစ်ခုနဲ့ ပတ်သက်မိရာက ထူးခြားတဲ့စွမ်းအားတွေ ပိုင်ဆိုင်ထားသူတွေ စုဖွဲ့ထားတဲ့ အဖွဲ့အစည်းတစ်ခုထဲ ရောက်သွားတယ်။ အဲဒီနောက် သူကြုံရတာတွေက အန္တရာယ်များသလို ထူးဆန်းပြီး နားလည်ရခက်တဲ့ အဖြစ်အပျက်တွေပါ။ ရှောင်းကျန့်တစ်ယောက် ဒီအဖွဲ့ထဲမှာ ဘာတွေကြုံရမလဲ၊ အဖွဲ့သားတွေနဲ့အတူ ဆန်းကြယ်တဲ့အမှုတွေကို ဘယ်လိုဖြေရှင်းကြမလဲဆိုတာ ဆက်တွေ့ရမှာပါ။

ရှင်းလော်နိုင်ငံမှာ ဒဏ္ဍာရီလာ ဆင်မျိုးနွယ်တစ်စု ရှိပါတယ်။ မင်းသမီးစင်သီယာရဲ့ဖခင်ဖြစ်တဲ့ မျိုးနွယ်ခေါင်းဆောင်ဟာ ယဇ်ဆရာ ဆာဖော့်ခွမ်းရဲ့ သွေးဆောင်မှုကြောင့် အစီအရင်လုပ်ထားတဲ့ ဆေးတစ်မျိုးကို သောက်မိသွားတယ်။ စင်သီယာက ဖခင်ဖြစ်သူနဲ့ပတ်သက်တဲ့ အမှန်တရားကို ဖော်ထုတ်ဖို့ ကြိုးစားနေစဉ်မှာပဲ နောက်ထပ်ပြဿနာတစ်ခု ပေါ်လာပါတယ်။ ယွင်ချင်ဘုရင်နဲ့ လက်ဆက်ဖို့ စေလွှတ်လိုက်တဲ့ မင်းသမီးဟာ ရုတ်တရက် ပျောက်ဆုံးသွားတာပါ။ တစ်ဖက်မှာ ဟုန်လူစုသတ်ဖြတ်မှုကြောင့် မိသားစုဝင် ဆုံးရှုံးထားရတဲ့ ဟုန်ရှီးကွမ်းက ရန်သူကို လက်စားချေဖို့ လုပ်နေတယ်။ အကျိုးတူအလဲအလှယ်တစ်ခုကြောင့် သူလည်း မင်းသမီးပျောက်ဆုံးမှုကို ဝင်ရှာရဖို့ ဖြစ်လာပါတယ်။ စင်သီယာရှာနေတဲ့ အမှန်တရားနဲ့ ဟုန်ရှီးကွမ်းရဲ့ လက်စားချေလိုစိတ်တို့ ဘယ်လိုဆက်စပ်လာမလဲဆိုတာကို အက်ရှင်နဲ့ စိတ်ကူးယဉ်လျှို့ဝှက်ဆန်းကြယ်မှုတွေ ရောပြီး တင်ဆက်ထားပါတယ်။