Nilofar ပါဝင်သော ဇာတ်ကားများ

အကပညာမှာ ထူးချွန်တဲ့ ရှီခါဟာ ကလေးနဲ့ အိမ်ထောင်ရေးအတွက် သူ့ရဲ့ပညာရေးနဲ့ ဘဝတက်လမ်းတွေကို စွန့်လွှတ်ခဲ့သူပါ။ ခုနစ်နှစ်လောက်ကြာလာတော့ သူတို့အိမ်ထောင်ရေး ယိုယွင်းစပြုနေပြီဆိုတာကို သတိထားမိလာတယ်။ ရှီခါက ပြဇာတ်မင်းသားတစ်ယောက်ကို စွဲလမ်းမိသွားချိန်မှာ သူ့ခင်ပွန်းကလည်း ရုံးက ကောင်မလေးတစ်ယောက်နဲ့ ငြိတွယ်လာပါတယ်။ တစ်ဖက်မှာတော့ ရာဟုလ်ဆိုတဲ့ ဉာဏ်များသူတစ်ယောက်က သူ့အခန်းကို ခိုးချိန်းကြတဲ့ စုံတွဲတွေဆီ ငှားပေးနေတယ်။ ဇာတ်လမ်းထဲက အဓိကဇာတ်ကောင် ကိုးယောက်ဟာ အချင်းချင်း သိကျွမ်းကြပြီး မွမ်ဘိုင်းမြို့မှာ အလုပ်လုပ်နေကြသူတွေပါ။ တစ်နေ့မှာ သူတို့ဘဝတွေ အလှည့်အပြောင်းကြုံလာပြီး တစ်ယောက်နဲ့တစ်ယောက် ကံကြမ္မာချင်း ရောယှက်လာတဲ့အခါ ကိုယ့်စိတ်ခံစားချက်ကိုယ် အနိုင်ယူဖို့ ကြိုးစားကြရပါတယ်။ အီရ်ဖားန်ခန်းနဲ့ ရှီလ်ပါးရှတ်သီးတို့ ပါဝင်ထားတဲ့ ဘောလိဝုဒ် အချစ်ဒရာမာဇာတ်ကားပါ။

* Movie Request ထဲကဇာတ်ကားဖြစ်ပါတယ် ဒီကားလေးကတော့ ရောဂါဝေဒနာခံစားနေရတဲ့ ဖခင်ဖြစ်သူကို ဆေးကုသဖို့အတွက် မြို့ကြီးဆီကို ရောက်လာတဲ့ သားအဖနှစ်ယောက်ရဲ့ အကြောင်းကို ရိုက်ကူးထားတဲ့ ဇာတ်ကားကောင်းလေးတစ်ကားပါ။ သီချင်းဆိုဝါသနာပါတဲ့ ကောင်လေးက ဖခင်ရဲ့ဆေးဖိုးအတွက် ဟိုတယ်တစ်ခုမှာ အဆိုတော်အဖြစ် အလုပ်ဝင်လုပ်ရင်း ဆေးရုံက စိတ်သဘောထားပြည့်ဝတဲ့ ကောင်မလေးတစ်ယောက်နဲ့ ချစ်ကြိုက်သွားပါတယ်။ သူတို့ရဲ့ အချစ်ဇာတ်လမ်းလေးက ရိုးရိုးရှင်းရှင်းနဲ့ ကြည့်ရတာ ကြည်နူးဖို့ကောင်းသလို သားအဖနှစ်ယောက်ကြားက သူငယ်ချင်းတွေလို စနောက်ပြီး အပြန်အလှန် ဂရုစိုက်ကြတာတွေကလည်း ချစ်စရာကောင်းပါတယ်။ ဒါပေမဲ့ ကောင်လေး အလုပ်လုပ်နေတဲ့ ဟိုတယ်ပိုင်ရှင်ရဲ့ ညီမဖြစ်သူက သူ့ကို မြင်မြင်ချင်းပဲ ရူးရူးမူးမူး စွဲလမ်းသွားရာကနေ သူတို့ရဲ့ကမ္ဘာလေးက ပြိုလဲရပါတော့တယ်။ အလိုလိုက်ခံထားရတဲ့ အဲဒီမိန်းကလေးရဲ့ ဆန္ဒကို ဖြည့်ဆည်းပေးဖို့အတွက် ဩဇာအာဏာကြီးမားတဲ့ သူ့ရဲ့အစ်ကိုက ငွေကြေးနဲ့ အင်အားသုံးပြီး ကောင်လေးကို အတင်းအကျပ် ဖိအားပေးလာပါတယ်။ ရိုးသားတဲ့ ချစ်သူနှစ်ဦးကြားကို အတ္တကြီးမားတဲ့ အချစ်တစ်ခု ဝင်ရောက်လာတဲ့အခါ သူတို့ရဲ့ အချစ်ရေးက ဘယ်လိုတွေ ဆက်ဖြစ်မလဲ။ ရက်စက်တဲ့ သူဌေးမောင်နှမရဲ့ ရန်ကနေ ကောင်လေးက သူ့ရဲ့ဖခင်နဲ့ ချစ်သူကောင်မလေးကို ဘယ်လိုကာကွယ်သွားမလဲဆိုတာကို ရင်တမမနဲ့ ကြည့်ရှုရမှာဖြစ်လို့ လက်မလွတ်တမ်း ကြည့်သင့်တဲ့ ဇာတ်ကားလေးပဲ ဖြစ်ပါတယ်။

ရူပ်းဆင်းရာထောရ်နဲ့ သူ့အဖေ ရှန်ဘူးနားသ်တို့ဟာ ရွာမှာ သီချင်းဆိုကြသူတွေပါ။ အဖေ နာမကျန်းဖြစ်လာပြီး ဆေးကုဖို့လိုလာတဲ့အခါ ရူပ်လည်း အဖေ့ကို ဆေးကုပေးဖို့ မြို့ပေါ်တက်လာရပါတယ်။ အဲဒီမှာ သဘောကောင်းပြီး ဖော်ရွေတဲ့ သူနာပြုမလေး ပူဂျာနဲ့ မထင်မှတ်ဘဲ တွေ့ဆုံမိပြီး မြင်မြင်ချင်း ချစ်သွားတယ်။ တစ်ဖက်မှာလည်း လိုချင်တာမှန်သမျှ ရနေကျဖြစ်တဲ့ သူဌေးသမီး ရေးရှ်မာက ရူပ်ကို မြင်မြင်ချင်း စွဲလမ်းသွားပါတယ်။ သူက ရူပ်ကို ပိုင်ဆိုင်နိုင်ဖို့ နည်းမျိုးစုံနဲ့ ကြိုးစားလာတဲ့အခါ ရူပ်နဲ့ ပူဂျာတို့ ဘယ်လိုအတားအဆီးတွေ ကြုံရမလဲ၊ နှစ်ယောက်သား ပေါင်းဖက်ခွင့်ရပါ့မလား။ ၁၉၉၆ ခုနှစ်က ထွက်ရှိခဲ့တဲ့ ရှာရွတ်ခန်းရဲ့ အက်ရှင်အချစ်ဇာတ်ကားပါ။