Simon Jones ပါဝင်သော ဇာတ်ကားများ

The Gilded Age (2025) Season03 (Complete) IMDb Rating (8.1) / Rotten Tomatoes (89%) ဒီစီးရီးက ဘက်ဂျက်အတော်ကြီးကိုသုံးထားပြီး အတော်ကြီးကို ကောင်းပါတယ်။ HBO စီးရီးတွေရဲ့ထုံးစံအတိုင်း ဇာတ်လမ်းဇာတ်အိမ်ခိုင်ခိုင်မာမာနဲ့ ဆက်တင်တွေပီပီပြင်ပြင်ကြည့်ရမှာပါ။ 1882 ခုနှစ်၊ အမေရိကန်မှာ သံလမ်းလုပ်ငန်းတွေတွင်ကျယ်လာပြီး စီးပွားရေးအပြောင်းအလဲကြီးတွေ ဖြစ်ပျက်နေတဲ့ကာလ၊ နည်းလမ်းဟောင်းတွေနဲ့ နည်းလမ်းသစ်တွေ တိုက်ခိုက်နေကြတဲ့ Gilded age လို့ခေါ်တဲ့ကာလပါ။ နိုင်ငံရေးမသမာမှုတွေလည်း အတော်များတဲ့ကာလပေါ့။ ပန်ဆယ်ဗေးနီးယား ကျေးလက်ဒေသမှာနေထိုင်တဲ့ မာရီယန်ဘရွတ်ခ်ဟာ ဖခင်ဖြစ်သူဆုံးပါးသွားပြီး သူ့ဖခင်နဲ့မသင့်မြတ်ခဲ့တဲ့ နယူးယောက်ကအဒေါ်တွေဆီ မဖြစ်မနေပြောင်းနေရဖို့ ဖြစ်လာပါတယ်။ ရည်မှန်းချက်ကြီးတစ်ခုနဲ့ ဘဝသစ်စချင်နေတဲ့ လူမဲမိန်းကလေးပက်ဂီနဲ့တွေ့ရာကအပြန်အလှန်ကူညီဖို့အကြောင်းဖန်လာရင်း အဒေါ်တွေရဲ့အိမ်ကို အတူတူရောက်သွားကြပါတယ်။ နယူးယောက်ရဲ့ လူကုံထံတွေဆီပြောင်းလာပြီး ဝင်ဆံ့အောင်ကြိုးစားချင်နေတဲ့ သံလမ်းလုပ်ငန်းပိုင်ရှင် မိသားစုတစ်စုနဲ့ လူသစ်လက်မခံချင်ကြတဲ့ အသိုင်းအဝိုင်းတို့ကြား မယ်ရီယန်တို့ရောက်လာတဲ့အခါ ဘယ်လိုအရှုပ်တော်ပုံတွေ ကြုံကြရမလဲဆိုတာ ရှုစားလိုက်ကြပါတော့။ ၁၉ရာစုလို စက်မှုထွန်းကားခါစကာလအခြေတည်တဲ့စီးရီးမျိုးတွေကြိုက်ရင်၊ ဇာတ်အိမ်ခိုင်ခိုင်မာမာစီးရီးတွေနှစ်သက်ရင် လုံးဝလက်လွှတ်မခံသင့်​ကြောင်း ပြောလိုက်ပါရစေ File size…400 Mb Quality….Webrip 720p Format…mp4 Duration….60 Min Genre...Drama Subtitle….Myanmar Subtitle (Hardsub) Encoder….Mr. Anderson Translated by Pyi T Nyein

အင်္ဂလန်ဘုရင်နဲ့ ဘုရင်မတို့ နယ်လှည့်ခရီးထွက်ရင်း ဒေါင်းတွန်ကို လာမယ်ဆိုတဲ့သတင်းကြောင့် တစ်နယ်လုံး ဝမ်းသာဂုဏ်ယူနေကြပါတယ်။ အထူးသဖြင့် ဘုရင်နဲ့ ဘုရင်မတို့ တည်းခိုမယ့် မြို့စားအိမ်က အလုပ်သမားတွေက ပိုလို့တောင် စိတ်လှုပ်ရှားနေကြတယ်။ အနီးကပ်တွေ့ခွင့်ရသလို ကိုယ်တိုင် အလုပ်အကျွေးပြုခွင့်လည်း ရတော့မယ်လို့ မျှော်လင့်ထားကြတာပါ။ ဒါပေမယ့် နန်းတော်ဘက်က အစေခံတွေ၊ အိမ်တော်ထိန်းတွေနဲ့ စားဖိုမှူးတွေ အကုန်လိုက်လာပြီး အိမ်မှာရှိသမျှကိစ္စကို သူတို့ပဲ စီမံကြမယ်ဆိုတာ သိလိုက်ရတော့ မျှော်လင့်ထားသလို မဖြစ်တော့ဘူး။ ကိုယ့်အိမ်မှာ ကိုယ်တိုင်ဧည့်ခံခွင့်ရဖို့ အိမ်ကအလုပ်သမားတွေ ဘယ်လိုတုံ့ပြန်ကြမလဲဆိုတာ စောင့်ကြည့်ရပါတော့မယ်။ တစ်ဖက်မှာလည်း ဒေါင်းတွန်ကို အုပ်စိုးနေတဲ့ မိသားစုရဲ့ အဖွားကြီးနဲ့ မိသားစုထဲကနေ ခွဲထွက်သွားပြီး ဘုရင်မနားမှာ အထိန်းတော်လုပ်နေသူတို့ကြား အမွေကိစ္စ အငြင်းပွားမှုတွေ ရှိနေတယ်။ မိသားစုဝင်တွေဆီမှာလည်း တစ်ယောက်တစ်မျိုး ကိုယ့်အကြောင်းနဲ့ကိုယ် ရှိကြသေးတယ်။ ကွန်မြူနစ်ဝါဒီတွေနဲ့ ဘုရင်ကို လုပ်ကြံဖို့ ရည်ရွယ်သူပါ ပေါ်လာတဲ့အခါ ဒီခရီးစဉ်အတွက် ဘာတွေထပ်ကြုံလာရဦးမလဲ။ Maggie Smith ပါဝင်သရုပ်ဆောင်ထားပြီး မိသားစုအကြောင်းတွေနဲ့အတူ ဟာသလည်း ရောယှက်ထားပါတယ်။

သိပ္ပံနဲ့ ဟာသကို အချိုးကျကျ ပေါင်းစပ်ထားတဲ့ ရုပ်ရှင်ကားကောင်းတစ်ခုလို့ပြောလို့ရပါတယ်။ Sci-fi လည်းကြည့်ချင်တယ် nterstellar တို့ 2001 : A Space Odyssey တို့လို Sci-fi ရုပ်ရှင်အလေးကြီးတွေလည်း ကြည့်ဖို့စိတ်မပါဘူးဆိုရင် ဒီရုပ်ရှင်က ရွေးချယ်သင့်တဲ့တစ်ကားပါ။ ဇာတ်လမ်းအစကို documentary ဆန်ဆန် စထားပြီး ဇာတ်လမ်းအကြောင်းဘာမှမသိဘဲ စကြည့်မယ်ဆို Sci-fi လို့တောင် သိရလိမ့်မယ်မထင်ပါဘူး။ ဇာတ်လမ်းရဲ့အစကတော့ Arthur လို့ခေါ်တဲ့လူတစ်ယောက် သူ့ရဲ့အိမ် အဖျက်ခံရတဲ့နေ့မှာပဲ ကမ္ဘာကြီးကလည်း ပျက်စီးတော့မှာမို့ သူ့ရဲ့သူငယ်ချင်းလည်းဖြစ်တဲ့၊ ဂြိုလ်သားတစ်ကောင်လည်းဖြစ်တဲ့ Ford က သူ့ကိုကယ်ဖို့ အာကာသထဲကို ခေါ်သွားပါတော့တယ်။ ဒီလိုနဲ့ သူတို့ဘာတွေဆက်ဖြစ်ကြမလဲ၊ ဘယ်လိုစွန့်စားခန်းတွေကြုံရမလဲဆိုတာကို ပေါ့ပေါ့ပါးပါးနဲ့ ကြည့်ရမှာပါ။ ကိုယ်တွေ စိတ်ကူးဖူးလောက်မဲ့ ပေါက်ကရဆန်ဆန် စက်တွေ၊ ဂြိုဟ်သားတွေအပြင်ကိုမှ စနစ်ကိုပါ လှောင်ပြောင်ဖို့ ထည့်ထားတဲ့ ကာရိုက်တာ တွေကလည်း အတော်လေး irony ဖြစ်ပြီး ရယ်ရပါတယ်။ Benedict Cumberbatch ရဲ့ Sherlock series မှာ Dr. Weston အဖြစ် သရုပ်ဆောင်တဲ့ Martin Freeman က အဓိကဇာတ်ကောင် Arthur အနေနဲ့ ပါဝင်ထားတဲ့အပြင် နွေမနဲ့ရက်၅၀၀ ရုပ်ရှင်ထဲကမနွေမ (ခ) Summer အဖြစ် သရုပ်ဆောင်ခဲ့တဲ့ Zooey Deschanel ကိုလည်း အဓိကဇာတ်ဆောင်မင်းသမီးအနေနဲ့ တွေ့ရမှာပါ။

The Thomas Crown Affair (1999) IMDb Rating (6.9) / Rotten Tomatoes (68%) James Bond မင်းသားအဖြစ်လူသိများကြတဲ့ မင်းသားကြီးPierce Brosnan ရဲ့တစ်ခေတ်တစ်ခါက နာမည်ကျော်ဇာတ်ကားတစ်ကားဖြစ်ပြီး ၁၉၆၈ က မူရင်းဂန္ဓဝင်ဇာတ်ကားကို ခေတ်နဲ့အညီပြန်လည်ဆန်းသစ်ခဲ့တာပါ။ သောမတ်စ်ခရောင်းကစိန်ခေါ်မှုတွေနဲ့စွန့်စားမှုတွေကို သဘောကျတဲ့ ဘီလျံနာ သူဌေးတစ်ယောက်ဖြစ်ပြီး စီးပွားရေးလောကမှာ အရာရာအောင်မြင်ထားပြီးတဲ့နောက် ငြီးငွေ့လာတဲ့အတွက် နယူးယောက်Metropolitan ပြတိုက်ကနေ ဒေါ်လာ သန်း ၁၀၀ တန်မိုနေးပန်းချီကားတစ်ချပ်ကိုလှည့်ကွက်တွေအထပ်ထပ်နဲ့အောင်မြင်စွာခိုးယူနိုင်ခဲ့ပါတယ်။ အဲ့ဒီနောက်မှာတော့ ရဲတပ်ဖွဲ့နဲ့အတူပါလာတဲ့ ပါးနပ်ပြီး လူရည်လည်လွန်းတဲ့ အာမခံကုမ္ပဏီက စုံစမ်းရေးအရာရှိ ကတ်သရင်းဘန်းနင်းက ခရောင်းကိုချက်ချင်းပဲ သံသယဝင်ခဲ့ပါတယ်။ အဲ့ဒီနောက်မှာတော့ အချင်းချင်း ကြောင်နဲ့ကြွက်လို ပရိယာယ်မာယာတွေနဲ့အပြန်အလှန်ချဉ်းကပ်ပြိုင်ဆိုင်ကြရင်း တစ်ယောက်နဲ့တစ်ယောက် မေတ္တာမျှသွားချိန်မှာတော့..။ The Thomas Crown Affair ဟာ Heist Thriller ကိုမှ အချစ်ဇာတ်လမ်းထည့်ပေါင်းထားတဲ့ ဇာတ်ကားမျိုးပါ။ သူ့ခေတ်သူ့အခါက ဝင်ငွေအရရော၊ အနုပညာအရပါအောင်မြင်ခဲ့ပါတယ်။ အခုချိန်မှာ Micheal B Jordan ရဲ့ Remakeကားသစ်လည်းထွက်လာတော့မှာမို့ကြည့်ထားသင့်တဲ့ ဂန္ဓဝင်လက်ရာတစ်ခုပါပဲ။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (7.2 GB) / (1.6 GB) / (0.98 GB) Quality…. Blu-Ray 4K HEVC / 1080p HEVC / 720p Format…. mkv/mp4 Genre…. Crime,Drama,Romance Duration…. 01:54:14 Subtitle…. Myanmar Subtitle (Hardsub)

အင်ဒီယာနာဂျုန်းမင်းသားကြီး Harrison Ford နဲ့ Brad Pitt တို့ အပြိုင်ကြဲထားတဲ့ thriller/drama ရုပ်ရှင်ကားကြီးကို တင်ဆက်ပေးလိုက်ပါတယ်.. အရင်ရက်ကထွက်ထားတဲ့ The Banshees of Inisherinကို ကြည့်ထားရင် အချိတ်အဆက်ပိုမိပါတယ်.. အိုင်ယာလန်ပြည်တွင်းစစ်အပြီး နှစ်၅၀ကျော်အကြာ ၁၉၇၂မှာ ဇာတ်လမ်းစထားတာပါ.. ၁၉၆၀နှောင်းပိုင်းကနေ ၁၉၉၈အထိ နှစ်၃၀နီးပါးကြာခဲ့တဲ့ “မြောက်အိုင်ယာလန် ပဋိပက္ခကြီး” ဖြစ်ခဲ့ပါတယ်.. အိုင်ယာလန်သမ္မတစနစ်ထောက်ခံသူ (Republican)နဲ့ မြောက်အိုင်ယာလန်ကို ဗြိတိသျှနဲ့ပေါင်းပြီး ပြည်ထောင်စုဖွဲ့ချင်သူ (Loyalist)တွေကြား ဖြစ်ပွားခဲ့တာပါ.. မြောက်အိုင်ယာလန်လူ့အခွင့်အရေးဆန္ဒပြပွဲကို ဗြိတိသျှတပ်နဲ့ Loyalistတွေပေါင်းပြီး ဖြိုခွဲရာကစပါတယ်.. အဲဒီကနေဆန္ဒပြပွဲတွေ ထပ်ပွားလာပြီး နှစ်၃၀ကြာတဲ့ ဖွဲမီးလှိုက်လောင်ပါတော့တယ်.. လူပေါင်း ၄၈၀သေခဲ့တဲ့ ၁၉၇၂က ပဋိပက္ခရဲ့အဆိုးဆုံးနှစ်ပါပဲ.. ဒါတွေက ရုပ်ရှင်ထဲမှာမပါပါဘူးနော်.. ဇာတ်အိမ်တည်ထားတဲ့ ၁၉၇၂ နဲ့ ၁၉၉၃ကို အကြမ်းဖျင်းသိအောင် ပြောပြတာပါ.. ဇာတ်လမ်းအကျဥ်း ၁၉၇၂မှာ ဖရန်ကီ(Brad Pitt)က ၈နှစ်သားပဲရှိပါသေးတယ်.. မြောက်အိုင်ယာလန်ရဲ့ ကမ်းရိုးတန်း အစွန်အဖျားမှာနေတဲ့ တံငါမိသားစုလေးပေါ့.. တစ်ညမှာအိမ်ထဲကို လူတစ်ယောက်ဝင်ချလာပြီး မျက်စိရှေ့တင် အဖေဖြစ်သူကိုပစ်သတ်သွားပါတော့တယ်.. သူ့အဖေက သမ္မတစနစ်ထောက်ခံသူမလို့ပါတဲ့.. အနှစ်၂၀ကြာပြီး ၁၉၉၃မှာတော့ ဖရန်ကီ နယူးယောက်ကို ရောက်လာပါတယ်.. အသိရဲ့အကူအညီနဲ့ တွမ်(Harrison Ford)ရဲ့ မြေအောက်ခန်းထဲမှာ အလကားနေခွင့်ရခဲ့ပါတယ်.. တွမ်က ဖြောင့်မတ်ပြီးသဘောကောင်းတဲ့ ရဲအရာရှိပါ.. ဖရန်ကီကိုလည်း သားတစ်ယောက်လို သဘောထားပါတယ်.. ဒါပေမယ့် ဖရန်ကီရဲ့ သရုပ်မှန်ကို သိသွားတဲ့အချိန်မှာတော့.... ဖရန်ကီက ဘယ်သူလဲ... နယူးယောက်ကို ဘာလာလုပ်တာလဲ... ဖရန်ကီသရုပ်မှန်ကို သိသွားတဲ့တွမ်ကရော ဘာဆက်လုပ်မှာလဲ..... စိတ်ဝင်စားစရာကောင်းပြီး မင်းသားကြီး၂ယောက် အပြိုင်ကြဲထားတာမလို့ အချိန်ပေးရကျိုးနပ်မှာ အသေအချာပါပဲ File size…(1.6 GB)  / (840 MB) Quality….BluRay 1080p / 720p Format…mp4 Duration….01:51:00 Subtitle….Myanmar Subtitle (Hardsub) Encoder….Mr. Anderson Translated by Ei Thwal

Matilda (1996) Child Novel​တွေ ​ရေးသားထုတ်​ဝေတဲ့ Roald Dahlဆိုတာ ဘယ်သူမှန်း မရင်းနှီးရင်​တောင် Charlie and the Chocolate Factory, The BFG တို့ကို​တော့ လူတိုင်းသိမှာပါ။ ၂၀ရာစုရဲ့ အကြီးကျယ်ဆုံး က​လေးစာ​ပေ ဖန်တီးသူအဖြစ် လူသိများတဲ့ Roald Dahlရဲ့ ဝတ္ထု​တွေကို ရုပ်ရှင်အဖြစ် ပြန်ပြီးအသက်သွင်းရာမှာလည်း ​​အောင်မြင်မှုအတိုင်းအတာတစ်ခုထိ ရရှိ ခဲ့ပါတယ်။ Matildaဆိုတာလည်း အနုပညာပိုင်းမှာ ​အောင်မြင်ခဲ့တဲ့ Live action ဇာတ်ကားတစ်ခုပဲ ဖြစ်ပါတယ်။ IMDbအ​နေနဲ့ 6.9၊ RTမှာ 91% ရရှိထားပါတယ် မတေးဒါက ​မွေးကင်းစကတည်းက မိဘကံမ​​ကောင်းခဲ့သူလို့ ဆိုရမှာပါ။ ဖခင်က တစ်ပတ်ရစ်ကား​တွေ ဂျင်းထည့်ပြီး​​ရောင်းတဲ့ လူလိမ်၊ အ​​မေက အရပ်တကာပတ် ဘင်ဂိုပတ်​ဆော့​နေသူဖြစ်ပြီး ကိုယ့်​ရဲ့သွေးသားရင်းကို ချစ်တဲ့ပုံများ​ကတော့ က​လေး​မွေးပြီး ​ဆေးရုံ​ဆင်းလာတာ အိမ်​ရောက်တဲ့ အချိန် သမီးဖြစ်သူမွေးကင်းစက ကား​နောက်ခန်းထဲမှာကျန်ခဲ့မှန်း​တောင် သတိမရတဲ့ ဂန္တဝင်​ဖေ​ဖေ၊​ ကောင်းကင်​မေ​​​မေ​တွေ​​​ပေါ့။ မိဘ​တို့ပြုအပ်တဲ့ ဝတ္တရား​ကို ကျေပွန်ပုံကလည်း သမီးအသက်ကို ၄နှစ်နဲ့ ၆နှစ်ခွဲ မသဲကွဲလို့ ​ကျောင်းတက်ချင်တာ​တောင် ​ကျောင်းမအပ်​ပေးကြသူ​တွေ​ပေါ့။ မိဘ​တွေရဲ့​​​ကောင်းသတင်းက ​ပြောမဆုံး​​အောင်ရှိ​ပေမယ့် မတေးဒါ​လေးက ​​ခေသူမဟုတ်ပါ၊ အသက်၂နှစ်ကတည်းက ဘယ်သူမှမသင်ဘဲ စာ​ရေးတတ် ဖတ်တတ်​နေသလို အသက်၄နှစ်မှာ မိဘ​တွေမသိ​​အောင် စာကြည့်တိုက်ကို ခိုးသွားပြီး က​လေးစာအုပ်​တွေသာမက သုတရသစာအုပ်​တွေပါ ထုံးလို​မွှေ ​ရေလို​နှောက် ဖတ်နိုင်တဲ့ ​တောက်မည့်မီးခဲ တရဲရဲ​လေး​ပေါ့ ။ ဉာဏ်ကြီးရှင် ဖြစ်သလို ဟာသဉာဏ်ကလည်း ရွှင်​လေ​တော့ သူ့ကိုစိတ်ဒုက္ခမျိုးစုံ​ပေးတဲ့ မိဘ​တွေကိုပါ မထင်ရင် မထင်သလို trollတတ်ပါ​သေးတယ်။ ဒီလိုပါရမီရှင်​လေးကို ထိန်းမနိုင်​တဲ့အဆုံး ​ကျေးဇူးရှင်​ဖေ​ဖေနဲ့ ​မေ​မေခမျာ မတေးဒါကို ​ငါ့လက်ကလွတ် ကျွတ်ဆိုပြီး ​ကျောင်းထား​ပေးလိုက်ပါတယ်။ ​မွေးလာကတည်းက ​ဆရာကြီး​တွေနဲ့​တွေ့လာတဲ့ မတေးဒါ​ဟာ ​​ကျောင်းမှပဲ ဆရာ့ဆရာကြီးနဲ့ သွား​တွေ့ပါ​တော့တယ်။ အ​ပေါက်ကဆိုး အ​ပြောကကြမ်း လက်သံက​ပြောင်၊ အိုလံပစ် သံလုံးပစ် လှံတံပစ် ပြိုင်ပွဲဝင်​ဟောင်းဖြစ်တဲ့ ​ကျောင်းအုပ်ကြီး မစ်ထရန့်ချ်ဘူးက မတေးဒါ​လေးကို ​ဆီးကြို​နေတာပါ။ ကျောင်းအုပ်ကြီးလက်​အောက်မှာပဲ မစ်ဟန်နီဆိုတဲ့ သ​ဘောမ​နော​ကောင်း စိတ်သ​ဘောထားဖြူစင်တဲ့ ဆရာမ​​လေးတစ်​ယောက်လည်း ရှိ​နေပါတယ်။ မတေးဒါ​က ဆရာမ​လေးကို ခင်တွယ်သလို ဆရာမကလည်း မတေးဒါကို အရမ်းချစ်ပါတယ်။ ဒါ​ပေမဲ့ဆရာမ​လေးမှာ ​ကျောင်းအုပ်မစ်ထရန့်ချ်ဘူးနဲ့ ဆိုးရွားတဲ့ အတိတ်ဇာတ်​ကြောင်း​တွေ ရှိ​​နေတာ​​ကြောင့် မတေးဒါ​လေးဟာ သူချစ်တဲ့ဆရာမ​လေးကို ကူညီဖို့ ​ကျောင်းအုပ်ကြီးနဲ့ ထိပ်တိုက်ရင်ဆိုင်ဖို့ ကြိုးစားပါ​တော့တယ်။ အညွှန်း နဲ့ ဘာသာပြန်ကတော့ JimX ပဲ ဖြစ်ပါတယ်။ Genre..... Comedy, Family, Fantasy Quality…. 1080p | 720p | 480p File size…  1.7GB | 893MB | 280MB Format… mp4 Duration…. 1h 42min Subtitle…. Myanmar Subtitle (Hardsub) Translator ..... JimX Encoder ..... August

ဒီရုပ်ရှင်က ဘယ်လိုရုပ်ရှင်မျိုးလဲဆိုတာ ဥပမာပေးရရင် ဟိုးတုန်းက ကြက်ဥနဲ့ကြက်မ ဘယ်ဟာ အရင်ဖြစ်သလဲဆိုတဲ့Paradoxလိုပါပဲ။ ဒါပေမယ့် သိပ္ပံပညာရှင်တွေက ကြက်ဥခွံမှာပါတဲ့ ဒြပ်တစ်မျိုးကို ကြက်မကသာထုတ်နိုင်တယ်ဆိုတာ အတည်ပြုပြီးစီးခဲ့တဲ့အတွက် တခြား ဥပမာတစ်ခုပြောင်းသုံးပါမယ်။ ဘုရားသခင်သာ အရာအားလုံး လုပ်နိုင်တယ်ဆိုရင်သူမ နိုင်စွမ်းမရှိတဲ့ တောင်တစ်လုံးကို ဖန်ဆင်းနိုင်ပါသလားဆိုတဲ့ Omnipotence paradoxပါ။ ဘုရားသခင်က သူမနိုင်စွမ်းမရှိတဲ့ တောင်တစ်လုံးကို ဖန်ဆင်းလိုက်တယ်ဆိုရင်လည်း သူအရာအားလုံး မလုပ်နိုင်တော့ပါဘူး။ မဖန်ဆင်းဘူးဆိုရင်လည်း သူ အရာအားလုံး မလုပ်နိုင်သေးပြန်ပါဘူး။ ဒီရုပ်ရှင်ကလည်း ဒီလိုပါပဲ ကိုယ့်အမြှီး ကိုယ်ပြန်မြိုထားတဲ့ မြွေတစ်ကောင်ပါပဲ။ 1996မှာစပြီး လေထုထဲ ဗိုင်းရပ်စ်တစ်မျိုး ပျံ့နှံ့ခဲ့တာကြောင့် ကမ္ဘာမြေမျက်နှာပေါ်မှာ လူတွေနေလို့မရတော့ပါဘူး။ လူသားတွေဟာ မြေအောက်ထဲမှာ မြေကြွက်တွေလို ရှင်သန်နေရပါတယ်။ 2035မှာ‌တော့သိပ္ပံပညာတိုးတက်လာတာနဲ့ တစ်ပြိုင်နက် အချိန်ယန္တရားကို တီထွင်နိုင်ခဲ့ပါပြီ။ သိပ္ပံပညာရှင်တွေဟာ ကမ္ဘာကြီးကိုကယ်တင်ဖို့ ကမ္ဘာ့လေထုထဲ ပျံ့နှံ့နေတဲ့ ဗိုင်းရပ်စ်ရဲ့ mutation ဖြစ်မသွားခင် မူလပုံစံရဲ့ အချက်အလက်တွေကို အတိတ်ကနေ ပြန်စုံစမ်းဖို့ အခွင့်အရေးရလာပါတယ်။ ကောက်ချက်တွေအရတော့ 12monkeysလို့ခေါ်တဲ့ အဖွဲ့အစည်းတစ်ခုက ဗိုင်းရပ်စ်ကို ဖြန့်ခဲ့တာ သိထားပါပြီ။ 12monkeysကို စုံစမ်းဖို့ လွှတ်ရမယ့် အန္တရယ်များတဲ့ အချိန်ခရီးရှည်ကြီးကိုတော့ လူကောင်းသူကောင်းတွေကိုသူတို့လွှတ်လို့ အဆင်မပြေပါဘူး။ ဆိုတော့ကာ ထောင်သားတွေကို လုပ်အားပေးအနေနဲ့သုံးပြီး ပြစ်ဒဏ်ကင်းလွတ်ခွင့်ကို မက်လုံးပေး ခိုင်းစေခဲ့ပါတယ်။ ဒီစုံစမ်းမှုအတွက် အပြစ်သားအတော်အသုံးချခဲ့ပေမယ့် အချိန်လွဲချော်မှုအစရှိတဲ့ ကယောက်ဂယက်တွေကြောင့် အတော်များများ ရူးသွားခဲ့တာပါပဲ။ သိပ္ပံပညာရှင်တွေဟာ စူးစမ်းရှာဖွေမှုကောင်းတဲ့ ဂျိမ်းစ်ကိုးလ်ကို လုပ်အားပေးအလှည့်ကျအဖြစ် ဗိုင်းရပ်စ်ဖြစ်ခဲ့တဲ့ ၁၉၉၆ကိုလွှတ်လိုက်ပါတယ်။ ကံဆိုးချင်တော့ ကိုးလ်ရောက်သွားတာ ၁၉၉၀ပါ။ လမ်းမပေါ် ပလတ်စတစ်အကြည်သား ဝတ်စုံကြီးဝတ် အတွင်းခံကလွဲအထင်းသားမြင်နေရတဲ့ ကိုးလ်ကို ၁၉၉၀က လူတွေ ပို့လိုက်တဲ့တစ်ခုတည်းသောနေရာက အရူးထောင်ပါပဲ။ ဒီရုပ်ရှင်မှာ အရာအားလုံးက အကျိူးအကြောင်းတစ်ခုနဲ့ ဖြစ်‌နေကြတာပါ။ ဒီလိုနဲ့ 12monkeysရှိတောင်မရှိသေးတဲ့ ကာလကို ရောက်လာတဲ့ ကိုးလ်ဟာ သူတွေ့သင့်လား ‌မတွေ့သင့်လား ကျွန်တော်တို့တောင် မရေရာတဲ့ လူတွေနဲ့ တွေ့ခဲ့ရပါတယ်။ အနာဂတ်ကလာတယ်ပြောပေမယ့် သက်သေပြစရာမရှိတဲ့ ကိုးလ်ဟာ ဆေးရုံကနေ ထွက်ပြေးဖို့ကြိုးစားတဲ့အတွက် တိုက်ပိတ်ခံလိုက်ရပါတယ်။ ဆရာဝန်တွေလာစစ်တဲ့ အခါမှာတော့ လေဝင်ပေါက်ကလေးလွဲ ဘာမှမရှိတဲ့အခန်းကနေ ကိုးလ်ဟာ ထူးဆန်းစွာပဲ ပျောက်ဆုံးသွားပါတယ်။ သူ့ကို ဘယ်သူမှလည်း မတွေ့တော့ပါဘူး။ ခြောက်နှစ်အကြာ 1996မှာတော့ ပေါင်မှာ သေနတ်ဒဏ်ရာကြီးနဲ့ ကိုးလ် ပြန်ပေါ်လာပြီး စိတ်ရောဂါကုဆရာဝန် ဒေါက်တာ ကတ်သရင်းရေလ်လီကို ပြန်ပေးဆွဲခဲ့ပါတယ်။ ‌ဗိုင်းရပ်စ်ဖြစ်လာဖို့ အချိန်အရမ်းနီးနေပါပြီ။ 12Monkeysနောက်ကို ကိုးလ်လိုက်နေပေမယ့် လိုက်လေဝေးလေဖြစ်နေပါပြီ။ သူ့ကို ယုံကြည်တဲ့လူလည်း တစ်ဦးတစ်ယောက်မှ မရှိပါဘူး။ ရဲတွေလိုက်ရှာနေတဲ့ကြားကနေ ကိုးလ်ထပ်ပျောက်သွားပေမယ့် ကတ်သရင်းကတော့ ကိုးလ်ပေါင်ထဲက သူထုတ်ခဲ့တဲ့ကျည်ဆန်ဟာ ပထမကမ္ဘာစစ်ကဆိုတာ သိလိုက်ပြီ ပထမကမ္ဘာစစ်အတွင်းက ကိုးလ်လို့ယူဆရတဲ့လူတစ်‌ယောက်ဓာတ်ပုံကိုတွေ့လိုက်တဲ့အခါမှာတော့... Time Travleကား တစ်ခုပေမယ့် ပြချင်တဲ့ Conceptကတော့ အတော်များပါတယ်။ တိရိစ္ဆာန်အခွင့်အရေးနဲ့ ပတ်ဝန်းကျင်ထိန်းသိမ်းရေးတို့ရဲ့ အစွန်းနှစ်ဖက်၊ Alfred Hitchcock ရုပ်ရှင်၊ အိုမာခယမ်ကဗျာ၊ နာမည်ကျော်သမိုင်းဖြစ်ရပ်တွေကို Refယူထားပြီး ဖြစ်ရပ်တွေ Dialougeတွေရဲ့ အချိတ်အဆက်က သေသပ်ပါတယ်။ ဒီရုပ်ရှင်နဲ့ Brad Pittပထမဆုံး အော်စကာ ဆန်ခါတင် ဝင်ထားပြီး Sound Trackတွေထဲ WOLFGANG AMADEUS MOEZARTရဲ့ Piano Concertoတောင်ပါပါတယ်။ ( အညွှန်းနဲ့ဘာသာပြန်သူကတော့ WiRa Aung ဖြစ်ပါတယ် ) File size__(2.5GB ) and (1.4GB) Quality__1080p ,720p IMDb Rating__8.0/10 Format__mp4 Duration__02:09:31 Type__Comedy , Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Brazil (1985) (Director's Cut) IMDB : 7.8 Rotten Tomatoes : 98% Genre : Sci-Fi / Black Comedy Brazil ကတော့ Morty Python အဖွဲ့ဝင်တစ်ဦးဖြစ်တဲ့ Terry Gilliam ကိုယ်တိုင်ရိုက်ကူးထားတဲ့ Dystopian Sci-Fi ရုပ်ရှင်တစ်ခုဖြစ်ပါတယ်။ Dystopian ဆိုတာကတော့ ပျက်စီးယိုယွင်းနေတဲ့ အနာဂတ်ကိုပုံဖော်ထားတဲ့ သိပ္ပံစိတ်ကူးယဉ် Genre ကိုခေါ်တာဖြစ်ပါတယ်။ ဇာတ်ညွှန်း အနာဂတ်မှာ လူတိုင်းက စာရွက်စာတမ်းတွေအောက်မှာ နစ်မြုပ်နေပါပြီ။ အခန်းပြင်ချင်လား၊ စာရွက်စာတမ်းအရင်ဖြည့်ရမယ်။ မီးပြင်ချင်လား စာရွက်စာတမ်း အရင်ဖြည့်ရမယ်။ နေ့တိုင်းကြားရ မြင်ရ လုပ်ရတာတွေက စာရွက်စာတမ်းတွေဖြစ်နေပါတယ်။ တိုးတက်မှုရဲ့ နောက်ကွယ်မှာ ဆုတ်ယုတ်မှုကြီးက လိုက်လာပြီး ပျက်စီးနေတဲ့ အစိုးရက Run နေတဲ့ အနာဂတ်မြို့တော်ကြီးမှာ ဆမ်လာရီဆိုတဲ့ လူငယ်လေးတစ်ယောက်ရှိပါတယ်။ ဆမ်ဟာ သာမာန်ရုံးမှာလုပ်ကိုင်နေတဲ့ စာရေးတစ်ယောက်ဖြစ်ပါတယ်။ တစ်ရက်မှာတော့ စာရွက်စာတမ်းအမှားတစ်ခုကြောင့် အပြစ်မရှိတဲ့ လူတစ်ယောက်ကို သုတ်သင်ဖို့ဖြစ်လာခဲ့ပါတယ်။ ဒါကို ဆမ်ကမနေနိုင်လို့ ဝင်တားရင်း အရှုပ်အထွေးထဲကို ရောက်သွားပါတော့တယ်။ ဆမ်ရဲ့ အိမ်မက်ထဲမှာလည်း ကောင်မလေးတစ်ယောက်ကို ညတိုင်းလိုလို မြင်ရမက်ခဲ့ရပါတယ်။ ကြားထဲမှာ မဖြစ်သင့်တာကို ဝင်တားရင်း သူ့ဘဝမှာပါ မဖြစ်သင့်တာတွေဖြစ်လာပါတော့တယ်။ ဒီလိုနဲ့ ဘယ်လိုအလွဲတွေဆက်ဖြစ်မှာလဲဆိုတာကိုတော့ ခံစားကြည့်လိုက်ကြပါခင်ဗျာ။ File size…    3 GB / 1.8 GB Quality… BluRay 1080p / 720p Format… mp4 Duration…. 2h 22m Genre ..... Sci-Fi / Black Comedy