Revaldo ပါဝင်သော ဇာတ်ကားများ

Suddenly Satan (2026) IMDb Rating (5.5) ရိုယယ်ဆာရိုဂျာ ဟိုတယ်ကြီးဟာ တစ်ချိန်က စည်ကားအောင်မြင်ခဲ့ပေမယ့် အခုချိန်မှာတော့ လာတည်းမယ့်ဧည့်သည်မရှိ ပြုပြင်ထိန်းသိမ်းမှုမရှိနဲ့ မကြာခင်ပိတ်ပစ်ရတော့မယ့် အခြေအနေဆိုက်နေပါပြီ။ ဒါပေမယ့်တစ်နေ့မှာတော့ စုံတွဲသုံးတွဲ တစ်ပြိုင်တည်း ရောက်လာလို့ ဟိုတယ်က နှစ်ယောက်တည်းသော ဝန်ထမ်းတွေဖြစ်တဲ့ Rambo နဲ့ ဘိုနာ တို့နှစ်ယောက် အလုပ်ရှုပ်ကြရပါတော့တယ်။ တကယ်တော့ အဲ့ဒီအတွဲ ခြောက်ယောက်ဟာ သွားလေသူ ဟိုတယ်ပိုင်ရှင်ကြီးရဲ့ သားသမီးတွေနဲ့သူတို့ရဲ့ ဇနီးခင်ပွန်းတွေဖြစ်ပြီး သူတို့ရဲ့ဖခင်ဖြစ်သူဟာ မဆုံးခင်လေးမှာ သူတို့တစ်ယောက်ချင်းစီကို ရွှေတွေချန်ထားခဲ့တဲ့အကြောင်း သီးသန့်ခေါ်ပြောထားပါတယ်။ ဒီတော့ သူတို့ဟာ တစ်ခြား မောင်နှမတွေ မသိဘူးအထင်နဲ့လစ်တဲ့အချိန် ဟိုတယ်ထဲမှာ ရွှေကိုတိတ်တိတ်လေးရှာဖို့ အကြံအစည်နဲ့လာခဲ့ကြတာဖြစ်ပါတယ်။ ဒါပေမယ့်လည်း သူတို့မလာခင် ရက်ပိုင်းလေးမှာမှ ဘိုင်ကျနေတဲ့ ဘိုနာနဲ့ ရမ်ဘိုတို့ဟာ ဂျယ်လန်ကွန်းလို့ခေါ်တဲ့ အင်ဒိုရိုးရာ သရဲခေါ်နည်းနဲ့ သရဲခေါ်ပြီး ချဲနံပါတ်တောင်းဖို့ကြိုးစားရာကနေ ပြန်မပို့မိလို့ရောက်လာတဲ့သရဲမတစ်ကောင်က ဟိုတယ်ထဲမှာရှိနေပါသေးတယ်။ အဲ့ဒီမှာပဲ သူတို့စုံတွဲခြောက်ယောက် ရမ်ဘိုတို့နှစ်ယောက်နဲ့ သရဲတစ်ကောင် ဟိုတယ်ထဲမှာဘယ်လိုတွေ တိုင်ပတ်ကြမလဲ? ဘယ်လိုဇာတ်ရှုပ်တွေ ပေါ်လာမလဲ? ဘယ်လိုပြဿနာတွေကြုံလာရဦးမလဲအစရှိတာတွေကို ဟာသနှောပြီးတင်ဆက်ထားတာပါ။ အဓိက သရုပ်ဆောင်နှစ်ယောက်ရဲ့အပေးအယူမျှတဲ့ဟာသတွေ ဖောက်ကွက်တွေတင်သာမက ပါတဲ့ သရုပ်ဆောင်တွေ အားလုံးက chemistry မိမိနဲ့ဇာတ်ကိုသယ်သွားနိုင်လို့ ပြသချိန် နှစ်နာရီဝန်းကျင်ဟာ လုံး၀ မပျင်းရအောင် ဖျော်ဖြေမှုပေးနိုင်တဲ့ Horror/Comedy ဇာတ်ကားကောင်းတစ်ကားဖြစ်ပါတယ်။ File size… (980 MB) / (590 MB) Quality…. WEB-DL 1080p HEVC / 720p Format…. mkv/mp4 Genre…. Comedy,Horror Duration…. 01:53:15 Subtitle…. Myanmar Subtitle (Hardsub)

Twisted Fate (2025) IMDb Rating (6.3) ရာဝါဟာ လေယာဉ်ပျက်ကျမှုတစ်ခုမှာပါဝင်ခဲ့ပြီး တစ်ဦးတည်းသော အသက်ရှင်သူအဖြစ်ကျန်ရစ်ခဲ့ပါတယ်။ခန္ဓာကိုယ်က ဒဏ်ရာတွေရော၊ စိတ်ဒဏ်ရာတွေကိုပါ ရင်ဆိုင်လုံးပန်းနေရတဲ့သူဟာ နာလန်ပြန်ထူဖို့ကြိုးစားနေဆဲအချိန်မှာပဲ ပဟေဠိတစ်ခုလိုဖြစ်နေခဲ့တဲ့ လေယာဉ်ပျက်ကျမှုကို စုံစမ်းစစ်ဆေးတဲ့အမှုကြီးမှာပါ အဓိကမျက်မြင်သက်သေဖြစ်လာခဲ့ပါတယ်။ အွန်လိုင်းပေါ်မှာ ပျံ့နှံ့နေတဲ့ ကောလဟာလတွေအရ သူ့ကိုအကြမ်းဖက်သမားတစ်ဦးအဖြစ်ပုံဖော်နေကြသလို၊ သူနဲ့ခုံမှားထိုင်မိတဲ့သူကသေဆုံးသွားပြီး သူက အသက်ရှင်နေခဲ့တဲ့အတွက် ကျန်ရစ်တဲ့ ဇနီးဖြစ်သူရဲ့ ဒေါသနဲ့စွပ်စွဲမှုဒဏ်တွေကိုလည်း တစ်ပြိုင်တည်းရင်ဆိုင်နေရပါသေးတယ်။ Tukar.Takdir.2025 ဟာ Disaster တစ်ခုကို ထူးခြားတဲ့ အမြင်နဲ့ရှုထောင့်က ချဉ်းကပ်ပြထားတာဖြစ်ပြီး ကျန်ရစ်သူတွေရင်ဆိုင်ရတဲ့ပူဆွေးသောကနဲ့လူမှုရေးအခက်အခဲတွေ၊ စိတ်ဒဏ်ရာတွေတင်မက၊ လေယာဉ်ပျက်ကျမှုအပေါ်စုံစမ်းစစ်ဆေးမှုနဲ့နောက်ဆက်တွဲအရေးယူမှုတာဝန်ယူတာဝန်ခံမှုတွေကိုပါ ဘက်ပေါင်းစုံက စိတ်ဝင်စားစရာကောင်းအောင်၊ ခံစားချက်ပေးနိုင်အောင်တင်ဆက်ထားနိုင်တဲ့ ဇာတ်ကားကောင်းတစ်ကားဖြစ်ပါတယ်။ File size… (1.2 GB) / (780 MB) Quality…. WEB-DL 1080p HEVC / 720p Format…. mkv/mp4 Genre…. Drama,Thriller Duration…. 01:46:50 Subtitle…. Myanmar Subtitle (Hardsub)

Panji Tengkorak (2025) IMDb Rating (5.9) ပန်ဂျီတန်ဂိုရတ်ခ်ဟာ အင်ဒိုနီးရှားနိုင်ငံရဲ့နာမည်ကျော်လူကြိုက်အများဆုံး၀တ္ထုနဲ့ကောမစ်ဇာတ်ကောင်တစ်ဦးဖြစ်ပြီး ရုပ်ရှင်နဲ့တီဗွီဇာတ်လမ်းတွဲတွေအဖြစ်လည်းအကြိမ်ကြိမ်အသက်သွင်းခဲ့ဖူးပါတယ်။ သူ့ထူးခြားချက်ကတော့မျက်နှာမှာ လူဦးခေါင်းခွံတစ်ခုကိုတပ်ဆင်ထားပြီးအထီးကျန်သမား၊ လျှို့ဝှက်ချက်တွေများစွာနဲ့သိုင်းသမားတစ်ယောက်ပါ။ မူလက သဘောကောင်းကြင်နာတတ်တဲ့သူတစ်ဦးဖြစ်ပေမယ့် ချစ်သူ မူရ်နီတစ်ယောက် လူဆိုးတွေရဲ့လက်ချက်နဲ့ သေဆုံးခဲ့ပြီးနောက်မှာတော့ ကလဲ့စားက မောင်းနှင်နေတဲ့ ရက်စက်ကြမ်းကြုတ်တဲ့ သိုင်းသမားတစ်ယောက်ဖြစ်လာခဲ့ပါတယ်။ ဒီဇာတ်ကားမှာတော့ ပန်ဂျီရဲ့နောက်ခံသမိုင်းကြောင်းနဲ့anti-hero တစ်ဦးအဖြစ် မြစ်ဖျားခံရာကိုတွေ့မြင်ရမှာဖြစ်ပါတယ်။ File size… (1 GB) / (660 MB) Quality…. WEB-DL 1080p HEVC / 720p Format…. mkv/mp4 Genre…. Action,Adventure,Animation,Fantasy,Thriller Duration…. 01:34:18 Subtitle…. Myanmar Subtitle (Hardsub)

Ronggeng Kematian(2024) အကမယ် IMDb-6.9/10 ဂျာဗားအလယ်ပိုင်းက ခေါင်လှတဲ့နေရာမှာ မန်ဂူဆာရီဆိုတဲ့ ရွာလေးတစ်ရွာရှိတယ် ဝေးလံခေါင်ဖျားမီး တောင်မရတဲ့ ဒေသလေးက လူငယ်တွေရဲ့ လေရဟတ်တီထွင်မှုနဲ့ လေအားလျှပ်စစ်ရဖို့ အစပျိုးကာစအချိန်....။ အဲဒီရွာလေးက မိန်းမငယ်လေးတွေရဲ့ အိပ်မက်ကတော့ ရွန်ဂျန်အကမယ်တစ်ယောက်ဖြစ်ဖို့ လာရာဆာတီဆိုတဲ့ ကောင်မလေးက ရွန်ဂျန်အကမယ်ဆိုတာထက် အဲဒီအကမှာ တစ်ဖတ်ကမ်းခတ်ထူးချွန်ပြီး သိပ်လှတဲ့ ဆူလာစတရီကိုမှ အားကျပြီး သူ့လိုဖြစ်ချင်တဲ့သူ ၊ ဒါပေမဲ့သူက အဲဒီကကွက်ရဲ့ အချိုးအဆစ်ကိုတောင် ကောင်းကောင်းမလုပ်နိုင်။ တစ်နေ့ကျောင်းကအပြန် ပဝါတစ်ထည်ကောက်ရခဲ့ရာက အဲဒီညမှာ ရွန်ဂျန်အကကိုလှလှပပကနေတာကို လာရာဆာတီ့အမေကမြင်သွားပြီ နောက်ရက် မနက်မှာ အကလေ့ကျင့်ပေးတဲ့ဆရာမဆီ အတင်းလိုက်ပို့ခံရတော့တာပဲ ၊ ဆရာမရှေ့မှာ မကတတ်လို့ကြောင်နေတဲ့ လာရာဆာတီတစ်ယောက် သူကောက်ရလာတဲ့ပဝါကို ပုခုံးပေါ်တင်ပေးလိုက်ချိန်မှာ ဘေးကလူတွေအကုန်လုံး မှင်သက်သွားလောက်တဲ့ထိ ကကွက်တွေထွက်ပေါ်လာခဲ့တယ် ၊ ဒီလိုနဲ့သူက အကအဖွဲ့ခေါင်းဆောင်အဖြစ် ရွေးချယ်ခံရပြီး ရွာနှစ်ပတ်လည်ပွဲမှာ ဖျော်ဖြေရဖို့ဖြစ်လာတယ် အဲဒီအချိန်မှာပဲ သူတို့ရွာခံကျောင်းသားလေးယောက်က internship ဆင်းဖို့ ဒီရွာကို ခက်ခက်ခဲခဲရောက်လာချိန်....။ မြို့ကျောင်းသားတွေလုပ်မဲ့ ဆုပေးပွဲနဲ့ ရွာနှစ်ပတ်လည်ပွဲက တစ်ရက်တည်းတစ်ညတည်း..။ အဲဒီအချိန်မှာ အားလုံးမထင်မှတ်ဘဲဖြစ်ပေါ်လာမဲ့အရာက......။ အညွှန်းနှင့် ဘာသာပြန်သူတွေကတော့ BpL ~ V ~ Yunni တို့ပဲဖြစ်ပါတယ် File size…1.35GB / 550MB Quality…WEB DL 1080p / 720p Format…mp4 Duration….1h 38m Subtitle….Myanmar Subtitle (Hard Sub) Encoder….YK Translated by BpL ~ V ~ Yunni

Titip Surat Untuk Tuhan 2023 အညွှန်း "ဘုရားရှင်ကို ဘယ်မှာတွေ့လို့ရမလဲ" "မင်း နှလုံးသားထဲမှာ" တူလု့စ် အသက်က ၇ နှစ်။ အဖေရယ် အမေရယ် အစ်မတစ်ယောက်ရယ် မိသားစုလေးမှာ မချမ်းသာပေမဲ့ ညတိုင်းတီဗီလုရတာက လွဲရင် သူတို့မိသားစုလေးက အတော်ပျော်ဖို့ ကောင်းပါသည်။ မနက်တိုင်း မိသားစုလိုက် ဘုရားဝတ်ပြုချိန်မှာတော့ တူလု့စ်က အိပ်ပျော်နေတာ များသည်။ အေးချမ်းနေတဲ့ တူလု့စ်တို့မိသားစုရဲ့ စိတ်မအေးချမ်းစရာ နေ့ရက်တွေက အစ်မဒင်ဒါ နေမကောင်းဖြစ်ရာက စသည်။ ဒင်ဒါ့အခြေအနေက ဆိုးသထက်ဆိုးလာတာမို့ ဆေးရုံတက်ဖို့၊ ခွဲစိတ်ဖို့က မလုပ်လို့ မဖြစ်ပါ။ သာမန်ဝန်ထမ်းအဖေရဲ့ လစာက မလောက်မင၊ အပိုအလျှံဆိုတာ မရှိပြန်တာမို့ မိဘတွေက ဆေးရုံစရိတ်အတွက် ပူပန်ရုန်းကန်လာရသည်။ တူလု့စ်မှာလည်း နေမကောင်းဖြစ်နေတဲ့ အစ်မနဲ့ တကျက်ကျက် ရန်ဖြစ်လာတတ်တဲ့ မိဘတွေကို ကြည့်ရင်း အရင်လို မပျော်ရွှင်နိုင်တော့။ ဒီလိုနဲ့ နေ့တိုင်း၊ ဘုရားဝတ်ပြုတိုင်း ဆုတောင်းပြုခဲ့သည့် ဘုရားရှင်ထံလိပ်မူပြီး စာတစ်စောင် ပို့ခဲ့သည်။ အညွှန်း နဲ့ ဘာသာပြန်ကတော့ Su Myat ပဲ ဖြစ်ပါတယ်။ Genre..... Drama, Family Quality…. 1080p | 720p File size… 957MB | 511MB Format… mp4 Duration…. 1h 21min Subtitle…. Myanmar Subtitle (Hardsub) Translator ..... Su Myat Encoder ..... Aaron

KAMBODJA ( 2022 ) ဒီကားကMuBiကကား။ ဒီတော့ အရမ်းကြီးမဟုတ်တောင် သူ့ဟာနဲ့သူတော့ တစ်ခုခုတော့ဟုတ်နေမယ့်ကားပဲ။ ဇာတ်ကတော့ တော်တော်တိုတယ်။ ဒါပေမဲ့ ကြည့်ရတာတော့ မဆိုးဘူး။ ဝတ္တုတိုလေးတစ်ပုဒ် ပေါ့ပေါ့ပါးပါးဖတ်ရသလို ဇာတ်မျိုးပဲ။ ခေတ်ဟောင်းမှာ ဇာတ်အိမ်တည်ထားတယ်။သူ့ဇာတ်က အဆောင်တစ်ဆောင်ကနေစတယ်။ အဲဒီအဆောင်ကိုနိုင်ငံရေးသမားတစ်ယောက်နဲ့ သူ့မိန်းမပြောင်းလာတယ်။ အဲဒီမတိုင်ခင်က အဲဒီအဆောင်မှာ စာရေးဆရာနဲ့ အဆိုတော်မအတွဲနေကြတယ်။ စစတော့ တဇောင်းချေးနဲ့မျက်ချေးဖြစ်နေရာကနေ နောက်စာရေးဆရာနဲ့ နိုင်ငံရေးသမားရဲ့မိန်းမက နည်းနည်းမျက်မှန်းတန်းမိကြတယ်။ နောက်စာရေးဆရာကစာထဲ အဲဒီမိန်းမအကြောင်းရေးဖြစ်သွားတယ်။ နောက် နိုင်ငံရေးသမားနဲ့ အဆိုတော်မကလည်း ဖောက်ပြန်နေကြတယ်။ ဒီအဆောင်မှာ ဘာတွေဆက်ဖြစ်မလဲ အငြိမ်လေးပဲ ကြည့်ရလိမ့်မယ်။ အင်ဒိုးနီးရှားရဲ့ အဲဒီခေတ်ကာလနိုင်ငံရေးကိုပါ ပြတယ်။ ဇာတ်ကလည်း တစ်နာရီခွဲတောင်မပြည့်သလို အထဲမှာပြတာကလည်း ဒီနားဒီနားမှာတင်ဖြစ်တဲ့ ဇာတ်လမ်းအတိုလေးပဲ။ ဒါပေမဲ့ ဝတ္တုတိုတစ်ပုဒ်ပေါ့ပေါ့ပါးပါး ဖတ်ရသလို ခဏလောက်အရသာခံချင်ရင်တော့ အရသာခံလို့ကောင်းတဲ့ရုပ်ရှင်ပါပဲ။ ငါ့နှလုံးသားထဲမှာ အပြာရောင်တွေ... အနီရောင်တွေ အဲဒီထက်ပိုတာက မင်းရဲ့အရောင်တွေ... မနက်ဖြန်ခါကို မျှော်လင့်ရင်း.... အဲဒီနှလုံးသားဟာ ခရမ်းနုရောင်စည် ပုလဲသီတကွဲစီ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File size_(600MB) Quality_Blu-Ray 1080p / 720p Format_mp4 Duration_01:19:00 Genre_Drama, Romance Subtitle_Myanmar Subtitle (Hardsub) Encoder_a hao Translated by WiRa Aung

ဘဝရဲ့အလှည့်အပြောင်း လောကဓံအထုအထောင်းတွေကြားမှာ ရွေးရကြပ်တည်းလာတဲ့အခါ ခဲရာခဲဆစ်နဲ့ ကြိုးပမ်းကြသူတွေရှိကြသလို အလွယ်လမ်းလိုက်သူတွေလည်းရှိပါတယ်။ အခုတစ်ခါမှာလည်း အလွယ်လမ်းလိုက်ရာက အဖြစ်ဆိုးနဲ့ကြုံသွားရတဲ့ ရုပ်ရှင်တစ်ကားကို တင်ဆက်ပေးသွားမှာဖြစ်ပါတယ်။ ဘာရီဆိုတဲ့ကောင်‌လေးဟာ တစ်ချိန်ကတော့ ဘာသာရေးကိုင်းရှိုင်းတဲ့ အပနှင်ဆရာလေးတစ်ယောက်ဖြစ်ခဲ့ပါတယ်။ အခုချိန်မှာတော့ အတိတ်ရဲ့ဖြစ်ရပ်ဆိုးတွေကြောင့် မိခင်ကိုဆုံးရှုံးလိုက်ရတဲ့ဘာရီဟာ ယုံကြည်မှုတွေပျောက်ဆုံးနေတဲ့ အတိတ်ရဲ့‌ လောင်းရိပ်အောက်က အလွတ်ရုန်းထွက်နေတဲ့ ထောင်ထွက်လေးဘာရီဖြစ်နေပါပြီ။ ဒီလိုနဲ့ စက်ပြင်ဆရာလုပ်နေတဲ့ဘာရီဆီကို သူ့ရဲ့ဇာတိဖြစ်တဲ့ မာကာဆာဂီရွာကငယ်သူငယ်ချင်း ဟာဆန်ရောက်လာပါတော့တယ်။ မာကာဆာဂီရွာမှာ ထူးဆန်းတဲ့သဘာဝလွန်ဖြစ်ရပ်တွေဖြစ်ပြီး တစ်ရွာလုံးကျီးလန့်စာစားနေရတဲ့အတွက် အပနှင်ပေးဖို့ ဘာရီကိုဟာဆန်က လာခေါ်တာပါ။ တည်ငြိမ်နေတဲ့ရေပြင်ကို ဂယက်ထစေမယ့် ဒီကိစ္စကို ဘာရီတစ်ယောက် သဘောမကျလှပေမဲ့ ဒုက္ခရောက်နေသူက တစ်ချိန်ကသူငယ်ချင်းရတ်နာဖြစ်နေတော့ မငြင်းဆန်နိုင်ဘဲ ရွာကိုသွားဖို့ဖြစ်လာတဲ့အခါ ရတ်နာတစ်ယောက် ညနေ ၆ နာရီတိုင်းမှာ အသံနက်ကြီးနဲ့အော်နေတာ ဘာကြောင့်များလဲ။ ရွာကိုရောက်လာတဲ့ အပနှင်ဆရာလေး ဘာရီကရော သူ့ကိုမကြည်ဖြူချင်ကြတဲ့ရွာသားတွေကို ကူညီသွားမှာလား။ ယုံကြည်မှုတွေပျောက်ဆုံးနေလို့ လမ်းညွှန်မှုကိုရှာနေတဲ့ဘာရီတစ်ယောက် သူ့ရဲ့ဇာတိကနေ လမ်းစပြန်ရလာမလားဆိုတာကိုတော့ ဒီ Hidayahဆိုတဲ့ရုပ်ရှင်လေးမှာ အတူကြည့်ရှုလိုက်ရအောင်ပါ။ အညွှန်း နဲ့ ဘာသာပြန်ကတော့ Mary Christ ပဲ ဖြစ်ပါတယ်။ Genre..... Horror Quality…. 720p File size… 513MB Format… mp4 Duration…. 1h 32min Subtitle…. Myanmar Subtitle (Hardsub) Translator ..... Mary Christ Encoder ..... Aaron

Sri Asih(2022) Sri Ashi ဇာတ်ကားဟာ အင်ဒိုနီးရှားစူပါဟီးရိုးဇာတ်ကားတစ်ကားဖြစ်ပါတယ်။ ဒီဇာတ်ကားကို R.A Kosasih ရေးသားထားတဲ့ Sri Ashi၊ ဂန္တဝင်အင်ဒိုနီးရှားရုပ်ပြစာအုပ်ကိုပြင်ဆင်ပြီး live-action ရိုက်ကူးထားခြင်းဖြစ်ပါတယ်။ ဒီဇာတ်ကားဟာဆိုရင် BCU(Bumilangit Cinema Universe) ရဲ့ Gundala(2019) အပြီး ဒုတိယမြောက်ထွက်ရှိလာတဲ့ကားပဲဖြစ်ပါတယ်။ IMDB 7.3/10 အထိရရှိထားတယ်။ ဇာတ်လမ်းအကျဉ်းလေးကတော့ အယ်လ်လန်နာဟာ သူမရဲ့အဖေနဲ့ အမေကိုသေဆုံးစေခဲ့တဲ့ မီးတောင်ပေါက်ကွဲမှုအတွင်းမှာ မွေးဖွားလာခဲ့ပါတယ်။ သူမဟာ သူမရဲ့ ဒေါသစိတ်ကြောင့် အမြဲ အခက်အခဲတွေကို အမြဲကျော်လွှားနိုင်ခဲ့တယ် အောင်နိုင်ခဲ့တယ်ဆိုတာကို နားမလည်ခဲ့ပေမယ့် အဲ့ဒီ့ဒေါသစိတ်ကို အမြဲတိုက်ထုတ်ဖို့ ကြိုးစားခဲ့ပါတယ်။ အဲ့နောက်မှာတော့ ချမ်းသာတဲ့ အမျိုးသမီးတစ်ယောက်ဟာ သူမကို သာမန်ဘဝလေးမှာပဲ နေထိုင်နိုင်ဖို့အတွက် မွေးစားခဲ့ပါတယ်။ ဒါပေမယ့် အယ်လ်လန်နာ အရွယ်ရောက်လာတဲ့အခါ သူမဟာ သာမန်လူသားတစ်ယောက်မဟုတ်ကြောင်း သူမရဲ့ မူလဇာစ်မြစ် အမှန်တရားကို ရှာဖွေတွေ့ရှိသွားခဲ့ပါတယ်။ ဒီနောက်မှာတော့ ရန်သူတွေ အများကြီးပေါ်ပေါက်လာသလို သူဘယ်လို ရင်ဆိုင်ဖြေရှင်းမလဲဆိုတာကိုတော့... ဇာတ်လမ်းအညွှန်းနဲ့ ဘာသာပြန်တင်ဆက်သူကတော့ PROXY ဖြစ်ပါတယ် File Size :(1.9GB) and (870MB) Quality :WEB-DL1080P, 720p Format…mp4 Duration…02:15:00 Genre : Action, Adventure, Drama Subtitle : Myanmar Subtitle (Hard Sub) Translated by PROXY Encoded by Phyo Pyae

နားမကြားတဲ့ အမျိုးသားတစ်ယောက်ဟာ လူမိုက်ဂိုဏ်းတစ်ခုမှာ အလုပ်လုပ်လာတာ ကြာပါပြီ။ ဒီအလုပ်ကြောင့်ပဲ ဇနီးဖြစ်သူက သူ့ကို စွန့်ခွာသွားခဲ့ပြီး သားလေးတစ်ယောက်နဲ့အတူ ဘဝကို ရင်ဆိုင်နေရတယ်။ နဂိုက စိတ်ထားကောင်းသူဖြစ်ပေမဲ့ သူ့ပတ်ဝန်းကျင်နဲ့ အခြေအနေတွေက ဒီဘဝကနေ ရုန်းထွက်ဖို့ ခက်ခဲစေခဲ့ပါတယ်။ တစ်နေ့မှာတော့ သားအဖနှစ်ယောက်လုံး အသက်အန္တရာယ်နဲ့ ကြုံလာရတယ်။ အရင်လိုဘဝမျိုး ပြန်ရဖို့နဲ့ ပျော်ရွှင်မှုကို ပြန်ရှာတွေ့ဖို့ ဘာတွေ စတေးရမလဲဆိုတာကို ဆက်ပြထားတဲ့ အင်ဒိုနီးရှား အက်ရှင်၊ မှုခင်းဒရာမာဇာတ်ကားပါ။ ဇာတ်ဝင်ခန်းတစ်ခုမှာတော့ မဒူဆာအကြောင်းနဲ့ သူရဲကောင်း၊ မကောင်းဆိုးဝါးဆိုတဲ့ အမြင်နှစ်မျိုးကို ပြောထားပါတယ်။ ပိုဆိုက်ဒွန်ရဲ့ လိင်အကြမ်းဖက်မှုကို ခံခဲ့ရတဲ့ လှပတဲ့မိန်းမပျို မဒူဆာဟာ နတ်ဖုရားမတစ်ပါးရဲ့ အပြစ်ပေးမှုကြောင့် မြွေတစ်ပိုင်း၊ လူတစ်ပိုင်း ဖြစ်သွားပြီး နောက်ဆုံးမှာ ပါစီးယက်ရဲ့ ခေါင်းဖြတ်ခြင်းကိုပါ ခံခဲ့ရတယ်။ လူတွေအတွက် ပါစီးယက်က သူရဲကောင်းဖြစ်ပေမဲ့ မဒူဆာဘက်က ကြည့်ရင်တော့ သူတို့ဟာ မကောင်းဆိုးဝါးတွေပဲဆိုတဲ့ စကားပါ။

The Night Comes for Us (2018) IMDb - 7.0/10 Rotten - 90% Action/Thriller ဇာတ်ကားတစ်ကားဖြစ်ပြီ rating 7 အထိရရှိထားတာပဲဖြစ်ပါတယ်။ သရုပ်ဆောင်တွေကိုကြည့်ရုံနဲ့ ဒီကားကြမ်းမကြမ်းသိနိုင်မှာပါ။ ကြမ်းပါပေ့ဆိုတဲ့ action ကားတွေကိုမှကြိုက်တဲ့သူတွေအတွက် The Raid ဇာတ်ကားနဲ့အတူအောင်မြင်လာတဲ့ မင်သား Iko Uwais ပါဝင်ရိုက်ကူးထားတဲ့ ဒီကားဟာလုံးဝအကြိုက်တွေ့စေမှာပါ။ ဇာတမလမ်းဇာတ်ကွက်ကတော့ သိပ်မရှိပေမယ့် action အသားပေးထားပြီး အသားပေးထားတဲ့အတိုင်အရမ်းကြမ်းပါတယ်။ ကလေးငယ်တွေနဲ့မကြည့်သင့်သလို သွေးထွက်သံယိုတွေမကြည့်နိုင်သူတွေလည်း သတိထားရှောင်သင့်ရလောက်အောင် ကြမ်းပါတယ်။ အတိုက်အခိုက် အသတ်အဖြတ်တွေကို ကြမ်းကြမ်းတမ်းတမ်းရိုက်ပြတာမျိုးကြည့်ချင်သူတွေအတွက်ကတော့ လုံးဝအကြိုက်တွေ့စေမှာပါ။ မူရင်းစာဖိုင်မှာ English လိုပြောတဲ့နေရာတွေစာမပါတဲ့အတွက် ကိုယ်တိုင်ဖန်တီးထားတာကြောင့်လိုအပ်ချက်အနည်းငယ်ရှိမှာဖြစ်ပြီး နားလည်ပေးစေလိုပါတယ်။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုသူရပါ) File Size : (950 MB) Quality : NF WEB-DL 720p Running Time : 2 h 01 min Format : Mp4 Genre : Action , Thriller Subtitle : Myanmar Subtitle (Hard Sub) Source : 720p.NF.WEB-DL.DD5.1.x264-NTG Translated by Thura Zarni Aung Encoded by Thanhtike Zaw