Sam Jaeger ပါဝင်သော ဇာတ်ကားများ

ဒါကတော့ Substance လိုပဲ ဘော်ဒီဟော်ရာကိုမှ သမန်း ဝံပုလွေဟော်ရာစတိုင်ရိုက်ထားတာပါ။ ဝံပုလွေလူသားကို ကြောက်စရာပုံမျိုးနဲ့ ဖန်တီးထားပြီး အထူးပြုလုပ်ချက်မသုံးဘဲ ရှေးစတိုင် မိတ်ကပ်နဲ့ပဲ ဖန်တီးထားတာပါ။ ဇာတ်လမ်းကောင်းကောင်းနဲ့ ကြောက်ဖို့ကောင်းတာကြိုက်ရင် ကြည့်လိုက်ပါဦး။ ဇာတ်လမ်းအကျဉ်း အော်ရီဂန်အလယ်ပိုင်းက တောင်တန်းတွေပေါ်မှာ နယ်ခံတွေ ကြောက်ကြတဲ့ ရောဂါတစ်ခုရှိတယ်။ တောင်ကုန်းအဖျားရောဂါလို့ခေါ်တဲ့ ကူးစက်ရောဂါတစ်မျိုးပါပဲ။ ဘာဖြစ်လို့ကြောက်တာလဲဆိုတာကိုတော့ ဇာတ်လမ်းထဲမှာ ကြည့်ရမှာပါ။ ဘလိတ်၊ ချားလော့ နဲ့ ဂျင်ဂျာ တို့မိသားစုလေးဟာ ဘလိတ်ရဲ့အဖေ ဆုံးသွားလို့ ငယ်ငယ်ကအိမ်လေးကို ပြန်လာပြီး ပစ္စည်းတွေသိမ်းကြပါတယ်။ အိမ်က ထုံးစံအတိုင်း တောထဲ လူမရှိ လိုင်းမမိ မှောင်မည်းနေတဲ့နေရာကို သွားရတာပါ။ အဲဒီလမ်းမှာပဲ အက်ဆီးဒန့်တစ်ခုဖြစ်ပြီး သတ္တဝါတစ်ကောင် တိုက်ခိုက်လာတာကို ခံရတဲ့အခါ ဘလိတ်ရဲ့ အိမ်ဟောင်းလေးထဲကနေ အဲဒီသတ္တဝါကို တစ်ညလုံးခုခံထားပြီးအသက်ရှင်ဖို့ ကြိုးစားရပါတော့တယ်။ File size… (2.1GB) / (905MB) / (561MB ) Quality… WEB-DL 4K HEVC 1080p HEVC / 720p Format…mkv / mp4 Duration….1h 43m Genre ….. Horror Subtitle….Myanmar Subtitle (Hard Sub) Encoder….Min Wai , Thit San Khant Translated by Mr.Anderson

The Eyes of Tammy Faye (2021) IMDb Rating - 6.9/10 Televangelism ဆိုတာကို အဓိပ္ပါယ်အပေါ်လွင်ဆုံးဖြစ်အောင် ရှင်းတမ်းထုတ်ရရင် ရုပ်မြင်သံကြားကနေတစ်ဆင့် တရားဟောခြင်းပေါ့ဗျာ။ televangelist ကတော့ ရုပ်သံတရားဟောသူပေါ့။ ဒီဇာတ်လမ်းဟာ တစ်ခါက အောင်မြင်ကျော်ကြားခဲ့တဲ့ ရုပ်သံတရားဟောသူ Tammy Faye နဲ့ သူ့ဘ၀အကြောင်းကို ရိုက်ကူးတင်ဆင်ထားတဲ့ Drama/ biography film တစ်ပုဒ်ပါ။ မင်းသမီး Jessica Chastain နဲ့ မင်းသား Andrew Garfield တို့က အဓိကပါ၀င်သရုပ်တောင်ထားပြီး rating ကလည်း မခေလှပါဘူး။ ဇာတ်လမ်းအကျဉ်း Tammy Faye နဲ့ Jim Bakker ဆိုတဲ့ လူသားနှစ်ဦး ကံကြမ္မာအကြောင်းဖန်လာတော့ ချစ်သူတွေဖြစ်သွားခဲ့ကြတယ်။ ၂ ယောက်လုံးက ဘာသာရေးအယူအဆတွေ အတွေးအခေါ်တွေ တူလွန်းကြပြီး အသွင်တူတဲ့ ကြင်သူတွေဖြစ်ခဲ့သည်လို့ ဆိုရပေမယ်ပေါ့။ ခင်ပွန်းဖြစ်သူ Jim ဟာလည်း ဘ၀ရည်ရွယ်ချက်တွေကြီးမားပါပေတယ်။ ဒီလိုနဲ့ နှစ်ယောက်သား လက်ထပ်ပြီးတဲ့နောက်မှာ ကိုင်းရှိုင်းသက်၀င်ရာ ဘာသာအယူအဆတွေနဲ့ ဘုရားသခင်ရဲ့ လမ်းစဉ်တွေကို နယ်လှည့် ဟော ပြောဖို့ အကြောင်းဖန်လာခဲ့ကြတယ်။ လူကြီးရော ကလေးပါ သူတို့ရဲ့ ဟောပြောချက်တွေကို စိတ်ပါ၀င်စားပြီး လက်ခံလာဖို့ နည်းမျိုးစုံနဲ့ ကြိုးစားကြတယ်။ တစ်စ တစ်စနဲ့ အောင်မြင်မှုတွေလည်းရလာပါတယ်။ သိုပေမဲ့ ဒီအောင်မြင်မှုတွေက ဘယ်ဆီကို ဦးတည်နေမယ်တော့ ဘယ်သူမှ မသိနိုင်ခဲ့ပါဘူး။ ဇာတ်လမ်းထဲကလို တရားဟောသူ ဆန်ဆန်ပြောရမယ်ဆိုရင် ဘုရားပဲ သိပါလိမ့်မယ်။ ဒီဇာတ်လမ်းထဲမှာ ခရစ်ယာန်လူမျိုးတို့ရဲ့ ဘာသာရေး အယူအဆတွေ ဘုရားသခင်အပေါ်ထားရှိတဲ့ ယုံကြည်မှုတွေကို အများအပြားလည်း မြင်ရမှာဖြစ်လို့ religion တစ်ခုကို လေ့လာရတဲ့အပြင် သက်ရှိထင်ရှားရှိခဲ့ဖူးသူရဲ့ အကြောင်းကို သိရှိနားလည်ခွင့်ရမှာဖြစ်တဲ့အတွက် ဗဟုသုတတွေ အများကြီးရမယ့် ဇာတ်ကားဖြစ်ပါတယ်။ P.s No Way Home မှာ Andrew ပါမပါ ခုထိမသေချာဘူး။ ဒီကားမှာတော့ သေချာတယ်ဗျ။ (ဒီဇာတ်လမ်းရဲ့ အညွှန်းကို Yoon Sandi Aung မှ ရေးသားပေးပြီး၊ ဘာသာပြန်ရေးသားပေးသူများကတော့ F&R Team မှဖြစ်ပါတယ်။) Check it here File Size - (1.9 GB / 1 GB / 700 MB) Quality – Web-DL 1080p, 720p, 480p Duration - 2hrs 6min Subtitle – Myanmar Hardsub Format – MP4 Genre : Biography, Drama, History Translator – F&R Team Encoder – San Win Maung

သိပ္ပံစိတ်ကူးယဉ် ဆိုက်ကို ဒရာမာ စီးရီးတွေထဲမှာ အကောင်းတကာ့အကောင်းဆုံးထဲက တစ်ခုကို တင်ပေးထားပါတယ်။ IMDb 8.3 ကို vote 300000 လောက်ပေးထားတာပါ။ ဖရန့်ကာဖကာဆုနဲ့ အာသာစီကလက်ခ် စာပေဆုတွေရထားတဲ့ ကနေဒီးယန်းစာရေးဆရာမ မာဂရက်အက်ဝုဒ်ရဲ့ နာမည်တူဝတ္တုကိုပဲ ပြန်ရိုက်ထားတာပါ။ ဇာတ်လမ်းကတော့ futuristic dystopianအမျိုးအစားပါ။ ဒီအခြေအနေကို မာဂရက်က အော်ဝဲလ်ရဲ့ 1984ဆန်ဆန်ကိုမှ မိန်းမတွေကိုဖိနှိပ်တဲ့ ဗားရှင်းချထားတယ်။ သူ့ဇာတ်အိမ်တည်တဲ့လောကက အသုံးအနှုန်းအသစ်တွေလည်းအများကြီးထည့်ထားသလို artisticလည်း တော်တော်ဖြစ်တယ်။ စီးရီးပြန်ရိုက်တော့လည်း Primetime Emmy Awards ၈ဆုရထားပြီး Outstanding Drama Seriesဆုလည်းရခဲ့သလို ဆီစန်၅ခုအထိ renewed အလုပ်ခံခဲ့ရပြီး နောက်ဆုံးဆီစန် ၆ကိုတော့ ဒီနှစ်ထဲလွှင့်နေပါတယ်။ နောက်ဆက်တွဲစီးရီးလည်း ဆက်ထုတ်သွားဖို့ရှိတယ်။ ဇာတ်ကိုတော့ မျိုးပွားနိုင်နှုန်းအကြီးအကျယ်ကျဆင်းလာတဲ့ အနာဂတ်ကာလတစ်ခုမှာတည်ထားတယ်။ ဒီကာလမှာ အမေရိကန်ကပြည်တွင်းစစ်ကြောင့် ပျက်စီးသွားပြီး Republic of Gileadဆိုတဲ့ နိုင်ငံအသစ်အနေနဲ့ဖြစ်နေပြီ။ ဒီကာလမှာ စစ်အုပ်ချုပ်ရေးနဲ့လည်း အုပ်ချုပ်နေသလို အာဏာဆာလောင်နေတဲ့ ခေါင်းဆောင်တွေလည်း များနေတယ်။ လူတန်းစားအချို့က အမျိုးသမီးတွေကို နှိမ့်ချဆက်ဆံတာတွေလည်း အထွဋ်အထိပ်ရောက်နေတယ်။ ဆိုခဲ့သလို မျိုးမအောင်တဲ့လူတွေများနေတော့ မျိုးအောင်တဲ့ Handmaidsလို့ခေါ်တဲ့ အိမ်စေအမျိုးသမီးတွေကို သူတို့အရှင် ကွန်မန်ဒါတွေနဲ့ မျိုးပွားလို့ရရုံလုပ်ခိုင်းပြီး သားဖောက်စေတယ်။ အဲဒီအမျိုးသမီးတွေရဲ့ အတိတ်တွေကိုလည်း ဖျက်ပစ်ပြီး သူတို့ကိုယ်တိုင်လည်း အဲဒီအတိတ်ကို ပြန်မတွေးနိုင်အောင် အနိုင်ကျင့်ခဲ့ကြတယ်။ ဒါကိုတာဝန်တစ်ရပ်လိုမျိုးယုံကြည်ကြတဲ့ ဒီဝါဒကိုယုံကြည်သူ အန်တီလို့ခေါ်တဲ့အမျိုးသမီးတွေက မျိုးအောင်နိုင်တဲ့အမျိုးသမီးတွေကို ပုံစံချပုံသွင်းပေးနေသလို အဘက်ဘက်ကလည်း သူတို့ကို ဖိနှိပ်နေခဲ့တယ်။ ဒီလိုအခြေအနေတွေကနေ လွတ်မြောက်အောင်ကြိုးစားကြမယ့် အမျိုးသမီးတွေအကြောင်းကို ဒီစီးရီးမှာ ကြည့်ရမှာပါ။ အပိုင်းကတော့ စုစုပေါင်း၆၀ရှိမှာပါ။ File size…(893 MB)/(481 MB) Quality….Webrip 1080p / 720p Format… mkv / mp4 Duration….00:52:00 Genre...Drama, Scifi & Fantasy  Subtitle….Myanmar Subtitle (Hardsub) Encoder…. Swan Min Htet, Benjamin Translated by W

IMDb (6.7/10)...Rotten Tomatoes (74%) ၁၉၆၀ ပြည့်လွန်နှစ်များကုန်ခါနီးက ဆိုင်ခီဒဲလစ်ဆေးဝါးများ trip နှင့် Groovy တို့ကဲ့သို့ ဝေါဟာရများရေပန်းစားနေချိန်တွင် အလွတ်စုံထောက် Doc Sportello ၏ဇနီးဟောင်းသည် Doc ထံ ရုတ်တရက်ပြန်ရောက်လာပြီး သူမရဲ့လက်ရှိချစ်သူ ဆောက်လုပ်ရေးလုပ်ငန်းရှင် သူဌေးကြီးကို ပြန်ပေးဆွဲကာ စိတ်ကျန်းမာရေးဆေးရုံပို့ဖို့ ကြံစည်နေကြောင်း ပြောပြသည်။ Doc က ထိုဇာတ်ရှုပ်တွင် သူဘယ်လိုပါဝင်ပတ်သက်ရမှန်း မသိ ပေ။ ဇနီးဟောင်းပြောပြသောကိစ္စကို သူယုံရခက်နေသည်။ ပင်လယ်လှိုင်း စီးသူများ၊ အကြံအဖန်များ၊ ဇိမ်ခေါင်းများ၊ ဘိန်းစားများ၊ ရော့ခ်ဂီတသမားများ၊ လူသတ်သော ငွေတိုးချေးစားသူများ၊ စုံထောက်လုပ်သော ဆက်ဇိုဖုန်းပညာ၊ Golden Fang အမည်ရှိ ပဟေဠိဆန်သူတစ်ဦးနှင့် သွားရောဂါကုဆရာဝန်တစ် ဦး စသည့် ဇာတ်ကောင်စရိုက်မျိုးစုံပါဝင်သော ဤဇာတ်ကားမှာ အရောင်း ရဆုံး အမေရိကန်စာရေးဆရာThomas Pynchon ၏ဝတ္ထုကို Paul Thomas Anderson က မှီငြမ်းရိုက်ကူးခြင်းဖြစ်သည်။ Paul ၏သတ္တမမြောက်ရုပ်ရှင် ဇာတ်ကားဖြစ်ပြီး Pynchon ၏ ဝတ္ထုများ အနက် ရုပ်ရှင်ရိုက်ကူးဖြစ် သည့်ပထမဆုံးဝတ္ထုလည်းဖြစ်သည်။ Joaquin Phoenix ၊Reese Witherspoon ၊Josh Brolin နှင့် Owen Wilson စသည့် ကမ္ဘာကျော် ဟောလိဝုဒ်သရုပ်ဆောင် ပေါင်းများစွာ ပါဝင်ထားသည်။ Pynchon သည် စာရေးကျဲသူဖြစ် ပြီး အိမ်တွင်းပုန်းကဲ့သို့ နေထိုင်သော ပဟေဠိဆန်ဆန် စာရေး ဆရာတစ်ဦးဖြစ်သည်။ (Lifestylemagazine's FB Page မှကူးယူဖော်ပြပါသည်။) File size…(1GB) Quality…Blu-Ray Rip 720p Format…mp4 Duration….02:28:00 Subtitle….Myanmar Subtitle (Hardsub) Encoder….Nyeinsaeya Aung

IMDb Rating (7.3) / Rotten Tomatoes (72%) အမေရိကန်သမိုင်းတစ်လျှောက် Most Deadliest Sniper အဖြစ်သတ်မှတ်ခံထားရတဲ့ SEAL စနိုက်ပါသမား Chris Kyle အကြောင်းရိုက်ကူးထားတဲ့ ဖြစ်ရပ်မှန်ရုပ်ရှင်ဇာတ်ကားတစ်ခုဖြစ်ပါတယ်။ Chris Kyle ရဲ့ ကိုယ်တိုင်ရေး အထ္ထုပတ္တိ "American Sniper: The Autobiography of The Most Lethal Sniper in US Military History" စာအုပ်ကိုအခြေခံပြီး မင်းသားကြီး Clint Eastwood က ဒါရိုက်တာအဖြစ် ရိုက်ကူးထားပြီး Bradly Cooper က အဓိကသရုပ်ဆောင် Chris Kyle အဖြစ်ပါဝင်ထားပါတယ်။ ဒီရုပ်ရှင်မှာ စစ်ပွဲကြားကအခြေအနေတွေအပြင် အိမ်မှာကျန်ခဲ့တဲ့ စစ်သားမိသားစုတွေရဲ့ ဘဝကိုလည်း ပေါ်လွင်အောင်ထည့်သွင်းရိုက်ကူးထားပါတယ်။ Chris Kyle ဟာ အစကတော့ တက္ကဆက်က သာမန်မြင်းစီးသမားလေးပေါ့။ ဒါပေမယ့် 9/11 ဖြစ်ရပ်ဆိုးကြီးအပြီး အမေရိကန်က အီရတ်ကိုစစ်ကြေငြာတဲ့အခါမှာ မျိုးချစ်ကြီးဖြစ်တဲ့ Chris ကလည်း စစ်တပ်ထဲစဝင်ပါတော့တယ်။ အမေရိကန်နဲ့ အီရတ်စစ်ပွဲဟာ လူတွေကြား ပြောစရာဖြစ်ခဲ့ပြီး အမေရိကန်ရဲ့ ကျူးကျော်စစ်အပေါ် ဝေဖန်သံတွေဆူခဲ့ပေမယ့် ဒီဇာတ်ကားက နိုင်ငံရေးကားမဟုတ်တာကြောင့် အဲဒါတွေကိုတော့ ထည့်သွင်းရိုက်ကူးထားတာမျိုးမရှိပါဘူး။ Chris Kyle ဟာ လူများများသတ်ဖို့ထက် သူ့ရဲဘော်တွေကို ပိုများများကာကွယ်ချင်တာကြောင့် တစ်ခါ နှစ်ခါ မကဘဲ လေးကြိမ်တိတိ စစ်ထွက်ခဲ့ပါတယ်။ အဆိုပါလေးကြိမ်အတွင်းမှာ သူသတ်ခဲ့တဲ့ ရန်သူပေါင်း ၁၆၀ ကျော်ရှိပါတယ်။ ဒါကြောင့်လည်း သူဟာ အမေရိကန်သမိုင်းတစ်လျှောက် သတ်အားအကောင်းဆုံး စနိုက်ပါသမားအဖြစ် ဂုဏ်ပြုခံခဲ့ရတာပါ။ စစ်ပွဲအတွင်းမှာတင် အီရတ်ဘက်က သူ့ကိုသတ်နိုင်တဲ့သူကို ဒေါ်လာ ၁သိန်း၈သောင်းပေးမယ်ဆိုပြီး ဝရမ်းထုတ်ရတဲ့အထိ ရန်သူတွေကို ဖိန့်ဖိန့်တုန်စေခဲ့ပါတယ်။ Kyle က သူ့ဘဝမှာ ရန်သူ ၁၆၀ ကျော်သတ်ခဲ့တာ နောင်တမရဘဲ သူ့ရဲ့ရဲဘော်ရဲဘက်တွေကို မကယ်နိုင်ခဲ့တာပိုနောင်တရတယ်လို့ ဆိုပါတယ်။ ဒါကြောင့်လည်း သူစစ်ထဲမှာရှိနေရင် သူ့ရဲဘော်ရဲဘက်တွေကို ပိုကယ်နိုင်မယ်ဆိုပြီး စစ်ထဲကို ၄ ကြိမ် တိုင်တိုင် ပြန်သွားခဲ့ပါတယ်။ အဲဒီလိုစစ်ထွက်တိုင်း သူ့အိမ်ကကျန်ခဲ့တဲ့ မိသားစုဝင်တွေဟာ စိတ်အပူကြီးပူကျန်ခဲ့ရပြီး စစ်မထွက်ဖို့တားတဲ့ကြားက အတိုက်အခံလုပ်ပြီး စစ်ပွဲထဲကိုဝင်ခဲ့တဲ့လူမျိုးပါ။ ဒီလို စစ်ထဲပြန်သွားရတဲ့နောက်တစ်ချက်က ပထမဆုံး အကြိမ်မှာထဲက ရန်သူ Sniper တစ်ယောက်နဲ့ ရင်ဆိုင်ခဲ့ရပြီး အဲ့ဒီ Sniper က အီရတ်အလ်ကိုင်ဒါတပ်ဖွဲ့ထဲက ဆီးရီးယားလက်ဖြောင့်သမား မူစတာဖာ ပါပဲ။ သူကလည်းခေသူတော့မဟုတ်ဘူး။ အိုလံပစ်ပြိုင်ပွဲမှာပါ စနိုက်ပါဝင်ပြိုင်ခဲ့တဲ့ ပရော်ဖက်ရှင်နယ်စနိုက်ပါသမားတစ်ယောက်ပါ။ ဒီ Sniper က သူ့လူတွေတစ်ယောက်ပြီး တစ်ယောက် သတ်နေပေမယ့် သူ ဒီကောင့်ကို မသတ်နိုင်တာကြောင့်လည်း ပြန်ပြန်သွားနေတာဖြစ်ပါတယ်။ ဒီရုပ်ရှင်ကိုကြည့်ရင် စစ်ပွဲအနိ‌ဋ္ဌာရုံတွေကြားထဲ ခဏခဏပြန်သွားတဲ့ Chris Kyle ကိုလည်းစာနာမိလာမယ်။ အိမ်မှာကျန်ခဲ့တဲ့ သူ့ဇနီးနဲ့ သားသမီးတွေကိုလည်းကိုယ်ချင်းစာမိပါလိမ့်မယ်။ စစ်ပွဲကို တစ်ကန့်၊ သူ့ရဲ့ အိမ်ပြန်ချိန်လူနေမှုဘဝကို တစ်ကန့် တစ်လှည့်စီပြထားတာကြောင့် တခြားသောစစ်ကားတွေလို "ငါလည်းစစ်တိုက်ချင်လိုက်တာ" ဆိုတဲ့ ခံစားချက်မျိုးပေးမှာမဟုတ်ဘဲ စစ်ပွဲကို မုန်းသွားစေမယ့် စစ်ကားမျိုးပါ။ ဒီရုပ်ရှင်အတွက် မင်းသားကြီး Bradley Cooper ကလည်း ဝိတ်တင်ခဲ့ပါတယ်။ လက်တွေ့ဘဝက Chris Kyle နဲ့ လေသံကအစ ဆင်တူအောင် သရုပ်ဆောင်ထားနိုင်ပါတယ်။ အဲဒါကြောင့် အော်စကာဆု‌ Nominated ဝင်ခဲ့ပြီး ဒီရုပ်ရှင်ကလည်း ဆုပေးပွဲပေါင်းစုံကနေ ဆုပေါင်းများစွာရရှိခဲ့ပါတယ်။ သေနတ်ပစ်တာတွေ၊ ပေါက်ကွဲတာတွေ စစ်ပွဲမြင်ကွင်းတွေကို ပီပီပြင်ပြင်ရိုက်ကူးထားပြီး သွေးထွက်သံယိုခန်းတွေပါဝင်တာကြောင့် အသည်းနုတဲ့သူတွေ မကြည့်ဖို့ အကြံပေးချင်ပါတယ်။ သူ့ဇာတ်လမ်းကိုမကြားဖူးတဲ့ လူတွေအတွက် ဇာတ်သိမ်းပိုင်းက အံ့အားသင့်စရာတစ်ခုဖြစ်ပါလိမ့်မယ်။ ဇာတ်လမ်း စ လယ် ဆုံး ပျင်းစရာမကောင်းအောင် ဆွဲခေါ်သွားနိုင်ပြီး အရင်ကကြည့်ဖူးတဲ့လူတွေအနေနဲ့ကော၊ စစ်ကားကြိုက်နှစ်သက်တဲ့လူတွေအနေနဲ့ပါ ကြည့်ရတာတန်မယ့် ဖြစ်ရပ်မှန်ရုပ်ရှင်ဇာတ်ကားကောင်းတစ်ခုဖြစ်ပါတယ်။ (ရုပ်ရှင်အညွှန်းနဲ့ဘာသာပြန်ကို Min Thant Bo မှ တင်ဆက်ထားပါတယ်။) File size…(5.1 GB)/(1.8 GB)/ (1.2 GB) Quality….WEB-DL 4K HEVC/ 1080p HEVC /720p Format…mkv/mp4 Duration….02:12:38 Subtitle….Myanmar Subtitle(Hardsub) Encoder….Ka Naung Translated by Min Thant Bo

Her (2013) IMDb Rating (8.0) / Rotten Tomatoes (95%) မင်းသား Joaquin Phoenix နဲ့ သူ့ဇနီးဖြစ်သူ Rooney Mara, Amy Adams ,Olivia Wilde, Chris Pratt စတဲ့နာမည်ကြီးသရုပ်ဆောင်တွေအပြင် AI အသံသရုပ်ဆောင်အဖြစ် Scarlett Johansson ပါ ပါဝင်ထားပါတယ်။ Open AI မှာ Scarlett Johansson ရဲ့ခွင့်ပြုချက်မရဘဲ သူ့အသံကိုထည့်သွင်းထားတယ်ဆိုပြီး ပြသနာတက်နေတာလဲ ဒီရုပ်ရှင်ထဲက အစပြုတာပါ.... Her (2013) ထဲမှာ ညှို့ငင်ဆွဲဆောင်နိုင်တဲ့ AI အသံကို Scarlett Johansson က အသက်ဝင်အောင် သရုပ်ဆောင်ခဲ့ပြီး ဒီအသံကို Open AI ရဲ့  ညှို့ငင်မြူစွယ်တဲ့နေရာမှာ သုံးစွဲထားတာကြောင့် Scarlett Johansson နဲ့ Open AI ရဲ့ CEO ဖြစ်သူ Sam Altman တို့ကြား အချင်းများစရာဖြစ်နေတာပါ။ Her ရုပ်ရှင်ကလဲ AI ကို ချစ်မိသွားတဲ့လူသားတစ်ယောက်ရဲ့ဇာတ်လမ်းဆိုတော့ကာ.... AI နဲ့ လူသားကြားက ပြသနာတွေကို မြင်တွေ့ရမယ့် Sci-Fi/Romance ဆန်ဆန်ဇာတ်လမ်းမျိုးဖြစ်ပါတယ်။ ရုပ်ရှင်အနေနဲ့ အောင်မြင်မှုကြီးကြီးမားမားရရှိခဲ့ပြီး Original Screenplay ဆုနဲ့ Oscar ဆုအပြင် တခြားဆုပေါင်းများစွာလဲ ထိုက်ထိုက်တန်တန်ရရှိခဲ့တဲ့ရုပ်ရှင်ကားပါ။ File size…(1.7 GB) / (860 GB) Quality….BluRay 1080p/720p Format…mp4 Duration….02:05:33 Subtitle….Myanmar Subtitle (Hardsub) Encoder….Ka Naung Translated by Boomy Chan

The Riverman (2004) IMDb Rating (5.9) / Rotten Tomatoes (25%) ကမ္ဘာကျော်လူသတ်သမား Ted Bundy ရဲ့အကြောင်းကို တစ်ခြားသောရှုထောင့်တစ်ခု၊ အမြင်တစ်ခုနဲ့တွေ့မြင်ရမယ့်ဖြစ်ရပ်မှန်အခြေပြုဇာတ်ကားဖြစ်ပါတယ်။ ဇာတ်လမ်းကတော့ ၁၉၈၀ ပြည့်လွန်နှစ်တွေမှာ ဝါရှင်တန်၊ဂရင်းရစ်ဗား တစ်လျှောက် အမျိုးသမီးတွေကို ဆက်တိုက်သတ်ခဲ့တဲ့ "Green River Killer" (Gary Ridgway) ကိုဖမ်းဆီးဖို့ကြိုးစားတဲ့ စုံထောက်နှစ်ယောက်အကြောင်းပါပဲ။ ဒေ့ဗ်နဲ့ ရောဘတ်ကက်ပယ်လ်တို့နှစ်ယောက် ရှေ့ဆက်အကြောင်းမထူးနိုင်တဲ့ ကွင်းဆက်လူသတ်မှုတွေနဲ့ပတ်သက်ပြီး အကြံအိုက်နေ၊ အထက်က ဖိအားတွေ၊ မီဒီယာနဲ့အများပြည်သူရဲ့ ဖိအားတွေကြောင့် ပေါက်ကွဲထွက်လုနီးချိန်မှာ သေဒဏ်ကျခံဖို့စောင့်နေတဲ့ Ted Bundy ကနေ လူသတ်သမားတစ်ယောက်ရဲ့ စဉ်းစားတွေးခေါ်ပုံ၊ စိတ်ရဲ့အလုပ်လုပ်ပုံတွေကို နားလည်တဲ့အတွက် Green River Killer လူသတ်မှုတွေအပေါ် တိုင်ပင်အကြံပေးလို့ရတယ်လို့ ကမ်းလှမ်းလာခဲ့ပါတယ်။ ဒေ့ဗ်တို့နှစ်ယောက်က အစပိုင်းမှာ လက်မခံချင်ပေမယ့် ဘက်ပေါင်းစုံက အကြောင်းတရားတွေကြောင့်မဖြစ်မနေ လက်ခံလိုက်ရရင်း Ted Bundy နဲ့အတူ လက်ရှိဖြစ်ပေါ်နေတဲ့လူသတ်မှုတွေအကြောင်း တိုင်ပင်ဆွေးနွေးရင်း Ted Bundy ကိုယ်တိုင်ကျူးလွန်ခဲ့တယ်လို့သံသယရှိနေပြီး ဝန်ခံမထားတဲ့ လူသတ်မှုတွေအကြောင်းကိုပါ စုံစမ်းဖော်ထုတ်ကြပုံကိုရှုစားရမယ့် စိတ်ပညာတိုက်ပွဲတစ်ခုအကြောင်း Crime/Drama ကားကောင်းတစ်ကားပါ။ File size… (1.7 GB) / (950 MB) Quality…. Blu-Ray 1080p HEVC / 720p Format…. mkv/mp4 Genre…. Crime,Drama,Thriller Duration…. 01:30:30 Subtitle…. Myanmar Subtitle (Hardsub)

ဒုတိယကမ္ဘာစစ်ကာလ တပ်သားစုဆောင်းရေးမှာ ဥပဒေဒုတိယနှစ်ကျောင်းသား သောမတ်စ်ဟာ့တ်လည်း ပါဝင်သွားပါတယ်။ အဖေက တပ်ထဲမှာ ထူးချွန်တဲ့ အရာရှိကြီးတစ်ယောက်ဖြစ်ပေမယ့် ဟာ့တ်ကိုယ်တိုင်ကတော့ စစ်ပွဲနဲ့ အကျွမ်းတဝင်မရှိဘဲ လက်ဖ်တင်နင်ဘဝနဲ့ပဲ ကျေနပ်နေသူပါ။ တစ်နေ့ အထက်အရာရှိတစ်ယောက်ကို လိုက်ပို့ရင်း ဂျာမန်တွေရဲ့ ဖမ်းဆီးခြင်းကို ခံလိုက်ရတယ်။ အဲဒီနောက် ဟာ့တ်ဟာ စစ်သုံ့ပန်းစခန်းကို ရောက်သွားပြီး Bruce Willis သရုပ်ဆောင်ထားတဲ့ ဇာတ်ကောင်တို့နဲ့ ဆုံတွေ့ရပါတယ်။ အဲဒီကနေ သုံ့ပန်းဘဝမှာ သူကြုံရမယ့် ပြဿနာတွေအကြောင်း ဆက်ပြထားတယ်။ အပြင်လောကမှာတင်မက စစ်တပ်အတွင်းမှာပါ ရှိနေတဲ့ လူဖြူ၊ လူမည်း ဆက်ဆံရေးကိုလည်း ထည့်သွင်းဖော်ပြထားပါတယ်။ Bruce Willis နဲ့ Collin Ferrell တို့ ပါဝင်ထားတဲ့ စစ်ဒရာမာကားပါ။ ဖြစ်ရပ်မှန်ဇာတ်လမ်းလို့ အပြည့်အဝမဆိုနိုင်ပေမယ့် စာရေးဆရာ John Katzenbach က အဖေဖြစ်သူ Nicholas ရဲ့ စစ်တွင်းအတွေ့အကြုံတွေကို မှီငြမ်းထားပါတယ်။

အရမ်းကြိုက်ပြီး ခဏခဏပြန်ကြည့်မိတဲ့ဇာတ်ကားမို့ CM ပရိသတ်အတွက် တင်ပေးလိုက်ပါတယ်။ ဒီကားက IMDb  Rating 6.4 ရထားပြီး Box office မှာ 92 million ဝင်ခဲ့ပြီး အဲဒီအချိန်က ဟယ်ရီပေါ်တာရဲ့မှော်ကျောက်တုံးဇာတ်ကားပြီးရင် ဒီကားက လူကြည့်အများဆုံးဒုတိယနေရာကိုယူခဲ့ပါတယ်။ ဆုအနေနဲ့ကတော့ World Stunt award-2002 မှာ Best Aerial Award ဆုရခဲ့ပါတယ်။ ဒီဇာတ်လမ်းလေးက တကယ့်ဖြစ်ရပ်မှန်အပေါ် အခြေခံပြီး ရိုက်ထားတာပါ။ ၁၉၉၅ ခုနှစ် ဘော့စနီးယားမှာလေယာဉ်ပစ်ချခံခဲ့ရပြီး ၆ ရက်တာ ရန်သူ့နယ်မြေမှာပြေးလွှားခဲ့ရတဲ့ အမေရိကန်ပိုင်းလော့ဒ်တစ်ဦးအကြောင်းပါ။ ဇာတ်လမ်းအကျဉ်းအနေနဲ့ ၁၉၉၅ မှာ ဘော့စနီးယားမှာပြည်တွင်းစစ်ပွဲတွေဖြစ်ပွားနေခဲ့ပါတယ်။ ဒီစစ်မီးငြိမ်းဖို့ နေရာတကာပါတဲ့ NATO တပ်ဖွဲ့ကလည်း ပါလာရပါပြီ။ စစ်ပြေငြိမ်းရေးသဘောတူညီချက်တွေ ချုပ်ဆိုပြီးလို့ NATO တပ်တွေလည်း ဆုတ်ခွာခါနီးနေပါပြီ။ NATO အဖွဲ့ဝင်ဖြစ်တဲ့ အမေရိကန် Navy ကလည်းလေယာဉ်တင်သင်္ဘောတွေနဲ့ ပင်လယ်ပြင်က စောင့်ကြည့်နေပါတယ်။ သူတို့ရဲ့တာဝန်ကတော့ ဘော့စနီးယားပေါ်ကို သတ်မှတ်ထားတဲ့လမ်းကြောင်းကနေ ပြည်တွင်းအခြေအနေကို ဝေဟင်ကနေမှတ်တမ်းတင် ဓါတ်ပုံရိုက်ကူးဖို့ဖြစ်ပါတယ်။ ခရစ္စမတ်နေ့ အားလပ်ရက်တာဝန်အနေနဲ့ ပိုင်းလော့ဒ်စတက်ဟောက် နဲ့ သူရဲ့လေကြောင်းလမ်းပြဗိုလ် ဘားနက်တို့ ဒစ်ဂျစ်တယ်ကင်မရာအသစ်စက်စက်တပ်ဆင်ထားတဲ့ F-18 တိုက်လေယာဉ်နဲ့ဘော့စနီးယားဝေဟင်ကို သတ်မှတ်ထားတဲ့လမ်းကြောင်းအတိုင်း လိုက်လံစစ်ဆေးနေခဲ့တယ်။ မောင်းနှင်နေရင်း ဘော့စနီးယားတို့ သတ်မှတ်ပေးထားတဲ့ မပျံသန်းရတဲ့နယ်မြေစစ်မဲ့ကင်းမဲ့ဇုံဆိုတဲ့နေရာမှာ မသင်္ကာစရာကို ရေဒါကနေတွေ့ရှိလိုက်လို့ သတ်မှတ်လမ်းကြောင်းအတိုင်း မဟုတ်ဘဲ မှတ်တမ်းတင်ဖို့ ပျံသန်းခဲ့မိပါတယ်။ ဒီအချိန်မှာ  သူတို့ မထင်မှတ်တာကို မြင်တွေ့မှတ်တမ်းတင်လိုက်ပေမယ့် သူတို့တိုက်လေယာဉ်ပျံကိုလည်း လေယာဉ်ပစ်အမြှောက်တွေနဲ့ ပစ်ချခံလိုက်ရပါတယ်။ အချိန်မီထိုင်ခုံကို တွန်းကန်ပြီး ခုန်ထွက်နိုင်ပေမယ့် ဘော့စနီးယားနယ်မြေထဲမှာပဲပိုင်းလော့ဒ်က ခြေထောက်ဒဏ်ရာနဲ့မို့ ပစ်သတ်ခံလိုက်ရပြီး ဗိုလ်ဘားနက် တစ်ယောက်တည်း ကျန်ခဲ့ပါတယ်။ သူတို့ ဘာကို မှတ်တမ်းတင်မိလို့ ပစ်ချခံခဲ့ရတာလဲ ရန်သူ့နယ်မြေကနေ လွတ်အောင် ဘယ်လိုကြိုးပမ်းခဲ့ရသလဲဆိုတာ ဇာတ်ကားထဲမှာကြည့်ရှုလိုက်ပါ။ အမေရိကန်ကို လူတိုင်းက စစ်အင်အားကြီးတဲ့နိုင်ငံလို့ လက်ခံထားကြတယ်။ ဘာဖြစ်လို့လဲဆိုတော့ ဒီလိုအမေရိကန်စစ်ကားတွေတော်တော်များများမှာ သူတို့ရဲ့နည်းပညာ လက်နက်အင်အား ခေတ်မှီလက်နက်တွေကို သူတို့ကထုတ်ပြထားတယ်။ မီဒီယာကနေ အများကြီး ထိုးဖောက်လွှမ်းမိုးနိုင်တယ်ဆိုတာ  တကယ်တမ်းအပြင်မှာ ဒီလောက်ကောင်းတဲ့လက်နက်မျိုး ရှိမရှိ လုပ်နိုင်မလုပ်နိုင် ဘယ်သူမှ သေချာမပြောနိုင်ဘူး ဒီကားထဲမှာဆိုလည်း ဂြိုဟ်တုကနေ တိုက်ရိုက် လူ့ခန္ဓာကိုယ်အပူချိန်ကို ရိုက်ကူးနိုင်တဲ့ကင်မရာနဲ့ လူကိုရှာပြသွားတယ်။ တကယ်အပြင်မှာလုပ်နိုင်လား မလုပ်နိုင်လားတော့ မသိဘူး ဒါပေမယ့် အားလုံးကတော့ အမေရိကန်ကိုဒီလိုမျိုးတွေလုပ်နေနိုင်လောက်ပြီလို့ လက်ခံကြပါတယ်။ နောက်ဒီဇာတ်ကားထဲမှာ တခြားအတုယူမြင်နိုင်တဲ့ အချက်တွေလည်း အများကြီးပါတယ်။ မီဒီယာရဲ့အခန်းကဏ္ဍပါပဲ။ ဗိုလ်ချုပ်ကြီးတွေ မစွမ်းနိုင်တဲ့ကိစ္စကို မလုပ်နိုင်တဲ့အခြေအနေမှာ မီဒီယာကို ကောင်းကောင်းအသုံးချနိုင်လို့ ချက်ချင်းကိုပြေလည်သွားတဲ့ကိစ္စမျိုးတွေ။ နှစ်နိုင်ငံဆက်ဆံရေးမှာ အပေါ်ယံပြောတိုင်းလည်း ယုံကြည်လို့မရနိုင်တွေ ရှေ့တစ်မျိုး ကွယ်ရာတစ်မျိုးလုပ်တတ်တာတွေပေါ့။ ဗဟုသုတအနေနဲ့ ဒီကားရုံတင်တော့ တကယ့်ဖြစ်ရပ်မှန်ထဲက ပိုင်းလော့ဒ်က ရုပ်ရှင်ထုတ်လုပ်ရေးကို တရားစွဲပါတယ်။ သူ့ဇာတ်ကောင်ကို ဖျက်ဆီးမှုနဲ့ပါ။ တကယ့်အပြင်မှာ ပိုင်းလော့ဒ်က ဒီဇာတ်ကားထဲကလို ဂျစ်ကန်ကန် ဆဲတတ်တဲ့လူမဟုတ်ပါဘူးတဲ့။ အပြင်ဖြစ်ရပ်မှန်နဲ့အနည်းငယ်ကွာခြားမှုရှိပါတယ်တဲ့ အပြင်မှာ အရပ်သားတွေနဲ့ဆုံတွေ့ခဲ့ခြင်းမရှိသလို ရန်သူတပ်တွေနဲ့ နောက်ဆုံးခန်းကလိုအပြန်အလှန် တိုက်ခိုက်ခဲ့ခြင်းမရှိပါဘူးတဲ့ သူမောင်းနှင်ခဲ့တဲ့ တိုက်လေယာဉ်က F-18 မဟုတ်ဘဲ F-16 တိုက်လေယာဉ်သာဖြစ်ပါတယ်။ တရားရုံးမှာတော့ ပြေလည်အောင်ညှိုနှိုင်းနိုင်လိုက်ပါတယ်.... File size…(2.8 GB)/(1.2 GB) Quality….Blu-Ray 1080p / 720p Format… mp4 Duration…. 01:46:00 Genre... Action, Drama, Thriller, War Subtitle….Myanmar Subtitle (Hardsub) Encoder….Garfield Translated by Myat Noe Yamone