Roger Rees ပါဝင်သော ဇာတ်ကားများ

IMDb Rating - 5.9/10 မကြာသေးခင်က တင်ဆက်ပေးထားတဲ့ Body Snatchers နဲ့ဝတ္ထု တစ်ပုဒ်ထဲကိုအခြေခံတဲ့ဇာတ်ကားဖြစ်ပါတယ်။ ဒါပေမယ့်လည်း ဒီဇာတ်ကားမှာတော့ ကျောရိုးတစ်ခုကိုသာယူထားတာဖြစ်ပြီး ခေတ် အခြေအနေနဲ့ကိုက်ညီအောင် မွမ်းမံမှုတွေဖြည့်စွက်ပြင်ဆင်မှုတွေ အများကြီးလုပ်ထားတဲ့အတွက် ဆန်းသစ်တဲ့ခံစားချက်ကိုရရှိစေမှာပါ။ ဇာတ်လမ်းအကျဉ်းအနေနဲ့ အာကာသလွန်းပျံယာဉ်တစ်စီးကမ္ဘာမြေ ပေါ်ကိုပျက်ကျပြီးတဲ့နောက် အသိဉာဏ်ရှိတဲ့ ဂြိုလ်သားသက်ရှိပုံစံ တစ်ခုကို အပျက်အစီးတွေနဲ့မလှမ်းမကမ်းမှာရှာဖွေတွေ့ရှိခဲ့ပါတယ်။ လွန်းပျံယာဉ်ပျက်ကျမှုကိုသွားရောက်စုံစမ်းခဲ့တဲ့ CDC ဌာနအကြီးအကဲ Tucker Kaufman ကို အဲ့ဒီ ဂြိုလ်သားဇီဝရုပ်က ပထမဆုံးပူးကပ်ထိန်း ချုပ်သွားခဲ့ပေမယ့် ဘယ်သူမှမသိလိုက်ကြပါဘူး။ မကြာခင်မှာပဲ တပ်ကာရဲ့ဇနီးဟောင်းစိတ်ကုဆရာဝန် Carol Bennell ဟာ သူ့လူနာတစ်ဦးကတစ်ဆင့် ပတ်ဝန်းကျင်မှာရှိတဲ့လူပုဂ္ဂိုလ်တစ်ချို့ရဲ့ ပြောင်းလဲမှုတွေကို စတင်သတိထားမိစပြုလာခဲ့ပါတယ်။အဲ့ဒီအချိန်တွေ အတွင်းမှာပဲ ဂြိုလ်သားဇီဝရုပ်ဟာ တိုင်းပြည်ရဲ့အရေးကြီးပုဂ္ဂိုလ်တွေအ ပါအဝင် လူအတော်များများကိုလျင်မြန်စွာပူးကပ်ကူးစက်နေပြီး ကမ္ဘာကြီး တစ်ခုလုံးကိုသိမ်းပိုက်အုပ်စိုးမိဖို့အချိန်တစ်ခုသာ လိုပါတော့တယ်။ Nicole Kidman နဲ့ Daniel Craig (James Bond) တို့လိုထိပ်တန်းသရုပ် ဆောင်တွေ ခေါင်းဆောင်ပါဝင်ထားပြီး မူရင်းဇာတ်ကားထက်မလျော့တဲ့ ထူးခြားဆန်းသစ်တဲ့ science fiction horror ကားကောင်းတစ်ကားပါပဲ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Alias ဖြစ်ပါတယ်) File Size..........(1.99 GB) / (826 MB) Quality............WEB-DL 1080p / 720p Duration.........1Hr 39Min Subtitle...........Myanmar Hardsub Format............MP4 Genre..............Sci-Fi, Thriller Translator.......Alias Encoder..........SWM

The Pink Panther . . . ဒီကားလေးဟာ နာမည်ကြားလိုက်တာနဲ့ လူတော်တော်များကတော့ ကြည့်ဖူးသိဖူးကြမယ်ထင်ပါရဲ့။ မကြည့်ဖူးတဲ့ သူများလည်း ဒီကားလေးကိုကြည့်ဖြစ်အောင်ကြည့်ဖို့ တိုက်တွန်းချင်ပါတယ်။ စုံထောက်ကြီး ကလူးဆိုး . သူဟာ ဒီဇာတ်ကားရဲ့ အဓိကဇာတ်ကောင်ဖြစ်ပြီး အလွဲလွဲအချော်ချော်တွေနဲ့ အမြဲတမ်းကြုံတွေ့နေရသူဖြစ်ပါတယ်။ အဲ့လိုပဲ သူ့ကို ချောက်တွန်းချင်တဲ့ စုံထောက်ချုပ်က လူသတ်မှုတစ်ခုကို လိုက်ခိုင်းပြီး အမှားတွေပဲဖြစ်အောင်လို့ ချောက်တွန်းပို့ပေးလိုက်ရာကနေ စုံထောက်ကြီး ကလူးဆိုးရဲ့ ဗလူးဗလဲရယ်စရာတွေစတင်လာပါတော့တယ်။ (ဒီဇာတ်ကားလေးကို ဘာသာပြန်ပေးသူကတော့ Ma Myat Noe Wutt Yi ဖြစ်ပါတယ်။) @sanwinmaung File Size >>>  (850 MB) Quality >>>  Blu-Ray 720p Running Time >>> 1hr 33min Genre >>> Adventure, Comedy, Crime  Subtitle >>> Myanmar Subtitle (Hard Sub) Translator >>> Myat Noe Wutt Yi Encoder >>> San Win Maung

ဒီကားလေးကတော့ အားလုံးနဲ့ရင်းနှီးပြီးသားဖြစ်တဲ့ Gerfield 1 ရဲ့အဆက်ဖြစ်တဲ့ Gerfield 2 ပဲဖြစ်ပါတယ်... Gerfield ဆိုတဲ့နာမည်ကိုကြားလိုက်ရင် အရမ်းကိုလည်ပြီးကြောင်ပါးဝတတ်တဲ့ လိမ္မော်ရောင်ကြောင်ဖက်တီးကို ပြေးမြင်ကြမှာပဲဖြစ်ပါတယ်...သူ့ရဲ့စကားပြောဟန်တွေနဲ့ ဝနေတဲ့ သူ့ကိုယ်လုံးကြီးက ပရိတ်သတ်တွေကြားမှာ လွန်စွာကိုချစ်စရာကောင်းနေခဲ့ပါတယ်... Gerfield 1 မှာတုန်းက သူဟာသူ့ရဲ့သူငယ်ချင်းအသစ်ဖြစ်တဲ့ ခွေးလေးအိုဒီနဲ့ တွေ့ဆုံခဲ့ပြီးတော့ သူငယ်ချင်းတွေဖြစ်လာခဲ့ပါတယ်...အဲ့နောက်မှာခွေးလေးအိုဒီကို မကောင်းတဲ့လူတွေလက်ကနေပြန်လည်ကယ်တင်ရင်းကနေ သူ့ရဲ့စွန့်စားခန်းတွေကိုတင်ဆက်ပေးခဲ့တာပဲဖြစ်ပါတယ်... အခုတင်ဆက်ပေးမယ့် အပိုင်းသစ် Gerfield 2 မှာတော့ ခွေးလေးအိုဒီအပြင် သူ့နဲ့ရုပ်ချင်းလုံးဝတူနေတဲ့ ကြောင်ဘုရင် Gerfield Prince နဲ့ထပ်မံတွေ့ဆုံရမှာပဲဖြစ်ပါတယ်... သူတို့နှစ်ယောက်ဘယ်လိုတွေ့ဆုံပြီးတော့ ဘယ်လိုတွေစွန့်စားမှု့တွေလုပ်ကြမလဲ... ဘယ်လိုဟာသတွေထည့်သွင်းရိုက်ကူးထားလဲဆိုတာကတော့ အားလုံးစိတ်ဝင်တစားနဲ့ကြည့်ရမှာပဲဖြစ်ပါတယ်...အားလုံးကြည့်ပြီးကြတဲ့ကားဟောင်းလေးပေမယ့် ''Old but Gold''ဆိုတဲ့စကားအတိုင်း ပြန်လည်သိမ်းဆည်းထားချင်သူများနဲ့ မကြည့်ရသေးတဲ့ပရိတ်သတ်များ ကြည့်ရှု့နိုင်ရန်အတွက်သာဖြစ်ပါတယ်... Gerfield ကတော့ ကျွန်တော့အကြိုက်ဆုံးဇာတ်ကောင်ဖြစ်လို့ Gerfield 1 ကို ကိုယ်တိုင်ဘာသာပြန်ခဲ့ပြီး အခု ညီငယ် Pyae Phyo Hein ရဲ့ ဘာသာပြန်မှု့နဲ့ Gerfield 2 ကိုအားလုံးကြည့်ရှု့နိုင်ရန် တင်ဆက်ပေးလိုက်ပါတယ်.... File size…(717 MB) Format…mp4 Duration….01:25:48 Subtitle….Myanmar Subtitle (Hardsub) Translator…Pyae Phyo Hein Encoder….Moe Myint Lwin

Datshin Review: The Prestige (2006) Genre: Drama, Mystery, Sci-fi Rating: PG-13 -Review- The Prestige ရုပ်ရှင်ဟာ ဒါရိုက်တာ Christopher Nolan ရိုက်ကူးခဲ့တဲ့ psychological thrillerဖြစ်ပြီး ၂၀၀၆ ခုနှစ်မှာ ပြသခဲ့ပါတယ် ။ ဒီရုပ်ရှင်ဟာ ကျွန်တော့်အမြင်တော့ Nolan ရဲ့ ကားတွေထဲမှာတောင် အကောင်းဆုံးဆိုတဲ့ နေရာမှာ ရှိတာပါ ၊ Nolan ရဲ့ masterpiece လို့ ပြောလို့ရပါတယ် ။ အင်မတန် လူကြိုက်များခဲ့ပြီး ရုပ်ရှင်ကို အဓိပ္ပာယ်ဖွင့်တဲ့ ပရိသတ်တွေရဲ့ အယူအဆ တွေ အများအပြားထွက်ပေါ်ခဲ့တဲ့ ရုပ်ရှင်ပါ။ ဆက်လက်ဖော်ပြမှာတွေက ကျွန်တော့ရဲ့ ကိုယ်ပိုင်အမြင် အဓိပ္ပါယ်ဖွင့်မှု ဖြစ်ပါတယ်။ (မကြည့်ရသေးသူများ ဆက်မဖတ်ပါရန်၊ Spoiler တွေ ပါနိုင်ပါတယ်) ‌ဇာတ်လမ်းကတော့ မျက်လှည့်ပညာရှင် ၂ယောက်ရဲ့ တစ်ယောက်နဲ့ တစ်ယောက် အားပြိုင်မှုအပေါ်မှာ အခြေခံထားတာပါ။ ၁၉ရာစုနှောင်းပိုင်း လန်ဒန်မှာ အခြေတည်ထားတဲ့ ဒီဇာတ်လမ်းမှာ Robert Angier အဖြစ် Hugh Jackman နဲ့ Alfred Borden ‌အဖြစ် Christian Bale တို့က သရုပ်ဆောင်ထားပါတယ်။ ဒီနေရာမှာ ကျွန်တော့်အမြင်အရ The Prestige ဟာ ဇာတ်လမ်းကောင်းတို့ ထုံးစံအတိုင်း သူတို့ကြားက ပြိုင်ဆိုင်မှုကို အခြေခံထားပေမဲ့ ရုပ်ရှင်ရဲ့ ဆိုလိုရင်းက လူ ၂ယောက်ကြားက ပြိုင်ဆိုင်မှု ဆိုတာထက်ပိုပါတယ်။ ဒီဇာတ်လမ်းမှာ Angier က မိဘချမ်းသာသလို သူကောင်းမျိုးကနေ ဆင်းသက်လာသူဖြစ်ပြီး Borden ကတော့ ပါရမီရှင်ဖြစ်တာ ဉာဏ်ကောင်းတာကလွဲရင် တခြားဘာမှ မရှိသူပါ။ မျက်လှည့်ပညာကို ရူးသွပ်တာ တူပေမယ့် သူတို့ရဲ့ အားသာချက်တွေက မတူပါဘူး။ အဲ့ဒီ အားသာချက်တွေရဲ့ အားပြိုင်မှုကိုအဓိက ပြချင်တာလို့ပဲ ထင်ပါတယ်။ သူတို့ ၂ယောက်ရဲ့ မျက်လှည့်ပြရာမှာသုံးတဲ့ နာမည်တွေကလည်း ဒါကို ထင်ဟပ်နေပါတယ်။ ပါရမီရှင်ဖြစ်တဲ့ Borden ရဲ့ နာမည်က The professor ဖြစ်ပြီး၊ နောက်ခံအခြေအနေအားကောင်းတဲ့ Angier ကတော့ The Great Danton ဖြစ်နေပါတယ်။ ပညာ နဲ့ ဥစ္စာတို့ရဲ့ အားပြိုင်တဲ့ပွဲမှာ နောက်ဆုံး ပညာရှင်ဖြစ်တဲ့ Borden က လှလှပပ အနိုင်ယူသွားပုံရယ်၊ ပါရမီ နဲ့ ပတ်ဝန်းကျင်အထောက်အပံ့တို့ အားပြိုင်ရာမှာ ပါရမီရှင်က အနိုင်ယူသွားပုံကို ပြထားတာပါ။ ဇာတ်လမ်းတစ်လျှောက်မှာလည်း Borden ဆင်တဲ့အကွက်ထဲမှာ Angier လိုက်ကနေရတာက ပိုများပါတယ်။ ဒီနေရာမှာ ချီးကျူးရမှာက အဲ့လိုပညာ နဲ့ ဥစ္စာရဲ့ အားပြိုင်မှု ပြကွက်အဖြစ် Tesla နဲ့ Edison တို့ကြားက အားပြိုင်မှုကိုပါ ဇာတ်လမ်းနဲ့လျော်ညီအောင် ကြားထဲမှာ ပါးပါးလေးထည့်ပြနိုင်သွားတာကိုပါ။ ဒါပေမဲ့ ဒီရုပ်ရှင်ရဲ့ ထူးခြားချက်က Angier နဲ့ Borden ၂ယောက်ဟာ ဘယ်သူဆိုးတယ် ဘယ်သူကောင်းတယ်ဆိုတာကို လုံးဝဆုံးဖြတ်ပေးထားတာ မရှိပါဘူး။ ရုပ်ရှင်ကြည့်တဲ့သူတွေကပဲ ဆုံးဖြတ်ရမှာ ဖြစ်ပါတယ်။ ကြိုးစားရင် ဘာမဆိုဖြစ်နိုင်တယ်ဆိုတဲ့ တက်ကျမ်းဆန်ဆန် အယူအဆတွေ ကြီးစိုးနေတဲ့ အခုအချိန်မှာ The Prestige ဟာ တက်ကျမ်းဆရာတွေကို ပြောင်ပြနေပါတယ်။ တစ်ခါတစ်ရံမှာ ကြိုးစားတိုင်းလည်း ပါရမီရှင်တွေလို မဖြစ်နိုင်ဘူးဆိုတဲ့ ခါးသီးတဲ့ အမှန်တရားကို ပြထားပါတယ်။ တက်ကျမ်းတွေ၊ လူပြိန်းကြိုက် ဘဝအောင်မြင်ရေးစကားတွေ life coach တွေ NLP တွေ ဖောင်းပွနေတဲ့ ၂၁ရာစု ကမ္ဘာကြီးကို ကောင်းကောင်းကြီး သရော်ထားတယ်လို့ပဲ မြင်ပါတယ်။ ဒါကတော့ ကျွန်တော့်အမြင်ပါ။ ဒီကားကို ကြည့်မိတဲ့သူတိုင်း ပြီးသွားတဲ့အချိန်မယ် စိတ်ထဲမှာ ကိုယ့်အတွေးနဲ့ကိုယ် စဉ်းစားစရာတွေ အများကြီးနဲ့ ကျန်ခဲ့မယ်ဆိုတာတော့ အသေအချာပါပဲ။ Movie Info Director: Christopher Nolan Top-billed Cast: Christian Bale, Hugh Jackman, Scarlett Johansson Runtime: 2 hr 10 min Ratings Datshin: 5/5 IMDb: 8.5/10 Rotten Tomatoes: 77% kz (ရုပ်ရှင်အညွှန်းကို DatShin FB Page မှ ကူးယူဖော်ပြပါသည်။) တစုံတယောက်က ကျွန်တော့်အကြိုက်ဆုံးဇာတ်ကားတကားကို ရွေးထုတ်ပါဆိုရင် ကျွန်တော် The Prestige (2006)ကိုပဲ ရွေးချယ်ပြချင်ပါတယ်။ သတိရတိုင်းပြန်ကြည့်မိသလို ပြန်ကြည့်မိတိုင်းလဲ သရုပ်ဆောင်တွေရဲ့ လေးနက်မှုတွေက ကျွန်တော့်ဆီ အချိန်တိုင်း စီးဆင်းဆဲပါပဲ... တစ်ကားလုံး ဘယ်နေရာမှ ပစ်ရက်စရာမရှိတဲ့ ဒါရိုက်တာနိုလန်ရဲ့တင်ဆက်မှုတခုဖြစ်ခဲ့ပါတယ်။ လူ့ဘဝဆိုတာ ကြိုးမျှင်မျှင်လေးတစ်ခုနဲ့ တင်းစည်းခေါ်ဆောင်ရာကို လိုက်ပါအသက်ရှင်နေရသလို ခံစားလာစေပါတယ်... တကယ်တော့ လူ့ဘဝဆိုတာလဲ မျက်လှည့်ရှိုးပွဲတစ်ခုပဲမလား... အစစ်အမှန်တချို့ လှည့်စားခြင်းတချို့နဲ့ အစီအစဉ်တကျချပြပြီး တစ်စုံတစ်ယောက်က တစုံတယောက်ကို ယုံကြည်စေချင်သလို ယုံကြည်ခိုင်းနေတာမျိုးပဲ။ ကျွန်တော်တို့ကိုယ်တိုင်မှာကလဲ အစစ်အမှန်ကိုမြင်ရဖို့ထက် ကိုယ်မြင်ချင်တဲ့အရာ ကိုယ်ဖြစ်စေချင်တဲ့အရာကိုပဲ အမှန်လို့ယူဆလိုက်ကြတာပါပဲ။ တကယ်တော့လဲ ကျွန်တော်တို့မှာ ခံစားချက်ဆိုတာ ထည့်တွက်လိုက်ရင် အမှန်တခုပဲ အဖြေရှိတာတော့ မဟုတ်ဘူးပေါ့လေ။ File size…(7.8 GB) / (1.9 GB) / (1.2 GB) Quality…BluRay 4K HEVC / 1080p HEVC/ 720p Format…mp4 Duration….02:10:00 Subtitle….Myanmar Subtitle (Hardsub) Encoder….Ka Naung Translated by Mr.Anderson

ဒီကားလေးကတော့ အားလုံးသိကြတဲ့အတိုင်းပဲ Disney ရဲ့အကောင်းဆုံး Animation ကားတွေထဲက တစ်ကားပဲဖြစ်ပါတယ်... ဖယ်ရီဆိုတဲ့ တင်ကာဘဲလ်နတ်သမီးလေးနဲ့အတူ ပီတာပန်ဆိုတဲ့ကောင်လေးတစ်ယောက်အကြောင်းတင်ဆက်ထားတာပဲဖြစ်ပါတယ်... အပိုင်း ၂ ပိုင်းထွက်ရှိထားတာပဲဖြစ်ပါတယ်...ဒီကားလေးကတော့ ၂ ဖြစ်ပါတယ်... ဒီကားထဲမှာတော့ ဝန်ဒီဟာအသက်ကြီးသွားပြီးတော့ ကလေးလေးတွေတောင်ရနေပြီပဲဖြစ်ပါတယ်... ပျောက်ဆုံးနေပြီဖြစ်တဲ့ ပီတာပန်ဟာလည်း အိပ်ရာဝင်ပုံပြင်အနေနဲ့သာ ယုံတမ်းစကားဖွယ်ရှိပါတော့တယ်... ဇာတ်လမ်းအကျဉ်းလေးကိုပြောရမယ်ဆိုရင် ကာလအားဖြင့် စစ်ဖြစ်နေသောအချိန်ဖြစ်ပါတယ်... ယောကျာၤးသားများဟာ တိုင်းပြည်ကာကွယ်ဖို့စစ်ထဲဝင်နေရတဲ့အချိန်ဖြစ်တဲ့အတွက် ဝင်ဒီရဲ့ခင်ပွန်းဖြစ်သူလည်း စစ်ထဲဝင်ရပါတယ်... ဒါကြောင့် အစိုးရကနေ ကလေးငယ်များဘေးကင်းဖို့အတွက် စစ်နဲ့လွတ်ကင်းရာနေရာတွေကို အလှည့်ကျရွေ့ပြောင်းပေးနေရပါတယ်...ဒီထဲတွင် ဝန်ဒီရဲ့သမီးလေး ဂျိမ်းနဲ့သားငယ်လေး ဒန်နီရယ်တို့လည်းပါနေပါတယ်.. ဂျိမ်းဟာ အမေဖြစ်သူဝန်ဒီပြောပြာနေကျ အိပ်ရာဝင်ပုံပြင်ဖြစ်တဲ့ ပီတာပန်အကြောင်းကိုမယုံပါဘူး.. ဒါကြောင့် အိပ်ရာဝင်ပုံပြင်တွေကိုသူမမုန်းခဲ့ပါတယ်.. တစ်ညမှာသူမအိပ်ပျော်သွားတော့ သူမတို့ရဲ့အိမ်ကို ကျွန်တော်တို့ရဲ့ဇာတ်လိုက်ကျော်ကြီး ကပ္ပတိန်ဟွတ်တို့ ပင်လယ်ဓားပြအဖွဲ့ရောက်လာပြီးသူမကို NeverLand ကိုဖမ်းဆီးခေါ်သွားပါတော့တယ်... အဲ ကပ္ပတိန်ဟွတ်ဆိုရင် လူတိုင်းသိကြမှာပါ...ကလေးဘဝထဲက အကြိုက်ဆုံးနဲ့အရယ်ရဆုံး ဇာတ်ကောင်ကြီးလေ.. အဲတော့  ဂျိမ်းတစ်ယောက် NeverLand လို့ခေါ်တဲ့ နိုင်ငံလေးထဲကိုရောက်သွားတဲ့အခါ ဘာတွေဖြစ်လာမလဲ... သူမတကယ်မရှိဘူးလို့ထင်နေတဲ့ ပီတာပန့်ကကော တကယ်ပဲ အဲ့နိုင်ငံလေးထဲမှာရှိနေမလား... Disney ရဲ့ကောင်းမွန်လှတဲ့ ရှု့ခင်းလေးတွေနဲ့အတူ ကြည်နူးဖွယ်ခံစားရမှာပဲဖြစ်ပါတယ်... ဒီကားလေးဟာ ကလေးများအိပ်ရာဝင်တဲ့အချိန်အကောင်းဆုံး အိပ်ရာဝင်ပုံပြင်အဖြစ်သတ်မှတ်ခြင်းခံရတဲ့ ကားကောင်းလေးတစ်ကားပဲဖြစ်ပါတယ်.... Quality…..BluRay 1080p Duration…..01:12:00 Format…Mp4 File Size…( 520 MB) Encoder…..Moe Myint Lwin Translator…..Moe Myint Lwin

The Scorpion King ဟာ Dwayne Johnson ခေါ် The Rock အဓိကဇာတ်ဆောင်အဖြစ် ပထမဆုံးပါဝင်ခဲ့တဲ့ ဇာတ်ကားပါ။ ဒီမတိုင်ခင် The Mummy Returns မှာ သူဧည့်သည်သရုပ်ဆောင်အဖြစ် ပါဝင်ခဲ့တဲ့ ကင်းမြီးကောက်ဘုရင်ဇာတ်ရုပ်ကို ခွဲထုတ်ပြီး ရိုက်ကူးထားတာဖြစ်ပါတယ်။ The Mummy Returns ထဲမှာ ကင်းမြီးကောက်ဘုရင်ဟာ တိုက်ပွဲများစွာ အောင်နိုင်ခဲ့တဲ့ စစ်ဘုရင်တစ်ပါးပါ။ တိုက်ပွဲတစ်ပွဲမှာ ရှုံးနိမ့်ပြီးနောက် လက်ကျန်စစ်သည်အနည်းငယ်နဲ့ အာမ်ရှိုင်းယားသဲကန္တာရကို ဖြတ်သန်းခဲ့ရတယ်။ အစာရေစာပြတ်လပ်လို့ နောက်ဆုံး သူတစ်ယောက်တည်း ကျန်ခဲ့ပြီး သေဆုံးခါနီးမှာ အမှောင်နတ်ဘုရား အနူးဘစ်နဲ့ အပေးအယူလုပ်ခဲ့ပါတယ်။ အဲဒီနောက် အသက်ရှင်ခွင့်ရလာသလို အနူးဘစ်ရဲ့စစ်တပ်ကို ဦးဆောင်တဲ့ ပိုရက်စက်တဲ့ စစ်ဘုရင်ဖြစ်လာခဲ့တယ်။ ဒီဇာတ်ကားကတော့ အဲဒီအချိန်မတိုင်ခင် သူငယ်ရွယ်စဉ်ဘဝကို ပြန်ပြထားတာပါ။ မားသရပ်စ်ဆိုတဲ့ လူငယ်တစ်ယောက်ဘဝကနေ ကင်းမြီးကောက်ဘုရင်လို့ အမည်တွင်လာခဲ့ပုံကို အက်ရှင်ဇာတ်ဝင်ခန်းတွေနဲ့ တင်ဆက်ထားပါတယ်။

ဒီရော်ဘင်ဟုဒ်ကတော့ တောထဲမှာနေပြီး လူဆိုးတွေဆီက လုယူသမျှကို လူကောင်းတွေဆီ ပြန်ဝေတဲ့ ပုံစံမျိုးနဲ့ ကွာပါတယ်။ သူ့မှာ အိမ်တစ်လုံးရှိပေမယ့် အကြွေးကြောင့် အဲဒီအိမ်ကိုပါ အသိမ်းခံထားရတယ်။ တစ်ဖက်မှာလည်း မင်းသမီးဟာ မင်းကြီးက သူမရဲ့ကိုယ်ခန္ဓာအောက်ပိုင်းကို သော့ခတ်ထားပြီး သော့ပျောက်နေတဲ့အဖြစ်နဲ့ ကြုံနေရပါတယ်။ ရော်ဘင်ဟုဒ်နဲ့ အကျင့်မကောင်းတဲ့ မင်းသားတစ်ယောက်တို့က မင်းသမီးကိုရဖို့ အပြိုင်ကြိုးစားကြရင်း အဲဒီဂွကျလှတဲ့သော့ကို ဘယ်လိုဖွင့်ကြမလဲဆိုတဲ့ အလွဲတွေ ဆက်ဖြစ်လာတယ်။ ရော်ဘင်ဟုဒ်ဇာတ်လမ်းကို ဟာသသရော်ပုံစံနဲ့ ပြန်ရိုက်ထားတာဖြစ်ပြီး Mel Brooks က ဇာတ်ညွှန်းရေး၊ ဒါရိုက်တာလုပ်၊ ထုတ်လုပ်ထားသလို ကိုယ်တိုင်လည်း ပါဝင်သရုပ်ဆောင်ထားပါတယ်။

ကဲကဲ ဒီတစ်ခါမှာတော့ မာမားရဲ့ဘွိုင်း မဟုတ်ဘဲနဲ့ ဘွိုင်းရဲ့မာမား ဟာသကားကို တင်ဆက်ပေးမယ်နော် ဇာတ်လမ်းအကျဉ်း တည်တည်တံ့တံ့ နေတတ်တဲ့ ရဲစုံထောက် ဂျိုး မှာဆိုရင် တူတီ ဆိုတဲ့ အမေ တစ်ယောက်ရှိပါတယ်။ တစ်နေ့မှတော့ တူတီဟာ သားဖြစ်သူ ဂျိုး ဆီ အလည်လာရာကနေ အသက်အရွယ်ရပြီးသား သားဖြစ်သူကို ကလေးတစ်ယောက်လို သဘောထားပြီး သူ့ရဲ့ အဝတ်အစား၊ အစားအသောက်ကအစ လိုက်လံစီမံပေးတတ်ရုံတင်မက ဂျိုးရဲ့ ချစ်သူလည်းဖြစ်၊ အထက်လူကြီးလည်းဖြစ်တဲ့ ဂွမ် နဲ့ ပတ်သက်ပြီးတော့လည်း ဝင်ရောက်စွက်ဖက်တာကြောင့် ဂျိုးတစ်ယောက် အတော်လေး စိတ်ညစ်ရပါတော့တယ်။ တူတီ ဟာ သားဖြစ်သူကို လက်ဆောင်အဖြစ်ပေးဖို့ သေနတ်အသစ်တစ်လက် သွားဝယ်ရာကနေ မတော်တဆ လက်နက်မှောင်ခိုဂိုဏ်းရဲ့ လူသတ်မှုကြီးတစ်ခုကို မျက်မြင်တွေ့ရှိသွားပါတော့တယ်။ အမှုရဲ့ တစ်ဦးတည်းသော သက်သေဖြစ်လာတဲ့ အမေဖြစ်သူ တူတီဟာ သားဖြစ်သူ ဂျိုးရဲ့ အမှုစုံစမ်းရေးတွေထဲမှာ ဇွတ်အတင်း လိုက်ပါကူညီရင်း ရာဇဝတ်ကောင်တွေကို ရဲရဲဝံ့ဝံ့ ရင်ဆိုင်ပါတော့တယ်။ စိတ်တိုလွယ်တဲ့ သားဖြစ်သူ ရဲစုံထောက်နဲ့ အေးဆေးတည်ငြိမ်ပြီး သားကို ကာကွယ်ချင်တဲ့ အမေတို့ သားအမိနှစ်ယောက် လက်နက်မှောင်ခိုဂိုဏ်းကို ဘယ်လိုမျိုး အလွဲပေါင်းများစွာနဲ့ နှိမ်နင်းသွားမလဲဆိုတာကို ရယ်မောပျော်ရွှင်စွာ ကြည့်ရှုရမှာဖြစ်ပါတယ်။

မိုက်ကယ်ကော်ဘန်ဟာ ကျောင်းပြေးတတ်ပြီး အရာရာကို ပေါ့ပေါ့ပဲ သဘောထားတဲ့ ဆယ်ကျော်သက်ကျောင်းသားတစ်ယောက်ပါ။ လုပ်စရာရှိတာကိုလည်း ပြီးအောင်မလုပ်တတ်တော့ ဆရာမတွေရဲ့ မျက်မုန်းကျိုးတာကို ခံနေရတယ်။ အတန်းပျက်တာများလာတဲ့အခါ အထက်တန်းအောင်ဖို့ ပြင်သစ်ဆရာမ ဂရော်ဘာဆီက အမှတ်လိုလာပါတယ်။ အဲဒီအချိန်မှာ ဆရာမက နွေရာသီသင်တန်းအတွင်း ပြင်သစ်ကလပ်နဲ့အတူ ပြင်သစ်နိုင်ငံကို လေ့လာရေးခရီးထွက်ဖို့ ပြင်ဆင်နေတော့ ကော်ဘန်လည်း ခရီးစဉ်ထဲ ပါလာရတာပါ။ အဖေသဘောတူအောင်တော့ အထက်တန်းအောင်ဖို့ သွားရတာလို့ ပြောထားပေမယ့် ကော်ဘန်ရဲ့စိတ်ထဲမှာ ပါရီက မိန်းကလေးတွေနဲ့ ညဘက်လျှောက်လည်ဖို့ပဲ စီစဉ်နေတယ်။ ဆရာမကလည်း ဒီခရီးမှာ သူ့ကို ပညာပေးဖို့ ရည်ရွယ်ထားပါတယ်။ ဒါပေမယ့် သူတို့စီးလာတဲ့ လေယာဉ်ပေါ်မှာ မိုက်ကယ်ကော်ဘန်ဆိုတဲ့ နာမည်တူ နောက်တစ်ယောက် ပါလာတာကနေ မထင်မှတ်တဲ့ကိစ္စ ဖြစ်လာတော့တယ်။ နောက်ကော်ဘန်တစ်ယောက်က အမေရိကန်အသွင်ယူအေးဂျင့်ပါ။ ဘဏ္ဍာရေးဝန်ကြီးတွေ ထူးထူးဆန်းဆန်း အသတ်ခံနေရတဲ့အချိန်မှာ အော်ရန့်ဘာ့ဂ်ရဲ့ ဘဏ္ဍာရေးဝန်ကြီးလည်းဖြစ်၊ ဥရောပဘဏ္ဍာရေးအဖွဲ့အစည်းရဲ့ ဥက္ကဋ္ဌလည်းဖြစ်တဲ့ ဩဂက်စ်တက်စတာရန်ကိုကို ကာကွယ်ပေးဖို့ လာတာဖြစ်ပါတယ်။ ဒါပေမယ့် အေးဂျင့်အစစ်က လုပ်ကြံခံလိုက်ရပြီး ကျောင်းသားကော်ဘန်ကို အေးဂျင့်လို့ မှားယူကြတော့တယ်။ ပြင်သစ်မှာ ပျော်ဖို့ပဲ စိတ်ကူးထားတဲ့ ကောင်လေးဟာ နာမည်တူနေတာကြောင့် နိုင်ငံရေးပြဿနာတွေထဲ ဘုမသိဘမသိ ဝင်ပါမိသွားပြီး အလွဲအချော်တွေ ကြုံလာရပါတယ်။