Shiho ပါဝင်သော ဇာတ်ကားများ

The Curse (2026) "သေဆုံးပြီးသားသူရဲ့အကောင့်ကနေ တက်လာတဲ့ ဗီဒီယိုတွေနဲ့ ဆိုရှယ်ပေါ်က အတားအဆီးမဲ့ အမှောင်ကျိန်စာ" အမှန်အကန် Horror ကားတွေကြိုက်တဲ့ J Horror ပရိသတ်တွေအတွက် နာမည်ကြီး ဒါရိုက်တာ Kenichi Ugana ရဲ့ တုန်လှုပ်ချောက်ချားစရာ အငွေ့အသက်အပြည့်နဲ့ ကြည့်ရှုရမဲ့ သရဲကားအသစ်စက်စက်ကြီးကို တင်ဆက်ပေးလိုက်ပါတယ်။ မြို့ပေါ်က အလှပြင်ဆိုင်တစ်ဆိုင်မှာ ဧည့်ကြိုလုပ်ရင်းနဲ့ သူငယ်ချင်းဖြစ်သူ အာအိရိနဲ့အတူ တိုက်ခန်းတစ်ခုမှာ အတူတူနေထိုင်နေတဲ့ ရီကိုဆိုတဲ့ ကောင်မလေးတစ်ယောက်....... တစ်နေ့မှာတော့ ရီကိုဟာ ထိုင်ဝမ်မှာရှိတဲ့ သူ့သူငယ်ချင်းရှူဖန်ရဲ့ ဆိုရှယ်က အကောင့်မှာ ထူးဆန်းပြီး နားလည်ရခက်တဲ့ ဗီဒီယိုတွေကို ဆက်တိုက်တင်နေတာကို သတိထားလိုက်မိပါတယ်။ သူငယ်ချင်းဖြစ်သူကို စိတ်ပူသွားတဲ့ ရီကိုတစ်ယောက် ရှူဖန်ဆီကို ဆက်သွယ်ဖို့ကြိုးစားပေမဲ့ အဆက်အသွယ်မရတာကြောင့် ထိုင်ဝမ်မှာရှိနေတဲ့ ရည်းစားဟောင်းဖြစ်သူ ဂျာဟိုကို မေးမြန်းကြည့်လိုက်တဲ့အခါမှာ ရှူဖန်ဟာ လွန်ခဲ့တဲ့ ၆လကတည်းက သေဆုံးသွားမှန်း သိလိုက်ရပါတော့တယ်။ ဒါပေမဲ့ သေဆုံးပြီးသားသူရဲ့ အကောင့်ကနေ သွေးပျက်စရာဗီဒီယိုတွေ စာတွေ ဆက်လက်တင်နေပြီး မကြာခင်မှာပဲ အာအိရိဟာလည်း ရက်စက်စွာ သေဆုံးသွားခဲ့ပြန်တယ်။ အဖြေမှန်သိရဖို့အတွက် ရီကိုတစ်ယောက် ရည်းစားဟောင်း ဂျာဟိုနဲ့အတူ လိုက်လံစုံစမ်းတဲ့နောက်မှာတော့ ........ ဒီဖြစ်ရပ်ရဲ့နောက်ကွယ်မှာ ဘယ်လိုကျိန်စာဆိုးတွေ ရှိနေမလဲ..... သူငယ်ချင်းတွေ တစ်ယောက်ပြီးတစ်ယောက် ရက်စက်စွာသေဆုံးသွားတဲ့ အကြောင်းအရင်းကိုရော ရီကို အဖြေရှာနိုင်သွားမလားဆိုတာကိုတော့ ရင်သပ်ရှုမောဖွယ် ကြည့်ရှုရမဲ့ သရဲကားကောင်းလေးတစ်ကားဖြစ်ပါတယ်။ File size…1.67GB / 797MB Quality… WEB-DL 1080p/ 720p Format…mp4 Duration…. 1 hr. 34 min. Genre ….. Horror, Thriller, Drama Subtitle….Myanmar Subtitle (Hard Sub)

Incomplete Chairs (2025) စိတ္တဇ လက်သမားဆရာ နှင့် လူသားကုလားထိုင် The Silence of the Lambs , The Texas Chain Saw တို့လို စိတ္တဇဆန်ဆန် Cannibal ကားတွေကြိုက်တဲ့လူတွေ အကြိုက်တွေ့စေမယ့် ဂျပန် Horror ရုပ်ရှင်ဖြစ်ပါတယ် ဇာတ်လမ်းကတော့ စိတ်ပိုင်းဆိုင်ရာ ပုံမှန်မဟုတ်ဘဲ စိတ္တဇဆန်တဲ့ စိတ်ဝေဒနာ ခံစားနေရသူ ပရိဘောဂ လက်သမားဆရာတစ်ဦး အကြောင်းကနေ စတင်ထားတာပါ။ သူ့မှာ ဘဝရဲ့ တစ်ခုတည်းသော ရည်မှန်းချက်နဲ့ စွဲလမ်းမှု တစ်ခုပဲ ရှိပါတယ်။ အဲ့ဒါကတော့ ကမ္ဘာပေါ်မှာ အပြည့်ဝဆုံးနဲ့ အလှပဆုံး "ပြီးပြည့်စုံသော ကုလားထိုင်" (Perfect Chair) တစ်လုံးကို ကိုယ်တိုင် ဖန်တီးပြုလုပ်ဖို့ပါပဲ။ ဒါပေမဲ့ ဒီလို ပြီးပြည့်စုံတဲ့ ကုလားထိုင် ရရှိဖို့အတွက် သူ့ရဲ့ စွဲလမ်းမှုဟာ အတားအဆီးမရှိ ရူးသွပ်လာခဲ့ပြီး... သာမန် သစ်သားတွေကို အသုံးမပြုတော့ဘဲ သွေးပျက်ဖွယ်ရာ လူသားအစိတ်အပိုင်းတွေကို အသုံးပြုပြီး ကုလားထိုင် ဖန်တီးဖို့ ကြိုးစားပြီး လူတွေတစ်ယောက်ချင်းစီ ဖမ်းဆီးသ-တ်ဖြတ်ပါတော့တယ်။ American Psycho လိုမျိုး လူ့အသိုင်းအဝိုင်းရဲ့ ကုလားထိုင်စွဲလမ်းမှုတွေကို ဟာသနှောကာ သရော်ထားရင်း... ဒီစိတ္တဇ လက်သမားဆရာရဲ့ သွေးစွန်းလှတဲ့ ကုလားထိုင် ဖန်တီးမှုကြီး ဘယ်လို အဆုံးသတ်သွားမလဲဆိုတာကို ကြောက်မက်ဖွယ် ရှုစားကြရမှာ ဖြစ်ပါတယ်။

Visitors 2023 (ဧည့်သည်) IMDb 6.2 ကမ္ဘာကြီးပေါ်မှာ ယှဉ်တွဲနေထိုင်နေကြတဲ့ လူကောင်းလူဆိုးဆိုတာရှိသလို လူသားတွေကြားမှာ ရင်းနှီးမှုနဲ့ပဲရှေ့တန်းတင်နေထိုင်ချင်ကြတဲ့ မကောင်းဆိုးဝါးတွေလည်းရှိပါတယ် မကောင်းဆိုးဝါးတိုင်းကတော့ မကောင်းတာမဟုတ်ပါဘူးပေါ့ ဒီဂျပန်ကားလေးကတော့ အဆိုတော်တစ်ယောက်နဲ့ ဇွန်ဘီတွေကြားက သံယောဇဉ်ကိုရိုက်ပြထားတာပါ ဒီဇွန်ဘီတွေကို လိုက်သတ်နေတဲ့လူတစ်စုရယ် ဇွန်ဘီကယ်လိုရှင်သန်နေတဲ့အဆိုတော်နဲ့ ဒီအဆိုတော်ကို ဗဟိုပြုရင်းရှင်သန်နေတဲ့ ဇွန်ဘီတစ်သိုက်တိုရဲ့ အသက်ရှင်ဖိုလမ်းကို ကြိုးစားကြပုံတွေကိုရိုက်ကူးတင်ဆက်ထားတာပဲဖြစ်ပါတယ် ဆာတိုလိုခေါ်တဲ့ ကောင်လေးဆီကို သူ့သူငယ်ချင်း၃ယောက်ဟာ ဖုန်းအဆက်အသွယ်မရတာနဲ့ စိတ်ပူပြီး လိုက်လာရာကနေ ဇာတ်လမ်းကို အစပြုထားပါတယ်။ ဒီလိုလိုက်လာရာကနေပဲ ကံဆိုးမိုးမှောင်ကျပြီးတော့ နာနာဆိုတဲ့ကောင်မလေးကစတင်ပြီး ဇွန်ဘီဖြစ်သွားရာကနေ သူငယ်ချင်း၃ယောက်လုံး အချင်းချင်းကိုက်ကြပြီး ဇွန်ဘီတွေ ဖြစ်လို့သွားပါတယ်။ ဒီလိုနဲ့ နောက်ပိုင်းမှာ ဇွန်ဘီတွေက ကြီးစိုးလာပြီး လူသားတွေကို ကျွန်ပြုရာက‌နေ နောက်ပိုင်းမှာ ဇွန်ဘီတွေ ဘယ်လိုဖြစ်သွားမလဲ ........ ဇွန်ဘီတွေကို လိုက်လံနှိမ်နင်းနေတဲ့ ဇွန်ဘီသတ်သမားနဲ့ ဇွန်ဘီသူငယ်ချင်းအုပ်စု ဘာတွေဆက်ဖြစ်ကြမလဲ .... ဆိုတာတွေကို ကြည့်ရှုခံစားရမှာပဲဖြစ်ပါတယ်။ ( အညွှန်းနဲ့ ဘာသာပြန်တွေကတော့ Yunni ~ ToMo တိုပဲဖြစ်ပါတယ် ) File size… 967MB / 423MB Quality…WEB DL 1080p / 720p Format…mp4 Duration….1h 1min Subtitle….Myanmar Subtitle (Hard Sub) Encoder….YK Translated by Yunni ~ ToMo