Scott Wolf ပါဝင်သော ဇာတ်ကားများ

ဒန်နီရယ်က K9 အနံ့ခံခွေးတပ်ဖွဲ့ထဲ ဝင်ချင်နေတဲ့ ရဲတပ်ဖွဲ့ဝင်တစ်ယောက်ပါ။ ဝင်ခွင့်စာမေးပွဲကို ရှစ်ကြိမ်ဖြေပြီးတဲ့အထိ မအောင်သေးပေမယ့် ဝင်ချင်စိတ်ကတော့ မလျော့သေးဘူး။ ရူဘီဆိုတဲ့ ခွေးမလေးကတော့ မွေးစားတဲ့အိမ်တိုင်းမှာ စကားနားမထောင်ဘဲ လုပ်ချင်ရာလုပ်လွန်းလို့ ဂေဟာမှာပဲ သောင်တင်နေပါတယ်။ ဟော့ဒေါ့ဆိုရင် အလွန်ကြိုက်တဲ့ ရူဘီ့ကို ဆက်မွေးထားနိုင်မယ့်သူ မတွေ့သေးဘူး။ တစ်နေ့မှာ ဘယ်သူမှ မမွေးစားတဲ့ ရူဘီ့ကို ဂေဟာက အသက်အဆုံးသတ်ဖို့ လုပ်နေချိန် ဒန်နီရယ်နဲ့ အကြောင်းတိုက်ဆိုင်ပြီး ဆုံမိကြတယ်။ တပ်ဖွဲ့ထဲ ဝင်ချင်လွန်းတဲ့ ဒန်နီရယ်က သူများတွေ ထိန်းမနိုင်ခဲ့တဲ့ ရူဘီ့ကို လေ့ကျင့်ပေးနိုင်မလား၊ ရူဘီကရော ဘယ်လောက်အထိ လုပ်ပြနိုင်မလဲ။ အစကတည်းက အရာရာနားလည်တဲ့ ခွေးလိမ္မာလေးတစ်ကောင်အကြောင်းမဟုတ်ဘဲ ခက်ခက်ခဲခဲ သင်ကြားပေးရတဲ့ သူတို့နှစ်ဦးအကြောင်းကို ဖြစ်ရပ်မှန်အခြေခံ ရိုက်ကူးထားပါတယ်။

ခရစ္စမတ်ကာလမှာ လူတစ်စု မူးယစ်ဆေးကို တရားမဝင် ရောင်းဝယ်ဖို့ အကြောင်းဖန်လာကြပါတယ်။ အဲဒီအရောင်းအဝယ်နဲ့ ဆက်စပ်နေတဲ့ ရွန်နာ၊ ဆိုင်မွန်နဲ့ ဇက်တို့ သုံးယောက်စလုံးက မတူညီတဲ့ လုပ်ရပ်တွေ လုပ်မိကြပြီး နောက်ဆက်တွဲအဖြစ် ကိုယ်စီ ရုန်းကန်ဖြေရှင်းရတာတွေ ပေါ်လာပါတယ်။ ဇာတ်လမ်းက သူတို့တစ်ယောက်ချင်းစီရဲ့ အဖြစ်အပျက်တွေကို သီးခြားစီ ပြထားပြီးမှ တစ်ခုနဲ့တစ်ခု ပြန်ချိတ်ဆက်သွားတဲ့ ပုံစံပါ။ မူးယစ်ဆေးရောင်းဝယ်မှုကနေ ပေါ်လာတဲ့ မှုခင်းအဖြစ်အပျက်တွေကြားမှာ ဟာသနဲ့ မထင်မှတ်တဲ့ အလှည့်အပြောင်းတွေလည်း ရောပါနေပါတယ်။ Sarah Polley၊ Timothy Olyphant နဲ့ William Fichtner တို့ ပါဝင်သရုပ်ဆောင်ထားပါတယ်။

ဒီကားက Albatross ဆိုတဲ့ ရွက်လှေကျောင်းလေးပေါ်မှာ အတွေ့အကြုံသစ်တွေ လိုက်ရှာကြတဲ့ ဆယ်ကျော်သက် ကောင်လေးတွေအကြောင်းပါ။ သူတို့ကို ဦးဆောင်တာကတော့ Jeff Bridges သရုပ်ဆောင်ထားတဲ့ ကပ္ပတိန် Christopher Sheldon ပေါ့။ "Skipper" လို့ ခေါ်ကြတဲ့ သူက တင်းကျပ်ပေမယ့် တကယ်တော့ ကောင်လေးတွေကို ဘဝသင်ခန်းစာတွေ ပေးချင်နေတာပါ။ အစပိုင်းမှာတော့ ပျော်စရာ၊ ရန်ဖြစ်စရာ၊ ပြန်ချစ်စရာလေးတွေနဲ့ သာသာယာယာပဲ။ ဒါပေမယ့် ခရီးစဉ်နှောင်းပိုင်းမှာ "White Squall" လို့ခေါ်တဲ့ လေဖြူမုန်တိုင်းကြီး ရုတ်တရက် ဝင်လာတဲ့အခါမှာတော့ အရာအားလုံး ပြောင်းလဲသွားပါတယ်။ ကပ္ပတိန် Sheldon နေရာမှာ သူကလွဲပြီး တခြားလူကို စိတ်ကူးကြည့်လို့မရဘူး။ တည်ကြည်တယ်၊ ပြတ်သားတယ်၊ ဒါပေမယ့် နောက်ပိုင်း မုန်တိုင်းအပြီးမှာ သူခံစားရတဲ့ နာကျင်မှု၊ တာဝန်ယူမှုတွေကို ဖော်ပြသွားတာ အရမ်းပီပြင်ပါတယ်။ ပင်လယ်ပြင် အလှအပကို ပြသွားတာ တကယ်ကို လှတယ်။ ပြီးတော့ မုန်တိုင်းတိုက်တဲ့ အခန်းဆိုရင် ရင်ထဲတောင် ထိတ်သွားတယ်။ လှိုင်းလုံးကြီးတွေ၊ လေပြင်းတွေကြားထဲမှာ သူတို့တွေ ဘယ်လို ရုန်းကန်ရလဲဆိုတာ တကယ်ကို လက်တွေ့ကျကျ ရိုက်ပြထားပါတယ်။ "Where we go one, we go all" (တစ်ယောက်သွားရင် အကုန်သွားမယ်) ဆိုတဲ့ သူတို့ရဲ့ ဆောင်ပုဒ်လေးက အရမ်းမိုက်တယ်။ ကိုယ်ကျိုးမငဲ့ဘဲ အချင်းချင်း ကူညီကြတာတွေ၊ အခက်အခဲကို အတူတူ ကျော်ဖြတ်ကြတာတွေက ကြည့်ရင်းနဲ့ ကြက်သီးထမိတယ်။ White Squall က မျက်ရည်လည်း ကျရသလို၊ ရင်လည်း ခုန်ရတဲ့ ကားလေးပါ။ ပြီးပြည့်စုံတဲ့ ရုပ်ရှင်ကြီး မဟုတ်ပေမယ့်၊ ပင်လယ်ပြင် စွန့်စားခန်းတွေ၊ လူငယ်တွေရဲ့ ကြီးပြင်းလာမှု (Coming-of-age) ဇာတ်လမ်းတွေကို ကြိုက်တတ်ရင်တော့ သေချာပေါက် ကြည့်သင့်တဲ့ ကားတစ်ကားပါ။ အထူးသဖြင့် နောက်ဆုံးက တရားခွင် အခန်းလေးဆိုရင် တော်တော်လေးကို ထိမိပါတယ်။ File size… 2.84 GB / 1.34 GB Quality…Blu - Ray 1080p Format… mp4 Duration…. 2h 9m Genre ..... Adventure / Drama Subtitle…. Myanmar Subtitle (Hard Sub)