Ray Porter ပါဝင်သော ဇာတ်ကားများ

Project Hail Mary (2026) IMDb Rating (8.3) / Rotten Tomatoes (94%) The Martian ကို ရေးခဲ့တဲ့ စာရေးဆရာ Andy Weir ရဲ့ နာမည်ကြီးဝတ္ထုကို ပြန်ရိုက်ထားတဲ့ ၂၀၂၆ ခုနှစ်ရဲ့ အမိုက်စား Sci-Fi ကားလေးတင်ပေးထားပါပြီ။ ဒီကားမှာ Ryan Gosling က ခေါင်းဆောင်ပါဝင်ထားပြီး Spider-Verse ကားတွေကို ရိုက်ခဲ့တဲ့ ဒါရိုက်တာ Phil Lord နဲ့ Christopher Miller တို့က အသက်ဝင်အောင် ပုံဖော်ပေးထားတာပါ။ ဇာတ်လမ်းအကျဉ်း Ryland Grace (Ryan Gosling) ဆိုတဲ့ သိပ္ပံကျောင်းဆရာတစ်ယောက်ဟာ ကမ္ဘာနဲ့ အလင်းနှစ်တွေချီပြီး ဝေးကွာတဲ့ အာကာသယာဉ်တစ်စီးပေါ်မှာ တစ်ယောက်တည်း သတိရလာပါတယ်။ ပြဿနာက သူကိုယ်တိုင် ဘယ်သူလဲဆိုတာရော၊ အဲဒီကို ဘယ်လိုရောက်နေလဲဆိုတာကိုပါ လုံးဝ မှတ်မိမနေတာပါပဲ။ အချိန်ကြာလာတာနဲ့အမျှ သူ့မှတ်ဉာဏ်တွေ တဖြည်းဖြည်း ပြန်ပေါ်လာချိန်မှာတော့ သူဟာ ကမ္ဘာကြီးကို ကယ်တင်ဖို့ နောက်ဆုံးကျန်နေတဲ့ မျှော်လင့်ချက်ဖြစ်နေမှန်း သိလာရပါတော့တယ်။ကမ္ဘာပေါ်က သက်ရှိတွေအကုန်လုံး မျိုးသုဉ်းသွားလောက်တဲ့အထိ နေမင်းကြီးကို အလင်းရောင် မှေးမှိန်သွားစေတဲ့ ထူးဆန်းတဲ့အရာတစ်ခု ပေါ်လာလို့ အဲဒါကို ဖြေရှင်းဖို့ သူက စေလွှတ်ခံခဲ့ရတာပါ။ လမ်းခရီးမှာ သူသိထားတဲ့ သိပ္ပံပညာရပ်တွေကို အသုံးချပြီး အသက်ရှင်ဖို့ ကြိုးစားရမယ့်အပြင်၊ လုံးဝ မျှော်လင့်မထားတဲ့ မိတ်ဆွေသစ်တစ်ယောက်နဲ့လည်း ဆုံတွေ့ရဦးမှာပါ။ ဒီကားက အာကာသသိပ္ပံနဲ့ပတ်သက်တဲ့ အချက်အလက်တွေကို သေချာအသုံးချထားသလို၊ ပျင်းစရာမကောင်းအောင် ဟာသလေးတွေနဲ့လည်း သေသေချာချာ ရောစပ်ပေးထားပါတယ်။ အာကာသထဲက အထီးကျန်ဆန်မှုတွေ၊ ရှင်သန်ဖို့ ရုန်းကန်ရမှုတွေနဲ့အတူ လှပတဲ့ ဇာတ်ဝင်ခန်းတွေကို မြင်တွေ့ရမှာပါ။ ရုပ်ရှင်ဝေဖန်ရေးဆရာတွေရော ပရိသတ်တွေကပါ အမှတ်တွေ အများကြီးပေးထားကြတဲ့အပြင် သရုပ်ဆောင် Sandra Hüller ကလည်း အားဖြည့်ပါဝင်ထားပါသေးတယ်။ ပြသချိန်ကတော့ ၂ နာရီနဲ့ ၃၇ မိနစ်လောက်ရှိပါတယ်။ အချိန်နည်းနည်း ကြာတယ်လို့ ထင်ရပေမဲ့ ဇာတ်လမ်းဆွဲဆောင်မှုကောင်းလွန်းလို့ ကြည့်နေရင်း အချိန်ကုန်မှန်းမသိ ကုန်သွားစေမယ့် ကားကောင်းတစ်ကားပါ။ Sci-Fi ဇာတ်လမ်းတွေကို ကြိုက်တတ်တယ်ဆိုရင်တော့ လုံးဝ လက်မလွှတ်သင့်ဘူးနော်။ File size… (10 GB) / (4.2 GB) / (1.6 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Adventure, Sci-Fi Duration…. 02:36:00 Subtitle…. Myanmar Subtitle (Hardsub)

ဒါရိုက်တာ ဇက်စနိုင်ဒါရဲ့ စတားဝေါ ဖန်မိတ် ရုပ်ရှင်ကြီးလာပါပြီ။ ဒီဇာတ်လမ်းကို စတားဝေါလူကြီးဆန်ဆန်ဗားရှင်းအဖြစ် ကမ်းလှမ်းခဲ့ပေမဲ့ ဒစ္စနေးနဲ့လူးကပ်ရုပ်ရှင်ကုမ္ပဏီက လက်မခံတာကြောင့် Star Wars ရုပ်ရှင်အဖြစ်မဟုတ်ဘဲ ကိုယ်ပိုင်ရိုက်ကူးဖြစ်သွားတာပါ။ ဒါကြောင့် ဂျဒိုင်းတွေနဲ့အလင်းဓားတွေ မပါဝင်ပေမဲ့ အင်ပါယာ နဲ့ ဖိနှိပ်ခံဂြိုလ်တွေ၊ တော်လှန်ရေးအဖွဲ့တွေ အကုန်ပါဝင်နေပါတယ်။ ဒါ့အပြင် ဇာတ်လမ်းကျောရိုးကိုလည်း ဇက်ရဲ့ အကြိုက်ဆုံးရုပ်ရှင် Seven Samurai (1954) ကို မှီငြမ်းထားတာမို့ အာကာသထဲက ဆာမူရိုင်း ၇ ယောက် ဇာတ်လမ်းမျိုးဖြစ်နေပြန်ပါတယ်။ လက်ရှိ ဝေဖန်ရေးဆရာတွေ အကြိုက်မတွေ့တဲ့အချက်ကလည်း ဒီအချက်ပဲဖြစ်ဖို့များပါတယ်။ မူရင်းဖန်တီးချက် ဘာမှမပါသေးဘဲ စတားဝေါ နဲ့ ဆဲဗင်းဆာမူရိုင်း ဒါမှမဟုတ် Magnificent Seven ကြည့်ပြီးသားလူတွေအတွက် မဲပြာပုဆိုးဖြစ်နေလို့ပါပဲ။ ဒါပေမဲ့ ပထမရုပ်ရှင်ပဲ ရှိသေးတာမို့ နောက်ထွက်လာမဲ့ အပိုင်းတွေမှာ မထင်မှတ်ထားတဲ့ ဇာတ်လမ်းအချိုးအကွေ့တွေနဲ့ အောင်မြင်နိုင်ပါသေးတယ်။ ဒီအချက်တွေကို မေ့ပစ်ပြီး ကြည့်မယ်ဆိုရင်တော့ ဇက်ရဲ့ထုံးစံအတိုင်း ရိုက်ချက်လှလှ၊ ဒိုင်ယာလော့ကောင်းကောင်း၊ အက်ရှင်ခန်းကြမ်းကြမ်းတွေနဲ့ ကြည့်ပျော်တဲ့ရုပ်ရှင်မို့ လူတိုင်းကြည့်လို့အဆင်ပြေပါတယ်။ ဇာတ်လမ်းအကျဉ်း ဗဲ့ဒ်ဆိုတဲ့ ရွာကလေးက လယ်သမားတွေဆီကို အင်ပါယာဗိုလ်ချုပ်တစ်ယောက်ရောက်လာပြီး ရိက္ခာတွေ မတန်တဆ တောင်းတယ်။ ဒါကို ရွာသားတွေကမပေးနိုင်တော့ ပြန်ခုခံဖို့ အကူအညီတောင်းဖို့ ကြိုးစားတယ်။ သူတို့မှာလည်း ကြေးစားတပ်တွေငှားဖို့ ပိုက်ဆံမရှိပါဘူး ရိက္ခာအပိုလေးနည်းနည်းပဲပေးနိုင်တာပါ။ ရွာမှာ ခိုအောင်းနေတဲ့ ဝရမ်းပြေးစစ်သည်တော်တစ်ယောက်နဲ့ လယ်သမားလေးတစ်ယောက်တို့ စကြဝဠာထဲမှာ ခြေဆန့်ပြီး မဖြစ်စလောက်ရိက္ခာလေးပေးရုံနဲ့ လယ်သမားတွေဘက်ကနေ ကူတိုက်ပေးမဲ့ စစ်သည်တော်တွေကို လိုက်စုစည်းကြတာက အပိုင်း-၁ ရဲ့ ဇာတ်လမ်းပါပဲ။ အပိုင်း-၂ မှာတော့ ဒီဆာမူရိုင်းတွေ အင်အားအရမ်းကြီးတဲ့ အင်ပါယာကြီးကို ဘယ်လိုခုခံတော်လှန်ကြမလဲဆိုတာ တွေ့ရမှာပါ။ File size…(1.8 GB)/(1 GB) Quality….WEB-DL 1080p/ 720p Format…mp4 Duration….02:13:00 Genre...Action, Adventure, Drama Subtitle….Myanmar Subtitle (Hardsub) Encoded & Translated by Mr. Anderson

Superman သေဆုံးသွားပြီးနောက် Mother Box သုံးခု နိုးထလာချိန်ကနေ ဇာတ်လမ်းစထားပါတယ်။ Steppenwolf က အဲဒီ Mother Box တွေကို လိုက်စုနေပြီး သူတို့ရဲ့အစွမ်း ဘယ်လောက်ကြီးမားတယ်ဆိုတာ Wonder Woman က သိထားတယ်။ ဒါကြောင့် Bruce Wayne ကို အကြောင်းစုံပြောပြပြီး ရှေ့မှာကြုံလာမယ့်အန္တရာယ်ကို တားဆီးဖို့ လူစုခိုင်းလိုက်ပါတယ်။ Bruce Wayne လည်း Justice League အဖွဲ့ ဖြစ်လာမယ့်သူတွေကို စတင်စုစည်းပါတော့တယ်။ ဒီဇာတ်ကားက ၂၀၁၇ ခုနှစ်ထွက် Justice League နောက်မှာ ပရိသတ်တွေ တောင်းဆိုခဲ့ကြတဲ့ Zack Snyder ရဲ့ဗားရှင်းဖြစ်ပြီး လေးနှစ်အကြာမှာ ထွက်လာခဲ့တာပါ။ လေးနာရီကြာတဲ့ ဇာတ်ကားထဲမှာ ဇာတ်ကောင်တချို့ရဲ့ နောက်ခံအကြောင်းကိုလည်း အသေးစိတ် ထည့်ပြထားပါတယ်။ ပုံရိပ်အချိုးကတော့ Zack Snyder ရဲ့မူလပုံစံအတိုင်း ဒေါင်လိုက်ပိုရှည်တဲ့ အချိုးနဲ့ တင်ဆက်ထားတယ်။

ARGO ARGO ရုပ်ရှင်ဟာ ၁၉၇၉-၈၀ မှာဖြစ်ခဲ့တဲ့ အီရန်တော်လှန်ရေးအတွင်း သံရုံးက လွတ်မြောက်အမေရိကန်သံရုံးဝန်ထမ်း ၆ ယောက်ကို ကယ်ထုတ်တဲ့အကြောင်းကိုရိုက်ပြထားတဲ့ဇတ်ကားပါ။ ၁၉၇၉ မှာ အီရန်နိုင်ငံတွင်းတော်လှန်ရေးဖြစ်ခဲ့ပါတယ် တော်လှန်ရေးအတွင်းမှာ အမေရိကန်သံရုံးကိုသိမ်းပြီး အီရန်ဘုရင်ဟောင်း ရှားကိုနိုင်ငံခိုလှုံခွင့်ပေးထားရာကနေပြန်လွဲပေးဖို့ တောင်းဆိုလာခဲ့ပါတယ်။ အဲ့ဒီသံရုံးအသိမ်းခံရချိန်မှာ လွတ်သွားတဲ့ သံရုံးဝန်ထမ်း ၆ ယောက်ကိုကယ်ဖို့ စီအိုင်အေကလူတွေ ကြိုးစားကြပုံကိုရိုက်ကူးထားတာဖြစ်ပါတယ်။ ARGO ကို အောက်တိုဘာ ၁၂ ရက် ၂၀၁၂ ခုနှစ်မှာထွက်ခဲ့ပြီးတော့ ဇတ်လိုက်မင်းသား Ben Affleck ကိုယ်တိုင်ရိုက်ကူးထားပြီး ထုတ်လုပ်သူကလဲ Ben Affleck နဲ့ George Clooney ကြီးတို့ပါပဲ။ ဒီဇတ်ကားဟာ ၈၅ ကြိမ်မြောက်အကယ်ဒမီမှာ nominations ၇ ခုဝင်ပြီး ဆု သုံးခုရခဲ့ပါတယ် (Best Picture, Best Adapted Screenplay, and Best Film Editing) အဲ့နောက် Golden Globe Award မှာလဲ Best Motion Picture – Drama နဲ့ Best Director ဆုထပ်ရခဲ့ပါသေးတယ်။ ဗြိတိန်အကယ်ဒမီနဲ့ 37th Hochi Film Award မှာလဲ ဇတ်ကားဆု တည်းဖြတ်နဲ့ ဒါရိုက်တာဆုတွေထပ်ရခဲ့ပါသေးတယ်တဲ့။ ဒီအကြောင်းကို စာအုပ်တွေလဲအများကြီးထုတ်ဝေခဲ့ကြပါတယ်။ စာဖတ်ရတာမပျင်းရင်တော့ အောက်ကသမိုင်းကြောင်းတွေဆက်ဖတ်ပါဗျ။ ဇတ်ကားကြည့်ရတာ ပိုအရသာရှိသွားအောင် သမိုင်းကြောင်းလေးနဲနဲလှန်ထားပါတယ် အောက်မှာတော့ facts လေးတွေပါပါတယ်။ (ထွက်တာလဲကြာပြီမို့ Spoil သတိမပေးတော့ပါဘူး) အီရန်မှာနိုင်ငံရေးတော်တော်ရှုတ်ပါတယ် အီရန်နိုင်ငံကို ရှားဘုရင်အဆက်ဆက်ကအုပ်ချုပ်ခဲ့ပြီး ၁၉၅၀ မှာ မိုဟာမက် မိုဆာဒက်ကို ဝန်ကြီးချုပ်ခန့်ခဲ့ကြပါတယ် သူက အီရန်ရေနံကို နိုင်ငံပိုင်ဖြစ်အောင်ပြန်လုပ်ပေးခဲ့ပါတယ်။ သုံးနှစ်အကြာမှာ ရေနံကုမ္ပဏီတွေကပေါင်းပြီး သူတို့နဲ့ပနံသင့်တဲ့ ရှားဘုရင်တစ်ယောက်ကိုပြန်နန်းတင်ပေးခဲ့ပါတယ် ရှားဘုရင်က သူ့ပြည်သူတွေကို ဂုတ်သွေးပြန်စုတ်တော့ ၂၆ နှစ်အကြာ (၁၉၇၉) မှာ ပြည်သူတွေကတစ်ခါ တော်လှန်ကြပြန်ပါတယ်။ အဲ့ဒီနောက် ရှားဘုရင် ဟာ ၁၉၇၉ ခုနှစ်မှာပဲ နန်းစွန့်ခဲ့ကာ အီရန်ကနေ ကင်ဆာကုသဖို့ နိုင်ငံရေးခိုလှုံခွင့်နဲ့ အမေရိကားသို့ထွက်ခွာသွားခဲ့ပါတယ်။ (၁၉၇၉ ဒီဇင်ဘာမှာ အီဂျစ်မှာ အမြဲတမ်းနိုင်ငံရေးခိုလှုံခွင့်စရခဲ့ပြီး အဲ့ဒီမှာပဲ ၁၉၈၀ (အသက် ၆၀) မှာသေဆုံးသွားခဲ့ပါတယ်။) နိုင်ငံကိုတော့ ယာယီအစိုးရဖွဲ့ပြီး အတိုက်အခံ ဝန်ကြီးချုပ် Mehdi Bazargan ဆီမှာထားခဲ့ပါတယ်။ (ယာယီအစိုးရလဲ ဝန်ကြီးချုပ်အစိုးရအဖွဲ့နှုတ်ထွက်ပြီးမကြာခင်မှာပဲဖြုတ်ချခံခဲ့ရပါတယ်) အဲ့ဒီမှာ တော်လှန်ရေးကိုထောက်ခံတဲ့ Muslim Student Followers of the Imam's Line အဖွဲ့ရဲ့နောက်လိုက် ကောလိပ်ကျောင်းသားတွေက အမေရိကန်သံရုံးကိုသိမ်းပိုက်ပြီး တော့ အမေရိကန် ၅၂ ယောက်ကို ဓါးစားခံအနေနဲ့ဖမ်းပြီး ရှားကိုရုံးတင်စစ်ဆေးဖို့အတွက် အီရန်ဆီပြန်လွှဲပေးဖို့တောင်းဆိုပါတယ်။ (အီရန်အစိုးရဘက်က ထုတ်ပြန်ချက်တွေမှာ ကျောင်းသားလို့ဆိုထားပေမဲ့ ကျောင်းမတက်ဘဲ တော်လှန်ရေးလုပ်ဖို့အဖွဲ့လိုက်ဖွဲ့နေတဲ့လူလတ်ပိုင်းတွေလို့ အမေရိကန်ဘက်ကပြောကြပါတယ်) သံရုံးအသိမ်းခံလိုက်ရချိန်မှာပဲ အမေရိကန်သံရုံးက ၆ ယောက်နောက်ဖေးပေါက်ကနေ ထွက်ပြေးလွတ်မြောက်သွားခဲ့ပြီးတော့ ဒီကိစ္စကိုစီအိုင်အေကသိသွားတဲ့နောက် ကယ်ထုတ်ဖို့ကြိုးစားကြပါတယ်။ (ဇတ်ကားထဲမှာ ဗြိတိန်နဲ့ နယူးဇီလန် ကလက်မခံဘဲ သံရုံးကနေ ကနေဒါသံအမတ်အိမ်ကိုရောက်သွားတယ်လို့ပဲပါပါတယ်။ တကယ်မှာတော့ ဗြိတိန်သံရုံးမှာ တစ်ညနေခဲ့ကြပြီး လိုက်ရှာနေတဲ့စစ်သွေးကြွတွေက ဗြိတိန်သံရုံးကို သင်္ကာမကင်းဖြစ်လာတဲ့အတွက် အားလုံးက ကနေဒါသံအမတ်အိမ်ကအလုံခြုံဆုံးလို့ ယူဆတဲ့အတွက် ရောဘတ်အန်ဒရာ (၆ယောက်ထဲကတစ်ယောက်)ရဲ့အသိ လူဝင်မှုကြီးကြပ်ရေးအရာရှိအဆက်အသွယ်နဲ့ သူတို့အားလုံးကနေဒါသံအမတ်အိမ်ကိုရောက်သွားခဲ့ကြတာပါ။ ဇတ်ကားထဲမှာအဲ့ဒီအရာရှိအကြောင်းကို ချန်ခဲ့ပါတယ်တဲ့) တိုနီ မန်ဒက်ဇ်ဟာ သူကယ်ရမယ့် သံရုံးကလူခြောက်ယောက်ကို ကိုယ်စားပြုတဲ့အနေနဲ့ "Studio Six Productions" ဆိုတဲ့ နာမည်ပေးခဲ့တာဖြစ်ပါတယ်တဲ့။ အဲ့ဒီနောက် စီအိုင်အေက တိုနီ မန်ဒက်ဇ် (Tony Mendez) / AKA-Ben Affleck ကိုကယ်ထုတ်ဖို့ တာဝန်ပေးလိုက်ရာကနေဒီဇတ်ကားဖြစ်လာပါတော့တယ်။ ၁၉၈၀ ဇန်နဝါရီ ၂၇ ရက်နေ့မှာ တော့ အမေရိကန်ခြောက်ယောက်နဲ့အတူ Tony Mendez တစ်ယောက် နယူးဇီလန်တောင်ပိုင်း ဇူးရစ်ကိုလွတ်မြောက်လာခဲ့ကြပါတယ်။ အမေရိကန်နိုင်ငံသားခြောက်ယောက်ကို တောင်တစ်လုံးမှာရှိတဲ့ စီအိုင်အေရဲ့ယာယီလုံခြုံရေးအိမ်ကို စီအိုင်အေကပဲ ခေါ်ဆောင်သွားပြီး သူတို့ကို သတင်းစာတွေကိုပြောခွင့်မရှိကြောင်းပြောခဲ့ပြီးနောက် ဖလောရီဒါကလျှို့ဝှက်နေရာတစ်ခုမှာ ဓါးစားခံကိစ္စ ရှင်းပြီးတဲ့အထိဖွတ်ထားဖို့စီစဉ်ခဲ့ကြပါတယ်။ ဒါပေမဲ့ အနံ့ခံကောင်းတဲ့သတင်းသမားတွေက သိသွားခဲ့ပြီး ဓါးစားခံတွေအန္တရာယ်ကင်းကြောင်းသိတာနဲ့ နောက်တစ်နေ့မှာပဲ ကနေဒါသီတင်းစာ ခေါင်းကြီးပိုင်းမှာပါလာခဲ့ပါတယ်။ နိုင်ငံတကာသတင်းစာတွေကလဲ ချက်ချင်းဆိုသလိုဒီအကြောင်းကိုသိသွားခဲ့ပြီးနောက်မှာ မထူးတဲ့အဆုံး စီအိုင်အေက ခြောက်ယောက်လုံးကို အမေရိကားကိုလေယာဉ်နဲ့ပြန်တင်လွှတ်လိုက်ကြပါတယ်။ အမေရိကန်သံရုံးက လူခြောက်ယောက်ဟာ အမေရိကားကို ဇန်နဝါရီ ၃၀ မှာပြန်ရောက်ခဲ့ကြပါတယ်။ အဲ့ဒီအတွက် အမေရိကန်နိုင်ငံတစ်ဝှမ်းနေရာအတော်များများမှာ ကနေဒါအလံကိုလွှင့်ထူခဲ့ကြပြီး ကျေးဇူးတင်ကြောင်း ဆိုင်းဘုတ်တွေစိုက်ထူခဲ့ကြပါတယ်။ သမ္မတကာတာက အထိန်းသိမ်းခံထားရတဲ့ဓါးစာခံ ၅၂ ယောက်ကို သိန်းငှက်လက်သည်းစစ်ဆင်ရေး (Operation Eagle Claw-ဇတ်ကားလား Documentry လားမသိဘူးရှိတယ်)နဲ့ ကယ်ထုတ်ဖို့လုပ်ခဲ့ပါသေးတယ် ဒါပေမဲ့ ပျက်သွားခဲ့ပြီးအဲ့ဒီဟာကြောင့်ပဲ ၁၉၈၀ သမ္မတရွေးကောက်ပွဲမှာ အရေးနိမ့်ခဲ့ပြီး Ronald Reagan ကအနိုင်ရခဲ့ပါတယ်။ စက်တင်ဘာ ၁၉၈၀ မှာတော့ အီရပ်တပ်တွေက အီရန်ကိုဝင်လာတာကစလို့ အီရန်-အီရပ် စစ်ပွဲစခဲ့ပါတယ်။ အဲ့ဒီကိစ္စတွေကြောင့် အီရန်အစိုးရက အမေရိကန်နဲ့ ညှိနှိုင်းခဲ့ဖို့ဖြစ်လာခဲ့ပါတယ်။ ဂျင်မီကာတာနောက်တက်လာတဲ့ သမ္မတအသစ် (ရော်နယ် ဂရေဟင်)အာဏာရပြီးနောက်မှာပဲ စစ်ပွဲကြောင့်အကျပ်ရိုက်နေတဲ့ အီရန်က အမေရိကန်နဲ့ဆွေးနွေးညှိနှိုင်းခဲ့ပြီး သမ္မတသစ်က Algiers Accords မှာ လက်မှတ်ထိုးပြီးနောက် ဓါးစားခံများအားလုံးကိုပြန်လွှတ်ပေးခဲ့ပါတယ်။ အဓိကဇတ်ဆောင်ဖြစ်တဲ့ တိုနီ မန်ဒက်ဇ် (Tony Mendez)က တော့ ၂၀၁၉ ဇန်နဝါရီ ၁၉ မှာဆုံးပါးသွားခဲ့ပြီး သူသေဆုံးချိန်မှာ ၇၈ နှစ်ရှိပါပြီ။ Quality – 720p  Bluray Rip Duration - 2 hr Subtitle – Myanmar Hardsub Format – Mp4 Genre : Biography, Drama, Thriller Translator – idiot Encoder – idiot

၁၉၇၃ ခုနှစ်ဝန်းကျင်မှာ မိခင်ရဲ့ထိန်းချုပ်မှုအောက်မှာပဲ နေခဲ့ရတဲ့ ဆယ်ကျော်သက်ကောင်လေး ဝီလီယမ်မင့်လားဟာ သူ့ရဲ့စာရေးပါရမီကြောင့် မဂ္ဂဇင်းတိုက်တစ်တိုက်ကနေ သတင်းစာဆရာအဖြစ် ကမ်းလှမ်းတာကို ခံရပါတယ်။ ရေးရမယ့်ဆောင်းပါးအတွက် အင်တာဗျူးလုပ်ဖို့ စတေးဝါးတားဆိုတဲ့ ရော့ခ်ဂီတအဖွဲ့နောက်ကို သူလိုက်သွားခဲ့တယ်။ ကမ္ဘာလှည့်ဖျော်ဖြေနေတဲ့ အဖွဲ့နဲ့အတူ ခရီးသွားရင်း ဝီလီယမ်ဟာ အရင်က မကြုံဖူးတဲ့ ရော့ခ်ဂီတလောကထဲ ရောက်လာပါတယ်။ အောင်မြင်ကျော်ကြားမှုကို အရာရာထက် အလေးထားကြတဲ့ လောကမှာ လူတွေအကြောင်းကိုလည်း တဖြည်းဖြည်း သိလာရတယ်။ ဒီခရီးတစ်လျှောက် သူ့ရဲ့စိတ်အားထက်သန်မှုတွေနဲ့အတူ လူငယ်တစ်ယောက်အနေနဲ့ ရင်ဆိုင်ရတဲ့ အခက်အခဲတွေကို ဆက်ပြထားပါတယ်။