Sentrayan ပါဝင်သော ဇာတ်ကားများ

Revolver Rita 2025 အလွဲများ IMDb 6.2 ဟာသကားစစ်စစ်ကိုမှ ကြည့်ချင်ပါတယ်ဆိုသူတွေအတွက် ဒီကားလေးရှိမယ်နော် ငပေါဟာသတွေလိုမဟုတ်ဘဲ တကယ့်အလွဲတွေနဲ့ ဟာသဇာတ်လမ်းကောင်း တစ်ကားပါမကြည့်မိရင် နောင်တရစေမယ့်ကားမျိုးပေါ့ရှင်...... ဇာတ်လမ်းကတော့ ဒီလို ဂိုဏ်းလောကသားထဲမှာ ထိပ်တန်းပန်ဒီယန်ဆိုတဲ့ ဂိုဏ်းသမားကြီးရှိတယ်ပေါ့ ထိပ်တန်းဆိုတဲ့အတိုင်း လက်စားချေချင်သူတွေကလည်း အများသားရယ် တစ်နေ့တော့..... မိန်းမလိုက်စားတဲ့သူ့ကို မိန်းမနဲ့မျှားခေါ်ပြီးလုပ်ကြံဖို့ စီစဉ်ထားလေရဲ့ ဖြစ်ချင်တော့ ခေါ်ထားတဲ့ အိမ်လမ်းကို ဘယ်နဲ့ညာ မှားကွေ့ပြီး အိမ်မှားဝင်သွားပါလေရော အဲဒီအိမ်ကတော့ ရီတာဆိုတဲ့.... ကောင်မလေးအိမ်ပေါ့ အိမ်ထဲဝင်လာပြီး သေနတ်တကားကားနဲ့လုပ်နေတဲ့လူမိုက်ကို ကာကွယ်ရင်း လက်လွန်ကြက်သွန်ဖြစ်ပြီး ကိစ္စချောသွားခဲ့ပါတယ် .... တစ်ဖက်မှာလည်း ဒီလူမိုက်ခေါင်းကိုပြမှ ပိုက်ဆံရမှာဖြစ်ပြီး ဘုမသိဘမသိ ရီတာတို့ကလည်း အလောင်းကိုဖျောက်မှဖြစ်မဲ့အနေအထားမှာ တစ်ခန်းလုံးရယ်မောစေနိုင်မဲ့ဟာသတွေနဲ့အတူ လိုက်ပါစီးမျောလိုက်ပါဦးရှင်........ File size… 2 GB / 1 GB Quality…WEB DL 1080p HEVC/ 720p Format…mkv/ mp4 Duration….2hr 19 mins Subtitle….Myanmar Subtitle (Hard Sub)

Thalaivan Thalaivii (2025) "အသွင်မတူတဲ့ အိမ်သူ" ဒီတစ်ခါမှာတော့ ပရိသတ်အချစ်တော်မင်းသားကြီးဗီဂျေးနဲ့ ယိုဂီဘာဘူတို့ ပါ၀င်သရုပ်ဆောင်ထားတဲ့ အချစ်-ဟာသ-ဒရာမာ-အက်ရှင် ရသစုံဇာတ်လမ်းကောင်းတစ်ပုဒ်ကို တင်ဆက်ပေးလိုက်ပါတယ်။ "အသွင်မတူအိမ်သူမဖြစ်" လို့ ဆိုတတ်ကြပေမဲ့ အသွင်မတူဘဲ အိမ်သူဖြစ်လာတာတွေလည်း အများကြီးပါ။ အိမ်ထောင်တစ်ခုမှာ အသွင်မတူလည်း ချစ်ခြင်း‌မေတ္တာနဲ့နားလည်မှုကသာ ပိုအဓိကကျမယ် ထင်ပါတယ်။ အခုဇာတ်လမ်းထဲမှာလည်း အာဂါဆမ်နဲ့ အာရဆီတို့အဖြစ်က ဒီလိုပါပဲ။ စားသောက်ဆိုင်တစ်ဆိုင်ကို ကျားကုတ်ကျားခဲဖွင့်ထားတဲ့ မိသားစုက ခပ်ကြမ်းကြမ်းခပ်ရမ်းရမ်း အမျိုးသားနဲ့ ပညာတတ်မိသားစုက မာစတာဘွဲ့ရမိန်းကလေးတို့ ဖူးစာဆုံခဲ့ကြပါတယ်။ အသွင်မတူတဲ့ လူနှစ်ယောက်၊ အသွင်မတူတဲ့ အသိုင်းအဝိုင်းနှစ်ခုကြားမှာ ဖြစ်ပေါ်လာတဲ့ ပြဿနာပေါင်းက သောင်းခြောက်ထောင်ပါပဲ။ အဲဒီအဖြစ်တွေကြားမှာ တကယ်ချစ်ကြတဲ့ သူတို့နှစ်ဦး ဘယ်လိုဆက်ရပ်တည်သွားမလဲ၊ ဘယ်လိုအဖြစ်တွေ ထပ်ကြုံရဦးမလဲဆိုတာကို နယ်မြို့နောက်ခံဇာတ်လမ်းပုံစံနဲ့ ရယ်စရာတစ်မျိုး ဒရာမာတစ်ဖုံ ကြည့်ရှုခံစားကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ B Team ဖြစ်ပါတယ်။) File size…8.59 GB / 2.8 GB / 1.4 GB Quality…WEB DL 4K / 1080p HEVC/ 720p Format…mkv/ mp4 Duration….2h 20m Subtitle….Myanmar Subtitle (Hard Sub) Translated by B Team

Seeran 2025 ("တောက်ပမည့်လူ") ၂၀၂၅ မှာ လူမျိုးဘာသာမတူလို့ ခွဲခြားခံထားရတဲ့မိသားစုအကြောင်းရိုက်ကူးထားတဲ့ တမီးလ်စကားပြော ကားလေးတစ်ကားနဲ့ မိတ်ဆက်ပါရစေ။ ဒီကားထဲက သရုပ်ဆောင်ကာရိုက်တာ ဂျိမ်းစ်ကာသစ်က ဇာတ်ညွှန်းဆရာရော ပရိုဂျူဆာအနေနဲ့ ကြိုးပမ်းထားတဲ့ ကားလေးဖြစ်ပါတယ်။ ရွာလေးတစ်ရွာမှာ လူတိုင်း ရွံ့မုန်းကြတဲ့ မိသားစုရဲ့သားက ရွာကနေ ထွက်သွားပြီးတော့ ချမ်းချမ်းသာသာ ပြန်လာပေမယ့် ရွာကလူတွေရဲ့ အကျင့်စရိုက်က ပြောင်းလဲသွားမလားဆိုတာ ကြည့်ရမှာဖြစ်ပြီး အတိတ်က သူတို့မိသားစုဘဝက ဘယ်လိုစိတ်ဆင်းရဲခဲ့ရပြီး နိမ်ချခံခဲ့ရလဲဆိုတာ ဂရုဏာသက်ဖွယ်မြင်တွေ့ရမှာပါ။ အဓိကက မျိုးရိုးနိမ့်လို့ ခွဲခြားခံရပေမယ့် တကယ်အောင်မြင်လာတဲ့ လူတစ်ယောက်ဖြစ်လာတဲ့အခါ အယူအဆတွေ ဝေဖန်သံတွေက စင်ပေါ်ကနေ ပုရွက်ဆိတ်တွေအော်နေသလို ထိုင်ကြည့်နေရသလိုပါပဲ။ သင်ခန်းစာယူဖွယ်ကောင်းတဲ့ ဇာတ်ကားလေးဖြစ်လို့ စီအမ်မဆလာကနေ တင်ဆက်ဘာသာပြန်‌ထားပါသည်။ File size… 2.8 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 8min Subtitle….Myanmar Subtitle (Hard Sub) Encoder….YK Translated by CM B Team

Raghu Thatha (2024) "အရိုင်းပန်းပုံပြင်" နာမည်ကြီးဗီဂျေးတွေထဲကတစ်ယောက်ဖြစ်တဲ့ မင်းသားကြီး ရာဗင်ဒရာဗီဂျေးနဲ့ မင်းသမီးချောလေး ကီရ်သီဆူရက်ရှ်တို့ရဲ့ အသစ်ထွက် ကျေးလက် ဟာသဒရာမာရုပ်ရှင်လေးကို စီအမ်ကနေ တင်ဆက်ပေးချင်ပါတယ်။ ဇာတ်လမ်းကတော့ ကာယာဟာ မဟုတ်မခံစိတ်ရှိတဲ့ ဆတ်ဆတ်ကြဲ မိန်းမလှလေးတစ်ယောက်ပါ။ သူဟာ မိန်းကလေးစာရေးဆရာတွေကို အားမပေးတဲ့ ရှေးရိုးစွဲ လူ့အဖွဲ့အစည်းထဲမှာ ယောက်ျားလေးနာမည်နဲ့ စာရေးပြီး အတော်အသင့်အောင်မြင်နေသူလည်းဖြစ်ပါတယ်။ အသက် ၂၅ နှစ်ရောက်ပေမဲ့ အိမ်ထောင်မကျသေးတာကြောင့် တစ်ရွာလုံးက တွေ့တဲ့အချိန်တိုင်း ဘယ်တော့စားရမှာလဲလို့မေးတာခံနေရတဲ့သူဖြစ်ပြီး သူကလည်း မေးတဲ့သူတိုင်းကိုဂရုမစိုက်ဘဲ ကိုယ့်ခံယူချက်နဲ့ကိုယ် နေထိုင်သူဖြစ်ပြီး သူ့ရဲ့ ခံယူချက်တွေနဲ့ အများကသတ်မှတ်ထားတဲ့စည်းမျဉ်းတွေကြားမှာ မဖြစ်မနေရွေးချယ်ရမယ့်အခြေအနေ ဖြစ်လာတဲ့အခါမှာတော့...။ ကျေးလက်မြင်ကွင်းစိမ်းစိမ်းစိုစိုလေးတွေနဲ့ ရယ်ရမောရတဲ့ ရုပ်ရှင်လေးဖြစ်လို့ ပရိသတ်တွေ ခေတ္တစိတ်အပန်းပြေစေဖို့အတွက် ချန်နယ်မြန်မာရဲ့ ဘောလိဝုဒ်အဖွဲ့သားတွေကနေ ညွှန်းဆိုဘာသာပြန်တင်ဆက်ပေးလိုက်ပါတယ်...။ File size… 2.35 GB / 1.04 GB Quality…WEB DL 1080p HEVC/ 720p Format…mkv/ mp4 Duration….2h 14m Subtitle….Myanmar Subtitle (Hard Sub) Encoder….YK Translated by CM Bollywood Team

Singappenney (2024)"အာဂအမျိုးသမီးလေးများ" နိုင်ငံတကာအမျိုးသမီးများနေ့မှာ ရုံတင်ပြသခဲ့ပြီး အားပေးချီးကျူးမှုတွေရခဲ့တဲ့ တမီလ်ရုပ်ရှင်ကားကို တင်ဆက်ပေးလိုက်ပါတယ်။ လူတိုင်းမှာ အိပ်မက်ကိုယ်စီရှိကြတယ်။ ကလေးလေးတွေကို သူတို့ရည်မှန်းချက်တွေ မေးကြည့်ကြရင် ဆရာဝန်ကြီးဖြစ်ချင်တယ် အင်ဂျင်နီယာကြီးဖြစ်ချင်တယ် စသဖြင့် လူ့အသိုင်းအဝိုင်းက ဂုဏ်မြင့်ပါတယ်လို့ လက်ခံကြတဲ့အရာတွေကို စိတ်ကူးအိပ်မက်တတ်ကြတယ်။ မိန်းကလေးတစ်ယောက် သူ့ရည်မှန်းချက်ကိုအောင်မြင်ဖို့ဆိုရင်တော့ မိသားစုနဲ့ လူ့အဖွဲ့အစည်းတွေဆီက အခက်အခဲပေါင်း သောင်းခြောက်ထောင်ကို ကျော်ရဖို့ပိုများကြတယ်။ ဒီလိုအခက်အခဲတွေကို ကျော်လွန်ပြီး ရည်မှန်းချက်ထိရောက်တဲ့ အမျိုးသမီးတွေကို "ဆင်ဂါပန်"လို့ခေါ်တယ်။ ဒီရုပ်ရှင်ထဲမှာလည်း အားကစားကိုချစ်မြတ်နိုးတဲ့ အမျိုးသမီးလေးတွေ မိသားစုနဲ့ ပတ်ဝန်းကျင်အသိုင်းအဝိုင်းရဲ့ ဝေဖန်ပြစ်တင်မှု တားဆီးမှုတွေကြားက မိမိတို့အိပ်မက်ဆီကိုတက်လှမ်းဖို့ ကြိုးစားကြတာကို အားတက်ဖွယ် ကြည့်ရှုခံစားကြရမှာပါ။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size…2.48GB / 1.2GB Quality…WEB DL 1080p / 720p Format…mp4 Duration….2h 4m Subtitle….Myanmar Subtitle (Hard Sub) Encoder….YK Translated by  CM Bollywood Team

Thookudurai (2024) "ရေတွင်းသရဲ" IMDb 6.8 ရထားပြီး အမှန်အကန်ရယ်ရမယ့် တမီးလ် ဟာသ/သရဲကားလေး တင်ဆက်ပေးလိုက်ပါပြီ ပိုစတာမှာ ယိုဂီဘာဘူကို မြင်လိုက်တာနဲ့ အဖောက်တလိုင်း ဇာတ်ကားဆိုတာ ပရိသတ်တို့ တန်းပြီးသိမှာပါလေ ဒီလိုဇာတ်ကားမျိုးကို မဆလာဖလင်လို့လည်း ခေါ်ကြပါသေးတယ် ဇာတ်လမ်း/ဇာတ်ကောင် ရှိရှိသမျှ ရောသမမွှေထားတဲ့ အဓိပ္ပာယ်ပေါ့ခင်ဗျာ ဇာတ်လမ်းအကျဥ်းကတော့... အလုပ်မရှိ စားစရာမရှိလို့ ခိုးစားဖို့ကြံတဲ့ သူခိုးသုံးယောက်က ဒဏ္ဏာရီလာ သရဖူကိုမှ ခိုးမိသွားတယ် လွန်ခဲ့တဲ့ နှစ်နှစ်ဆယ်က သမီးရှင်အဖေ သဘောမတူလို့ ယိုဂီဘာဘူတို့ ချစ်သူနှစ်ယောက် ခိုးရာလိုက်ပြေးရာက လက်ပူးလက်ကြပ်မိတော့ ယိုဂီဘာဘူတစ်ယောက် ရေတွင်းထဲ ပြုတ်ကျပြီး အစိမ်းသေ သေသွားတဲ့အခါမှာ သူ့ကောင်မလေးယူလာတဲ့ သရဖူပါအဆစ်ပါသွားတယ် ဒီကနေ မျက်မှောက်ခေတ်မှာ သရဲဖြစ်နေတဲ့ ယိုဂီဘာဘူက အားလုံးကို လိုက်ခြောက်ပြီး ပေါက်ကရတွေ ဖြစ်ကုန်တာပါပဲ အဆက်အစပ်မတည့်တဲ့ ဟိုတစ်စဒီတစ်စ ဇာတ်လမ်းတွေအကုန် သူ့အလိုလို ပေါင်းစပ်သွားပြီး အစုံသုပ်လိုမျိုး ဦးတည်ရာ မယ်မယ်ရရ မရှိပေမယ့်လည်း... ဇာတ်လမ်းရဲ့ လိုရင်းဖြစ်တဲ့ တောင်စဥ်ရေမရ ဗြောက်သောက် ဖျော်ဖြေရေးက အားမနည်းသွားတာမို့ ကြည့်နေရင်း အချိန်ကုန်မှန်းမသိလိုက်နိုင်တဲ့ ဇာတ်ကားတစ်ကား ဖြစ်မှာ အသေအချာပါ အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size…2.2GB/ 977MB Quality…WEB DL 1080p /720p Format…mp4 Duration….2h 5m Subtitle….Myanmar Subtitle (Hard Sub) Encoder….YK Translated by CM Bollywood Team

Kannai Nambathey 2023 (ကိုယ့်မျက်လုံးကို မယုံပါနဲ့) နီဇယ်ပရဟိတကျောင်းမှာ ကလေးငယ်လေးတွေကို ဂရုစိုက်ပေးနေတဲ့ အမျိုးသမီးကြီးတစ်ယောက်၊ ကလေးလေးတွေကြားထဲမှာမှ အသက်၇နှစ်အရွယ် ကောင်မလေးတစ်ယောက်လည်းရှိနေပါတယ်။ ဒီကောင်မလေးကတော့ အမျိုးသမီးကြီးဟာ ကလေးငယ်ငယ်လေးတွေကိုပဲ ဂရုစိုက်နေတဲ့အတွက် မနာလိုဖြစ်နေပြီးတော့ သူ့ရဲ့ ၇နှစ်ပြည့်မွေးနေ့မှာ ကိတ်မုန့်ထဲ ဆေးခတ်ပြီး ကလေးတွေကို စားစေလိုက်တဲ့အတွက် ကလေးတွေ အစာအဆိပ်သင့်သွားတဲ့ မြင်ကွင်းနဲ့ စတင်ထားပါတယ်။ အာရွန်ဆိုတဲ့ ကောင်လေးတစ်ယောက်၊ အိမ်ကနေ နှင်ချခံလိုက်ရတဲ့အတွက် အိမ်အငှားလိုက်ရှာရင်းကနေ သူကြိုက်နေတဲ့ကောင်မလေး ဒီဗယာတို့အိမ်မှာ တိုက်တိုက်ဆိုင်ဆိုင်အိမ်ငှားလိုအပ်နေတာကိုတွေ့သွားပါတော့တယ်။ ဒါပေမဲ့လည်း ဒီအိမ်မှာ လူပျိုတစ်ယောက်တည်းကို မငှားဘူးလို့ဆိုလာတာကြောင့် ဇာတိမြေက မိခင်ဖြစ်သူ မကြာခင် လိုက်လာမှာပါလို့ လိမ်ပြီး ငှားနေလိုက်ပါတော့တယ်။ ဒီလိုနဲ့ အာရွန်နဲ့ ဒီဗယာတို့ရဲ့ အချစ်ခရီးလမ်းလေး စတင်ခဲ့ပါတယ်။ ဒါပေမဲ့လည်း အချိန်နည်းနည်းကြာတဲ့အထိ မွေးရပ်မြေက မိခင်ဆိုသူ ရောက်မလာတဲ့အခါမှာတော့ လိမ်ထားတာတွေ ပေါ်ကုန်ပြီး အိမ်ကနေ ဆင်းပေးရပါတော့တယ်။ ဒီလိုနဲ့ နောက်ထပ် အိမ်ငှားလိုက်ရှာရင်း တိုင်ပတ်ပြန်ပါတော့တယ်။ ခက်ခက်ခဲခဲနဲ့ အိမ်ငှားရှာတွေ့ပြန်တော့လည်း အခန်းဖော်နဲ့အတူ ငှားနေရမယ့်အခန်းဖြစ်နေပြန်ပါတယ်။ သို့ပေမဲ့လည်း အသက်အရွယ်မကွာတဲ့အတွက် မြန်မြန်ပဲ ရင်းနှီးမှုရရှိခဲ့ပါတော့တယ်။ ဒီလိုနဲ့ အာရွန်နဲ့ ဒီဗယာတို့ရဲ့ အချစ်ဇာတ်လမ်းက ဘယ်လို ဆက်ဖြစ်လာမလဲ ..... အာရွန်တစ်ယောက် ရာဇဝတ်မှုတွေနဲ့ ဘယ်လို ဆက်စပ်မိသွားမှာလဲ ....... အာရွန်ရဲ့ အခန်းဖော်ကရော လူကောင်းပဲလား ..... ကလေးတွေကို ဆေးခတ်လိုက်တဲ့ ကောင်မလေးကရော ဘယ်သူလဲ ..... ဆိုတာတွေကို ကြည့်ရှုရမယ့် မှုခင်းဇာတ်လမ်းကောင်းလေးတစ်ပုဒ်ဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်) File size… 1.77 GB / 921 MB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub) Encoder….YK Translated by CM Bollywood Team

irumban 2023 (imdb 7.1/10) "အာဂယောက်ျား" အခုထွက်လာတဲ့တောင်ပိုင်းကားလေးကတော့ တမီလ်မင်းသမီးချော အက်ရှ်ဝါရာဦးဆောင်ထားပြီး မင်းသားဆက်ပါရမ်ကလည်း အကွာမန်းအထာနဲ့ ဂိုက်ပေးကြမ်းထားတဲ့အပြင် ယိုဂီဘာဘူလို တောင်ပိုင်းနာမည်ကြီး ဇာတ်ပို့တွေလည်း ပါဝင်အားဖြည့်ထားပါသေးတယ် ဇာတ်လမ်းလေးကတော့ အချစ်အလွမ်းအက်ရှင်ဇာတ်ကြမ်းလို့ ရိုးရိုးလေးပြောလိုက်ရင်လည်း ကြိုက်တတ်တဲ့ပရိသတ်ကြီးက ကြည့်မှာသေချာပါတယ် ဒါပေမဲ့ ဝတ္တရားရှိတဲ့အတိုင်း နဲနဲချဲ့ကားပြောရရင်တော့ အိန္ဒိယရဲ့ရှေးလူမျိုးစုတစ်ခုဖြစ်တဲ့ ဗယ်ဂရီဘူလီ မျိုးနွယ်က ကိုယ့်မျိုးနွယ်ဝင်မဟုတ်တဲ့ သူတွေနဲ့ လက်မထပ်အိမ်ထောင်မပြုကြပါဘူးတဲ့ တခြားလိုက်နာစောင့်ထိန်းတဲ့ ရိုးရာပေါင်းစုံလည်းရှိပါသေးတယ် သူတို့က တောင်ပိုင်းဒေသတွေမှာ ပျော်ရွှင်စွာပဲ အမဲလိုက်လိုက် နတ်ပူဇော်လိုက်နဲ့ ခေတ်ကိုလဲအမှီလိုက် ရိုးရာလဲမပယ်ပဲ နေထိုင်ကြတဲ့ လူမျိုးစုပါတဲ့ အဲ့တော့ ဇာတ်လမ်းလေးက ဒီသာကီဝင်ပရိုမက်စ်မျိုးနွယ်မင်းသားက တခြားသူတို့လူမျိုးမဟုတ်တဲ့ ကောင်မလေးတစ်ယောက်(မင်းသမီး)ကို ချစ်ကြိုးသွယ်မိတဲ့ဇာတ်လမ်းလေးပါပဲ နဲနဲပါးပါးဟာသလေးတွေပါမယ်...ဒရာမာလေးတွေပါမယ် ကြည်နူးရတာလေးတွေရှိမယ် မင်းသားနဲ့မင်းသမီးရိုပြမယ် အက်ရှင်ခန်းမှာ ဗလကြီးတွေထုတ်ပြပြီး ရှယ်ချကြမယ် အဲ့တော့ ပရိတ်သတ်ကြီးလဲ စိတ်အပန်းဖြေဖို့ အားပေးနိုင်ကြောင်း ပြောကြားရင်းနဲ့ တင်ဆက်ပေးလိုက်ပါတယ် အညွှန်းနဲ့ဘာသာပြန်ကတော့ CM Bollywood Team ကပါပဲ ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…3.4GB / 1.6GB  Quality…WEB DL 1080p /720p Format…mp4 Duration….2h 12m Subtitle….Myanmar Subtitle (Hard Sub) Encoder….YK Translated by CM Bollywood Team

IMDB 9.3 တောင်ရထားတဲ့ တမီးလ် ဒရာမာ ကားကောင်းတစ်ကား တင်ဆက်ပေးလိုက်ပါတယ်။ တမီးလ်လ်မျက်နှာသိသရုပ်ဆောင်တွေဖြစ်တဲ့ မင်းသား Cheran နဲ့ မင်းသမီး Sri Priyanka တို့ အားဖြည့်ထားပြီး critically လည်း အောင်မြင်တဲ့ ရုပ်ရှင်ပါ အိန္ဒိယနိုင်ငံရဲ့ ဇာတ်အနိမ့်အမြင့်လူတန်းစား ခွဲခြားမှုကို မေးခွန်းထုတ်ထားတဲ့ ဇာတ်မျိုးပါပဲ မြို့ငယ်လေးတစ်ခုမှာ ချင်နာဆာမီဆိုတဲ့ ကောင်လေးက VAO ဆိုတဲ့ ကျေးရွာအုပ်ချုပ်ရေးမှူးစာမေးပွဲကိုအသွား ရပ်ကွက်ထဲက လူသေလို့ အသုဘချဖို့ လာခေါ်တာနဲ့ မလိုက်ချင်လိုက်ချင် လိုက်သွားရပါတယ်...။ သူကိုယ်တိုင် ရိုးရိုးကျင့် မြင့်မြင့်ကြံပြီး ကြိုးစားနေပေမယ့်လည်း လူ့အသိုင်းအဝိုင်းက ချင်နာဆာမီတို့ မျိုးရိုးအလုပ်ဖြစ်တဲ့ အသုဘချတာကို သူတစ်ယောက်တည်း လုပ်သင့်တယ်လို့ ဇွတ်သတ်မှတ်ထားကြတာပါ...။ ပြီးတာနဲ့ ဆိုင်ကယ်နဲ့ စာမေးပွဲဖြေဖို့လိုက်ပို့မယ်ဆိုပြီး ခေါ်တဲ့ လူကလည်း သောက်မြင်ကပ်ပုဒ်မနဲ့ လမ်းမှာ ဆီကုန်တယ်လို့ ညာပြီး စာမေးပွဲချိန်နောက်ကျအောင် တမင်ညစ်ပါတယ် ဒီဇာတ်နိမ့်လူတန်းစားမှာ အဖေက ဒါလုပ်ရင် သားက ဒါလုပ်ဆိုပြီး တသမတ်တည်း သတ်မှတ်ထားတဲ့ လူ့အဖွဲ့အစည်းကို တော်လှန်ချင်စိတ်ရှိတဲ့ ချင်နာဆာမီတို့ မောင်နှမတို့က လူတန်းစားခွဲခြားခံရတိုင်း တစ်ယောက်နဲ့တစ်ယောက် တောက်တခေါက်ခေါက် ပေါ့ သူ့ညီမလေးကလည်း ဆေးကျောင်းသူပေမယ့်လည်း လူတန်းစားအဆင့်အတန်းနဲ့ပတ်သက်လို့ ရည်းစားရဲ့အဖေဖြစ်သူ ပစ်ပစ်ခါခါ ပြောတာ ခံလိုက်ရပါတယ် ဒါတင်မကပဲ ချန်နာဆာမီ VAO ရာထူးရလာချိန်အထိ ရာထူးကိုမထောက်ပဲ မျိုးရိုးစွဲနဲ့လူတွေက သူ့ကို အသုဘ ချခိုင်းတုန်းပါပဲ ဒီလိုနဲ့ သူတို့မြို့လေးမှာ ဘယ်လိုတွေ ပြဿနာဖြစ်ကြမလဲ တရားခွင်တွေရောက်တဲ့အထိ ဖြစ်ရင်း ဘယ်လိုတွေ ဆက်ပြီးရှင်းကြမလဲ အိန္ဒိယနိုင်ငံရဲ့ ရှေးရိုးစွဲအယူဝါဒတွေကို တွန်းလှန်နိုင်မှာလား လူ့အဖွဲ့အစည်းစနစ်အောက်မှာပဲ ပြားပြားဝပ်နေရမှာလားဆိုတာ ဆက်လက်ကြည့်ရှူပေးကြပါဦး။ (အညွှန်းနဲ့ဘာသာပြန်တွေကတော့ KKKZ ~ Zwe ~ Dee ~ Alex ~ V တို့ပဲ ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size… 2.5GB / 1.2GB Quality…1080p WEB DL /720p Format…mp4 Duration….2h 3m Subtitle….Myanmar Subtitle (Hard Sub) Encoder….YK Translated by KKKZ ~ Zwe ~ Dee ~ Alex ~ V

Mark Antony (သို့) မာ့ခ် အန်တိုနီ (2023) IMDb - 7.2/10 Amazon Prime Videoက လတ်တလောထွက်ရှိထားတဲ့ မင်းသားကြီး ဗီရှယ်လ်ရဲ့ ရုံတင်ကားကြီးကိုတင်ဆက်ပေးလိုက်ပါတယ်။ ဘတ်ဂျက်ရူပီး ၂၈ကုဋေသုံးထားပြီး ကုဋေတစ်ရာကျော်ပြန်လည်ရရှိခဲ့တဲ့ကားလည်းဖြစ်ပါတယ်။ အချိန်ခရီးသွားတဲ့ကားတွေအများကြီးထဲကမှ ဒီကားမှာတော့ အတိတ်ကို ဖုန်းလှမ်းဆက်လို့ရတဲ့ဖုန်းတစ်လုံးနဲ့အစပြုခဲ့တယ်။ ဒီလို အတိတ်ကိုဖုန်းဆက်ပြီး ပစ္စုပ္ပန်ကိုလိုသလိုပြုပြင်လို့ရတဲ့ဖုန်းကို တီထွင်တဲ့သိပ္ပံပညာရှင်ကိုယ်တိုင်တောင် သူ့ရဲ့သေခြင်းတရားကိုတော့မလွန်ဆန်နိုင်ခဲ့။ ဒါပေမဲ့ အဲဒီဖုန်းကလူဆိုးဂိုဏ်းတစ်ခုဆီရောက်သွားတဲ့အခါမှာတော့။ လူဆိုးဂိုဏ်းခေါင်းဆောင်နှစ်ယောက်ရဲ့ သူငယ်ချင်းသံယောဇဉ်ကြားမှာ အတိတ်ကိုဖုန်းခေါ်လို့ရတဲ့ ဒီလိုဖုန်းရောက်လာတဲ့အချိန်မှာ သူတို့ရဲ့ အနာဂတ်တွေဘယ်လိုပြောင်းလဲသွားမလဲဆိုတာ စောင့်မျှော်ကြည့်ရှုလိုက်ကြပါဦး။ (အညွှန်းနဲ့ဘာသာပြန်သူတွေကတော့ CM Bollywood Teamပဲဖြစ်ပါတယ်) (CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>Click Here ) File size…10GB /  3.6GB / 1.7GB Quality…4k HEVC / 1080p WEB DL /720p Format…mp4 Duration….2h 20mins Subtitle….Myanmar Subtitle (Hard Sub) Encoder….YK Translated by CM Bollywood Team

တမီနဒူလ်ပြည်နယ်မှာ AGR ဆိုတဲ့ အဖွဲ့အစည်းဟာ နောက်ကွယ်ကနေ အစိုးရကိုပါ ထိန်းချုပ်နိုင်လောက်အောင် ဩဇာကြီးမားပါတယ်။ သူတို့သဘောကျတဲ့ပါတီ၊ သူတို့နဲ့ အဆင်ပြေတဲ့လူမှ ဝန်ကြီးချုပ်ဖြစ်ခွင့်ရတဲ့အထိပါပဲ။ တစ်ရက်မှာတော့ လက်ရှိဝန်ကြီးချုပ်ကို ပြန်ပေးဆွဲပြီး သူတို့အလိုကျ လူတစ်ယောက်ကို အစားထိုးတင်လိုက်ကြတယ်။ ဒီကိစ္စကို စုံစမ်းဖို့ ရဲတစ်ယောက်က ဂိုဏ်းစတားအသွင်ယူပြီး အဖွဲ့ရဲ့ယုံကြည်မှုကို တစ်ဆင့်ချင်း ရအောင် ကြိုးစားလာပါတယ်။ အဲဒီအချိန်မှာပဲ AGR လုပ်သမျှကို ခေါင်းငုံ့မခံတဲ့ အမျိုးသမီးအရာရှိတစ်ယောက်လည်း ဒီနယ်ကို ပြောင်းလာတယ်။ နောက်ကွယ်ကနေ စုံစမ်းနေတဲ့ရဲနဲ့ အဖွဲ့ကို အလျှော့မပေးတဲ့ အရာရှိတို့ ရောက်လာချိန်ကစပြီး ဘာတွေဆက်ဖြစ်မလဲဆိုတာကို တမီလ်ဘာသာစကားပြော မှုခင်းအက်ရှင်ဇာတ်ကားအဖြစ် တင်ဆက်ထားပါတယ်။

သားဖွားဆရာမအမေ၊ အရက်သမားအဖေနဲ့ အရာရာကို အဆိုးမြင်တတ်တဲ့ သမီးတို့ နေထိုင်တဲ့အိမ်ကို လူတစ်ယောက် ရောက်လာပါတယ်။ သူယူလာတဲ့စကားက ကြွယ်ဝခြင်းနတ်ဘုရားက သူတို့ဆီ ကြွယ်ဝမှုတွေ ပို့လိုက်ပြီဆိုတာပါ။ အဲဒီစကားအဆုံးမှာပဲ ငွေထုပ်ပိုက်ထားတဲ့ လူတစ်ယောက် တကယ်ရောက်လာတဲ့အခါ မိသားစုရဲ့ အခြေအနေတွေ ပြောင်းလဲလာတော့တယ်။ လိုချင်တာကို များများနဲ့ မြန်မြန်ရဖို့ အဆင်အခြင်မဲ့ လုပ်မိရင် ရှိပြီးသားပါ ဆုံးရှုံးရနိုင်တယ်ဆိုတဲ့ ပုံပြင်သင်ခန်းစာမျိုးကို အခြေခံထားပါတယ်။ လက်ရှိဖြစ်ရပ်တွေ၊ ပုံပြင်နဲ့ ဘာသာရေးအယူအဆတွေကို လျှို့ဝှက်ဆန်းကြယ်တဲ့ ဇာတ်လမ်းအဖြစ် ချိတ်ဆက်ထားပြီး မထင်မှတ်တဲ့ ဇာတ်ကွက်အလှည့်အပြောင်းတွေလည်း ပါဝင်ပါတယ်။

ရဲအရာရှိ တမီးလ်ရာဆန်ဟာ အထက်အရာရှိအမိန့်ထက် ကိုယ့်စိတ်ထဲက မှန်တယ်လို့ ယုံကြည်တဲ့အရာကို ဦးစားပေးသူပါ။ ဆန္ဒပြနေတဲ့ ပြည်သူတွေကို အသက်အန္တရာယ်ပြုဖို့ အမိန့်ပေးလာတဲ့အခါ ငြင်းဆန်ခဲ့တာကြောင့် တာဝန်ကနေ ရပ်ဆိုင်းခံလိုက်ရပါတယ်။ ချစ်ရတဲ့ ဇနီးနဲ့ သားလေးရှိပြီး ပျော်ရွှင်တဲ့ မိသားစုဘဝကို ပိုင်ဆိုင်ထားပေမယ့် သားဖြစ်သူကို နှလုံးအစားထိုးမှ ရတော့မယ်ဆိုတဲ့ အခြေအနေနဲ့ ကြုံလာရတယ်။ သူတို့တက်မိတဲ့ ဆေးရုံမှာလည်း လူကြီးချင်း လက်ဝါးရိုက်ထားတဲ့ ကိစ္စတွေက ရှုပ်ထွေးနေပါတယ်။ သားလေးရဲ့ နှလုံးအစားထိုးကုသမှုအတွက် စောင့်ဆိုင်းစာရင်းထဲမှာ နေရသလို ငွေကြေးမပြည့်စုံတဲ့ တမီးလ်ရာဆန်က ကုသစရိတ်ရဖို့လည်း လိုက်ရှာနေရတယ်။ သားအတွက်ဆို အသက်ပါ ပေးဖို့ အသင့်ရှိတဲ့ ဖခင်တစ်ယောက်အနေနဲ့ ဒီအခက်အခဲတွေကို ဘယ်လိုရင်ဆိုင်ပြီး ကျော်လွှားနိုင်မလဲဆိုတာ ဆက်တွေ့ရမှာပါ။ တမီးလ်ရာဆန်အဖြစ် ဗီဂျေးအန်တိုနီက သရုပ်ဆောင်ထားပြီး ဆိုနူးနဲ့ ဟာသသရုပ်ဆောင် ယိုဂီဘာဘူတို့လည်း ပါဝင်ထားပါတယ်။ ဗီဂျေးအန်တိုနီဟာ သရုပ်ဆောင်အလုပ်အပြင် တေးရေး၊ တေးဆို၊ ရုပ်ရှင်အယ်ဒီတာ၊ အသံဖမ်းအင်ဂျင်နီယာနဲ့ ဒါရိုက်တာအဖြစ်လည်း လုပ်ကိုင်သူပါ။ ဆိုနူးကတော့ Ramaiya Vastavaiya (2013) မှာ ညီမကို ချစ်ပြီး မြင်းရုပ်လေး လုပ်ပေးတဲ့ အစ်ကိုကြီးအဖြစ် ပါဝင်ခဲ့ဖူးပါတယ်။

Kombu Vatcha Singamda (2022)"ဦးချိုပါသော ခြင်္သေ့" ၂၀၂၂ က ထွက်ရှိတဲ့ တမီလ်စကားပြော ကျေးလက် အက်ရှင်ဒရာမာရုပ်ရှင်လေးကို ပရိသတ်တွေအတွက် တင်ဆက်ပေးချင်ပါတယ်။ ဆူမာသီဆိုတဲ့ကောင်မလေးဟာ အိမ်ထောင်ကျ ကလေးတစ်ယောက်ရပြီးနောက်မှာ မပြန်ဖြစ်တာ ၅ နှစ်ကြာပြီရှိတဲ့ သူ့ရဲ့မွေးရပ်မြို့လေးဆီကို ပြန်လာခဲ့ပါတယ်။ ဒါပေမဲ့ သူ့ရဲ့ မွေးရပ်မြို့လေးဟာ သူမှတ်မိထားတဲ့ပုံစံနဲ့မတူဘဲ တိတ်ဆိတ်ခြောက်ကပ်နေပြီး သုသာန်တစပြင်လိုမျိုး လူသူကင်းမဲ့နေတာကို တွေ့လိုက်ရတယ်။ အဲဒီလိုဖြစ်နေရတဲ့အကြောင်းအရင်းကို စုံစမ်းကြည့်တဲ့အချိန်မှာတော့ သူတို့မြို့လေးအတွက် အနစ်နာခံသွားတဲ့ လူငယ်ငါးယောက်ရဲ့အကြောင်းကို သိခဲ့ရပြီး အဲဒီလူငယ်ငါးယောက်ရဲ့အကြောင်းနဲ့ သူတို့ မြို့လေး ဘယ်လိုတိတ်ဆိတ်ခြောက်ကပ်သွားတာလဲဆိုတာကို ဒီရုပ်ရှင်ထဲမှာ တွေ့ကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 3.3 GB / 1.6 GB Quality…WEB DL 1080p HEVC/ 720p Format…mkv/ mp4 Duration….2h 13m Subtitle….Myanmar Subtitle (Hard Sub) Encoder….YK Translated by CM Bollywood Team

Sulthan (2021) အိန္ဒိယတောင်ပိုင်းရုပ်ရှင်ချစ်သူတွေအတွက် တစ်နေ့ကထွက်လာတဲ့ မင်းသား Karthi(ကာရ်သီ) နဲ့ မင်းသမီးချော Rashmika Mandanna(ရာ့ရှ်မီကာမန်ဒနား)တိုရဲ့ ဇာတ်ကားကောင်းလေးကို တင်ဆက်ပေးလိုက်ပါတယ်။ ဗစ်ကရမ် (ခေါ်) ဆူလ်သန်ဟာ ချန်နိုင်းမြိုက ဒိတ်ဒိတ်ကြဲလူမိုက်ကြီး စည်သူပသီရဲ့သားပါ။ လူမိုက်ပေမယ့် မှန်ကန်တဲ့လူမိုက်ကြီး စည်သူပသီဟာ ချန်နိုင်းဝန်းကျင်တစ်ဝိုက်မှာ နာမည်ကောင်းနဲ့ ကျော်ကြားပြီး ဘေးပတ်ဝန်းကျင်နယ်တွေမှာ ပြဿနာပေါ်လာတိုင်း ဖြေရှင်းပေးနေကျပေါ့။ အုပ်ထိန်းသူမိခင် မရှိတော့တဲ့နောက်ပိုင်း လူယုံ လက်ရုံးတပည့်တွေလက်ပေါ်မှာ ကြီးပြင်းလာခဲ့ရတဲ့ ဆူလ်သန့်ကို စည်သူပသီကရော ၊ တပည့်တွေအားလုံးကပါ သိပ်ချစ်ကြတယ်။ အရွယ်ရောက်သည်အထိ ပညာတွေသင်ရင်း မွန်ဘိုင်းမြိုမှာနေရတဲ့ ဆူလ်သန့်အတွက် လူဆိုးလူမိုက်အလုပ်တွေကို မလုပ်ရသလို သူကိုယ်တိုင်လည်း လူမိုက်အလုပ်ကို မနှစ်မြိုသူပါ။ ဒီလိုနဲ့ ဖခင်ကြီး ဆုံးပါးသွားပြီးတဲ့နောက်ပိုင်းမတော့ ဖခင်ကြီးမသေခင်က ပေးခဲ့တဲ့ကတိအတိုင်း ရွာတစ်ရွာကိုနှောက်ယှက်ပြီး အဲ့ဒီရွာကို ဒုက္ခပေးနေတဲ့ လူမိုက်ကြီးတစ်ယောက်နဲ့ ဆူလ်သန်တစ်ယောက် ရင်ဆိုင်ရဖို ဖြစ်လာပါတယ်။ တောင်းပိုင်းရုပ်ရှင်တွေရဲ့ ထုံးစံအတိုင်း အကအလှတွေ ဝေဝေဆာဆာ ၊ အက်ရှင်ခန်းတွေ ဖောဖောသီသီနဲ့ ၂နာရီကျော်ကြာတဲ့ ပြသချိန်အတွင်း ပျင်းရိမသွားရလေအောင် ဟာသလေးတွေ အူမြူးစရာလေးတွေပါ ထည့်ထားတော့ အိန္ဒိယရုပ်ရှင်ချစ်သူတွေအတွက် ကြည့်ပျော်မှာပါ။ File size…(3 GB) and (1.9 GB) Quality….Web-DL Rip 1080p 5.1CH and 720p Format…mp4 Duration….02:38:00 Subtitle….Myanmar Subtitle (Hardsub) Encoder….Nyeinsaeya Aung Translated by Myint Thu

Kasada Thapara (2021) အခုတစ်ခေါက် CM ပရိသတ်တွေကို တင်ဆက်ပေးမဲ့ဇာတ်ကားကတော့ Kasada Tharapa လို့ အမည်ရတဲ့ အိန္ဒိယ ရုပ်ရှင်ကားကောင်းလေးပဲ ဖြစ်ပါတယ် ဒီကားလေးကတော့ အများနဲ့မတူ တစ်မူ ထူးခြားပါတယ် ဇာတ်ကားနာမည်ဖြစ်တဲ့ "Kasada Thapara"ဆိုတဲ့ စကားလုံးလေးကအစ ထူးခြားနေတာမျိုးပေါ့..... တမီးလ် ဘာသာအရဆိုရင် Kasada Tharapa ဆိုတာက "အက္ခရာတွေရဲ့ပုံပြင်"လို့ အဓိပ္ပာယ်ရပါတယ် ဒီမှာ ထင်မိမှာပေါ့ အက္ခရာတွေက ဘာများ ထူးခြားနေလို့လဲ..... အဲ့ဒီမေးခွန်းအတွက် အဖြေလာပါပြီ Crossword ဆိုတဲ့ ပဟေဠိကို လူတိုင်းဆော့ကြဖူးမယ်ထင်ပါတယ် ပေးထားတဲ့ အဓိပ္ပာယ်နဲ့စာလုံးလေးတွေ အတန်းလိုက်ဖြည့်ရတယ် ပြီးရင် ဖြည့်ထားတဲ့ အကွက်လေးထဲက အက္ခရာတစ်လုံးချင်းဆီ ပေါင်းပြီး စာလုံးအသစ်လေးတွေ ရလာတယ် မဟုတ်လား ဒီရုပ်ရှင်လေးမှာလည်း ဒီလိုပါပဲ လူခြောက်ယောက်ရဲ့ အဖြစ်အပျက် ကိုယ်စီကို သရုပ်ဖော်ထားမယ် အဲ့ဒီလူခြောက်ယောက်ရဲ့ အဖြစ်အပျက်တွေ ဆက်စပ်ဖော်ထုတ်ရင်း နောက်ဆုံး အဖြေကို ရအောင် ရှာဖွေရမှာပဲ ဖြစ်ပါတယ် ဒါပေမဲ့ ဒီလိုရှာဖွေဖို့ကလည်း အခက်အခဲအများကြီးကို ဖြတ်ကျော်ရဦးမှာပါ ဘာလို့လဲဆိုတော့ လူအမျိုးမျိုး စိတ်အထွေထွေဆိုတဲ့အတိုင်း တစ်ဦးနဲ့တစ်ဦး ထင်မြင်ကြတဲ့ ရှုထောင့်တွေဟာလည်း တူကြမှာ မဟုတ်ပါဘူး "6" နဲ့ "9" တောင် ကိုယ်ရပ်နေတဲ့ နေရာပေါ် မူတည်ပြီး အမြင်ချင်းကွဲပြားကြတာပဲ မဟုတ်လား ဒီလို ကွဲပြားနေတဲ့ အမြင်တွေကို ပေါင်းစပ်ပြီး တစ်မူထူးခြားတဲ့ပုံစံနဲ့ လူခြောက်ယောက် ဆက်စပ်နေတဲ့ အမှုကို ဘယ်လိုဖော်ထုတ်သွားမလဲဆိုတာ စိတ်ဝင်တစားစောင့်ကြည့်ရမှာပဲ ဖြစ်ပါတယ် IMDb rating အနေနဲ့ 7.9/10 ရရှိထားတာမလို့ အားလုံးအတွက် ကြည့်ရကျိုးနပ်စေမဲ့ ကားကောင်းလေးပဲ ဖြစ်ပါတယ် File size…2.1GB / 1.1GB/ 500MB Quality…1080p AVC untoched DD+5.1 and 720p and 480p Format…Mp4 Duration….2h 17min Subtitle….Myanmar Subtilte ( Hard Sub) Encoder….YK Translated by Shwe Pyae & Shwe Pwint

Genre : Drama/Action IMDb ratings : 8.9/10 ဒီတစ်ခါတင်ဆက်ပေးလိုက်တဲ့ ဇာတ်ကားကတော့ သုံးဘဝဇာတ်ကား (Anegan), VIP 1+2 တို့နဲ့ မြန်မာပြည်က အိန္ဒိယပရိတ်သတ်တွေကို ညှို့ယူဖမ်းစားနိုင်ခဲ့တဲ့ Tamil မင်းသား Dhanush ရဲ့ ဇာတ်ကား ဖြစ်ပါတယ်။ ယောက္ခမဖြစ်သူ Rajinikanth ရဲ့ ခြေရာကို နင်းတယ်လို့ ဆိုရအောင် Dhanush ဟာလည်း အောင်မြင်မှုတွေ ရရှိနေတဲ့ Tamil မင်းသားပါ။ # အညွှန်း အိန္ဒိယနိုင်ငံဟာ ဗြိတိသျှလက်အောက်မှာ အချိန်ကြာမြင့်စွာ ရှိတဲ့ဖူးတဲ့အတွက် ဗြိတိသျှတွေ ထွက်ခွာသွားပြီးနောက်ပိုင်း ဆိုးမွေအဖြစ်နဲ့ ပြဿနာပေါင်း သောင်းခြောက်ထောင် ကျန်ရစ် ခံစားခဲ့ရတဲ့ နိုင်ငံလည်း ဖြစ်ပါတယ်။ ဒီလိုပြဿနာတွေကြားမှာမှ မြေရှင် ၊ အလုပ်သမားပြသနာတွေကလည်း ဖွံဖြိုးမှု နောက်ကျကျန်ရစ်တဲ့ ဒေသတွေမှာ အမြစ်စွဲနေပါတော့တယ်။ ငွေကြေးဥစ္စာ ကြွယ်ဝသူက မရှိဆင်းရဲသားတွေကို ကျွန်တွေ ၊ အခိုင်းအစေတွေလို့ သဘောထားတယ်။ ဇာတ်နိမ့်သူတွေအဖြစ် လူရာမသွင်းကြပါဘူး။ ဒီဇာတ်ကားမှာလည်း မြေယာပြဿနာကို အခြေခံပြီး ရွာတစ်ရွာမှာရှိတဲ့ မိသားစု နှစ်ခုကြားက ကြီးမားတဲ့ လက်စားချေ ရန်ညှိုးဖွဲ့ သတ်ဖြတ်ကြပုံတွေကို တင်ဆက်ထားပါတယ်။ အိုဗာ အက်ရှင်တွေ မပါပါဘူး။ ဓားချင်းယှဉ်ခုတ်တာ ၊ လှံချင်းယှဉ်ထိုးတာတွေဟာ အသည်းယားစရာ ကောင်းလှတာကြောင့် သွေးထွက်သံယိုပြကွက်တွေ ပေါပေါသီသီ ပါဝင်နေပါတယ်။ အရွယ်မရောက်သေးသူများ ၊ ကလေးသူငယ်များ အုပ်ထိန်းသူနှင့်အတူ (သို့မဟုတ်) အုပ်ထိန်းသူ ခွင့်ပြုချက် ရမှ ကြည့်သင့်ပါတယ်။ ဘာသာပြန်နှင့် အညွှန်းကို တင်ဆက်ပေးထားကြသူတွေကတော့ Myint Thu နဲ့ Nyi Nyi Koe တို့ ဖြစ်ပါတယ်။ File Size : (1.30 GB ) and (650 MB) Quality : WEB-DL 720p Running Time : 2hr 21min Format : Mp4 Genre : Action, Drama Subtitle : Myanmar Subtitle (Hard Sub) Source : TRUE WEB-DL - 1080p  Translated by Nyi Koe And Myint Thu Encoded by Thanhtike Zaw

Vada Chennai (2018) ချန်နိုင်းမြောက်ပိုင်းကဂယက်များ IMDb 8.4/10 Tamilမင်းသားကြီး Dhanushပါဝင်သရုပ်‌ဆောင်ထားတဲ့ crime drama ကောင်းတွေကို မျှော်နေသူတွေအတွက် တစ်ချိန်က မန်ဒရာလို့ခေါ်တဲ့ချန်နိုင်းမြို့ရဲ့ ကမ်းရိုးတန်းတစ်လျှောက်မှာ ကြီးစိုးနေတဲ့ လူမိုက်ဂိုဏ်းတွေအကြောင်း ရိုက်ကူးထားတဲ့ ဇာတ်လမ်းကောင်းလေး‌ကို တင်ဆက်ပေးချင်ပါတယ်။ ချန်နိုင်းမြောက်ပိုင်းမှာအုပ်စိုးနေတဲ့လူမိုက်ခေါင်းဆောင်ကြီးကို ဂုန ပါဇနီ ဆန်သီ ဗယ်လူ တို့သူငယ်ချင်း‌လေးယောက်က သတ်ပြီး သူ့နေရာကိုဝင်လုဖို့ကြိုးစားရင်း ပြစ်ဒဏ်ခံယူဖို့ကို ရှောင်လွှဲလို့မရတော့တဲ့အခါမှာတော့ သူငယ်ချင်းယောက်နှစ်ယောက် ဂုနနဲ့ ဗယ်ရူကို ထောင်ထဲဝင်ခိုင်းဖို့စည်းရုံးပြီး ဆန်သီက မြေပြင်အခြေအနေကိုထိန်းလို့ သိပ်မကြာခင်မှာ ထောင်ထဲကသူငယ်ချင်းနှစ်ယောက်ကိုအာမခံနဲ့ပြန်လွှတ်ပေးမယ်ဆိုပြီး ကတိပေးထားခဲ့ကြပေမဲ့ ကတိမတည်ကြတော့တဲ့အခါ ပြဿနာတွေပိုပြီးကြီးထွားလာပါတော့တယ် လူမိုက်ပီပီ ထောင်နှုတ်ခမ်းဝနားမှာ လမ်းလျှောက်နေရတဲ့ ဂုနနဲ့ဆန်သီတို့ရဲ့ အတွင်းလူထိုးတဲ့နောက်ကျောဓားနက်နက်ရန်ငြိုးက ထောင်ထဲမှာပါ ဘယ်လိုဆက်ဖြစ်မလဲ။ တစ်ဖက်မှာလဲ စားပွဲဇယ်တောက်ကျွမ်းတဲ့ကောင်လေး အန်ဘူးဟာ သူ့ရဲ့နုံချာတဲ့ပတ်ဝန်းကျင်ကနေ နိုင်ငံအဆင့်ဝင်အောင်လေ့ကျင့်ပြီး တစ်ချိန်မှာ အစိုးရဝန်ထမ်းတစ်ယောက်ဖြစ်အောင်ကြိုးစားနေရင်း အကြောင်းမလှစွာဘဲ ပါဇနီကိုသတ်မိတာ‌ကြောင့်နဲ့ ဒီဂိုဏ်းရာဇာနှစ်ယောက်ရဲ့ ရန်ငြိုးကြားထဲ ပါဝင်ပတ်သက်မိဖို့ ဖြစ်လာချိန်မှာတော့... ချမယ် ကြမ်းမယ် ရမ်းမယ်ဆိုတဲ့ တမီလ်ကားလေးတွေ သဘောကျသူတွေတော့ အကြိုက်တွေ့မှာဖြစ်လို့ အခုပဲ ရှုစားလိုက်ရအောင်ပါ။ (အညွှန်းနဲ့ ဘာသာပြန်ကတော့ LinnLunn ~ Bluuri ~ Alex ~ ToMo တို့ပဲဖြစ်ပါတယ်) File size… 2.8GB / 1.3GB Quality…WEB DL 1080p / 720p Format… mp4 Duration….2h 44m Subtitle….Myanmar Subtitle (Hard Sub) Encoder….YK Translated by LinnLunn ~ Bluuri ~ Alex ~ ToMo

ကြည်လင်တောက်ပပြီး စာအမှန်နဲ့ ခုမှ ထွက်လာလို့ဘာသာပြန်ပြီး တင်ဆက်ပေးလိုက်ပါတယ်။ ဒီဇာတ်ကားကို "ဝန်ကြီးချုပ်မင်းသား"လို့ အများခေါ်တဲ့မင်းသားကြီး Mahesh Babu အဓိက ပါဝင်သရုပ်ဆောင်ထားပြီးခေတ်အခြေအနေ တစ်ခုကို အခြေခံ၊လူတွေရဲ့ အယူမှားတဲ့ စိတ်ကို ကွက်ကွက်ကွင်းကွင်းရိုက်ပြထားတဲ့ ရုပ်ရှင်ဇာတ်ကားပါ။ ရှီဗာဟာ NGO ထောက်လှမ်းရေးအရာရှိတစ်ယောက်ပါ။ သူအလုပ်က အွန်လိုင်းပေါ်မှာ ပြောဆိုနေကြတဲ့Conversationတွေကို ကင်းထောက်ပြီး၊ဖုန်းခေါ်ဆိုမှုတွေမှာ အကူအညီလိုအပ်ကြောင်းသတိပေးချက်မြည်ရင် ဝင်နားထောင်ပြီး လိုအပ်သလို ကူညီဖို့ပါ။ တနေ့မှာ သူဟာ ဖုန်းခေါ်ဆိုမှု တစ်ခု နားထောင်ခဲ့ရပါတယ်။ မိန်းကလေးတစ်ယောက် အိမ်မှာ တစ်ယောက်တည်းဖြစ်နေချိန်သူ့သူငယ်ချင်းမလေးကို အတူလာအိပ်ပေးဖို့ ခေါ်တဲ့ဖုန်းခေါ်ဆိုမှု တစ်ခုပါ။ ရှီဗာဟာ အကူအညီလိုအပ်နေတဲ့ မိန်းကလေးဆီသူငယ်ချင်းဖြစ်သူ ရဲမေကို သွားစောင့်ရှောက်ပေးဖို့ အကူအညီတောင်းခံလိုက်ပါတယ်။ မနက်မိုးလင်းတော့ ထင်မှတ်မထားတဲ့ လူသတ်မှုကြီး တစ်ခုကိုကြားခဲ့ရပါတော့တယ်။ ရက်စက်စွာ သတ်ဖြတ်သူ တရားခံကို စုံစမ်းရှာဖွေရင်းအန္တရာယ်အမျိုးမျိုး ရင်ဆိုင်ပြီး မိသားစုအတိုင်းအတာထိအန္တရာယ်ကို ကြုံတွေခဲ့ရပါတယ်။ လူသတ်သမားနဲ့ NGO အေးဂျင့် ရှီဗာတို့အပြိုင်အဆိုင် အားပြိုင်ရာမှာကြောက်မက်ဖွယ် ရာဇဝတ်မှုတွေကို ဖန်တီးသူ ဘိုင်ရာ့ဗ်ဟာ သူ့ရာဇဝတ်မှုတိုင်းမှာ ရက်စက်သလောက် သေသပ်ပိရိလွန်းသူပါ။ အဲ့ဒီလို ရာဇဝတ်သမားကို အစိုးရတရားဝင်မဟုတ်တဲ့ထောက်လှမ်းရေးအရာရှိ ရှီဗာက ဘယ်လို အနိုင်ယူမလဲဆိုတာကို ကြည့်ရှုပေးကြပါဦးဗျာ။ လူသတ်သမားရဲ့ စရိုက်ကို ပုံဖော်ရာမှာတော့လူတွေမှာ ၄ရာခိုင်နှုန်းသာ ရှိတတ်တဲ့ မကောင်းစိတ်လေးကိုအခြေခံထားပါတယ်။ ဥပမာ.. ကျွန်တော်တို့ မျက်စိရှေ့မှာ ယာဉ်မတော်တဆမှုတစ်ခုမြင်တွေ့ရတဲ့အခါ ဘယ်သူမှ မနာသွားရင် စိတ်ထဲ အားမရဘူး။ အနည်းဆုံး ခေါင်းလေးကွဲ၊လက်လေးကျိုးသွားမှ စိတ်မှာကျေနပ်မိတယ်။ ဒါပေမဲ့ တစ်ယောက်ယောက် သေသွားရင်တော့ စိတ်မကောင်းဖြစ်ကြပါတယ်။ ဒီလို မကောင်းစိတ်(မသိစိတ်ထဲ အယူလွဲမှု)ကအနိုင်ယူလွှမ်းမိုးခြင်းကို ခံလိုက်ရတဲ့ လူတစ်ယောက်ပေါ့ဗျာ။ ထို့ပြင် ယနေ့ခေတ် လူတွေရဲ့ အပြုအမူတွေကိုကွက်ကွက်ကွင်းကွင်း မြင်သာအောင် ပုံဖော်ထားပါသေးတယ်။ ဥပမာ- ဒုက္ခဘေးဆိုးတွေ မဖြစ်ခင် တားဆီးကယ်တင်ခြင်းမျိုးမဟုတ်ဘဲ၊ဖြစ်ပြီးမှ သွားရောက်လှူဒါန်းမယ်ဆိုတဲ့ စိတ်တွေပေါ့ဗျာ။ (ဖြစ်အောင် စောင့်နေကြသလို:3) ဖြစ်တော့မှ ချစ်ခြင်းမေတ္တာတွေကို ထုတ်ဖော်ပြကြပြီးတခြားအချိန်မှာ ဘေးအိမ်နီးချင်းတွေကိုတောင်မမြင်ဖူးကြတာမျိုးတွေလေ။ ကဲ ဒီလောက်ပါဗျာ။ ကွီးတို့တွေအတွက် Hacking၊ ရှီဗာချစ်သူ ချောချောလေးရဲ့ လိင်အသားပေး ဇာတ်ကားတွေကြည့်ရင်း လိင်ဆက်ဆံဖူးချင်တယ်ဆိုတဲ့ စော်လေးကို ရှုမြင်ခံစားရမယ်။ မမလေးတွေအတွက် ဝန်ကြီးချုပ်မင်းသားဆိုပြီးသဲသဲလှုပ်နေကြတဲ့ မင်းသားချော Mahesh Babuရဲ့ အကတွေ၊ခန့်ညားမှုတွေနဲ့ ဖိုက်တင်အက်ရှင်တွေကို ခံစားရစေမယ်လို့ ပြောရင်းဒီလောက်နဲ့ အဆုံးသတ်ကြရအောင်ဗျာ။ [အဆုံးထိ အာရုံစိုက်ပေးတဲ့အတွက် အညွှန်းရေးသူNyi. Nyi Koe မှ ကျေးဇူးအထူးတင်ပါတယ် :3] Google User - 84% IMDb Rating - 7/10(7179) (ဇာတ်လမ်းအညွှန်းနဲ့ဘာသာပြန်သူကတော့ Nyi Nyi Koe ပါ) File Size : (1.1 GB) Quality : NF WEB-DL 720p Running Time : 2hr 35min Format : Mp4 Genre : Action, Thriller Subtitle : Myanmar Subtitle (Hard Sub) Source : 1080p.NF.WEB-DL.DD+5.1.x264-AJP69 Translated by Nyi Nyi Koe Encoded by Thanhtike Zaw

အိန္ဒိယတောင်ပိုင်း တမီးလ်နန်ဒူးမှာ ကြက်တိုက်တဲ့ဓလေ့ဟာ ရှေးကတည်းက ရှိခဲ့ပါတယ်။ မာဒူရိုင်နယ်က တိုက်ကြက်တွေကို လေ့ကျင့်ပေးသူ ပက်တရာကာရန်နဲ့ စုံစမ်းရေးရဲအရာရှိ ရာသင်နာဆာမီတို့ကလည်း ကြက်တိုက်ပွဲတွေမှာ အပြင်းအထန် အပြိုင်အဆိုင်ဖြစ်နေကြသူတွေပါ။ ပက်တရာကာရန်ရဲ့ ကျွမ်းကျင်မှုကြောင့် ရာသင်နာဆာမီက တစ်ခါမှ အနိုင်မရခဲ့ဘူး။ သူ့အမေ မသေခင်မှာ ပက်တရာကာရန်ကို နိုင်ချင်တဲ့ ရာသင်နာဆာမီက နည်းမျိုးစုံနဲ့ ကြိုးစားနေပါတယ်။ ပက်တရာကာရန်ရဲ့အုပ်စုထဲမှာတော့ ကာရူပူနဲ့ ဒူရေယန်က သူအနှစ်သက်ဆုံးလူတွေပါ။ ကာရူပူဟာ တိုက်ကြက်တွေ မွေးမြူထိန်းကျောင်းရာမှာ ပါရမီရှိသူဖြစ်ပြီး အီရာနီဆိုတဲ့ မိန်းကလေးကို ချစ်မိနေတယ်။ အီရာနီကတော့ သူ့ကို တကယ်ချစ်လို့မဟုတ်ဘဲ တခြားတစ်ယောက်ကို ရှင်းထုတ်ချင်တာကြောင့် ချစ်တယ်လို့ လိမ်ပြောထားပါတယ်။ ဒီအချစ်ရေးကြောင့် ကာရူပူ ရင်ကွဲရမလား၊ အီရာနီကရော နောက်ပိုင်းမှာ သူ့ကို တကယ်ချစ်လာမလားဆိုတာ မသေချာသေးပါဘူး။ တစ်ဖက်မှာလည်း ပက်တရာကာရန်နဲ့ ရာသင်နာဆာမီတို့ရဲ့ ပြိုင်ဆိုင်မှုက ဘယ်လိုဆက်ဖြစ်လာမလဲဆိုတာ ရှိနေတယ်။ ရိုးရာကြက်တိုက်ပွဲတွေကနေ လူတွေရဲ့ ရှုပ်ထွေးတဲ့ဘဝနဲ့ ဆက်ဆံရေးတွေဆီ ဇာတ်လမ်းကို ချဲ့ပြထားပါတယ်။