Rod Steiger ပါဝင်သော ဇာတ်ကားများ

The Hurricane (1999) IMDb.....7.6<<<<<Rotten Tomatoes 83% သူ့နာမည်က Rubin "Hurricane" Carter  ... ငယ်ငယ်လေးကတည်းက လူဖြူတွေနဲ့ ပြသနာတချို့ရှိခဲ့တယ်... ဒါကြောင့်ပဲ အချိန်တော်တော်များများ သူဟာ လူငယ်ပြုပြင်ရေးစခန်းတွေမှာပဲ အချိန်ကုန်နေတယ်... လူဖြူတချို့ကြောင့် ထောင်ထဲမှာ အချိန်ကုန်ရတဲ့လူငယ်လေး  Hurricane" ရဲ့ ရင်ထဲမှာ လူဖြူတွေအပေါ် အမုန်းတွေဟာ တစ်နေ့တခြားကြီးပွားလာတယ်.. လူမည်းတွေဟာ ထင်ပေါ်ကြော်ကြားဖို့ မဖြစ်နိုင်ဘူးဆိုတဲ့ အချက်ကို ခြေဖျက်ဖို့ သူ့ရဲ့အမုန်းတွေကို လက်သီးချက်တွေအဖြစ်ကူးပြောင်းလိုက်တယ်... ဒီလိုနဲ့ သူဟာ နာမည်ကျော်  လက်ဝှေ့သမား Hurricaneဖြစ်လာတယ်.. တစ်နေ့ လူမဲတွေမလာရဆိုတဲ့ ဘားမှာ ဆိုင်ရှင်လူဖြူ (၃)ယောက်အသတ်ခံလိုက်ရတယ်... ဖုန်းဆက်သတင်းပေးမှုကြောင့် ဖမ်းလိုက်တဲ့အချိန်မှာ Hurricane တို့ကားကိုမိသွားတယ်... မျက်မြင်သက်သေတွေကလည်း  Hurricane သတ်တယ်လို့ဆိုကြတယ်.. Hurricane ကိုယ်တိုင်ကတော့ သူမသတ်ဘူးလို့ငြင်းတယ်... ဘာတွေဆက်ဖြစ်မလဲဆိုတာကို ခံစားကြည့်လိုက်ပါဦးဗျို့...  ဒီကားက လက်ဝှေ့သမား Rubin "Hurricane" Carter ရဲ့  ဖြစ်ရပ်မှန်ဘဝဇာတ်ကြောင်းပေါ်မှာ အခြေခံပြီး ရိုက်ကူးထားတဲ့ ဖြစ်ရပ်မှန်အတ္ထုပတ္တိကားဖြစ်ပါတယ် … မင်းသားကြီးကတော့ ကျွန်တော်တို့ရဲ့ ဇာတ်လိုက်ကျော်ကြီး Denzel Washington ပေါ့ဗျာ....ဒီကားက  ပညာပေးကားကောင်းတစ်ခုအဖြစ်လည်းစာရင်းဝင်တယ်လို့ဆိုကြတယ်... ဒီကားမှာ သူဟာ  အော်စကာ ဆန်ကာတင်မင်းသားစာရင်းလည်းဝင်ခဲ့သေးတယ်...  ပေးချင်တဲ့ Messageတွေလည်း တော်တော်ကောင်းတယ်... ကျန်တာတွေက တော့ spoiler ဖြစ်သွားမှာ စိုးလို့မပြောတော့ပါဘူး... ဇာတ်လမ်းအညွှန်းနဲ့ဘာသာပြန်သူကတော့ ညီမငယ် Thaw Thaw Wai Oo ပဲဖြစ်ပါတယ်... File Size : 3.16GB/ 1.31GB Quality : Blu-Ray 1080p 5.1 CH/720p Format…mp4 Duration…02:27:00 Genre :  Biography , Drama , Sport Subtitle : Myanmar Subtitle (Hard Sub) Translated by Thaw Thaw Wai Oo Encoded by Tiff

သက္ကရာဇ် ၂၀၀၀ ကို ရောက်တော့မယ့်အချိန်၊ ကမ္ဘာပျက်မလားဆိုတဲ့ စိုးရိမ်မှုတွေ ရှိနေကြတဲ့ နောက်ခံနဲ့ ဇာတ်လမ်းစထားပါတယ်။ ၁၉၉၉ ခုနှစ် နှစ်သစ်ကူးအကြိုညမှာ နယူးယောက်မြို့ရဲ့ လမ်းမတွေပေါ် လူတွေ ကြက်ပျံမကျ စည်ကားနေကြတယ်။ ဇာတ်လမ်းထဲမှာတော့ ထောင်စုနှစ်အဆုံး၌ စေတန်ဟာ ငရဲအကျဉ်းထောင်ကနေ လွတ်မြောက်လာပြီး ကမ္ဘာပျက်နေ့ကို ယူဆောင်လာမယ်ဆိုတဲ့ အကြောင်းရှိနေပါတယ်။ လူစီဖာဟာ ကမ္ဘာပေါ်ကိုတက်လာပြီး ရွေးချယ်ခံမိန်းကလေးတစ်ယောက်ကို ရှာဖို့ ရည်ရွယ်ထားတယ်။ အဲဒီမိန်းကလေးနဲ့ ကိုယ်လက်နှီးနှောပြီး သူ့မျိုးဆက်ကို ချန်ထားဖို့၊ ငရဲတံခါးကို ဖွင့်ပြီး ကမ္ဘာပျက်နေ့ကို ယူဆောင်လာဖို့ပါ။ ဒီအချိန်မှာပဲ အာနိုးသရုပ်ဆောင်ထားတဲ့ ဇာတ်ကောင်က တာဝန်ယူစောင့်ရှောက်နေရတဲ့ လုပ်ငန်းရှင်ရဲ့ကိုယ်ထဲ လူစီဖာ ဝင်ပူးသွားပါတယ်။ အဖြစ်အပျက်တွေ ဆက်တိုက်ကြုံလာရင်း အာနိုးရဲ့ဇာတ်ကောင်ဟာ ရွေးချယ်ခံမိန်းကလေးကို ကာကွယ်ပေးရမယ့် အခြေအနေ ရောက်လာတယ်။ လူစီဖာ သူ့အနား မရောက်နိုင်အောင် ပြေးလွှားရှောင်တိမ်းကြရင်း လူသားတစ်ယောက်နဲ့ စေတန်နတ်ဆိုးတို့ ထိပ်တိုက်ရင်ဆိုင်ကြရပါတယ်။

အင်္ဂါဂြိုဟ်သားတွေ ကမ္ဘာမြေပေါ် ရောက်လာတဲ့အခါ အမေရိကန်သမ္မတနဲ့ သူ့အမှုထမ်းတွေက အထင်ကြီးပြီး အကောင်းဘက်ကပဲ တွေးနေကြပါတယ်။ ဂြိုဟ်သားတွေ လာရတဲ့ရည်ရွယ်ချက်ဟာ ငြိမ်းချမ်းရေးဆွေးနွေးဖို့လို့ ယူဆနေကြတာပါ။ ဒါပေမယ့် သူတို့ရဲ့ကမ်းလှမ်းမှုတွေက လှည့်စားမှုတွေဖြစ်နေပြီး သမ္မတတို့လည်း အကြိမ်ကြိမ် အလိမ်ခံရပါတော့တယ်။ အဖြစ်မှန်ကို သိလာတဲ့အချိန်မှာတော့ အခြေအနေတွေက ထိန်းမနိုင်သိမ်းမရ ဖြစ်ကုန်ပါပြီ။ ဂြိုဟ်သားတွေအပေါ် အကောင်းမြင်လွန်းတဲ့ သမ္မတနဲ့ အမှုထမ်းတွေရဲ့အကြောင်းကို အူကြောင်ကြောင်ဟာသနဲ့ သရော်ထားတဲ့ ဒီဇာတ်ကားကို Tim Burton ရိုက်ကူးထားပါတယ်။

The Player (1992) အညွှန်း IMDb rating ...... 7.5/10 Rotten Tomatoes 98% (ဒီထဲကမင်းသားကThe Shawshank Redemption (1994)ထဲမှာ စကားလေး မပွင့်တပွင့်ပြောရင်းကျွန်တော်တို့နှလုံးသားကို သိမ်းပိုက်သွားတာ အားလုံးသိကြမယ်ထင်ပါရဲ့) Hollywood ရဲ့ ရုပ်ရှင်ထုတ်လုပ်ရေးလောကမှာ ထုတ်လုပ်သူတစ်ယောက်လုပ်ရတာဟာ ထင်သလောက်မရိုးရှင်းလှပါဘူး.... စာရေးဆရာတွေဆီက တစ်ရက်တစ်ရက်ကို ကမ်းလှမ်းလာတဲ့ ရာနဲ့ချီသော ဇာတ်လမ်းပေါင်းစုံကို နားထောင်ပြီး ဇာတ်ကားရိုက်သင့်မရိုက်သင့် ဆုံးဖြတ်ပေးရပါတယ်... ကမ်းလှမ်းလာသမျှဇာတ်လမ်းတိုင်းကို ထုတ်လုပ်သူတစ်ယောက်အနေနဲ့ လက်ခံဖို့မဖြစ်နိုင်တဲ့အခါ စာရေးဆရာတွေရဲ့ မုန်းတီးမှုကိုခံကြရပါတယ်... ဂရစ်ဖင်န် မေးလ် ဟာလည်း ဟောလီးဝုဒ်နာမည်ကြီး ရုပ်ရှင်ထုတ်လုပ်ရေးစတူဒီယိုတစ်ခုရဲ့ အကြီးအကဲတွေထဲက တစ်ယောက်ပါ... တစ်နေ့မှာတော့ သူ့ဆီကို အမည်မသိ စာရေးဆရာတစ်ယောက်ဆီက ခြိမ်းခြောက်စာတွေ အဆက်မပြတ်ရောက်လို့လာခဲ့ပါတယ်... ဒီချိန်းခြောက်စာတွေဟာ တစ်ရက်ထဲမဟုတ် အကြိမ်ရေများလာတဲ့အခါမှာတော့ ဂရစ်ဖင်တစ်ယောက် စိတ္တဇဖြစ်လာတယ်... အဲ့ဒီနောက် ဒီကိစ္စကို တစ်ယောက်ထဲဖြေရှင်းဖို့ကြိုးစားတော့တယ်... အဲ့ဒီအချိန်ကစပြီး မဟာပြဿနာပေါင်းစုံတက်တော့တာပါပဲ...… ဒီဇာတ်ကားဟာ တစ်ခေတ်တစ်ခါရဲ့ နာမည်ကျော်မင်းသားကြီး Tom Robbins ဦးဆောင်ထားပြီး Greta Scacchi နဲ့ အခြား နာမည်ကြီး သရုပ်ဆောင်များစွာပါ၀င်ထားပါတယ်... ဒါ့အပြင် ဆုပေါင်း (၁၄) ဆုအထိဆွတ်ခူးထားပြီး ၀က်၀က်ကွဲအောင်မြင်ခဲ့တဲ့ဇာတ်ကားကောင်း တစ်ကားလည်းဖြစ်ပါတယ် ဇာတ်လမ်းအစမှ အဆုံးအထိ ရင်တထိတ်ထိတ်ကြည့်ရမဲ့အပြင် ယနေ့ခေတ်နဲ့မတူ တမူထူးခြားတဲ့ ရသတွေခံစားမှာဖြစ်လို့... ကြည့်ရှုခံစားပေးကြပါဦးခင်ဗျာ... ဇာတ်လမ်းအညွှန်းနဲ့ ဘာသာပြန်သူကတော့ Thar Htet ပဲဖြစ်ပါတယ် … File Size : 2.83GB/ 1.16GB Quality : Blu-Ray 1080p / Blu-Ray 720p Format…mp4 Duration…02:05:00 Genre : Crime , Drama, Comedy Subtitle : Myanmar Subtitle (Hard Sub) Translated by Thar Htet Encoded by Tiff

The Kindred (1987) IMDb Rating (5.7) / Rotten Tomatoes (44%) သိပ္ပံပညာရှင် အမန်ဒါဟာ သူမသေခင်မှာ သားဖြစ်သူ ဂျွန်ကို သူ့ရဲ့အန္တရာယ်များလှတဲ့ စမ်းသပ်မှု ဓာတ်ခွဲခန်းမှတ်တမ်း အားလုံးကိုဖျက်ဆီးပစ်ဖို့တောင်းဆိုခဲ့ပါတယ်။ အဲ့ဒီအပြင် ဂျွန်မှာ ထင်မှတ်မထားတဲ့ ညီအစ်ကိုတစ်ယောက်ရှိနေသေးတယ်ဆိုတဲ့ လျှို့ဝှက်ချက်ကိုလည်း မသေခင်မှာ ထုတ်ပြောသွားခဲ့တာပါ။ အမန်ဒါရဲ့ ဈာပနပွဲမှာတော့ ဂျွန်ဟာ သူ့အမေရဲ့အကြီးစား ပရိသတ်ပါလို့ မိတ်ဆက်လာသူ မယ်လီဆာနဲ့တွေ့ဆုံခဲ့ပြီး ဂျွန် မယ်လီဆာနဲ့ သူငယ်ချင်းတွေဟာ အမန်ဒါရဲ့နေအိမ်ကိုသွားရောက်ခဲ့ကြပါတယ်။ အဲ့ဒီနေရာမှာတော့ လူသားကလေးငယ်ကို နှာမောင်းလက်တံတွေ ပါဝင်နေတဲ့ ကြောက်စရာ အန်သိုနီကို တွေ့ရှိခဲ့ကြရပြီးနောက် ဒီဖြစ်ရပ်တွေရဲ့နောက်ကွယ်က ပဟေဠိတွေကို အတူအဖြေရှာရင်း အန်သိုနီနဲ့တစ်ခြားအမျိုးအမည်မသိ အန္တရာယ်တွေကို အတူရင်ဆိုင်ကြရပါတော့တယ်။ The Kindred ဟာ ၁၉၈၇ နှစ်ထုတ် Sci-Fi Horror ဇာတ်ကားဖြစ်ပြီး ဂန္ဓဝင်ကာလရဲ့ အငွေ့အသက်တွေ အများကြီးကိုခံစားရမှာပါ။ CGI တွေကို အထူးပြုလို့မရသေးတဲ့ခေတ်မှာ အခုချိန်ထိ ထူးခြားဆန်းသစ်နေဆဲ Practical Effects တွေကိုတွေ့မြင်ရပါလိမ့်မယ်။ File size… (2 GB) / (1.2 GB) Quality…. Blu-Ray 1080p HEVC / 720p Format…. mkv/mp4 Genre…. Horror,Science Fiction Duration…. 01:35:21 Subtitle…. Myanmar Subtitle (Hardsub)

IMDb 8.2, RT - 75% Old but gold ဖြစ်နေဆဲ ဂန္တဝင်မြောက် စစ်ကားကို တင်ဆက်ပေးချင်ပါတယ်။ ဒါရိုက်တာကလည်း The messageကို ကိုင်တွယ်ခဲ့တဲ့ လက်ရာမြောက်ရုပ်ရှင်တွေကို ဖန်တီးလေ့ရှိတဲ့Moustapha Akkad ဖြစ်ပါတယ်။ ဒီရှင်ရှင်ရဲ့ဇာတ်လိုက်ကလည်း 90s bornတွေ အကုန်သိကြတဲ့ Oscars ဆု ၂ဆုပိုင်ရှင် မင်းသားကြီး Anthony Quinnက ထူးချွန်ပြောင်မြောက်စွာ သရုပ်ဆောင်ထားပါတယ်။ ဒီရုပ်ရှင်ဟာ အီတလီနိုင်ငံမှာ ဖက်ဆစ် တန်ခိုးကြီးထွားစင်ကာလပိုင်းခြားက ဖက်ဆစ်အီတလီတွေရဲ့ ယုတ်မာရိုင်းစိုင်းတဲ့ဖြစ်ရပ်မှန်ပေါ်ကို အခြေပြုရိုက်ထားတဲ့ ရုပ်ရှင်တစ်ခုဖြစ်ပါတယ်။ ဘယ်လောက်တောင် မှန်သလဲဆိုရင် ၁၉၈၂ခုနှစ်မှာ "အီတလီရဲ့စစ်တပ်သိက္ခာကို စော်ကားတဲ့ရုပ်ရှင်"လို့သတ်မှတ်ပြီးတော့ကို ပိတ်ပင်ခဲ့တဲ့ ရုပ်ရှင်တစ်ကားဖြစ်ပါတယ်။ ၂၀ရာစုမှာ ဥရောပနိုင်ငံကြီးတွေက စတင်နယ်ချဲ့ဖို့ကြိုးစားလာကြပါတော့တယ်။ အီတလီတွေကလည်း အမေကျော်ဒွေးတော်လွမ်းပြီး ရိုမန်အင်ပါရာကြီးကို ပြန်လည်ထူထောင်မယ်ဆိုပြီး နယ်ချဲ့မှုမှာ စတင်ပါဝင်လာတော့ပါတယ်။ နယ်ချဲ့တာက တန်ခိုးအာဏာ ဘုန်းတန်ခိုး ကြီးထွားချင်လို့ဆိုတဲ့ အကြောင်းပြချက်တွေနဲ့ နယ်ချဲ့ကြပေမယ့် နယ်ချဲ့ခံရတဲ့နိုင်ငံတွေက အကြီးကျယ် ဒုက္ခများရပါတော့တယ်။ အီတလီတွေ ပထမဆုံး နယ်ချဲ့တဲ့နိုင်ငံက မြေထဲပင်လယ်ထဲက အရေးပါတဲ့နိုင်ငံတစ်ခု ဖြစ်တဲ့ လစ်ဗျားနိုင်ငံကိုဖြစ်ပါတယ်။ ကျွန်တော်တို့ မြန်မာနိုင်ငံလည်း ဗြိတိသျှ ကျူးကျော်သိမ်းပိုက်ခံလိုက်ရတဲ့အတွက် သိမ်းပိုက်ခံလိုက်ရစဥ်ကတည်းက လွတ်လပ်ရေးမရခင်အထိ အင်္ဂလိပ်အစိုးရကို မျိုးဆက်အဆက်ဆက် တော်လှန်လာခဲ့ပါတယ်။ ထိုနည်းတူစွာပဲ လစ်ဗျားနိုင်ငံကလည်း အီတလီတွေကို တော်လှန်ခဲ့ပါတယ်။ လစ်ဗျားနိုင်ငံရဲ့တော်လှန်ရေးဖခင်ကြီးကတော့ အိုမာ မုခ်တာ ဖြစ်ပါတယ်။ တော်လှန်ရေးဖခင်ကြီး အိုမာ မုခ်တာက ဖက်ဆစ် အီတလီတွေကို ဘယ်လိုတော်လှန်မလဲ၊ ပြောက်ကျားစနစ်နဲ့ အီတလီတပ်တွေကို ဘယ်လိုခြေမှုန်းမလဲ၊ အီတလီတွေဘက်ကရော အိုမာ မုခ်တာနဲ့ တော်လှန်ရေးကိုခြေမှုန်းဖို့ ဘယ်လောက်ထိ ကြိုးစားကြမလဲ။ ဘယ်လို လူအခွင့်ရေးနဲ့မညီတဲ့ ယုတ်မာမှုတွေကို အီတလီတွေက ကျူးလွန်ခဲ့ကြလဲ။ အိုမာ မုခ်တာတို့ လစ်ဗျားတိုင်းရင်းသားတွေက ဘယ်လိုတော်လှန်ကြမလဲဆိုတာကို ဒီရုပ်ရှင်မှာပြည့်ပြည့်စုံစုံကြည့်ရမှာဖြစ်ပါတယ်။ ဒီရုပ်ရှင်ရဲ့ထူးခြားချက်က သာမန်ရုပ်ရှင်လို ပေါ်လစီတွေ ထိုင်ပြောတာမျိုး၊ ဇာတိမာန်တွေကို ဒိုင်ယာလော့အနေနဲ့ ငြီးငွေ့နေအောင် ထိုင်ပြောတာမျိုး၊ ရန်သူလာရင် အော်ပြီး ထွက်ချတာမျိုးမဟုတ်ဘဲ ဗျူဟာကျကျနဲ့ စစ်ချီစစ်ချပုံစံတွေကို ဖော်ပြထားပါတယ်။ တော်လှန်ရေးဘက်က ဗျူဟာအမြင်တစ်ခုတည်းကိုပဲ မဟုတ်ဘဲ အီတလီတွေရဲ့စစ်ရေးဗျူဟာတွေကိုပါ ပြည့်ပြည့်စုံစုံ ရိုက်ကူးဖော်ပြထားတဲ့အတွက် ဒီရုပ်ရှင်က စစ်ကားကြိုက်သူတွေအတွက်တော့ အကြိုက်တွေ့စေမှာပါ။ အညွှန်းနဲ့ဘာသာပြန်သူက Minn Khant Kyi Win ဖြစ်ပါတယ်။ File size…(3.8 GB)/(2.3 GB) Quality….Blu-Ray 1080p / 720p Format…mp4 Duration….02:53:00 Genre...Biography, Drama, History Subtitle….Myanmar Subtitle (Hardsub) Encoder….Garfield Translated by Min Khant Kyi Win

"Duck, You Sucker!" (တချို့နိုင်ငံတွေမှာ "A Fistful of Dynamite" သို့မဟုတ် "Giù la testa" ဟုလည်း သိကြပါသည်) သည် အီတလီ နာမည်ကျော် ဒါရိုက်တာ ဆာဂျီယို လီယွန်နီ (Sergio Leone) ရိုက်ကူးခဲ့ပြီး ၁၉၇၁ ခုနှစ်က ထွက်ရှိခဲ့သည့် ဂန္ထဝင် Spaghetti Western ရုပ်ရှင်တစ်ကား ဖြစ်ပါတယ်။ ဇာတ်လမ်းအနောက်ခံမှာ ၁၉၁၀ ပြည့်လွန်နှစ်များက ဖြစ်ပွားခဲ့သော မက္ကဆီကို တော်လှန်ရေးကာလ ဖြစ်ပါတယ်။ Juan Miranda ဘဏ်ဖောက်ဖို့လောက်ပဲ စိတ်ကူးရှိပြီး နိုင်ငံရေးဘာမှ နားမလည်တဲ့ မက္ကဆီကို ဓားပြခေါင်းဆောင်။ John H. Mallory အတိတ်က အနာတရတွေကြောင့် ထွက်ပြေးလာတဲ့ အိုင်းရစ် (Irish) တော်လှန်ရေးသမားဟောင်းနှင့် ဖောက်ခွဲရေး ကျွမ်းကျင်သူ။ သူတို့နှစ်ဦး မမျှော်လင့်ဘဲ ဆုံတွေ့ကြပြီးနောက်၊ Juan က John ၏ ဒိုင်းနမိုက်စွမ်းရည်ကို အသုံးပြုကာ ဘဏ်ဖောက်ရန် ကြိုးစားရာမှ မတော်တဆ မက္ကဆီကို တော်လှန်ရေးကြီးထဲသို့ နှစ်ကိုယ်တည်း ဝင်ရောက်ပါဝင်သွားပုံကို စိတ်ဝင်စားဖွယ် ရိုက်ကူးထားခြင်း ဖြစ်ပါတယ်။ Sergio Leone ရဲ့ ထုံးစံအတိုင်း မျက်လုံးအမူအရာကို အနီးကပ် ဆွဲရိုက်တဲ့ ရိုက်ချက်တွေ (extreme close-ups) နဲ့ မြင်ကွင်းကျယ် ရိုက်ကွက်တွေကို အချိုးကျကျ သုံးသွားတယ်။ ပေါက်ကွဲခန်းတွေဆိုလည်း အဲဒီခေတ်က နည်းပညာနဲ့စာရင် တော်တော်လေးကို ကြည့်ကောင်းတာဗျ။ မင်းသားနှစ်ယောက်လုံးရဲ့ သရုပ်ဆောင်ချက်က တော်တော်လေး မိုက်တယ်။ အထူးသဖြင့် John ရဲ့ အတိတ်ကို ပြန်သတိရတဲ့ အခန်းတွေမှာ မင်းသား Coburn ရဲ့ မျက်နှာအမူအရာက ဇာတ်ကားကို ပိုပြီး လေးနက်သွားစေတယ်။ အီတလီ ဂီတမှူးကြီး Ennio Morricone ရဲ့ "Sean Sean" ဆိုတဲ့ နောက်ခံတေးဂီတကလည်း ဇာတ်ကောင်တွေရဲ့ လွမ်းဆွတ်မှုနဲ့ ကြေကွဲမှုကို အကောင်းဆုံး ပံ့ပိုးပေးထားတယ်။ ဂီတလေး ကြားလိုက်တာနဲ့တင် ရုပ်ရှင်ထဲကို ရောက်သွားသလိုပဲ။ ဒီကားဟာ Leone ရဲ့ သိပ်နာမည်ကြီးတဲ့ 'The Good, the Bad and the Ugly' လောက် လူသိမများပေမယ့်၊ ဇာတ်လမ်းအသားပေးနဲ့ စိတ်ခံစားမှုပိုင်းမှာတော့ တကယ့်ကို မာစတာပိစ် (Masterpiece) တစ်ကားလို့ ပြောလို့ရတယ်။ သူငယ်ချင်း သံယောဇဉ်၊ သစ္စာဖောက်မှုနဲ့ တော်လှန်ရေးရဲ့ အမှောင်ဘက်ခြမ်းတွေကို သဘာဝကျကျ ခံစားကြည့်ချင်တယ်ဆိုရင်တော့ လုံးဝ မလွတ်သင့်တဲ့ ရုပ်ရှင်ကားကောင်းပါပဲ။ File size… 3.3 GB / 1 GB Quality… Blu - Ray 1080p & 720p Format… mp4 Duration….2h 37m Genre .....Western Subtitle…. Myanmar Subtitle (Hard Sub)

တစ်ခုသော အာရုံတက်ချိန် ဘူတာရုံမှာ ရထားစောင့်နေတဲ့ ဗာဂျယ်ဟာ ရဲတစ်‌ယောက်ရဲ့ဖမ်းတာ ခံလိုက်ရတယ်။ ဗာဂျယ်ဟာ လူမည်းပါ။ Mississippi လိုပြည်နယ်မျိုးမှာ လူမည်းတွေကိုကျွန်ပြုနေကြတုန်း တန်းတူအခွင့်ရေးတွေရသွားမှာ စိုးရိမ်နေကြတဲ့အချိန် ဗာဂျယ်ဟာ လူသတ်မှုနဲ့ ဖမ်းခေါ်သွားခံခဲ့ရတယ်။ ရဲစခန်းရောက်တော့ ဗာဂျယ်ဟာ ရဲတစ်ယောက်ဖြစ်နေရုံမက လူသတ်မှုဖော်ထုတ်ရာမှာ ကျွမ်းကျင်သူ ဖြစ်ကြောင်းပါသိလိုက်ရပြီး သူသတ်ခဲ့ပါတဲ့စွပ်စွဲခံရတဲ့သူရဲ့အမှုကို ကိုယ်တိုင်စစ်ဆေးဖို့ဖြစ်လာတယ်။ လူမည်းဖြစ်နေတာကြောင့် စော်ကားခံရမှုတွေ အသက်အန္တရာယ်ခြိမ်းခြောက်ခံရမှုတွေကြားထဲက ၂ ရက်တာအချိန်တိုလေးအတွင်းမှာ အမှုကိုဖော်ထုတ်သွားမယ့် Triller/Mystery ကားကောင်းတစ်ကားပါ။ File size…(2.3 GB)/(1.1 GB) Quality….Blu-Ray 1080p / 720p Format… mp4 Duration…. 01:50:00 Genre... Drama, Thriller, Mystery Subtitle….Myanmar Subtitle (Hardsub) Encoder….Garfield Translated by Su

တပ်နီတော်က ဗိုလ်ချုပ်ကြီးတစ်ယောက်ဟာ သူ့ရဲ့ အဖေတူအမေကွဲအစ်ကို ဒေါက်တာဇီဗားဂိုးရဲ့ သမီးကို လိုက်ရှာနေပါတယ်။ သူက အစ်ကိုဖြစ်သူရဲ့အကြောင်း ပြန်ပြောပြရာကနေ ဇာတ်လမ်းစထားတာပါ။ ဆရာဝန်တစ်ယောက်လည်းဖြစ်၊ နာမည်ကျော်ကဗျာဆရာလည်းဖြစ်တဲ့ ဇီဗားဂိုးရဲ့ဘဝကို ပထမကမ္ဘာစစ်နဲ့ ရုရှပြည်တွင်းစစ်ကြားက အပြောင်းအလဲတွေနဲ့အတူ တွေ့ရမှာဖြစ်ပါတယ်။ ဇီဗားဂိုးဟာ ငယ်ငယ်ကတည်းက မိဘမဲ့ဖြစ်ခဲ့ပြီး မိဘတွေရဲ့ မိတ်ဆွေလင်မယားက မွေးစားခဲ့ကြတယ်။ အဲဒီမိသားစုမှာ တွန်ညာဆိုတဲ့ သမီးလေးတစ်ယောက်ရှိပြီး နောင်မှာ ဇီဗားဂိုးရဲ့ဇနီး ဖြစ်လာမယ့်သူပါ။ ဇီဗားဂိုးက ဆေးပညာသင်ယူနေစဉ်မှာပဲ ကဗျာဆရာတစ်ယောက်အဖြစ် နာမည်ရလာခဲ့ပါတယ်။ ဆရာဝန်ဖြစ်ခါစ ခရစ္စမတ်အကြိုညတစ်ညမှာတော့ ပါတီပွဲတစ်ခုမှာ သေနတ်ထိသွားတဲ့ ရှေ့နေကြီး ဗစ်တာ အစ်ပိုလီတိုဗစ်ခ်ျ ကိုမာရော့ဗ်စကီကို ဇီဗားဂိုး ကုသပေးခဲ့ရတယ်။ ပစ်ခတ်ခဲ့သူက လာရီဆာ အန်တီပိုဗာ၊ လာရာလို့လည်း ခေါ်ကြတဲ့ မိန်းကလေးတစ်ယောက် ဖြစ်ပါတယ်။ လာရာနဲ့ ရှေ့နေကြီးကြားမှာ ဘာတွေဖြစ်ခဲ့သလဲဆိုတာကနေ သူမရဲ့အကြောင်း ဆက်သိလာရမှာပါ။ အဲဒီခေတ်မှာ ဇာဘုရင်ရဲ့အုပ်ချုပ်မှုကို ဆန့်ကျင်ပြီး အပြောင်းအလဲလိုချင်ကြတဲ့ အင်အားစုတွေရဲ့ လှုပ်ရှားမှုတွေနဲ့ ဆန္ဒပြပွဲတွေကို အကြမ်းဖက်နှိမ်နင်းနေကြပါတယ်။ ပထမကမ္ဘာစစ်အတွင်း ဇီဗားဂိုးဟာ စစ်တပ်ဆရာဝန်အဖြစ် တာဝန်ထမ်းဆောင်ရတယ်။ ကမ္ဘာစစ်ပြီးသွားပေမယ့် ရုရှပြည်တွင်းစစ် ဆက်ဖြစ်လာတာကြောင့် ဇနီးနဲ့သားရှိရာကို မပြန်နိုင်သေးဘဲ စစ်မှုဆက်ထမ်းနေရပါတယ်။ အဲဒီအချိန်မှာ စစ်အတွင်း ပျောက်ဆုံးသွားတဲ့ ခင်ပွန်းကို ရှာဖို့ စေတနာ့ဝန်ထမ်းသူနာပြုအဖြစ် ရောက်လာတဲ့ လာရာနဲ့ ပြန်ဆုံတယ်။ အတူအလုပ်လုပ်ကြရင်း သံယောဇဉ်တွယ်လာပေမယ့် နှစ်ယောက်စလုံး ကိုယ့်စိတ်ကို ထိန်းထားကြပါတယ်။ တပ်ကထွက်ခွင့်ရလို့ မော်စကိုကို ဇီဗားဂိုး ပြန်ရောက်လာတဲ့အခါ သူသိခဲ့တဲ့ နေထိုင်မှုဘဝက ပြောင်းလဲနေပါပြီ။ မိသားစုနေတဲ့ အိမ်ကြီးကို စုပေါင်းအိမ်ရာအဖြစ် ပြောင်းထားလို့ တခြားမိသားစုတွေနဲ့ ကျဉ်းကျဉ်းကျပ်ကျပ် နေရတယ်။ ကုန်ဝယ်စာအုပ်တွေ၊ ရိက္ခာလက်မှတ်တွေနဲ့ စားဝတ်နေရေးကို ဖြေရှင်းရပေမယ့် ရာရှင်စနစ်ကလည်း လူတွေအတွက် လုံလောက်အောင် မထောက်ပံ့နိုင်ပါဘူး။ ဇီဗားဂိုးရဲ့ကဗျာတွေကို ခေတ်နောက်ပြန်ဆွဲတယ်၊ စိတ်ကူးယဉ်ဆန်တယ်ဆိုပြီး ပါတီခေါင်းဆောင်တွေက မနှစ်သက်ကြဘူး။ သူက ပါတီဝင်လည်း မဟုတ်သလို ပါတီလုပ်သမျှကို မျက်စိမှိတ်ထောက်ခံသူလည်း မဟုတ်တဲ့အတွက် ပိုပြီး အငြိုးထားခံနေရပါတယ်။ ကိုယ့်အပေါ်ကျရောက်လာနိုင်တဲ့ အန္တရာယ်ကို ဇီဗားဂိုးက သတိမထားမိပေမယ့် သူ့ညီကတော့ ရိပ်မိနေတယ်။ ဒါကြောင့် မော်စကိုနဲ့ဝေးတဲ့ တစ်နေရာမှာ လူမသိသူမသိ သွားနေဖို့ အစ်ကိုဖြစ်သူကို တိုက်တွန်းလာပါတယ်။ ဒီရုပ်ရှင်ရဲ့ မူရင်းဝတ္ထုကို ဆိုဗီယက်စာရေးဆရာနဲ့ ကဗျာဆရာ ဘောရစ်စ် ပက်စတာညက်ဗ် ရေးသားခဲ့ပြီး ၁၉၅၇ ခုနှစ်မှာ အီတလီနိုင်ငံ၌ ထုတ်ဝေခဲ့ပါတယ်။ ဇာဘုရင်ကျဆုံးချိန်နဲ့ ကွန်မြူနစ်နိုင်ငံ စတင်တည်ဆောက်ချိန်မှာ ပြည်သူတွေ ကြုံခဲ့ရတဲ့ ဆင်းရဲဒုက္ခတွေကို လူသားတစ်ယောက်ရဲ့ ရှုထောင့်ကနေ ရေးထားတဲ့ ဝတ္ထုဖြစ်ပါတယ်။ ဆိုဗီယက်အာဏာပိုင်တွေက မနှစ်သက်တာကြောင့် ပြည်တွင်းမှာ ထုတ်ဝေဖတ်ရှုခွင့် မရခဲ့ပေမယ့် နိုင်ငံတကာမှာ အောင်မြင်ခဲ့ပြီး တော်စတွိုင်းရဲ့ စစ်နှင့်ငြိမ်းချမ်းရေးနဲ့အတူ ဂန္တဝင်စာပေအဖြစ် အသိအမှတ်ပြုခံခဲ့ရတယ်။ ပက်စတာညက်ဗ်ဟာ ၁၉၅၈ ခုနှစ် စာပေနိုဘယ်ဆု ချီးမြှင့်ခံခဲ့ရပေမယ့် အာဏာပိုင်တွေရဲ့ ဖိအားကြောင့် ဆုကို ငြင်းပယ်ခဲ့ရပါတယ်။ ၁၉၈၉ ခုနှစ်မှ သားတစ်ယောက်က သူ့ကိုယ်စား ဆုလက်ခံယူခဲ့တယ်လို့ မူရင်းအညွှန်းမှာ ဖော်ပြထားတယ်။ မြန်မာဘာသာပြန်ဝတ္ထုကိုလည်း ဘုန်းမြင့်(မန္တလေး)က ပြန်ဆိုထုတ်ဝေခဲ့ဖူးတယ်လို့ ဆိုပါတယ်။ ဇာတ်လမ်းရဲ့ နိုင်ငံရေးနောက်ခံကို နားလည်ဖို့ ကွန်မြူနစ်ဝါဒမှာ လူတန်းစားမညီမျှမှုကို ဖယ်ရှားပြီး ပစ္စည်းမဲ့လူတန်းစားအတွက် လူ့အဖွဲ့အစည်းတစ်ခု တည်ဆောက်လိုတဲ့ ရည်ရွယ်ချက်ရှိတာကို သိထားနိုင်ပါတယ်။ နောက်ပိုင်း ဆိုဗီယက်ပြည်ထောင်စုနဲ့ အမေရိကန်တို့ စစ်အေးကာလမှာ အားပြိုင်ခဲ့ကြသလို အနီရောင်နဲ့ ရဲဘော်ဆိုတဲ့ အခေါ်အဝေါ်တွေဟာလည်း ကွန်မြူနစ်လှုပ်ရှားမှုနဲ့ တွဲနေခဲ့တယ်။ ဇာတ်ကားထဲက ဗိုလ်ချုပ်ကြီးကိုတောင် ရဲဘော်ဗိုလ်ချုပ်ကြီးလို့ ခေါ်ကြပြီး ကွန်မြူနစ်အင်တာနေရှင်နယ် သီချင်းကိုလည်း ကြားရပါတယ်။ ဇာတ်ကားကြာချိန်က ၃ နာရီ မိနစ် ၂၀ ရှိပြီး ဘတ်ဂျက် ဒေါ်လာ ၁၁ သန်းနဲ့ ရိုက်ကူးခဲ့ရာက ကမ္ဘာတစ်ဝန်း ဝင်ငွေ ဒေါ်လာ ၂၄၈.၂ သန်း ရရှိခဲ့ပါတယ်။ အော်စကာဆု ငါးဆုနဲ့ အခြားဆု ၁၆ ဆု ရရှိခဲ့တယ်လို့လည်း မူရင်းမှာ ဖော်ပြထားတယ်။ စစ်ပွဲနဲ့ နိုင်ငံရေးအပြောင်းအလဲတွေကြားက အချစ်ဇာတ်လမ်းဖြစ်ပြီး ကာမဆန္ဒနဲ့ တွဲနေတဲ့အချစ်၊ လူသားချင်း စာနာတဲ့အချစ်၊ တိုင်းသူပြည်သားတွေအပေါ်ထားတဲ့ မေတ္တာနဲ့ ဝါဒတစ်ခုအပေါ် စွဲလမ်းယုံကြည်မှုတို့ကို တွဲဖော်ပြထားပါတယ်။

The Longest Day" (1962) ဆိုတာ ဒုတိယကမ္ဘာစစ်ရဲ့ နော်မန်ဒီဆင်းသက်ရေး (D-Day) ကို ရိုက်ပြထားတဲ့ သမိုင်းဝင်စစ်ကားပါ။ ၁၉၄၄ ခုနှစ်၊ ဇွန်လ ၆ ရက်က ဖြစ်ပွားခဲ့တဲ့ ဒီအဖြစ်အပျက်ကို Cornelius Ryan ရဲ့ စာအုပ်ကို အခြေခံပြီး မဟာမိတ်နဲ့ ဂျာမန်နှစ်ဖက်ရှုထောင့်ကနေ ရိုက်ကူးထားတာပါ။ စစ်ဆင်ရေးမတိုင်ခင် ပြင်ဆင်မှုတွေ၊ ဗျူဟာတွေကို အသေးစိတ်ပြထားပြီး ဇာတ်ကားက ၃ နာရီလောက်ကြာပါတယ်။ သရုပ်ဆောင်တွေကတော့ ထိုခေတ်ရဲ့ နာမည်ကြီးများဖြစ်တဲ့ John Wayne, Henry Fonda, Richard Burton, နဲ့ Sean Connery တို့ပါ။ ဒါရိုက်တာ ၃ ဦးဖြစ်တဲ့ Ken Annakin (ဗြိတိသျှနဲ့ ပြင်သစ်ဘက်ခြမ်း), Andrew Marton (အမေရိကန်ဘက်ခြမ်း), နဲ့ Bernhard Wicki (ဂျာမန်ဘက်ခြမ်း) တို့က ပူးပေါင်းရိုက်ကူးခဲ့ပြီး Darryl F. Zanuck က ဦးဆောင် ထုတ်လုပ်ခဲ့ပါတယ်။ ဇာတ်ကားက ၁၉၆၃ အော်စကာမှာ ဆု ၅ ဆုအတွက် ဆန်ခါတင်စာရင်းဝင်ခဲ့ပြီး အကောင်းဆုံး ရုပ်ရှင်ဓာတ်နဲ့ Visual Effects ဆုတွေ ရခဲ့ပါတယ်။ ဘတ်ဂျက် ၇.၅ သန်းနဲ့ ရိုက်ထားပြီး ကမ္ဘာတဝှမ်း ၃၀.၅ သန်း ဝင်ငွေရခဲ့တာမို့ အဖြူအမည်းရုပ်ရှင်တွေထဲ ဝင်ငွေအများဆုံးဖြစ်ခဲ့ပါတယ်။ ဒီဇာတ်ကားက သမိုင်းကို စစ်မှန်စွာပုံဖော်ထားပြီး နာမည်ကြီးသရုပ်ဆောင်တွေနဲ့ ဒါရိုက်တာတွေရဲ့ ဖန်တီးမှုကြောင့် ရုပ်ရှင်ပရိသတ်တွေအတွက် ထူးခြားတဲ့ အတွေ့အကြုံတစ်ခုပါပဲ File size…(3.7 GB)/(1.8 GB) Quality….Webrip HEVC 1080p / 720p Format…mp4/ mkv Duration….01:48:00 Genre...War,Action, Drama  Subtitle….Myanmar Subtitle (Hardsub) Encoder….Swan Min Htet Translated by Peter Tulot

မင်းသားတွေ၊မင်းသမီးတွေရဲ့ သရုပ်ဆောင်ကောင်းမှုကြောင့် 1955 ခုနှစ်မှာတင် ဆု 4 ဆုရခဲ့တဲ့ ဒီကားလေးက သူ့ခေတ်သူ့အခါက အရမ်းကို နာမည်ကြီးခဲ့တယ်လို့ပြောရရင် မမှားပါဘူး။ ဆိုတော့ ဒီကားလေးက ဟောလိဝုဒ် ရုပ်ရှင်သမိုင်းရဲ့ တန်ဖိုးမဖြတ်နိုင်နဲ့ကားဆိုရင်လည်း မမှားပါဘူး။ ဇာတ်လမ်းထဲမှာ တယ်ရီမလွိုင် က သင်္ဘောဆိပ်မှာ ကုန်ထမ်းရင်း သူ့ကိုငယ်ငယ်က စောင့်ရှောက်ခဲ့တဲ့ ဂျွန်နီဖရန်လီ ရဲ့ လက်ပါးစေ တစ်ယောက်အနေနဲ့ လုပ်နေတာပါ။ တယ်ရီ ရဲ့ဘဝကို ပြောင်းလဲစေတဲ့အခိုက်အတန့်ကတော့ အီဒီဆိုတဲ့ မိန်းကလေးတစ်ယောက်ကို ချစ်မိသွားတာပါပဲ။ အဲ့မတိုင်ခင် အီဒီရဲ့မောင်လေးကလည်း ဆိပ်ကမ်းမှာပဲအလုပ်လုပ်နေပြီး ပြစ်မှုတစ်ခုကို ဖော်ထုတ်မယ်လုပ်တော့ မတော်တဆ သေဆုံးသွားခဲ့ပါတယ်။ အီဒီကတော့ သူ့မောင်လေးက မတော်တဆ သေဆုံးတယ်လို့ မထင်ပါဘူး။ တယ်ရီတို့နေတဲ့ Waterfront ဆိုတဲ့ ပြည်နယ်ကိုတော့ ဆိပ်ကမ်းပိုင်ရှင် ဂျွန်နီဖရန်လီ က ချယ်လှယ်ချင်တိုင်းချယ်လှယ်နေခဲ့ပါတယ်။ သူ့အောက်က အလုပ်သမားတွေကလည်း အလုပ်မရမှာစိုးလို့ ဘာမှမမေးနဲ့ ဘာမှမပြောနဲ့ဆိုတဲ့ ဝါဒကို ကျင့်သုံးကြတာပါ။ အဲ့နောက် အီဒီမောင်လေး ဂျီုဝီကရော မတော်တဆဖြစ်ပြီး သေဆုံးတာရော ဟုတ်ရဲ့လားဆိုတာနဲ့ တယ်ရီကရော အလုပ်သမားတွေ ဘယ်လိုသပိတ်မှောက်အောင် သိမ်းသွင်းသွားမလဲ? ဓားသွားပေါ်က အမှန်တရားကိုကိုင်ဆောင်ပြီး ဘယ်အချိန်ထိ သွေးထွက်ခံ ရှေ့ဆက်တိုးနေမလဲ......? File size…(10.3 GB)/(2.5 GB)/(1.8 GB) Quality….Blu-Ray 4K HEVC/1080p / 720p Format… mp4 Duration…. 01:48:00 Genre... Crime, Drama, Thriller Subtitle….Myanmar Subtitle (Hardsub) Encoder….Garfield Translated by Karmt