Nicholas Hamilton ပါဝင်သော ဇာတ်ကားများ

Do Not Enter (2026) ဘတ်ဂျက်နည်းနည်းပဲ သုံးပြီး အမြတ်အစွန်းပြန်ရတဲ့ ဟော်ရာတွေထဲက တစ်ကားဖြစ်ပြီး ပရိသတ်အကြိုက်တွေ့သလို ဝေဖန်ရေးဆရာတွေလည်း သဘောကျကြတဲ့ ဇာတ်ကားပါ။ ဟိုတယ်ထဲမှာရင်ဆိုင်ရတဲ့ အရာက 'ဘာ' မှန်းသိမနေတာကိုက ရင်ဖိုစရာ စိတ်ဝင်စားစရာကောင်းနေပြီး အစပိုင်းအထနှေးပေမယ့် ကြမ်းပြီဆိုကတည်းက မနားတမ်း ဆက်တိုက်ကြမ်းပါတယ်။ ဇာတ်လမ်းအကျဉ်း ဒိုင်ယန်းတို့ သူငယ်ချင်းတစ်စုဟာ ထူးခြားဆန်းကြယ်တဲ့နေရာတွေကို လေ့လာဗီဒီယိုရိုက်ကူးတင်ဆက်နေတဲ့ အဖွဲ့တစ်ဖွဲ့ပါ။ ဘယ်လောက်ပဲကြိုးစားကြိုးစား ပရိသတ်များမလာတဲ့ အခြေအနေမှာ လူကြည့်များလာအောင် ဘယ်လိုလုပ်ရမလဲ အကြံထုတ်ရင်း စွန့်ပစ်ဟိုတယ်ကြီးတစ်ခုကို ရွေးချယ်လိုက်ကြပါတယ်။ အဲ့ဒီဟိုတယ်ကြီးဟာ တစ်ချိန်က ဂန်းစတားတစ်ယောက်ပိုင်ဆိုင်ခဲ့ပြီး အဲ့ဒီထဲမှာဒေါ်လာ သန်းရာချီဝှက်ထားခဲ့တယ်လို့သတင်းထွက်နေတဲ့အပြင် အဲ့ဒီငွေတွေကိုရှာဖို့ ဟိုတယ်ထဲကိုဝင်သွားတဲ့သူတွေဟာလည်း အစအနမတွေ့အောင်ပျောက်ဆုံးသွားတတ်တယ်လို့ ကောလဟာလတွေရှိပါတယ်။ ဒါတွေအားလုံးကို ခပ်ပေါ့ပေါပဲ သဘောထားပြီး ဝင်သွားခဲ့တဲ့ သူတို့အဖွဲ့ဟာ ဟိုတယ်ထဲမှာတော့ ကောလဟာလတွေအတိုင်း မယုံနိုင်စရာကောင်းလောက်အောင် ကြောက်မက်ဖွယ်အန္တရာယ် ပေါင်းစုံနဲ့ရင်ဆိုင်ရပါတော့တယ်။ File size… (2.7 GB) / (1 GB) / (580 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror Duration…. 01:31:00 Subtitle…. Myanmar Subtitle (Hardsub)

Things Like This 2025 BL အချစ်ကားလေးအသစ်လေးတစ်ကား တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့ ဇက်ခ်ဆိုတဲ့ အားနာတတ်တဲ့လူတစ်ယောက် အလုပ်မှာလည်း သူဌေးရဲ့အနိုင်ကျင့်ခြင်းကိုခံနေရတဲ့သူ။ သူနဲ့ကြိုက်နေတဲ့ရည်းစားကိုလည်း မကြိုက်ပေမယ့် အားနာလို့ဆိုပြီးဆက်တွဲနေခဲ့တာ။ ဒီလိုအမြဲတမ်းအားနာတတ်ပြီး ကိုယ့်ကိုယ်ကိုထက် သူတစ်ပါးကိုပဲရှေ့တန်းတင် စဉ်းစားပေးတတ်တဲ့သူတစ်ယောက်။ နောက်ထပ် ဇက်ခ်ဆိုတဲ့ နာမည်နဲ့လူတစ်ယောက် သူကကျတော့ ဘဝမှာဘာမှမအောင်မြင်တဲ့သူ စာရေးဆရာဖြစ်ဖို့ကို အိပ်မက်မက်နေသူ။ အရာရာကိုမကောင်းမြင်တဲ့မျက်လုံးနဲ့ကြည့်တတ်တဲ့သူ ။ ဒီလို ဇက်ခ်ဆိုတဲ့ နာမည်တူတဲ့လူနှစ်ယောက် အခက်အခဲတွေကိုယ်စီနဲ့လူနှစ်ယောက် တွေ့ဆုံကြတဲ့အခါမှာ . သူ့အခက်အခဲတွေကြောင့် သူတပါးထိခိုက်မှာစိုးရိမ်တဲ့သူနဲ့ အမြဲတမ်းအခက်အခဲတွေကြုံနေရတဲ့သူ ။ ဒီလူနှစ်ယောက် ဆုံတွေ့ခဲ့ကြပြီးတစ်ယောက်နဲ့တစ်ယောက် အခက်အခဲတွေကိုကျော်လွှားပြီးနားလည်မှုအပြည့်နဲ့ အချစ်ခရီးလမ်းကို ဘယ်လိုရှေ့ဆက်မယ်ဆိုတာ ဆက်လက်ကြည့်ရှုအားပေးကြပါအုံး .... File size… 1 GB / 500 MB Quality…WEB DL 1080p HEVC/ 720p Format…mkv/ mp4 Duration….1h 39m Subtitle….Myanmar Subtitle (Hard Sub)

Brave the Dark (2025) IMDb Rating (6.6) / Rotten Tomatoes (74%) ဒီ Movie ကတော့ ထုတ်လုပ်သူနေသန်နီရယဲဒင်းရဲ့ ငယ်ဘ၀ကို ရိုက်ကူးထားတဲ့ကားပါ။ ဇာတ်ကြောင်းကတော့ သူ့အမေကို အဖေကမျက်စိရှေ့မှာတင် သတ်လိုက်တာကို မြင်လိုက်ရတဲ့ နိတ်ဆိုတဲ့ကောင်လေးတစ်ယောက်က ပတ်၀န်းကျင်ရဲ့အပြောတွေကြားမှာ ဆိုးဆိုးဝါးဝါးနဲ့ ဂရုစိုက်မှုမခံရပဲကြီးပြင်းလာခဲ့ပါတယ်။ မိဘတွေမရှိတော့ပဲ ဆွေမျိုးတွေက ပစ်ထားတော့ ဖြစ်ချင်တိုင်းဖြစ်ပြီး ကားပေါ်မှာနေနေရပါတယ်။ ဒါပေမဲ့ သူ့ရဲ့ဆရာဖြစ်သူစတန်ဒင်းက သူ့ကျောင်းသားရဲ့ကောင်းကွက်ကိုမြင်ခဲ့ပြီး အကူအညီပေးခဲ့ပါတယ်။ မိဘမေတ္တာငတ်နေတဲ့ ကလေးတစ်ယောက်က သူ့ရဲ့ဆရာဖြစ်သူရဲ့ ကြီးကြပ်စောင့်ရှောက်ပေးမှုအောက်မှာ ဘ၀စတင်ပြောင်းလဲလာခဲ့ပါတယ်။ လမ်းမှားရောက်တော့မယ့် ကလေးတစ်ယောက်ကို အခြားသူတွေလို ပစ်မထားပဲ အတတ်နိုင်ဆုံး လမ်းမှန်ပေါ်ဆွဲတင်ပေးခဲ့တဲ့ ဆရာတစ်ယောက်ရဲ့ မေတ္တာကို ရိုးရိုးလေးရိုက်ကူးပြထားတဲ့ကားပါ။ ဒီကားကိုဖန်တီးခဲ့တာကလည်း သူ့ဘ၀ရဲ့မှောင်မိုက်နေတဲ့အချိန်တွေမှာ အလင်းဆောင်ကျဉ်းပေးပြီး လမ်းမှန်ပြပေးခဲ့တဲ့ ဆရာဖြစ်သူရဲ့စေတနာမေတ္တာကို ပြပေးချင်ခဲ့တာကြောင့်ပါ။ Plot twist တွေဘာတွေမပါတဲ့ ပေါ့ပေါ့ပါးပါးကားလေးမို့ ကြည့်ရတန်ပါတယ်။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size…(1.5 GB) / (740 MB) Quality….WEB-DL 1080p HEVC / 720p Format…. mkv/mp4 Genre….Drama Duration….01:51:17 Subtitle….Myanmar Subtitle (Hardsub) Encoder….Double K Translated by Phu Thet Khin

IT ပထမရုပ်ရှင်မှာ ပန်နီဝိုက်စ် ကို Loser club က အနိုင်ယူခဲ့ပါပြီ။ ဒါပေမယ့် အဲဒီအရာက တကယ်သေသွားတာ မဟုတ်ခဲ့ပါဘူး။ ဒီလိုသာ မသေခဲ့ရင် ၂၇နှစ်အကြာမှာ ပြန်ပေါ်လာမှာကို တွေးမိတဲ့ဘေလ်တို့အဖွဲ့ဟာ ၂၇ နှစ်ကြာလို့ အဲဒါ ပြန်ပေါ်လာရင်ပြန်စုပေါင်းပြီး တိုက်ခိုက်ဖို့ သစ္စာပြုခဲ့ကြပါတယ်။ ၂၇ နှစ် အကြာကာလရဲ့ ဇာတ်လမ်းဖြစ်တာကြောင့်ဒီဇာတ်ကားရဲ့ ဇာတ်လိုက်တွေကအသက်၃၀ ကျော်လူကြီးတွေ ဖြစ်နေပါလိမ့်မယ်။ ဒါပေမယ့် သူတိုကိုယ်စားပြုတဲ့ ကလေးကာရိုက်တာတွေကိုအကောင်းဆုံးပုံဖော်ပြထားတာကြောင်း အရမ်းကိုကြည့်ကောင်းနေပါလိမ့်မယ်။ ပန်နီဝိုက်စ်ကလည်း ကလေးတွေကို ခြောက်တုန်းကထက်ပိုကြမ်းလာပါလိမ့်မယ်။ ဒီတော့ အားရပါးရကြောက်ဖို့ ဘာသာပြန်ပေးလိုက်ပါတယ်။ ဘာသာပြန်သူကတော့ Littleneo ပဲဖြစ်ပါတယ်…. File Size : (2.70 GB),(1.30 GB) And (650 MB) And (4.1GB) Quality : Blu-Ray (1080p 5.1,720p,480p) / 4k BluRay HEVC AAC 5.1CH Running Time : 2hr 49min Format : Mp4 Genre : Drama, Fantasy, Horror Subtitle : Myanmar Subtitle (Hard Sub) Source : 1080p.BluRay.x264.DTS-MT Translated by Littleneo Encoded by Thanhtike Zaw & Thit San Khant

၁၉၆၆ ခုနှစ် ဩဂုတ်လမှာ ဗီယက်နမ်နိုင်ငံ၊ လောင်းတန်က ရော်ဘာစိုက်ခင်းတစ်ခုအတွင်း တိုက်ပွဲတစ်ပွဲ ဖြစ်ပွားခဲ့ပါတယ်။ တစ်ဖက်မှာ ဩစတြေးလျနဲ့ နယူးဇီလန်က တိုက်ပွဲအတွေ့အကြုံ နုနယ်သေးတဲ့ လူငယ်စစ်သား ၁၀၈ ယောက်၊ တစ်ဖက်မှာတော့ အတွေ့အကြုံရှိတဲ့ မြောက်ဗီယက်နမ်နဲ့ ဗီယက်ကောင်းစစ်သား ၂၅၀၀ တို့ ရင်ဆိုင်ကြရတာပါ။ မိုးတွေရွာနေတဲ့ကြားက တိုက်ပွဲဝင်နေရင်း လက်နက်ခဲယမ်းတွေပါ ကုန်သွားတဲ့အခါ လူငယ်စစ်သားတွေအတွက် အသက်ရှင်ကျန်ဖို့ ပိုခက်လာပါတယ်။ နယ်မြေကိုလည်း တစ်ဖက်က ပိုကျွမ်းကျင်နေတော့ သူတို့လက်ထဲ မကျရောက်ဖို့နဲ့ ကိုယ့်အသက်ကို ဆက်ထိန်းထားနိုင်ဖို့ ဒီစစ်သားတွေ ဘယ်လို ရုန်းကန်ကြမလဲ။

မိုးတွေတဖွဲဖွဲရွာနေတဲ့မနက်ခင်းတစ်ခုမှာ ၅နှစ်ခန့်အရွယ် ဂျော်ဂျီလေးဟာ သူ့အစ်ကိုမပါဘဲအပြင်သွားရဖို့ဖြစ်လာခဲ့တယ်... သူ့အစ်ကို ဘီလ်ကလည်းချောင်းတွေဆိုးပြီးဖျားနေခဲ့တာကိုး... အစ်ကိုမပါလို့မသွားချင်သွားချင်ဖြစ်နေတဲ့ဂျော်ဂျီလေးကို ဘီလ်က လမ်းမှာဆော့သွားဖို့စက္ကူလှေလေးလုပ်ပေးပြီး နှစ်သိမ့်လိုက်တယ်... ဂျော်ဂျီလေး အိမ်ကထွက်လာပါပြီ... မိုးကာ အင်္ကျီအဝါရောင်လေးနဲ့ပေါ့... ဂျော်ဂျီလေးသာ ပြန်မလာနိုင်တော့မယ်မှန်းကြိုသိခဲ့ရင် ဘီလ့်အနေနဲ့ဘယ်လောက်ဖျားဖျားလိုက်သွားမိမှာပဲ… ဒါပေမယ့် အနာဂတ်ကိုကြိုမသိနိုင်တော့လည်း ဘီလ့်ခမျာ ချောင်းလေးတစ်ဟွတ်ဟွတ်ဆိုးရင်း မိုးရေထဲထွက်ခွာသွားတဲ့ ဂျော်ဂျီလေးကိုလှမ်းမျှော်ကြည့်ရင်းကျန်ခဲ့ပါတယ်… လမ်းတစ်လျှောက် မိုးရေစီးကြောင်းထဲမှာ လှေလေးကို ဆော့ရင်းထွက်သွားတဲ့ဂျော်ဂျီလေးဟာ အဲ့ဒီနေ့ကအိမ် ပြန်မလာခဲ့ပါဘူး… နောက်နေ့တွေလည်း ပြန်မလာခဲ့ဘူးလို့ပြောရင် ပိုမှန်မှာပေါ့… ဘီလ်တစ်ယောက်ဟာ အချိန်တွေကြာလာပေမယ့် ဒီကိစ္စကိုသူ့အပြစ်လို ခံစားပြီး သူ့ညီလေး ပျောက်သွားနိုင်မယ့်နေရာကိုမှန်းဆပြီးမိဘတွေမသိအောင် ကြိတ်ရှာနေခဲ့တယ်… နွေကျောင်းပိတ်ရက် မစတင်ခင်တစ်နေ့မှာတော့ စိုးရိမ်တကြီးမျက်နှာနဲ့ ကြေငြာစာရွက်တွေလိုက်ကပ်နေတဲ့ အန်တီကြီးတစ်ယောက်ကိုတွေ့လိုက်ရတယ်…အလို... အခန်းထဲကကောင်မလေး ပျောက်သွားတယ်ဆိုပါလား နောက်နေ့တွေမှာလည်း လူပျောက်ကြေငြာစာရွက်တွေ တစ်ရွက်ပြီးတစ်ရွက်ပလူပြန်လာပြီ… ဒယ်ရီမြို့လေးမှာ ကလေးပျောက်တာတွေ များလာပါလား… ဘီလ်သံသယဝင်လာပါပြီ… သူ့သူငယ်ချင်းတွေအဖွဲ့(ကျောင်း မှာအမြဲအနိုင်ကျင့်ခံရတဲ့ Loserအဖွဲ့)နဲ့ စုံစမ်းလိုက်တဲ့အခါ ၂၇ နှစ်ကြာတိုင်း တစ်ဖန်ပေါ်လာတတ်တဲ့ကလေးစားလူရွှင်တော် Pennywiseအကြောင်းကို သိလာခဲ့တယ် လွန်ခဲ့တဲ့၂၇နှစ်ကလည်း တစ်မြို့လုံးပြုတ်အောင် စားခဲ့တဲ့သက်သေတွေလည်း တွေ့လာခဲ့တယ်… ဘီလ်နဲ့သူ့သူငယ်ချင်းတွေကိုယ်တိုင်ကလည်း ခြောက်လန့်မှုတွေ အမျိုးမျိုးနဲ့ကြုံလာရတဲ့အခါ… သူတို့ကိုယ်တိုင်အတွက်နဲ့ ကျန်တဲ့ကလေးတွေ အန္တရာယ်ကိုကာကွယ်ဖို့ Pennywiseကြီးရှိရာ…အိမ်ပျက်ကြီးအောက်ခြေက ရေတွင်းပျက်ကြီးဆီချီတက်လာကြတဲ့အခါမှာတော့…… ''ငါအိမ်ပြန်ရောက်တိုင်း ဂျော်ဂျီရှိမနေဘူး… သူ့ရယ်သံလေးတွေလည်းမကြားရတော့ဘူး… သူကစားနေကျ ပေါကြောင်ကြောင် ဒိုင်နိုဆောကောင်တွေကပဲ ငါ့ကိုမော့ကြည့်နေကြတယ်.. ကိုယ့်အိမ်ကိုယ်ပြန်ရတဲ့ခံစားချက်ဟာသိပ်ခြောက်ခြားစရာကောင်းတယ်… ဒါကြောင့် ဒီ pennywiseနေတဲ့အိမ်ပျက်ကြီးထဲဝင်ဖို့က ငါ့အိမ်ငါပြန်ဖို့ထက်တောင် ပိုလွယ်နေသေးတယ်''… ဒီစကားလေးကြောင့်ပဲ Itထဲမှာ ဘီလ်တစ်ယောက်ဘယ်လောက်သတ္တိရှိရှိနဲ့ Pennywiseကိုရင်ဆိုင်ခဲ့လဲဆိုတဲ့အချက်ကိုပေါ်လွင်စေခဲ့တယ်… ကဲ ပရိသတ်ကြီးရေ It ဘယ်လောက်နာမည်ကြီးတယ် Stephen Kingရေးတဲ့နာမည်ကြီးဝတ္ထုကိုရိုက်ထားတာ… ဝင်ငွေဘယ်လိုစံချိန်ချိုးခဲ့တာ ဘာညာကတော့ သိပြီးသားပါနော်… IMDb Rating ကတော့ 7.8/10 ပါ…  ကဲ မိုးအေးအေးနဲ့ ကြောက်လိုက်ကြပါဦး (ဇာတ်လမ်းအညွှန်းနဲ့ဘာသာပြန်သူကတော့ မေသဇင်မြင့်ပါ) Quality : Blu-Ray 1080P / 4k HEVC BluRay AAC 5.1CH Running Time : 2hr 15min Format : Mp4 Genre :Drama, Horror, Thriller Subtitle : Myanmar Subtitle (Hard Sub) Translated by May Thazin Myint Encoded by Thit San Khant

စွမ်းရည်ချင်း မတူညီတဲ့ ကမ္ဘာများစွာရဲ့ အလယ်ဗဟိုမှာ ကမ္ဘာအားလုံးကို ထိန်းထားပေးတဲ့ ထောက်တိုင်ကြီးတစ်ခု ရှိပါတယ်။ အဲဒီထောက်တိုင် မရှိတော့ရင် ကမ္ဘာတွေဟာ အမှောင်ကျပြီး မီးလောင်ပျက်စီးကုန်မှာပါ။ ဝေါ်တာဆိုတဲ့ မကောင်းဆိုးဝါးနဲ့ အရေခွံခြုံသူတွေကတော့ ထောက်တိုင်ကို ဖျက်ဆီးဖို့ ကြံစည်နေကြတယ်။ စိတ်ထားသန့်စင်တဲ့ ကလေးတွေကို ဖမ်းဆီးပြီး သူတို့ဆီက စိတ်စွမ်းအင်ကို ထုတ်ယူကာ ထောက်တိုင် တဖြည်းဖြည်း အားနည်းလာအောင် တိုက်ခိုက်နေကြပါတယ်။ တစ်နေ့မှာ စိတ်စွမ်းအင် အလွန်မြင့်တဲ့ ဂျိတ်ချန်ဘာကို အရေခွံခြုံသူတွေ ရှာတွေ့သွားတယ်။ သူတို့ ဖမ်းဖို့ရောက်လာချိန်မှာ ကြိုတင်အကြားအမြင်ရထားတဲ့ ဂျိတ်က ထွက်ပြေးပြီး ထောက်တိုင်ကို ကာကွယ်သူ သေနတ်သမားကို လိုက်ရှာပါတယ်။ အဲဒီသေနတ်သမား ရိုလန်ကလည်း သူ့အဖေကို သတ်သွားတဲ့ ဝေါ်တာကို လက်စားချေဖို့ လိုက်ရှာနေတာပါ။ ဂျိတ်နဲ့ တွေ့ဆုံပြီးနောက် ရိုလန်ဟာ ဝေါ်တာကို ရှာဖို့ ဂျိတ်ရဲ့ စိတ်စွမ်းအင်အကူအညီကို ယူလိုက်တယ်။ ဝေါ်တာ ကြောက်ရတဲ့ နောက်ဆုံးမျိုးဆက် သေနတ်သမားနဲ့ ဝေါ်တာကိုယ်တိုင် ဖမ်းချင်နေတဲ့ ကလေးတို့ဟာ ဒီလိုနဲ့ အတူပူးပေါင်းမိကြပါတယ်။ Stephen King ရဲ့ ဝတ္ထုကို အခြေခံပြီး ဒါရိုက်တာ Nikolaj Arcel ရိုက်ကူးထားတဲ့ စိတ်ကူးယဉ် အက်ရှင်စွန့်စားခန်းရုပ်ရှင်ဖြစ်ကာ ကြာချိန် တစ်နာရီခွဲကျော် ရှိပါတယ်။

ဘန်နဲ့ သူ့ဇနီး လက်စလီတို့ဟာ သားဦးလေး ငယ်သေးတဲ့အချိန်ကတည်းက မြို့ပေါ်ကနေ ထွက်လာပြီး တောထဲမှာ နေထိုင်ဖို့ ရွေးချယ်ခဲ့ကြပါတယ်။ ခေတ်မီပစ္စည်းတွေမသုံးဘဲ သဘာဝအတိုင်း ရှင်သန်ကြရင်း ကလေးခြောက်ယောက်စလုံးကို တောထဲမှာပဲ ပြုစုပျိုးထောင်လာခဲ့တယ်။ ကလေးတွေ ကျန်းမာကြံ့ခိုင်ဖို့နဲ့ တိုက်ခိုက်တတ်ဖို့ ပုံမှန်လေ့ကျင့်ပေးသလို စာပေပညာကိုလည်း သူတို့ကိုယ်တိုင် သင်ပေးကြပါတယ်။ နည်းပညာနဲ့ ခေတ်မီအသုံးအဆောင်တွေကို သိခွင့်၊ သုံးခွင့်မရတဲ့ ကလေးတွေဟာ တောထဲက သဘာဝအလှကို ခံစားတတ်အောင် သင်ယူရင်း ကြီးပြင်းလာကြတယ်။ စိတ်ရောဂါအခံရှိတဲ့ လက်စလီဟာ မြို့ပေါ်မှာ အချိန်အတော်ကြာ ဆေးကုနေရာက တစ်နေ့တော့ ဆေးရုံမှာ သေဆုံးသွားပါတယ်။ လက်စလီရဲ့အဖေက သမီးနဲ့ဘန်တို့ တောထဲမှာနေဖို့ ဆုံးဖြတ်ခဲ့တာကို မကျေနပ်တဲ့အတွက် ဘန့်ကို ဈာပနတက်ခွင့်မပြုဘူးလို့ ပြောလိုက်တယ်။ ဒါပေမယ့် အမေနဲ့ အကြာကြီးခွဲနေရတဲ့ ကလေးတွေက လွမ်းနေကြပြီး ဈာပနကို သွားချင်နေကြပါတယ်။ အဲဒီနောက်မှာတော့ ဘန်ဟာ ကလေးတွေကို သူတို့ကြီးပြင်းလာခဲ့တဲ့ တောအပြင်ဘက်က လူ့အသိုင်းအဝိုင်းထဲ ပထမဆုံး ခေါ်သွားရပါတော့တယ်။ အပြင်လောကကို ရောက်လာတဲ့အခါ ကလေးတွေက သူတို့ကြီးပြင်းခဲ့ရတဲ့ ဘဝကို ကျေနပ်နေကြသေးရဲ့လား။ မိဘနှစ်ယောက် သင်ပေးထားသမျှဟာ ဒီလောကမှာ ရှင်သန်ဖို့ လက်တွေ့အသုံးဝင်ပါ့မလား။ ဘန်ကိုယ်တိုင်လည်း ဖခင်တစ်ယောက်အနေနဲ့ သူလုပ်ခဲ့တာတွေ မှန်တယ်လို့ ဆက်ယုံကြည်နိုင်ဦးမလားဆိုတာ ပြန်မေးရမယ့်အချိန် ရောက်လာပါတယ်။