Patrick Shih ပါဝင်သော ဇာတ်ကားများ

Your Personal Taxi (2026) အပိုင်း 1 မှ 8 စ/ဆုံး "အထီးကျန်ဆန်ပြီး ပင်ပန်းနွမ်းနယ်နေတဲ့ နေ့ရက်မျိုးမှာ ဖုန်းတစ်ချက်ခေါ်လိုက်ရုံနဲ့ အရောက်လာပေးမယ့် ဒရိုင်ဘာဂိုရဲ့ သီးသန့်တက္ကစီလေး..." တက္ကစီဆိုပေမဲ့ လူတိုင်းကိုတော့ တင်မခေါ်ပါဘူး။ကြိုတင် သီးသန့်ခေါ်ယူထားတဲ့ ပုံမှန်စီးနေကျ ခရီးသည်တွေသာ စီးနင်းခွင့်ရှိမှာဖြစ်ပြီး ခရီးစဉ်တစ်လျှောက်မှာလည်း ခရီးသည် နားထောင်ချင်တဲ့ သီချင်းကို ဖွင့်ထားပေးမှာပါ။ ဒီတက္ကစီလေးပေါ်မှာတော့ ဘယ်သူ့မျက်နှာကိုမှ ထောက်နေစရာ မလိုပါဘူး။ ဘယ်လို အိပ်မက်မျိုး ၊ ဘယ်လို အမှတ်တရမျိုးကမှ ပြက်ရယ်ပြုခြင်းခံရမှာ မဟုတ်သလို ကိုယ် တွေ့ကြုံခဲ့ရတဲ့ ပျော်ရွှင်ဖွယ် ၊ ဝမ်းနည်းဖွယ် ဘဝဇာတ်ကြောင်းအဖုံဖုံကို ပွင့်ပွင့်လင်းလင်း ရင်ဖွင့်ပြောပြလို့ ရပါတယ်။ခရီးသည် တစ်ဦးတည်းကသာ အဓိကဇာတ်ဆောင်လို အထူးတလည် ဆက်ဆံခံရမယ့် နေရာလေးပေါ့။ ဒါဆိုရင် ဘယ်ခရီးသည်တွေက ဘယ်လို ဇာတ်လမ်းမျိုးနဲ့အတူ ဒီတက္ကစီလေးပေါ်မှာ လိုက်ပါစီးနင်းဖြစ်ကြမလဲ...။ တက္ကစီတွင်းက လွင့်ပျံ့နေတဲ့ တေးသံတွေ ၊ ဒရိုင်ဘာဂိုရဲ့ နှစ်သိမ့်စကားသံတွေနဲ့အတူ နှလုံးသားကို အနွေးဓာတ်လေး ဖြည့်တင်းပေးနိုင်ဖို့အတွက် တင်ဆက်ပေးလိုက်ရပါတယ်နော်။ ခရီးသည်တွေရဲ့ ရင်ဖွင့်သံတွေကို နားထောင်ပေးမယ့် ဒရိုင်ဘာဂိုအဖြစ် My Sassy Girl နဲ့ အသည်းစွဲခဲ့ရတဲ့ မင်းသား Cha Tae-Hyun အပြင်၊ ခရီးသည်များအဖြစ် Lee Yeon-Hee , Lee Kyoo-Hyung , Lee Jae-In , Lim Se-Mi , OH MY GIRL အဖွဲဝင် Mimi , Joo Jong-Hyuk , Ye Ji-Won အစရှိတဲ့ ကေဒရမ်မာ ပရိသတ်ကြီးတွေ ရင်းနှီးပြီးသား သရုပ်ဆောင်များစွာက ပါဝင်အားဖြည့်ပေးထားပါတယ်။ Episodes: 8 Aired: Oct 1, 2026 Aired On: Thursday Duration: 30min Genres: Music, Life, Drama Subtitle: Myanmar Subtitle (Hardsub)

မိုးမရောက်ခင် နွေရာသီအမှီလေး ဇာတ်ကားတစ်ကားမိတ်ဆက်ပေးလိုက်ပါတယ်...ဒီကားလေးကတော့ ကျောင်းသားကားဖြစ်ပြီး ဆယ်ကျော်သက်တွေကြားမှာ ဖြစ်တဲ့ အချစ်အသီးလေး ပွင့်ဖူးလာတဲ့ပုံကို ပုံဖော်ရိုက်ကူးထားတာဖြစ်ပါတယ်....ဒီကားလေးမှာဆိုရင် ဆယ်ကျော်သက်ကောင်မလေးတစ်ယောက်ရဲ့ တိတ်တခိုးအချစ်... ချစ်ရတဲ့သူရဲ့ပုံလေးတစ်ပုံရဖို့ ဘယ်လောက်ကြိုးစားခဲ့ရလဲ...ချစ်ရတဲ့သူနဲ့ စကားပြောခွင့်ရချိန်မှာ ပြောချင်တဲ့စကားတွေအစား ဘာမှန်းမသိတာတွေ ပြောမိလို့ နောင်တရရတာတွေ... ချစ်ရတဲ့သူ့ကို ချစ်နေတာကို ဝန်မခံရဲဘဲ လျို့ဝှက်နေရတဲ့ ကောင်မလေးရဲ့ ပုံစံတွေကစလို့...ကံကောင်းလို့ ကိုယ်ချစ်တဲ့သူနဲ့ ကိုယ့်ကိုချစ်တဲ့သူက တစ်ယောက်တည်းဖြစ်လို့ ဖူးစာဆုံရတော့... ပထမဆုံးချစ်ရသူမလို့ အနားမှာအမြဲရှိချင်.. ရှိစေချင်...သူ့အတွက်အရာရာဖြည့်ဆည်းပေးချင်တဲ့အပြင်...ကိုယ့်အိပ်မက်တွေ စိတ်ကူးတွေနဲ့ နောက်ဆုံး မွေးနေ့ဆုတောင်းတွေကအစ သူမှသူပဲဖြစ်လောက်တဲ့ထိ အချစ်ရူးခဲ့ရတဲ့ခံစားချက်တွေနဲ့အတူ....ကံကြမ္မာရဲ့ လှည့်စားမှုကြောင့် သူတို့ဝေးကွာရပြီး...ဖူးစာမှန်ရင် ဘယ်လို ဆုံဆည်းရတယ်ဆိုတာကို ရိုက်ကူးပုံဖော်ထားတာမလို့... ချစ်တယ်ဆိုတဲ့စကားကို ထုတ်မပြောရဲတဲ့ လျို့ဝှက်ချက်ရှိသူတိုင်း ရင်ဘတ်ချင်းနီး နားလည်ခံစားနိုင်မယ့် Summer Blue Hour ကားလေးကို ဘာသာပြန်တင်ဆက်ပေးလိုက်ပါတယ်... Filesize : 1.50 GB / 820 MB Quality : WEB-DL 1080p HEVC , 720p HEVC Format : mp4 Genres : Drama Runtime : 1h 55 min Subtitle : Myanmar Subtitle ( Hardsub )

ဒီတစ်ခါမှာတော့ Horror ဇာတ်လမ်းတွေ ကြိုက်နှစ်သက်တဲ့ ပရိသတ်ကြီးအတွက် CM ကနေ ထိုင်ဝမ်သရဲကားကောင်းကောင်းလေးတစ်ကားတင်ဆက်ပေးလိုက်ပါတယ် ။ တရုတ်ပြည်သူ့သမ္ပတနိုင်ငံတည်ထောင်ပြီး နှစ် ၅၀ ပြည့်နှစ် ထိုင်ဝမ်က ယဉ်ကျေးမှုတက္ကသိုလ်မှာ တာ့ရမ်လို့အမည်ရတဲ့အဆောက်အဦးတစ်ခုတည်ဆောက်ခဲ့ပါတယ် ။ အဲဒီအဆောက်အဦးကို မူလကတော့ တစ္ဆေသရဲတွေမလာနိုင်အောင် အတိတ်နမိတ်ကောင်းအောင် ယင်ဓာတ်ယန်ဓာတ်ဆုံတဲ့နေရာမှာ ရှစ်ထောင့်မှော်စက်ဝန်းပုံစံဒီဇိုင်းဆွဲပြီးတည်ဆောက်ဖို့လုပ်ခဲ့ပါတယ် ။ ဒါပေမဲ့အဆောက်အဦးရဲ့ ဗိသုကာပညာရှင်က ကျောင်းနဲ့ငွေရေးကြေးရေးညှိနှိုင်းမှုအဆင်မပြေဖြစ်ပြီး မူလက သရဲတစ္ဆေတွေမကပ်အောင်ဒီဇိုင်းဆွဲထားတဲ့ ရှစ်ထောင့်မှော်စက်ဝန်းပုံစံအဆောက်အဦးကို သရဲတစ္ဆေတွေကိုဆွဲဆောင်တဲ့ ရှစ်ထောင့်မှော်စက်ဝန်းပြောင်းပြန်ပုံစံတည်ဆောက်ပေးခဲ့ပါတော့တယ် ။ အဲဒီနောက်ပိုင်းကစပြီး‌ ကျောင်းမှာ သဘာလွန်မတော်တဆမှုတွေတစ်ခုပြီးတစ်ခုဖြစ်လာပြီး ဘယ်လိုမတော်တဆမှုတွေဖြစ်မလဲ ဘာတွေနဲ့သက်တိုင်နေမလဲ ကျိန်စာသင့်နေတဲ့အဆောက်အဦးမှာရော ဘယ်လိုကပ်ဆိုးတွေဖြစ်လာမလဲဆိုတာကို ဇာတ်လမ်းလေးထဲမှာဆက်လက်ကြည့်ရှုလိုက်ကြပါဦး Quality : WEB-DL 1080p , 720p Format : mp4 Genres : Horror Runtime : 1h 41 min Subtitle : Myanmar Subtitle ( Hardsub ) Translated by CM Team Reviewed By Kay Encoded by LK

မြူခိုးရွာမှာ နဂါးဘုရင်ကို မျိုးရိုးစဉ်ဆက် နှစ်ပေါင်းထောင်ချီ ကိုးကွယ်လာခဲ့ကြပြီး သူ့ကောင်းချီးနဲ့ စောင့်ရှောက်မှုကို ရရှိထားတယ်လို့ ယုံကြည်ကြပါတယ်။ တစ်ရက်မှာတော့ ရွာထဲက လူတစ်ယောက် ထူးထူးဆန်းဆန်း သေဆုံးသွားတယ်။ နဂါးဘုရင်ကို အပြစ်ပြုမိလို့ ဒဏ်ခတ်ခံရတာလို့ ပြောဆိုကြပေမယ့် ဒီလိုအစွဲအလမ်းတွေကို မယုံတဲ့ ဝမ်ကျဲက အမှန်တရားကို ရှာဖို့ ကြိုးစားပါတယ်။ အဲဒီအချိန်မှာပဲ သူ့မွေးစားအဖေပါ ထူးဆန်းစွာ သေဆုံးသွားပြန်တယ်။ နောက်တော့ ရွာကို ဗီဇပြောင်း မကောင်းဆိုးဝါးသတ္တဝါတွေ ဝင်တိုက်ခိုက်လာပြီး သေဆုံးသူတွေ တစ်နေ့ထက်တစ်နေ့ များလာပါတယ်။ အယူသီးတဲ့ ရွာသားတွေက ဒီပြဿနာကို ဘယ်လိုဖြေရှင်းကြမလဲ။ ဝမ်ကျဲတို့ကရော ဒီသတ္တဝါတွေကို ဘယ်လိုရင်ဆိုင်ပြီး ရွာကို ကပ်ဘေးကနေ ကယ်တင်နိုင်ကြမလဲ။

၂၀၀၉ ခုနှစ်မှာ အသက် ၂၈ နှစ်အရွယ် လီဇီဝေဟာ အအေးအဖျော်ဆိုင်တစ်ခုမှာ အလုပ်လုပ်နေတဲ့ အသက် ၁၇ နှစ်အရွယ် ဟွမ်ယွီရွှမ်းနဲ့ တွေ့ဆုံခဲ့ပါတယ်။ စတွေ့တဲ့အချိန်မှာပဲ နှစ်ယောက်စလုံးက တစ်ယောက်ကိုတစ်ယောက် ဟိုးအရင်ကတည်းက သိကျွမ်းခဲ့ဖူးသလို ထူးထူးဆန်းဆန်း ခံစားမိကြတယ်။ နောက်ပိုင်းမှာ ပိုရင်းနှီးလာကြပြီး ၂၀၁၀ ခုနှစ်ရဲ့ နောက်ဆုံးရက်၊ နှစ်သစ်ကူးညမှာတော့ ချစ်သူတွေ ဖြစ်လာခဲ့ပါတယ်။ အရာရာ အဆင်ပြေနေခဲ့ပေမယ့် ၂၀၁၇ ခုနှစ်ရောက်တဲ့အခါ အပြောင်းအလဲတွေ စလာတယ်။ ဟွမ်ယွီရွှမ်းဟာ ချစ်ရသူ လီဇီဝေကို ဆုံးရှုံးလိုက်ရပြီးနောက် အတိတ်ကို ပြောင်းလဲနိုင်ဖို့ အခွင့်အရေးတစ်ခု ကြုံလာပါတယ်။ လီဇီဝေကို ကယ်တင်ဖို့ အတိတ်ဆီ ပြန်သွားပေမယ့် အတိတ်နဲ့ အနာဂတ်ကြားက ရောယှက်ရိုက်ခတ်မှုတွေကိုပါ ရင်ဆိုင်ရတော့တယ်။ အတိတ်ကို ပြန်ရောက်နိုင်တာနဲ့ ဖြစ်ခဲ့သမျှကိုပါ ပြန်ပြင်နိုင်မှာလား။ အတိတ်၊ ပစ္စုပ္ပန်နဲ့ အနာဂတ်ကြားက ရှုပ်ထွေးမှုတွေကို ဟွမ်ယွီရွှမ်း ဘယ်လိုရင်ဆိုင်မလဲ၊ သူချစ်ရသူနဲ့ရော ပြန်ပေါင်းစည်းနိုင်ပါ့မလား။

Someday or One Day (2019) “ရှင် ဘယ်ရောက်နေလဲ? ကျွန်မကိုမေ့သွားပြီလား ? ကျွန်မမွေးနေ့မှာ အမြဲတမ်းရှိနေမယ်ဆို.... ကျွန်မနဲ့ ဘယ်တော့မှမခွဲတော့ဘူးဆို... ပုံပြင်တွေပြောခဲ့တဲ့ ရှင်ရယ်... အခုတော့ ဘယ်ရောက်နေပြီလဲ? ကျွန်မလွမ်းတယ်.. ရှင့်ကို အရမ်းအရမ်းလွမ်းပါတယ်....” ဟွမ်ယွီရွှမ်းဟာ သူအရမ်းချစ်ရတဲ့ချစ်သူ ဝမ်ချွမ်ရှန့်ကို လွန်ခဲ့တဲ့နှစ်နှစ်က ဆုံးရှုံးခဲ့ပြီး စားလည်းဒီစိတ်၊ သွားလည်းဒီစိတ်နဲ့ တစ်နှစ်ကျော်လောက်ကို ပြိုလဲခဲ့ရပါတယ်။ အခုမှစိတ်သစ်လူသစ်နဲ့ အလုပ်ပြန်လုပ်နိုင်တာပါ။ အများအမြင်မှာ အဆင်ပြေနေပေမယ့် ချစ်သူကိုသတိရစိတ်က အချိန်ပြည့်စိုးမိုးထားတဲ့ အချစ်ကြီးသူတစ်ယောက်ပေါ့။ တစ်နေ့မှာ အကြားအမြင်ဆရာမနဲ့ စကားပြောဖြစ်တော့ ဟွမ်ယွီရွှမ်းကို နံပါတ် ၃၂ နဲ့ပတ်သက်ပြီး အာရုံရတယ်လို့ပြောခဲ့ပါတယ်။ သူရှာဖွေနေတဲ့ အရေးကြီးဆုံးအရာကို နံပါတ် ၃၂ နဲ့ဆက်စပ်ပြီး ရှာတွေ့နိုင်ပါတယ်တဲ့။ သိပ်အလေးမထားခဲ့ပေမယ့် သူကြုံတွေ့ခဲ့ရတဲ့ အဖြစ်အပျက်တွေက နံပါတ် ၃၂ နဲ့တိုက်ဆိုင်နေပါတယ်။ အဲ့ဒါအပြင် သူနဲ့တစ်ပုံစံတည်းတူတဲ့ကောင်မလေးက ဝမ်ချွမ်ရှန့်နဲ့တစ်ပုံစံတည်းတူတဲ့ကောင်လေးနဲ့ ၃၂ အခွေဆိုင်ရှေ့မှာ တွဲရိုက်ထားတဲ့ ဓါတ်ပုံကို အင်တာနက်ပေါ်ကနေ ရှာတွေ့ခဲ့ပါတယ်။ အဲ့ဒီဓါတ်ပုံကနေ စတင်လိုက်တဲ့ လျှို့ဝှက်ချက်တွေ၊ ထူးဆန်းတဲ့အဖြစ်အပျက်တွေနဲ့အတူ ဟွမ်ယွီရွှမ်းတစ်ယောက် ဘယ်လိုရှေ့ဆက်သွားမလဲဆိုတာ ဆက်ကြည့်လိုက်ပါတော့နော်... ဒီကားလေးက Parallel Universe နဲ့ Time Travel ပေါင်းစပ်ထားတဲ့ကားလေးဖြစ်ပြီး Korea remake အဖြစ်ပြန်ရိုက်ထားတဲ့အထိ အောင်မြင်မှုတွေရရှိခဲ့တဲ့ဇာတ်ကားလေးတစ်ကားပါ။ စိတ်ဝင်စားစရာ အလှည့်အပြောင်းတွေ၊ ရှုပ်ထွေးမှုတွေနဲ့အတူ ခံစားမှုရသအစုံပေးဦမှာမို့ လက်မနှေးသင့်တဲ့ တရုတ်စီးရီးကောင်းလေးတစ်ကားပါပဲဗျ။ ။ အညွှန်းကိုတော့ JoJoVa က ရေးထားပေးပြီးတော့ ဘာသာပြန်ထားတာကတော့ JoJoVa, Mary Christ, Blue, Shin Shin, Cali တို့ပဲ ဖြစ်ပါတယ်။ Genre..... Mystery, Sci-Fi & Fantasy, Drama Quality…. 1080p | 720p File size… 1GB | 500MB Format… mp4 Duration…. 1h 12min Subtitle…. Myanmar Subtitle (Hardsub) Translator ..... JoJoVa, Mary Christ, Blue, Shin Shin, Cali Encoder ..... August