Ron Perkins ပါဝင်သော ဇာတ်ကားများ

အာရွန်ဆော့ကင်း ရိုက်ကူးပြီး မင်းသမီးကြီး နီကိုးကဒ်မန်း သရုပ်ဆောင်ထားတဲ့ အော်စကာ ဆန်ကာတင်ရုပ်ရှင်တစ်ခု ထွက်လာပါပြီ။ ဟောလိဝုဒ်ရွှေခေတ် တီဗွီမင်းသမီးကြီး Lucy Ball ဟာ သူ့ရဲ့ဇာတ်လမ်းတွဲ ဖြစ်တဲ့ I Love Lucy မှာ သူ့ခင်ပွန်းဖြစ်သူ Desi Arnez နဲ့တူတူ တွဲဖက်သရုပ်ဆောင်ပြီးဝက်ဝက်ကွဲအောင်မြင်နေပါတယ်။Sit-com တို့ရဲ့အစလို့တောင်ပြောလို့ရတဲ့ ဒီဇာတ်လမ်းတွဲကို အဖြူအမည်းခေတ်မှာပဲဘယ်လိုဖန်းတီးကြလဲ၊ဘယ်လိုသရုပ်ဆောင်ကြလဲဘယ်လိုရိုက်ကူးကြလဲဆိုတာ ကိုပြသထားပါတယ်။ဒါပေမယ့်လဲ Lucy နဲ့Desi တို့ဟာ ဟောလိဝုဒ် ရဲ့အကျော်ကြားဆုံးဇနီးမောင်နှံအဖြစ်ကနေ အိမ်ထောင်ရေးပြသနာတွေ နိုင်ငံရေး၊ ပုဂ္ဂိုလ်ရေးအရ စွပ်စွဲမှုတွေ ကြောင့် သူတို့ရဲ့လူနေမှုဘဝခြိမ်းခြောက်ခံနေရပါပြီ။ထိုခေတ်က အမေရိက လိုနိုင်ငံမှာလဲ ရိုးရိုးပြည်သူတွေဟာ ကွန်မြူနစ်လို့ သံသယဖြစ်ခံရတာနဲ့ ဘဝပျက်သွားနိုင်တာကိုပြထားပါတယ်။ တီ‌ဗီဇာတ်လမ်းတွဲတွေရဲ့သမိုင်းတလျှောက်အကျော်ကြားဆုံးထဲမှာပါတဲ့ မင်းသမီးကြီး Lucy Ballရဲ့ ဘဝကိုရိုက်ထားတာဖြစ်ပြီး Oscar ဆုရသရုပ်ဆောင်တွေဖြစ်တဲ့ Nicole Kidman Javier Bardem နဲ့ J.K Simmons တို့အစုံအလင်ပါဝင်ထားပါတယ်။ဒီရုပ်ရှင်ကိုကြည့်ရင်းနဲ့အတိတ်ကဟောလိဝုဒ်ဆီကိုပြန်လည်ခံစားနိုင်ပါတယ်။ File size…(2.1 GB) / (1.2 Mb) / (600 Mb) Quality….Webrip 1080p / 720p / 480p Format…mp4 Duration….02:11:00 Genre...Biography, Drama Subtitle….Myanmar Subtitle (Hardsub) Encoder….Mr. Anderson Translated by Sett Paing

Datshin Review: The Prestige (2006) Genre: Drama, Mystery, Sci-fi Rating: PG-13 -Review- The Prestige ရုပ်ရှင်ဟာ ဒါရိုက်တာ Christopher Nolan ရိုက်ကူးခဲ့တဲ့ psychological thrillerဖြစ်ပြီး ၂၀၀၆ ခုနှစ်မှာ ပြသခဲ့ပါတယ် ။ ဒီရုပ်ရှင်ဟာ ကျွန်တော့်အမြင်တော့ Nolan ရဲ့ ကားတွေထဲမှာတောင် အကောင်းဆုံးဆိုတဲ့ နေရာမှာ ရှိတာပါ ၊ Nolan ရဲ့ masterpiece လို့ ပြောလို့ရပါတယ် ။ အင်မတန် လူကြိုက်များခဲ့ပြီး ရုပ်ရှင်ကို အဓိပ္ပာယ်ဖွင့်တဲ့ ပရိသတ်တွေရဲ့ အယူအဆ တွေ အများအပြားထွက်ပေါ်ခဲ့တဲ့ ရုပ်ရှင်ပါ။ ဆက်လက်ဖော်ပြမှာတွေက ကျွန်တော့ရဲ့ ကိုယ်ပိုင်အမြင် အဓိပ္ပါယ်ဖွင့်မှု ဖြစ်ပါတယ်။ (မကြည့်ရသေးသူများ ဆက်မဖတ်ပါရန်၊ Spoiler တွေ ပါနိုင်ပါတယ်) ‌ဇာတ်လမ်းကတော့ မျက်လှည့်ပညာရှင် ၂ယောက်ရဲ့ တစ်ယောက်နဲ့ တစ်ယောက် အားပြိုင်မှုအပေါ်မှာ အခြေခံထားတာပါ။ ၁၉ရာစုနှောင်းပိုင်း လန်ဒန်မှာ အခြေတည်ထားတဲ့ ဒီဇာတ်လမ်းမှာ Robert Angier အဖြစ် Hugh Jackman နဲ့ Alfred Borden ‌အဖြစ် Christian Bale တို့က သရုပ်ဆောင်ထားပါတယ်။ ဒီနေရာမှာ ကျွန်တော့်အမြင်အရ The Prestige ဟာ ဇာတ်လမ်းကောင်းတို့ ထုံးစံအတိုင်း သူတို့ကြားက ပြိုင်ဆိုင်မှုကို အခြေခံထားပေမဲ့ ရုပ်ရှင်ရဲ့ ဆိုလိုရင်းက လူ ၂ယောက်ကြားက ပြိုင်ဆိုင်မှု ဆိုတာထက်ပိုပါတယ်။ ဒီဇာတ်လမ်းမှာ Angier က မိဘချမ်းသာသလို သူကောင်းမျိုးကနေ ဆင်းသက်လာသူဖြစ်ပြီး Borden ကတော့ ပါရမီရှင်ဖြစ်တာ ဉာဏ်ကောင်းတာကလွဲရင် တခြားဘာမှ မရှိသူပါ။ မျက်လှည့်ပညာကို ရူးသွပ်တာ တူပေမယ့် သူတို့ရဲ့ အားသာချက်တွေက မတူပါဘူး။ အဲ့ဒီ အားသာချက်တွေရဲ့ အားပြိုင်မှုကိုအဓိက ပြချင်တာလို့ပဲ ထင်ပါတယ်။ သူတို့ ၂ယောက်ရဲ့ မျက်လှည့်ပြရာမှာသုံးတဲ့ နာမည်တွေကလည်း ဒါကို ထင်ဟပ်နေပါတယ်။ ပါရမီရှင်ဖြစ်တဲ့ Borden ရဲ့ နာမည်က The professor ဖြစ်ပြီး၊ နောက်ခံအခြေအနေအားကောင်းတဲ့ Angier ကတော့ The Great Danton ဖြစ်နေပါတယ်။ ပညာ နဲ့ ဥစ္စာတို့ရဲ့ အားပြိုင်တဲ့ပွဲမှာ နောက်ဆုံး ပညာရှင်ဖြစ်တဲ့ Borden က လှလှပပ အနိုင်ယူသွားပုံရယ်၊ ပါရမီ နဲ့ ပတ်ဝန်းကျင်အထောက်အပံ့တို့ အားပြိုင်ရာမှာ ပါရမီရှင်က အနိုင်ယူသွားပုံကို ပြထားတာပါ။ ဇာတ်လမ်းတစ်လျှောက်မှာလည်း Borden ဆင်တဲ့အကွက်ထဲမှာ Angier လိုက်ကနေရတာက ပိုများပါတယ်။ ဒီနေရာမှာ ချီးကျူးရမှာက အဲ့လိုပညာ နဲ့ ဥစ္စာရဲ့ အားပြိုင်မှု ပြကွက်အဖြစ် Tesla နဲ့ Edison တို့ကြားက အားပြိုင်မှုကိုပါ ဇာတ်လမ်းနဲ့လျော်ညီအောင် ကြားထဲမှာ ပါးပါးလေးထည့်ပြနိုင်သွားတာကိုပါ။ ဒါပေမဲ့ ဒီရုပ်ရှင်ရဲ့ ထူးခြားချက်က Angier နဲ့ Borden ၂ယောက်ဟာ ဘယ်သူဆိုးတယ် ဘယ်သူကောင်းတယ်ဆိုတာကို လုံးဝဆုံးဖြတ်ပေးထားတာ မရှိပါဘူး။ ရုပ်ရှင်ကြည့်တဲ့သူတွေကပဲ ဆုံးဖြတ်ရမှာ ဖြစ်ပါတယ်။ ကြိုးစားရင် ဘာမဆိုဖြစ်နိုင်တယ်ဆိုတဲ့ တက်ကျမ်းဆန်ဆန် အယူအဆတွေ ကြီးစိုးနေတဲ့ အခုအချိန်မှာ The Prestige ဟာ တက်ကျမ်းဆရာတွေကို ပြောင်ပြနေပါတယ်။ တစ်ခါတစ်ရံမှာ ကြိုးစားတိုင်းလည်း ပါရမီရှင်တွေလို မဖြစ်နိုင်ဘူးဆိုတဲ့ ခါးသီးတဲ့ အမှန်တရားကို ပြထားပါတယ်။ တက်ကျမ်းတွေ၊ လူပြိန်းကြိုက် ဘဝအောင်မြင်ရေးစကားတွေ life coach တွေ NLP တွေ ဖောင်းပွနေတဲ့ ၂၁ရာစု ကမ္ဘာကြီးကို ကောင်းကောင်းကြီး သရော်ထားတယ်လို့ပဲ မြင်ပါတယ်။ ဒါကတော့ ကျွန်တော့်အမြင်ပါ။ ဒီကားကို ကြည့်မိတဲ့သူတိုင်း ပြီးသွားတဲ့အချိန်မယ် စိတ်ထဲမှာ ကိုယ့်အတွေးနဲ့ကိုယ် စဉ်းစားစရာတွေ အများကြီးနဲ့ ကျန်ခဲ့မယ်ဆိုတာတော့ အသေအချာပါပဲ။ Movie Info Director: Christopher Nolan Top-billed Cast: Christian Bale, Hugh Jackman, Scarlett Johansson Runtime: 2 hr 10 min Ratings Datshin: 5/5 IMDb: 8.5/10 Rotten Tomatoes: 77% kz (ရုပ်ရှင်အညွှန်းကို DatShin FB Page မှ ကူးယူဖော်ပြပါသည်။) တစုံတယောက်က ကျွန်တော့်အကြိုက်ဆုံးဇာတ်ကားတကားကို ရွေးထုတ်ပါဆိုရင် ကျွန်တော် The Prestige (2006)ကိုပဲ ရွေးချယ်ပြချင်ပါတယ်။ သတိရတိုင်းပြန်ကြည့်မိသလို ပြန်ကြည့်မိတိုင်းလဲ သရုပ်ဆောင်တွေရဲ့ လေးနက်မှုတွေက ကျွန်တော့်ဆီ အချိန်တိုင်း စီးဆင်းဆဲပါပဲ... တစ်ကားလုံး ဘယ်နေရာမှ ပစ်ရက်စရာမရှိတဲ့ ဒါရိုက်တာနိုလန်ရဲ့တင်ဆက်မှုတခုဖြစ်ခဲ့ပါတယ်။ လူ့ဘဝဆိုတာ ကြိုးမျှင်မျှင်လေးတစ်ခုနဲ့ တင်းစည်းခေါ်ဆောင်ရာကို လိုက်ပါအသက်ရှင်နေရသလို ခံစားလာစေပါတယ်... တကယ်တော့ လူ့ဘဝဆိုတာလဲ မျက်လှည့်ရှိုးပွဲတစ်ခုပဲမလား... အစစ်အမှန်တချို့ လှည့်စားခြင်းတချို့နဲ့ အစီအစဉ်တကျချပြပြီး တစ်စုံတစ်ယောက်က တစုံတယောက်ကို ယုံကြည်စေချင်သလို ယုံကြည်ခိုင်းနေတာမျိုးပဲ။ ကျွန်တော်တို့ကိုယ်တိုင်မှာကလဲ အစစ်အမှန်ကိုမြင်ရဖို့ထက် ကိုယ်မြင်ချင်တဲ့အရာ ကိုယ်ဖြစ်စေချင်တဲ့အရာကိုပဲ အမှန်လို့ယူဆလိုက်ကြတာပါပဲ။ တကယ်တော့လဲ ကျွန်တော်တို့မှာ ခံစားချက်ဆိုတာ ထည့်တွက်လိုက်ရင် အမှန်တခုပဲ အဖြေရှိတာတော့ မဟုတ်ဘူးပေါ့လေ။ File size…(7.8 GB) / (1.9 GB) / (1.2 GB) Quality…BluRay 4K HEVC / 1080p HEVC/ 720p Format…mp4 Duration….02:10:00 Subtitle….Myanmar Subtitle (Hardsub) Encoder….Ka Naung Translated by Mr.Anderson

ဒီကားကတော့ Spider-Man ကိုသိတဲ့သူတွေရော မသိတဲ့ သူတွေကိုပါ ပထမဆုံးအကြိမ် မိတ်ဆက်ပေးခဲ့တဲ့ ရုပ်ရှင်ဇာတ်ကားလည်းဖြစ်ပါတယ်။ ပထမဆုံး Live Action Spider-Man ဇာတ်ကားက ပရိတ်သတ်ကို စိတ်ကျေနပ်မှုပေးနိုင်ခဲ့ပါတယ်။ အထူးသဖြင့် လူငယ် ပရိတ်သတ်တွေနဲ့ Comic စာအုပ်ပရိတ်သတ်တွေ အားပေးမှုကိုရှိခဲ့ပါတယ်။ ဒီကားက သာမန်အထက်တန်းကျောင်းသား Peter Parker ဘဝကနေ ဆယ်ကျော်သက် စူပါဟီးရိုး ဖြစ်လာပုံနဲ့ ရရှိထားတဲ့ စွမ်းအားတွေကို အဓိပ္ပာယ်ရှိရှိ အသုံးချဖို့ အတွက် တွန်းအားရလာပုံတွေကို အဓိက ရိုက်ကူးထားပါတယ်။ Spider-Man ဖြစ်လာပုံကို အားလုံးသိပြီးသားဖြစ်ပါတယ်။ Oscorp ကုမ္ပဏီက Radioactive Spider အကိုက်ခံရပြီးနောက် စွမ်းအားတွေရလာတာဖြစ်ပါတယ်။ ဒီနေရာမှာ Spider-Man ရဲ့အကြောင်း အနည်းငယ်ပြောပြချင်ပါတယ်။ Spider-Man ကို Marvel က ကာတွန်းဆရာ Stan Lee ကစတင်မိတ်ဆက် ခဲ့တာဖြစ်ပါတယ်။ ပထမဆုံးအကြိမ် သူ့ရဲ့ စိတ်ကူးကို ထုတ်ဝေသူကို ပြောပြချိန်မှာ ထုတ်ဝေသူက လက်မခံခဲ့ပါဘူး။ ဘာလို့လည်းတော့ ပင့်ကူဆိုတာ လူတိုင်း ကြောက်ကြတဲ့ သတ္တဝါဖြစ်သလို၊ ဆယ်ကျော်သက် စွမ်းအားရှင်ဆိုတဲ့ အချက်ကို အဲ့ဒီအချိန်က လူတွေလက်ခံမှာမဟုတ်ဘူးလို့ ထင်ခဲ့ပါတယ်။ ဒါပေမယ့် Stan Lee က အဲ့ဒီအမြင်ကိုလက်မခံပဲ Spider-Man က လူငယ် စာဖတ်ပရိတ်သတ်ကို ဆွဲဆောင်နိုင်မယ်လို့ ယုံကြည်ခဲ့ပြီး၊ တကယ်စာအုပ်ထွက်လာတဲ့အခါမှာတော့ Spider-Man စာအုပ်က အကုန်ရောင်းကုန်ခဲ့ပြီး၊ Marvel ရဲ့ ရောင်းအားအကောင်းဆုံး စာအုပ်စာရင်းဝင်ခဲ့ရာက The Amazing Spider-Man စာအုပ် ထွက်လာခဲ့ပါတယ်။ Peter Parker က ဆက်ကျော်သက် ဉာဏ်ကြီးရှင်တစ်ယောက်ဖြစ်ပြီး၊ သိပ္ပံပညာထူးချွန်သူတစ်ဦးပါ။ သူ့အဖေနဲ့ အမေ က S.H.I.E.L.D အေးဂျင့်တွေဖြစ်ပြီး၊ နှစ်ယောက်လုံးက သိပ္ပံပညာရှင်တွေဖြစ်ပါတယ်။ Peter Parker က Spider-Man ရဲ့ အဓိက လက်နှက်ဖြစ်တဲ့ Web-Shooter ကို သူကိုယ်တိုင် တီထွင်ခဲ့တာဖြစ်ပါတယ်။ ဒါပေမယ့်ဒီကားမှာ ဒါရိုက်တာက အထက်တန်းကျောင်းသားက ဒီလောက်တော်မယ်ဆိုတာ လူတွေ လက်မခံလောက်တာကြောင့် Web တွေကို ကိုယ်ထဲက ထုတ် ပေးတယ်ဆိုပြီး ဇာတ်လမ်းလုပ်ထားပါတယ်။ ဒီကားထဲမှာ Spider-Man ရဲ့ ရန်သူတွေထဲက ကြောက်စရာအကောင်းဆုံး ရန်သူဖြစ်တဲ့ Green Goblin ကို မိတ်ဆက်ထားပြီ၊ ကျွန်တော့်အမြင်ပြောရရင် Green Goblin က ဒီကားမှာ ဒီထက်ပိုပြီး နေရာရသင့်ပါတယ်။ Green Goblin ဆိုတာ Spider-Man ရဲ့ အဓိက ရန်သူဖြစ်ပြီး၊ Batman ရဲ့ Joker လိုပဲ သူလည်း marvel universe မှာ အဆင့်အတန်းရှိတဲ့ Villain ဖြစ်ပါတယ်။ ပထမဆုံး ကားဖြစ်လို့ သိပ်မထူးခြားပေးမယ့် ကျွန်တော်တို့ကို Spider-Man နဲ့ မိတ်ဆက်ပေးခဲ့တဲ့ကားဖြစ်လို့ အခုချိန် အထိ ပြန်ကြည့်မိနေဆဲပါ။ မိသားစုဇာတ်ကားပါ။ #Sololay (ရုပ်ရှင်အညွှန်းကို Movies For Myanmar Page မှ ကူးယူဖော်ပြပါသည်။) မင်သား Tobey Maguire ရဲ့ အော်ရဂျင်နယ် Spider Man ဇာတ်ကားတွေကို DS4K 1080p BluRay Quality နဲ့တင်ဆက်လိုက်ပါတယ်...1080p ဆိုပေမယ့် 4K ရုပ်ထွက်ထက် ပိုကောင်းတဲ့ Regrade Version မို့ DS4K Version ကိုသာ တင်ဆက်လိုက်ပါတယ်။ ဘာသာပြန်လိုအပ်ချက်တွေရော သတ်ပုံတွေရော တတ်နိုင်သမျှပြန်ပြင်ထားတာမို့ အခု Version ကို ပြန်ဒေါင်းသိမ်းသင့်ပါတယ်။ File size…(2.6 GB)/(1.1 GB) Quality….BluRay DS4K HEVC 1080p / 720p Format…mkv/mp4 Duration….02:01:12 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

ရူဒီဒွန်ကန်နဲ့ နစ်ခ်ဟာ တစ်ခန်းတည်း အတူကျနေသလို လွတ်ရက်ကလဲ နှစ်ရက်လောက်ပဲလိုတော့တဲ့ အခန်းဖော် အကျဉ်းသား သူငယ်ချင်းနှစ်ယောက်ပါ။ ထောင်ကနေလွတ်တဲ့အခါ ရူဒီက မွေးရပ်မြေကိုပြန်ပြီး သူ့အဖေနဲ့ ဘောလုံးပွဲကြည့် ခရစ်စမတ် ညစာစားဖို့ စိတ်ကူးယဉ်သလို နစ်ခ်ကလဲ သူနဲ့ လူချင်းမတွေ့ဖူးပဲ စာတွေနဲ့ပဲ ရင်းနှီးနေတဲ့ မိန်းမလှလေး အက်ရှ်လေနဲ့ တွေ့ဆုံ ဘဝခရီးဆက်ဖို့ မျှော်လင့်ထားပါတယ်။ သူ့အခန်းနံရံတွေပေါ်မှာလဲ အက်ရှ်လေ ပုံတွေချည်းပါပဲ။ တကယ်တမ်းထောင်ကလွတ်ဖို့ ရက်ပိုင်းအလိုမှာတော့ ထောင်တွင်းအကြမ်းဖက်မှုတစ်ခုမှာ ရူဒီကိုယ်စားဝင်ခံရင်း နစ်ခ် အသက်ဆုံးရှုံးခဲ့ရတယ်။ ရူဒီ ထောင်ကအထွက် နစ်ခ်ကိုလာကြိုနေတဲ့ အက်ရှ်လေ အလှမှာ မိန်းမောရာကနေ နစ်ခ်အယောင်ဆောင်ဝင်ရောမိပါတော့တယ်။ သူ ပျော်ရွှင်နေသေးလို့မဝခင်မှာပဲ လက်နက်ကိုင် လူတစ်စုက သူတို့တည်းခိုတဲ့အခန်းကို ဝင်စီးပြီး သူနဲ့အက်ရှ်လေကို ဖမ်းခေါ်သွားတဲ့အချိန်ကျမှ သိလိုက်ရတာက နစ်ခ်နဲ့ အက်ရှ်လေဟာ ထောင်ကလွတ်ရင် နစ်ခ် အရင်က အလုပ်လုပ်ဖူးတဲ့ ကတ်စီနို တစ်ခုကို ဝင်စီးဖို့ တိုင်ပင်ထားတယ်။ သူတို့ကိုဖမ်းဆီးခေါ်ဆောင်သွားတဲ့ လက်နက်ကိုင်ခေါင်းဆောင်ဟာ အက်ရှ်လေ အစ်ကို ဖြစ်ပြီး ကတ်စီနိုကို ဝင်စီးတဲ့အခါကျရင် အဲ့ဒီနေရာကိုရင်းနှီးကျွမ်းဝင်ပြီးသား ဖြစ်တဲ့ နစ်ခ်က ဦးဆောင်ဖို့ သဘောတူထားတယ်ဆိုတာပါ။ အဲ့ဒီအချိန်ကျမှ သူဟာ နစ်ခ်မဟုတ်ကြောင်း ဖွင့်ပြောပေမယ့် နောက်ကျသွားပါပြီ။ သူ့အသက်ကို ငဲ့ကွက်ရင်း နစ်ခ်အဖြစ် ဆက်ဟန်ဆောင်နေလိုက်ရပေမယ့် တကယ်တမ်း သူမရောက်ဖူးတဲ့နေရာတစ်ခုကို ဝင်လုယက်ဖို့ သူ ဘယ်လိုလမ်းပြမလဲ? သူကိုယ်တိုင်အတွေ့အကြုံမရှိတဲ့ လုယက်မှုကို ကျူးလွန်ဖို့ ဘယ်လိုဦးဆောင်မလဲ? နည်းနည်းလေးဆက်ပြောရင်တောင် spoiler ဖြစ်သွားရလောက်အောင် လှည့်ကွက်တွေအပြည့်နဲ့ဇာတ်လမ်းပါ။ ရူဒီတစ်ဖြစ်လဲ နစ်ခ်အဖြစ် ပရိသတ်အချစ်တော် Ben Affleck က သရုပ်ဆောင်ထားပြီး မိန်းမလှလေး အက်ရှ်လေအဖြစ် မမကြီး Charlize Theron ကဦးဆောင်ပါဝင်ထားပါတယ်။ Mad Max: Fury Road (2015) ထဲမှာကြမ်းကြမ်းတမ်းတမ်းပုံစံနဲ့ပါဝင်ထားတဲ့ Charlize Theron ကို ဒီကားထဲမှာ မမှတ်မိနိုင်စရာ နုနုငယ်ငယ် ကောင်မလေးတစ်ယောက်အဖြစ်တွေ့ရပါလိမ့်မယ်။ File size…(2 GB) and (1.2 GB) Quality….BluRay 1080p 5.1 CH & 720p Format…mp4 Duration….02:04:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

Ronin (1998) IMDb...7.3/10,,,,Rotten.,.67% Ronin (1998) ဒီဇာတ်ကားကတော့ IMDB 7.3/10 ရရှိထားတဲ့ Action/Crime/Thriller ဇာတ်ကားတစ်ကားဖြစ်ပါတယ်... Heat, The Score, Casino ကားတွေ ကြည့်ပြီးတဲ့နောက်မှာ Robert De Niro ရဲ့ ပရိတ်သတ် ဖြစ်သွားတယ် ... ဒါ့ကြောင့် သူ့ကားဟောင်းတွေထဲက မတင်ရသေးတဲ့ Ronin ကားကို ရှာဖွေတင်ဆက်ပေးလိုက်ပါတယ်... ဒီကားရဲ့ အက်ရှင်ခန်းတွေ ... အထူးသဖြင့် ကားမောင်းခန်းတွေ သေနတ်ပစ်ခန်းတွေဟာ အသက်ပါလွန်းပဲလား မသိ ... ၁၉၉၉ခုနှစ်ရဲ့ Science Fiction, Fantasy & Horror Films, USA မှာ Academy ဆုရရှိခဲ့ပါတယ်... ဇာတ်လမ်းအကျဉ်းကတော့ ဒီယာဒရေဆိုတဲ့ အမျိုးသမီးတစ်ယောက်ဟာ သိပ်ပြီးအဖိုးတန်တဲ့သေတ္တာတစ်လုံးကို လိုချင်လို့ မစ်ရှင်အဖွဲ့တစ်ဖွဲ့ စုဆောင်းပြီးတော့ ရယူဖို့ကြိုးစားတာကို အခြေခံပြီး ရိုက်ကူးထားတာပါ... အဲဒီအဖွဲ့ထဲမှာတော့ မင်းသားကြီး Robert De Niro , Jean Reno နဲ့ Steellan Skarsgard တို့ကို ကျေကျေနပ်နပ် တွေ့ရမှာပါ.. မစ်ရှင်အဖွဲ့ဟာ သေတ္တာရယူဖို့ကြိုးစားရင်းကနေ ဘယ်သူတွေက ဘယ်လိုခြေလှမ်းတွေနဲ့ အကွက်ရွှေ့လာမယ်ဆိုတာကို အပစ်အခတ် အက်ရှင်တွေနဲ့ ကြည့်ရှုကြရမယ့် ဇာတ်ကားကောင်းတစ်ကားဖြစ်ပါတယ်.. (ဇာတ်လမ်းအညွှန်းနဲ့ ဘာသာပြန်သူကတော့ Sherlock ဖြစ်ပါတယ်) File Size : 1.0GB/ 2.01GB Quality : Blu-Ray 1080/ 720p Format…mp4 Duration…02:02:00 Genre : Action, Crime, Thriller Subtitle : Myanmar Subtitle (Hard Sub) Translated by Sherlock Encoded by Tiff

Volcano (1997) IMDb Rating (5.6) / Rotten Tomatoes (48%) Tommy Lee Jones နဲ့ Don Cheadle တို့ ပါဝင်ထားတဲ့ သဘာဝဘေးအန္တရာယ်ရုပ်ရှင်ဇာတ်ကား ဖြစ်ပါတယ်။ ဇာတ်လမ်းအကျဉ်း မိုက်ခ်က သမီးဖြစ်သူ ကယ်လီ သူ့ဆီအိမ်အလည်လာတုန်း သူ့ရုံးကနေခွင့်ယူပြီး သမီးလေးနဲ့ပဲ လျှောက်လည်မယ်လို့ စိတ်ကူးထားသူတစ်ယောက်ပါ။ ဒါပေမဲ့ ဘယ်ကိုမှ လျှောက်မလည်ရသေးခင် ငလျင်တစ်ခုလှုပ်လာတဲ့အခါ သူ့ရဲ့ အရေးပေါ်တုံ့ပြန်ရေးဌာနကို အမြန်ပြေးရပါတော့တယ်။ အယ်လ်အေ တစ်မြို့လုံး ငလျင်ကြောင့် ဘာဖြစ်ပြီလဲ၊ ယာဉ်တိုက်မှုတွေဖြစ်ပြီလား၊ မီးတွေရေတွေပြတ်ပြီလား၊ ဂတ်စ်လိုင်းတွေများ ပေါက်သလား ရုံးမှာ လာစစ်တာပေါ့။ အဲဒီမှာ ဘာတွေ့လဲဆိုတော့ အယ်လ်အေမြို့၊ မက်ခ်အာသာပန်းခြံအနီးမှာ ရေနုတ်မြောင်းထဲ ဆင်းပြီးအလုပ်လုပ်နေတဲ့ ဝန်ထမ်း ၇ဦး မီးလောင်ကျွမ်းပြီး သေဆုံးသွားတာပဲ။ ငလျင်ကြောင့် ရေနွေးငွေ့ပိုက်လိုင်း ပေါက်ကာ ရေနွေးငွေ့ပူလောင်ပြီး သေတာဆိုပြီး ချက်ချင်းသတင်းထုတ်ရတာပေါ့။ ဒါပေမဲ့ မိုက်ခ်က သူကိုယ်တိုင် အဲဒီရေနုတ်မြောင်းထဲ ဆင်းကြည့်လိုက်ချိန်မှာ အခြေအနေမဟန်တော့မှန်း သိလိုက်တယ်။ ထိခိုက်မှုဖြစ်တဲ့ အဲဒီအပိုင်းကို ဂတ်စ်လိုင်းတွေပိတ်၊ အသစ်စက်စက်ပြေးဆွဲနေတဲ့ ရထားလိုင်းတွေကိုလည်း ပိတ်ခိုင်းတာပေါ့။ ဒါအပြင် သူက ချက်ချင်းပဲ ဘူမိဗေဒပညာရှင်ကို လှမ်းခေါ်တော့ အေမီဆိုတဲ့ ပညာရှင်မလေးက ရောက်လာတယ်။ ဒါက ကျောက်ရည်ပူ ခေါ် ချော်ရည်ပူတွေကြောင့် ဖြစ်နိုင်တယ်လို့ သူမကဆိုလာတော့ မိုက်ခ် အပါအဝင် အခုမှစပြီး မြေအောက်ရထားပြေးဆွဲနေတဲ့လူတွေကလည်း ဘယ်လက်ခံချင်ပါ့မလဲ။ နောက်တစ်နေ့ မနက် လူတွေအားလုံး အိပ်နေချိန်မှာ ရှေ့ရက်ကထက် ပိုပြီးပြင်းထန်တဲ့ ငလျင်တစ်ခုက လှုပ်ခတ်လာတဲ့အချိန်မှာတော့...။ မှတ်ချက်တွေကတော့ အကောင်းအဆိုးရောပြွန်းနေပေမယ့်လို့ ရုံတင်ဝင်ငွေက မြတ်ခဲ့ပါတယ်။ ၁၉၉၇ ခုနှစ်က ရုပ်ရှင်ဖြစ်တဲ့အတွက် ချော်ရည်ပူတွေက လူတွေကားတွေကို ဝါးမျိုသွားတဲ့ပုံစံ၊ မီးခိုးလုံးတွေလှိုက်တက်လာတဲ့ပုံစံတွေက ခေတ်နောက်ကျတယ်လို့ မြင်စရာရှိပေမယ့် ဇာတ်လမ်းတလျှောက်လုံး ရင်တထိတ်ထိတ်ဖြစ်အောင် လုပ်ပြနိုင်ပါတယ်။ မိခင်သဘာဝကြီးက ဘယ်လောက်ထိကြောက်ဖို့ကောင်းလဲဆိုတာကို ရိုက်ပြသွားတာဖြစ်သလို RESPONSIBILITY ဆိုတဲ့စကားကို လှိုင်လှိုင်သုံးပြီး သူတို့နိုင်ငံရဲ့ တာဝန်ယူမှုတာဝန်ခံမှုဟာ ဘယ်လောက်ထိအားကျစရာကောင်းတယ်ဆိုတာကို ပြသွားပါသေးတယ်။ File size… (3 GB) / (1.7 GB) Quality…. Blu-Ray 1080p HEVC / 720p Format…. mkv/mp4 Genre…. Action,Drama,Science Fiction,Thriller Duration…. 01:44:06 Subtitle…. Myanmar Subtitle (Hardsub)