Robin Weigert ပါဝင်သော ဇာတ်ကားများ

ဒုတိယကမ္ဘာစစ်အစောပိုင်းမှာ ကာ့တို့မိသားစုဟာ ချမ်းသာတဲ့အရှိန်နဲ့ ရာဒွန်းမြို့မှာ ဘေးကင်းကင်းနဲ့ နေထိုင်နေကြပါတယ်။ ဒါပေမဲ့ ကာ့တို့က ဂျူးသွေးပါတဲ့အတွက် ဟစ်တလာအာဏာရတဲ့အချိန်မှာ ရှောင်တိမ်းရပါတော့တယ်။ ဒီလိုရှောင်တိမ်းရင်းနဲ့ ကာ့တို့မိသားစုတွေ တကွဲတပြားစီဖြစ်သွားပါတော့တယ်။ ဒီလိုနဲ့ မိသားစုပြန်လည်ပေါင်းစည်းနိုင်ဖို့ ကာ့တို့မောင်နှမတွေ ကိုယ်စီ ဘ ယ်လိုကြိုးစားကြမလဲ သူတို့တွေ တကယ်ပဲပြန်လည်ဆုံစည်းနိုင်ကြပါ့မလား... Georgia Hunter ‌ရဲ့ We were the lucky ones ဆိုတဲ့စာအုပ်ကို အခြေပြုရိုက်ကူးထားတာဖြစ်ပြီး Kissing Booth မင်းသမီး Joey King ပါဝင် သရုပ်ဆောင်ထားပါတယ်။ 2024 Marchလ 28ရက်‌နေ့မှာထွက်ရှိလာတဲ့ စီးရီးအသစ်လေးပဲဖြစ်ပါတယ်။ File size…    500 MB Quality… Web-DL 1080p Format… mp4 Duration…. 50m Genre ..... Drama/War Subtitle…. Myanmar Subtitle (Hard Sub) Encoder…. Thit San Khant Translated by Htet Aung Lwin , Elizabeth Khant , Benni

Tracker (2024) Season ( 1 to 3) Complete Season 4 Ongoing Smallville ထဲ အိုလီဗာကွင်း ဂရင်းအဲရိုးအဖြစ်သရုပ်ဆောင်ခဲ့တဲ့ Justin Hartley အဓိကသရုပ်ဆောင်ထားတဲ့ စီးရီးအသစ်ပါ။ ဒီစီးရီးက ဘာနဲ့တူလဲဆို ခုမြင်ရများတဲ့ စီးရီးတွေထက် ဟိုးတုန်းက စီးရီးတွေပုံစံမျိုးပိုသွားတယ်။ ဇာတ်ကတော့ သူ့နာမည်အတိုင်းပဲ လူပျောက်တာတွေ ပစ္စည်းပျောက်တာတွေကို ခြေရာခံလိုက်ရှာပြီး အဲဒီအတွက် ထုတ်ထားတဲ့ ဆုကြေးကိုစားနေတဲ့ ဆုကြေးစားတစ်ယောက်အကြောင်းပဲ။ သူများပြဿနာတွေကို ဖြေရှင်းရင်း သူ့ပြဿနာတွေတစ်စနဲ့တစ်စပေါ်လာတာက စူပါနေထရယ်ရဲ့စစချင်းစီဆန်တွေလိုပဲ။ အမှုတစ်ခုလိုက်လိုက် ငွေထုတ်လိုက် နောက်တစ်မှုထပ်ရှာလိုက်။ သူကတစ်ယောက်တည်းလုပ်နေတာတော့မဟုတ်ဘူး။ သူ့နောက်မှာ အချက်အလက်တွေစုဆောင်းပေးတဲ့သူတွေ ဟက်ကာတွေ နောက် ရှေ့နေတွေအထိပါရှိနေတယ်။ တစ်ခါတလေ လူပျောက်ရှာတာက စွန့်စားခန်းဆန်ပေမဲ့ တစ်ခါတလေကျလည်း စုံထောက်ကားကြည့်နေရသလိုပဲ။ သူ့အတိတ်မှာလည်း ပဟေဠိတစ်ခုချန်ထားတာဆိုတော့ လူပျောက်တွေလိုက်ရှာ အမှုတွေရှင်းရင်း သူ့အတိတ်က ပဟေဠိဘယ်လိုပုံပေါ်လာမလဲကြည့်ရလိမ့်မယ်။ လက်ရှိအထိတော့ ၃ပိုင်းထွက်ထားပြီး တစ်ပတ်ကိုတစ်ပိုင်းနှုန်းနဲ့ ၁၃ပိုင်းအထိ ဆက်ထွက်သွားဖို့ရှိတယ်။ အမှုလိုက်တာတွေ လူပျောက်ရှာတာတွေ အက်ရှင်ခန်းတွေ မိန်းမလှလေးတွေ မြိုင်မြိုင်ဆိုင်ဆိုင်ပါတာမို့ ထမင်းစားရင်း ဘာကြည့်ရမလဲမသိဖြစ်နေရင် ကြည့်လို့ကောင်းမယ့် စီးရီးပါပဲ။ Size ~ 900MB+ Total - 13 Episodes Quality – 1080p Duration ~ 1h (@Episode) Subtitle – Myanmar Hardsub Format – Mp4 Genre : Crime, Drama Source : AMZN.Web-dl.1080p

Tokyo Cowboy (2024) ဒီတစ်ခါတင်ဆက်ပေးချင်တာလေးကတော့ ဂျပန်ကနေ အမေရိကန်ကို စီးပွားရေးအကျိုးအမြတ်ရဖို့ သွားရောက်ရင်း ကောင်းဘွိုင်ဖြစ်သွားတဲ့ မန်နေဂျာဆာခါအိအကြောင်း ရိုက်ကူးတင်ဆက်ထားတဲ့ Drama Comedy ကားလေးပဲ ဖြစ်ပါတယ်။ ကိန်းဂဏန်းတွေကိုဖတ်ရင်း လုပ်ငန်းအရှုံးအမြတ်ကို တွက်ချက်အကဲဖြတ်သူနဲ့ ကိန်းဂဏန်းတွေရလာဖို့ မြေပြင်မှာ ရုန်းကန်နေသူတို့ရဲ့ အလုပ်နဲ့ဘဝအပေါ် တွေးခေါ်ပုံကွာခြားတာကို ဒီဇာတ်ကားမှာ မြင်သာအောင် ချပြပေးထားတဲ့အပြင် လှပတဲ့ အမေရိကန်ကျေးလက်ရှုခင်းအလှ၊ ကောင်းဘွိုင်တွေရဲ့ ဘဝနေထိုင်မှုပုံစံတွေကိုပါ ပေါ်လွင်အောင် ရိုက်ကူးတင်ဆက်ထားတဲ့အတွက် စိတ်အပန်းဖြေအောင် ခံစားကြည့်ရှုနိုင်ဖို့ မိတ်ဆက်ပေးလိုက်ပါတယ်။ ဇာတ်လမ်းအကျဉ်း မန်နေဂျာ ဆာခါအိဟာ သူတို့ ကုမ္ပဏီအကျိုးအမြတ်ရဖို့အတွက် လုပ်ငန်းတွေကို လိုက်လံ အကဲဖြတ်ရင်း ပိုကောင်းတဲ့လုပ်ငန်းအစီအစဉ်သစ်တွေကို ရေးဆွဲကာ မိတ်ဆက်ပေးနေတဲ့ မန်နေဂျာတစ်ယောက်ဖြစ်ပါတယ်။ တစ်နေ့မှာတော့ သူတို့ကုမ္ပဏီက အမေရိကားမှာရှိတဲ့ မွေးမြူရေးခြံကို လက်လွှဲယူလိုက်ပြီး ထိုခြံကနေ အကျိုးအမြတ်များစွာရလာဖို့ မန်နေဂျာဆာခါအိကို ကျွမ်းကျင်ပညာရှင် ဝါဒါနဲ့အတူ စေလွှတ်လိုက်ပါတယ်။ ဒီလိုနဲ့ ဂျပန်ကနေ အမေရိကန်နိုင်ငံ မွန်တာနာက မွေးမြူရေးခြံကို ဂျပန်မျိုးစိတ်နွားမွေးမြူဖို့ သွားရောက်စည်းရုံးစဉ် အတူလိုက်လာသူ ဝါဒါက မတော်တဆဖြစ်သွားတဲ့အတွက် ဆာခါအိ တစ်ယောက်တည်း ခြံလုပ်ငန်းရဲ့ခေါင်းဆောင်နဲ့ငယ်သားများကို စည်းရုံးဖို့ ဖြစ်လာပါတော့တယ်။ အဆင်မြင့်ကုမ္ပဏီက ကိန်းဂဏန်းတွေအပေါ်မှာပဲ အကဲဖြတ်ကာ အကျိုးအမြတ်တွက်ချက်သူ မန်နေဂျာတစ်ယောက် မွေးမြူခြံကို ကိုယ်တိုင်ရောက်သွားတဲ့အခါမှာတော့ ခြံမှာရှိတဲ့သူတွေကို စည်းရုံးဖို့ မလွယ်ကူမှန်း သိလာခဲ့ပါတယ်။ ပေးအပ်တဲ့တာဝန်ကို အောင်မြင်အောင် လုပ်တတ်သူပီပီ ဆာခါအိတစ်ယောက် မွေးမြူခြံခေါင်းဆောင်နဲ့ လုပ်သားတွေကို ဘယ်လိုဆွဲဆောင်စည်းရုံးသွားမလဲ... မွေးမြူရေးနဲ့ပတ်သက်ရင် ဘာတစ်ခုမှမသိတဲ့ ဆာခါအိကိုရော ခြံခေါင်းဆောင်နဲ့လုပ်သားတွေက ဘယ်လိုတွေ ပညာပေးကြမလဲ... ဆာခါအိရဲ့ ကိုယ်ပိုင်ခံယူချက်စံနှုန်း သဘောထားတွေအပေါ် အမေရိကန် ကျေးလက်ကောင်းဘွိုင်တွေက ဘယ်လိုလွှမ်းမိုးသွားကြမလဲဆိုတာ... ဇာတ်လမ်းလေးထဲမှာ ကြည့်ရှုခံစားကြည့်လိုက်ပါနော် .. File size…1.70GB / 825MB Quality… WEB-DL 1080p/ 720p Format…mp4 Duration….1h 58m Genre ….. Life, Drama Subtitle….Myanmar Subtitle (Hard Sub)

The Optimist (2023) IMDb Rating (6.5) / Rotten Tomatoes (95%) Avatar ထဲက ဗိုလ်ချုပ်ကြီးအဖြစ် လူသိများတဲ့ မင်းသားကြီး Stephen Lang ဟာ ဒီကားထဲမှာတော့ စိတ်ဒဏ်ရာတွေရှိနေတဲ့ အဖိုးအိုတစ်ယောက်အဖြစ်ဒုတိယကမ္ဘာစစ်ဖြစ်ရပ်မှန်သမိုင်းကြောင်း ဒရမ်မာမှာ ပါဝင်ထားပါတယ်။ ဇာတ်လမ်းကတော့ ဟိုလိုကော့စ် (Holocaust) သတ်ဖြတ်ပွဲကနေ အသက်ရှင်ကျန်ရစ်ခဲ့သူ Herbert Heller (Stephen Lang) အကြောင်းပါ။ သူဟာ အတိတ်က နာကျင်စရာတွေကို ဘယ်သူ့ကိုမှ မပြောဘဲ လျှို့ဝှက်ချက်အဖြစ် နှစ်ပေါင်း ၆၀ ကြာအောင် သိမ်းဆည်းထားခဲ့ပါတယ်။ ဒါပေမဲ့ သူဟာ စိတ်ပိုင်းဆိုင်ရာ ပြဿနာတွေနဲ့ ရုန်းကန်နေရတဲ့ ဆယ်ကျော်သက်မိန်းကလေး Abby နဲ့ ဆုံတွေ့ခဲ့တဲ့အခါမှာတော့ သူတို့နှစ်ယောက်ကြားမှာ ထူးခြားတဲ့ သံယောဇဉ်တစ်ခု ဖြစ်ပေါ်လာပါတော့တယ်။ Herbert ဟာ Abby ကို ကူညီပေးရင်းနဲ့ပဲ သူဖုံးကွယ်ထားခဲ့တဲ့ အတိတ်က အမှန်တရားတွေကို ပထမဆုံးအကြိမ်အဖြစ် ဖွင့်ဟပြောဆိုဖို့ ဆုံးဖြတ်လိုက်ပါတယ်။ ဒီလိုမျိုး အမှန်တရားကို ရင်ဆိုင်ခြင်းကပဲ သူတို့နှစ်ဦးစလုံးအတွက် စိတ်ပိုင်းဆိုင်ရာ လွတ်မြောက်မှုနဲ့ မျိုးဆက်နှစ်ခုကြားက စိတ်ဒဏ်ရာတွေကိုဘယ်လို ကုစားသွားမလဲဆိုတာကို အကောင်းဆုံးပုံဖော်ထားပါတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (1.9 GB) / (1.1 GB) Quality…. WEB-Rip 1080p HEVC / 720p Format…. mkv/mp4 Genre…. Drama Duration…. 01:42:34 Subtitle…. Myanmar Subtitle (Hardsub)

Our Son (2023) ~ Rotten Tomatoes - 58%, Meta - 86% ~ ရိုးရိုးလေးနဲ့ လက်တွေ့လောကမှာဖြစ်တတ်တဲ့ အချစ်ရေးမိသားစုအရေးတွေကို LGBTQ+ စုံတွဲနဲ့ပုံဖော်ထားတဲ့ Drama အမျိုးအစားဖြစ်ပါတယ်။ နယူးယောက်မှာ လိင်တူစုံတွဲတွေ လက်ထပ်ခွင့်ရကတည်းက ၁၃နှစ်ကြာလက်ထပ်ပေါင်းသင်းလာကြတဲ့ နစ်ကီနဲ့ဂေဘရီရယ်တို့ ဂေးစုံတွဲ... သူတို့မှာ နစ်ကီရဲ့မျိုးစေ့နဲ့ အငှားကိုယ်၀န်ဆောင်ပြီးယူထားတဲ့ အို၀မ်ဆိုတဲ့ ၈နှစ်အရွယ်သားလေးရှိတယ်။ နစ်ကီက စာအုပ်‌ထုတ်ဝေသူဖြစ်ပြီး ဂေဘရီရယ်ကတော့ နစ်ကီကိုမွေးပြီးကတည်းက ကလေးစောင့်ရှောက်ဖို့ဆိုပြီး အရင်သရုပ်ဆောင်အလုပ်ကနေနားလိုက်တာ အခုထိပါပဲ။ နှစ်တွေအကြာကြီးပေါင်းလာပြီး တဖြည်းဖြည်းနဲ့ သံယောဇဉ်ကုန်လာတယ်ပြောရမလား... ဂေဘရီရယ်က နစ်ကီက သူတို့သားကို ဂရုမစိုက်ဘူး အလေးမထားဘူးလို့ တစ်စတစ်စမြင်လာပါတယ်။ နစ်ကီမသိအောင် တခြားတစ်ယောက်ပါတွေ့နေပြီး နောက်ဆုံးမှာ ကွာရှင်းဖို့ ထုတ်ပြောလာပါတယ်။ နစ်ကီကလည်း အို၀မ်ကို မပေးနိုင်... ဂေဘရီရယ်ကလည်း အို၀မ်အတွက် သူကပိုသင့်တော်တယ်ဆိုပြီး နှစ်ယောက်သား ကလေးအုပ်ထိန်းခွင့်လုကြရင်း တရားရုံးထိပါရောက်သွားတဲ့အခါ... ၁၃နှစ်ကြာခဲ့တဲ့ သူတို့ရဲ့ဆက်ဆံရေးက နောက်ဆုံးမှာ တခြားသူတွေလိုပဲ ကွာရှင်းခြင်းနဲ့ အဆုံးသတ်မလား... အို၀မ်အတွက် ဘယ်အရာက အကောင်းဆုံးဖြစ်မလဲ... လိင်တူစုံတွဲတွေ ကြုံရတတ်တဲ့ မိသားစုပြသာနာတွေ ကလေးပြသာနာတွေအပြင် ပတ်၀န်းကျင်နဲ့ မိဘတွေဘက်က သဘောထားတွေကိုပါ ထည့်သွင်းထားတာ မြင်ရမှာပါ။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.45GB, 600MB Quality - 1080p, 720p Format - mp4 Duration - 1H 44Min Genre - Crime, Drama Subtitle - Myanmar Subtitle (Hardsub) Translated by Shune Lai KK Encoded by Y

ဒေါက်တာရို့စ်ကော်တာဟာ အရေးပေါ်စိတ်ရောဂါကုသရေးဌာနမှာ တာဝန်ကျနေတဲ့ စိတ်ရောဂါကုဆရာဝန်တစ်ယောက်ပါ။ သူ့ဆီကို ရောက်လာကြတဲ့လူနာအများစုက စိတ်အခြေအနေ အတော်ဆိုးနေကြသူတွေဖြစ်လို့ ထူးဆန်းတဲ့အဖြစ်အပျက်တွေနဲ့လည်း ကြုံရတတ်ပါတယ်။ တစ်နေ့မှာ အလွန်ကြောက်လန့်နေတဲ့ လူနာတစ်ယောက် ရောက်လာပြီး ရို့စ်ရှေ့မှာပဲ ပြုံးပြရင်း ကိုယ့်ကိုယ်ကိုယ် အဆုံးစီရင်သွားတယ်။ အဲဒီနောက် ရို့စ်ကိုယ်တိုင် ကြောက်စရာအဖြစ်အပျက်တွေ ကြုံလာရပါတယ်။ လူနာရဲ့သေဆုံးမှုဟာ သွေးရိုးသားရိုး မဖြစ်နိုင်ဘူးလို့ ယူဆပြီး လိုက်စုံစမ်းကြည့်တော့ ပိုပြီးကြောက်စရာကောင်းတဲ့ အကြောင်းတွေ ဆက်တွေ့လာရတော့တယ်။

ဒါကတော့ 2019ရဲ့ လူစောင့်ကြည့်ခံရတဲ့ကားတွေထဲကတစ်ကားဆိုတာကတော့ ရုပ်ရှင်နဲ့ရင်းနှီးသူတွေသိပြီးသားဖြစ်မှာပါ။ ရုပ်သံတင်ဆက်သူအမျိုးသမီးတွေကိုဇာတ်အိမ်တည်ထားတဲ့အတွက် တကယ့်အ‌ချောအလှဒိတ်ဒိတ်ကြဲမင်းသမီးတွေဖြစ်တဲ့ Charlize Theron, Nicole Kidman နဲ့ Margot Robbieတို့ ဦးဆောင်ပါဝင်ထားတာပါ။ Charlize Theronနဲ့ Margot Robbieတို့ Oscar ဆန်ကာတင်စာရင်းတွေဝင်ပြီး တခြားဆုတွေရရှိပြီး အောင်မြင်မှုရခဲ့ပါတယ်။ ဇာတ်လမ်းကတော့ Republicanပါတီကိုအလေးပေးတဲ့ Fox News ရုပ်မြင်သံကြားချန်နယ်အတွင်း အမျိုးသမီးအစီစဉ်တင်ဆက်သူများစွာဟာ ခေါင်းဆောင်ပိုင်းအမျိုးသားတွေရဲ့ လိင်ပိုင်းဆိုင်ရာနှောက်ယှက်ခံရမှု၊ ဖိအားပေးခံရမှုတွေကိုခံခဲ့ရတဲ့အကြောင်းပါ။ ရာထူးအာဏာကြီးပြီး ပိုက်ဆံကျောထောက်နောက်ခံရှိတဲ့သူကို တရားစွဲဖို့လုပ်ရင်း ဘယ်လိုဂယက်တွေကြုံတွေ့ဆိုတာမြင်ရမှာပါ။ အပြင်မှာလည်း လိင်ပိုင်းဆိုင်ရာနှောက်ယှက်ခံရသူအမျိုးသမီးများစွာလည်းရှိနေပါတယ်။ တစ်ချို့ကတော့ လိင်ကိစ္စနှင့်အောင်မြင်မှုကို လဲလှယ်ခဲ့ကြသူတွေပေါ့။ နစ်နာသူတစ်ယောက်ယောက်က မဖွင့်ဟခဲ့လို့ တခြားသူတွေပါနစ်နာရတဲ့အဖြစ်မျိုးတွေဖြစ်ရတာကိုပြသသွားခဲ့ပါတယ်။ မင်းသမီးတွေကိုကြည့်ရတာနဲ့တင်တန်နေတာမို့ ခံစားကြည့်ရှုကြည့်ပါအုံး။ File Size : ( 1 GB , 372 MB ) Quality : WEB-DL 720p Running Time : 1 hr 49 min Format : Mp4 Genre : Biography , Drama Subtitle : Myanmar Subtitle (Hard Sub) Translated by Moe Lay Encoded by Moe Myint Lwin

ကမ္ဘာအကောင်းဆုံး စစ်တုရင်ဆရာကြီး ဆယ်ဦးထဲက တစ်ဦးဖြစ်တဲ့ ဘော်ဘီဖစ်ရှာရဲ့ အကြောင်းကို ရိုက်ကူးထားတဲ့ ဖြစ်ရပ်မှန်ပါ။ အခြားအကောင်းဆုံးစာရင်းဝင်တွေကတော့ မက်ဂ်နက် ကာဆန် တို့ ဂယ်ရီ ကတ်စပါးရော့တို့လိုလူတွေပါပဲ။ ဘော်ဘီကတော့ အမေရိကန်ရဲ့ အတော်ဆုံး စစ်တုရင်သမားအဖြစ် အများက သတ်မှတ်ခံရတဲ့သူပါပဲ။ ဒါ့အပြင် သူ ကမ္ဘာ့ချန်ပီယံအဖြစ် ပြိုင်ဆိုင်ခဲ့တဲ့ ကာလက စစ်အေးတိုက်ပွဲကာလဖြစ်နေတဲ့အတွက် သူ့ရဲ့ပြိုင်ပွဲဟာ နိုင်ငံနဲ့ချီတဲ့ စစ်ပွဲလို ဖြစ်နေခဲ့တာပါပဲ။ စစ်အေးတိုက်ပွဲကာလအတွင်းမှာ အမေရိကန်နဲ့ ဆိုဗီယက်တို့ဟာ ဘက်ပေါင်းစုံ ရှုထောင့်ပေါင်းစုံမှာ ယှဉ်ပြိုင်နေကြတာပါ။ အပြိုင်အဆိုင်လည်း ဝါဒဖြန့်နေကြတာပါ။ ဒီတော့ အဲဒီကာလမှာ ရုရှားတွေဟာ စစ်တုရင်လောကကို စိုးမိုးထားပြီး ကမ္ဘာ့ချန်ပီယံကလည်း ရုရှားလူမျိုးပဲ ဖြစ်နေတာကြောင့် ဆိုဗီယက်ဟာ အမေရိကန်ထက် ဉာဏ်ရည်သာတယ်ဆိုတဲ့ ဝါဒမျိုး ဖြန့်လို့အကောင်းဆုံး အချိန်ပါပဲ။ ဘော်ဘီဖစ်ရှာဟာ စစ်အေးတိုက်ပွဲကာလာမှာ အသက် ၁၄ နှစ်နဲ့ အမေရိကန် စစ်တုရင်ချန်ပီယံဖြစ်လာခဲ့ပြီး ဂရန်းမာစတာဖြစ်လာခဲ့တာပါ။ ကမ္ဘာ့ချန်ပီယံဘွဲ့အတွက် ဘိုးရစ်စပက်စကီးနဲ့ ၂၄ ပွဲ ဆက်တိုက် အမှတ်နဲ့ ကစားခဲ့ရတာဖြစ်ပြီး အဓိက အဆုံးအဖြတ်ဖြစ်တဲ့ ၆ ပွဲမြောက် စစ်တုရင်ပွဲဟာ သူ့ သက်တမ်းရဲ့ အရေးအကြီးဆုံးပြိုင်ပွဲအဖြစ် သမိုင်းဝင်ခဲ့ပါတယ်။ ဇာတ်လမ်းနာမည်ဖြစ်တဲ့ နယ်ရုပ် စတေးခြင်းဆိုတာဟာ သူ့ရဲ့ ရွှေ့ကွက်ကို ပြောခဲ့တာဖြစ်သလို အမေရိကန်က ဘော်ဘီဖစ်ရှာကို အသုံးချခဲ့တယ်ဆိုတာကိုလည်း ပြောချင်တာဖြစ်ပါလိမ့်မယ်။ ဘော်ဘီဟာ ချန်ပီယံမဖြစ်ခင်ကတည်းက စိတ်မူမမှန်တာတွေ အစိုးရိမ်လွန်ကဲတာတွေဖြစ်နေခဲ့ပြီး ရုရှားတွေက သူ့ဖုန်းကို ခိုးနားထောင်တယ်၊ တီဗီကနေ ခိုးကြည့်တယ်၊ အစာထဲကိုအဆိပ်ခတ်တယ်၊ သွားပေါက်ထဲကို ဖြည့်တဲ့ဟာတွေကပါ ခိုးနားထောင်တယ်ဆိုတဲ့အထိ စွပ်စွဲခဲ့တာဖြစ်ပါတယ်။ စစ်တုရင်ပါရမီရှင် ပေါလ်မာဖီ တုန်းကလို ငယ်ငယ်ရွယ်ရွယ်နဲ့ သတ်သေသွားမှာကိုပါ စိုးရိမ်ရတဲ့အခြေအနေမှာ ရှိခဲ့တာပါ။ စစ်တုရင်ဟာ အဖွင့်-၄ ကွက်ရွှေ့အပြီးမှာ ရွေးချယ်စရာ အကွက်ပေါင်း ၃၀၀ ဘီလီယံလောက်ရှိတယ်လို့ ဆိုတဲ့အတွက် အပျော်ကစားတာမဟုတ်ဘဲ တကယ် အစအဆုံး ကျွမ်းကျင်ချင်ရင်တော့ ဦးဏှောက်ကို အစွမ်းကုန်သုံးရမယ့် ကစားနည်းမျိုးပါ။ ဒီရုပ်ရှင်မှာတော့ ဘော်ဘီဖစ်ရှာရဲ့ ဘဝနဲ့ စိတ်ဝင်စားစရာ ဖြတ်သန်းမှုတွကို ကျွန်တော်တို့ အချစ်တော် စပိုက်ဒါမန်းမင်းသား တိုဘီ မက်ဂွိုင်းရားက ဉာဏ်ကြီးရှင်ဆိုက်ကို ပုံစံ ပီပီပြင်ပြင် သရုပ်ဆောင်ပြထားတာကြောင့် စစ်တုရင်သမားတွေရော သမိုင်းဒရာမာ ချစ်သူတွေပါ ကြည့်ဖူးသင့်တဲ့ ရုပ်ရှင်ဖြစ်လို့ တင်ပေးထားလိုက်ပါတယ် ။ ( အညွှန်းရေးသားထားသူကတော့ Mr.Anderson ပါ ) Quality__Blu-Ray 1080p_5.1CH,720p IMDb Rating__7/10 Format__mp4 Duration__01:56:00 Type__Biography , Drama , Sport , Chess Subtitle__Myanmar Subtitle (Hardsub) Translated by Mr.Anderson Encoded by Naing Aung Latt

Mississippi Grind (2015) ဓာတ်ဗူးရိုင်ယန်ကြီးပါတဲ့ကားပါ။ ရိုင်ယန်နဲ့တွဲဖက်ပါဝင်ထားသူကတော့ The outsider စီးရီး၊ Rogue one: a starwars story တို့ထဲက ဖြစ်ပါတယ်။ လောင်းကစား စွဲလမ်းနေတဲ့ဂျယ်ရီဟာ အလေအလွင့်ခရီးသွားတစ်ယောက်ဖြစ်တဲ့ လောင်းကစားဝါသနာအိုး ကားတစ်စ် နဲ့ ပိုကာပွဲတစ်ခုမှာတွေ့ပြီး ရင်းနီးသွားကြပါတယ်။ ဂျယ်ရီဟာ အကြွေးရှင်ရဲ့ ချိန်းခြောက်မှုကိုခံလာပြီးနောက် ကားတစ်စ်ပြောခဲ့ဖူးတဲ့ သူငယ်ချင်းဟောင်းတစ်ယောက်ရဲ့အိမ်က ကြေးမြင့်ပိုကာပွဲမှာသွားကစားနိုင်ဖို့ ကားတစ်စ်ကို အကူအညီတောင်းပါတော့တယ်။ ကားတစ်စ်ရဲ့ သူငယ်ချင်းဟောင်းဆီမရောက်ခင် ခရီးစဉ်တစ်လျှောက်မှာ တွေ့သမျှပိုကာပွဲတွေကိုဝင်ကစားရင်း ငွေအလုံအလောက်ရအောင် ကြိုးပမ်းကြရာမှာ ဂျယ်ရီရဲ့လောင်းကစားအတောမသတ်နိုင်တဲ့စိတ်ကြောင့် ပါသမျှပြောင်မလား... ပန်းတိုင်ကိုရောက်ကြပါ့မလားဆိုတာကို စိတ်ဝင်စားဖွယ်ကြည့်ရမှာဖြစ်ပါတယ်။ ဘဝသင်ခန်းစာတွေရစေမယ့် သဘာဝကျကျကားမျိုးနှစ်သက်ရင် ရိုင်ယန်ရဲ့ပရိတ်သတ်တစ်ယောက်ဆိုရင် ဒီကားလေးကိုကြည့်စေချင်ပါတယ်။ Quality__1080p , 720p IMDb Rating__6.4/10 Format__mp4 Duration__01:50:00 Type__Comedy , Drama Subtitle__Myanmar Subtitle (Hardsub) Translated by Pyi T Nyein Encoded by Naing Aung Latt

HBO ရဲ့နာမည်ကြီး western drama series တစ်ခုလာပါပြီ။ လူကြိုက်များပြီး ဝက်ဝက်ကွဲပေါက်ခဲ့တဲ့ ဂျွန်ဝှစ်ခ်ရုပ်ရှင်မှာ ကွန်တီနင်တယ်ဟိုတယ်ကိုဦးစီးနေတဲ့ အဘိုးကြီး ဝင်စတန်နေရာမှာ သရုပ်ဆောင်ထားတဲ့ ဇာတ်ပို့မင်းသားကြီး အိုင်ရန်မက်ခ်ရှိန်းနဲ့ Hitman ( 2007) ဇာတ်ကားနဲ့နာမည်ကြီးတဲ့ မင်းသား တင်မိုသီအိုလီဖန်းတို့က leading role မှာ ပါဝင်သရုပ်ဆောင်ထားပြီး ၁၈၇၆ ခုနှစ် အမေရိကန်ပြည်ထောင်စုတပ်တွေနဲ့ ဆောဇ်လူမျိုးတွေဦးဆောင်တဲ့အင်ဒီးယန်းလူရိုင်းတွေဖြစ်ခဲ့တဲ့ လစ်တဲလ်ဘစ်ဟွန်းတိုက်ပွဲအပြီး ကာလလောက်ကိုအခြေခံထားပါတယ်။ အမေရိကန်ပြည်ထောင်စု၊ တောင်ဒါကိုတာပြည်နယ်က ဒတ်ဝုဒ်ဆိုတဲ့ ရွှေသမားတွေစုဝေးရာမြို့ကလေးမှာ ဖြစ်ခဲ့တဲ့အကြောင်းတွေကို ဇာတ်အိမ်တည်ရိုက်ကူးထားပြီး ဇာတ်လမ်းထဲက ဇာတ်ကောင်တွေဖြစ်တဲ့ ဥပဒေအရာရှိဟောင်း ဆက်သ်ဘူးလော့ခ်နဲ့ တည်းခိုခန်းပိုင်ရှင် အယ်လ်ဆွာရန်ဂျန်တို့ဟာ အမှန်တကယ်ရှိခဲ့တဲ့ပုဂ္ဂိုလ်တွေဖြစ်ပြီး ဇာတ်လမ်းထဲမှ တချို့အကြောင်းအရာတွေဟာလည်း အမှန်တကယ်ဖြစ်ပျက်ခဲ့တာတွေပါပါတယ်။ သမိုင်းဝင်ပုဂ္ဂိုလ်တွေဖြစ်တဲ့ ဘေလ်ဟစ်ကော့ခ်၊ အီးဘီဖာနန်၊ ဆောလ်စတားဆိုသူတွေကိုလည်း ဇာတ်လမ်းထဲမှာ ခေါင်းဆောင်ပိုင်းနေရာမှာ တွေ့ကြရမှာဖြစ်ပါတယ်။ ဒတ်ဝုဒ်ဟာ ကျေးလက်မြို့ကလေးတစ်မြို့ဖြစ်ပြီး ရွှေထွက်တယ်လို့စနာမည်ကြီးခဲ့တဲ့ ၁၈၇၆ လောက်မှာ မြို့ဟာရွှေသမားတွေ၊ ဆက်စပ်လုပ်ငန်းတွေနဲ့ အထူးစည်ကားခဲ့ပြီး လူဦးရေဟာ ၂၅၀၀၀ လောက်ရှိခဲ့ပေမယ့် ၂၀၂၀ ခုနှစ်မှာတော့ ၁၀၀၀ ကျော်ပဲနေထိုင်သူရှိပါတော့တယ်။ ဇာတ်လမ်းမှာတော့ ဒတ်ဝုဒ်မြို့ဝန်းကျင်ကို ရွှေရှာဖို့၊ ကြီးပွားရာကြီးပွားကြောင်းရှာဖို့လာကြသူတွေ၊ အဲ့လူတွေအပေါ် ရိုက်စားလုပ်မယ့် စီးပွားရေးသမား၊ အရောင်းအဝယ်သမား၊ စားသောက်ဆိုင်ပိုင်ရှင်၊ တည်းခိုခန်းဆောင်ကြာမြိုင်ပိုင်ရှင်တွေ၊ ရာဇဝတ်သားတွေ၊ အင်ဒီးယန်းလူရိုင်းတွေ၊ သေနတ်သမားလူစွမ်းကောင်းတွေအကြောင်းကို western drama ရသအပြည့်ရအောင် ထည့်သွင်းတင်ဆက်ထားပြီး အဆိုပါကာလမှာရှိခဲ့တဲ့ အမေရိကန်ပြည်သူတွေရဲ့ နေ့စဥ်လူမှုဘဝတစ်စိတ်တစ်ပိုင်းကိုလည်း ဝင်ရောက်ခံစားကြရမှာပါ။ ဒတ်ဝုဒ်မြို့လယ်မှာ ပြိုင်ဘက်ကင်း ကြီးစိုးနေတဲ့ The Gem Saloon ဆိုင်ရဲ့ ကလိမ်ကကျစ်ကျစီးပွားရှာတတ်တဲ့ဆိုင်ရှင် အယ်လ်ဆွာရန်ဂျန် ( အိုင်ရန်မက်ခ်ရှိန်း ) နဲ့ ဥပဒေအရာရှိအလုပ်ကထွက်ပြီး ဒတ်ဝုဒ်မှာ လက်သုံးကိရိယာဆိုင်လာဖွင့်တဲ့ ဆက်သ်ဘူးလော့ခ် ( တင်မိုသီအိုလီဖန်း ) တို့ရဲ့အကြောင်းနဲ့ဆက်စပ်ပြီး တင်ပြသွားပါတယ်။ ရွှေရှာသူတွေ၊ လှည်းတန်းကြီးတွေနဲ့ ရေကြည်မြက်နုရာ ရွှေ့ပြောင်းနေထိုင်သူတွေ၊ ဖျတ်စားလတ်စားစီးပွားရေးသမားတွေ၊ ခိုးဆိုးလုနှိုက်လူသတ်တဲ့ ရာဇဝတ်ကောင်တွေနဲ့ ဥပဒေကြီးကြပ်ရေးအရာရှိတွေ၊ ဒေသခံအင်ဒီးယန်းလူနီရိုင်းတွေ၊ ဆောင်ကြာမြိုင်နဲ့ မိန်းမပျက်တွေ၊ အရက်ဘားတွေနဲ့ ဖဲဝိုင်းတွေ၊ ပြသနာတတ်ရင် သေနတ်နဲ့ဖြေရှင်းကြတဲ့ ကောင်းဘွိုင်တွေနဲ့ သေနတ်သမားလူစွမ်းကောင်းတွေအကြောင်းကိုတစ်ဝကြီးရှုစားရမှာဖြစ်ပါတယ်။ HBO ကလွှင့်တဲ့ ဒီစီးရီးဟာ season ၃ ခုနဲ့ဖြစ်ပြီး တစ်ခုစီမှာ episode ၁၂ ခုပါတာဖြစ်တဲ့အတွက်ကြောင့် western drama တစ်ခုရဲ့ ရသကိုပြည့်ပြည့်ဝဝ ခံစားကြည့်ရှုကြရမှာပါ။ တခြား အမေရိကန်အနောက်ပိုင်းဇာတ်လမ်းတွေလို သေနတ်ပစ်ခန်းတွေ၊ အက်ရှင်ခန်းတွေချည်းထိုင်ကြည့်နေရတာမျိုးမဟုတ်ပေမယ့် ရွှေလောကသားတွေနဲ့ ဥပဒေစိုးမိုးမှုကင်းမဲ့တဲ့နေရာမှာ လုပ်စားနေကြတဲ့ ခေါင်းပုံဖြတ်ရိုက်စား စီးပွားရေးသမားတွေအကြောင်း ကွက်ကွက်ကွင်းကွင်းတင်ပြထားတာဖြစ်လို့ အထွေထွေဗဟုသုတရော၊ ရုပ်ရှင်ရသပါ ရရှိခံစားနိုင်မှာဖြစ်ပါတယ်။ International reviews တွေမှာ မှတ်ချက်ကောင်းကောင်းရထားတဲ့ ဒီစီးရီးဟာ IMDb rating လည်း 8.6 ရထားပြီး Rotten tomatoes 92 % ဖြစ်လို့ အမေရိကန်အနောက်ပိုင်းရုပ်ရှင်တွေကိုကြိုက်တတ်တဲ့ western drama ပရိသတ်တွေအတွက်တော့ လက်လွှတ်မခံသင့်တဲ့စီးရီးပါ။ ၂၀၀၄ ခုနှစ် ရွှေကမ္ဘာလုံးရုပ်ရှင်ဆုပေးပွဲမှာလည်း အကောင်းဆုံးဇာတ်လမ်းတွဲဇာတ်ဆောင်ဆု ဆွတ်ခူးထားတဲ့ဇာတ်ကား ဖြစ်ပါတယ်။ file size… 1.32Gb Quality….Webrip 1080p Format…mp4 Duration….55 Min Genre...Western, Crime, Drama Subtitle….Myanmar Subtitle (Hardsub) Encoder….Mr. Anderson Translated by Ninja