Ruby Ruiz ပါဝင်သော ဇာတ်ကားများ

This, That and Everything in Between (2026) Netflix မှာ မကြာသေးမီကမှ ပူပူနွေးနွေးထွက်ရှိထားတဲ့ ဖိလစ်ပိုင် မိသားစု ဟာသဒရမ်မာရုပ်ရှင်ကားလေးပါ။ ဖိလစ်ပိုင်နာမည်ကြီး မင်းသမီးကြီး Jodi Sta. Maria နဲ့ Agot Isidro တို့ အဓိကခေါင်းဆောင် ပါဝင်သရုပ်ဆောင်ထားကြပါတယ်။ ဇာတ်လမ်းက Joanne (Jodi Sta. Maria) ဆိုတဲ့ အောင်မြင်တဲ့ TV ဇာတ်ညွှန်းရေးဆရာမလေးအကြောင်းပါ။ Joanne ဟာ ငယ်စဉ်ကတည်းက မိခင်ဖြစ်သူရဲ့ စွန့်ပစ်ခြင်းကို ခံခဲ့ရသူမို့ အတိတ်ဒဏ်ရာတွေကို ကျော်ဖြတ်ပြီး သူ့ဘဝကို အစစအရာရာ စနစ်တကျ ပြန်လည်တည်ဆောက်ထားတဲ့ အမျိုးသမီးတစ်ယောက်ဖြစ်ပါတယ်။ ဒါပေမဲ့ တစ်ရက်မှာတော့ သူ့ကို ပစ်သွားခဲ့တဲ့ မိခင်ဖြစ်သူ Paz (Agot Isidro) ဟာ ၂၇ နှစ်အကြာ မှာ ရုတ်တရက် ပြန်လည်ရောက်ရှိလာပါတယ်။ ဒါတင်မကသေးဘဲ Paz မှာ မိသားစုတစ်ခုလုံးကို ရိုက်ခတ်သွားစေမယ့် လျှို့ဝှက်ချက်တစ်ခုပါ ပါလာတဲ့အခါမှာတော့... မိခင်နဲ့ သမီးကြားက နှစ်ပေါင်းများစွာ ကင်းကွာခဲ့မှု၊ နာကျည်းချက်တွေ၊ စွန့်ပစ်ခံရတဲ့ဒဏ်ရာတွေနဲ့ မပြေလည်ခဲ့တဲ့အမုန်းတရားတွေ ပြန်လည်စိမ့်ထွက်လာပါတော့တယ်။ ဇာတ်လမ်းက သမားရိုးကျ ဝမ်းနည်းစရာဒရာမာကြီးပဲ မဟုတ်ဘဲ ဖိလစ်ပိုင်မိသားစုတွေရဲ့ ရှုပ်ထွေးလှတဲ့သံယောဇဉ်၊ ခွင့်လွှတ်ခြင်းနဲ့ ဟာသအငွေ့အသက်လေးတွေကိုပါ မျှမျှတတ ရောနှောပြသထားတာမို့ ရင်ထဲထိစရာရော၊ ပြုံးစရာရော ပါဝင်ပါတယ်။ ဒီဇာတ်ကားဟာ ပရိသတ်တွေဆီကနေ ၁၀ မှတ်မှာ ၇.၂ မှတ်ကနေ ၇.၈ မှတ်ဝန်းကျင် အထိ ရရှိထားတာမို့ မိသားစု Drama ကားတစ်ကားအနေနဲ့ Rating တော်တော်လေးကောင်းမွန်တဲ့အထဲ ပါပါတယ်။ ပရိသတ်တွေနဲ့ ဝေဖန်ရေးသမားအများစုက မင်းသမီးကြီး Jodi Sta. Maria နဲ့ Agot Isidro တို့ရဲ့ သဘာဝကျလွန်းတဲ့ သရုပ်ဆောင်ချက်တွေကို အဓိက ချီးကျူးထားကြတာပါ။ မိခင်နဲ့သမီးကြားက နာကျည်းချက်တွေ၊ ခွင့်လွှတ်ခြင်းနဲ့ မိသားစုသံယောဇဉ်ကို ရင်ထဲထိအောင် ပုံဖော်ထားနိုင်တာကြောင့် ကြည့်ရှုသူအများစုဆီကနေ တုံ့ပြန်မှုကောင်းတွေ အများကြီးရရှိထားတဲ့ ရုပ်ရှင်ကားလေးပဲ ဖြစ်ပါတယ်။ File Size - 2.7 GB/ 1 GB Quality - WEB-DL 1080p/ 720p Duration - 1h 53m Format - mp4 Genre - Drama, Family Subtitle - Myanmar Subtitle (Hard Sub)

Everyone Knows Every Juan (2025) IMDb Rating (7.4) စီဗီလာ မောင်နှမတစ်စုဟာ မိခင်ကွယ်လွန်ခြင်းတစ်နှစ်ပြည့်မှာ သူတို့ငယ်စဉ်ကတည်းက နေထိုင်ခဲ့တဲ့ အိမ်ဟောင်းကြီးကိုပြန်လည်ရောက်ရှိလာကြပါတယ်။ သူတို့မောင်နှမတွေဟာ အစ်ကိုအကြီးဆုံး တူပေ့ အသက် ၇၀ ကနေပြီး အငယ်ဆုံးသမီး မီရာကယ်လူလတ်ပိုင်းအထိ အရွယ်စုံပါဝင်ပြီး အလုပ်အကိုင်နဲ့စိတ်နေစိတ်ထား ခံယူချက်တွေဟာ လည်းတစ်ယောက်တစ်ပေါက်ဖြစ်ပါတယ်။ ဒီလို အရွယ်စုံ အလွှာစုံ မောင်နှမတွေမဖြစ်မနေစုဝေးကြရတဲ့ ပွဲလေးဟာ မကြာခင်မှာပဲ တစ်ယောက်နဲ့တစ်ယောက်ကြားကဖုံးကွယ်ထားတဲ့လျှို့ဝှက်ချက်တွေ၊ နာကျည်းမှုတွေနဲ့ ဝုန်းဒိုင်းကြဲ ပွက်လောရိုက်ဖို့ဖြစ်လာပါတော့တယ်။ ဒီဖြစ်ရပ်တွေကပဲသူတို့မောင်နှမတွေကြားက သံယောဇဉ်ကြိုးတွေကို စမ်းသပ်ရာဖြစ်လာမှာဖြစ်ပါတယ်။ မိဘတွေ ကွယ်လွန်ပြီးမောင်နှမတွေပြန်လည်ဆုံတွေ့တဲ့ ဇာတ်လမ်းမျိုးဟာ အသစ်အဆန်းမဟုတ်ပေမယ့် ဒါရိုက်တာလည်းဖြစ်သရုပ်ဆောင်လည်းဖြစ်တဲ့ Alessandra de Rossi ကဇာတ်ကားကို One Take နဲ့ရိုက်ဖို့ဆုံးဖြတ်ခဲ့ပါတယ်။ ဒါဟာ သရုပ်ဆောင်တွေအတွက်ရောဒါရိုက်တာအတွက်ပါ စိန်ခေါ်မှုကြီးပေမယ့် တာဝန်ကျေခဲ့ကြတဲ့အတွက် သေသပ်လှပတဲ့ ရိုက်ချက်တွေနဲ့ စီနီမာတိုဂရပ်ဖီကိုတွေ့မြင်ရမှာပါ။ နာမည်ကျော်ဝါရင့် သရုပ်ဆောင်ကြီးတွေချည်းပါဝင်ထားတာဖြစ်လို့ သရုပ်ဆောင်မှုက လုံး၀ အပြစ်ပြောစရာမရှိသလို သဘာ၀ကျတဲ့ဟာသတွေကြောင့်မနားတမ်းခွီနေရမှာလည်းဖြစ်ပါသေးတယ်။ ဇာတ်လမ်းစကတည်းက ကိုယ်တိုင်သူတို့နဲ့အတူ စီးမျောပါဝင်သွားပြီး စီဗီလာ အိမ်သားတစ်ယောက်အဖြစ်တစ်သားတည်းကျသွားသလိုခံစားရမယ့် ဇာတ်ကားကောင်းတစ်ကားဖြစ်ပါတယ်။ File size… (2.5 GB) / (1.4 GB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama Duration…. 01:50:30 Subtitle…. Myanmar Subtitle (Hardsub)

အချစ်ဟာသဖိလစ်ပိုင်ရုပ်ရှင် Everything About My Wife ကတော့ ၂၀၀၈ အာဂျင်တီးနားရုပ်ရှင် A Boyfriend For My Wife ကိုပြန်လည်ရိုက်ကူးထားတာဖြစ်ပြီး ၂၀၁၂ မှာလည်း All About My Wife ဆိုတဲ့ကိုရီးယားကားထွက်ရှိထားပါသေးတယ်။ ဇာတ်လမ်းကတော့ ကလေးမရဘဲ အိမ်ထောင်သက်ကြာလာတာနဲ့အမျှ အိမ်ထောင်ရေးမှာမပျော်တော့တဲ့ဒွန်တစ်ယောက် ကိုယ့်ဘက်ကစပြီးလမ်းမခွဲချင်တာကြောင့် သူ့မိန်းမအီမိုက သူ့ကိုထားသွားအောင်မြူဆွယ်ပေးဖို့ လူရှုပ်လူပွေမီဂဲလ်ကို လုပ်ခိုင်းခဲ့ပါတယ်။ ဒါပေမဲ့ အီမိုနဲ့မီဂဲလ်ကြားတွယ်တာမိလာတာနဲ့အမျှ ဒွန်ရဲ့အီမိုအပေါ်ထားတဲ့အမြင်နဲ့သဘောထားတွေကလည်း ပြောင်းလဲလာခဲ့ပါတယ်။ ခင်ပွန်းတစ်ယောက်အနေနဲ့ အဆိုးရွားဆုံးအမှားကြီးတစ်ခုကျူးလွန်မိပြီဆိုတာ ဒွန်သိလိုက်ရချိန်မှာတော့ အီမိုကိုပြန်ရအောင် မရမကကြိုးပမ်းပါတော့တယ်။ File size… (1.63 GB) / ( 958 MB) Quality… WEB-DL 1080p HEVC /720p Format…mkv / mp4 Duration….1h 50m Genre …..Comedy , Romance Subtitle….Myanmar Subtitle (Hard Sub) Encoder….Min Wai Translated by JULY

ပြည်ပကနေ ဟောင်ကောင်ကိုအခြေချနေထိုင်ကြတဲ့ (Nicole Kidmanအပါအဝင်) အမျိုးသမီး၃ယောက်ရဲ့ ဘဝကို ဇာတ်အိမ်တည်ပြီးရိုက်ကူးထားတဲ့ဇာတ်ကားတစ်ကားဖြစ်ပါတယ်။ ဇာတ်လမ်းအကျဉ်း ဇာတ်လမ်းထဲမှာ သားသမီးကိုဆုံးရှုံးလိုက်ရတဲ့ မာဂရတ်၊ အိမ်ထောင်ရေးဆုံးရှုံးခါနီး ဟစ်လာရီနဲ့ ဟောင်ကောင်ရောက် ကိုရီးယားလူမျိုး မာစီတို့ရဲ့အကြောင်းကို တစ်လှည့်စီရိုက်ပြထားပါတယ်။ အဖြစ်အပျက်ဆိုးဖြစ်ပြီးတစ်နှစ်အကြာနဲ့ဇာတ်လမ်းကိုစထားပြီး ဇာတ်ကားရဲ့တစ်ပိုင်းချင်းစီမှာမှ အတိတ်ကိုတဖြည်းဖြည်း​ချင်း ဖြည်ပြပေးမယ့်ဇာတ်ကားမျိုးဖြစ်ပါတယ်။ ပထမအမျိုးသမီး မာဂရတ်က မူလကကလေး၃ယောက်အမေဖြစ်ပေမဲ့ အငယ်ဆုံးသားလေးဂတ်စ်ကိုပျောက်ဆုံးသွားတဲ့မိခင်တစ်ဦးပေါ့။ ဒါကြောင့်လည်း နေ့ရက်တိုင်းကို စိတ်နဲ့ကိုယ်နဲ့မကပ်ပဲ ရှင်သန်နေရပြီး ဂတ်စ်ကိုပြန်တွေ့လို့ပြန်တွေ့ငြား ပူဆွေးနေရတဲ့မိခင်တစ်ဦးလည်းဖြစ်ပါတယ်။ ဒီထဲမှာ နောက်ထပ်နစ်နာသူကတော့ မာဂရတ်ရဲ့သူငယ်ချင်းဟစ်လာရီပါ။ ယိုင်နဲ့နဲ့အိမ်ထောင်ရေးကိုကယ်တင်ဖို့ကြိုးစားနေရရင်း ခင်ပွန်းဖြစ်သူနဲ့အဆင်မပြေဖြစ်နေသူပေါ့။ သူတို့အိမ်ထောင်ရေးအဆင်မပြေရတဲ့အကြောင်းရင်းကလည်း ဂတ်စ်ရဲ့ပျောက်ဆုံးမှုနဲ့ဆက်စပ်နေပုံရပြီး အားလုံးထဲမှာမှ မာစီကတော့ပဟေဠိတွေရဲ့အဓိကသော့ချက်လိုဖြစ်နေပုံရပါတယ်။ File size…(957 Mb)/(422 Mb) Quality….Webrip 1080p / 720p Format…mp4 Duration….00:59:00 Genre...Drama Subtitle….Myanmar Subtitle (Hardsub) Encoder….Garfield Translated by Su Eaindra

ဖိလစ်ပိုင်တွေရဲ့ ရိုးရာအယူအဆတစ်ခုရှိတယ်.. လူတစ်ယောက်သေသွားပြီးတဲ့နောက်မှာ သူ့ရဲ့အရိုးပြာတွေထဲမှာ အရိုးစိမ်းလေးတစ်ခုတွေ့ရတယ်ဆိုရင် အဲ့ဒီလူဟာ ဘဝတစ်လျှောက်မှာ ကောင်းတဲ့အရာတွေလုပ်ပြီး ရှင်သန်ခဲ့တဲ့သူပဲတဲ့.. လူကောင်းတစ်ယောက်ပဲတဲ့..။ Green Bones ဆိုတဲ့ ဒီဇာတ်ကားကလည်း ဒီအယူအဆထဲမှာပါတဲ့ အရိုးစိမ်း(Green Bone)ဆိုတာကို အစွဲပြုပြီး နာမည်ပေးထားတာဖြစ်ပါတယ်။ ကျွန်တော်တိုတွေ လူတစ်ယောက်အကြောင်းကို ကြားလိုက်တာနဲ့ အဲ့လူဟာ ဘယ်လိုလူပါဆိုပြီး တန်းပြီးဆုံးဖြတ်လိုက်တဲ့ လုပ်ရပ်မျိုးဟာ တစ်ခါတလေမှာ အကြီးအကျယ်မှားယွင်းတဲ့ လုပ်ရပ်တစ်ခုဖြစ်သွားနိုင်ပါတယ်။ အခုလို သတင်းအချက်အလက်စီးဆင်းမှုမြန်ဆန်လွန်းတဲ့ ခေတ်ကြီးမှာပိုတောင်ဆိုးပါသေးတယ်။ သတင်းတစ်ပုဒ်.. စာတစ်ပုဒ်.. လူတစ်ယောက်ရဲ့ဇာတ်လမ်း.. ဒါကိုဖတ်လိုက်တာနဲ့ တန်းပြီး အမှန်လိုမယူဆသင့်ပါဘူး။ တခြားသော အထောက်အထားတွေရှာတာ.. တခြားသူတွေကရော ဒီအကြောင်းအရာအပေါ်မှာ ဘယ်လိုပြောနေကြလဲဆိုတာ နားထောင်သင့်ပါတယ်။ နားတစ်ဖက်ထဲနဲ့ နားထောင်တဲ့အခါမှာ ကိုယ်မကြားနိုင်တဲ့.. ကိုယ်မနိုင်တဲ့တစ်ဖက်မှာ အမှန်တရားရှိနေနိုင်ပါတယ်။ ကိုယ်သိထားတာကြီးကလည်း အမှားကြီးဖြစ်နေနိုင်ပါတယ်။ ဇာတ်လမ်းအကျဉ်းပြောရရင် စိတ္တဇဒွန်လိုခေါ်တဲ့ လူတစ်ယောက်က သူ့ညီမအရင်းကိုလည်း သတ်ခဲ့တဲ့အပြင်.. ကောလဟာလတွေအရ သူ့ညီမရဲ့ သမီးလေး.. သူ့တူမလေးကိုပါ သတ်ပြီး မြစ်ထဲမျော..အလောင်းဖျောက်ခဲ့တဲ့ သွေးအေးလူသတ်သမားတစ်ယောက်ပေါ့။ သူ့တူမလေးရဲ့ အလောင်းကို မြစ်ထဲပစ်ချခဲ့တဲ့ တံတားပေါ်မှာပဲ သူ့ကိုဖမ်းမိခဲ့ပါတယ်။ ဖမ်းမိခဲ့တဲ့အချိန်မှာ သူက စိတ်ရူးဖောက်နေသလိုမျိုး ခြေဟန်လက်ဟန်တွေ မနားတမ်းလုပ်ပြနေခဲ့တယ်။ အဲ့လိုနဲ့ စိတ္တဇဒွန်ကို မနီလာမြိုစင်ထရယ်အကျဉ်းထောင်ကနေ သီးသန်းတစ်ကျွန်းထောင်ဖြစ်တဲ့ ဆန်ဖာဘီယန်အကျဉ်းထောင်ကို လွှပြောင်းထိိန်းသိမ်းထားခဲ့တယ်။ အဲ့လိုနဲ့ ဆယ်စုနှစ်တစ်ခုလောက်အကြာမှာ မှုခင်းသိပ္ပံကျောင်းဆင်း အကျဉ်းမှူးအရာရှိအသစ်လေး ဂွန်ဂျဂါက အဲ့ဒီဆန်ဖာဘီယန်အကျဉ်းထောင်ကို တာဝန်ကျခဲ့ပါတယ်။ အကျဉ်းမှူးဂွန်ဂျဂါရဲ့ကလေးဘဝမှာတုန်းက သူ့အစ်မကို စိတ္တဇလူသတ်ကောင်တစ်ယောက်သတ်တာကို မေ့မရဘဲ စိတ်ဒဏ်ရာတစ်ခုရှိခဲ့သူပါ။ သူ့အစ်မအသတ်ခံရပြီးနောက်ပိုင်းမှာ “လောကမှာ လူကောင်းနဲ့လူဆိုးနှစ်မျိုးပဲရှိတယ်.. လူကောင်းနဲ့လူဆိုးကြားက တံတိုင်းတစ်ခုအဖြစ် ရပ်တည်မယ်” ဆိုတဲ့ ခံယူချက်နဲ့ မှုခင်းသိပ္ပံဘွဲကိုယူပြီး ရဲအရာရှိတစ်ယောက်ဖြစ်လာခဲ့သူပါ။ ဒီနှစ်ယောက်က ဆန်ဖာဘီယန်မှာတွေ့ကြတဲ့အခါ အတိတ်မှာဖြစ်ခဲ့တဲ့ ဇာတ်လမ်းတစ်ခုကိုပြန်ပြီး တူးဆွမိခဲ့ကြပါတယ်။ အဟောင်းတွေ အသစ်ပြန်ဖြစ်လာတဲ့အခါ.. တိမ်မြုပ်နေတဲ့ အမှန်တရားတွေ.. အကျင့်ပျက်ခြစားမှုတွေ.. ထောင်တွင်းအကြမ်းဖက်မှုတွေရှိနေတဲ့ အကြောင်းတွေကို တစ်ခုပြီးတစ်ခု စုံစမ်းနိုင်ခဲ့တယ်။ ဒီလိုနဲ့ ဖြစ်ခဲ့တဲ့ ဇာတ်လမ်းမှာ ဘယ်သူအမှန်.. ဘယ်သူကအမှားလဲ။ ဘယ်သူက လူဆိုး.. ဘယ်သူက လူကောင်းလဲ။ ဇာတ်လမ်းစိတ်ဝင်စားဖိုလည်းကောင်းသလို.. ဝမ်းနည်းဖွယ်ရာဇာတ်ဝင်ခန်းတွေလည်းပါပါတယ်။ လူကောင်းနဲ့လူဆိုးဆိုတာကို ဘာတွေနဲ့သတ်မှတ်ကြတာလဲ။ ဘယ်ပေတံတွေနဲ့တိုင်းတာကြတာလဲ။ ကောင်းမယ်ထင်ပြီး လုပ်လိုက်တဲ့အရာတစ်ခုက လွဲချော်သွားခဲ့ရင်ရော ဆိုးတဲ့အရာတစ်ခုအဖြစ်ပြောင်းသွားနိုင်လား။ အတိတ်မှာမကောင်းခဲ့ဘူးဆိုတာနဲ့ပဲ.. နောင်တစ်ချိန်မှာရော လူကောင်းတစ်ယောက်မဖြစ်နိုင်တော့ဘူးတဲ့လား..။ File Size… (2.00 GB) / ( 857 MB) Quality… WEB-DL 1080p HEVC /720p Format…mkv / mp4 Duration…1h 36m Genre …..Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by Pyae Hein Kyaw

Monday First Screening ( 2023) ဒီဖိလစ်ပိုင် အချစ်ကားက ဖိလစ်ပိုင်အချစ်ကားပေမဲ့ ထူးတော့ ထူးပါတယ်။ ဘာလိုဆို အချစ်ကားပေမဲ့ လူငယ်တွေ လူလတ်တွေအကြောင်းမဟုတ်ဘဲ တော်တော်ကိုမြင်ရခဲတဲ့ အငြိမ်းစား အဘိုးကြီးနဲ့အဘွားကြီးက အချစ်ဇာတ်လမ်းကို ပြထားတာမလိုပါပဲ။ အသက်၆၀ကျော်လို ပင်စင်ယူပြီးမှ ဖြစ်လာတဲ့အချစ်ဇာတ်လမ်းပေါ့။ အချစ်ဇာတ်လမ်းကိုပြတာဆိုပေမဲ့ သူတိုဖိလစ်ပိုင်က ပင်စင်စားတွေရတဲ့အခွင့်အရေးတွေ ဘာတွေကိုလည်း မြင်ရမယ်။ ဒါကတော့ ကောင်းတဲ့ဘက်ပေါ့။ အဲဒီပင်စင်စားဘဝရဲ့ မကောင်းတဲ့ဘက်ကိုလည်း ပြတော့ပြထားတယ်။ ဒါပေမဲ့ မကောင်းတဲ့ဘက်ကတော့ အမြဲမြင်နေကျအရာပဲမို သိပ်တော့မထူးလှပါဘူး။ ကောင်းတဲ့ဘက်ကတော့ တနင်္လာနေ့ မနက်မှာပြတဲ့ ပထမဆုံးရုပ်ရှင်ပြသမှုကို အသက်၆၀ပြည့် သက်ကြီးနိုင်ငံသားမှတ်ပုံတင် ကိုင်ဆောင်ထားသူတွေ အခမဲ့ကြည့်ခွင့်ရတာတို ဘာတိုပေါ့။ အတုယူချင်စရာကောင်းမယ့် အချက်တွေပါပဲ။ သူတိုလူကြီးချင်း မိတ်ဖွဲဆွေဖွဲဖြစ်ကြမယ်။ တစ်ပတ်ရုပ်ရှင်တစ်ကား ဘာစရိတ်မှမကုန်ဘဲကြည့်ခွင့်ရမယ်။ လူလွတ်တွေ မုဆိုးဖို မုဆိုးမတွေဆိုရင်လည်း အချစ်ဇာတ်လမ်းလေးတစ်ပုဒ် ဖြစ်ကောင်းဖြစ်လာနိုင်တယ်ပေါ့။ ဇာတ်အိမ်တည်ဆောက်ပုံကတော့ အရမ်းအကောင်းကြီးမဟုတ်ပေမဲ့ ဒီလိုထူးထူးခြားခြားအကြောင်းအရာကို အတုယူချင်ယူစရာကောင်းတဲ့ လူ့အသိုင်းအဝိုင်းတစ်ခုမှာ တည်ဆောက်ပြထားတာမို ကြည့်တော့ကြည့်သင့်တဲ့ရုပ်ရှင်ပါပဲ။ တစ်ခုရှိတာက ဒီလိုကားတွေမှာ စာဖိုင်က တစ်ခါတလေ အခက်အခဲရှိတတ်တာမို ဒီကားက စာဖိုင်က အပြည့်တော့မစုံပါဘူး။ ၅ရာခိုင်နှုန်းလောက်တော့ လိုနေပါလိမ့်မယ်။ နည်းနည်းလေးတော့ သည်းခံပေးရပါလိမ့်မယ်။ ဒါပေမဲ့လည်း ဇာတ်ကိုတော့ မထိခိုက်တာကြောင့် ကြည့်လိုတော့ လုံးဝအဆင်ပြေပါတယ်။ ဒီလိုအတုယူချင်စရာကောင်းတဲ့ အသိုင်းအဝိုင်းတစ်ခုအကြောင်းကို မြင်ရမှာမို တန်တော့တန်မှာပါပဲ။ ( ဘာသာပြန်ပြီး အညွှန်းရေးသားထားသူကတော W ပါ ) File size_( 3GB)/( 1GB) Quality_Blu-Ray 1080p / 720p Format_mp4 Duration_01:44:00 Genre_Drama, Family Subtitle_Myanmar Subtitle (Hardsub) Encoder_a hao Translated by W

Para Kang Papa Mo (2023) ဖေဖေ့မေတ္တာ မေတ္တာဆိုတာအစုန်ပဲရှိတယ် အဆန်မရှိဘူးလို့ ပြောစကားရှိတာ သိကြမှာပါ ဒီကားထဲမှာလည်း သားသမီးအပေါ်ဖြည့်ဆည်းချင်တဲ့ ဖခင်တစ်ယောက်ရဲ့မေတ္တာကိုမြင်ရမှာဖြစ်ပါတယ်။ အန်တွန်၊ရစ်နဲ့ ဂျို့စ်တို့ဟာ လူငယ်အကသမားတွေပါ။ တစ်နေ့ပြိုင်ပွဲမပြိုင်ခင် သူတို့ရဲ့ရည်းစားသုံးယောက်လုံးက ကိုယ်ဝန်ရှိနေတယ်လို့ တစ်ပြိုင်နက်ပြောလာခဲ့တယ်။ ဒီလိုနဲ့ ပြိုင်ပွဲတွေပြိုင်နေရင်း ရုတ်တရက်ကြီးရဲတွေလိုက်ဖမ်းတဲ့အခါ အန်တွန်တစ်ယောက်အဖမ်းခံလိုက်ရတော့တယ်။ အန်တွန်အဖမ်းခံရတာကသာမန်အမှုမဟုတ်ဘဲ ဆေးမှုဖြစ်နေတဲ့အခါ ထောင်ဒဏ်ကိုနှစ်ရှည်လများ ကျခံရဖို့ဖြစ်လာပါတော့တယ်။ ဒါ့အပြင် သူတို့သူငယ်ချင်းသုံးယောက်လုံးရဲ့ ရည်းစားတွေက ရလာတဲ့ကလေးကို သူတို့ရဲ့ခေါင်းကိုင်အမေဆီ ပစ်ထားခဲ့တဲ့အခါ ကလေးသုံးယောက်လုံးစရိတ်ကို ထောင်ထဲကအန်တွန်က ကျခံရတော့တယ်။ ထောင်ထဲမှာရိုးသားကြိုးစားနေခဲ့တဲ့ အန်တွန်ဟာ ထောင်နှစ်ရှည်ကျပြီး လွတ်လို့ကလေးတွေနဲ့ တွေ့တဲ့အခါ သူထင်ထားသလို ဖြစ်မနေခဲ့ပါဘူး။ အခက်အခဲတွေကြားမှာ သားသမီးတွေရှေ့ကနေဘယ်လိုရပ်တည်မလဲ ဆိုတဲ့အဖေတစ်ယောက်ရဲ့ဘဝကို ဟာသလေးတွေရောပြီး ကြည့်ရှုရမှာဖြစ်ပါတယ် (အညွှန်းနဲ့ဘာသာပြန်ကတော့ CM Team ဖြစ်ပါတယ်) File size…1.24GB/ 624MB Quality…WEB DL 1080p / 720p Format…mp4 Duration….2h Subtitle….Myanmar Subtitle (Hard Sub) Encoder….YK Translated by CM Team

IMDb - 6.7/10 ဒီဇာတ်ကားဖြန့်ချိရေးကို ကမ္ဘာကျော်ရုပ်ရှင် ထုတ်လုပ်ရေး ကုမ္ပဏီကြီး Universal Pictures က တာဝန်ယူထားသည်။ ကျော်ကြားသော အမေရိကန်စပိုင်ရုပ်ရှင် The Bourne ဇာတ်ကားများ၏ အဆက်ဖြစ်ပြီး ယခုဇာတ်ကားသည် ၄ ကားမြောက်အဖြစ် အသစ်ထွက်ရှိသည်။ ဇာတ်ညွှန်းကို တိုနီဂေးရွိုင်းနှင့် ညီဖြစ်သူ ဒန်ဂေးရွိုင်းနှင့် ပူးတွဲရေးသားပြီး သူကိုယ်တိုင် ဒါရိုက်တာအဖြစ် ရိုက်ကူးခြယ်မှုန်းပေးထားသည်။ ဇာတ်ကားထုတ်လုပ်မှု ကုန်ကျစရိတ် ဒေါ်လာသန်း ၉၀ ရှိပြီး ယခင်ဇာတ်ကားများနည်းတူ အက်ရှင်ဇာတ်ဝင်ခန်းများနှင့် ဇာတ်လမ်း၊ ဇာတ်အိမ်ကောင်းမွန်သည်။ ထူးခြားမှုတစ်ခုမှာ ယခင်ဇာတ်ကားများတုန်းက သရုပ်ဆောင်ခဲ့သည့် မင်းသားမက်ဒေါမွန်ကို ပြန်လည်သုံးစွဲခြင်း မပြုတော့ဘဲ မင်းသားသစ် ဂျယ်ရီရမီးရန်နာကို အဓိက ခေါင်းဆောင်မင်းသားအဖြစ် ယခုဇာတ်ကားမှ ပွဲထုတ်ထားခြင်း ဖြစ်သည်။ စာရေးဆရာ အဲရစ်ဗန်လက်စဗန်ဒါ၏ The Bourne Legacy ဝတ္ထုအား ရုပ်ရှင်အဖြစ် အသက်သွင်းလိုက်ခြင်း ဖြစ်သည်။ ဇာတ်လမ်းအကျဉ်း The Bourne Ultimateum ဇာတ်ကားတုန်းက အဖြစ်အပျက်များကြောင့် ပြည်သူလူထုနှင့် နိုင်ငံရေးသမားများသည် လမ်းများပေါ်သို့ ထွက်လာကာ CIA နှင့် ရင်ဆိုင်လာသည်။ ထို့ကြောင့် CIA သည် ပြဿနာအရှုပ်အထွေးတွေ ယခုထက် ပိုမိုများပြားမလာခင် သူတို့၏ Operation Outcome ပရော်ဂျက်ကြီးအား လက်စတုံးဖျောက်ဖျက်ပစ်ဖို့ ကြံရွယ်လာခဲ့ကြသည်။ သဲလွန်စတစ်ခုမကျန် မြေကြီးထဲ မြှပ်နှံပစ်ဖို့ အမိန့်ပေးခဲ့သည်။ ထို့ကြောင့် စေခိုင်းခြင်းခံရသူ စပိုင်များသည် Operation Outcome ၏ လူအားလုံးကို သတ်တော့သည်။ အေရွန်ခရော့စ် (ဂျယ်ရီမီးရန်နာ) က Operation Outcome ၏ အေးဂျင့်တစ်ဦး ဖြစ်သောကြောင့် လုပ်ကြံသူများလက်ကနေ လွတ်မြောက်အောင် ကိုယ်လွတ်ရုန်းပြေးရတော့သည်။ ပြေးရင်းလွှားရင်း သူနှင့်ဘဝတူအဖြစ် ဆုံစည်းလာသူက ဒေါက်တာစတီဗင်စနိုက်ဒါ (မင်းသမီးချော ရေချယ်ဝိုက်စ်) ဖြစ်သည်။ ဒေါက်တာစတီဗင်သည် Outcome အေးဂျင့်များကို ဖန်တီးပုံဖော်ရာတွင် အဓိက အကူအညီပေးခဲ့သည့် ဆရာဝန်တစ်ဦးဖြစ်တာကြောင့် သူလည်းလုပ်ကြံသူများ လက်ကနေ လွတ်မြောက်အောင် မနည်းကြိုးစားရရှာသည်။ သူတို့ကို နောက်ကနေ အသေအလဲ လိုက်လံလုပ်ကြံနေသူက ဇာတ်ကားအစမှာကတည်းက ရန်သူတော်တစ်ဦး ဖြစ်သည့် စီအိုင်အေအေးဂျင့်ဗျာ (အင်ဒ်ဝပ်နော်တန်) ဖြစ်သည်။ သူက အေးရွန်ခရော့စ်နှင့် ဒေါက်တာစတီဗင်တို့အား အငြိုးကြီးကြီးဖြင့် သတ်ဖြတ်ဖို့ ကြိုးစားသည်။ အေရွန်ခရော့စ်တို့ စုံတွဲကလည်း ပြေးရင်းလွှားရင်းနှင့်ပင် အမှန်တရားကို ဖော်ထုတ်ကာ သူတို့၏ လွတ်မြောက်ရာလမ်းကို ရှာဖွေကြမည်။ ဇာတ်ကားတစ်ကားလုံး ပြေးလွှားပစ်ခတ်ကြသည်များကို အသည်းတယားယား၊ ရင်တဖိုဖို ကြည့်ကြရမည်။ CIA က Operation Outcome အဖွဲ့ကို မြေမြှပ်ဖို့ ဆုံးဖြတ်ချက်ချပြီး အမိန့်ထုတ်ပြန်လိုက်ကတည်းက The was never justone တစ်ယောက်မှ မကျန်စေနဲ့ဆိုတဲ့ ကြောက်စရာစကားလုံးကြီး အောက်ကနေ အေရွခရော့စ်တို့ ဘယ်လိုရုန်းထွက်ပြီး လွတ်မြောက်အောင် ပြေးကြမလဲဆိုတာကတော့ စိတ်ဝင်တစားကြည့်ရမှာ ဖြစ်ပါတယ်