Rocket Raghava ပါဝင်သော ဇာတ်ကားများ

Masthu Shades Unani Raa (2024) "ပန်းချီဆရာ" IMDb 8.3 ရထားပြီး ကျေးလက်ဆန်တဲ့ မြို့လေးက အငွေ့အသက်တွေမကင်းတဲ့ တေလဂူး ဟာသကားလေး တစ်ကား တင်ဆက်ပေးလိုက်ပါတယ် မာနိုဟာက ငယ်ငယ်ကတည်းက ပုံဆွဲတော်ပေမယ့် လူ့ချမ်းသာ အသိုင်းအဝိုင်းက မဟုတ်သလို တက္ကသိုလ်လည်း ဆက်မတက်နိုင်ခဲ့ပါဘူး သူငယ်ချင်းနဲ့အတူ ကြော်ငြာဆိုင်းဘုတ်တွေကို ဆေးသားနဲ့ လိုက်ဆွဲတဲ့ အလုပ်ကို လုပ်ကိုင်ရင်းမှ မင်္ဂလာဆောင်ဖို့ ဖြစ်လာပါတယ် ဖြစ်ချင်တော့ လက်ထပ်ပွဲမစခင် သတို့သမီးက ခိုးရာလိုက်ပြေးသွားပြီး သူ့အတွက် စာတစ်စောင်ထားခဲ့ပါတယ် "သူ့လို ငမွဲနဲ့ ပေါင်းဖို့မဖြစ်နိုင်ဘူး" ပေါ့လေ ဒီလိုနဲ့ သူပြောင်းလဲဖို့ ဆုံးဖြတ်လိုက်ပြီး လက်နဲ့ ကြော်ငြာဘုတ် ဆွဲရာကနေ ဗီနိုင်းပရင့်ထုတ်တဲ့ လုပ်ငန်းကို ပြောင်းလုပ်ဖို့ ကြံပါတော့တယ် အရင်းအနှီးလည်းရှာ၊ ဒစ်ဂျစ်တယ်ပြောင်းဖို့ photoshop သင်တန်းတက်ဖို့ လုပ်ရင်း အူမာဆိုတဲ့ ကောင်မလေးကို တွေ့ကာ ဘာတွေဆက်ဖြစ်မှာလဲ ဘယ်လိုအခက်အခဲတွေ တွေ့ကြုံရမလဲဆိုတာကို အရမ်းဇာတ်မနာပဲ ပေါ့ပါ့ပါးပါး ကြည့်ရမှာပါ အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size…2.55GB / 1.22GB Quality…WEB DL 1080p /720p Format…mp4 Duration….2h 22m Subtitle….Myanmar Subtitle (Hard Sub) Encoder….YK Translated by CM Bollywood Team

ဒီတစ်ခါ CM Bollywood ပရိသတ်ကြီးအတွက် တင်ဆက်ပေးမယ့်ကားလေးကတော့ အသစ်စက်စက်ထွက်ရှိထားတဲ့ မှုခင်းကားလေးပဲဖြစ်ပါတယ်။ ဒီကားလေးမှာတော့ မင်းသားဟာ အလွန်ထူးချွန်ပြီး ဟောလိဝုဒ်ရုပ်ရှင် ‘The Perfume’ ကို စွဲလန်းသွားရာကနေ ထူးခြားတဲ့ရေမွှေးတီထွင်ဖို့ ကြိုးစားနေတဲ့ သိပ္ပံပညာရှင်လုပ်နေတဲ့လူတစ်ယောက်ပါ။ ဒီလိုနဲ့ မထင်မှတ်ပဲ မြို့ထဲက အမျိုးသမီးတွေကို ပစ်မှတ်ထားတဲ့ ကွင်းဆက်လူသတ်မှုမှာ အဓိက သံသယရှိသူအဖြစ် စွပ်စွဲခံလာရတဲ့အခါ သူ့ရဲ့ဖြူစင်မှုကို သက်သေပြဖို့ ကိုယ်တိုင်ပဲ စုံစမ်းပါတော့တယ်။ အမှုကို စုံစမ်းရင်းက တစ်ခုစီချိတ်ဆက်မိလာပြီး ထင်ထားတာထက် ပိုလေးနက်လာတဲ့အခါ တရားခံ အစစ်က ဘယ်သူလဲ၊ သူကရော ဘာလို့ အဓိက သံသယတရားခံဖြစ်လာရလဲဆိုတာကိုတော့ ပရိသတ်ကြီးပဲ ဆက်လက်ကြည့်ရှုလိုက်ပါဦးနော်။ အညွှန်းနှင့်ဘာသာပြန်ကတော့ CM Bollywood Team မှဖြစ်ပါတယ် File size…2.2GB / 1GB Quality…1080p  WEB DL /720p Format…mp4 Duration….1h 54mins Subtitle….Myanmar Subtitle (Hard Sub) Encoder….YK Translated by CM Bollywood Team

Bhuvana Vijayam(2023) IMDb-6.9/10 ပေါ့ပေါ့ပါးပါးနဲ့ အပျင်းတော်ပြေစေမယ့် တလေဂူးကားလေးကိုတင်ဆက်ပေးလိုက်ပါတယ်။ ကမ္ဘာပေါ်မှာရှိတဲ့လူသားတိုင်းမှာ ကိုယ်ပိုင်ဆန္ဒတွေရှိကြတယ်။အဲဒီဆန္ဒတွေက အောင်မြင်မှုနဲ့အတူ တွဲပါလာတတ်ကြပါမယ့် အဲဒီအောင်မြင်မှုအတွက် အများကြီးပေးဆပ်ပြီး တိုက်ပွဲဝင်ကြရတာ။ အမြဲတမ်းရှုံးနေတဲ့လူတောင် တခါတလေအောင်နိုင်ပါသေးတယ်။အကြိမ်ရေနည်းပေမယ်လို့ပေါ့။ အဲဒီလိုအချိန်တွေမှာ ဘုရားရဲ့ပါဝင်မှုက ရှိလာတတ်တာပဲ။ ဒီဇာတ်လမ်းကလည်း ဘုရားတွေထဲကမှ ဘဟူဗာနာဗီဂျေယမ်ဆိုတဲ့လူသားရဲ့ဇာတ်လမ်း။ သေဆုံးပြီးနောက် ဘယ်လိုတွေဖြစ်လဲဆိုတာရယ် ရုပ်ရှင်တစ်ကားအတွက် နောက်ခံဇာတ်ကြောင်းတွေ မတူညီကြတဲ့ လူခြောက်ယောက် ဇာတ်ညွှန်းအတွက်ပြိုင်ကြတာကို ပေါ့ပေါ့ပါးပါးနဲ့ ခွီရမယ့်ဇာတ်လမ်းပဲဖြစ်ပါတယ်။ (အညွှန်းနဲ့ဘာသာပြန်သူတွေကတော့ V~Zwe~Aditi~BpL~Yunniတို့ပဲဖြစ်ပါတယ်) File size…2.04GB / 863MB Quality…WEB DL /720p Format…mp4 Duration….1h 55mins Subtitle….Myanmar Subtitle (Hard Sub) Encoder….YK Translated by V~Zwe~Aditi~BpL~Yunni

Srikanth Meka သရုပ်ဆောင်ထားတဲ့ လူပျိုကြီးဟာ လက်မှတ်ရောင်းဝယ်ရေးကုမ္ပဏီတစ်ခုမှာ မန်နေဂျာလုပ်နေသူပါ။ သူ့အတွက် အိမ်ထောင်ပြုတာဟာ အိမ်မှာထောင်ကျတာနဲ့ အတူတူပဲဆိုတော့ မိသားစုက ပေးစားဖို့ စီစဉ်တဲ့ မိန်းကလေးတွေကို အမြဲရှောင်နေတတ်တယ်။ ဒါပေမယ့် မိန်းကလေးချောချောလေးတွေ တွေ့ရင်တော့ ပိုးပန်းဖို့ လက်မနှေးပါဘူး။ အိမ်ထောင်ရေးကို ရှောင်ရင်း အီစီကလီလုပ်နေတဲ့ ဒီလူပျိုကြီးက သူများကို ကူညီမိရာကနေ လူမိုက်တွေကြား ဘယ်လိုဝင်ပါမိမလဲ။ အချစ်ကို အလေးအနက်မထားခဲ့တဲ့သူ တကယ်ချစ်မိတဲ့အချိန်မှာရော ဘယ်လိုပြောင်းလဲလာမလဲ။ သူ့အရှုပ်အထွေးတွေကို အက်ရှင်၊ အချစ်ဇာတ်လမ်းနဲ့ ဟာသရောပြီး တင်ဆက်ထားပါတယ်။

သေနတ်ရှိရင် ဒုစရိုက်မှုနည်းမယ်၊ သေနတ်ကိုင်ထားသူကိုလည်း ဘယ်သူမှ ရန်စရဲမှာမဟုတ်ဘူးဆိုတဲ့ အယူအဆနဲ့ ဝန်ကြီးတစ်ယောက်က လူတိုင်း သေနတ်ကိုင်ဆောင်နိုင်ရေးအဆို တင်သွင်းလိုက်ပါတယ်။ အဲဒီနောက် လူတွေဟာ ရတနာတွေ ရောင်းပြီးတော့တောင် သေနတ်တွေ အပြိုင်အဆိုင် ဝယ်ကိုင်လာကြတယ်။ ရပ်ကွက်ဈေးတွေမှာပါ သေနတ်ကို အော်ဟစ်ရောင်းချနေကြပြီး “သေနတ်မပါရင် ဝင်ခွင့်မရှိ” ဆိုတဲ့အထိ ဖြစ်လာပါတယ်။ ဒါပေမယ့် သေနတ်ရောင်းဝယ်ခွင့် ပါမစ်တွေ ချပေးခဲ့စဉ်က ဝန်ကြီးမှာ လာဘ်စားထားတာတွေ ရှိနေတယ်။ အဲဒီအမှုအတွက် သက်သေရှိထားသူတစ်ယောက်နဲ့ ဝန်ကြီးတို့က ဟိုတယ်တစ်ခုရဲ့ အခန်း ၆၉၆၉ မှာ တွေ့ဖို့ စီစဉ်ကြပြီး အေးဂျင့်တွေကလည်း စောင့်ကြည့်နေကြပါတယ်။ အခန်းထဲကို ရောက်လာသူတွေက သူတို့နှစ်ယောက်တည်း မဟုတ်ဘဲ တခြားလူတွေပါ ပါလာတဲ့အခါ ကိစ္စတွေ ရှုပ်ကုန်တော့တယ်။ ဝန်ကြီးအဖြစ် Vennela Kishore က သရုပ်ဆောင်ထားပြီး အက်ရှင်နဲ့ စပိုင်ဇာတ်လမ်းကြားမှာ မျက်နှာတည်တည်နဲ့ လုပ်သွားတဲ့ ဟာသတွေကို ရောစပ်ထားပါတယ်။

ပီးဟာ နှစ်ပေါင်းများစွာ တွဲလာတဲ့ ချစ်သူ ဆာဟေးလ်ရဲ့ ဖောက်ပြန်မှုကို သုံးကြိမ်တိုင်တိုင် ခံခဲ့ရပါတယ်။ အချစ်ဦးလည်းဖြစ်၊ ကိုယ်တိုင်ကလည်း စိတ်ခံစားလွယ်သူဖြစ်နေတာကြောင့် သူ့ကို မေ့ပြီး ရှေ့ဆက်ဖို့ ခက်နေတယ်။ နောက်တော့ သူငယ်ချင်းက အတင်းတိုက်တွန်းလို့ ပီးတစ်ယောက် ကလပ်ကို ရောက်သွားပါတယ်။ သူငယ်ချင်းက စတော်ဘယ်ရီကြိုက်တဲ့သူ ချောကလက်စားမိတော့ စတော်ဘယ်ရီကို မေ့သွားသလို ဆာဟေးလ်ကို မေ့နိုင်ဖို့လည်း နောက်တစ်ယောက်နဲ့ တွေ့ကြည့်ဖို့ ပြောထားတယ်။ ဒီလိုနဲ့ ပီးက တစ်ညတာအတူ အချိန်ကုန်ဆုံးဖို့ ဗစ်ကီကို ရွေးလိုက်ပါတယ်။ ရဲတင်းတဲ့ လူငယ်နှစ်ယောက် ကလပ်မှာတွေ့ပြီး အတူနေဖို့ ကြိုးစားကြရာက အလွဲတွေ တစ်ခုပြီးတစ်ခု ဖြစ်လာတော့တယ်။ သူတို့ရဲ့ဆက်ဆံရေးက ဒီတစ်ညနဲ့ပဲ ပြီးသွားမလား၊ ခံစားချက်တွေ တဖြည်းဖြည်းတိုးလာပြီး တစ်ယောက်နဲ့တစ်ယောက် တွယ်ငြိသွားမလားဆိုတာတော့ မသေချာသေးပါဘူး။

Nootokka Jillala Andagadu က ၂၀၂၁ ခုနှစ်ထွက် အိန္ဒိယအချစ်ဇာတ်ကားတစ်ကားဖြစ်ပြီး မိဘတွေဆီက ဆက်ခံလာရတဲ့ ကောင်းမွေ၊ ဆိုးမွေတွေနဲ့ ဘဝကို ဘယ်လိုဖြတ်သန်းမလဲဆိုတဲ့ အကြောင်းကို ပြောထားပါတယ်။ မျိုးရိုးလိုက်လာတဲ့ ကိစ္စတစ်ခုကို ရှောင်လွှဲမရတဲ့အခါ သူများတွေရဲ့ဘဝနဲ့ နှိုင်းယှဉ်ပြီး မိဘတွေကို အပြစ်တင်နေရုံနဲ့ မဖြေရှင်းနိုင်ဘူးဆိုတဲ့ အတွေးကို ဇာတ်လမ်းထဲက စကားတွေမှာ တွေ့ရပါတယ်။ မိဘတွေက သားသမီးတွေအတွက် တတ်နိုင်သလောက် အကောင်းဆုံးလုပ်ပေးခဲ့ပေမယ့် အမွေအဖြစ် ကျန်ခဲ့သမျှက အကောင်းချည်းပဲတော့ မဖြစ်နိုင်ဘူး။ ကိုယ့်ဆီပါလာတဲ့ အကောင်းအဆိုးတွေကို လက်ခံပြီး ဘဝကို အတတ်နိုင်ဆုံး ကောင်းအောင် ဘယ်လိုဆက်နေကြမလဲဆိုတာကို အချစ်ဇာတ်လမ်းနဲ့အတူ တင်ပြထားတာပါ။

Sarileru Neekevvaru (2020) တေလဂူးမင်းသားချော Mahesh Babu နဲ့ ပရိသတ်တို့ရဲ့ အချစ်တော် တောင်ပိုင်းမင်းသမီး Rashmika Mandanna တို့ရဲ့ အချစ်၊အကြမ်းကားကြီး လာပါပြီ။ ဇာတ်လမ်းအကျဉ်းအရ မင်းသားချောကတော့ အိန္ဒိယတပ်က စစ်ဗိုလ်တစ်ယောက်ပါ။ စစ်ဆင်ရေးတွေမှာလည်း ခေါင်းဆောင်ကောင်းပီသပြီး အရမ်းတော်တဲ့ စစ်သားတစ်ယောက်ပါ။ မိဘမဲ့တစ်ယောက်ဘဝနဲ့ စစ်တပ်ထဲမှာ အသက်ရင်းပြီး မိခင်မေတ္တာကို လိုချင်တောင့်တနေသူပါ။ ဒီလိုနဲ့ သူဦးဆောင်တဲ့ စစ်ဆင်ရေးတစ်ခုမှာ စစ်သားတစ်ယောက် ပြင်းပြင်းထန်ထန် ဒဏ်ရာရခဲ့ပါတယ်။ လတ်တလောမှာ အဲ့ဒီစစ်သားဟာ ဒီစစ်ဆင်ရေးပြီးရင် ညီမဖြစ်သူရဲ့ မင်္ဂလာပွဲအတွက် အိမ်ပြန်မှာပါ။ခွင့်လည်း တောင်းထားပြီးသား။ ခုလိုအခြေအနေကို မိသားစုကို အကြောင်းကြားဖို့ရာ မိသားစုတစ်ခုလုံး အခြေအနေတွေ ကမောက်ကမဖြစ်မှာစိုးလို့ တပ်ရင်းရဲ့ ကိုယ်စား စစ်သားတစ်ယောက် သွားရောက်ပြီး အေးဆေးစွာ ပြောပြနိုင်ရပါမယ်။ ဒီတာဝန်ကို တာဝန်ယူလိုက်တဲ့ သူကတော့... မင်းသားချောပါပဲ။ ကဲ သူ့ ခရီးတစ်လျှောက် ဘယ်လိုမျိုးတွေ တွေ့ကြုံရမလဲ အဲ့ဒီအိမ်ကို ရောက်သွားတဲ့အခါမှာရော သူထင်ထားသလို ဖြစ်နေမလား ဆိုတာကို ရုပ်ရှင်ရုံထဲကြည့်ရသလို ၃ နာရီနီးပါး လိုက်ပါစီးမျောကြည့်ရှုရမှာပါ။ (ရုပ်ရှင်ဘာသာပြန်နဲ့အညွှန်းကို တင်ဆက်ပေးထားကြသူတွေကတော့ Myint Thu နဲ့ Nyi Nyi Koe တို့ ဖြစ်ပါတယ်) File size…(6.1 GB)/(1.8 GB )/(1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:51:03 Subtitle….Myanmar Subtitle (Hardsub) Encoder….Ka Naung Translated by Nyi Koe & Myint Thu