Sam Bottoms ပါဝင်သော ဇာတ်ကားများ

Havoc (2005) 1980 ပတ်ချာလည်လောက်မှာ လူ့လောကကိုရောက်လာခဲ့တဲ့ ဘဲကြီးတွေအတွက် Anne Hathaway ဆိုတာက အိပ်ရာဝင် အိပ်မက်ထဲက နတ်ဘုရားမလေးတစ်ပါး ဖြစ်ခဲ့ဖူးမှာပါ။ သွယ်လျှတဲ့ကိုယ်လုံး၊ အရှိုက်အဖို အဖုအထစ်တွေက ရှိသင့်တဲ့နေရာမှာ အပြေပြစ်ဆုံးရှိနေတဲ့ ကြေးနီရောင် စစ်သူရဲကောင်းမလေးတစ်ဦးအလားပါပဲ။ ဒီတော့ အဲဒီနတ်ဘုရားမလေး ကိုယ်ထင်ပြခဲ့တဲ့ ဟောလိဝုဒ်ရုပ်ရှင်တစ်ခုကို တင်ဆက်ပါ့မယ်။ ဒီဘက်ခေတ် နောက်ပေါက် လူပျိုဝါနုလေးတွေလည်း ကိုကြီးတွေခေတ်က ဒီလိုစက္ကုအာရုံခံစားခဲ့ရတယ်ဆိုတာကို သိသွားကြတာပေါ့။ ဒီဘက်ခေတ် ဆေးဝါးတွေ ခွဲစိတ်မှုတွေနဲ့ "အာတီဖစ်ရှယ်" အလှတွေကြားထဲမှာ ဘဲကြီးတွေက ဒီလို အမှန်အကန်လေးတွေနဲ့ နှစ်ပါးသွားခဲ့ရတာကို သွားရည်ယိုလိုက်ကြပါဦး။ ဒီနေရာမှာ စာရေးဆရာမ Jessica Kaplan ရဲ့ လက်ရာမလို့ ရုပ်ရှင်ဂုရုကြီးတွေ ဓာတ်ရှင်အဖြစ် အသက်သွင်းခဲ့တာပါ။ ကလောင်သွားလောက် ကင်မရာလက်စောင်းမထက်ခဲ့လို့ flop (ပလုံ) သွားတဲ့ ဇာတ်ကားဆိုပေမဲ့ အန်နီ ရဲ့ လနှစ်စင်း ဝင်းခနဲသာသွားတဲ့ အထက်ပိုင်းဗလာကျင်းဇာတ်ဝင်ခန်းတွေကြောင့် လူကြီးမင်တို့ ရွေးချယ်ထိုက်မှာပါ။ မိသားစုနဲ့တော့ အတူမကြည့်ကြပါနဲ့နော်။ လော့စ်အိန်ဂျယ်လိစ်မြို့ရဲ့ လူကုံတန်အသိုင်းအဝန်းက ရွေပေါ်မြတင် အထက်တန်းလွှာ မိန်းကလေးတွေရဲ့ ဆယ်ကျော်သက် လိုဘတွေ လိင်စိတ်တွေ အပျော်ရှာလိုစိတ်တွေကို ပုံဖော်ထားပါတယ်။ တစ်နေကုန် အိမ်မကပ်တဲ့ မိဘတွေကြောင့် အဲဒီရွှေပိုးကောင်လေးတွေ အိမ်မှာမနေတော့ဘဲ လမ်းပေါ်က လူဆိုး ဆေးရောင်းသမားဂိုဏ်းတွေကို အထင်ကြီး အပျော်ရှာ ပတ်သက်မိလိုက်တော့ ဆင်ကျီစားရာ ဆိတ်မခံနိုင်သလို လူကြမ်းကြီးတွေရဲ့ နွားသိုးကြိုးပြတ် အချစ်ကြမ်းမှုမှာ ယောနိတော်နုနု သွေးခြေဥကုန်သတဲ့။ ဒီလိုနဲ့ပဲ ဟစ်ဟော့ပ် ကိုကြိုက်တဲ့၊ ဂိုင်းစတားတွေကို အထင်ကြီးတဲ့ လောကကြီးကို ငြီးငွေ့စိတ်ကုန်နေတဲ့ ရွှေဘုံခုနှစ်ဆင့်က မင်းသမီးလေးတွေ လမ်းပေါ်တက်မိတဲ့အခါ ဆေးချပါတီတွေ၊ ကြံရာကျပန်းလိင်ဆက်ဆံပွဲတွေထဲ ရောညပ်ပါသွားပုံတွေ ရှုစားလိုက်ကြပါဦး။ Uncut Version နဲ့ တင်ဆက်ထားတာမလို့ ဆင်ဆာခန်းတွေလဲ မပါပါဘူး။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်။) File size…(3.1 GB )/ (1.2 GB) Quality…BluRay Uncut 1080p HEVC / 720p Format…mkv/mp4 Duration….01:33:00 Subtitle….Myanmar Subtitle (Hardsub) Encoder….Ka Naung Translated by Arr Khun Winchester

ဘဝကို ခက်ခဲစွာရုန်းကန်နေရတဲ့ အရောင်းဝန်ထမ်းမိန်းကလေး စီးပွားရေးသမားတစ်ဦးနဲ့ ရည်မှန်းချက်မရှိတဲ့ လူငယ်...သူတို့သုံးယောက်ကြားက ရှုပ်ထွေးတဲ့ သုံးပွင့်ဆိုင်အချစ်ဇာတ်လမ်းကို ပုံဖော်ထားတာပါ။ မစ်ရာဘယ်က လက်အိတ်ဆိုင်မှာ အရောင်းဝန်ထမ်းလုပ်ပြီး တစ်ခါတလေ ပန်းချီကားလေးတွေ ဆွဲရောင်းပါတယ်။ သူ့ကျောင်းသားချေးငွေတွေကိုလည်း ခက်ခက်ခဲခဲ ပြန်ဆပ်နေရပြီး ကြပ်တည်းနေပါတယ်။ အထီးကျန်ပြီး အချစ်ခံချင်တဲ့ မစ်ရာဘယ်က ဂျယ်ရမီဆိုတဲ့ ကောင်လေးနဲ့ ဆုံမိပြီး တွဲဖြစ်သွားပါတယ်။ ဒါမဲ့ ဂျယ်ရမီကလည်း ချို့တဲ့ပြီး မစ်ရာဘယ်လိုချင်တာတွေ မဖြည့်ဆည်းနိုင်တဲ့အခါ နှစ်ယောက်သားဆက်ဆံရေးက သွေးအေးသွားပါတယ်။ အဲ့မှာပဲ ရေးပေါ်တာဆိုတဲ့ 50 ကျော်အရွယ်စီးပွားရေးသမား ပေါ်လာပါတယ်။ ရေးက မစ်ရာဘယ်အလိုရှိတာတွေ အကြိုက်ဆောင် လုပ်ပေးနိုင်ပေမယ့် သူမလိုချင်တဲ့အချစ်ကိုတော့ မပေးနိုင်ဘဲ စည်းခြားထားပါတယ်။ ပြည့်စုံလာတဲ့ဘဝမှာ အချစ်စစ်ကိုတောင့်တလာတဲ့ မစ်ရာဘယ်နဲ့ ရေရှည်ပတ်သက်မှုမျိုးမလိုချင်တဲ့ ရေး...မစ်ရာဘယ်ကြောင့် ဘဝရည်မှန်းချက်တွေ့သွားတဲ့ ဂျယရမီတို့ သုံးဦးကြားက အချစ်ဇာတ်လမ်းက ဘယ်လိုဇာတ်သိမ်းမလဲဆိုတာ ခံစားကြည့်ရှုလို့ရပါပြီ။

ဗီယက်နမ်စစ်ပွဲကာလမှာ စစ်မြေပြင်ကို ပို့ခံရတဲ့ အမေရိကန်စစ်သားငယ်တွေထဲက အသက်ရှင်လျက် ပြန်မလာနိုင်သူတွေ ရှိပါတယ်။ သူတို့ကို အာလင်တန်တပ်မတော်သုသာန်မှာ မြှုပ်နှံတဲ့အခါ ကင်းတပ်ကြီးမှာ တာဝန်ထမ်းဆောင်နေသူတွေက စစ်ဘက်ဂုဏ်ပြုအခမ်းအနား ကျင်းပပေးရတယ်။ James Caan ပါဝင်ထားတဲ့ ၁၉၈၇ ခုနှစ်ထွက် ဒီရုပ်ရှင်က စစ်ပွဲနောက်ခံနဲ့ ကျန်ရစ်တဲ့ မိသားစု၊ ဆွေမျိုးနဲ့ မိတ်ဆွေတွေရဲ့ ခံစားချက်တွေကို အလေးပေးထားပါတယ်။ ကင်းတပ်ကြီးက ဗီယက်နမ်စစ်ပြန် ဂုဏ်ထူးဆောင်တပ်ကြပ်ကြီး ကလဲဟာဇက်ဟာ စစ်မြေပြင်ရောက်နေတဲ့ စစ်သားငယ်တွေကို လမ်းပြပေးပြီး အသက်အန္တရာယ်ကနေ ကာကွယ်ပေးချင်သူပါ။ အဲဒီရည်ရွယ်ချက်နဲ့ တာဝန်ပြောင်းပေးဖို့ လျှောက်ထားပေမယ့် အထက်လူကြီးက ပယ်ချလိုက်တယ်။ အဲဒီအချိန်မှာပဲ ကိုရီးယားစစ်ပွဲတုန်းက ရဲဘော်ရဲဘက်ဖြစ်ခဲ့တဲ့ မိတ်ဆွေဟောင်းရဲ့သား ဂျက်ကီဝီလ်လို ကင်းတပ်ကြီးကို ရောက်လာပါတယ်။ မိတ်ဆွေဟောင်းကလည်း သားကို အစစအရာရာ သင်ပြပေးဖို့ ဟာဇက်ဆီ စာပါးထားတယ်။ ဂျက်ကီက စစ်ဖြစ်နေချိန်မှာ စစ်သားတစ်ယောက်ဟာ စစ်မြေပြင်မှာပဲ တာဝန်ထမ်းဆောင်သင့်တယ်လို့ ယုံကြည်ပြီး ဗီယက်နမ်ကို ပြောင်းရွှေ့ဖို့ လျှောက်ချင်နေသူပါ။ ဟာဇက်က သူ့သဘောထားကို သိတော့ နားချဖို့ ကြိုးစားရင်း စစ်သားတစ်ယောက် သိသင့်တတ်သင့်တာတွေကို သင်ပေးပါတယ်။ စစ်မြေပြင်ကို သွားချင်နေတဲ့ လူငယ်လေးကို စစ်ပြန်တစ်ယောက်ရဲ့ အတွေ့အကြုံနဲ့ နားချနိုင်ပါ့မလားဆိုတာ ဆက်တွေ့ရမှာပါ။

Apocalypse Now (1979) IMDb Rating (8.4) / Rotten Tomatoes (97%) ကမ္ဘာ့အကောင်းဆုံး War စစ်ကားတွေလို့ရှာလိုက်ရင် ထိပ်ပိုင်းမှာ အမြဲတွေ့ရမှာကတော့ Apocalypse Now (1979) ရုပ်ရှင်ကားကြီးပါပဲ။ ဒီရုပ်ရှင်ဟာ Oscar 8 ဆုထိ ဇကာတင်ဝင်ခဲ့ပြီး ရုပ်ရှင်ဓာတ်ပုံပညာနဲ့ အသံပိုင်းဆိုင်ရာမှာ Oscar 2 ဆုကို ဆွတ်ခူးနိုင်ခဲ့ပါတယ်။ The Greatest War film အဖြစ် သတ်မှတ်ကြတဲ့ Apocalypse Now ကို God Fatherရုပ်ရှင်ရဲ့ ဒါရိုက်တာ ဖရန်စစ်ကော်ပိုလာက ရိုက်ထားတဲ့အပြင် God Fatherကြီး မာလွန်ဘရန်ဒိုက Second lead နေရာက သရုပ်ဆောင်ထားပါတယ်။ ဒီရုပ်ရှင်ကို တကယ့်စစ်ပွဲကာလအတွင်း ဗီယက်နမ်အနီးက တောတွင်းတစ်နေရာမှာ ရိုက်ကူးခဲ့တာဖြစ်ပြီး ခက်ခဲကြမ်းတဲ့ ပတ်ဝန်းကျင်အနေအထားတွေကြောင့် သရုပ်ဆောင်တွေရော ဒါရိုက်တာနဲ့ရိုက်ကူးရေးအဖွဲ့တွေပါ သေလုမျောပါးဒဏ်ရာတွေရရှိခဲ့တဲ့အထိ ခက်ခက်ခဲခဲရိုက်ကူးခဲ့ရပါတယ်။ ဒါပေမယ့် တကယ့်ဗီယက်နမ်အငွေ့အသက် စစ်ပွဲအငွေ့အသက်တွေနဲ့ တစ်သက်တာအကောင်းဆုံးစစ်ကားကြီးအဖြစ်ဖန်တီးနိုင်ခဲ့ကြပါတယ်။ Apocalypse Now (1979) ရုပ်ရှင်ကားကြီးက Theatrical Version, Final Cut Version, Redux Version ဆိုတဲ့ Version ၃ မျိုးလောက်ရှိပြီး ခုကတော့ 4K Final Cut Version နဲ့တင်ဆက်ထားတာဖြစ်ပါတယ်။ စစ်ပွဲတစ်ပွဲမှာ ဘာတွေမြင်ရမလဲ။ လက်နက်တွေ ပေါက်ကွဲမှုတွေ သေကြေမှုတွေ အလောင်းတွေ သွေးတွေ။ ဒီအပေါ်ယံအမြင်တွေ အကုန် ဖယ်ကြည့်လိုက်ရင် စစ်ပွဲမှာ ကျွန်တော်တို့ အထင်ရှားဆုံးမြင်ရမယ့် အရာက လူ့စိတ်ပါပဲ။ ဒါရိုက်တာ ဖရန်စစ် ကော်ပိုလာက ဒီအချက်ကို အရဖမ်းသွားတယ်။ ဒါကြောင့်ပဲ ဒီရုပ်ရှင်ဟာ စစ်တိုက်ခန်းနည်းနည်း စကားများနေတာများများနဲ့ အကောင်းဆုံးစစ်ကားဖြစ်သွားခဲ့ တယ်။ ဒီကားကြည့်ပြီး ခင်ဗျားရူးချင်သွားတယ်ဆိုရင်လည်း မထူးဆန်းဘူး ဒါရိုက်တာရော မင်းသားရော ဒီရုပ်ရှင်ရိုက်နေတုန်း ရူးချင်ချင် သေမလိုလိုဖြစ်သွားခဲ့ကြဖူးတယ်။ အဓိကပြချင်တာဘာလဲတော့ ကျွန်တော်လည်းမသိဘူး။ ယူသလိုပဲရလိမ့်မယ်။ အရူးတွေရိုက်ထားတဲ့ကားဆိုတော့ ကြည့်ပြီးရူးသွားလည်း သိပ်တော့အံ့ဩစရာမရှိဘူး။ ဒီရုပ်ရှင်ရဲ့ တစ်ချို့ဇာတ်ကွက်တွေအရတော့ ဒါရိုက်တာကို အမေရိကန်မှဟုတ်ပါလေစလို့ ပြန်ရှာကြည့်လိုက်ရတယ်။ သူရဲဘောကြောင် အနိုင်ကျင့်တတ်တဲ့ တစ်စက်မှသုံးမရတဲ့ အမေရိကန်စစ်သားတွေအကြောင်းကို ဒါရိုက်တာက ခဏခဏကို ပြသွားတယ်။ ဒီထဲကအမေရိကန်စစ်သားတွေက ပုံမှန်မြင်‌နေကြတွေလို သနားစိတ်အပြည့်နဲ့ လူတော် Greatကြီး‌တွေမဟုတ်ဘူး။ တကယ့်စစ်ပွဲထဲက စစ်သားတွေရဲ့ ကြောက်စိတ်နဲ့ တလွဲလုပ်ရပ်တွေ အတော်မြင်ရတယ်။ အမေရိကန်တွေနဲ့ သူတို့တိုက်နေတဲ့ဗီယက်နမ်တွေကြားက အမှန်အမှားဆိုတာ ဆပ်ပြာပူဖောင်းလွှာကလေးလို ပါးလျနေတာကို ဒါရိုက်တာက ကောင်းကောင်းကြီး ပြသွားတယ်။ စစ်ပွဲတစ်ပွဲစပြီဆိုတာနဲ့ လူတွေဟာ လူတွေလို လူသားဆန်မှုတွေပျောက်ဆုံးကုန်တယ်... လူသားစံနှုန်းတွေပျောက်ဆုံးကုန်ပြီး တစ်ဖက်နဲ့တစ်ဖက်တိရိစ္ဆာန်တွေလို သတ်ကုန်ကြတော့တယ်.... အမေရိကန်ဟာ ဗီယက်နမ်လိုနေရာမျိုးမှာ စစ်နိုင်ဖို့ ဘာမှမခက်ပါဘူး။ ခက်နေတာက လုပ်ချင်သလိုလုပ်ရင် ဖြစ်လာမယ့် ကမ္ဘာ့နိုင်ငံတွေရဲ့ အမြင်ပါပဲ။ကမ္ဘာ့နိုင်ငံရေးမှာ တစ်ခါတလေ စစ်ရေးတွေဟာ ထိုးကြွေးခံရတဲ့ နယ်ရုပ်တွေ ပါပဲ။ကာလ်နယ်ကတ်ဇ်လို စစ်သားတစ်ယောက်ရဲ့ အမြင်မှာကျ ဒါတွေက မဖြစ်သင့်တဲ့အရာတွေပဲ။ ဒီတော့ သူသူလျှိုလို့ယူဆတဲ့ လူလေးယောက်ကို အထက်မိန့်မရဘဲ သတ်ပစ်လိုက်တယ်။ဒီလို အမိန့်ဖီဆန်ပြီး တောခိုသွားတဲ့ ကာလ်နယ်ကတ်ဇ်ကို လုပ်ကြံဖို့ အထူးတပ်သားတစ်ယောက်ကို ကမ္ဘောဒီးယား ဗီယက်နမ် နယ်စပ်ကိုလွှတ်လိုက်တယ်။ သူ့ဇာတ်အိမ်က ဒီလောက်ပါပဲ။တစ်ခုရှိတာက ခင်ဗျားသာ သေချာ စီးမျောပြီးကြည့်မယ်ဆိုရင် အဲ့ဒီခရီးမှာ ခင်ဗျားလည်း ပါသွားလိမ့်မယ်။ အပြန်လမ်းမှာတော့ ခင်ဗျားဟာ အရင်က ခင်ဗျား ဟုတ်ချင်မှလည်းဟုတ်တော့မယ်။ ခင်ဗျားသာ ဒီရုပ်ရှင်အပြီး အမှန်နဲ့အမှားကြား ဝေခွဲမရဖြစ်နေခဲ့ရင် ကိုယ့်ရွေးချယ်မှုကိုပဲ ယုံလိုက်ဖို့ပြောချင်တယ်။ ဒီရုပ်ရှင်ထဲမှာမှမဟုတ်ဘူး။ တကယ့်ကမ္ဘာကြီးမှာလည်း အမှန်နဲ့အမှားကြားက မျဉ်းကသိပ်ပါးတယ်။ အမှန်နဲ့အမှားထက် ပိုအရေးကြီးတာက ကျွန်တော်တို့ရဲ့ ရွေးချယ်မှုပဲ။ ကာလ်နယ်ကတ်ဇ်က ဒီအကြောင်းကို ကောင်းကောင်းကြီး သဘောပေါက်ခဲ့တယ်။ ဝီလ်လတ်ကလည်း သူသိတဲ့အမှန်ကို ကျောခိုင်းပြီး သူလုပ်ရမယ့်အရာကိုလုပ်ခဲ့တယ်။ ဒိုင်ယာလော့ထဲမပါတဲ့ ဝီလ်လတ်ရဲ့စကားကိုတော့ ကျွန်တော်ကြားနေရတယ်။ အရူးတွေကြားမှာ သွားမှန်နေလို့မရဘူး။ သူတို့နဲ့မတူရင် အရူးတွေအတွက် ခင်ဗျားက အရူးဖြစ်သွားလိမ့်မယ်တဲ့။ နေရောင်ခြည်မရှိ‌‌တော့တဲ့နောက်ကို တရွေ့ရွေ့လိုက်ကြည့်မိတယ်။ အလင်းမရှိတဲ့အခါ အခန်းဟောင်းရဲ့ ဟင်းလင်းပြင်နံရံမှာ "Apocalypse Now" လို့ တိုးတိုးလေးရေးထားတာကိုလည်း ငါမြင်နေရတယ်။ မရေရာခြင်းနဲ့ ဝေဝါးမှုနဲ့ မသေချာတဲ့အကြောင်းတရားနဲ့ ‌ကောက်ကွေ့တဲ့မြစ်ကြီးဆီ ဦးတည်နေတဲ့ လူတစ်ယောက်ကလည်း တရွေ့ရွေ့ချင်းမျောနေပြီ။ မြစ်ကမ်းတစ်လျှောက်မှာ... မြစ်ရေထဲမှာ... ခက်ထန်သော ကြမ်းကြုတ်သော အနိဋ္ဌာရုံများ။ အဲဒီမြစ်ရဲ့ အဆုံးသတ်မှာ အဖြေဟာ တကယ်ရှိပါ့မလား။ ရှိခဲ့ရင်ရော အဲဒီအဖြေဟာ အဖြေအစစ်ဖြစ်ပါ့မလား။ လွတ်လပ်မှုအစစ်ဆိုတာ ဘာလဲ။ သူများရဲ့ အထင်အမြင်ကနေ လွတ်မြောက်တာလား။ ကိုယ်တိုင်ရဲ့အထင်အမြင်ကနေ လွတ်မြောက်တာလား။ ဒီလိုနဲ့ ဒုတိယအဖြေဟာ မေးခွန်းအသစ်တွေကိုပဲ ထပ်လောင်းပေးခဲ့တာပါပဲ။ အနိဠာရုံအပြည့်နဲ့ ဗီယက်နမ်ကို အိမ်အဖြစ်သတ်မှတ်ပြီး မစွန့်ခွာနိုင်ခဲ့တဲ့ ပြင်သစ်တွေလိုပဲ ဘဝမှာ ငါမစွန့်ခွာနိုင်တဲ့ အရာတွေသိပ်များခဲ့တယ်။ အကြောင်းတိုက်ဆိုင်လို့ ပြန်ကြည့်ဖြစ်တဲ့ Apocalypse Nowရဲ့အဆုံးသတ်မှာ "အဖြစ်အပျက်တစ်စုံတရာကို ပုံစံသဏ္ဍာန်တူဖြစ်ရပ်တစ်ခုကို ဖြတ်မသန်းဖူးဘဲ သိခြင်းဟာ အဲဒီအဖြစ်အပျက်ရဲ့ သရုပ်မှန်ကိုသိခြင်းနဲ့ ကွဲလွဲတယ်"ဆိုတာ သိလိုက်ရတယ်။ လွန်ခဲ့တဲ့ လေးနှစ်တုန်းက ဒီရုပ်ရုင်ကို ကျွန်တော်ကြည့်တုန်းက ခံစားမိရုံဆိုပေမဲ့ အခုတော့ ကွက်ကွက်ကွင်းကွင်းကို နားလည်လာရတယ်။ အားလုံးလည်း ဒီလိုပဲဖြစ်လိမ့်မယ်။ ကျွန်တော်တို့အဖြစ်အပျက်တွေကလည်း ပျက်ကပ်ထဲကို ရှားလော့ဟုမ်းနဲ့ မိုရီရာတီ ရိုင်ချန်ဘတ်ရေတံခွန်အောက် ပြုတ်ကျသလို ထိုးဆင်းနေခဲ့တာ ကြာပြီ။ အနိဋ္ဌာရုံဆိုတဲ့ စကားလုံးကို ဒိုင်ယာလော့တွင်တွင်သုံးထားတဲ့ Apocalypse Nowကိုရော အနိဋ္ဌာရုံ(Ran)ဆိုတဲ့ စကားလုံးကို နာမည်တပ်ထားတဲ့ ဂျပန်ရုပ်ရှင်တစ်ကားကိုရော ကြည့်ခဲ့ဖူးတယ်။ အနိဠာရုံဆိုတဲ့ တူညီချက်တစ်ခုကလွဲ ဘာတစ်ခုမှမတူညီတဲ့ ရုပ်ရှင်နှစ်ကားဟာ ဒီပြင်တူညီတဲ့တစ်စုံတရာတော့ ရှိနေခဲ့တယ်။ ရခဲ့ပါတယ်။ ဒါပေမဲ့ ပြန်မပေးတတ်ဘူး။ ဇာတ်သိမ်းမှာ Willardက ကာနယ်Kurtzကို ကျွဲတစ်ကောင်ကို ဓားနဲ့ခုတ်ပြီးပေါ်သလို အားရပါးရခုတ်သတ်ပြီးတဲ့နောက် ကာနယ်Kurtzရဲ့ စာအုပ်ကိုလှန်ကြည့်တဲ့အချိန် " ဗုံးကြဲပြီး အားလုံးကို မျိုးဖြုတ်ပစ်လိုက် "လို့ ရေးထားတာကို တွေ့ခဲ့တယ်။ အားလုံးကိုဆိုတာ အဲဒီမှာရှိနေတဲ့ သူ့ကိုနတ်ဘုရားလိုကိုးကွယ်နေတဲ့ သူ့နောက်လိုက်တွေတစ်ဖြစ်လဲ သူ့စစ်တပ်ကို ရည်ညွှန်းထားတာပေါ့။ သူသေမှာကို သူကြိုသိခဲ့သလို သူမရှိတော့ရင် ဒီစစ်တပ်လည်း လမ်းပျောက်သွားမှာကို မြင်ခဲ့လို့ အကုန်လုံးရှင်းပစ်ခိုင်းခဲ့တယ်လို့ပဲ ပြောရမယ်။ ကိုယ့်ကိုယ်ကိုယ်ပျောက်ရှခြင်းနဲ့ သေခြင်းမှာ ဘယ်အရာက အထိအခိုက်ပိုများလဲတော့ မသေချာဘူး။ ဒီရုပ်ရှင်မှာ တစ်ကားလုံးကအရာတွေနဲ့ ကွဲထွက်နေတဲ့တစ်စုံတရာပါခဲ့တယ်။ မြစ်ရဲ့တစ်နေရာက လှေကလေးတစ်စင်းပေါ်မှာ ခွေးပေါက်ကလေးအတွက် အသက်ပေးခဲ့တဲ့ ဗီယက်နမ်သူတစ်ယောက်ပေါ့။ တော်တော်မထင်မရှား ဇာတ်ဝင်ခန်းပါပဲ။ ဒါပေမဲ့ ဒီမှောင်အတိကျနေတဲ့ အနိဋ္ဌာရုံတွေကြားမှာတော့ တစ်စင်းပဲရှိတဲ့ကြယ်ဟာ ပြက်ပြက်ထင်ထင် လင်းခဲ့တယ်။ (ရုပ်ရှင်အညွှန်းနဲ့ဘာသာပြန်ကို Wira Aung မှ တင်ဆက်ထားပါတယ်။) File size…(10 GB)/(3.2 GB )/(1.8 GB) Quality….BluRay Final; Cut 4K HEVC/ 1080p HEVC / 720p Format…mkv/mp4 Duration….03:01:58 Subtitle….Myanmar Subtitle (Hardsub) Encoder….Ka Naung Translated by Wira Aung

ဒီတစ်ခေါက်တင်ဆက်ပေးမှာကတော့ western ရုပ်ရှင်တွေရဲ့ iconic actor ကြီးဖြစ်တဲ့ Clint Eastwood ရဲ့ western/war film တစ်ခုပါ အမေရိကန်ပြည်တွင်းစစ်နှောင်းပိုင်း ၁၈၆၀ ကာလတွေက တောပုန်းကြီးတစ်ယောက်ရဲ့အကြောင်းကို တင်ဆက်ထားပါတယ် IMDb rating 7.9, Rotten Tomatoes 91% ရထားတဲ့ gunfighter ရုပ်ရှင်ကောင်းတစ်ခုပါပဲ ဇာတ်လမ်းအကျဉ်းကတော့ ... ရိုးရိုးရိုးသားသား လယ်လုပ်စားနေတဲ့ မစ်ဆူရီက လယ်သမားတစ်ယောက်ဟာ မျက်စိရှေ့တင် သူ့မိန်းမနဲ့ သားဖြစ်သူ အသတ်ခံလိုက်ရပြီးတဲ့နောက် လက်စားချေဖို့အတွက် တောပုန်းတစ်ယောက်ဖြစ်လာခဲ့ပါတယ် စစ်ကြီးပြီးလို့ သူပုန်တော်တော်များများ လက်နက်ချကြပြီး Union ထဲ ဝင်ကြတဲ့အချိန်မှာ ဂျိုစီဝေးလ်စ် ကတော့ ငြင်းပယ်ခဲ့ပါတယ် သူ့မိသားစုကို သတ်သွားတဲ့သူက Union ဘက်က ကပ္ပတိန်တစ်ယောက်ဖြစ်သွားတဲ့အချိန်မှာတော့ ဂျိုစီဝေးလ်စ်တစ်ယောက် လက်တုံ့ပြန်မှုကို ဘယ်နည်းဘယ်ပုံနဲ့ အထမြောက်စေမလဲဆိုတာကို ကြည့်ရှုခံစားကြည့်လိုက်ကြပါဦးဗျ File size…(2.3 GB)/(1.2 GB) Quality….Blu-Ray 1080p / 720p Format… mp4 Duration…. 02:15:00 Genre... Drama, Western Subtitle….Myanmar Subtitle (Hardsub) Encoder….Garfield Translated by Khey Ki

လွန်ခဲ့တဲ့ ၇၀ ပြည့်နှစ်တွေမှာ အမေရီကန်နိုင်ငံရဲ့ မြို့ငယ်လေးတွေရဲ့ ဆယ်ကျော်သက်လူငယ်တွေ ဘယ်လိုနေထိုင်မှုရှိခဲ့လဲဆိုတာကို ဒီကားလေးမှာ ကြည့်ရမှာပဲ ဖြစ်ပါတယ် ဆန်နီဆိုတဲ့ ကောင်လေးဟာ အထက်တန်းကျောင်းသားဖြစ်ပြီးတော့ အချိန်ပိုင်း အလုပ်ကို လုပ်ကိုင်နေတဲ့ ကောင်လေးဖြစ်ပါတယ် အဲဒီအပြင် သူက သူ့သူငယ်ချင်း ဒွိန်းရဲ့ ကောင်မလေးဖြစ်သူ ဂျေစီကို တိတ်တခိုးလည်း ကြိုက်နေမိပါတယ် အဲဒီလိုနဲ့ တစ်ရက်မှာတော့ သူတို့ရဲ့  အားကစားနည်းပြက သူ့ရဲ့ အမျိုးသမီးကို ဆေးခန်းလိုက်ပို့ဖို့ ဆန်နီ့ကို ခိုင်းခဲ့ရာကနေ အဲဒီအမျိုးသမီးကို အားပေးရင်းနဲ့ ဇာတ်လမ်းတွေဖြစ်ခဲ့ပါတယ် အဲဒီလိုတွေဖြစ်တာကနေ သူတို့ရဲ့ လူမှုရေးတွေ ဘယ်လိုဖြစ်ကုန်မှာလဲဆိုတာကို ကြည့်ရမှာဖြစ်ပါတယ်