Ryan Cheng ပါဝင်သော ဇာတ်ကားများ

မမ Bai Lu နဲ့ကိုကို Cheng Lei တို့ရဲ့နန်းတွင်းကားလေးလာပါပြီ ဒီဇာတ်လမ်းလေးဟာ နန်းတွင်းအာဏာလုတာတွေ လက်စားချေတာတွေနဲ့ အချစ်ဇာတ်လမ်းလေးရောပြီး အကောင်းဆုံးပေါင်းစပ်ထားတဲ့ Historical Romance ဒရာမာတစ်ပုဒ်ဖြစ်ပါတယ် Ye Li က ပညာရှိပြီး သတ္တိရှိတဲ့ မင်းသမီးတစ်ယောက်ဖြစ်သလို မိသားစုနဲ့ မျိုးနွယ်စုအပေါ် ကျရောက်ခဲ့တဲ့ မတရားမှုတွေကို ပြန်လည်တုံ့ပြန်ဖို့ စိတ်ပိုင်းဖြတ်ထားသူပါ Mo Xiu Yao ကတော့ ပြင်ပမှာ အားနည်းပြီး မသန်စွမ်းတဲ့ မင်းသားလို မြင်ရပေမဲ့ အတွင်းမှာ နက်နဲတဲ့ အစီအစဉ်တွေနဲ့ ပြည့်နေသူ ဖြစ်ပါတယ် အစပိုင်းမှာ တစ်ယောက်နဲ့တစ်ယောက် သံသယဝင်နေကြပေမဲ့ အခက်အခဲတွေကို အတူကျော်ဖြတ်ရင်း ယုံကြည်မှုနဲ့ ချစ်ခြင်းမေတ္တာတွေ တဖြည်းဖြည်း တည်ဆောက်လာတဲ့အခါမှာ Ye Li ရဲ့ ဉာဏ်ရည်ထက်မြက်မှုနဲ့ Mo Xiu Yao ရဲ့ အေးဆေးတည်ငြိမ်တဲ့ ခေါင်းဆောင်မှုတို့ပေါင်းစပ်တဲ့အခါ Prince Jing Li ရဲ့ ထီးနန်းသိမ်းပိုက်လိုစိတ်ကြောင့် ဖြစ်ပေါ်လာတဲ့ နန်းတွင်းအာဏာပြိုင်ပွဲတွေ စစ်ရေးဗျူဟာတွေနဲ့ တိုင်းပြည်ရေးလှည့်ကွက်တွေအကြား စိတ်လှုပ်ရှားဖွယ် ကြည့်ရှုရမှာပဲဖြစ်ပါတယ် Strong Female Lead ကို ကြိုက်တဲ့သူတွေအတွက် ကြည့်ရှုသင့်တဲ့ဇာတ်လမ်းတစ်ပုဒ်ဖြစ်ပါတယ် Ye Li နဲ့ Mo Xiu Yao တို့ရဲ့ အပြန်အလှန်ယုံကြည်မှု သစ္စာရှိမှုနဲ့ အတူတကွ ရန်သူတွေကို အနိုင်ယူသွားတဲ့ ခရီးစဉ်ကို စိတ်ကျေနပ်မှုအပြည့်နဲ့ ကြည့်ရှုကြရမှာပါ Total Episodes : 40 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

ရှန်းရှ Fantasy ကိုမှ Rom-Com ကြိုက်ရင်တော့ အခု‌ညွှန်းပေးမဲ့စီးရီးလေးကို မဖြစ်မနေကြည့်မှရမယ်နော်! ဒီစီးရီးက Donghua အနေနဲ့ အရင်ထွက်ခဲ့တာဖြစ်သလို အတော်လေးလည်းပေါက်ခဲ့ပါတယ်။ အခုကတော့ C drama Series အနေနဲ့ ထွက်ရှိလာတာပါ။ ရှန်းရှ Fantasy ဆိုပေမဲ့ ကမ္ဘာကူးဇာတ်လမ်းဖြစ်တဲ့အပြင် MC နှစ်ယောက်ရဲ့အလွဲတွေကိုပါ ရယ်ရွှင်ဖွယ်မျိုးရိုက်ကူးထားလို့ Rom-Com ချစ်သူတွေအနေနဲ့ ကြည့်သင့်တဲ့ကားသစ်လေးပါပဲ။ MC တွေအဖြစ် အရမ်းမိုက်တဲ့ရှောင်ကောကော Cheng Lei နဲ့ မမလှလှလေး Wang Chu Ran တို့က ပါဝင်ထားကြပါတယ်။ နှစ်‌ယောက်လုံးရဲ့သက်ဝင်ဟန်ပန်တွေက ပြောစရာမလိုအောင် ပြည့်စုံနေပြီးသားမို့ ဇာတ်လမ်းက ဘယ်လိုတွေဖြစ်မလဲသိချင်ရင် မဖြစ်မနေကြည့်ကြပါ သာ့ကျားးး! ဇာတ်လမ်းအညွှန်း >>> လုပ်ငန်းခွင်ထဲက အတွေ့အကြုံနုနယ်သေးတဲ့ ဝန်ထမ်းအသစ်လေး ဝမ်ချွေဟွာဟာ မထင်မှတ်ဘဲ ဝတ္ထုကမ္ဘာတစ်ခုထဲကို ရောက်ရှိသွားခဲ့ပါတယ်။ အဲဒီမှာ သူ့လိုပဲ တခြားကမ္ဘာကနေ ကူးပြောင်းရောက်ရှိလာသူတစ်ဦးဖြစ်တဲ့ ကျန်းဆန်းနဲ့ ဆုံတွေ့ခဲ့ပါတယ်။ ဒါပေမဲ့ ကျန်းဆန်းကတော့ သာမန်လူမဟုတ်ဘဲ လွန်ခဲ့တဲ့ဆယ်စုနှစ်တစ်ခုကတည်းက အချိန်အခါကောင်းကိုစောင့်ဆိုင်းရင်း အစွမ်းအစတွေကိုဖုံးကွယ်ထားတဲ့ "လျှို့ဝှက်ဘုရင်" တစ်ပါး ဖြစ်နေပါတယ်။ တစ်ယောက်က ကံကြမ္မာကို ရုန်းကန်ကျော်ဖြတ်ချင်သူ၊ နောက်တစ်ယောက်ကတော့ ဟန်ဆောင်မှုတွေရဲ့နောက်ကွယ်မှာ အင်အားတွေကို ဖုံးကွယ်ထားသူ... သူတို့နှစ်ဦးဟာ ဒီဝတ္ထုကမ္ဘာထဲမှာ အသက်ရှင်သန်နိုင်ဖို့အတွက် အင်အားချင်းပူးပေါင်းခဲ့ကြပါတယ်။ လှည့်ကွက်တွေနဲ့သစ္စာဖောက်မှုတွေကြားမှာ ရန်သူတွေကို ရင်ဆိုင်ရရုံတင်မကဘဲ သူတို့နှစ်ဦးထဲကတစ်ယောက်ဟာ သူတို့ကိုယ်တိုင်တည်ဆောက်ခဲ့တဲ့ သာယာဝပြောတဲ့ကမ္ဘာသစ်ကြီးကို မြင်တွေ့ခွင့်ရမှာမဟုတ်ဘူး" ဆိုတဲ့ ရက်စက်လွန်းလှတဲ့နိမိတ်ဖတ်ချက်ကိုလည်း ရင်ဆိုင်ကျော်ဖြတ်ကြရမှာပါ။ ဇာတ်လမ်းက ကမ္ဘာကူးတာကိုမှ ဟာသအလွဲတွေအပြင် အလွမ်းလေးပါ ရောနှောထားတဲ့ပုံစံမျိုးဆိုတော့ တကယ်ကို ရင်ခုန်စရာကောင်းမှာအသေအချာပါပဲ။ ရသစုံရှိုးထက်ကို စုံလင်လှတဲ့ C drama ကောင်းတစ်ခုကိုရှာနေရင် ဒီစီးရီးလေးက လူကြီးမင်းတို့အတွက်ပါပဲနော်...! Quality : WEB-DL 1080p,720p Total Episodes : 32 Format : mp4 Genres : Drama, Comedy, Historical Runtime : 45 min

ပရိသတ်ကြီးရေ အခုတင်ဆက်ပေးမယ့်ဇာတ်လမ်းလေးကတော့ အေဒီခြောက်ရာစုနှစ် အနောက်တိုင်းစံအိမ်ဟောင်းတစ်ခုမှာနေထိုင်ခဲ့ကြတဲ့ လင်စစ်ယွင်၊ ယီယီနဲ့ ယဲ့ရှီးနင်ဆိုတဲ့ အမျိုးသမီး မျိုးဆက်သုံးဆက်ကိုအခြေခံထားတဲ့ ဇာတ်လမ်းလေးဖြစ်ပါတယ်။ ဆယ်စုနှစ်တစ်ခုရဲ့ ပြောင်းလဲမှုတစ်လျှောက်မှာ လက်တွေ့နဲ့ အိပ်မက်တွေကြား တိုက်ဆိုင်မှုတွေ အဆက်မပြတ်ကြုံတွေ့လာရပါတယ်။ အနှစ်ခြောက်ဆယ်ကျော်ကြာမှာတော့ မျိုးဆက်သုံးဆက်စီရဲ့ ခေတ်ရေစီးကြောင်းအလိုက် သူတို့ရဲ့ဖြစ်ပျက်ခဲ့ရာ ခြေရာအမှတ်အသားတွေကို ချန်ခဲ့ပြီး ခေတ်ပျက်ကြီးရဲ့ အခက်အခဲတွေကို သူတို့ဘယ်လိုအလျှော့မပေးဘဲ သတ္တိရှိရှိရင်ဆိုင်ကြမလဲဆိုတာကို ရင်ခုန်စိတ်လှုပ်ရှားစွာ စောင့်မျှော်ကြည့်ရှုခံစားပေးကြပါဦးနော်။ Quality : WEB-DL 1080p, 720p  Total Episodes : 38 Format : mp4 Genres : Romance, Wuxia, War Runtime : 45 min Subtitle : Myanmar Subtitle ( Hardsub )

ဒီတစ်ခါ ပရိသတ်ကြီးကို စစ်သူကြီးရဲ့ နောက်ကားသစ်တစ်ကားနဲ့ မိတ်ဆက်ပေးချင်ပါတယ် ထိုက်ကျင့်ကမိန်းကလေးစစ်သူကြီးတစ်ယောက်ဖြစ်တဲ့ Li Shaung ဟာ ရဲရင့်ပြီးတော့ တိုက်ခိုက် ရေးမှာ တော်တဲ့အတွက် သူလျှိုလုပ်ဖို့စေခိုင်းခံခဲ့ရတယ်။ တစ်နေ့မှာ သူက ဒဏ်ရာအပြင်းအထန်ရကာ သတိမေ့ပြီးတော့ အတိတ် မေ့နေတဲ့လူတစ် ယောက်ကို သူ့ရဲ့စစ်စခန်းဆီ ပြန်ခေါ်လာခဲ့တယ်။ အဲဒီလူဟာ သူ့ကိုခေါ်သွားဖို့တောင်းဆိုပြီး လီရွှမ်းနဲ့အတူ စစ်မြေပြင်ဆီ ခြေချခဲ့တယ်။ လီရွှမ်းက သူ့ကို ကျင့်မင်းဆက် ရေရှည်ခိုင်မာပြီးတာ့ တည်ငြိမ်စေမယ့် အဓိပ္ပာယ်နဲ့ ကျင့်အန်းလို့ နာမည်ပေးခဲ့တယ်။ နှစ်ယောက်က ဖုံးကွယ်ရင်း သူလျှိုလုပ်ကာ စုံစမ်းထုတ်ဖော်ခဲ့ကြတယ်။ စုံစမ်းရင်းနဲ့ ကြီးကြပ်ရေးမှူးတစ်ယောက်ရဲ့ တမင်သက်သက်လာဘ်စားမှုနဲ့ အိမ်နီးချင်းနိုင်ငံသာ့ယောင်က ထပ်ခါတလဲလဲ ပြစ်မှုတွေကို  သိရှိခဲ့ကြတယ်။ ကျင့်အန်းက သူ့ရဲ့ ထူးကဲများပြားတဲ့ အရင်းအမြစ်တွေကို အသုံးချကာ လီရွှမ်းကို အန္တရာယ်တွေကနေ လွတ်မြောက်စေဖို့ ကူညီပေးရင်း တိတ်တဆိတ် ချစ်မိသွားခဲ့တယ်။ ကျင့်အန်းကလည်း တဖြည်းဖြည်းနဲ့ သူ့ရဲ့သရုပ်မှန်က သာ့ယောင်ပြည်ရဲ့ ကျန့်ရှီးဘုရင်ဖြစ်နေကြောင်းကို မှတ်မိလာတယ်။ ဒါပေမယ့် အဲဒီအချိန်မှာက စစ်ပွဲက မဖြစ်မနေဖြစ်ရတော့မှာမို့ သူတို့နှစ်ယောက်ဟာလည်း အချင်းချင်းပြန်တိုက်ခဲ့ကြရတယ်။ စစ်ပွဲကို ပင်ပန်းစိတ်ကုန်လာတဲ့ သူတို့နှစ်ယောက်က သူတို့နိုင်ငံရဲ့ ပဋိပက္ခကို ဖြေရှင်းကာ ပြည်သူတွေဘဝ တည်ငြိမ်စေဖို့အတွက် ပူးပေါင်းလက်တွဲခဲ့ကြတယ်။ ဒီဇာတ်ကားမှာတော့ လီရွှမ်းအဖြစ် မတွေ့ရတာကြာတဲ့ ကျဲကျဲစုန့်ယီကို ပြန်တွေ့ရမှာဖြစ်သလို စစ်သူကြီးဖုန့်ယွင်ကိုလည်း အတိတ်မေ့လူငယ်လေးအဖြစ် ထပ်မံတွေ့ဆုံရမှာပါ။ မကြာသေးခင်က ပြီးသွားတဲ့ Deep Affection Eyes ထဲက မမရဲ့မောင်လေး Bi Wen Jun ကလည်း supporting role အဖြစ်ပါဝင်တာမို့ လက်မလွှတ်တမ်း စောင့်မျှော်ကြည့်ရှုသင့်တဲ့ ကားလေးပါနော် ~ Quality : WEB-DL 1080p, 720p  Total Episodes : 38 Format : mp4 Genres : Romance, Wuxia, War Runtime : 45 min Subtitle : Myanmar Subtitle ( Hardsub )

အားလုံးအချိန်အကြာကြီးစောင့်မျှော်နေကြရတဲ့ စစ်သူကြီးမမ Zhou Ye ကားလေးထွက်ရှိလာပါပြီ။ မျိုးရိုးမြင့်မိသားစုရဲ့ဂုဏ်သိက္ခာကိုကာကွယ်ဖို့အတွက် မိန်း‌ကလေးသရုပ်မှန်ကိုဖုံးကွယ် မျက်နှာဖုံးစွပ်ကာ ဟယ်ရူဖေးအဖြစ် ဟန်ဆောင်ရင်းတိုက်ပွဲဝင်ခဲ့ရတဲ့ ဟယ်ယန် တိုက်ပွဲကနေ  အောင်မြင်မှုတွေနဲ့အတူပြန်ရောက်လာတဲ့ ဟယ်ယန်ကို  ပြန်ပေါ်လာတဲ့မောင်ဖြစ်သူကလည်း သူမရဲ့အောင်မြင်မှုအကုန်ယူသွားသလို မိသားစုကလည်း သစ္စာဖောက်ခြင်းကိုခံလိုက်ရပါတော့တယ်။ သေမင်းတံခါးဝကနေပြန်အသက်ရှင်လာတဲ့ ဟယ်ယန်တစ်ယောက် မြို့စောင့်ဂိတ်အရာရှိသမီးသရုပ်မှန်အသစ်နဲ့ပြန်ပေါ်လာပြီး ယောက်ျားအဖြစ်ဟန်ဆောင်ကာ စစ်တပ်ထဲဝင်ဖို့ကြိုးစားချိန်မှာပဲ ငယ်စဉ်က မိန်းကလေးအဖြစ်ရှင်းချန်ကျောင်းမှာတွေ့ခဲ့တဲ့ ရှောင်ကျွယ်နဲ့ ပြန်တွေ့ရတဲ့အခါ...... ရှောင်ကျွယ်တစ်ယောက် အသစ်ဝင်လာတဲ့ ဟယ်ယန်အပေါ်သံသယပေါင်းစုံဝင်ခဲ့ပေမဲ့ ဟယ်ယန်ကတော့ ရှောင်ကျွယ်အနားမှာပဲနေပြီး သူ့အရည်အချင်းတွေကို သက်သေပြရင်းထိပ်တန်းစစ်သည်တစ်ယောက်ဖြစ်လာဖို့ ကြိုးစားနေခဲ့ပါတယ်။ နှစ်ယောက်အတူ ပြဿနာမျိုးစုံကိုအတူတူဖြေရှင်းလုပ်ကိုင် သေတူရှင်အတူ တိုက်ပွဲဝင်ရင်းကနေ ဟယ်ယန်နဲ့ ရှောင်ကျွယ်ကြား ရင်းနှီးယုံကြည်မှုကိုဘယ်လိုတည်ဆောက်ကြမလဲ။ ရှောင်ကျွယ်ကရော ဟယ်ယန်ကိုမှတ်မိသွားမှာလား။ ကိုယ့်ကို နောက်ကျောဓားနဲ့ ထိုးသွားတဲ့မိသားစုကို ဟယ်ယန်တစ်ယောက်ဘယ်လို လက်စားချေမလဲဆိုတာ ရသစုံခံစားရမယ့်ဇာတ်လမ်းတွဲလေးကို ဆက်လက်ကြည့်ရှုပေးကြပါဦးရှင့် Quality : WEB-DL 1080p , 720p Total Episodes : 36 Format : mp4 Genres : Drama, Historical, War Runtime : 45 min Subtitle : Myanmar Subtitle ( Hardsub ) Translated by CM Team Reviewed By Shwe Pyae Sone Encoded by LK