Reinout Bussemaker ပါဝင်သော ဇာတ်ကားများ

Heresy (2025) IMDb Rating (6.4) ၁၉ ရာစု၊ နယ်သာလန်ကျေးလက်ဒေသရဲ့ ခေါင်ဖျားတဲ့ ရွာလေးတစ်ရွာ၊ အဲ့ဒီရွာမှာ ဖရီဒါဆိုတဲ့ မိန်းမငယ်တစ်ယောက်နေပါတယ်။ ဘာသာရေးအယူသီးပြီး အလွန်အမင်းရှေးရိုးစွဲတဲ့ အသိုင်းအဝိုင်းကြားမှာ ဖရီဒါဟာ သားသမီးမရနိုင်တဲ့ အမြုံမအဖြစ် လူတောမတိုးနိုင်အောင် နှိမ်ချ ခံနေပါတယ်။ ရွာအနားမှာတော့ ဘယ်သူမှခြေမချရဲပဲ နတ်ဆိုးတွေ ကြီးစိုးတယ်လို့ယုံကြည်ကြတဲ့ တားမြစ်တောအုပ်ကြီးတစ်ခုရှိပြီး အဲ့ဒီတောအုပ်ထဲမှာ အဖြူရောင်ဝိဉာဉ်မ စိုးစံတယ်လို့အယူရှိကြပါတယ်။ ဖိနှိပ်မှုနဲ့အရှက်တရားတွေကြားမှာ တောင့်မခံနိုင်တော့တဲ့ ဖရီဒါတစ်ယောက် ဘုရားသခင်ဆီက မရနိုင်တဲ့ အကူအညီကို အဲ့ဒီတောအုပ်ထဲက ဝိဉာဉ်တွေဆီမှာသွားပြီး တောင်းခံဖို့ကြိုးစားမိချိန်မှာတော့..။ အသံဗလံတွေ၊ ဝုန်းဒိုင်းကြဲခြောက်လှန့်တဲ့ Jumpscare တွေထက်တစ်ကားလုံး မြူတွေဖုံးနေတဲ့ တောအုပ်ကြီးရဲ့အေးစက်တဲ့ဆန်းကြယ်မှုနဲ့ ကျောချမ်းလာအောင်ဖန်တီးထားပါတယ်။ အလင်းအမှောင်နဲ့cgi တွေသုံးထားတာတွေလည်း အတော်လှပြီး အပြောထက်အပြကိုဦးစားပေးတဲ့ ဇာတ်ကားပါ။ ဖရီဒါရခဲ့တဲ့ ဆုတောင်းက တကယ်ပဲ ကောင်းချီးလား ဒါမှမဟုတ်ကျိန်စာလားဆိုတာ ဇာတ်လမ်းထဲမှာ ဆက်လက်ရှုစားကြပါ။ File size… (650 MB) / (510 MB) Quality…. WEB-Rip 1080p HEVC / 720p Format…. mkv/mp4 Genre…. Drama,Horror,Mystery Duration…. 01:01:20 Subtitle…. Myanmar Subtitle (Hardsub)

အင်ဒိုနီးရှားလွတ်လပ်ရေးစစ်ပွဲအတွင်းမှာ ဒုတိယ ကမ္ဘာစစ်လွန်သူပုန်တွေကို ကိုင်တွယ်နှိမ်နင်းဖို့စေလွှတ်လိုက်တဲ့ တပ်ဖွဲ့တစ်ဖွဲ့ထဲမှာ ယိုဟန် ဆိုတဲ့လူငယ်စစ်သားလေးတစ်ယောက်ပါဝင်ခဲ့ပါတယ်။ ဘာကိုမှအတွေ့အကြုံမရှိ အစိမ်းသက်သက် ဘဝကနေ မဟုတ်မခံမှန်ရာကိုလုပ်တတ်တဲ့ဉာဉ် အရိုးခံစိတ်ထားတွေကြောင့် "The Turk." လို့အများခေါ်ကြတဲ့ ကပ္ပတိန်က မျက်စိကျပြီး သူ့အနီးကပ်လူယုံတစ်ယောက်ဖြစ်လာခဲ့တဲ့အထိ အဆင့်မြင့်လာခဲ့ပါတယ်။ အဲ့ဒါနဲ့အတူတူ စစ်ရဲ့ အနိဌာရုံတွေ၊ အထက်အမိန့်ဆိုတဲ့ ပြန်လှန်မေးခွန်းထုတ်ချင်စရာ လုပ်ရပ်တွေနဲ့အတူ တာဝန်နဲ့ အသိစိတ်ကြားမှာ သူဟာ တခြားသူတစ်ယောက်လိုဖြစ်သွားတယ်.... ဒီလိုနဲ့ တစ်ခုခုဆိုပြတ်သားလွန်းလှတဲ့ ဟင် ဆိုပြန်လှည့်မကြည့်တတ်တဲ့ တစ်ဇွတ်ထိုးတဇောက်ကန်း သူ့ဆရာ တာကီသားနဲ့ သဘောထားကွဲလွဲလာရင်း သူကိုယ်တိုင်သူပုန်အဖြစ် စာရင်းသွင်းခံလိုက်ရတော့တဲ့အခါမှာတော့..။ တွေ့ရခဲတဲ့ အင်ဒိုနီးရှားနိုင်ငံနောက်ခံနဲ့ ဖြစ်ရပ်မှန်သမိုင်းတွေအပေါ်အခြေခံထားတဲ့ စစ်ကားကောင်းတစ်ကားဖြစ်ပါတယ်။ File Size :(2.6GB)(1.1GB) and (435MB) Quality : Blu-Ray 720p Format…mp4 Duration…02:17:00 Genre : War , Drama , Thriller Subtitle : Myanmar Subtitle (Hard Sub) Translated by Alias Encoded by Phyo Pyae

IMDb Rating. = 7.9/10 Rotten Tomatoes = 100% July 1995မှာ Srebrenicaက မွတ်စလင် 8373ယောက်ဟာ လူမျိုးသုဉ်းသတ်ဖြတ် ခံခဲ့ရတယ်။ 2005မှာ ကုလအထွေထွေ အတွင်းရေးမှူးချုပ် ကိုဖီအာနန်က ဆရီဘရီနီကာမြို့က အစုအပြုံလိုက်သတ်ဖြတ်မှုဟာ ဥရောပမှာ ဒုတိယကမ္ဘာစစ်နောက်ပိုင်းမှာ အဆိုးရွားဆုံးဖြစ်ရပ်လို့ ကြေညာခဲ့ရတဲ့အထိကို ရက်စက်ကြမ်းကြုတ်ခဲ့တဲ့ အဖြစ်ဆိုးတစ်ခုပါပဲ။ဥရောပရဲ့ နှလုံးသား‌ ဒေသမှာ ဖြစ်ပျက်ခဲ့တဲ့ UNသမိုင်းက အမဲစက်ကြီးဆိုပြီး ကျော်ကြားခဲ့တယ်။ဒီသတ်ဖြတ်မှုကို လူမျိုးသုဉ်းသတ်ဖြတ်မှုလို့လည်း ခေါ်ကြပေမဲ့ ဆားဘီးယားသမ္မတကတော့ လူမျိုးသုဉ်း သတ်ဖြတ်မှုမဟုတ်ပါဘူးလို့ ငြင်းဆိုထားတယ်။ဒီရုပ်ရှင်ဟာ ဆရီဘရီနီကာက Genocideဖြစ်ရပ်မှန်ကို ရိုက်ထားတဲ့ ရုပ်ရှင်ပါ။ ဇာတ်လမ်းကတော့ ဆာ့ဗ်‌တွေက ဆ‌ရီဘရီနီကာကို စသိမ်းလုဆဲဆဲ အချိန်ကစထားတယ်။ မြို့ပေါ်ကို လက်နက်ကြီးတွေ စက္ကန့်တိုင်းမှာ သုံးခုစီ ကျနေတယ်။ UN က ဆရီဘရီနီကာမှာ အခြေစိုက်စခန်းချပြီး ဆရီဘရီနီကာကို လုံခြုံရေးဇုန် (ဝါ) UN ကာကွယ်မှုရဇုန်အဖြစ် ကြေညာထားတယ်ပေါ့။ ဆာ့ဗ်တွေဘက်က လက်နက်ကြီးတွေကို မရုတ်သိမ်းရင် နေတိုးရဲ့လေကြောင်းတိုက်ခိုက်မှုတွေ စလုပ်မယ်လို့ UNကနေ ရာဇသံပေးထားတယ်။ ထုံးစံအတိုင်းပေါ့ ဆာ့ဗ်တွေမြို့နားကပ်လာကတည်းက UN က တစ်လက်မမှ ထပ်မကပ်လာစေရဘူး ဘာညာကတိ‌တွေပေးတယ်။ ဟိုဘက်ကတပ်တွေက မြို့ကိုသိမ်းသွားတဲ့အထိကို နေတိုးရဲ့ လေကြောင်းတိုက်ခိုက်မှုလည်းမလာ ရိက္ခာတောင်မလာဘူး။အခြေစိုက်စခန်းက အရာရှိတွေပြောတဲ့ "ကျုပ်တို့ လုပ်နိုင်တာ အကုန်လုပ်နေပါတယ်"ဆိုတဲ့စကား ကြားရတာကလွဲ ဘာမှဖြစ်မလာခဲ့ဘူး။နောက်ဆုံး သူတို့ အခြေစိုက်စခန်းထဲ ၀င်သောင်းကြမ်းသွားတဲ့ အထိကို UNက ဘာမှမလုပ်နိုင်ခဲ့ဘူး။ ဒီကနေမှ ယူအမ်အခြေစိုက်စခန်းချထားတဲ့ ဆာဘရီနီကာမှာ UNကြီးငုတ်တုတ်ရှိနေလျက်နဲ့ UNရဲ့အဆိုးရွားဆုံးကျရှုံးမှု (ဝါ) UN သမိုင်းရဲ့ အကြီးဆုံးအမဲစက်ဖြစ်တဲ့ ဆရီဘရီနီကာ Genocide ဘယ်လိုဖြစ်သွားခဲ့လဲဆိုတာကို ရိုက်ပြထားတယ်။ဒီလူမျိုးသုဉ်းသတ်ဖြတ်မှုရဲ့ တရားခံဖြစ်တဲ့ ဘော့စနီးယား သားသတ်သမားလို့ အမည်တွင်ခဲ့တဲ့ ဗိုလ်ချုပ်ကြီး ရတ်ကို မလာဒစ်ချ်ဟာ စစ်ရာဇဝတ်မှု ကျူးလွန်ခဲ့ကြောင်း စွပ်စွဲခံရပြီးတဲ့ ၁၉၉၅ ခုနှစ် ကတည်းက စပြီး ထွက်ပြေး တိမ်းရှောင်နေခဲ့တယ်။ 2017 မှာ လူမျိုးသုဉ်းသတ်ဖြတ်မှု အပါအ၀င် စွဲချက် ၁၁ ခုနဲ့ ထောင်ဒဏ် တစ်သက်ချမှတ်ခံခဲ့ရပြီး ပြစ်ဒဏ်စီရင်ချက်ကိုဖတ်ကြားတဲ့အချိန်မှာ အသတ်ခံရသူများ၏မိခင်များက လက်ခုပ်သြဘာပေးကြတယ်လို့ဆိုတယ်။ Quo Vadis ,Aida? ကို ဘော့စနီးယားဒါရိုက်တာ Jasmila Žbanićက ရေးသား ရိုက်ကူးထားပြီး 2021 အော်စကာဆုပေးပွဲမှာ Best International Feature Filmဆုအတွက် ဆန်ခါတင်၀င်ခဲ့တယ်။ ဆုကိုတော့ သိတဲ့အတိုင်း ဇိုးဘဲရုပ်ရှင်က ရသွားခဲ့တာပါ။ BAFTAအပါအ၀င် တခြားဆုပေးပွဲတွေမှာ ဆန်ခါတင် အတော်များများ၀င်ခဲ့ပြီး ဆုအချို့လည်းရထားခဲ့တယ်။ Ratingပိုင်းမှာလည်း ပေးချင်တဲ့သူပေးပြီး မကောင်းလည်း မြင့်ချင်သလိုမြင့်သွားနိုင်တဲ့ IMDbလည်း 7.9 ပါ။ 100%ပေးတဲ့ကား အရမ်းများနေလို့ ဖြတ်ရိုက်ချင်စရာ ကောင်းနေတဲ့ Rotten Tomatoes ကလည်း100% ပါပဲ။ နောက် သူတို့ထဲတော့ ကျွန်တော်အယုံဆုံး Rating ဖြစ်တဲ့ Metacritic Ratingက 97% ပါ။ Meta 97%ရတဲ့ကား အတော့်ကိုရှားပါတယ်။ အသေကောင်းပါတယ်ဆိုတဲ့ ကားတွေတောင် 95%မရောက်ပါဘူး။‌ နောက် ဒီရုပ်ရှင်ဟာ Metacriticက စာရင်းလုပ်ထားတဲ့ 2021 ရဲ့ ထွက်ပြီးသမျှ အကောင်း‌ဆုံး ကားစာရင်းမှာ နံပါတ်တစ်နေရာယူထားတယ်။ ဆိုတော့ကာ စိတ်ချလက်ချ ကြည့်လို့ရပါတယ်။ခေတ်ကာလအခြေနဲ့လည်း ကိုက်ညီတာကြောင့် Criticတွေထက်တောင် ကောင်းကောင်းကြီး ပိုခံစားလို့၀င်ကြမှာပါ။ Ref , BBC and Other News Medias (တန်ဖိုးရှိတဲ့ ဒီဇာတ်ကားအတွက် တန်ဖိုးရှိတဲ့ ရုပ်ရှင်အညွှန်းကို WiRa Aung က ဖန်တီးပေးထားတာပါ။) File size…(1.8 GB) / (900 MB) / (441 MB) Quality…WEB-DL 1080p / 720p / 480p Format…mp4 Duration….01:43:00 Subtitle….Myanmar Subtitle (Hardsub) Encoder….d3mon Translated by WiRa Aung

လူသားတွေရဲ့ လောဘနဲ့ ကိုယ်နေတဲ့ကမ္ဘာကို ကိုယ်တိုင်ဖျက်ဆီးမှုတွေကြောင့် ကမ္ဘာကြီး ပူနွေးပြီး ကပ်ဆိုးဆိုက်နေတဲ့ အနာဂတ်ကာလတစ်ခုမှာ ဇာတ်လမ်းစထားပါတယ်။ ဒီကပ်ဆိုးကို တားဆီးနိုင်ဖို့ နိုဗာဆိုတဲ့ အမျိုးသမီးတစ်ယောက်ကို အရာအားလုံး စတင်ခဲ့တဲ့ အတိတ်အချိန်ဆီ ပြန်ပို့လိုက်ကြတယ်။ ဒါပေမယ့် သူရောက်ရမယ့်နေရာနဲ့ အချိန်က အနည်းငယ်လွဲသွားပါတယ်။ နိုဗာဟာ အဲဒီအလွဲကြောင့် ကမ္ဘာမြေပေါ်မှာ ဘယ်လိုအခက်အခဲတွေ ကြုံရမလဲ၊ သူ့ကို တာဝန်ပေးလိုက်တဲ့ မစ်ရှင်ကိုရော အောင်မြင်အောင် လုပ်နိုင်ပါ့မလား။ နယ်သာလန်နိုင်ငံက ဒတ်ခ်ျဘာသာစကားပြော သိပ္ပံစိတ်ကူးယဉ် စွန့်စားခန်းဇာတ်ကားဖြစ်ပြီး ဇာတ်လမ်းကို အေးအေးဆေးဆေး ဆက်ပြထားပါတယ်။

အသစ်ထွက် အင်ဒိုနီးရှား action ကားသစ်လေးပါ။ IMDb 6.9 အထိရရှိထားတာကြောင့် မဆိုးလှတဲဇာတ်ကားလေးပဲဖြစ်ပါတယ်။ Western နဲ့ Eastern ကိုရောစပ်ရိုက်ကူးထားပြီး အတော်အသင့်ကြည့်ကောင်းတဲ့ဇာတ်ကားလေးပါ။ အင်ဒိုနီးရှားဆူလ်တန်ဘုရင်တွေအုပ်စိုးခဲ့တဲ့နယ်မြေတွေပေါ်ဒတ်ချ်တွေ ကိုလ်ုနီလာပြုတဲ့အချိန်ကာလကို နောက်ခံထားရိုက်ကူးထားတာပဲဖြစ်ပါတယ်။ Reviews ကောင်းကောင်းတွေလည်းရရှိထားတဲ့ဇာတ်ကားပါ။ Rotten Tomato မှာလည်း 78% အထိရရှိထားပါသေးတယ်။ ကြည့်ရတာအရသာမရှိဖြစ်စေမှာတော့မဟုတ်ပါဘူး။ ကြည့်ကောင်းတဲ့ action ကားတစ်ကားဖြစ်တာကြောင့် အပန်းဖြေကြည့်ရှုရအောင်ညွှန်းပေးလိုက်ရပါတယ်။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုသူရပါ) File Size : (800 MB) and (380 MB) Quality : WEB-DL 720p Running Time : 1h 42min Format : Mp4 Genre : Action Subtitle : Myanmar Subtitle (Hard Sub) Source : WEB-DL 1080P X264 AAC - JeeJa Translated by Thura Zarni Aung Encoded by Thanhtike Zaw

Cool Kids Don't Cry (2012) IMDb - 7.5/10 Rotten - 66% Channel Myanmar ပရိတ်သတ်ကြီးအတွက် ဒီတစ်ခါတင်ဆက်ပေးမယ့်ဇာတ်ကားလေးကတော့ Director Dennis Bots ရဲ့ IMDb Rating 7.5 ရထားတဲ့ Drama Kids&Familyကားလေးဖြစ်ပါတယ်။ ဇာတ်ကားနမည်ကတော့ #Cool-kids-Don’t cry ပါ။ ဒီဇာတ်လမ်းမှာဆိုရင် ….. အကီ ဆိုတဲ့၈တန်းကျောင်းသူလေးမလေးက သူမရဲ့ကင်ဆာရောဂါကိုအရှုံးမပေးပဲနောက်ဆုံးထိ သတ္တိရှိရှိရင်ဆိုင်သွားပုံတွေကို တွေ့ရမှာဖြစ်ပါတယ်။ အကီကဘောလုံးကစားရတာကိုချစ်မြတ်နိုးပြီး ယောကျ်ားလေးတွေနဲ့တန်းတူကစားနိုင်သူဖြစ်တယ်။ ကစားတိုင်းလည်းဒဏ်ရာတွေခဏခဏရတတ်သူလေးပေါ့။ ဒီဒဏ်ရာတွေအပေါ်မှာလည်း အကီကသိပ်feelမနေတတ်ပြန်ဘူး။ အကီက မဟုတ်မခံ စွာကျယ်မလေးတစ်ယောက်လည်းဖြစ်တယ် ချုပ်ချယ်တာကိုလည်းမကြိုက်ပြန်။ ဒါပေမယ့်မထင်မှတ်ထားတဲ့အချိန်မှာကံကြမ္မာဆိုးတစ်ခုက သူမဘဝထဲ ရုတ်တရက်ဝင်ရောက်လာခဲ့ပါတယ်။ ထိခိုက်ဒဏ်ရာကြောင် ့ဆေးသွားစစ်ကြည့်မိရာက စပြီးသူမမှာ ကင်ဆာရောဂါရှိနေမှန်းသိခဲ့ရပါတယ်။ လူတိုင်းသိကြတဲ့အတိုင်းရောဂါခံစားနေရပြီးဆိုရင် အရင်ဆုံးဖြစ်တာက Depressionဝင်ကြတာပါပဲ။ ရောဂါကတစ်မျိုး depressionကတစ်မျိုးနဲ့ သတ်မှတ်ကာလအချိန်ထိတောင် အသက်ရှင်နေနိုင်သွားသူတွေက ရှားပါတယ်…. ရောဂါဖြစ်နေချိန်မှာ ကိုယ့်ဘာသာ ရင်ဆိုင်ရပ်တည်ဖို့ဆိုတာတကယ်မလွယ်တဲ့ကိစ္စပါ.. အားလုံးရဲ့ကူညီဖေးမမှုတွေလိုအပ်သလို ကိုယ်တိုင်လည်းစိတ်ဓာတ်ခိုင်မာမှသာ အဆုံးထိခုခံနိုင်ကြမှာပါ… ကဲ…..ဒီဇာတ်လမ်းလေးထဲမှာတော့ အကီကကင်ဆာရောဂါကို သတ္တိရှိရှိဘယ်လိုရင်သွားမလဲဆိုတာနဲ့ သူမသူငယ်ချင်းတွေကရော ဘယ်လိုကူညီဖေးမကြမလဲဆိုတာ ကြည့်သင့်တဲ့ကားလေးတစ်ကားပါ။ Qty – 720P Bluray Duration – 1hr 36min Gern – Drama, Fantasy File Size – 786 MB Translator – May Thet Pai Review – Aye Mon Kyaw Encoder – Kyaw Ye Aung