Simon Helberg ပါဝင်သော ဇာတ်ကားများ

The Audacity (2026) Season 01 (Complete) IMDb Rating (5.1) / Rotten Tomatoes (75%) ဒီ Series ဇာတ်အိမ်တည်ထားတဲ့ နေရာကတော့ နည်းပညာအရတီထွင်နိုင်မှုတွေဆိုတာ အနာဂတ်ကို ပြောင်းလဲဖို့မဟုတ်ပဲ ထိန်းချုပ်ဖို့ဆိုတဲ့ အတွေးတွေနဲ့ လူချမ်းသာတစ်သိုက်နေတဲ့ ဆီလီကွန်တောင်ကြားဆိုတဲ့ နေရာပါ။ ဒန်ကန်က ထက်မြက်ပေမဲ့ မာနကြီးလွန်းတဲ့ စီးအီးအိုတစ်ယောက်ဖြစ်ပြီး သူ့ကုမ္ပဏီကို အင်အားကြီးကုမ္ပဏီတစ်ခုနဲ့ ပေါင်းစည်းရေးဆွေးနွေးနေချိန်မှာ အကွက်ရွှေ့မှားပြီး ရှယ်ယာထိုးကျတော့မယ့် အန္တရာယ်နဲ့ ကြုံနေရတဲ့သူပါ။ အားကိုးရာပျောက်နေတဲ့အချိန်မှာ သူ့စိတ်ရောဂါကုဆရာ၀န်ကို အကူအညီတောင်းပေမဲ့ မရတဲ့အခါ လူတွေရဲ့ ကိုယ်ရေးကိုယ်တာအချက်အလက်တွေကို ချနင်းတတ်တဲ့သူပီပီ နောက်ကြောင်းလိုက်ဖော်ရင်း သူ့ဆရာ၀န်ရဲ့ အားနည်းချက်ကို မိသွားပါတယ်။ အဲဒါကို ချုပ်ကိုင်ပြီး သူ့ကို ကူညီဖို့ ခိုင်းရင်းနဲ့ ပရော်ဖက်ရှင်နယ်ဆက်ဆံရေးတစ်ခုကနေ နှစ်ဖက်လုံးဘက်က စည်းတွေဘောင်တွေကို ရိုက်ဖျက်လာတဲ့ အန္တရာယ်များတဲ့ ဆက်ဆံရေးအသွင် ပြောင်းသွားပါတော့တယ်။ လက်ထဲမှာ လူတွေရဲ့ကိုယ်ရေးကိုယ်တာအချက်အလက်တွေကို တစ်ခဏအတွင်း ရှာနိုင်တဲ့လက်နက်ရထားပေမဲ့ လူတွေကို ကူညီဖို့မသုံးပဲ တိုက်ခိုက်ဖို့သုံးချင်တဲ့ ဒန်ကန်နဲ့ သူ့ရဲ့ လူနာတွေဆီက အချက်အလက်တွေကို လျှို့ဝှက်မထားပဲ ချနင်းထားတဲ့ ကျင့်၀တ်မညီတဲ့ စိတ်ရောဂါဆရာ၀န်တို့နှစ်ယောက် ဘယ်လိုနှစ်ပါးသွားကြမလဲဆိုတာတော့ ကိုယ်တိုင်ပဲ ကြည့်လိုက်ကြပါ။ လက်နက်ရောင်းတဲ့သူတွေက သူတို့သားသမီးတွေကို မိုင်းနဲ့မဆော့ခိုင်းဘူးဆိုတဲ့ အတိုင်းပဲ နည်းပညာကို လက်နက်လိုအသုံးချ ချမ်းသာနေကြတဲ့ လူချမ်းသာတစ်အုပ်ကြားက လျှို့ဝှက်ချက်‌တွေ အငြီအဟောက်တွေတစ်ပုံကြီးပါမယ့် Series အသစ်စက်စက်လေးအပြင် 5/10 IMDb ရထားတာကြောင့် ကြည့်ပျော်ပါတယ်။ File size… (990 MB) / (550 MB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama Duration…. 01:06:31 Subtitle…. Myanmar Subtitle (Hardsub)

ဂျွန်ဘတ်စ်တီဆိုတာ အမေရိကန်ဂီတလောကမှာတော့ မသိတဲ့သူမရှိသလောက်ကို အောင်မြင်နေတဲ့ ဂီတပညာရှင်တစ်ယောက်ပါ။ ၂၀၂၂ ခုနှစ် ဂရမ်မီဆုပေးပွဲမှာလဲ ဂရမ်မီဆုတွေတသီကြီးသိမ်းကြုံးယူသွားတဲ့သူပေါ့။ တေလာဆွစ်တို့ ဘယ်လီအိုင်းလစ်ချ်တို့ကိုကျော်ပြီး တစ်နှစ်တာအကောင်းဆုံး အယ်ဘမ်ဆုကိုပါ သိမ်းပိုက်သွားသူပါ။ သူ့ရဲ့ Freedom ဆိုတဲ့သီချင်းဟာလဲ အတော်ပေါက်သွားတဲ့သီချင်းလေးပါ။ သူ့ရဲ့ငယ်ဘဝမှာအိပ်မက်တစ်ခုရှိပါတယ် ဂီတဆိုတာ ပေါ့တွေ ဂျက်ဇ်တွေ ဘာတွေအမျိုးစားခွဲခြား မနေပဲနဲ့ အားလုံးကိုပေါင်းစုပြီးတော့ American Symphony ဆိုတဲ့သံစုံတီးဝိုင်းနဲ့သီချင်းတစ်ပုဒ်ကိုဖန်တီးနေချင်တာပါ။ သူ့ရဲ့ငယ်ဘဝဟာလဲ ခက်ခဲခဲ့ပါတယ်။ မြေအောက်ရထား ဘူတာရုံတို့ လမ်းဘေးတို့မှာ အလကားသီချင်းဆိုပြီး နေ့တိုင်းပဲစားပြီး ဘဝကိုဖြတ်သန်းခဲ့ရတာပါ။ ဒါပေမဲ့ စာရေးဆရာမ ဆူလိုက်ခ်နဲ့တွေ့ပြီး ဘဝရဲ့လက်တွဲဖော်ကိုတွေ့ရှိခဲ့ပြီး နှစ်ယောက်သား အေးအတူပူအမျှဖြတ်သန်းခဲ့ပေမဲ့ ဆူလိုက်ခ်မှာက သွေးကင်ဆာရောဂါရှိနေတာပါ။ ဂျွန်ဘတ်စ်တီကလဲ သူ့ရဲ့အိပ်မက်ဖြစ်တဲ့ Amreican Symphony ကို အကောင်ထည်ဖော်ဖို့ နှစ်နှစ်လောက်ကြာခဲ့ပြီး ဒီကြားထဲ ဇနီးဖြစ်သူရဲ့ကင်ဆာရောဂါကလဲ နောက်ဆုံးအဆင့်ကိုရောက်နေပါပြီ။ သူ့အနေနဲ့ ဒီလိုဖိအားတွေ လူမည်းက ဒီလို သံစုံတီးဝိုင်းကြီးလုပ်ရမလားဆိုပြီး ဝေဖန်တာတွေကြား ခဏခဏရပ်ပစ်ဖို့စဉ်းစားခဲ့ရပါတယ်။ ဒါပေမဲ့ ဇနီးဖြစ်သူ သူငယ်ချင်းအပေါင်းသင်းတွေရဲ့ဖေးမမှုကြောင့်ပဲ ဒီ American Symphony ကြီးကိုလုပ်ဖြစ်ခဲ့တာပါ။ ဂျွန်ဘတ်စ်တီနဲ့ ဆူလိုက်ခ်တို့ရဲ့အချစ်ရေးဟာလဲ အမေရိကန်မှာ လူကြိုက်အများဆုံးအချစ်ရေးပါပဲ။ သူတို့ရဲ့အကျဉ်းချုံးကျင်းပတဲ့ ဗီဒီယိုဖိုင်နဲ့ သီချင်းဟာလဲ ယူကျု့မှာနာမည်ကြီးပါပဲ။ ဂျွန်ဘတ်စ်တီရဲ့ သူ့အနုပညာ ဘဝခရီးအကြောင်းရိုက်ထားတဲ့ Documentary လေးဟာ ၂၀၂၃ မှာထွက်ရှိလာခဲ့ပြီး Channel Myanmar ပရိတ်သက်ကြီးအတွက်တင်ဆက်ပေးလိုက်ပါတယ်။ File size…3.9GB / 900MB Quality…WEB DL 1080p / 720p Format…mp4 Duration….1h 44m Subtitle….Myanmar Subtitle (Hard Sub) Encoder….YK Translated by K Hein

လူဦးရေတိုးပွားမှုနဲ့ ရာသီဥတုဖောက်ပြန်မှုတွေကြားမှာ လူသားတွေက နေထိုင်လို့ရမယ့် တခြားဂြိုဟ်တစ်ခုကို ရှာဖွေနေကြဆဲပါ။ အဲလက်စ်ကတော့ မားစ်ကို သွားဖို့ အစီအစဉ်ချထားပြီးသား ဖြစ်နေတယ်။ ဒါပေမယ့် ဒီခရီးက ပြန်လမ်းမရှိတဲ့ခရီး ဖြစ်နေတာကြောင့် မိသားစုနဲ့ ညှိနှိုင်းတဲ့အခါ အဆင်မပြေမှုတွေ ပေါ်လာပါတယ်။ အဖေက သူ့ပန်းစိုက်ခင်းကို အဲလက်စ် လက်လွှဲယူစေချင်ပေမယ့် သားကလည်း ကိုယ်လုပ်ချင်တာကို ဖြစ်အောင်လုပ်တတ်သူပါ။ ကမ္ဘာပေါ်မှာ ရှာဖွေစရာ အသစ်အဆန်းတွေ မကုန်သေးဘဲ အဲလက်စ်က ဘာကြောင့် အပြီးထွက်သွားချင်နေတာလဲ။ မိသားစုရဲ့ ဆန္ဒနဲ့ သူရွေးထားတဲ့ခရီးကြားမှာ အဲလက်စ် ဘယ်လိုဆုံးဖြတ်မလဲဆိုတာ ဆက်တွေ့ရမှာပါ။

~ Rotten Tomatoes - 81% ~ မင်းသားကြီး Dustin Hoffman ရဲ့ ဇာတ်ကားအသစ်ဖြစ်ပြီး သူ့အပြင် The Big Bang Theory ထဲက Howard အနေနဲ့ လူသိများခဲ့တဲ့ မင်းသား Simon Helberg ရဲ့ TBBT အလွန် Acting Skill တွေကိုပါ ရှုစားကြရပါလိမ့်မယ်။ ဒီကားကိုကြည့်ရင်းတွေးမိတာက အဘီဂေးရဲ့မိသားစုလိုမျိုးက လက်တွေ့မှာ လက်ညှိုးထိုးမလွဲများလွန်းတယ်လို့ပါပဲ။ မိဘတွေက သားသမီးကိုရွေးလို့ရတယ် သားသမီးကမိဘကိုရွေးလို့မရဘူး ဆိုတဲ့စကားအတိုင်းပါပဲ။ အဘီဂေးတို့မောင်နှမက မွန်းကြပ်ဖို့ကောင်းတဲ့မိဘတွေ ပိုင်ဆိုင်ထားတဲ့သူပါ။ ဒါပေမဲ့ အစ်ကိုဖြစ်သူက ကိုယ်လွတ်ရုန်းသွားတဲ့အချိန်မှာ ကိစ္စတွေက အကုန် အဘီဂေးခေါင်းပေါ်ကျလာပါတော့တယ်။ ကိုယ်ကလည်း ကလေးနှစ်ယောက်နဲ့ တစ်ခုလပ်ဖြစ်နေတဲ့အပြင် အဖေကလည်းနာမကျန်းဖြစ် အမေကလည်းတစ်မျိုးနဲ့ အဘီဂေးရဲ့ဘဝကို စိတ်၀င်တစားကြည့်ရမှာပါ။ အားလုံးပဲ ကြည့်ရှုခံစားလိုက်ကြပါဦး။ (ဒီကားလေးက ရိုးရှင်းပေမဲ့ ငယ်ဘ၀ Trauma ရှိတဲ့သူတွေ၊ ပုံစံတူတဲ့မိသားစုကို ပိုင်ဆိုင်ထားတဲ့သူတွေအတွက်တော့ မျက်ရည်ဖြိုင်ဖြိုင်ကျအောင်လုပ်နိုင်ပါလိမ့်မယ်။ လူတိုင်းနီးပါးကတော့ အဖေနဲ့အမေစကားများရင် ချောင်တစ်ချောင်မှာကပ်ပြီး ခိုးငိုဖူးကြတဲ့သူတွေပဲမလား...) (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 1.9GB, 790MB Quality - 1080p, 720p Format - mp4 Duration - 1H 40Min Genre - Drama Subtitle - Myanmar Subtitle (Hardsub) Translated by Soe Thiri Swe Encoded by Y

Annette (2021) IMDb Rating - 6.6/10 Adam Driver နဲ့ Marion Cotillard တို့ ပါ၀င် သရုပ်ဆောင်ထားတဲ့ ဒီဇာတ်လမ်းဟာဆိုရင် musical film ငတ်နေသူတွေအတွက်တော့ဘ၀င်ကျစရာပါပဲ၊ La La Land တို့ The Greatest Showman တို့လို ဇာတ်လမ်း အဖြစ်အပျက်ကို သီချင်းတွေ သီဆိုရင်း အနုပညာမြောက်မြောက် တင်ဆက်ထားတာ တွေ့ရပြီး နားကြပ်လေးသာ တပ်ကြည့်ရင် ဂီတအနှစ်သာရခံစားရတာ ပိုပြီးကောင်းပါလိမ့်မယ်။ Musical film ဖြစ်တဲ့အတွက် Plot ကိုပဲ အာရုံစိုက်ပြီး ကျန်တာဘေးထားကြည့်နိုင်ရင်တော့ အပန်းဖြေစရာ ဇာတ်လမ်း တစ်ပုဒ်ဖြစ်မှာပါ။ ဇာတ်လမ်းအကျဉ်းကတော့ ဟင်နရီဆိုတဲ့ လူဟာ stand-up comedian တစ်ယောက်၊ အန်ဆိုတဲ့ အမျိုးသမီးက opera singer တစ်ယောက်၊ ၂ ယောက်လုံးဟာ သူ့နယ်ပယ်မှာသူ ဒိတ်ဒိတ်ကြဲအောင်မြင်နေသူတွေ ဒီလိုအချိန်မှာ ရုတ်တရက် လက်ထပ်လိုက်ကြပြီး အန်းနက်ဆိုတဲ့ သမီးလေးမွေးဖွားလာတယ်။ သို့ပေမဲ့ အန်းနက်ဆိုတဲ့ ကလေးမလေးဟာ သာမန်မဟုတ်ဘဲ အများနဲ့မတူတဲ့ လူသားလေးတစ်ယောက် ဖြစ်နေတဲ့အခါ ဘ၀တွေ ဇောက်ထိုးမိုးမျှော် ဖြစ်ကုန်ရင်း အခက်ကြုံရပုံတွေကို စိတ်၀င်စားဖွယ် ရိုက်ကူးထားပါတယ်။ (ဒီဇာတ်လမ်းရဲ့ အညွှန်းကို Yoon Sandi Aung  မှရေးသားပေးပြီး၊ ဘာသာပြန်ရေးသားပေးသူများကတော့ F&R Team ပဲ ဖြစ်ပါတယ်။) Quality – 1080p, 720p, 360p WebRip Duration - 2h 21min Subtitle – Myanmar Hardsub Format – Mp4 Genre : Drama, Musical, Romance Source : 1080p.WebRip Translator – F&R Team Encoder – SWM

ဒီဇာတ်လမ်းမှာတော့ Florence Foster Jenkins ဆိုတဲ့ အမျိုးသမီးကြီးရဲ့ ဘဝဇာတ်ကြောင်းကို တင်ဆက်ပေးထားတာ ဖြစ်ပါတယ်။ ဂီတကို ရိုးသားစွာချစ်မြတ်နိုးသူတစ်ယောက်အနေနဲ့ ကိုယ်ပိုင် ဗာဒီကလပ် ကို တည်ထောင်ပြီး နယူးယောက်မြို့အတွက် ဂီတကို ပေးဆပ်သူအဖြစ် ခံယူထားခဲ့ပါတယ်။ ဖလောရန့်စ်ဟာ ပထမအိမ်ထောင်က ကူးစက်လာတဲ့ ဆစ်ဖလစ်ရောဂါကို နှစ် (၅၀) ကြာ ခံစားလာခဲ့ရသူဖြစ်ပြီး သူ့ရဲ့ လက်ရှိအိမ်ထောင်လည်းဖြစ်၊ မန်နေဂျာလည်းဖြစ်တဲ့ မစ္စတာစိန့်ကလဲရ်ဘေးဖီးဒ်နဲ့ နှစ်များစွာ လက်တွဲလာခဲ့ပါတယ်။ ဂီတပွဲတစ်ခုအတွင်းက လီလီပွန်းစ်ရဲ့တင်ဆက်မှုကို မစ္စတာဘေးဖီးဒ်နဲ့အတူ ကြည့်ရှုခဲ့ပြီးနောက်မှာတော့ သူ့ရဲ့ သီချင်းဆိုလေ့ကျင့်ခန်းတွေကို ဆက်လက်ကြိုးစားဖို့ ဆုံးဖြတ်ခဲ့ပါတယ်။ စန္ဒရားဆရာဖြစ်သူကော့စမီးမက်မွန်း ကိုလည်း ငှ ားရမ်းပြီးတော့ ပင်တိုင်စန္ဒရားဆရာအဖြစ်အသုံးပြုခဲ့ပါတယ်။ စိန့်ကလဲရ်အနေနဲ့ ပွဲငယ်လေးတစ်ခုစီစဉ်ပြီး ပရိသတ်တွေကို လက်ရွေးစင်ရွေးချယ်ကာ သူ့မိန်းမ ဖလောရန့်စ်ကို သီချင်းဆိုကောင်းသူအဖြစ် ထင်ယောင်ထင်မှားဖြစ်အောင် ဖန်တီးခဲ့ပါတယ်။ ဂီတကိုရိုးသားစွာခုံမင်သူ ဖလောရန့်စ်အတွက်ကတော့ သူ့ရဲ့ကမ္ဘာလေးက သူစိတ်တိုင်းကျ ဖြစ်လာခဲ့ပြီလို့ ထင်ယောင်နေခဲ့ပါတယ်။ အမှန်တကယ်မှာတော့ သူ့ယောကျ်ားကိုယ်တိုင်ရဲ့ စေတနာနဲ့လှည့်စားမှုအောက်မှာ ပရိသတ်ကိုလိမ်ညာသူ ဖြစ်မှန်းမသိဖြစ်လာခဲ့ပါတယ်။ စိန့်ကလဲရ်ဖန်တီးပေးထားတဲ့ အကဲဖြတ်ချက်ကောင်းတွေကို ယုံကြည်မိသူ မဒမ်ဖလောရန့်စ်အနေနဲ့ ကော့စမီး မက်မွန်းနဲ့အတူ ကိုယ်ပိုင်သီချင်းတွေကိုပါ ဖန်တီးသီဆိုလာခဲ့ပြန်ပါတယ်။ သီချင်းတစ်ပုဒ်ပါရေဒီယိုမှာ လွှင့်ခွင့်ရခဲ့တဲ့အချိန် ပရိသတ်တွေက ဟာသနဲ့ အပျော်သဘောတောင်းဆိုမှုတွေ များလာခဲ့ပါတယ်။ မဒမ် ဖလောရန့်စ်အတွက် ကာနေဂီဟောလ်မှာ ဖျော်ဖြေဖို့အထိ အားအင်တွေ ရလာခဲ့ပြီး စိန့်ကလဲရ်အနေနဲ့ ကော့စမီးမက်မွန်းကိုပါ လေဒီဖလောရန့်စ်ကို ကူညီဖျော်ဖြေပေးဖို့ တိုက်တွန်းခဲ့ရပါတယ်။ လူ ၃၀၀၀ ခန့်ဆန့်တဲ့ နာမည်ရခန်းမတစ်ခုဖြစ်တဲ့ ကာနေဂီဟောလ်မှာ ဖျော်ဖြေရမယ့်အခွင့်အရေးကို လိုချင်ပေမယ့် လှောင်ပြောင်နှာခေါင်းရှုံ့မယ့်သူတွေနဲ့ အဖြစ်ဆိုးကြီးကို ကြိုမြင်နေသူ ကော့စမီးမက်မွန်း အနေနဲ့ စိတ်မသက်သာစွာပဲ သဘောတူခဲ့ပါတယ်။ လေဒီဖလောရန့်စ်ကိုယ်တိုင်ကလည်း တိုင်းပြည်အတွက် အနစ်နာခံပေးခဲ့သူ စစ်သားတွေကို ဒီဖျော်ဖြေပွဲကို တက်ရောက်နိုင်ဖို့ လက်မှတ် ၁၀၀၀လှူဒါန်းခဲ့ပါတယ်။ ဂီတပွဲကလည်း မထင်မှတ်ထားဘဲ နာမည်ကြီးတွေပါ တက်ရောက်အားပေးခဲ့ပြီး သောက်စားလာတဲ့အရှိန်ကြောင့် ရော နာမည်ကြီးမင်းသမီးတွေကိုပါ တွေ့ရလို့ အပျော်လွန်နေတဲ့ စစ်သားတွေဟာ မဒမ်ဖလောရန့်စ်ရဲ့ ဖျော်ဖြေမှုကို ဟားတိုက်လှောင်ပြောင်စော်ကား လာခဲ့ပါတော့တယ်။ မဒမ်ဖလောရန့်စ်ရဲ့ ဂီတအပေါ်ရှုးသွပ်မှုကို လောင်စာပေးခဲ့သူ စိန့်ကလဲရ်ကပဲ ဒီအဖြစ်ဆိုးရဲ့တရားခံလား။ ရိုးသားမှုမရှိဘဲ ငွေမျက်နှာကြောင့် မဒမ်ဖလောရန့်စ်အပေါ် အကဲဖြတ်ကောင်းတွေ ပေးခဲ့သူတွေ၊ ချီးကျူးခဲ့သူ အပေါင်းအသင်းတွေကပဲ တရားခံလား။ ဘယ်လိုပဲဖြစ်ဖြစ် ဂီတအပေါ် ရိုးသားစွာခုံမင်မိသူ မဒမ်ဖလောရန့်စ်အနေနဲ့ နှလုံးသည်းပွတ်ကြွေမတတ် သီဆိုဖျော်ဖြေနေခဲ့တာတွေက အများအမြင်မှာ ရယ်စရာဟာသတစ်ခုလို ဖြစ်နေခဲ့တဲ့အဖြစ်မှန်တွေကိုသိပြီး သူထင်မှတ်ထားတဲ့ ကမ္ဘာကြီးက ပြောင်းပြန်ဖြစ်နေခဲ့တယ်ဆိုတာကိုနှစ်များစွာကြာမှ သိခဲ့ရပါတော့တယ်။ အစစ်အမှန်ပဲဖြစ်ဖြစ် အတုအယောင်ပဲဖြစ်ဖြစ် မဒမ်ဖလောရန့်စ်အတွက်တော့ သူမရဲ့ဂီတဘဝမှာ လူတွေက သူ့ကို သီချင်းမဆိုနိုင်ဘူးလို့ ပြောလို့ရချင်ရမယ်၊ သီချင်းမဆိုခဲ့ဘူးလို့တော့ ပြောလို့မရပါဘူး။ File size…      1.6 GB /   620 MB Quality… BluRay 1080p / 720p Format… mp4 Duration…. 1h 51m Genre ..... Comedy/Drama Subtitle…. Myanmar Subtitle (Hard Sub) Encoder…. Thit San Khant Translated by Sai Sumali

Our whole universe was in a hot, dense state Then nearly fourteen billion years ago expansion started, wait Sit-com တွေထဲမှာ fan တွေ တောင်းဆိုမှုအများဆုံး ဖြစ်တဲ့ The Big Bang Theory ကို ဘာသာပြန်တင်ဆက်ပေးလိုက်ပါပြီ။ ဒုတိယ တောင်းဆိုမှုအများဆုံးကတော့ Friends စီးရီးပါပဲ။ Friends က ဂန္ဓဝင် sit-com တစ်ခုဖြစ်ပေမယ့် သိပ္ပံဟာသတွေ၊ စူပါဟီးရိုးဟာသတွေ အများကြီးပါတဲ့ big bang theory ကိုတော့ ကျွန်တော်ပိုကြိုက်မိပါတယ်။ ဒီစီးရီးကလည်း Dr.House လိုပဲ အရမ်းကောင်းသလောက် ဘာသာပြန်ရ အရမ်းခက်တာမို့ ဖြည်းဖြည်းချင်းပဲ တင်သွားမှာပါ။ မကြည့်ဖူးသေးတဲ့ သူတွေ တစ်ပိုင်းလောက် မြည်းကြည့်လိုက်ပါ။ ကြိုက်တယ်ဆိုရင်တော့ လူများများကြည့်ဖြစ်သွားအောင် ညွှန်းပေးကြပါဦး။ ဇာတ်လမ်းအကျဉ်း အဓိက အမျိုးသား ဇာတ်ကောင် ၄ ယောက်ကတော့ လီရိုနက်၊ ရှယ်လ်ဒန်၊ ဟောင်းဝဒ်၊ ကူသရာပါလီ ဆိုတဲ့ သိပ္ပံပညာရှင် လူငယ် ၄ ယောက်ပါပဲ။ တစ်ယောက်တစ်မျိုးစီ တလွဲတချော်တွေနဲ့ ရယ်စရာ အပြည့်နဲ့ သိပ္ပံ nerd ရုပ်ရှင်ဂိတွေပါ။ အားလုံးထဲမှာ genius အဖြစ်ဆုံးနဲ့ ကို့ရို့ကားယားအနိုင်ဆုံးကတော့ ရှယ်လ်ဒန်ပါပဲ။ သူတို့ရဲ့ တည်ငြိမ်နေတဲ့ သီးသန့် ဂိ အသိုင်းအဝိုင်းလေးထဲကို တစ်နေ့မှာ အရမ်းလှတဲ့ မိန်းမချောလေးတစ်ယောက် ရောက်လာတဲ့အခါ.... Translated And Encoded by Mr.Anderson

IMDb 7 / Rotten Tomatoes 89% အပြင် ဆုပေါင်း ၁၇ ခုကိုသိမ်းပိုက်နိုင်ခဲ့ပြီး အော်စကာ ၂ ဆုအတွက်ပါ ဆန်ကာတင်ရွေးချယ်ခံခဲ့ရတဲ့ ကားဟောင်းလေးတစ်ကားနဲ့မိတ်ဆက်ပေးချင်ပါတယ်။ ခင်ဗျားတို့ဘ၀မှာ တချိန်တည်းမှာ ပြဿနာပေါင်းသောင်းခြောက်ထောင်ကို ရင်ဆိုင်ရမယ်ဆိုရင် ခင်ဗျားတို့ဘယ်လိုများရင်ဆိုင်ကျော်လွှားဖို့ကြိုးစားကြမလဲ။ ဒီရုပ်ရှင်ထဲက ဂျူးလူမျိုး ရူပဗေဒပါမောက္ခတစ်ဦးဖြစ်တဲ့ လယ်ရီဂေါ့ပ်နစ်ခ်ကလည်း သူ့ရဲ့သာယာနေတဲ့ဘ၀လေးထဲကို ပြဿနာပေါင်းစုံ၀င်လာလို့ ဒုက္ခပင်လယ်ဝေခဲ့ရတဲ့သူပါ။ လယ်ရီဂေါ့ပ်နစ်ခ်က တက္ကသိုလ်မှာ ရူပဗေဒဘာသာရပ်ကိုသင်ကြားရင်း မိသားစုကိုဦးဆောင်နေတဲ့ ကလေးနှစ်‌ယောက်အဖေ အိမ်ထောင်ဦးစီးတစ်ယောက်ပါ။ တစ်ရက်မှာတော့ လယ်ရီ့ရဲ့ ပါဆင်နယ်ရော ပရော်ဖက်ရှင်နယ်ဘ၀ထဲကိုပါ မထင်မှတ်ထားတဲ့ ပြဿနာအရှုပ်ထုပ်ပေါင်းစုံက တချိန်တည်းမှာဆိုက်ဆိုက်မြိုက်မြိုက်ကြီး၀င်ရောက်လာတဲ့အခါမှာတော့ လယ်ရီတစ်ယောက် ရရာကောက်ရိုးလေးတမျှင်ကိုဆွဲပြီး ဒီအခက်အခဲတွေကို အံတုရင်ဆိုင်ဖြေရှင်းဖို့ ကြံရပါတော့တယ်။ လယ်ရီနေရာမှာသရုပ်ဆောင်ထားတဲ့ Michael Stuhlbarg ဟာဆိုရင်လည်း ၁၉၉၀ နဲ့ ၂၀၀၀ခုနှစ်ကျော်အတွင်းမှာ ရုပ်ရှင်ကားကောင်းတွေကိုရိုက်ကူးခဲ့တဲ့ ဝါရင့်သရုပ်ဆောင်ကြီးဆိုတော့ အက်တင်ဘာညာကတော့ ကြည့်မကောင်းမှာမပူရပါဘူး။ ရုပ်ရှင်ပြီးသွားတဲ့အထိကို ဘာဆက်ဖြစ်မလဲဆိုတာကို ပရိတ်သတ်ကိုဆက်ပြီး အတွေးနယ်ချဲ့ခိုင်းစေပြီး ချန်ထားခဲ့မယ့်ရုပ်ရှင်မျိုးပါ။ ပေါ့ပေါ့ပါးပါးနဲ့ ဟာသလေးတွေနှောပြီးရိုက်ကူးထားတဲ့ ရူပဗေဒပါ‌မောက္ခကြီးရဲ့အလွဲတွေကို သေချာပေါက် အချိန်ပေးရှုစားကြည့်ဖို့တန်ကြောင်း အကြံပေးလိုက်ရင်းနဲ့ပဲ... File size…(1.8 GB)/(830 Mb) Quality….Blu-Ray 1080p / 720p Format…mp4 Duration….01:46:00 Genre... Comedy, Drama Subtitle….Myanmar Subtitle (Hardsub) Encoder….Garfield Translated by Steven Khant

အတ္တုပတ္တိ( Biopic) ရုပ်ရှင်တွေ အထူးသဖြင့် ဂီတလို့ ပြောလိုက်တာနဲ့ ကြည့်ရှုသူ အများစုကတော့ သိကြမှာပါပဲ။ အဆိုတော် ဒါမှမဟုတ် ဂီတလောကရဲ့ အနပညာရှင် တစ်ယောက်ယောက်ဖြစ်မယ်။ လူဖြူလည်းဖြစ်မယ် လူမည်းလည်း ဖြစ်ရင်ဖြစ်မယ်။ သူတို့ရဲ့ ဘ၀ခရီးလမ်း အခက်အခဲတွေ ဘယ်လိုမျိုး ကျော်ဖြတ်လာရမလဲဆိုတာကို ဝေဆာနေအောင် ကွန့်မြူးပြီး ပြောကြမယ်။ ဒါပေမဲ့ ဒီကားကတော့ ဒီလိုမဟုတ်ဘူး။ ဖန်တရာတေဒီဇာတ်ကြောင်းတွေပဲ ထပ်နေတဲ့ ဒီရုပ်ရှင် အမျိုးအစားထဲကကိုမှ တကယ်မရှိတဲ့ ဒူဝီ ကော့စ် ဆိုတဲ့ အဆိုတော်ကို ဖန်တီးပြီး ဒီရုပ်ရှင်တွေကိုပဲ အကြီးအကျယ် ပြန်ဖဲ့သွားတာမျိုးဗျ။ ဥပမာ ပြောရရင် ဒီအဆိုတော်က ငယ်ငယ်က တခုခုကြောင့် စိတ်ဒဏ်ရာရပြီး တစ်ခုခုဖြစ်နေရမယ်။ ဒီကားမှာကတော့ ဘာမဆိုင် ညာမဆိုင် တောခုတ်ဓားတစ်ချောင်းကြောင့် မင်းသားအကိုသေပြီး မင်းသားက စိတ်ဒဏ်ရာ ရသွားတာမျိုးက စလှော်တော့တာပါပဲ။ ဂီတ အကျော်အမော်ကြီးတွေဖြစ်ကြတဲ့Bob Dylan, The Beatles, Elvisက အစ လူပေါင်းစုံရဲ့ စတိုင်တွေ အကုန်ပြောင်။ အဲဒါမှ အားကိုမရသေးရင် အဓိပ္ပါယ်နှစ်ခွနဲ့ အောက်လုံး သီချင်းတွေကို မင်းသားကဆိုပြလိုက်ရမှ။ မကျေနပ်သေးဘူးလား။ ဒါဆိုရင်လည်း ထုံးစံအတိုင်း ဆေးစွဲ မိန်းမရှုပ်တဲ့အခန်းတွေလာမယ်။ ဒါပေမဲ့ ဒိုင်ယာလော့တွေနဲ့ မြင်တွေ့နေကျ ဇာတ်၀င်ခန်းတွေကို လှော်ချက်တွေက တခွီးခွီးရယ်နေရမှာမျိုးတွေပေါ့။ Biopic ကိုမှ ကြိုက်နှစ်သက်ကြတဲ့CMပရိတ်သတ်ကြီးအတွက် နောက်နောင် Biopic တွေကြည့်တိုင်း အမှတ်ရနေမယ့် ကားကောင်းလေး တစ်ခုဖြစ်တဲ့အတွက် ကြည့်ရှုအားပေးကြပါဦးခင်ဗျ။ File size…      2.2 GB /   921 MB Quality… BluRay Extended 1080p / 720p Format… mp4 Duration…. 1h 36m Genre ..... Comedy/Music Subtitle…. Myanmar Subtitle (Hard Sub) Encoder…. Thit San Khant Translated by Brackman

ကမ္ဘာဦးအစမှာ အဖြစ်အပျက်တစ်ခု ဘုရားသခင်လက်ထက်မှာ ဖြစ်ပေါ်ခဲ့ဖူးတယ်လို့ ခရစ်ယာန် သမ္မာကျမ်းကဆိုပါတယ်။ အကျင့်ပျက် အကုသိုလ်တွေနဲ့ ဆိုးသွမ်းလာတဲ့ လူသားတွေအပေါ် ဘုရားသခင်က ကြီးမားတဲ့အပြစ်ပေးခဲ့တယ်။ လူသားတွေဟာ ကြီးမားတဲ့ရေလွှမ်းမိုးမှုကြီးအောက်မှာ သေကြေပျက်ဆီးသွားပြီး လူသားမျိုးနွယ် ချုပ်ငြိမ်းရမယ့်အဖြစ်ကို ရင်ဆိုင်ခဲ့ရတာပေါ့။ ဒါပေမယ့် နောဧဆိုတဲ့ လူသားတစ်ယောက်ကိုတော့ ဘုရားသခင်က အခွင့်အရေးတစ်ခုပေးခဲ့ပါတယ် ကမ္ဘာကြီးကို restart ချတဲ့ပုံစံနဲ့ ရွေးချယ်ခံရတဲ့ လူသားတွေ တိရိစ္ဆာန်မျိုးစိတ်တွေကို ကယ်တင်နိုင်ဖို့ ကြီးမားတဲ့ အာ့ခ် လှေကြီးတစ်စင်း တည်ဆောက်ရန်အတွက် နောဧကို ဘုရားသခင်က သတိပေးခဲ့တယ်။ နောဧက ဇနီးတစ်ယောက် သားသုံးယောက်နဲ့ လှေကြီးကိုတည်ဆောက်ပြီး လူသားများနဲ့ တိရိစ္ဆာန်မျိုးစိတ်တစ်ခုမှာ အဖိုအမ တစ်စုံစီကို ရေလွှမ်းမိုးမှုကြီးကနေ ကယ်တင်နိုင်ခဲ့တယ်။ အဲဒီလိုအဖြစ်မျိုး ယနေ့ကာလမှာ ထပ်မံပေါ်ပေါက်လာဖို့ အကြောင်းဖန်လာပါတယ်။ ဒါပေမယ့် ဒီတစ်ခါမှာတော့ ရေလွှမ်းမိုးမှုကြီးက ဘုရားသခင်ရဲ့ အမျက်ကြောင့်ဖြစ်ပေါ်လာတာမဟုတ်ဘဲ လူသားတွေရဲ့ အမှားကြောင့်ဖြစ်ပေါ်လာတာပါ။ ကမ္ဘာကြီးကို ပြောင်းလဲပစ်ချင်တဲ့ ပူပူနွေးနွေး အမေရိကန် ကွန်ဂရက်လွှတ်တော်အမတ်လေး အီဗန် ဘတ်စ်တာကို ခေတ်သစ် နောဧအဖြစ် ဘုရားသခင်က ရွေးချယ်လိုက်တဲ့အခါမှာတော့ ပေါက်ကရ ရယ်စရာအဖြစ်တွေ ပေါ်ပေါက်လာပါတော့တယ်။ မိသားစုကြည့် ရယ်စရာ ပညာပေးကားတစ်ကားဖြစ်ပြီး ဝါးလုံးကွဲရယ်ရတာမျိုးမဟုတ်ဘဲ တပြုံးပြုံးနဲ့ ဇာတ်ကားဆုံးတဲ့အထိ ထိုင်ကြည့်ရမယ့်ကားလေးပါ ပေးချင်တဲ့ သင်ခန်းစာလေးကလည်း လောကကြီးမှာ အမှန်တကယ်လိုအပ်နေတဲ့ အရာဖြစ်တယ်ဆိုတာကို ကြည့်ရှုခံစားပြီး ဆင်ခြင်သုံးသပ်လိုက်ကြပါဦး။ Size - 1.8GB, 1.2GB Quality - 1080p, 720p IMDb Rating - 5.4/10 Format - mp4 Duration - 1H 36Min Type - Comedy, Family Subtitle - Myanmar Subtitle (Hardsub) Translated by Arr Khun Winchester Encoded by Y

Sam ဟာ အဖေနဲ့အတူ ပျော်ပျော်ရွှင်ရွှင် နေခဲ့ရပေမယ့် အဖေနောက်အိမ်ထောင်ပြုလိုက်တဲ့အခါ မိထွေးက သူ့ကို မကြည်လှပါဘူး။ အဖေဆုံးသွားတော့ မိထွေးနဲ့ သူ့သမီးနှစ်ယောက်က အရာအားလုံးကို အပိုင်စီးလိုက်ကြပြီး Sam ကိုလည်း အစေခံတစ်ယောက်လို ခိုင်းစေကြတယ်။ ရှေးခေတ်နန်းတော်အစား ခေတ်သစ်ဘဝထဲမှာ ပြန်ပြောထားတဲ့ စင်ဒရဲလားဇာတ်လမ်းပါ။ Sam မှာ အွန်လိုင်းကနေ စကားပြောနေကျ အဖော်တစ်ယောက် ရှိပါတယ်။ နှစ်ယောက်သား ကျောင်းကပွဲမှာ လူချင်းတွေ့ဖို့ ချိန်းထားပေမယ့် မိထွေးက သူ့ကို လုံးဝမလွှတ်ဘဲ အလုပ်တွေပဲ ခိုင်းထားတယ်။ ဒီအခြေအနေကြားက Sam တစ်ယောက် ကပွဲကို ဘယ်လိုရောက်အောင် သွားမလဲ၊ သူ့ရဲ့စကားပြောဖော်နဲ့ရော ဘယ်လိုဆုံဖြစ်မလဲ။

ဒီဇာတ်ကားလေးကိုကြည့်ရင်း ကျွန်တော်သတိရမိတာက Superbad တို့ American Pie တို့လို ကျောင်းသား comedy ကားတွေကိုပါပဲ။ တစ်ခုရှိတာက အဓိကဇာတ်ဆောင်တွေက ကျောင်းသားတွေ မဟုတ်ကြဘူး၊ ဒါပေမယ့် ကျောင်းသားဟာသကားပါပဲ။ ဇာတ်လမ်းက မစ်ချ်မာတင်လို့ခေါ်တဲ့ သတ်လတ်ပိုင်း လူတစ်ယောက် အိမ်ကိုစောစောစီးစီးပြန်လာတဲ့အခါ ‌ အရိုးရဲ့ ‌‌‌အော်ပရာသီချင်းကိုလက်တွေဘဝမှာ ကြုံလိုက်ရပါတော့တယ်၊ ပိုတောင်ဆိုးသေးတယ်ဗျ သူ့မိန်းကလိင်စိတ်တော်တော်ပြင်းပြတော့ ယောကျ်ားခရီးသွားတိုင်း အဖွဲ့လိုက်ကြီးလုပ်နေကျ။ အဲဒီလိုနဲ့ စိတ်ဒဏ်ရာရသွားတဲ့ မစ်ချ်ကို သူ့သူငယ်ချင်းတွေကအရာအားလုံးကို ‌မေ့နိုင်အောင်ကူညီဖို့ကြိုးစားကြတဲ့အခါ ဘယ်လိုပြဿနာတွေတက်ကြမလဲ၊ ဘယ်လိုတွေကူညီကြမှာလဲဆိုတာကို အလွဲအချော်လေးတွေနဲ့ တင်ဆက်ထားလို့ အတော်ကိုရယ်ရပါတယ်ခင်ဗျာ။ ‌ ဇာတ်ဆောင်တွေအနေနဲ့ကလဲ comedyချစ်သူပုရိတ်သတ်နဲ့မစိမ်းတဲ့ Charlie's Angel, Death at a funeral, Idiocracy တို့မှမင်းသား Luke Wilson ပါမက Step Brothers, Anchor Man, Zoo Lander တို့မှမင်းသား Will Ferrell အပြင်ကို Wedding Crushers, The Watch, Zoo Lander တို့မှ Vince Vaughn တို့လို ဟာသကျော်ကြီးတွေ သုံးယောက်ပေါင်းဘယ်လိုလောင်းကျော်ထားမလဲဆိုတာကို ကြည့်ရမှာဖြစ်တဲ့အပြင် IMDB 7.0 တောင်ရထားတာဆိုတော့ မြည်းစမ်းကြည့်ကြပါလို့ပဲ တိုက်တွန်းလိုက်ပါတယ်ခင်ဗျာ File size…  3 GB /  1 GB Quality… BluRay 1080p / 720p Format… mp4 Duration…. 1h 28 Genre .....   Comedy Subtitle…. Myanmar Subtitle (Hard Sub) Encoder…. Thit San Khant Translated by Dr Zac

မင်းသားကြီး Ryan Reynolds ပါဝင်ထားတဲ့ အချစ်ဟာသကား “Van Wilders” ကတော့ 2002 ခုနစ်မှာ ထွက်ရှိခဲ့တာဖြစ်ပြီး ယခုအချိန်အထိ legend ကားတစ်ကားဖြစ်နေဆဲပါ။ ဘယ်အချိန်ချိန်ကြည့်ကြည့်မရိုးနိုင်တဲ့ ဟာသပြက်လုံးတွေနဲ့ R rated (အသက်မပြည့်သူ မကြည့်ရ) ရုပ်ရှင်ကားတစ်ကားဟာ ပြသချိန်၁နာရီခွဲစွန်းစွန်းလေးအတွင်းမှာ ကြည့်ရူသူကို ဘယ်လောက်ဆွဲခေါ်သွားနိုင်လဲဆိုတာ ရုံတင်ချိန်ရရှိခဲ့တဲ့ အမြတ်တွေက သက်သေပါပဲ။ အသက် 48နှစ်ရှိပြီဖြစ်တဲ့ Ryan Reynolds ဟာငယ်စဉ်အခါက ဘယ်လောက်ကြည့်ကောင်းခဲ့သလဲဆိုတာကို ဒီကားထဲမှာ မြင်တွေ့ရမှာပါ။ အားလုံးသဘောကျတဲ့ “Breaking Bad”series ထဲက Aaron Paul ကလည်း ဧည့်သည်သရုပ်ဆောင်အဖြစ် ပါဝင်ထားပါသေးတယ်။ ဇာတ်လမ်းလေးကတော့ ကောလိပ်မှာတင် ရပ်တန့်နေတဲ့ “ဗန် ဝိုင်းလ်ဒါ” ဟာ ပါတီတွေကို ရူးသွပ်သူတစ်ယောက်ဖြစ်ပြီး သူတက်နေတဲ့ကျောင်းမှာလည်း လက်ထောက်တွေပါရှိတဲ့အထိကို ကျော်ကြားပါတယ်။ ဒီလိုနဲ့ပဲ ကျောင်းစရိတ်ကို ကိုယ်တိုင်ရှာဖို့ဖြစ်လာတဲ့အခါ သူငယ်ချင်းကောင်းစိတ်ဓာတ်တွေနဲ့ မှတ်သားလောက်စရာ စကားပုံတွေ အများကြီးပါဝင်ပြီး အင်္ဂလိပ်စာလေ့လာချင်သူတွေအတွက်လည်း အဆင်မြင့်တဲ့ဝေါဟာရအသုံးအနှုန်းတွေ ပါဝင်တာမို့ ထပ်ခါထပ်ခါကြည့်ပြီး လေ့ကျင့်ဖို့အသင့်တော်ဆုံး ဇာတ်ကားတစ်ခုလို့ အကြံပေးချင်ပါတယ်။ ဘယ်အရာကိုမှ အလေးအနက်မထားတဲ့ “ဗန်”တစ်ယောက် လက်တွေ့ကျပြီး ဦးနှောက်လည်းကောင်း လှလည်းလှတဲ့ “ဂွမ်” ဆိုတဲ့ ကောင်မလေးနဲ့ တွေ့တဲ့အခါ ဘယ်လိုဆက်ဖြစ်သွားမလဲဆိုတာကို အချိန်တစ်နာရီခွဲသာပေးပြီး ကြည့်ရူလိုက်ပါ။ ပေါ့ပေါ့ပါးပါးနဲ့ စိတ်အပန်းဖြေချင်သူတွေအတွက် ကြည့်ဖို့အသင့်တော်ဆုံးကားဆိုလည်း မမှားပါဘူး။ အင်္ဂလိပ်ဗားရှင်းနဲ့ ကြည့်ဖူးသူတွေလည်း ရှိလောက်ပေမယ့် တစ်ချို့ဟာသတွေက မြန်မာလိုပြန်ထားရင် ပိုရယ်ရတာမို့ မြန်မာဘာသာပြန်နဲ့ ထပ်ကြည့်ပေးဖို့ တိုက်တွန်းချင်ပါတယ်။ File size…    1.79 GB /  887 MB Quality… BluRay 1080p / 720p Format… mp4 Duration…. 1h 40m Genre ..... Comedy/Romance Subtitle…. Myanmar Subtitle (Hard Sub)