Neil Maskell ပါဝင်သော ဇာတ်ကားများ

The Witness (2026) Complete IMDb Rating (6.5) / Rotten Tomatoes (100%) Netflix ကနေ ၂၀၂၆ ခုနှစ် ထဲမှာ အသစ်ထွက်ရှိထားတဲ့ "The Witness" ဟာ အပိုင်း ၃ ပိုင်းသာ ပါဝင်တဲ့ ဗြိတိန် True Crime Miniseries တစ်ခု ဖြစ်ပါတယ်။ ဝေဖန်ရေးဝက်ဘ်ဆိုက် Rotten Tomatoes မှာ Critics တွေဆီကနေ 100% အထိ အပြည့်အဝ အသိအမှတ်ပြုခံထားရတဲ့ ဇာတ်လမ်းကောင်း တစ်ပုဒ်ပါ။ ဒီဇာတ်လမ်းဟာ ၁၉၉၂ ခုနှစ်က ဗြိတိန်နိုင်ငံ လန်ဒန်မြို့မှာ တကယ်ဖြစ်ပွားခဲ့တဲ့ နာမည်ကြီး လူသတ်မှုတစ်ခုကို အခြေခံထားတာပါ။ အသက် ၂၃ နှစ်အရွယ် မိခင်ဖြစ်သူ ရေချယ် (Rachel Nickell) ဟာ နေ့ခင်းဘက် ပန်းခြံထဲမှာ လမ်းလျှောက်နေရင်း ရက်ရက်စက်စက် အသတ်ခံခဲ့ရပါတယ်။ အဲဒီအချိန် သူမရဲ့အနားမှာ ရှိနေခဲ့တဲ့ တစ်ဦးတည်းသော မျက်မြင်သက်သေကတော့ သူမရဲ့ ၂ နှစ်အရွယ် သားလေး အဲလက်စ် (Alex) ပါပဲ။ သာမန် ပြစ်မှုစုံစမ်းရေး ဇာတ်ကားတွေလို ရဲတွေက လူသတ်သမားကို ဘယ်လိုလိုက်ဖမ်းလဲဆိုတဲ့ အပိုင်းကိုပဲ အဓိက ဇောင်းပေးရိုက်ကူးထားတာ မဟုတ်ပါဘူး။ ဇာတ်လမ်းက အဓိက အာရုံစိုက်ပြသသွားတာကတော့ ချစ်ရတဲ့သူကို ဆုံးရှုံးလိုက်ရပြီး တစ်ကိုယ်တော် ဖခင်ဘဝကို ချက်ချင်းရောက်သွားတဲ့ ခင်ပွန်းဖြစ်သူ အန်ဒရေ (André) နဲ့ စိတ်ဒဏ်ရာရသွားတဲ့ သားလေး အဲလက်စ်တို့ သားအဖနှစ်ယောက်ရဲ့ ခက်ခဲကြမ်းတမ်းတဲ့ ရုန်းကန်ရမှုတွေပဲ ဖြစ်ပါတယ်။ ၂ နှစ်အရွယ် ကလေးငယ်ဆီကနေ အမှုအတွက် အချက်အလက်ရဖို့ ရဲတွေက ဖိအားပေး ကြိုးစားတဲ့အခါ၊ ဖခင်ဖြစ်သူက သားလေး ထပ်ပြီး စိတ်ဒဏ်ရာရမှာစိုးလို့ ဘယ်လောက်အထိ အကာအကွယ်ပေးခဲ့ရလဲဆိုတဲ့ အားပြိုင်မှုတွေကို ရင်နင့်ဖွယ် ကြည့်ရှုရမှာပါ။ အဲဒီအချိန်က သတင်းထောက်တွေဟာ အတင်းအကျပ် သတင်းလိုက်ယူကြလွန်းလို့ သားအဖနှစ်ယောက် နိုင်ငံခြားအထိ ပြောင်းရွှေ့နေထိုင်ရတဲ့အထိ ဒုက္ခရောက်ခဲ့ရတဲ့ မီဒီယာလောကရဲ့ အမှောင်ဘက်ခြမ်းကိုပါ သရုပ်ဖော်ထားပါတယ်။ လူသတ်မှုတစ်ခုရဲ့ နောက်ကွယ်က ကျန်ရစ်သူ မိသားစုတွေရဲ့ အတိဒုက္ခနဲ့ သူတို့ဘဝတွေ ပြန်လည်နလန်ထူလာဖို့ ဘယ်လောက် ကြိုးစားခဲ့ရလဲဆိုတာကို သရုပ်ဆောင် Jordan Bolger က ဖခင်နေရာကနေ အကောင်းဆုံး သရုပ်ဆောင်ပြသွားပါတယ်။ သွေးထွက်သံယို အက်ရှင်တွေထက် စိတ်ပိုင်းဆိုင်ရာ ခံစားမှုနဲ့ မိသားစုရဲ့ ကြံ့ကြံ့ခံနိုင်စွမ်းကို မြင်တွေ့ရမယ့် ကားကောင်းဖြစ်လို့ True Crime နဲ့ Drama ဇာတ်လမ်းတွေကို ကြိုက်နှစ်သက်သူတွေအတွက် ကြည့်ရှုသင့်တဲ့ စီးရီးတစ်ခု ဖြစ်ပါတယ်။

Hijack (2023-2026) Season 01/2 (complete) မင်းသားကြီး Idris Elba (Hobbs & Shaw/ Suicide Squid) ကိုယ်တိုင်ပါဝင်သရုပ်ဆောင်ပြီး တွဲဖက်ထုတ်လုပ်သူလုပ်ထားတဲ့ အသစ်စက်စက် လေယာဉ်ပြန်ပေးဆွဲ Thriller စီးရီးလေးလာပါပြီ။ IMDB 7.9/10, Rotten Tomatoes 90% ရရှိထားတဲ့ Apple TV+ ရဲ့ ဒီစီးရီးကတော့ တစ်ပတ် တစ်ပိုင်းနှုန်းနဲ့ အပိုင်း ၇ ပိုင်းထွက်ရှိမှာပဲဖြစ်ပါတယ်။ ဇာတ်လမ်းအကျဉ်း ဒူဘိုင်းကနေ လန်ဒန်ကို ပျံသန်းမယ့် ၇နာရီကြာ ခရီးစဉ်အတွက် စိတ်လှုပ်ရှား ပျော်ရွှင်နေသူ ခရီးသည်တွေကြား ကိုယ်စီအကြံတွေနဲ့ မသမာသူ လူတစ်စုရှိနေခဲ့ပါတယ်။ သူတို့ရဲ့ နဂိုအကြံအစည်ကတော့ လေယာဉ်ထွက်ပြီး ၃နာရီအကြာမှ လှုပ်ရှားဖို့ဖြစ်ပေမယ့် မမျှော်လင့်တဲ့အခြေအနေတစ်ခုကြောင့် ခန့်မှန်းချိန်ထက် စောပြီး လှုပ်ရှားရဖို့ ဖြစ်သွားပါတော့တယ်။ ‌ ရုတ်တရက်ကြီး ဝရုန်းသုန်းကားတွေဖြစ်၊ ထင်မထားတဲ့ အခြေအနေကြောင့် အားလုံးက ထူပူနေကြတဲ့အချိန်မှာပဲ ခရီးသည်တွေထဲက လူတစ်ယောက်က တည်တည်ငြိမ်ငြိမ်နဲ့ ပြန်ပေးသမားတွေကို စကားဆိုလာတာကတော့ "သူလည်း ကူညီပါမယ်တဲ့"။ ပြန်ပေးသမားတွေလည်း အံ့ဩ၊ ခရီးသည်တွေပါ အံ့ဩသွားရလောက်အောင် ကူညီပေးမယ်လို့ ပြောလာသူကတော့ ဆမ်ဖြစ်ပြီး သူက တကယ်တမ်းတော့ စေ့စပ်ညှိနှိုင်းရေးသမား တစ်ဦးပဲဖြစ်ပါတယ်။ ဒါပေမယ့် သူက သူကမ်းလှမ်းသလို တကယ်ပဲ ပြန်ပေးသမားတွေကို ကူညီပေးမှာလား။ တစ်ဖက်လှည့်နဲ့ သိမ်းသွင်းပြီး ခရီးသည်တွေ ကယ်ဆယ်ပေးမှာလား။ ပြန်ပေးသမားတွေကရော ဘာလို့ လေယာဉ်ကို ပြန်ပေးဆွဲခဲ့တာလဲ။ သူတို့ရဲ့ ရည်ရွယ်ချက်ပဲ အထမြောက် အောင်မြင်သွားမလား၊ ဒါမှမဟုတ် ခရီးသည်တွေပဲ အသက်ဘေးကနေ အေးအေးဆေးဆေး လွတ်ကင်းသွားနိုင်မလား ဆိုတာကိုတော့ လေယာဉ်ပြန်ပေးဆွဲကားတို့ရဲ့ ထုံးစံအတိုင်း ထင်သလောက် မရိုးရှင်းတဲ့ လှည့်ကွက်တွေနဲ့ ရင်တထိတ်ထိတ်၊ အသည်းတယားယား ရှုစားလိုက်ကြပါဦးနော်။ File size…(2.8 GB)/(878 MB)/(426 Mb) Quality….WEB-DL 4K HEVC / 1080p HEVC / 720p Format…mkv/mp4 Duration….00:46:00 Genre...Drama, Thriller Subtitle….Myanmar Subtitle (Hardsub)

ဘူးလ်က သွေးအေးပြီး ရက်စက်တဲ့ ဂိုဏ်းစတားတစ်ယောက်ပါ။ သူ့သားကို ဆေးစွဲနေတဲ့ မိန်းမနဲ့ ခွဲထားဖို့ ကြိုးစားရာကနေ ဂိုဏ်းခေါင်းဆောင်လည်းဖြစ်၊ ယောက္ခမလည်းဖြစ်တဲ့သူနဲ့ ပြဿနာတက်လာပါတယ်။ နောက်ဆုံးမှာ ဘူးလ်ဟာ နှိပ်စက်ခံရပြီး ဝေဒနာခံစားရင်း သေသွားစေဖို့ ပစ်ထားခံလိုက်ရတယ်။ ဆယ်နှစ်ကြာတဲ့အခါ ဘူးလ်တစ်ယောက် မထင်မှတ်ဘဲ ပြန်ပေါ်လာပါတယ်။ သူ့သားကို ပြန်ခေါ်ဖို့နဲ့ သူ့အပေါ် သစ္စာဖောက်ခဲ့တဲ့ မိတ်ဆွေဟောင်းတွေကို လက်စားချေဖို့ ကြိုးစားလာတာပါ။ နဂိုကတည်းက ရက်စက်တဲ့သူတစ်ယောက် နာကျည်းချက်တွေနဲ့ ပြန်လာချိန်မှာ ဘယ်လိုနည်းတွေ သုံးလာမလဲ။ သားကို ပြန်ခေါ်ထားနိုင်ပါ့မလား၊ ယောက္ခမနဲ့ မိန်းမကရော သူ့ကို ဒီအတိုင်း လွှတ်ထားကြပါ့မလား။

2017 မေလထဲမှာ ရုံတင်ပြသခဲ့ပြီး အခုချိန်မှာ IMDb 6.7 နဲ့ပါ။ ဇာတ်လမ်းကျောရိုးကတော့ အင်္ဂလန်ရဲ့ နာမည်အကြီးဆုံး ပုံပြင် တွေထဲက အာသာဘုရင်ရဲ့ ဇာတ်ကြောင်းပါပဲ။ ဒီဇာတ်ကြောင်းကိုပဲ အမျိုးမျိုး ပြုပြင်ဖန်တီးပြီး ရိုက်ကူးထားကြတဲ့ကားတွေ မနည်းပါဘူး။ ဒီရုပ်ရှင်ထဲမှာတော့ ဘုရင် အူသာ ပန်ဒရက်ဂွန် လုပ်ကြံခံရပြီး သူ့ရဲ့ ညီ ဗော်တီဂန်က ထီးနန်းကို သိမ်းပိုက်ထားတယ်။ ဘုရင်လောင်း အာသာလေးက ကလေးကတည်း ထွက်ပြေးတိမ်းရှောင်နေရပြီး သူ့ကိုယ်သူ ဘုရင်လောင်းမှန်းမသိဘူးပေါ့။ မှော်ဆရာမာလင် ပေးခဲ့တဲ့ အိတ်စ်ကာလီဘာ မှော်ဓားဟာ အာသာအရွယ်ရောက်လာချိန်မှာ အလိုလိုပြန်ပေါ်လာပြီး ထုံးစံအတိုင်း ကျောက်တုံးထဲစိုက်နေ နှုတ်မရဖြစ်နေပါတယ်။ ဘုရင်ဗော်တီကန်က အာသာရှိနေမယ့် အသက်အရွယ် ပတ်ဝန်းကျင်လူငယ်အားလုံးကို ဒီဓားကို စမ်းသပ်ပြီး ဆွဲနှုတ်ခိုင်းတဲ့နည်းနဲ့ အာသာကို လိုက်ရှာပါတော့တယ်။ အာသာ မှော်ဓားကို ဆွဲနှုတ်နိုင်သွားချိန်နောက်ကစပြီး ဘုရင် ဗော်တီဂန်န် နဲ့ အာသာတို့ စတင်ရင်ဆိုင်မိပါတော့တယ်။ ဒီအာသာဗားရှင်းမှာတော့ မှော်ပညာတွေ သတ္တဝါဆန်းကြီးတွေ ထည့်သွင်းထားပါတယ်။ ရုပ်ရှင်ကောင်းတစ်ခုပဲမို့ ကြည့်ကြည့်လိုက်ကြပါတော့။ File size…(6.8 GB)/(2 GB)/(1.3 GB) Quality….BluRay  4K HEVC/1080p HEVC /720p Format…mkv/mp4 Duration….02:06:00 Subtitle….Myanmar Subtitle (Hardsub) Encoder….Ka Naung Translated by Littleneo

တွမ်ခရုဇ် အဓိကပါဝင်ထားတဲ့ The Mummy မှာ ခရူးဆိတ်စစ်ပွဲဝင် သူရဲကောင်းတစ်ဖွဲ့ဟာ အေဒီ ၁၁၂၇ ခုနှစ်က ရှေးဟောင်းအီဂျစ်နိုင်ငံဆီက ပတ္တမြားကြီးတစ်လုံးကို ရခဲ့ပြီး ဂူတစ်ခုထဲမှာ အမှတ်အသားနဲ့ မြှုပ်နှံထားခဲ့ပါတယ်။ ယနေ့ခေတ် လန်ဒန်မြို့မှာ မြေအောက်ရထားလမ်းဖောက်နေတဲ့ လုပ်သားတွေက အဲဒီသူရဲကောင်းတွေရဲ့ဂူကို တွေ့သွားတယ်။ ဂူထဲက ထူးဆန်းတဲ့အရာတွေနဲ့ အမှတ်အသားတစ်ခုကို စူးစမ်းရာကနေ ဖာရိုးဘုရင်တစ်ပါးရဲ့သမီး အာမာနက်မင်းသမီးအကြောင်း ပေါ်လာပါတယ်။ အာမာနက်ဟာ မူလက ထီးနန်းဆက်ခံရမယ့်သူဖြစ်ပေမယ့် ခမည်းတော်ရဲ့ ဒုတိယဇနီးက သားတော်မွေးလာတဲ့အခါ အဲဒီအခွင့်အရေးကို လက်လွှတ်ရမယ့်အခြေအနေ ဖြစ်သွားတယ်။ သူသာ ထီးနန်းဆက်ခံရမယ်လို့ ဆုံးဖြတ်ထားတဲ့ အာမာနက်က အီဂျစ်နတ်ဘုရား ဆက်ဆီ သူ့ဝိညာဉ်ကို ယစ်ပူဇော်ခဲ့ပါတယ်။ အဲဒီနောက် ခမည်းတော်နဲ့ မိသားစုကို သတ်ပစ်ပြီး ဆက်ကို လူသားအသွင်နဲ့ ပေါ်လာစေဖို့ သူ့ချစ်သူကိုပါ စတေးခဲ့တယ်။ ဘုန်းတော်ကြီးတွေကတော့ အာမာနက်ကို အရှင်လတ်လတ် မြှုပ်နှံပြီး ဂူပတ်လည်မှာ ပြဒါးတွေ ဝန်းရံထားခဲ့ပါတယ်။ ယနေ့ခေတ် အီရတ်နိုင်ငံမှာ အမေရိကန်စစ်တပ်အရာရှိ နစ်မော်တန်နဲ့ လုပ်ဖော်ကိုင်ဖက် ခရစ္စဗေးလ်တို့က အာမာနက်ရဲ့ဂူကို မထင်မှတ်ဘဲ ရှာတွေ့သွားတယ်။ နစ်ရဲ့ချစ်သူဟောင်း ရှေးဟောင်းသုတေသနပညာရှင် ဂျန်နီဟာလ်ဆေလည်း ရောက်လာပြီး ဂူကို စူးစမ်းခဲ့ပါတယ်။ နောက်တော့ ကာနယ်ကရင်းဝေးရဲ့ ညွှန်ကြားချက်နဲ့ အာမာနက်ရဲ့အခေါင်းကို ဆက်လေ့လာဖို့ အင်္ဂလန်ဆီ လေယာဉ်နဲ့ သယ်သွားကြတယ်။ ခရီးမှာ ဗေးလ်က အခေါင်းထဲက ပင့်ကူကိုက်ခံရပြီး မကောင်းဆိုးဝါးပူးကပ်ကာ အခေါင်းကို ဖွင့်ဖို့ ကြိုးစားလာပါတယ်။ လေယာဉ်ကိုလည်း ကျီးအုပ်ကြီး ဝင်တိုးလို့ ပျက်ကျသွားတယ်။ နစ်က ဂျန်နီကို လေထီးနဲ့ လွှတ်ပေးနိုင်ခဲ့ပေမယ့် သူကိုယ်တိုင်တော့ လေယာဉ်နဲ့အတူ ပါသွားခဲ့ပါတယ်။ အောက်စဖို့ဒ်က ရင်ခွဲရုံကို ရောက်သွားတဲ့ နစ်ဟာ နောက်တစ်နေ့မှာ အသက်ပြန်ရှင်လာတယ်။ ဗေးလ်ကလည်း အာမာနက်ရဲ့အစွမ်းကြောင့် မကောင်းဆိုးဝါးအဖြစ် ပြောင်းလဲသွားခဲ့တာပါ။ အာမာနက် လွတ်မြောက်လာပြီး သူ့အစွမ်းတွေနဲ့ ဒုက္ခပေးလာတဲ့အခါ နစ်နဲ့ ဂျန်နီတို့ သူမကို ဘယ်လိုရင်ဆိုင်ကြမလဲ၊ ပြန်ထိန်းချုပ်နိုင်ပါ့မလားဆိုတဲ့ အခြေအနေကို ရောက်လာပါတယ်။ တွမ်ခရုဇ်နဲ့အတူ အန်နာဘဲလ်ဝေါလစ်၊ ဆိုဖီယာဘိုတယ်လာ၊ ဂျိတ်ဂျွန်ဆင်နဲ့ ကော့တနီဘီဗန့်စ်တို့ ပါဝင်သရုပ်ဆောင်ထားပါတယ်။

High-Rise (2015) IMDb - 5.6/10 Rotten - 60% "စကြဝဠာနဲ့ လူတွေရဲ့ ရူးသွပ်မှုသာ အဆုံးမဲ့ဖြစ်တယ်။ အရှေ့ကတစ်ခုကတော့ ကျွန်တော် မသေချာဘူး" လို့ ၂၀ ရာစုရဲ့ အကြီးကျယ်ဆုံး သိပ္ပံပညာရှင်လို့ သမုဒ်ခံထားရတဲ့ Albert Einstein ကပြောခဲ့ပါတယ်။ လောဘကြောင့် ဒေါသကြောင့့်မောဟကြောင့် လူတွေ ရူးသွပ်နေကြပါတယ်။ Thor ဇာတ်ကားတွေထဲမှာ Loki အဖြစ်တွေ့ရတဲ့ Tom Hiddleton ကို High Rise (2015) မှာတော့ သူ့ရဲ့ရူးသွပ်မှုကို ရိုးရိုးရှင်းရှင်းလေး ခံယူလိုက်တဲ့ Dr. Laing အဖြစ်တွေ့ရမှာပါ။ Tom ရဲ့ သရုပ်ဆောင်စွမ်းရည်ကို ဒီဇာတ်ကားမှာ ထင်ထင်ရှားရှားတွေ့နိုင်မှာပါ။ ဆိုးဆိုးရွားရွား ရူးသွပ်သူတွေကြားမှာ ပုံမှန်ရူးသွပ်သူက ဆိုးရွားသူတစ်ယောက်ဖြစ်နေတတ်တာကို Dracula:Untold မင်းသား Luke Evans က Richard Wilder နေရာကနေသရုပ်ဆောင်ပြသွားပါတယ်။ Free will ဆိုတဲ့ လွတ်လပ်တဲ့ စိတ်ထားမှာ သန့်ရှင်းမှု တရားမျှတမှု ကောင်းမှု မကောင်းမှုတွေ ဆိုတာရှိဖို့မလိုပါဘူးဆိုတာ ဒီဇာတ်ကားမှာ ခပ်ကြမ်းကြမ်းလေးပြပေးထားပါတယ်။ လွတ်လပ်တဲ့ စိတ်ထားရှိသူတွေကို အာဏာရှင်တစ်ယောက်က မအုပ်ချုပ်နိုင်ဘူးဆိုတာရောပေါ့။ ဇာတ်လမ်းအကျဉ်းကတော့ ဦးနှောက်ခွဲစိတ်ဆရာဝန် Laing တစ်ယောက် အထပ်မြင့်တိုက်မှာသွားနေပြီးတော့ ဖြစ်ပျက်ကြတဲ့ အကြောင်းလေးတွေကနေ ဇာတ်လမ်းတည်ဆောက်ထားတာပါ။ သွေးထွက်သံယိုခန်းနဲ့ sexခန်း နည်းနည်းပါလို့ မိသားစုနဲ့ကြည့်မကောင်းပါဘူး။ ဒါပေမယ့်လည်း ဒီဇာတ်ကားကိုက တစ်ယောက်တည်းကြည့်ပြီး ထိုင်တွေးရမယ့်ကားမျိုးဖြစ်လို့ တစ်ယောက်တည်းပဲအေးအေးဆေးဆေး ကြည့်ဖို့ Recommend ပေးပါရစေ။ (ဇာတ်လမ်းအညွှန်းနဲ့ဘာသာပြန်သူကတော့ d3mon ဖြစ်ပါတယ်) File size__(980 MB) Quality__BR-Rip 720p IMDb Rating__5.6/10 Format__mp4 Duration__01:58:36 Type__Drama , Sci-Fi Subtitle__Myanmar Subtitle (Hardsub) Translated by d3mon Encoded by Naing Aung Latt

မူးယစ်ဆေးလောကကြီးကထင်သလောက်တော့ လွယ်ကူမနေပါဘူး ပိုက်ဆံအရလွယ်သလို ခွေးဖြစ်လည်းလွယ်ပါတယ် ဒီဇာတ်ကား​က​ ကိုကင်း reseller တစ်ယောက်ရဲ့ ဘဝကိုရိုက်ပြထားတာပါ.. ဖရန့်ခ်ဟာ လက်ကြီးသမားဆီက ပစ္စည်းယူပြီး ပြန်ရောင်းတဲ့သူတစ်ယောက်ပါ ဘဝကိုရရစားစားနေနေတော့ငွေရလွယ်တဲ့ ဒီအလုပ်မှာပဲကျင်လည်နေခဲ့သူတစ်ယောက်ပဲဖြစ်ပါတယ် သူတို့လောကရဲ့ထုံးစံအတိုင်း​အကွက်ရွှေ့ကျွမ်းရမှာဖြစ်လို့ တစ်ကွက်မှားတာနဲ့ခွေးဖြစ်မှာပါ.. သူတို့လောကကြီး​က​လူလည်တွေကြိုးကိုင်တဲ့ MLM လိုမျိုး လည်သူစား​ အတဲ့သူနွားဖြစ်တဲ့ KMKL​ မားကက်တင်းနဲ့ သွားတာမို့လို့ ဖရန့်ခ်တစ်ယောက် လောကထဲကျင်လည်ရင်း ဘာတွေကြုံတွေ့ရမလဲ... ဘာတွေအကျိုးအမြတ်ရမလဲ.... ဘာတွေကိုဆုံးရှုံး​ရမလဲဆိုတာကတော့ ဆက်ကြည့်လိုက်ရအောင်ပါ... File size…1.61GB / 805MB Quality…Blu-Ray 1080p 5.1CH / 720p Format…mp4 Duration….1h 29m Genre ….. Crime , Thriller Subtitle….Myanmar Subtitle (Hard Sub) Encoder….Min Wai Translated by Thura Mg Mg

ဘီလ်က လူဆိုးတစ်ယောက်ပါ။ လူဆိုးတစ်ယောက်မှ ငယ်ဘ၀တုန်းက ကမ်းကုန်အောင်ဆိုးခဲ့မိုက်ခဲ့ပေတေခဲ့လို့ ပတ်ဝန်းကျင်မှာသောက်ကြမ်းကြီး ဘီလ် ဆိုတဲ့နာမည်ကိုပါရခဲ့ပါသေးတယ်။အခုတော့ ဘီလ်ထောင်ကထွက်လာပါတယ်။ ထောင်ကသင်ပေးလိုက်တဲ့ ပညာတွေအရ ဘီလ်တစ်ယောက်မထင်မှတ်နိုင်လောက်အောင်ကိုသိမ်မွေ့လာခဲ့ပါတယ်။ မသိမ်မွေ့လို့လည်းမရပါဘူး။ သူထောင်က ထွက်လာတာ ခံဝန်နဲ့ဖြစ်တဲ့အတွက် အပြင်လောကမှာ အမှားတစ်ခုခုလုပ်မိတာနဲ့ သူ့ကိုအချိန်မရွေးထောင်ထဲပြန်ပို့လို့ရတဲ့အနေအထားဖြစ်နေလို့ပါပဲ။ ဘီလ်အပြင်ကိုပြန်ရောက်လာချိန်မှာ ပထမဆုံးလုပ်တာက သူ့ဇနီးနဲ့သူ့မိသားစုကိုလိုက်ရှာခဲ့တာပါ။ စိတ်မကောင်းစရာဖြစ်နေခဲ့တာက သူ့သားနှစ်ယောက်ဟာ တစ်ယောက်က ၁၅နှစ်၊တစ်ယောက်က ၁၁ နှစ်အရွယ်ဖြစ်နေပြီး သူ့ဇနီးကပစ်သွားခဲ့တဲ့အတွက် သားကြီးဖြစ်သူက ကိုယ့်ဝမ်းကိုယ်ကျောင်းပြီး သူ့ညီကိုကျောင်းထားပေးနေရတာပါပဲ။ သားကြီးက သူ့ကိုအမြင်မကြည်တဲ့အတွက် ထောင်ထွက်လူမိုက်စိတ်မကုန်သေးတဲ့ သူကလည်း ခပ်စိမ်းစိမ်းပဲ ကလေးနှစ်ယောက်ကိုထားခဲ့ဖို့စိတ်ကူးမိပါသေးတယ်။ဒါပေမယ့် ကလေးစောင့်ရှောက်ရေးအဖွဲ့ကဝင်လာပြီး အုပ်ထိန်းသူမရှိရင် ကလေးနှစ်ယောက်ကို ဂေဟာပို့မယ်လုပ်တာကြောင့် ကလေးနှစ်ယောက်ကို သူဟန်ပြအုပ်ထိန်းပေးရပါတယ်။ တဖြည်းဖြည်း ကလေးအဖေဘ၀ကိုပျော်မွေ့လာရင်း သားတွေကိုသံယောဇဉ်တွယ်လာချိန်မှာ သားငယ်ဖြစ်သူကို တစ်ချိန်က သူ့ဘော်ဒါဟောင်းရဲ့ အဆက်အနွယ်လူဆိုးဂိုဏ်းက ဘိန်းဖြန့်တဲ့အလုပ်မှာခေါ်ခိုင်းတဲ့အတွက် အဲ့ဒီပြဿနာတွေကိုဖြေရှင်းပေးဖို့ အရင်လူတွေနဲ့ပြန်ပတ်သက်မိတဲ့အချိန်မှာတော့..။ Crime/Drama ဆိုပေမယ့် သဘာ၀ကျကျနဲ့ ရယ်ရပါတယ်။ မထူးဆန်းတဲ့တင်ပြပုံနဲ့လည်း အစကနေ အဆုံးထိ လှည့်ကွက်မပါသလောက်နဲ့ဆွဲခေါ်နိုင်လောက်အောင်ကောင်းပါတယ်။ ရထားတဲ့ Rating တွေနဲ့အညီ တကယ် မိုက်တဲ့ကားပါပဲ။ ဒါနဲ့ဒီထဲက သရုပ်ဆောင်နှစ်ယောက်က နာမည်ကျော် meme characters တွေပါ။ File size…(690 Mb) Quality….Blu-Ray 720p Format…mp4 Duration….01:38:00 Genre...Drama Subtitle….Myanmar Subtitle (Hardsub) Encoder….Garfield Translated by Alias

Six men with mid-life anxiety set out for a weekend in the country in an attempt to reconnect with their masculinity. What they find is a catastrophe so horrible and bizarre that a mid-life crisis turns out to be exactly what they need to survive it...

Rise of the Footsoldier (2007) IMDb Rating (6.7) / Rotten Tomatoes (14%) ဒီကားက ဂန်းစတားကားဆိုတော့ ဂန်းစတားကြိုက်တဲ့လူတွေ ကြိုက်ကြမယ့်ကားပဲ။ ပိုထူးတာက ဒီကားက အကုန် တကယ့်ဖြစ်ရပ်မှန်တွေလို့ ပြောလို့ရတယ်။ အဲဒီထက်ပိုထူးတာက ဒီဇာတ်လမ်းကို ရေးခဲ့တဲ့သူ ဒီကားရဲ့ အဓိကဇာတ်ကောင်က အခုထိ သက်ရှိထင်ရှားပဲ။ ဇာတ်လမ်းတွေလည်း ထပ်ပြောပြနေတုန်းပဲ။ ၆ကားထွက်ထားတယ်။ ဒုတိယကားကတော့ ဒီကားလိုပဲ သူကိုယ်တိုင်ပြောပြထားတဲ့ ဇာတ်လမ်းပဲ။ ကျန်တဲ့ ၄ကားကတော့ ဖစ်ရှင်တွေဖြစ်သွားတယ်။ ဇာတ်ကတော့ ဘောလုံးအသင်းကို အားပေးတဲ့အဖွဲ့တွေချင်း ရန်ပွဲတွေကနေ စတယ်။ ဟိုဘက်အသင်းဖန်နဲ့ ဒီဘက်အသင်းဖန် ကွဲကြပြဲကြ ဓားထိုးကြ ဆော်ကြတဲ့အထိ အားပေးကြတယ်။ လူမိုက်လိုကောင်တွေပေါ့။ ဇာတ်ဆောင်က အဲဒီလိုကောင်တွေထဲက တစ်ကောင်ပဲ။ အဲဒီနောက် ကလပ်အပေါက်စောင့်ဖြစ်လာတယ်။ အဲဒီနောက် ဂန်းစတား။ မူးယစ်ရာဇာပေါ့။ အဲဒီမှာ သူကြုံခဲ့ရတဲ့ အခြေအနေတွေ သူကြုံခဲ့ရတဲ့ဘော်ဒါတွေအကြောင်း ပြောပြထားတယ်။ ကျန်တဲ့၅ကားတော့ ဘယ်လိုနေမလဲမသိပေမဲ့ ဒီပထမကားရဲ့ ဒါရိုက်တာက တင်ဆက်ပုံတော်တော်ကောင်းတယ်။ ဘိုင်အိုဂရပ်ဖီလိုဇာတ်ကို ပျင်းစရာမကောင်းအောင် ဇာတ်ကြောင်းပြောပြနိုင်တော့ တော်တော်တော့ ကြည့်ကောင်းတဲ့ ဖြစ်ရပ်မှန်ဂန်းစတားကားပါပဲ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (4 GB) / (2 GB) Quality…. Blu-Ray 1080p HEVC / 720p Format…. mkv/mp4 Genre…. Action,Crime,Thriller Duration…. 02:15:39 Subtitle…. Myanmar Subtitle (Hardsub)

Atonement IMDb (7.8)/ Rotten Tomatoes (83%) James Mcavoy ,Keira Knightley, Lady Bird (ဝါ) Saoirse Ronan နဲ့ Benedict Cumberbatch တို့လို နာမည်ကြီးမင်းသားမင်းသမီးတွေ အစုံအလင်နဲ့ရိုက်ကူးထားတဲ့ဇာတ်ကားပါ။ အဆုံးသတ် မတိုင်ခင် အထိတော့ ဒီ ဇာတ်လမ်းလေး တစ်ပုဒ်လုံးက သိပ်မထူးခြားသလိုပါပဲ။ ဒီဇာတ်လမ်းရဲ့ ထူးခြားချက်ကို ကျွန်တော် ချရေးခဲ့ရင်လည်း spoil ပြီးသား ဖြစ်သွားပါမယ်။ အချိန်ကာလအားဖြင့် Dunkrik မဖြစ်မှီ..... အထက်တန်းလွှာ အမျိုးသမီးတစ်ယောက်နဲ့ အိမ်ဖော်တစ်ယောက်ရဲ့သား.....ချစ်ကြိုက်မိခဲ့ကြတယ်...။ မှားယွင်းသွားတဲ့ စာတစ်စောင်က မထင်မှတ်ပဲ ယူလာခဲ့တဲ့ ဂြိုလ်ဆိုးတွေကြားမှာ..သူတို့ ဝေးသွားခဲ့ကြတယ်...။ စစ်တပ်ထဲ ရောက်နေတဲ့ ကောင်ကလေးနဲ့... အိမ်ကနေ ပြေးထွက်ခဲ့တဲ့ ကောင်မလေး.. စစ်မထွက်မှီမှာ ပြန်တွေ့ကြတဲ့အချိန်... နေသာ လေလာမဲ့ တစ်နေ့တော့ကို သူတို့ ပြန် ယုံကြည်မျှော်လင့်ခဲ့ကြတယ်...။ စစ်ရဲ့ အနိဋ္ဌာရုံတွေကြားကနေ ဒဏ်ရာအထပ်ထပ်နဲ့ မျှော်လင့်နေတဲ့ လူငယ်လေးတစ်ယောက်နဲ့ အချစ်အတွက် အရာရာကို ကျောခိုင်းခဲ့တဲ့ လူကုံထံ မလေးတစ်ယောက်ရဲ့ ယုံကြည်..မျှော်လင့်ခြင်းတွေ.... သူတို့ အတူနေချင်ခဲ့ကြတဲ့ ကမ်းခြေ ဘေးက အိမ်ကလေးတစ်လုံးမှာ ပြန်ဆုံတွေ့ကြမဲ့ တစ်နေ့နေ့.. အဆုံးသတ်မှာ ဘာတွေများ ဖြစ်သွားသလဲဆိုတာကိုတော့ ကိုယ်တိုင်ပဲ စီးမျောကြည့်ကြပါ။ အော်စကာ Nomi အတော်ဝင်ထားပြီး Best Achievement in Music Written for Motion Pictures, Original Score ဆုလည်းရထားတဲ့အပြင် တခြားက ဆုတွေလည်း အတော်ရထားတဲ့ ကားပါ။ Genreကတာ့ Romance and Drama ပါ။ (ရုပ်ရှင်အညွှန်းနဲ့ဘာသာပြန်ကို WiRa Aung မှတင်ဆက်ထားတာပါ။) File size…    2.5 GB /  1 GB Quality… BDRip 1080p / 720p Format… mp4 Duration…. 2h 3m Genre ..... Drama/Mystery/Romance Subtitle…. Myanmar Subtitle (Hard Sub) Encoder…. LegoHeart Translated by WiRa Aung

(18+ Erotic  အမျိုးအစားဖြစ်လို့ မိသားစုနဲ့အတူမကြည့်သင့်ပါ.) စုံထောက်ကားဆန်ဆန် သည်းထိတ်ရင်ဖိုဇာတ်ကားတွေကို နှစ်သက်တဲ့သူတွေအတွက် ဒီဇာတ်လမ်းလေးကို တင်ဆက်ပေးလိုက်ပါတယ်....တင်ပါးလွှဲထိုင်ချက်နဲ့ ကမ္ဘာလောကြီးက ပုရိသအပေါင်းကို ဆွဲလှုပ်ခဲ့ဖူးတာကို အားလုံးသိကြမယ်ထင်ပါတယ်.. အဲဒီ အထဲ မြန်မာက လူငယ်တွေပါ မပါတော့ ကျွန်တော်လည်းမပြောတတ်.. မင်းသမီးကတော့ 90s kid တို့အသဲစွဲ Sharon Stone ပါ.. သူ့ဇာတ်ကားတွေကြည့်ဖူးတဲ့လူတွေကတော့ သူ့ရဲ့အကြည့် သူ့ရဲ့အသံနဲ့တင် ရင်ဖိုလှိုက်မောခဲ့ရတာတွေကို ပြန်အမှတ်ရပါလိမ့်မယ် ဒီဇာတ်ကားထဲမှာလည်း သူဟာ ဆွဲ‌ဆောင်မှုရှိတဲ့ ရွှေရောင်ဆံပင်ပိုင်ရှင်ကောင်မလေးတစ်ယောက်အဖြစ် ပါဝင်သရုပ်ဆောင်ထားပါတယ်... စကားလုံးအသုံးအနှုန်းတွေဟာ မိသားစုနဲ့အတူကြည့်ရှုဖို့တော့ သင့်တော်မှာမဟုတ်ပါဘူး ဇာတ်လမ်းအညွှန်း ကက်သရင်းထရာမယ်ဆိုတဲ့အမျိုးသမီးဟာ စွန့်စားရတာကိုစွဲလမ်းနေ‌တဲ့ စိတ်ရောဂါတစ်မျိုးကို ခံစားနေရတဲ့လူတစ်ယောက်ပါ... သူ့ရဲ့စွန့်စားမှုတွေကြောင့် သူ့ကိုယ်သူတင်မကဘဲ သူတစ်ပါးကိုပါ အသက်သေစေတဲ့အထိဖြစ်လာတဲ့အခါမှာ သူဟာ လူသတ်မှုနဲ့ တရားစွဲခံခဲ့ရပါတယ်... အဲဒီအချိန်မှာ သူ့ရဲ့စိတ်အခြေအနေကို အကဲဖြတ်သုံးသပ်ဖို့အတွက် မိုက်ကယ်ဆိုတဲ့ စိတ်ရောဂါကုဆရာဝန်ဆီမှာ သူကုသခဲ့ပါတယ် ဒီလိုကု‌သနေတဲ့အချိန်အတောအတွင်းမှာလည်း သူ့အနီးအနားကလူတွေဟာ တစ်ယောက်ပြီးတစ်ယောက် အသတ်ခံလာကြရပါတယ်... ဒီတော့ ဒီအမှုကို သေသေချာချာလိုက်လံစုံစမ်းပြီး ရှာဖွေဖော်ထုတ်ရတဲ့အကြောင်းကို ရိုက်ကူးထားတာပါ ကြည့်ရှုသူအားလုံးစိတ်ထဲမှာ သို့လောသို့လောနဲ့ ရင်တမမကြည့်ရှုရမယ့်ဇာတ်ကားဖြစ်တဲ့အကြောင်းကတော့ အာမခံလိုက်ပါရစေ.... File Size :(3.08GB)(0.9GB) and (338MB) Quality : Blu-Ray 1080p5.1Ch,720p Format…mp4 Duration…01:54:00 Genre : Mystery , Drama ,Thriller Subtitle : Myanmar Subtitle (Hard Sub) Translated by  Paing Encoded by Phyo Pyae