Shane Casey ပါဝင်သော ဇာတ်ကားများ

The Beautiful Game (2024) IMDB 6.3/10, Rt 88% ရရှိထားတဲ့ Sport/Drama ကားသစ်လေးနဲ့ မိတ်ဆက်ပေးပါရစေ။ မင်းသားကြီး Bill Nighy (Pirates of the Caribbean film ထဲက ရေဘဝဲလူသားကြီး Davy Jones) နဲ့ Micheal Ward (Top Boy ထဲက Jamie) တို့က အဓိက ပါဝင်သရုပ်ဆောင်ထားကြပါတယ်။ နည်းပြ မယ်လ်က အကျော်ဇေယျ ဘောလုံးနည်းပြတစ်ယောက်ဖြစ်ပြီး သူ့ရဲ့ ဘောလုံးအသင်းကို ရောမမှာပြုလုပ်တဲ့ နှစ်စဉ် အိမ်ခြေမဲ့ကမ္ဘာ့ဖလားဆု ရရှိအောင် အစွမ်းကုန် ကြိုးစားနေသူပါ။ အိမ်ခြေမဲ့ကမ္ဘာ့ဖလားဆိုတာကတော့ နိုင်ငံအနှံ့က အိမ်ခြေမဲ့တွေကပဲ ဝင်ပြိုင်နိုင်တဲ့ ပုံမှန် ဘောလုံးပွဲနဲ့ မတူတဲ့ ၄ယောက်တစ်သင်း ဘောလုံးပြိုင်ပွဲပါ။ နှစ်စဉ်ယှဉ်ပြိုင်ခဲ့ပေမဲ့လည်း တစ်ခါမှ အနိုင်မရဖူးဘဲ ရှုံးပဲရှုံးနေလို့ အပူတပြင်း နိုင်လိုစိတ်ပြင်းပြနေတဲ့ နည်းပြမယ်လ်က နဂိုလေ့ကျင့်နေတဲ့ကစားသမားတွေအပြင် နောက်ထပ် ကစားသမားအသစ်တစ်ယောက်ကိုပါ ဝင်ပြိုင်စေခဲ့ပါတယ်။ သူကတော့ ဗင်နီဖြစ်ပြီး သူမတူ ထူးချွန်တဲ့ အရည်အချင်းတွေရှိသူပါ။ ရုတ်တရက်ကြီး ပြိုင်ပွဲနီးမှ အဖွဲ့ဝင်အသစ်ရောက်လာတာမို့ အသင်းသားတွေနဲ့ အံဝင်ဂွင်ကျမဖြစ်ဘဲ အချင်းတွေများ ကတောက်ကဆတွေဖြစ်ကာ အခက်ကြုံရမယ့်အခြေအနေတွေကို ရင်ဆိုင်လာခဲ့ရချိန်မှာတော့.. မယ်လ်က ဘာဖြစ်လို့များ ဗင်နီ့ကို ရုတ်တရက်ကြီး ခေါ်သွင်းခဲ့တာလဲ.. ဗင်နီကရော သူမတူတဲ့ အရည်အချင်းတွေရှိပါလျက် ဘာလို့ အတည်တကျ ဘောလုံးအသင်း မရှိရတာလဲ.. အသင်းသားတွေနဲ့ အဆင်ပြေပြေနေနိုင်ပြီး အိမ်ခြေမဲ့ကမ္ဘာ့ဖလားကိုရော အရယူနိုင်ပါ့မလား.. ဆိုတာကိုတော့ ဇာတ်လမ်းထဲမှာပဲ ဆက်လက်ကြည့်ရှုလိုက်ကြပါဦး။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ။)

တကယ့်အဖြစ်အပျက်ကို ရိုက်ကူးထားတဲ့ ဒီကားလေးဟာIMDb 7.1 နဲ့ rotten tomatoes 100% တောင်ရရှိထားတာပါ အိုင်ယာလန်သား ဂျော့ နဲ့ ကော်နာ လို့ခေါ်တဲ့၁၅ နှစ်အရွယ်ပဲရှိကြသေးတဲ့ အရမ်းခင်ကြတဲ့ သူငယ်ချင်းနှစ်ယောက်ဟာ တူညီတဲ့အချက်လေးတွေရှိနေကြပါတယ် သူတို့မှာ မိဘတစ်ယောက်စီပဲရှိကြပြီးသူတို့မိဘတွေနဲ့အဆင်မပြေကြဘူး နှစ်ယောက်စလုံးဟာအရမ်းချမ်းသာချင်ကြတယ် အဲ့ဒီအချိန်မှာ ပဲ ဂျော့ဟာ ယူရိုငွေ ၇သန်းတန် ပိုက်ဆံရပေါက်ရလမ်းတစ်ခုကိုTV သတင်းတစ်ခုကနေ တွေ့လာပြီး သူငယ်ချင်းနှစ်ယောက် စက်ဘီးကိုယ်စီစီးကာအနောက်ဖက်ကမ်းခြေဖက်ကို ပိုက်ဆံအတွက်ရှာပုံတော်ထွက်ကြရင်း ပြဿနာပေါင်းစုံတက်ပုံတွေ ရာဇဝတ်မှုကျူးလွန်မိပုံတွေကို ခပ်ရွှင်ရွှင် ရယ်စရာကောင်းအောင်ရိုက်ကူးထားတဲ့ ဇာတ်လမ်းလေးဖြစ်ပါတယ် ပေါ့ပေါ့ပါးပါး ရိုက်ကူးထားတဲ့အတွက် ပေါ့ပေါ့ပါးပါးကြည့်ချင်သူတွေအတွက် ကြည့်လို့ကောင်းမယ့် Drama Comedy ဇာတ်ကားလေးပါ ဒီကားထဲမှာ သရုပ်ဆောင်ထားသူတွေကတော့ Chris Walley, Hilary Rose, Alex Murphy, Dominic MacHale စတဲ့ နာမည်ကျော်အိုင်းရစ်ရှ် သရုပ်ဆောင်တွေပဲဖြစ်ကြပါတယ် သူငယ်ချင်းနှစ်ယောက် ယူရိုငွေ ခုနှစ်သန်း ကို ရပြီး ချမ်းသာသွားမလား ဘယ်လို အန္တရာယ်တွေကြုံနိုင်လဲ ဆိုတာတွေကို ပရိတ်သတ်ကြီးကိုယ်တိုင်ပဲကြည့်ရှုတော်မူကြပါဦး File Size : (700 MB) Quality :720p Running Time : 1hr 23min Format : Mp4 Genre : Adventure, Comedy, Crime Subtitle : Myanmar Subtitle (Hard Sub) Source : 1080p BluRay x264-DRONES Translated by Zuel Khant Thwin Encoded by Thanhtike Zaw

အိုင်ယာလန်လွတ်လပ်ရေးတိုက်ပွဲနဲ့ ပြည်တွင်းစစ်ကို နောက်ခံထားတဲ့ ဇာတ်လမ်းပါ။ နယ်ချဲ့အင်္ဂလိပ်တွေရဲ့ ဖိနှိပ်နှိပ်စက်မှုကို မခံနိုင်တော့တဲ့ အိုင်ယာလန်လူငယ်တွေဟာ ပြန်လည်တိုက်ခိုက်ပုန်ကန်လာကြတယ်။ ပြည်သူတချို့ကလည်း အင်္ဂလိပ်တွေကို အကူအညီမပေးဘဲ ကိုယ့်လူမျိုးတော်လှန်ရေးသမားတွေကို စားစရာနဲ့ နေစရာပေးပြီး ကူညီကြပါတယ်။ ဒါပေမယ့် ရလာတဲ့လွတ်လပ်ရေးက အပြည့်အဝမဟုတ်တဲ့အခါ အချင်းချင်း နိုင်ငံရေးသဘောထားတွေ ကွဲလာကြတယ်။ ငြင်းခုံမှုတွေကနေ ပြည်တွင်းစစ်အထိ ရောက်သွားပြီး အတူတူတိုက်ပွဲဝင်ခဲ့သူတွေကြားမှာပါ ရင်နာစရာတွေ ကြုံလာရပါတယ်။ ဇာတ်ကားနာမည်ကို အိုင်းရစ်ရှ်သူပုန်လေးတစ်ယောက်အကြောင်း သီဆိုထားတဲ့ သီချင်းကနေ ယူထားပြီး ဇာတ်ဝင်ခန်းတစ်ခန်းမှာလည်း အဲဒီသီချင်းကို အသုံးပြုထားတယ်။ ဇာတ်လိုက်ညီအစ်ကိုအဖြစ် သရုပ်ဆောင်ထားသူတွေက အိုင်ယာလန်နိုင်ငံဖွားတွေဖြစ်ပြီး Peaky Blinders ထဲက Cillian Murphy လည်း ပါဝင်ထားပါတယ်။