Robert Webber ပါဝင်သော ဇာတ်ကားများ

Oscar Nomination ဝင်ထားတဲ့ဇာတ်ကားဖြစ်ပြီး ခရမ်းချဉ်သီး 82%, IMDb 6.2 ရရှိထားတဲ့ Comedy Movie ကောင်းတစ်ကားပဲ ဖြစ်ပါတယ်။ ဇာတ်လမ်းအစမှာကတည်းက ခွီနေရပြီး နံကြားထောက်ရယ်ရအောင် ပေါတောတော ဟာသတွေ လုံးဝမဟုတ်ပါဘူး။ ဘဝမှာ ကြုံတွေရမယ့် အခက်အခဲတွေကို ဟာသမြောက်အောင် ရိုက်ကူးထားပြီး နောက်ဆုံးမှာ Women Empowerment ကို လှလှပပ ဖော်ပြသွားနိုင်ပါတယ်။ အဓိကဇာတ်ဆောင် ကောင်မလေးရဲ့ Character Development က တော်တော်လေး သပ်ရပ်ပြီး လုံးဝ Cringe ဖြစ်မနေခဲ့ပါဘူး။ အိမ်ထောင်နှစ်ခါကွဲ အမျိုးသမီးတစ်ယောက်အနေနဲ့ စစ်ထဲရောက်သွားပြီး ဘဝကို ပြန်လည်တည်ဆောက်ဖို့ ကြိုးစားတဲ့ ဟာသဇာတ်လမ်းကောင်းပဲ ဖြစ်ပါတယ်။ ဇာတ်လမ်းအကျဉ်း ဂျူဒီဘန်ဂျမင်ဆိုတဲ့ အသက်ငယ်ငယ် မုဆိုးမလေးဟာ သူ့ရဲ့ ဒုတိယအကြိမ် မင်္ဂလာပွဲမှာ အရမ်းကို ပျော်ရွှင်နေခဲ့ပါတယ်။ ဒါပေမဲ့ သူနဲ့လက်ထပ်တဲ့အမျိုးသားဟာ Dinner Party မှာတောင် မရှောင်ဘဲ ကားပေါ်မှာ ရေနံတူးတဲ့သူပါ။ သူတို့ရဲ့ မင်္ဂလာဦးညမှာတင် အဲဒီအမျိုးသားဟာ ရေနံတူးနေရင်း တန်းလန်း အမောဖောက်ပြီး ကွယ်လွန်သွားပါတယ်။ ဘယ်လိုမှ ဖြေဆည်မရတော့တဲ့ ဘန်ဂျမင်ဟာ စည်းရုံးရေးမှူးရဲ့ အဆွယ်ကောင်းမှုကြောင့် စစ်တပ်ထဲ ရောက်သွားပါတယ်။ စစ်တပ်ထဲမှာ သူထင်ထားသလို မလွယ်ကူမှန်း သိသွားတာကြောင့် ထွက်ပြေးဖို့ ကြိုးစားပါတယ်။ သူ့မိဘတွေ ရောက်လာခဲ့ပြီး ပြည့်ပြည့်စုံစုံ ထားရဲ့သားနဲ့ စစ်ထဲရောက်သွားတဲ့ သမီးကို ဖခင်ဖြစ်သူက အသားကုန် အော်ငေါက်ပါတယ်။ ဒါကြောင့် အပြင်ကဘဝထက် စစ်တပ်ထဲမှာပဲ ဆက်နေဖို့ ဆုံးဖြတ်ရင်း အခက်အခဲမှန်သမျှကို ရင်ဆိုင်ခဲ့ပါတယ်။ ဂျူဒီတစ်ယောက် စစ်သမီးဘဝမှာ အကောင်းဆုံးဖြတ်သန်းနိုင်မလား။ အချစ်ရေး ကံမကောင်းတဲ့ ဂျူဒီဟာ နောက်ဆုံးမှာ ချစ်ရသူ အမျိုးသားတစ်ယောက်နဲ့ လက်ထပ်နိုင်သွားမလား။ ပေါ့ပေါ့ပါးပါး ဟာသတွေနဲ့အတူ အဆုံးထိ ခံစားကြည့်ရှုနိုင်ပါပြီခင်ဗျာ။ Quality.....Blu-Ray 1080p / 720p File Size.....(2.3 GB) / (1.3 GB) Genre.....Satire, Comedy, War Duration.....01:49:00

Madame Claude (1977) Madame Claude ဆိုတဲ့ ဇာတ်ကားကတော့ ၁၉၆၀-၁၉၇၀ ဝန်းကျင်မှာ ကျော်ကြားခဲ့တဲ့ Paris မြို့က ပြည့်တန်ဆာခေါင်းကြီး Fernende Grudet ခေါ် Madame Claude အကြောင်းကိုအခြေခံထားတာ ဖြစ်ပါတယ်။ Madame Claude ရဲ့ ပြည့်တန်ဆာဝန်ဆောင်မှုက ကြီးလွန်းလို့ အာဏာအရှိဆုံးဆိုတဲ့ ယောက်ျားတွေ သူဌေးတွေ နိုင်ငံရေးသမားကြီးတွေ နာမည်ကြီးတွေပါ အသုံးပြုကျတဲ့အတိုင်း သူ့မှာလျှို့ဝှက်ချက်တွေ အများကြီးကို ကိုင်ဆောင်ထားတဲ့လူပါ။ ဒီဇာတ်လမ်းထဲမှာ Madame Claude ရဲ့ စီးပွားရေး အင်ပါယာ ကိုယ်ပိုင် ဘဝ နောက်ကျောကို ဓါးနဲ့ထိုးတာတွေ အာဏာတွေ အားနည်းချက် တွေကို ယောက်ျားတွေ ကြီးစိုးတဲ့ ကမ္ဘာမှာ ဘယ်လိုကျော်ဖြတ်ခဲ့ရသလဲဆိုတာကို တင်ဆက်ပြသထားတာပဲဖြစ်ပါတယ်။ နောက်ထပ်အရေးကြီးတဲ့ ဇာတ်ကောင်ကတော့ Sidonie ဆိုတဲ့ အမျိုးသမီးပါ Madam Claude ရဲ့တပည့် သူမရဲ့ ကိုယ်ပိုင်ဘဝရော အလုပ်မှာရော အရေးပါခဲ့တဲ့ လူပါ။ Madam Claude တယောက် အာဏာကြီးလာတာနဲ့အမျှ ရန်သူတွေလဲများလာပါတယ်။ နောက်ဆုံး သူတည်ဆောက်ထားတဲ့ အင်ပါယာကြီးကိုပါ ပျက်စီးဖို့ ဖြစ်လာတဲ့အခါမှာ ဘယ်လိုဖြေရှင်းကျော်လွှားမလဲဆိုတာ...။ ၁၉၇၇ ဝန်းကျင်က ပြင်သစ်နိုင်ငံရဲ့ နိုင်ငံရေးတွေ ယဥ်ကျေးမှုတွေ သေချာလေး တင်ဆက်ထားတာဖြစ်လို့ ခေတ်ဟောင်းပုံစံတွေ စိတ်ဝင်စားတယ်ဆိုရင် ကြည့်သင့်တဲ့ ဇာတ်လမ်းတစ်ခုပဲ ဖြစ်ပါတယ်ခင်ဗျာ။ - အဖော်အချွတ်ခန်းတွေပါဝင်တာမလို့ မိသားစုနဲ့တော့ ကြည့်လို့မရပါဘူး။ (ရုပ်ရှင်အညွှန်းနဲ့ဘာသာပြန်ကို Moe Zac မှ တင်ဆက်ထားပါတယ်။) File size…(3.2 GB )/(1.2 GB) Quality….BluRay 1080p HEVC / 720p Format…mkv/mp4 Duration….01:50:00 Subtitle….Myanmar Subtitle (Hardsub) Encoder….Ka Naung Trasnlated by Moe Zac

ဒီဇာတ်ကားက ဒုတိယကမ္ဘာစစ်မှာ ပစိဖိတ်စစ်ပွဲရဲ့ စစ်ရေးချိန်ခွင်လျှာကို ပြောင်းလဲသွားစေတဲ့ မစ်ဝေးတိုက်ပွဲကို ရိုက်ကူးထားတာ ဖြစ်တယ်။ အချိန်ကာလကတော့ ဂျပန်တွေ ပုလဲဆိပ်ကမ်းကို ဗုံးကျဲပြီး ၆လအကြာ... ရေတပ်ဗိုလ်ချုပ်ကြီး နီမစ်ဇ် ဦးဆောင်တဲ့ အမေရိကန်ရေတပ်ဟာ အတော်လေးကိုမှ အခက်တွေ့နေခဲ့ရတာ ဖြစ်ပါတယ်။ အမေရိကန်ရေတပ်က လေယာဉ်တင်သင်္ဘောတွေကို မနည်းပြင်ဆင်နေရတယ်ဆိုတာကို ရိပ်စားမိတဲ့ ဂျပန်ရေတပ်ဗိုလ်ချုပ်ကြီး ယာမာမိုတိုက မစ်ဝေးကျွန်းကို လာရောက်တိုက်ခိုက်ဖို့ ခွင့်ပြုချက်ရယူလိုက်တယ်။ ရန်သူအင်အား ၂ဆပိုများတဲ့၊ ကမ္ဘာ့အင်အားအကြီးဆုံး ရေတပ်ဘွဲ့ကို ရထားတဲ့ ဂျပန်ဘုရင့်ရေတပ်မတော်ကို ဗိုလ်ချုပ်ကြီးနီမစ်ဇ် ဦးဆောင်တဲ့ အမေရိကန်ရေတပ်က ဘယ်လိုတွေ ချေမှုန်းမလဲဆိုတာကို မြင်တွေ့ရမှာ ဖြစ်တယ်။ မစ်ဝေးတိုက်ပွဲအကြောင်း ပုံဖော်ထားတဲ့ ၁၉၇၆ခုနှစ်ထွက် ဒီဗားရှင်းကတော့ သူတို့ခေတ်အခါက အမိုက်စား cast တွေကို သုံးထားပြီး Sensurround sound system ကိုသုံးထားခဲ့တယ်။ မျိုးချစ်စိတ်ကို ပိုပြီးပေါ်လွင်စေပါတယ်တဲ့။ ၂၀၁၉ ခုနှစ်ထွက်ဗားရှင်းကတော့ သမိုင်းကြောင်းအချက်အလက်အရ ပိုမိုမှန်ကန်တယ်လို့ ဆိုကြပါတယ်။ အညွှန်းနဲ့ ဘာသာပြန်ကတော့ Nway Oo K Zaw ဖြစ်ပါတယ်။ File size…(2.7 GB)/(1.5 GB) Quality….Blu-Ray 1080p / 720p Format… mp4 Duration…. 02:12:00 Genre... Action, Drama, History, War Subtitle….Myanmar Subtitle (Hardsub)

ဒုတိယကမ္ဘာစစ်ဖြစ်ပွားနေချိန် အမေရိကန်စစ်တပ်အရာရှိ မေဂျာရိုက်စ်မန်းဟာ ‌ရိုင်းစိုင်းပြီးအမိန့်ကို ဖီဆန်တတ်ရုံမက ခံစားချက်မဲ့သူဆိုပြီး ဝေဖန်ရှုတ်ချခံရကာ အထက်လူကြီးတွေရဲ့ မျက်မုန်းကျိုးတာကို ခံရသူ။ တစ်နေ့မှာတော့ သူဟာ လူသတ်မှု၊ မုဒိမ်းမှု၊ အကြမ်းဖက်မှုတွေနဲ့ သေဒဏ် မဟုတ်ရင် နှစ်ရှည်ထောင်ဒဏ်ချမှတ်ခံထားရတဲ့ အကျဉ်းသား ၁၂ ယောက်ကိုရွေးကာ အပြင်းအထန်လေ့ကျင့်ပေးပြီး နာဇီအခြေစိုက်စခန်းတစ်ခုကို ၀င်တိုက်ရမယ့် စစ်ဆေးရေးတစ်ခုကို တာ၀န်ပေးအပ်ခြင်းခံခဲ့ရတယ်။ စစ်ဆင်ရေးကို အောင်မြင်ခဲ့ရင် အရွေးချယ်ခံထားရတဲ့ အကျဉ်းသားတွေဟာ အပြစ်ဒဏ် လျှော့ပေါ့ပေးခံရနိုင်ခြေရှိသလို လျှော့ပေါ့ပေးမခံရနိုင်တာမျိုးလည်းရှိမယ်။ အကျဉ်းသားတွေဟာ တစ်ယောက်နဲ့တစ်ယောက် ဆိုးသွမ်းပုံချင်းမတူကြပေမဲ့ အရာရှိတွေကို မုန်းတီးတဲ့နေရာမှာတော့ တူညီကြတယ်။ သူတိုရဲ့ရန်သူဟာ နာဇီတွေမဟုတ်ဘဲ အမေရိကန်စစ်တပ်အရာရှိတွေသာဖြစ်ပြီး ကမ္ဘာစစ်ကလည်း သူတိုနဲ့မဆိုင်၊ ခံယူချက်ကိုယ်စီနဲ့ ထိန်းချုပ်ရခက်တဲ့ စိတ္တဇလူသတ်ကောင် မုဒိမ်းကောင်တွေ။ ဒီလိုမျိုး ကိုင်တွယ်ရခက်ပြီး စည်းလုံးမှုမရှိတဲ့ အကျဉ်းသား တစ်ဒါဇင်ကို မေဂျာရိုက်စ်မန်းတစ်‌ယောက် ဘယ်လိုမျိုး လေ့ကျင့်ပေးမလဲ။ လေ့ကျင့်ရေးအပြီး စစ်ဆင်ရေးကိုလုပ်ဆောင်ချိန်မှာရော ဆိုးမိုက်လိုထောင်ကျနေတဲ့သူတွေနဲ့ဖွဲစည်းထားတဲ့ မေဂျာရိုက်စ်မန်းတိုအဖွဲဟာ စစ်ဆင်ရေးကို အောင်မြင်အောင်လုပ်ဆောင်နိုင်မလား။ စစ်ဆင်ရေးအောင်မြင်သွားခဲ့သည်ရှိသော် အကျဉ်းသားတွေကရော အပြစ်ဒဏ်လျှော့ပေါ့ပေးခံရလေမလား.....။ The Dirty Dozen ဟာ ၁၉၆၇ ခုနှစ်ထွက် ဂန္တ၀င်မြောက် စစ်ကားကြီးတစ်ကားဖြစ်ပြီး နှစ်ပေါင်း ၅၀ ကျော်သွားခဲ့ပေမဲ့ ဒီနေ့ထိတိုင် ဇာတ်ကားကောင်းစာရင်းထဲ၀င်နေဆဲဖြစ်တာမို အချိန်ပေးရကျိုးနပ်စေမှာပါ။ File size…(13.5 GB)/(4.1 GB)/(2 GB) Quality….WEB-DL HEVC 4K/ Blu-Ray 1080p / 720p Format… mp4 Duration…. 02:30:00 Genre... Action, Adventure, War Subtitle….Myanmar Subtitle (Hardsub) Encoder….Garfield Translated by Su

12 Angry Men (1957) IMDB - 8.9 out of 10 Rotten Tomatoes - 100 out of 100 All Time IMDB Top 5 ကြည့်ခဲ့ဖူးတာ ကြာပြီဆိုတဲ့ တစ်ချို့ ရုပ်ရှင်တွေမှာ ဇာတ်လမ်းဇာတ်အိမ်ကို ကျွန်တော်တို့ မမ‌ှတ်မိတော့ ရင်တောင် ရခဲ့ဖူးတဲ့ ခံစားမှုတွေက ပြန်လာတတ်ပါတယ်။ ဒီရုပ်ရှင်ဟာ ကျွန်တော့်ကို Terminalရုပ်ရှင်ထဲက ဇာတ်ဝင်ခန်း တစ်ခုကို သတိရစေပါတယ်။ အဖေအတွက် ဆေးခိုးသယ်တဲ့ လူအခန်းမှာလားတော့ သေချာမမှတ်မိတော့ပါဘူး သုံးတဲ့ စကားလုံးအတိအကျကိုလည်း သေချာမမှတ်မိတော့ပါဘူး။ တစ်ခါတလေ လူတွေအကျိုးနဲ့ယှဉ်ရင် စည်းမျဉ်းတွေကို ဘေးဖယ်ထားပေးထားရတယ်ဆိုတဲ့ အဓိပ္ပာယ်ပေါက်တဲ့ စကားစုလေးကို ကျွန်တော် မှတ်မိနေပါသေးတယ်။ စစ်မှန်တဲ့ ဒီမိုကရေစီစနစ်ရဲ့ တရားစီရင်မှုနည်းစနစ်အရ တရားသူကြီးမင်းဟာ ဂျုရီဆယ့်နှစ်ယောက်ကို ကျပန်း ဖိတ်ကြားခဲ့တယ်။ ဒီလူတွေဟာ ဒီအမှုကနေ ဘာမှရယူစရာဆုံးရှုံးစရာမရှိတဲ့လူတွေ။ မတူညီတဲ့လူတန်းစာအလွှာလွှာ မတူညီတဲ့အသက်မွေးဝမ်းကြောင်း‌‌တွေ မတူညီတဲ့ စိတ်သဘောထား‌တွေ မတူညီတဲ့ဘဝအမြင်ရှိတဲ့လူတွေ။ သူတို့ အဆုံးအဖြတ်ပေးရမယ့် အမှုက လူသက်သေ ပစ္စည်းသက်သေ အကုန်ရှိနေတဲ့ လယ်ပြင်ဆင်သွားသလို ရှင်းလင်းနေတဲ့ လူသတ်မှု။ တရားသူကြီးရဲ့ မြွက်ကြားချက်အရ ဒီလူဆယ့်နှစ်ယောက်ရဲ့ တရားခွင်ကို တင်ပြရမယ့်အဖြေဟာ တစ်ခုတည်းဖြစ်ရမယ်။ ကျိုးကြောင်းဆီလျော်တဲ့ သံသယတစ်ခုရှိမယ်ဆိုရင် တရားခံဟာ အပြစ်မရှိဘူးလို့ ဆုံးဖြတ်လို့ရတယ်။ အပြစ်ရှိတယ်ဆိုရင် အပြစ်ရှိကြောင်း လိပ်ပြာလုံလုံ တွေ့ရှိရမယ်။ ခေါင်းဆောင်လုပ်ချင်တဲ့လူ၊ဆင်ခြင်တုံတရားရှိတဲ့လူ၊ တရားသေသမား၊သွေးအေးတဲ့လူ၊သာမန်လူ၊ မတရားတာမြင်မနေတတ်တဲ့လူ၊ငို့ဘ၊ နှလုံးသားကြီးတဲ့လူ၊၊နားလည်တတ်တဲ့လူ အရင်းရှင်ဝါဒသမား၊တရားမျှတချင်တဲ့သူ၊ ဟန်များတဲ့လူ။ ဒီလိုစရိုက်မတူတဲ့လူ ဆယ့်နှစ်ယောက်ဟာ ဒီအမှုအတွက် ဖိတ်ကြားခံရတဲ့ ဂျူရီတွေပါပဲ။ ဒီလောက်ထင်ရှားနေတဲ့ သက်သေတွေနဲ့ အမှုမို့ ဂျူရီတွေဟာ အမှုအကြောင်း ဘာမှဆွေးနွေးမနေဘဲ အပြစ်ရှိမရှိမဲပေးဖို့ ဆုံးဖြတ်လိုက်ပါတယ်။ ဆင်ခြင်တုံတရားရှိတဲ့သူကလွဲ ကျန်တဲ့ဆယ့်တစ်ယောက်ဟာ အပြစ်ရှိတယ်လို့ မဲပေးခဲ့တယ်။ ဒါပေမယ့်လည်း သူတို့ ဆယ့်နှစ်ယောက်ဟာ အဖြေတစ်ခုတည်းဖြစ်ရမှာဖြစ်လို့ သဘာမတူတဲ့လူကို နားချဖို့ဖြစ်လာတယ်။ ဒီရုပ်ရှင်ထဲက အမှုဟာ ကျွန်တော်တို့ မျက်ကွယ်မှာဖြစ်တာပါ။ ဒီအမှုဟာ တကယ်တမ်း ဘာဖြစ်ခဲ့တာလဲ ဂျူရီတွေမသိသလို ကျွန်တော်တို့လည်း မသိပါဘူး။ ဒါကပဲ ကျွန်တော်တို့ကို ရသတစ်ခုပေးပါတယ်။ ကျွန်တော်တို့ဟာလည်း ဂျူရီတွေလိုပဲ ဘာမှမသိရပါဘဲ ဆုံးဖြတ်ချက်တစ်ခုချဖို့ ဒီတစ်နာရီကိုခွဲမှာ စီးမျောပါသွားပါလိမ့်မယ်။ ကောင်လေးမှာ တကယ်အပြစ်ရှိမရှိ ကျွန်တော်တို့မသိသလို ဂျူရီတွေလည်း မသိပါဘူး။ တကယ်ဆိုရင် တွေးနေစရာလည်းမလိုပါဘူး။ မျက်မြင်သက်သေ ရှိပြီးသားလူသတ်မှုမှာ လျှပ်စစ်ကုလားထိုင်ပေါ်တင်လိုက်ရုံမျှအပ ရွေးချယ်စရာမရှိပါဘူး။ ဒါက ဥပဒေပါပဲ။ ဒါပေမယ့် လူသားဆန်မှုမှာတော့ ဥပဒေထက်ပိုတဲ့ရွေးချယ်စရာတွေရှိလာပါတယ်။ စည်းမျဉ်းဥပဒေတွေကို ဖယ်ထားပြီး လူသားဆန်မှုနဲ့တွေးကြတဲ့အခါ ပိုများတဲ့ ရွေးချယ်စရာတွေရှိလာပါတယ်။ ဒီရွေးချယ်စရာတွေကနေမှအပြစ်ရှိတယ်လို့ တရားသေသတ်မှတ်ခံရတဲ့၁၈နှစ်သားကောင်လေးတစ်ယောက်မှာ တကယ်အပြစ်ရှိမရှိ ကျွန‌်တော်တို့အားလုံး ဆုံးဖြတ်ရမှာပါ။ ရုပ်ရှင်ထဲမှာ အယူမတူလို့ ပေါက်ကွဲနေတဲ့လူ ဆယ့်နှစ်ယောက်ရှိပါတယ်။ ဒီရုပ်ရှင်ပြင်ပမှာလည်းကြည့်ပြီးတဲ့အခါ ငြင်းရင်းခုံရင်း Angry Manတွေထပ်ထွက်လာဦးမှာပါပဲ။ ပြည်သူတစ်ယောက်ကို တရားစီရင်ဖို့ ပြည်သူဆယ့်နှစ်ယောက်ကို တာဝန်ပြန်ပေးထားတဲ့ ဒီမိုကရေစီစနစ်ရဲ့ တရားစီရင်မှုမှာ အဲ့ဒီပြည်သူတွေရဲ့ နှလုံးသားထဲမှာ အမုန်းတွေနဲ့ ပြည့်မနေဖို့လည်းလိုပါတယ်။ ကျွန်တော်တို့ဟာ အမှားပေါင်းမြောက်များစွာနဲ့လူသားတွေပါပဲ။ ဒီတရားစီရင်မှုမှာ ကျွန်တော်တို့ရဲ့ ဆင်ခြင်တုံတရားတွေကပဲ ကျွန်တော်တို့ရဲ့ နှလုံးသားကိုအနိုင်ရမလား။ ကျွန်တော်တို့နှလုံးသားတွေကပဲ ဆင်ခြင်တုံတရားကို အနိုင်ရမလားလွန်ဆွဲရမှာပါ။ ဘာကိုပဲရွေးရွေးပါ ကျွန်တော်တို့ဟာ လူသားတွေပါပဲ။ မှန်နိုင်တယ် မှားနိုင်တယ်။ ရွေးချယ်ရမှာကတော့ ကျွန်တော်တို့နဲ့ ကျွန်တော်တို့ နှလုံးသားရဲ့ အလုပ်ပါပဲ။ ( အညွှန်းနဲ့ဘာသာပြန်သူကတော့ WiRa Aung ဖြစ်ပါတယ် ) File size__( 850 MB) Quality__720p IMDb Rating__8.9/10 Format__mp4 Duration__01:30:00 Type__Crime , Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt