Ray Walston ပါဝင်သော ဇာတ်ကားများ

Of Mice and Men (1992) ~ IMDb - 7.5/10, Rotten Tomatoes - 97% ~ အမေရိကန်စာရေးဆရာကြီး ဂျွန်စတိုင်းဘတ် (John Steinbeck) ရဲ့ ကမ္ဘာကျော်ဝတ္ထုတစ်ပုဒ်ဖြစ်တဲ့ Of Mice and Men ကို ရိုက်ကူးထားတဲ့ ရုပ်ရှင်ဇာတ်ကားပဲဖြစ်ပါတယ်။ ရှေးတစ်ခေတ်က အမေရိကန်ကျောမွဲလယ်လုပ်သားတွေရဲ့ဘဝကို ပုံဖော်ထင်ဟပ်ထားတဲ့ဇာတ်လမ်းပါပဲ။ ကျွန်တော်တို့ဆီမှာလည်း လယ်ပိုင်နွားပိုင်မရှိတဲ့ စာရင်းငှား(သူရင်းငှား) လယ်ကူလီလို့ခေါ်ကြတဲ့ လူတန်းစား ရှိတာပါပဲ။ ၁၉၂၀ ဝန်းကျင်လောက်က အမေရိကန်နိုင်ငံမှာလည်း ကိုယ်ပိုင်မြေမရှိ၊ အနာဂတ်မရှိ လယ်တောခြံတစ်ခုကနေတစ်ခု ပြောင်းရွှေ့ပြီး အလုပ်လုပ်ကြရတဲ့ လယ်လုပ်သားတွေ ရှိခဲ့ပါတယ်။ ဂျော့ နဲ့ လန်နီ တို့ဟာ အဲဒီလို ရွှေ့ပြောင်းလယ်လုပ်သားနှစ်ယောက်ပါ။ ဂျော့ က ပညာမတတ်ပေမယ့် ထက်ထက်မြက်မြက်ရှိသူတစ်ယောက်။ လန်နီကတော့... လန်နီကတော့ ထွားကျိုင်းသန်စွမ်းလှတဲ့သူဖြစ်ပေမယ့် ပြောရရင် ဦးနှောက်ဖွံ့ဖြိုးမှုအားနည်းတယ် လို့ ဆိုရမလား၊ ကျပ်မပြည့်ဘူးလို့ပဲ မညှာမတာပြောရမလား အဲလိုလူတစ်ယောက်ပါ။ လန်နီဟာ ပင်ကိုယ်စိတ်ရင်းက ကလေးတစ်ယောက်လို အလွန်နူးညံ့ပါတယ်။ လှလှပပ ချောချောမွေ့မွေ့အရာလေးတွေ ဥပမာ - ကတ္တီပါစလိုဟာလေးတွေ၊ အဝတ်လှလှလေးတွေ၊ ကြောင်ကလေး ခွေးကလေးတွေရဲ့ အမွေးလေးတွေကိုတွေ့ရင် သူက ယုယုယယ ပွတ်သပ်ပေးနေချင်တာ။ ဒါပေမဲ့ သူ့ခွန်အားကို သူက မထိန်းသိမ်းတတ်တော့ ဘာကောင်မှ သူ့လက်ထဲကြာကြာမခံဘူး။ အဲဒီအကျင့်ကြောင့်လည်း ဘယ်အလုပ်ထဲမှာမှ မမြဲဘဲ ပြေးခဲ့ကြရပေါင်းလည်း များလှပြီ။ ( ဥပမာ - ကောင်မလေးတစ်ယောက် ဝတ်ထားတဲ့ ဝတ်စုံလှလှလေးကို သွားပြီး ကိုင်ကြည့်မိလို့ ကောင်မလေးက သူ့ကို မုဒိန်းကျင့်ဖို့ကြံစည်တယ်ထင်ပြီးအော်ပါလေရော။ လူတွေက လိုက်ဖမ်းကြတော့ သူတို့နှစ်ယောက် အသက်လုပြီး ထွက်ပြေးရတာမျိုးပေါ့ ) နောက်ပြီး သူက မှတ်ဉာဏ်ကလည်း မကောင်းတော့ ဘာပဲဖြစ်ဖြစ် အကုန်မေ့သွားတာပဲ။ သူမမေ့တာဆိုလို့ တစ်ခုပဲရှိတယ်။ အဲဒါက ဘာလဲဆိုတော့... လန်နီ နဲ့ ဂျော့တို့မှာ အိပ်မက်တစ်ခုရှိတယ်။ တစ်နေ့ကျရင် သူတို့နှစ်ယောက် ကိုယ်ပိုင်မြေတစ်ကွက် ဝယ်ကြမယ်။ အဲဒီမြေပေါ်မှာ သူတို့ နေမယ့်အိမ်ကလေးတစ်လုံးရှိမယ်။ နွားတွေ ဝက်တွေ ကြက်တွေ မွေးကြမယ်။ လန်နီကတော့ ယုန်လေးတွေမွေးမယ် တဲ့။ ယုန်လေးတွေကို သူပဲ ထိန်းမှာတဲ့။ အဲဒီအကြောင်းတွေကို ဂျော့က လန်နီ့ကို အိပ်ယာဝင်ပုံပြင်လို မကြာခဏပြောပြရလေ့ရှိပါတယ်။ သူ မပြောချင်လည်း လန်နီက သတိရတိုင်းပြောခိုင်းတာပဲ။ ဒီဇာတ်ကားကိုရိုက်ကူးခဲ့တဲ့ မူရင်းဝတ္ထု ထွက်ရှိခဲ့တဲ့ အချိန်တုန်းက ဝတ္ထုထဲမှာ စကားလုံးအသုံးအနှုန်းတွေက ကြမ်းတမ်းလို့၊ လူမျိုးရေးခွဲခြားတဲ့ အသုံးအနှုန်းတွေပါလို့ဆိုပြီး အမေရိကန်နိုင်ငံက စာကြည့်တိုက်တွေ ကျောင်းတွေမှာ ပိတ်ပင်ခံခဲ့ရပါသတဲ့။ ဆင်ဆာအထိဆုံးစာအုပ်တစ်ရာ စာရင်းတွေထဲမှာလည်း မကြာခဏ ပါနေခဲ့တဲ့ စာအုပ်ဖြစ်ပါတယ်။ တကယ်တော့ စာရေးဆရာက အမေရိကန်ကျေးလက်လူတန်းစားရဲ့ အငွေ့အသက်ကို အရှိအတိုင်း ပုံဖော်ထားတဲ့အတွက် အဲဒီလိုစကားလုံးတွေ ပါနေတာလို့ပဲ ယူဆပါတယ်။ ဇာတ်ကားထဲမှာလည်း အဲဒီစရိုက်က ပီပြင်ပါတယ်။ ဘာပဲပြောပြော အဆဲကလေးနဲ့ပြောတာမျိုး၊ သဒ္ဒါမမှန်တဲ့ စကားပြောတွေ၊ အနှိမ်ခံရတဲ့ လူမည်းတစ်ယောက်ရဲ့ ရင်ပွင့်စကား(ရင်ဖွင့်မဟုတ်)တွေ စသဖြင့်...။ ဒီဝတ္ထုကို ကျွန်တော်တို့ဆီက စာရေးဆရာ၊ ကဗျာဆရာ # ပိုင်သ က "တို့ပိုင်တဲ့မြေ" ဆိုတဲ့နာမည်နဲ့ ဘာသာပြန်ဖူးကြောင်း သိရပါတယ်။ ဗီဒီယိုရိုက်ဖို့လည်း ကြိုးစားဖူးပါသတဲ့။ ဆင်ဆာအဖွဲ့က ဒီဇာတ်လမ်းကို ရိုက်ခွင့်မပြုခဲ့ဘူးလို့ ဆိုပါတယ်။ ဝတ္ထုတစ်ပုဒ်ကို ရုပ်ရှင်ရိုက်တဲ့အခါ ပျက်သွားတာများပါတယ်။ ဒီတစ်ခုကတော့ ဝတ္ထုနဲ့ရုပ်ရှင်နှစ်ခုလုံးက ပေးစွမ်းနိုင်တဲ့ ခံစားမှု အရသာချင်း ထပ်တူနီးပါး ရနိုင်မှာပါ။ ဝေဖန်ရေးဆရာတွေရော ပရိသတ်တွေကပါ အားပေးချီးကျူးမှုများစွာ ရခဲ့တဲ့ ဇာတ်ကားကောင်းတစ်ကား ဖြစ်ပါကြောင်း။ (ဒီဇာတ်ကားနဲ့အညွှန်းကို Thaman Myint မှ ပြန်ဆို ရေးသားထားပါတယ်) Size - 2GB, 880MB Quality - 1080p, 720p IMDb Rating - 7.5/10 Format - mp4 Duration - 1H 55Min Genre - Drama, Western Subtitle - Myanmar Subtitle (Hardsub) Translated by Thaman Myint Encoded by Y

The Player (1992) အညွှန်း IMDb rating ...... 7.5/10 Rotten Tomatoes 98% (ဒီထဲကမင်းသားကThe Shawshank Redemption (1994)ထဲမှာ စကားလေး မပွင့်တပွင့်ပြောရင်းကျွန်တော်တို့နှလုံးသားကို သိမ်းပိုက်သွားတာ အားလုံးသိကြမယ်ထင်ပါရဲ့) Hollywood ရဲ့ ရုပ်ရှင်ထုတ်လုပ်ရေးလောကမှာ ထုတ်လုပ်သူတစ်ယောက်လုပ်ရတာဟာ ထင်သလောက်မရိုးရှင်းလှပါဘူး.... စာရေးဆရာတွေဆီက တစ်ရက်တစ်ရက်ကို ကမ်းလှမ်းလာတဲ့ ရာနဲ့ချီသော ဇာတ်လမ်းပေါင်းစုံကို နားထောင်ပြီး ဇာတ်ကားရိုက်သင့်မရိုက်သင့် ဆုံးဖြတ်ပေးရပါတယ်... ကမ်းလှမ်းလာသမျှဇာတ်လမ်းတိုင်းကို ထုတ်လုပ်သူတစ်ယောက်အနေနဲ့ လက်ခံဖို့မဖြစ်နိုင်တဲ့အခါ စာရေးဆရာတွေရဲ့ မုန်းတီးမှုကိုခံကြရပါတယ်... ဂရစ်ဖင်န် မေးလ် ဟာလည်း ဟောလီးဝုဒ်နာမည်ကြီး ရုပ်ရှင်ထုတ်လုပ်ရေးစတူဒီယိုတစ်ခုရဲ့ အကြီးအကဲတွေထဲက တစ်ယောက်ပါ... တစ်နေ့မှာတော့ သူ့ဆီကို အမည်မသိ စာရေးဆရာတစ်ယောက်ဆီက ခြိမ်းခြောက်စာတွေ အဆက်မပြတ်ရောက်လို့လာခဲ့ပါတယ်... ဒီချိန်းခြောက်စာတွေဟာ တစ်ရက်ထဲမဟုတ် အကြိမ်ရေများလာတဲ့အခါမှာတော့ ဂရစ်ဖင်တစ်ယောက် စိတ္တဇဖြစ်လာတယ်... အဲ့ဒီနောက် ဒီကိစ္စကို တစ်ယောက်ထဲဖြေရှင်းဖို့ကြိုးစားတော့တယ်... အဲ့ဒီအချိန်ကစပြီး မဟာပြဿနာပေါင်းစုံတက်တော့တာပါပဲ...… ဒီဇာတ်ကားဟာ တစ်ခေတ်တစ်ခါရဲ့ နာမည်ကျော်မင်းသားကြီး Tom Robbins ဦးဆောင်ထားပြီး Greta Scacchi နဲ့ အခြား နာမည်ကြီး သရုပ်ဆောင်များစွာပါ၀င်ထားပါတယ်... ဒါ့အပြင် ဆုပေါင်း (၁၄) ဆုအထိဆွတ်ခူးထားပြီး ၀က်၀က်ကွဲအောင်မြင်ခဲ့တဲ့ဇာတ်ကားကောင်း တစ်ကားလည်းဖြစ်ပါတယ် ဇာတ်လမ်းအစမှ အဆုံးအထိ ရင်တထိတ်ထိတ်ကြည့်ရမဲ့အပြင် ယနေ့ခေတ်နဲ့မတူ တမူထူးခြားတဲ့ ရသတွေခံစားမှာဖြစ်လို့... ကြည့်ရှုခံစားပေးကြပါဦးခင်ဗျာ... ဇာတ်လမ်းအညွှန်းနဲ့ ဘာသာပြန်သူကတော့ Thar Htet ပဲဖြစ်ပါတယ် … File Size : 2.83GB/ 1.16GB Quality : Blu-Ray 1080p / Blu-Ray 720p Format…mp4 Duration…02:05:00 Genre : Crime , Drama, Comedy Subtitle : Myanmar Subtitle (Hard Sub) Translated by Thar Htet Encoded by Tiff

IMDb - 6.1/10 Rating - TV-14 Old But Gold ဇာတ်ကားတစ်ကားကို တင်ဆက်ပေးချင်ပါတယ်။ ကျွန်တော်တို့ ၉၀ ပြည့်နှစ်ဖွားတွေမှာ ကောင်းဘွိုင်မရူးခဲ့တဲ့လူ ခပ်ရှားရှားပါပဲ။ အခုလည်း ကောင်းဘွိုင်ဇာတ်ကားကောင်းတစ်ခုကို ရှုစားစေချင်ပါတယ်။ အမေရိကန်ပြည်တွင်းစစ်အပြီး စီးပွားပျက်နေတဲ့ တောင်ပိုင်းပြည်နယ် တက္ကဆက်က နွားခြံပိုင်ရှင်တစ်ဦးနဲ့ သူ့ရဲ့ မွေးစားသားတို့ရဲ့ မြောက်ပိုင်းဒေသကို နွားအုပ်မောင်းပြီး ဝယ်သူသွားရှာတဲ့ ဇာတ်လမ်းဖြစ်ပါတယ်။ လမ်းခရီးတစ်လျှောက် သားအဖ၊ မိတ်ဆွေတွေကြားက ချစ်ခြင်း၊ မုန်းခြင်း၊ ငွေကြေးနဲ့ မိန်းမအတွက် မနာလိုခြင်း၊ ကောင်းဘွိုင်တွေကြားက သစ္စာတရား စသဖြင့် ဆေးရောင်စုံခြယ်မှုန်းထားတဲ့ ဤဇာတ်ကားမှာ James Arness, Bruce Boxleitner, Gregory Harrison နဲ့ Laura Johnson တို့က အဓိက ပါဝင်သရုပ်ဆောင်ထားပြီး ဒါရိုက်တာကတော့ Richard Michaels ဖြစ်ပါတယ်။ အညွှန်းနဲ့ ဘာသာပြန်သူ Thompson ဖြစ်ပါတယ်။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

ဒီဇာတ်ကားကတော့ American Pie ဇာတ်ကားတွေလိုပါပဲ... ကျောင်းသားဟာသ ဗရုတ်သုက္ခဇာတ်ကားလေးပေါ့... မင်းသမီးကတော့ အချောလေး ဖိုဘီကိတ်ပါ...တခြားမင်းသမီးတွေလဲ အများကြီးပါသေးတယ်.. အဲ့ခေတ်ကမင်းသမီးတွေဆိုတော့ နာမည်တွေသိပ်မသိပေမယ့် လှတာတော့ အတော်လှကြတာဗျို့... သွက်လက်ချက်ချာပြီး ချစ်စရာကောင်းနေကြပုံများ ကြည့်နေတဲ့တစ်ချိန်လုံး သဘောကျနေရမှာ... ကျောင်းသားတွေရော ကျောင်းသူတွေရော အကုန် ငပွေးလေးတွေချည်းပဲ...ခွီနေရတယ်။ ကိုဗစ်ရောဂါကြောင့် အိမ်တွင်းအောင်း ကျောင်းမတက်ရ အပြင်မထွက်ရ မကဲရ စိတ်ညစ်နေရတဲ့ကာလမှာ ဒီလို ပေါ့ပါးပျော်ရွှင်တဲ့ဇာတ်ကားလေးတွေကြည့်ပြီး အားကျနေဖို့တင်ဆက်လိုက်ပါတယ်။ Fast Times at Ridgemont High (1982) ဖိုဘီကိတ်ရဲ့ ဇာတ်ကားလိုပဲ Nude Scene နဲ့အပြောအဆိုတချို့ပါတာကြောင့် မိသားစုနဲ့ကြည့်ဖို့ မသင့်တော်ပါ။ File size…(1.5 GB)/ (880 MB)/ (400 MB) Quality…BluRay Remaster 1080p /720p / 480p Format…mkv Duration….01:28:49 Subtitle….Myanmar Subtitle (Hardsub) Encoder….Nyeinsaeya Aung Translated by Nay Lin Thar

IMDb Rating (7.2)/Rotten Tomatoes (77%) Simple is beautiful ဆိုတာ ဒါမျိုးပေါ့... ဒီဇာတ်ကားက ဘာ Plot Twist မှ မပါဘဲ တကယ့်ကို ရိုးရိုးလေးတင်ဆက်ထားတာပါ... ဒါပေမယ့် ရိုးလွန်းတဲ့အလှတရားတွေနဲ့ လူ့သဘောလေးတွေကို မြင်နေရတာ သိပ်သဘာဝကျပါတယ်... လူသားတစ်ယောက်ရဲ့ ရပိုင်ခွင့် လွတ်လပ်ခွင့်တွေကို အများကြီးတန်ဖိုးထားပြီး တည်ဆောက်ထားတဲ့ အနောက်တိုင်းလူနေမှုဘဝကိုမြင်တွေ့ရတာလဲ အားကျကျေနပ်စရာပါ... ဇာတ်ကားကြည့်နေစဉ်တစ်လျှောက်လုံး မျက်နှာကြီးပြုံးဖြီးနေအောင် ကျေနပ်စွာကြည့်ရှုရမယ့် Teen Comedy Romance Drama ဇာတ်ကားလေးပါ။ ဒီဇာတ်ကားထဲမှာ တခြားနာမည်ကြီးတဲ့ ဝိသေသတွေရှိပါသေးတယ်... ကြည့်နေရင်း နောက်ပြန်ရစ်လိုက် ပြန်ကြည့်လိုက်နဲ့ Pause လုပ် အခံရဆုံး ဇာတ်ကားတွေထဲကတစ်ကားအဖြစ် နာမည်ကြီးတာပါ။ ဒီထဲက မင်းသမီးနှစ်ယောက်လုံးရဲ့ တကယ့်ကို နုပျိုလှပတဲ့အရွယ်မှာ ရိုးရိုးရှင်းရှင်း အကုန်ချပြ ရိုက်ကူးထားတာကိုး။ မင်းသားရှောင်ပိန်းလဲပါတယ်..တခြားနာမည်ကြီးတွေလဲပါတယ်..ပါဆို နီကိုလပ်ကေ့ချ်တောင် ဖြတ်လျှောက်ပါသေးတယ်။ ဇာတ်လမ်းကိုအနည်းငယ်ပြောရမယ်ဆိုရင်.. ဒီရုပ်ရှင်ထဲက အဓိကဇာတ်ကောင် Stacy ဆိုတဲ့ကောင်မလေးက ချိန်းတွေ့တဲ့နေရာမှာ အတွေ့အကြုံမရှိသူပီပီ ချိန်းတွေ့တဲ့အတွေ့အကြုံကို အရမ်းခံစားဖူးချင်နေတဲ့သူပါ။ ဒါကြောင့် အဲ့ဒီနယ်ပယ်မှာကျွမ်းကျင်တဲ့ သူငယ်ချင်းရဲ့အကြံပြုချက်အတိုင်းလိုက်နာရင်း ၃ ပွင့်ဆိုင်အချစ်ဇာတ်လမ်းထဲသို့ ကျရောက်သွားပါတော့တယ်။ အိမ်မှာ အဖေတို့ အမေတို့ ဦးလေးတို့က ငါတို့ခေတ်တုန်းက ကျောင်းတက်ရင်ဘယ်လိုပညာရှာတာ ဘယ်လိုတည်တည်တန့်တန့်နဲ့နေတာ စသည်ဖြင့်ကြွယ်လာရင် ဒီဇာတ်ကားသာ ပြန်ပြပြီး အမေတို့ခေတ်ကကြမ်းတာ သားတို့လိုက်မမှီပါဘူးလို့ ပြောပြလို့ရပါတယ်။ ကဲ....သူများနိုင်ငံတွေကို အားကျကြည့်ကြပါစို့။ File size…(1.5 GB)/ (900 MB)/ (400 MB) Quality…BluRay Remaster 1080p /720p / 480p Format…mp4 Duration….01:31:00 Subtitle….Myanmar Subtitle (Hardsub) Encoder….Nyeinsaeya Aung Translated by Nay Lin Thar

1976 ခုနှစ်ထွက် ဟာသဇာတ်ကား "ရထားပေါ်မှ အလွဲများ" (Silver Streak) သည် Gene Wilder နှင့် Richard Pryor တို့ရဲ့အကောင်းဆုံး တွဲဖက်မှုများထဲက တစ်ကားပဲဖြစ်ပါတယ်။ စာအုပ်တည်းဖြတ်သူ ဂျော့ချ် ကောလ်ဝဲလ် (George Caldwell) (Gene Wilder) ဟာ “Silver Streak” လို့ခေါ်တဲ့ ရထားနဲ့ ခရီးနှင်နေတုန် သိပ်လှတဲ့ အမျိုးသမီး ဟီလီ (Hilly) (Jill Clayburgh) ဆုံမိရာကနေ ချစ်မိသွားခဲ့ပါတယ်။ ဒါပေမဲ့ မကြာခင်မှာပဲ အနုပညာ လိမ်လည်မှု၊ ပျောက်ဆုံးနေသော ရမ်ဘရန် (Rembrandt) ၏ စာများ နဲ့ လူသတ်မှုများ ပါဝင်သည့် အရှုပ်တော်ပုံကြီးထဲကို မမျှော်လင့်ဘဲ ပါဝင်ပတ်သက်သွားသည်။ ဟစ်ချ်ကော့ခ်ရဲံ ရုပ်ရှင်များနည်းတူ ဂျော့ချ်မှာ အပြစ်ကင်းမဲ့သူ ဖြစ်သော်လည်း အကြိမ်ကြိမ်အခါခါ ရထားပေါ်မှ အတင်းအကြပ် နှင်ချခံခဲ့ရပါတယ်။ အဲဒီလို ရထားပေါ်ကနေ ကျသွားတဲ့ အကြိမ်များထဲမှ တစ်ကြိမ်မှာတော့ သူဟာ ရဲကားတစ်စီးကို ခိုးယူမောင်းနှင်မိပြီး အဲဒီကားထဲက ရာဇဝတ်သား ဂရိုဗာ မာလ်ဒွန်း (Grover Muldoon) (Richard Pryor) နှင့် ဆုံတွေ့ခဲ့ပါတော့တယ်။ လူဆိုးများဖြစ်တဲ့ Patrick McGoohan နဲ့ Ray Walston တို့မှာလည်း အသည်းအသန် သည်းထိတ်ရင်ဖို ဇာတ်ကားထဲမှာ ပါဝင်နေသည့်အလား ပီပီပြင်ပြင် သရုပ်ဆောင်ထားသောကြောင့် သူတို့၏ ခြိမ်းခြောက်မှုများမှာ ပိုမို လက်တွေ့ဆန်ပြီး ဟာသနဲ့ ရောထွေးနေပါတော့တယ်. "ရထားပေါ်မှ အလွဲများ" ကို သင် ကြည့်ရှုဖူးပါသလား။ သင်အကြိုက်ဆုံး ဇာတ်ဝင်ခန်းက ဘာများဖြစ်မလဲ။ Quality.....Blu-Ray 1080p / 720p File Size.....(3.3 GB) / (1.6 GB) Duration.....01:54:00

ဟောလိဝုဒ်ရဲ့ ရုပ်ရှင်သမိုင်းမှာ အကောင်းဆုံး လူလိမ် ဇာတ်ကားဆိုရင် ထိပ်ဆုံးကနေ ပြေးမြင်ရမယ့်၊ အကောင်းဆုံး ဇာတ်ကားဆု (Best Picture) အပါအဝင် အော်စကာဆု (၇) ဆုတိတိ သိမ်းပိုက်နိုင်ခဲ့တဲ့ ဂန္ထဝင်ဇာတ်ကားကြီး "The Sting (၁၉၇၃)" ကို ဒီနေ့မှာ တင်ဆက်ပေးချင်ပါတယ်။ မင်းသားကြီး Paul Newman နဲ့ Robert Redford တို့ရဲ့ အကောင်းဆုံး အပေးအယူတွေ၊ နောက်ဆုံးမိနစ်အထိ မှန်းဆလို့မရတဲ့ လှည့်ကွက်တွေကို မြင်တွေ့ရမယ့် Masterpiece ဇာတ်ကားကြီးပဲ ဖြစ်ပါတယ်။ ဇာတ်လမ်းဟာ ၁၉၃၆ ခုနှစ် အမေရိကန် စီးပွားပျက်ကပ် (Great Depression) ကာလကို နောက်ခံထားပါတယ်။ ဂျော်နီ ဟွတ်ကာ ဟာ လမ်းဘေးမှာ လူလိမ်စားပြီး အသက်မွေးနေတဲ့ အငယ်စား လူလိမ်တစ်ယောက်ပါ။ တစ်နေ့မှာ သူနဲ့ သူ့ရဲ့ဆရာဖြစ်သူတို့ဟာ မထင်မှတ်ဘဲ ရက်စက်တဲ့ မာဖီးယားဂိုဏ်းစတားကြီး ဒွိုင်းလ် လွန်နီဂန် ရဲ့ ငွေတွေကို လိမ်ယူမိသွားပါတယ်။ ဒေါသထွက်သွားတဲ့ လွန်နီဂန် ဟာ ဟွတ်ကာ ရဲ့ ဆရာဖြစ်သူကို လုပ်ကြံသတ်ဖြတ်လိုက်ပါတယ်။ သူ့ဆရာအတွက် လက်စားချေဖို့နဲ့ လွန်နီဂန်ဆီက ငွေအမြောက်အမြားကို ပြန်လည်လှည့်ဖြား ယူငင်ဖို့အတွက်၊ ဟွတ်ကာ ဟာ အမေရိကန်ရဲ့ အတော်ဆုံး လူလိမ်ပညာရှင်ကြီး ဟင်နရီ ဂွန်ဒေါ့ဖ် ကို သွားရောက်အကူအညီ တောင်းပါတော့တယ်။ သူတို့နှစ်ယောက် ပူးပေါင်းပြီး အတုအယောင် လောင်းကစားရုံကြီး တစ်ခုဖန်တီးကာ လွန်နီဂန်ကို ဘယ်လို အကွက်ဆင် ဖမ်းမလဲ (The Sting) ဆိုတာကို ပီပြင်စွာ ရိုက်ကူးထားတာပါ။ ဒီဇာတ်ကားရဲ့ ဇာတ်ညွှန်းဟာ ဟောလိဝုဒ်မှာ စံပြ အဖြစ် အခုအချိန်ထိ သင်ကြားနေရဆဲပါ။ Ocean's Eleven လို နောက်ပိုင်းထွက် Heist ကားတွေအားလုံးဟာ ဒီဇာတ်ကားရဲ့ လွှမ်းမိုးမှု အများကြီး ပါဝင်ပါတယ်။ အစီအစဉ်တွေ တစ်ခုပြီးတစ်ခု ချမှတ်တယ်၊ အမှားအယွင်းတွေ ဖြစ်လာတယ်၊ ဒါပေမယ့် နောက်ဆုံး ဇာတ်သိမ်းပိုင်း ရောက်တဲ့အခါ ကြည့်ရှုသူ ပရိသတ်ကိုယ်တိုင်ပါ ပါးစပ်အဟောင်းသား ဖြစ်သွားရလောက်အောင် လှည့်ကွက် တွေကို အပိုင် ဇာတ်ကွက်ဆင်ထားပါတယ်။ Butch Cassidy and the Sundance Kid (၁၉၆၉) မှာ အတူတူ အောင်မြင်ခဲ့တဲ့ Paul Newman နဲ့ Robert Redford တို့ နှစ်ယောက်ရဲ့ ဒုတိယအကြိမ် ပြန်လည်ဆုံတွေ့မှုပါ။ အတွေ့အကြုံရင့်ပြီး တည်ငြိမ်တဲ့ ဂွန်ဒေါ့ဖ် နဲ့ လူငယ်ပီပီ စိတ်မြန်လက်မြန်ရှိတဲ့ ဟွတ်ကာ တို့ရဲ့ ဆရာတပည့် Chemistry က ဇာတ်ကားကို အသက်ဝင်လွန်းစေပါတယ်။ ဗီလိန်နေရာက Robert Shaw ရဲ့ ခက်ထန်တဲ့ အမူအရာကလည်း ပြိုင်ဘက်ကောင်း တစ်ယောက်ရဲ့ အရသာကို အပြည့်အဝ ပေးစွမ်းနိုင်ပါတယ်။ ဒါရိုက်တာ George Roy Hill ဟာ ၁၉၃၀ ခေတ်က ဝတ်စားဆင်ယင်မှုတွေ၊ ကားတွေနဲ့ မြို့ပြအငွေ့အသက်တွေကို အကောင်းဆုံး ပုံဖော်ထားပါတယ်။ အထူးသဖြင့် Scott Joplin ရဲ့ နာမည်ကြီး ရဂ်တိုင်း စန္ဒရားတီးလုံးဖြစ်တဲ့ "The Entertainer" သီချင်းဟာ ဒီဇာတ်ကားနဲ့ တစ်သားတည်း ဖြစ်သွားပြီး ရုပ်ရှင်သမိုင်းမှာ အမှတ်ရစရာ အကောင်းဆုံး နောက်ခံတေးဂီတ တစ်ခု ဖြစ်လာခဲ့ပါတယ်။ The Sting (၁၉၇၃)" ဟာ အကယ်ဒမီ ဆုပေးပွဲမှာ အကောင်းဆုံး ဇာတ်ကားဆု (Best Picture) အပါအဝင် ဆုကြီး ၇ ဆုကို ထိုက်ထိုက်တန်တန် ရရှိခဲ့တဲ့ ဂန္ထဝင်လက်ရာ တစ်ခုဖြစ်ပါတယ်။ ခေတ်တွေ ဘယ်လောက်ပဲ ပြောင်းသွားပါစေ၊ ဇာတ်ကွက် အချိတ်အဆက် မိမိနဲ့ သပ်ရပ်လှပတဲ့ Con Movie တွေကို ကြိုက်နှစ်သက်တယ် ဆိုရင်တော့ သက်တမ်းတစ်လျှောက် မဖြစ်မနေ ကြည့်ရှုရမယ့် ရုပ်ရှင်ကားကောင်းကြီး ဖြစ်ပါတယ်။ File size… 2.92 GB / 1.57 GB Quality… Blu-ray 1080p / 720p Format… mp4 Duration…. 2h 9m Genre ..... Comedy, Crime, Drama Subtitle…. Myanmar Subtitle (Hard Sub)

ဒီကားလေးကတော့ ‌ဟောလိဝုရဲ့ နာမည်ကျော် ဇာတ်ညွှန်းရေးဆရာနဲ့ ဒါရိုက်တာ ဖြစ်တဲ့ Billy Wilder ရဲ့ ဇာတ်ကားလေးပါ။ ဒီဇာတ်ကားဟာ Billy Wilder ရဲ့ နာမည်ကြီးဇာတ်ကား Top 3 ထဲကတစ်ခုအပါအဝင်ဖြစ်ပါတယ်။ သူ့ရဲ့ တခြားနာမည်ကြီး ဇာတ်ကားတွေဖြစ်နဲ့ Sunset Boulevard နဲ့ Some like it hot တို့ကိုလည်း CM မှာတင်ပေးထားတာရှိပါတယ်။ ဒါဆိုရင်ဇာတ်လမ်းအကြောင်းလေး ပြောလိုက်ရအောင်ဗျာ။ ဒီဇာတ်ကားလေးကတော့ Rom/Com အမျိုးအစား ဇာတ်ကားပဲဖြစ်ပါတယ်။ ဘက်စ်တာ ဟာ အာမခံရုံးတစ်ခုမှာ အလုပ်လုပ်တာဖြစ်ပြီး ပထက်လူကြီးတွေဆီကနေ မျက်နှာသာရဖို့ သူ့ရဲ့ တိုက်ခန်းကို လူကြီးတွေကို ပေးသုံးလေ့ရှိပါတယ်။ ဘာလို့ပေးသုံးတာလဲဆိုတော့ အိမ်ထောင်ရေး ဖောက်ပြန်တဲ့နေရာမှာ သုံးဖို့ပါ။ ဒါကြောင့်ပဲ မျက်နှာသာပေးခံရပြီး ရာထူးတွေတိုးရင်းက သူအခန်းပေးသုံးနေတဲ့ သူဌေးရဲ့ ကောင်မလေးက သူကြိုက်နေတဲ့ ကောင်မလေးဖြစ်နေမှန်းသိလိုက်ရပါတယ်။ ဒီအချိန်မှာ သူဌေးကို မလွန်ဆန်နိုင်တာကဘတစ်ဖက် ကောင်မလေးကိုချစ်တဲ့အချစ်စိတ်က တစ်ဖက်နဲ့ ဘက်စ်တာတစ်ယောက် ဗျာများရပါတော့တယ်။ ဘက်စ်တာတစ်ယောက် ဒီကိစ္စတွေကို ဘယ်လိုကိုင်တွယ်သွားမလဲဆိုတာကို ဒီ classic film လေးကို ကြည့်ရှုပြီး ခံစားသွားပေးကြပါဦး။ File size…(2 GB)/(980 Mb) Quality….Blu-Ray 1080p / 720p Format… mp4 Duration…. 02:05:00 Genre... Comedy, Drama, History, Romance Subtitle….Myanmar Subtitle (Hardsub) Encoder….Garfield Translated by Alvaro