Rezca Syam ပါဝင်သော ဇာတ်ကားများ

The Art of Understanding Lover (2024) IMDb Rating (8.0) ခါလစ်စ်ဟာ နယ်မြို့လေးတစ်ခုကနေ ဆိုလိုမြို့ကြီးဆီကို စာရေးဆရာမတစ်ယောက်ဖြစ်လာဖို့ အိမ်မက်တွေနဲ့ပြောင်းရွှေ့လာတဲ့ ကောင်မလေးတစ်ယောက်ပါ။ အဲ့ဒီမှာပဲ သူ့စာမူတွေကို တည်းဖြတ်ပေးရတဲ့ အဂတ်စ်ဆိုတဲ့လူငယ်လေးတွေနဲ့တွေ့ဆုံပြီး ချစ်ကျွမ်းဝင်ခဲ့ပါတယ်။ နှစ်ဦးလုံးက ရိုးသားကြိုးစားပြီး ဂုဏ်ပကာသနတွေကိုမမက်မောတဲ့သူတွေဖြစ်လို့ အချင်းချင်းကြားမှာ ပြဿနာမရှိပေမယ့် ယောက်ျားတွေနဲ့ပတ်သက်ပြီး နာစရာတွေရှိနေတဲ့ ခါလစ်စ်ရဲ့ သူငယ်ချင်းတွေက အမျိုးမျိုး မြှောက်ထိုးပင့်ကော်သွေးထိုးရာကနေ အချင်းချင်း နားလည်မှုတွေလွဲလာသလို သူ့အချစ်ဆုံး သူငယ်ချင်းရဲ့ အိမ်ထောင်ရေးစိတ်ဒဏ်ရာကြောင့်ပါ သူတို့နှစ်ယောက်အနာဂတ်ဟာမရေမရာဖြစ်လာပါတော့တယ်။ တစ်ယောက်နဲ့တစ်ယောက်အချစ်ကြီးချစ်ကြတယ်ဆိုတာတော့ သေချာနေတဲ့ သူတို့နှစ်ယောက်ဒီလိုကိစ္စတွေရဲ့ဂယက်ရိုက်မှုကို ဘယ်လိုသည်းခံကျော်လွှားကြမလဲ? သူတို့နှစ်ယောက်ရဲ့ အချစ်ဟာနောက်ဆုံးအချိန်ထိ လက်တွဲခိုင်မာအောင် နှောင်တည်းထားနိုင်မလား? စတာတွေကို သဘာ၀ ကျကျဟာသလေးတွေနဲ့ရှုစားရမှာဖြစ်ပါတယ်။ လက်တွေ့နဲ့အနီးစပ်ဆုံး အရိုးရှင်းဆုံး ပုံဖော်တင်ဆက်ထားပြီးဇာတ်လမ်းပြီးချိန်မှာပါ အပြုံးလေးနဲ့ကျန်ရစ်ခဲ့ရမယ့် ကားမျိုးမို့ အချစ်ဟာသ ပရိသတ်တွေအကြိုက်တွေ့မှာပါ။ File size… (1.6 GB) / (950 MB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama,Romance Duration…. 01:31:39 Subtitle…. Myanmar Subtitle (Hardsub)

Qodrat (2022) ဇာတ်ကားနာမည် ကွတ်ဒ်ရတ်က ပယောဂနှင်ပေးတဲ့ဆရာရဲ့နာမည်ပါ။ ကွတ်ဒ်ရတ်က အစ္စလာမ်ဘာသာဝင်ဆရာတစ်ယောက်ဖြစ်ပြီး ရှိုင်သာန် ဂျင်န် စတာတွေကိုနှင်ထုတ်ပေးသူဖြစ်ပါတယ်။ ဒါကြောင့်ဇာတ်လမ်းအတွက်အခြေခံဖြစ်တဲ့ ရှိုင်သာန်ဂျင်န် အကြောင်းကိုအနည်းငယ်ပြောပရစေ။ အစ္စလာမ်ဘာသာအရ လူတွေကိုမဖန်ဆင်းခင်မှာ မျိုးနွယ်တစ်စုကိုမီးနဲ့ဖန်တီးခဲ့ပြီး သူတို့ကိုဂျင်န်တွေလို့ခေါ်ပါတယ်။ နောက်ပိုင်းမှာဂျင်န်တွေရဲ့ သောင်းကျန်းမနာခံမှုတွေကြောင့် သူတို့ကိုတောတောင်တွေဘက်မှာသာနေထိုင်ဖို့မောင်းထုတ်လိုက်ပါတယ်။ ဒါပေမဲ့ဂျင်န်အားလုံးကဆိုးတာမဟုတ်ပဲ ကောင်းတဲ့ဂျင်န်တွေလဲရှိပါတယ်။ ဂျင်န်ထဲကတစ်ယောက်ဖြစ်တဲ့ အေဗလိစ်ဆိုရင် အလ္လာ့အမိန့်ကိုနာခံလွန်းလို့ ကောင်းကင်ဘုံထိပါတက်ခွင့်ရထားတယ်။ ဒါပေမဲ့ အလ္လာက လူသားကိုဖန်ဆင်းအပြီးမှာ လူသားကိုဦးချဖို့ အေဗလိစ်ကိုစေခိုင်းတော့ အေဗလိစ်က လူသားဟာ သူ့ထက်နိမ့်ကျတယ်ဆိုတဲ့မာနထားပြီး အလ္လာ့အမိန့်ကိုဖီဆန်လိုက်တာကြောင့် ကောင်းကင်ဘုံကနေနှင်ထုတ်ခံလိုက်ရပါတယ်။ သူ့ကို ရှိုင်သာန်မိစ္ဆာလို့ခေါ်ပါတယ်။ ရှိုင်သာန်က လူသားတွေကို လမ်းမှားဆီနည်းမျိုးစုံနဲ့ခေါ်သွားမယ်လို့ အလ္လာ့ကိုကတိပေးခဲ့သလို အလ္လာကလဲသူ့ရဲ့ဖန်ဆင်းခံလူသားတွေ ဘယ်လောက်လမ်းမှားမှား သူတို့အပြစ်တွေကိုသိနားလည်ပြီးဝန်ချတောင်းပန်သရွေ့ခွင့်လွှတ်မယ်လို့ကတိပေးထားပါတယ်။ အခုနပြောတဲ့ ဂျင်န်တွေထဲကဆိုးတဲ့ဂျင်န်တွေကလဲ ဒီရှိုင်သာန်ရဲ့နောက်လိုက်အပေါင်းအပါတွေဖြစ်ပြီး လူသားတွေကိုနှောင့်ယှက်ကြတယ်ပေါ့။ ဒီဇာတ်လမ်းမှာတော့ အာဆူအာလာဆိုတဲ့ဂျင်န်က ကွတ်ဒ်ရတ်ရဲ့သားလေးအလစ်ဖ်ကို ဝင်စီးပါတယ်။ ကွတ်ဒ်ရတ်ကလဲ ဒီဂျင်န်ကိုနှင်ပေမယ့် အာဆူအာလာကပိုစွမ်းအားကြီးနေပြီး ကွတ်ဒ်ရတ်သားလေးကိုလည်ပင်းချိုးသတ်ခဲ့ပါတယ်။ ကွတ်ဒ်ရတ်လဲ လက်လွတ်စပယ်မှုကြောင့်ထောင်ကျခဲ့ပါတယ်။ ထောင်ကလွတ်တော့ သူပညာဆည်းပူးခဲ့တဲ့ရွာလေးကိုပြန်သွားချိန်မှာ ရွာရဲ့အခြေအနေကတော်တော်ဆိုးနေပြီး ဂျင်န်ဝင်စီးခံရတဲ့သူတွေဆိုတာလဲအများကြီးပါ။ ကွတ်ဒ်ရတ်က ဒီဂျင်န်နှင်တာတွေကိုမလုပ်တော့ပေမယ့် သူ့သားလေးနဲ့နာမည်တူ အလစ်ဖ်ဆိုတဲ့ကလေးတစ်ယောက်လဲ ဂျင်န်ဝင်စီးခံရချိန်မှာတော့ ဒီကလေးကိုကုသပေးရင်း ရွာကဘာကြောင့်ဒီလိုတွေဖြစ်နေရလဲဆိုတာ မဖြစ်မနေအဖြေရှာရမယ့်အပြင် ရန်သူတော် အာဆူအာလာနဲ့လဲ ထပ်တွေ့ပြီးသူတို့အားပြိုင်မှုတွေကို ကြောက်ကြောက်နဲ့ပဲကြည့်လိုက်ကြပါဦး အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre..... Action, Drama, Fantasy Quality…. 1080p | 720p | 480p File size… 1.3GB | 615MB | 308MB Format… mp4 Duration…. 1h 42min Subtitle…. Myanmar Subtitle (Hardsub) Translator ..... Rashida Encoder ..... Aaron