Ray Seiden ပါဝင်သော ဇာတ်ကားများ

သိပ္ပံစူးစမ်းသူ Stuart ဟာ အချိန်အက်ကြောင်းတစ်ခုကနေ ၁၈၇၆ ခုနှစ်ကို ရောက်သွားပါတယ်။ အဲဒီခေတ်က အင်္ဂလိပ်နယ်စားမင်း Leopold က သူ့ကို မသင်္ကာလို့ နောက်ကလိုက်လာရင်း မတော်တဆ ခေတ်သစ်ကို ရောက်လာတော့တယ်။ Hugh Jackman က ဒီနယ်စားမင်းအဖြစ် သရုပ်ဆောင်ထားပါတယ်။ ၁၉ ရာစုကနေ ရောက်လာတဲ့ Leopold အတွက် ဒီဘက်ခေတ်က အရာရာဟာ အသစ်အဆန်းတွေပါပဲ။ သူရှိနေတာ ခေတ်သစ်နယူးယော့ခ်ဆိုတာကိုတောင် မသိဘဲ Stuart ကို နယူးယော့ခ်ပြန်ပို့ပေးဖို့ တောင်းဆိုနေပါတယ်။ အောက်ထပ်မှာနေတဲ့ Stuart ရဲ့ရည်းစားဟောင်း Kate ကတော့ အပေါ်ထပ်က ထူးဆန်းနေတဲ့အခြေအနေတွေကို သတိထားမိပေမယ့် ရည်းစားဟောင်းတစ်ယောက် ချစ်သူအသစ်ခေါ်လာတယ်လို့ပဲ ထင်နေတယ်။ ခေတ်ဟောင်းက နယ်စားမင်းတစ်ယောက် ဒီဘက်ခေတ်မှာ ဘာတွေကြုံရဦးမလဲ၊ Kate နဲ့ သူ့ကြားမှာ ဘယ်လိုအချစ်ဇာတ်လမ်း ဖြစ်လာမလဲ၊ ကိုယ့်ခေတ်ကိုရော ပြန်ရောက်နိုင်ဦးမလားဆိုတဲ့ မေးခွန်းတွေနဲ့ ဇာတ်လမ်းဆက်သွားပါတယ်။

Leo ထောင်ကနေ အိမ်ပြန်ရောက်လာတဲ့အချိန်မှာ သူလိုချင်တာက လူတွေကြား ပြန်ဝင်ဆံ့ပြီး အလုပ်တစ်ခုကို ဖြစ်ဖြစ်မြောက်မြောက် လုပ်နိုင်ဖို့ပါပဲ။ ဒါကြောင့် သူ့အဒေါ်ရဲ့ ခင်ပွန်းအသစ် Frank ဦးစီးနေတဲ့ မီးရထားအပိုပစ္စည်းထုတ်လုပ်ရေးကုမ္ပဏီမှာ အလုပ်ဝင်ဖို့ ကြိုးစားပါတယ်။ ဒါပေမဲ့ အဲဒီအလုပ်ကို လုပ်နိုင်ဖို့ သင်တန်းကျောင်းတက်ရဦးမှာဖြစ်ပြီး နှစ်အနည်းငယ် စောင့်ရနိုင်တယ်ဆိုတာ သိလိုက်ရတယ်။ မုဆိုးမဖြစ်နေတဲ့ အမေကို ပြန်ထောက်ပံ့ချင်တဲ့ Leo အတွက်တော့ ဝင်ငွေချက်ချင်းရဖို့ လိုနေပါတယ်။ အဲဒီအချိန်မှာ သူငယ်ချင်း Willie လုပ်နေတဲ့ အလုပ်ကို စိတ်ဝင်စားလာတယ်။ ကုမ္ပဏီရဲ့ ဝယ်သူတွေနဲ့ ဆက်ဆံရတဲ့အလုပ်လို့ အမည်တပ်ထားပေမယ့် အတွင်းမှာ မရှင်းမလင်းကိစ္စတွေ ရှိနေတယ်။ စောင့်ဆိုင်းသင်ယူရမယ့်အလုပ်ထက် ဒီအလုပ်ဘက်ကို စိတ်ယိုင်လာတဲ့ Leo က ဝင်လုပ်နိုင်ဖို့ ကြိုးစားပါတော့တယ်။ လူတစ်ယောက်ရဲ့ ရွေးချယ်မှုတွေအပေါ် အခြေအနေတွေက ဘယ်လိုသက်ရောက်သလဲဆိုတာနဲ့ နိုင်ငံရေး၊ စီးပွားရေးလောကထဲက လောဘအကြောင်းကို ဇာတ်လမ်းမှာ တင်ပြထားပါတယ်။ Leo အဖြစ် Mark Wahlberg၊ Willie အဖြစ် Joaquin Phoenix နဲ့ Frank အဖြစ် James Caan တို့ သရုပ်ဆောင်ထားပါတယ်။

Pi (1998) IMDb Rating (7.3) / Rotten Tomatoes (88%) ဒီဇာတ်ကားလေးကတော့ ၁၉၉၈ခုနှစ်မှာထွက်ရှိခဲ့ပြီး IMDbမှာလည်းမခေလှတဲ့ သိပ္ပံဇာတ်လမ်းကောင်းလေးပဲဖြစ်ပါတယ်။ Psychological Thriller တွေကိုကြိုက်တတ်သူတွေအနေနဲ့တော့လက်မလွတ်တမ်းစောင့်ကြည့်သင့်တဲ့ဇာတ်ကားလေးပါ။ ဇာတ်လမ်းလေးထဲမှာတော့ Max လို့ခေါ်တဲ့သင်္ချာပညာရှင်တစ်ယောက်ကိုဦးတည်ထားပါတယ်။ သူဟာ သင်္ချာကိန်းတစ်ခုကိုရှင်းရင်း ကွန်ပြူတာမှာ ကိန်းဂဏန်းစဉ်တစ်ခုကိုတွေ့ရှိခဲ့ပါတယ်။ သူ့ဆရာကိုမေးကြည့်တဲ့အခါ သူ့ဆရာကလည်း တိုက်တိုက်ဆိုင်ဆိုင် ကိန်းလုံးရေ ၂၁၆လုံးရှိတာလားလို့မေးလိုက်ပြန်ပါတယ်။ ဒါနဲ့ပဲ Max တစ်ယောက်ခေါင်းစားနေတုန်း ဂျူးဘာသာရေးသမားတစ်ယောက်က ဟီဘရူးဘာသာနဲ့ပတ်သက်ပြီးလာပြောပြရာကနေ ကိန်းလုံးရေ ၂၁၆လုံးအကြောင်းထပ်ပါလာပြန်ပါတယ်။ ဆိုတော့ Max အနေနဲ့ဒီအကြောင်းကိုတအားသိချင်လာပေမဲ့ သူ့ဆရာကတော့ ကွန်ပြူတာကြောင်တာပါလို့အကြောင်းပြပြီး သူ့ကိုတားမြစ်ပါတော့တယ်။ အဘိုးကြီးကလည်းမူမမှန်တာကြောင့် Max အနေနဲ့ဒီအရာကိုမသိသိအောင်စုံစမ်းပါတော့တယ်။ ဆိုတော့ဒီကိန်းတန်း ၂၁၆လုံးကဘာတွေလဲ… ဘာရဲ့အဓိပ္ပာယ်ဖြစ်မလဲ… သိပ္ပံနဲ့ဘာသာရေးကိုပါယှဉ်တွဲပြသထားတဲ့ဒီဇာတ်ကားလေးကတော့ တကယ်ကိုပဲစိတ်ဝင်စားစရာကောင်းပြီး ကိုယ်တိုင်ပဲကြည့်ရှု့လိုက်ဖို့အကြံပြုချင်ပါတယ်။ (အညွှန်းနဲ့ဘာသာပြန်ကတော့ S4L ဖြစ်ပါတယ်။) File size…(3.1 GB) / (1.8 GB) Quality….Blu-Ray 1080p HEVC / 720p Format…. mkv/mp4 Genre….Drama,Mystery,Thriller Duration….01:25:06 Subtitle….Myanmar Subtitle (Hardsub) Encoder….Double K Translated by S4L