Suhas ပါဝင်သော ဇာတ်ကားများ

Mandaadi_(2026) လှိုင်းလုံးကြားက ပြိုင်ပွဲများ တမီးလ်နာဒူ ကမ်းရိုးတန်းကျေးရွာတစ်ခုမှာ အဓိက သက်မွေးဝမ်းကျောင်းအဖြစ် ပင်လယ်ပြင်ကိုပဲ မှီခိုပြီး အသက်ဆက်နေကြတဲ့ တံငါသည် ရွာသားလေးတွေနဲ့ သူတို့ရဲ့ ရိုးရာ လှေပြိုင်ပွဲ ယဉ်ကျေးမှု...။ ဒီရွာမှာ မွေးဖွားကြီးပြင်းလာပြီး ပင်လယ်ပြင်ပေါ်မှာ အနိုင်မခံ အရှုံးမပေးတဲ့ သတ္တိဗျတ္တိနဲ့ ပြည့်စုံသူ မန်ဒါဒီယမ်ဆိုတဲ့ လူငယ်လေးက ရွာသားတွေရဲ့ အကျိုးနဲ့ ရိုးရာဂုဏ်သိက္ခာကို အသက်နဲ့အမျှ မြတ်နိုးသူ‌ပေါ့။ ဒါပေမဲ့ တစ်နေ့မှာတော့ ဒေသခံ ဩဇာအာဏာရှိသူတွေနဲ့ စီးပွားရေးလုပ်ငန်းရှင်ကြီးတွေက တံငါသည်တွေ မှီခိုနေတဲ့ ပင်လယ်နယ်မြေကို မတရား သိမ်းပိုက်ဖို့ ပရိယာယ်ပေါင်းစုံသုံးပြီး ဖိအားပေး လာခဲ့ကြပါတော့တယ်။ ရွာသားတွေရဲ့ နယ်မြေ၊ အသက်မွေးဝမ်းကျောင်းနဲ့ ဂုဏ်သိက္ခာကို ကာကွယ်ဖို့အတွက် နှစ်စဉ်ကျင်းပမြဲ ရိုးရာ လှေပြိုင်ပွဲက သာမန် ပြိုင်ပွဲတစ်ခု မဟုတ်တော့ဘဲ အနိုင်နဲ့ အရှုံး ‌ေ-သခြင်းနဲ့ ရှင်ခြင်းကို ဆုံးဖြတ်မယ့် ‌ေ-သွးဆူစရာ တိုက်ပွဲတစ်ခုအဖြစ် ပြောင်းလဲသွားခဲ့ရပါတယ်။ လှိုင်းလေထန်ပြီး အန္တရာယ်များတဲ့ ပင်လယ်ပြင်ကြီးထဲမှာ ရန်သူတွေရဲ့ လှည့်ကွက်တွေကို ယှဉ်ပြိုင်ရင်း ရွာရဲ့ အခွင့်အရေးကို ဘယ်လို အသက်နဲ့ရင်းပြီး ကာကွယ်သွားမလဲဆိုတာကို သန်း ၇၅၀ အကုန်ကျခံရိုက်ကူးထားတာမို့ အတူကြည့်လိုက်ရအောင်လား။ File size… 10 GB / 4.4 GB / 2.8 GB Quality…WEB DL 4K / 1080p HEVC/ 720p Format…mkv/ mp4 Duration…. 2h 33m Subtitle….Myanmar Subtitle (Hard Sub)

Hey Balwanth (2026) အိုအရှင် သားအဖသံယောဇဉ်ကို အခြေခံထားပြီး ဟာသနှော တင်ဆက်ထားတဲ့ တေလေဂူးစကားပြောရုပ်ရှင်လေးကို တင်ဆက်ပေးချင်ပါတယ်။ ခရစ်ရှ်နားဟာ သူ့အဖေကို အရမ်းလေးစားပြီး အဖေဖြစ်သူရဲ့ လုပ်ငန်းကို ဆက်ခံဖို့ စိတ်အားထက်သန်နေသူပါ။ ဒါပေမဲ့ သူ့အဖေက သူ့ကိုအမြဲတမ်း တားမြစ်နေခဲ့ပါတယ်။ နောက်ပိုင်းမှာ အဖေဖြစ်သူ နေမကောင်းဖြစ်လို့ လုပ်ငန်းကို လက်လွှဲရတဲ့အခါမှာတော့ သူတို့မိသားစုစီးပွားရေးဟာ ပြည့်တန်ဆာအိမ်တစ်ခု ဖြစ်နေမှန်း သိလိုက်ရတဲ့အခါ...။ ဒီအမှန်တရားကို သူ့ချစ်သူ မီသရာဆီကနေ ဘယ်လိုဖုံးကွယ်မလဲ၊ အဖေဖြစ်သူအပေါ် ဘယ်လိုသဘောထားပြောင်းလဲသွားမလဲဆိုတာကို ရိုက်ကူးပုံဖော်ထားပါတယ်။ File size… 2 GB / 1 GB Quality…WEB DL 1080p HEVC/ 720p Format…mkv/ mp4 Duration….2hr 12mins Subtitle….Myanmar Subtitle (Hard Sub)

Mowgli 2025 အချစ်တိုက်ပွဲ IMDb 7.1 သူ့နာမည်က မော်ဂလီ တောတွင်းသားလေးနာမည်ပေါ့ မိဘတွေကို ငယ်စဉ်တည်းက ဆုံးရှုံးလိုက်ရပြီး တောထဲမှာပဲ ဇစ်မြစ်ချနေနေလို့ မော်ဂလီလို့ခေါ်ကြတယ် .... နေလာရင်းနဲ့တစ်နေ့ ရိုက်ကူးရေးအဖွဲ့သားတွေက သူတို့ရွာမှာ ရုပ်ရှင်လာရိုက်ကြတယ် လူစားထိုးဖို့လို နေတာနဲ့ ပေးမဲ့ပမာဏကလည်းများနေတော့ မော်ဂလီတစ်ယောက် အရန်မင်းသားဝင်လုပ်တယ်ပေါ့ အဲဒီမှာ မင်းသမီးလေးဂျပ်စမင်ဆိုတာနဲ့တွေ့ဖို့အကြောင်းဖန်လာခဲ့တယ်.... ဂျပ်စမင်က ဆွံ့အနားမကြားသူတစ်ယောက် ဒါပေမဲ့ သူ့အလှကတော့ အများကြားပေါ်လွင်လွန်းတာ ကြောင့် လိုချင်တဲ့လူက ခပ်များများရယ် ဆရာ့ဆရာကြီးတွေနဲ့ အပြိုင်ကြဲရင်း အချစ်အတွက် သူရင် ဆိုင်ရမှာတွေက ဘာတွေများဖြစ်နေမလဲ လိုချင်တာကိုရော တောတွင်းသားလေးတစ်ယောက် ရသွား နိုင်မလားဆိုတာကတော့...။ File size… 3 GB / 1.5 GB Quality…WEB DL 1080p HEVC/ 720p Format…mkv/ mp4 Duration….2hr 41mins Subtitle….Myanmar Subtitle (Hard Sub)

They Call Him OG (2025) အော်ရဂျင်နယ်ဂိုဏ်းစတား တေလဂူမင်းသားကြီး ပါဝမ်ကာလ်ယန်ရဲ့ ရုံတင်အမြတ်ငွေ ကုဋေ ၅၀ လောက်ပိုင်ဆိုင်ထားတဲ့ တောင်ပိုင်းကားလေးကို ခုပဲတင်ဆက်ပေးလိုက်ပါပြီ။ 1970 ခုနှစ် ယာကူဇာ ဆာမူရိုင်းတိုက်ပွဲရဲ့ တစ်ဦးတည်းသောရှင်ကျန်ရစ်သူ အိုဂျက်စ်ဂမ်ဘီရာ (အိုဂျီ) တစ်ယောက် ဘုံဘေကို ရွှေသယ်နေတဲ့ သင်္ဘောပေါ် လိုက်ပါဖို့ဖြစ်လာပါတယ်။ သင်္ဘော ဓားပြတိုက်ခံရချိန်မှာ သင်္ဘောပိုင်ရှင် ဆတ်ယာက ရွှေအစား လူတွေကို ဦးစားပေးကယ်တင်တာကိုမြင်ပြီး ဆတ်ယာရဲ့စိတ်ဓာတ်ကို သဘောကျသွားတဲ့ ဂမ်ဘီရာတစ်ယောက် ဆတ်ယာဆိပ်ကမ်းဆောက်မဲ့အကြံအစည်ကို ထောက်ခံပြီး ရန်သူတွေကနေ ကာကွယ်ပေးမယ်လို့ ကတိပေးခဲ့ပါတယ်။ ဆတ်ယာရဲ့ ထက်မြက်မှု ဂမ်ဘီရာရဲ့အကာအကွယ်တွေကြောင့် ဆိပ်ကမ်းကလည်းအကောင်အထည်ပေါ်လာသလို သူတို့အိပ်မက်တွေလည်း တကယ်ဖြစ်လာကြတာပေါ့။ ဒါပေမဲ့ ဆတ်ယာဒါဒါရဲ့ဆိပ်ကမ်းကရွှေတုံးဆိုတာကို မြင်လာတဲ့အခါ အကျိုးတူစီးပွားဖက်တွေကလည်း ဆိပ်ကမ်းကိုမောင်ပိုင်စီးချင်လာသလို ဒီဆိပ်ကမ်းကို မှောင်ခိုလုပ်ငန်းအတွက် မျက်စိကျတဲ့လူကကျနဲ့ သွေးချောင်းစီးဖို့ ဖြစ်လာချိန်မှာတော့... ကျွန်ဝောာ်တို့ရဲ့ ဇာတ်လိုက်ကျော် အိုဂျီ ဂမ်ဘီရာတစ်ယောက် သူ့ရဲ့ရပ်တည်ချက်အတွက် ဘယ်လိုတိုက်ခိုက်သွားမလဲဆိုတာ ရှုစားလိုက်ရအောင်ပါ။ File size… 2.7 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub)

Oh Bhama Ayyo Rama (2025) “အနာဂတ်ကိုဖန်တီးတဲ့ချစ်ခြင်း” ဒီတစ်ခေါက်မှာ မိသားစု၊ဟာသ၊ရသ ပေးနိုင်တဲ့ဇာတ်လမ်းနဲ့မိတ်ဆက်ပေးချင်ပါတယ်။ ဇာတ်ဆောင်မင်းသား ရမ် သူ့အမေနှင့်နှစ်ယောက်တည်းနေထိုင်ကြပြီး အမေဖြစ်သူ အလုပ်အလွန်အကျွံလုပ်သောကြောင့် ရုတ်တရက်သေဆုံးခဲ့ရပါတယ် ။ သူ့အမေကိုသာ ဘဝတစ်ခုလုံးဟုမှတ်ယူထားသော ရမ်ရဲ့ဘဝ ရည်မှန်းချက်တွေပျက်စီးခဲ့ရပါတယ်။ နောက်မကြာခင်မှာ သူ့အမေဖြစ်စေချင်တဲ့ ရည်မှန်းချက်တွေနောက်လိုက်ရင်း ရုပ်ရှင်တွေကိုမုန်းတီးတဲ့ရမ်တစ်ယောက် ရုပ်ရှင်ရူးသွပ်သူဆတ်တယာဘာမာနဲ့တွေ့ဆုံခဲ့ပြီး ပျော်ရွှင်မှုတွေပြန်လည်စတင်ပေါ်ပေါက်လာပါတယ်။ ဘာတွေပဲဖြစ်နေဖြစ်နေ ရမ်ရဲ့အတိတ်က အချစ်ရေးဒဏ်တွေ မိခင်ဆုံးရှုံးခဲ့ရတဲ့ဒဏ်တွေကြောင့် ရမ် ကောင်းစွာမပျော်ရွှင်နိုင်ခဲ့ပါဘူး။ ဒါတွေကို ရမ် ဆတ်တယာဘာမာနဲ့အတူ ဘယ်လိုတွေကျော်ဖြတ်ကြမလဲ။ ရုပ်ရှင်မုန်းတီးသူ ရမ်တစ်ယောက် သူ့အမေဖြစ်စေချင်တဲ့ အောင်မြင်တဲ့ဒါရိုက်တာတစ်ယောက်ရော ဖြစ်လာနိုင်မလား။ အတိတ်ကဒဏ်ရာတွေကိုရော ရမ်ဘယ်လိုကုစားပြီး ပျော်ရွှင်စွာနေထိုင်သွားမလဲဆိုတာ ကြည့်ရှုပေးပါဦး ( အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ် ) File size…3 GB / 1.5 GB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub) Encoder….YK Translated by CM Bollywood Team

Uppu Kappurambu (2025) "သင်္ချိုင်းနေရာ" လူတစ်ယောက်သေဆုံးသွားတဲ့အခါ ကောင်းကောင်းမွန်မွန်မြှုပ်နှံပေးခြင်းဟာ ကျန်ရစ်သူတို့ရဲ့ချစ်ခြင်းတရားကို ပြသခြင်းတစ်မျိုးဖြစ်မယ် ထင်ပါတယ်။ ဒါတွေကလည်း လူတွေရဲ့အယူအဆနဲ့ အခြေအနေအပေါ် မူတည်ပြီး ကွဲပြားသွားမှာပါ။ အခုတင်ဆက်ပေးမဲ့ ကျေးလက်နောက်ခံ ဟာသ-ဒရာမာဇာတ်လမ်းဟာလည်း အဲဒီအကြောင်းကိုအခြေခံပြီး စိတ်ကူးဖန်တီး ရိုက်ကူးထားတာဖြစ်ပါတယ်။ ချစ်တီဂျေယာပူရမ်ဆိုတာ အနီးနားရွာတွေကြားမှာ ထူးခြားလှတဲ့ရွာလေးတစ်ရွာပါ။ အဓိကကတော့ သူ့ရဲ့သမိုင်းကြောင်းနဲ့ သေသူတွေကိုမြှုပ်နှံပေးရာမှာ ထူးခြားတဲ့ အလေ့အထကြောင့်ပါပဲ။ အဲဒီရွာလေးမှာ သေသူတိုင်းကို ပြီးစလွယ်မဟုတ်ဘဲ အုတ်ဂူတွေနဲ့ အသေအချာမြှပ်နှံပေးကြတဲ့ ဓလေ့ရှိပါတယ်။ အုတ်ဂူမှာလည်း နာမည် မွေးရက် သေဆုံးရက်တို့တင်မက သေဆုံးရတဲ့အကြောင်းကိုပါ ရေးထွင်းလေ့ရှိပါတယ်။ သေသူတွေကို ပြီးစလွယ်မမြှုပ်ကြတာဟာလည်း ရွာကလူတွေရဲ့ရှေးသမိုင်းကြောင်းတစ်ခုနဲ့ ဆက်စပ်နေတာကြောင့် ဖြစ်ပါတယ်။ ဒါပေမဲ့ တစ်နေ့တော့ သူတို့ရွာမှာ သင်္ချိုင်းနေရာရှားပါးလာပါတယ်။ သေသူကိုပြီးစလွယ်မြှုပ်နှံလို့မရတဲ့ သမိုင်းအစဉ်အလာကလည်း ရှိနေတာမို့ အဒီကိစ္စဟာ ရွာအတွက် ပြဿနာကြီးတစ်ခု ဖြစ်လာပါတော့တယ်။ အဲဒီအခါ အဖေ့နေရာကိုဆက်ခံပြီး မဖြစ်ချင်ဘဲ ရွာလူကြီးဖြစ်လာရတဲ့ အာပူဗာဆိုတဲ့မိန်းကလေးရယ်၊ သုဘရာဇာလေး ချင်နာရယ်၊ ရွာသူရွာသားတွေရယ် ပူးပေါင်းပြီး ရွာအတွက် ဘယ်လိုအဖြေရှာကြမလဲ၊ ဘာတွေကြုံတွေ့ရမလဲဆိုတာကို ဟာသနှောပြီး တင်ဆက်ထားတာမို့ ရယ်ရယ်မောမော ပေါ့ပေါ့ပါးပါး ကြည့်ရှုခံစားကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ CM Bollywood Team ဖြစ်ပါတယ်။) File size… 2.6 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 16min Subtitle….Myanmar Subtitle (Hard Sub) Encoder….YK Translated by CM Bollywood Team

.Janaka Aithe Ganaka 2024 (ဖခင်တစ်ယောက် ဖြစ်လာပြီဆိုရင်) ပရာဆပ်ဆိုတဲ့ကောင်လေးဟာ ငယ်စဉ်က ဖခင်ဖြစ်သူကို မြေနေရာကောင်းတစ်ခုဖြစ်လာနိုင်မယ့်နေရာကောင်းတစ်ခုကို ဝယ်ခိုင်းခဲ့ပေမယ့် သူ့အဖေက လက်မခံပဲ တခြားနေရာမှာ မြေကို ဝယ်ခဲ့လိုက်ပါတော့တယ်။ ဖြစ်ချင်တော့ ဖခင်ဖြစ်သူဝယ်ခဲ့တဲ့မြေနေရာဟာ ရေကန်ကြီးဖြစ်လာခဲ့ပြီးတော့ သူဝယ်ခိုင်းလိုက်တဲ့နေရာကတော့ အရမ်းကို ဖွံ့ဖြိုးတိုးတက်ပြီးတော့ ကွန်ဒိုတွေအများကြီးနဲ့ ဖြစ်နေပါတော့တယ်။ ဖခင်ဖြစ်သူဟာလည်း သူ့သားစကားဆို ဘယ်တော့မှ လက်မခံသလို သားဖြစ်သူဟာလည်း ဒီအချက်ကိုပဲ နင်းပြီးပြောလေ့ရှိပါတယ်။ ဒီလိုနဲ့ အသက်တွေကြီးလာပြီးတော့ အိမ်ထောင်ရက်သားကျပြီးတဲ့နောက်မှာတော့ ငွေကြေးမပြည့်စုံတဲ့အတွက် ပရာဆပ်ဟာ ကလေးယူဖို့အတွက်ကို ဝန်လေးလို့နေခဲ့ပါတော့တယ်။ ဒါပေမဲ့လည်း အလုပ်ကို ကြိုးစားလုပ်ရင်း Magic Wash ဆိုတဲ့ အဝတ်လျှော်စက်ကုမ္ပဏီတစ်ခုမှာ အလုပ်ရခဲ့ပါတယ်။ အဲဒီအချိန်ကျတော့မှ သူ့မိန်းမသွားချင်တဲ့ အူတီဆိုတဲ့နေရာကို လိုက်ပို့ပေးဖို့ စိတ်ကူးယဉ်အိပ်မက်တွေ မက်ရင်း ကလေးယူဖို့အတွက် စတင်ပြီးတော့ တွေးတောခဲ့ပါတော့တယ်။ ပရာဆပ်တစ်ယောက် ဖခင်တစ်ယောက်ဖြစ်လာပြီး သူ့ဖခင်နဲ့မတူအောင် ကလေးကို ပျိုးထောင်ပေးနိုင်ပါ့မလား .......... မပြည့်စုံတဲ့ဘဝကနေ ဘယ်လိုတွေ ကြိုးစားရုန်းကန်ပြီးတော့ ဘဝကို နေထိုင်သွားမလဲ..... ဆိုတာကို ကြည့်ရှုရမယ့် ဒရာမာကောင်းလေးတစ်ကားဖြစ်ပါတယ်။ ဒါတင်မကပဲ ဟာသမင်းသားကြီး Vennela Kishoreလည်း ပါတာဖြစ်လို့ ဒရာမာဇာတ်ကားကို ဟာသလေးတွေနှောပြီးတော့ အခွီလေးတွေနဲ့ ကြည့်ရှုရမယ့် ဒရာမာကားလေးဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Teamပဲဖြစ်ပါတယ်) File size… 1.8 GB / 896 MB Quality…WEB DL 1080p HEVC/ 720p Format…mkv/ mp4 Duration….2h 18m Subtitle….Myanmar Subtitle (Hard Sub) Encoder….YK Translated by CM Bollywood Team

Gorre Puranam (2024) "သိုးဖြူကလေး ရမ်" IMDb - 5.9/10 ပိတ်ရက်မှာ စိတ်အပန်းဖြေစရာ ထူးထူးခြားခြား တလေဂူးလ်ရုပ်ရှင်လေးတစ်ကားကို တင်ဆက်ပေးလိုက်ပါတယ်။ သိုးတစ်ကောင် ထောင်ကျတာ ခင်ဗျားတို့ကြားဖူးလား။ ဟုတ်ပါတယ် ဒီထဲမှာ သိုးတစ်ကောင်ထောင်ချခံလိုက်ရပါတယ်။ ဇာတ်ကြောင်းပြန်ရရင် အဲဒီသိုးရဲ့နာမည်က ရမ်တဲ့။ ရွာထဲမှာ ခွေးတစ်ကောင်သေသွားပြီး ခွေးသေတာက သတင်းစာတွေထဲထိပါလို့ ရွာနာမည်ကြီးသွားတယ်ဆိုတာ ကြားပြီး သိုးကလေး ရမ့်စိတ်ထဲမှာ သတင်းစာတင်မဟုတ်ဘူး တီဗီတွေထဲထိနာမည်ကြီးအောင် လုပ်ပြမယ်ဆိုတဲ့စိတ် ဝင်သွားပါတယ်။ တခြားသိုးတွေ စားကျက်မှာ အစာငုံ့စားနေတဲ့အချိန် ရမ်ကတော့ တောင်ကုန်းပေါ်ကနေ ခေါင်းထောင်ကြည့်ပြီး လှပတဲ့ နေရာသစ်ဆီကို ငေးမျှော်တမ်းတနေခဲ့တာပေါ့။ တစ်နေ့မှာ ပွဲတော်အတွက် ယဇ်ပူဇော်ဖို့ သိုးလာဝယ်တဲ့အချိန် ရမ်တစ်ကောင်ပါသွားပြီးလွတ်မြောက်ဖို့ ကြိုးစားတဲ့အခါမှာတော့။ သိုးတစ်ကောင်က ဘာလို့ထောင်ကျတာလဲ။ နာမည်ကြီးတစ်ကောင်ဖြစ်လာဖို့ ရမ့်ရဲ့ရည်မှန်းချက်ပြည့်မှာလားဆိုတာ။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… 1.3 GB / 700 MB Quality…WEB DL 1080p HEVC/ 720p Format…mkv/ mp4 Duration….1h 43m Subtitle….Myanmar Subtitle (Hard Sub) Encoder….YK Translated by CM Bollywood Team

Sriranga Neethulu (2024) "ပြစ်ချက်မကင်းတဲ့ ပန်းများ" IMDb 9.0 အိန္ဒိယခေတ်သစ်လူ့အဖွဲ့အစည်းက လူငယ်တွေရဲ့ ဘဝနေထိုင်မှုကို တင်ဆက်ထားတဲ့ ဒရာမာဇာတ်လမ်းလေးဖြစ်ပါတယ် ခေတ်နဲ့အမျှ လူ့အဖွဲ့အစည်း ဘယ်လောက်ပဲ တိုးတက်ပြောင်းလဲလာပါစေ လူတန်းစား/ကျားမ ခွဲခြားမှုတို့က ဆက်လက်ရှင်သန်နေဆဲဖြစ်ပြီး ဆင်းရဲမွဲတေမှု၊ လူငယ်တွေ အလုပ်လက်မဲ့ဖြစ်မှုတို့ကလည်း မကွယ်ပျောက်ဘဲ ရှိနေဦးမှာပါ အက်ရှ်ဝါရီယာ ဆိုတဲ့ ကောင်မလေးဟာလည်း ဒီလိုပြဿနာတွေကို စင်ပေါ်တက်ဟောပြောဖို့ သတ္တိရှိပေမယ့် သူကိုယ်တိုင်ကျ လူတန်းစားမတူတဲ့ ရည်းစားကောင်လေးအကြောင်း မိဘကို ဖွင့်ပြောဖို့ကျ မဝံ့ရဲဘူးလေ ရှီဗာကတော့ အလုပ်လက်မဲ့ တေလေဂျပိုး ဖခင်ကို အရွဲ့တိုက်ပြီး မူးရူးနေရုံသာမက ဆေးခြောက်ပါ ကိုယ်တိုင်စိုက်လို့ ကွိုင်တက်ရတဲ့ လမ်းပျောက်လူငယ်တစ်ယောက် ... အောင်မြင်ကျော်ကြားဖို့ လူအာရုံစိုက်ခံရဖို့ကို ကိုယ့်အလုပ်ထက် အလေးပေးတဲ့ ခေတ်လူငယ်တွေရဲ့ လက်ရှိအခြေအနေတွေ အပါအဝင် မတူညီတဲ့ နောက်ခံအမျိုးမျိုးက ခေတ်လူငယ်တွေရဲ့ ဘဝပြဿနာအဖုံဖုံကို လက်တွေ့ကျကျ တင်ဆက်ထားတဲ့ ဇာတ်လမ်းကောင်းလေးပါ အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size… 1.76GB / 778MB Quality…WEB DL 1080p / 720p Format…mp4 Duration….2h 2mins Subtitle….Myanmar Subtitle (Hard Sub) Encoder….YK Translated by CM Bollywood Team

Prasanna Vadanam(2024)"မျက်နှာများ" ဒါရိုက်တာ အာဂျွန်ဝိုင်ကေရဲ့ IMDb 8.2 ရတေလဂူးစကားပြော အက်ရှင်မှုခင်းရုပ်ရှင်လေးကို ချန်နယ်မြန်မာပရိသတ်ကြီးအတွက် တင်ဆက်ပေးချင်ပါတယ်။ ဆူရီယာဟာ အက်ဆီးဒန့်တစ်ခုကြောင့် prosopagnosia လို့ခေါ်တဲ့ ခံစားနေရသူပါ။ Prosopagnosia ဆိုတာကတော့ ပြောရရင် မျက်နှာတွေကို မမှတ်မိနိုင်တဲ့ရောဂါပါ။ အဖေအမေရဲ့ မျက်နှာကိုတောင် မမှတ်မိတာကြောင့် နေ့တဒူဝ တွေ့နေကျလူတွေကို သူတို့ရဲ့ ထူးခြားတဲ့ဝိသေသတွေနဲ့ ကိုယ့်နည်းကိုယ့်ဟန်မှတ်ထားရတဲ့ ဆူရီယာဟာ တစ်နေ့မှာ ရာဇဝတ်မှုတစ်ခုနဲ့ ကြုံတွေ့ခဲ့ရပါတယ်။ သာမန်အချိန်တွေမှာ သူ့ရဲ့ရောဂါက သူ့အတွက် အားနည်းချက်ဖြစ်ပေမဲ့ အဲဒီရာဇဝတ်မှုမှာတော့ မျက်နှာတွေကို မမှတ်မိခြင်းက အားသာချက်ဖြစ်နေတဲ့အခါမှာတော့...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 2.36GB / 1.16GB Quality…WEB DL 1080p / 720p Format…mp4 Duration….2h 26m Subtitle….Myanmar Subtitle (Hard Sub) Encoder….YK Translated by CM Bollywood Team

Ambajipeta Marriage Band (2024) "အမ်ဘာဂျီပါတာ ရွာကလေး" IMDb 6.8 ရထားတဲ့ တေလဂူးစကားပြော ကျေးလက်ဟာသ ဇာတ်လမ်းလေးတစ်ပုဒ် တင်ဆက်ပေးလိုက်ပါတယ်... ရယ်ရရုံသက်သက်မဟုတ်ပဲ လူ့အဖွဲ့အစည်းအကြောင်းကို ဗဟိုပြုပြီး ဇာတ်လမ်းဆင်ထားတာမို့ ဇာတ်ကွက်ကိုပါ စိတ်ဝင်တစားကြည့်ရှုရမယ့် ဇာတ်ကားလေး ဖြစ်ပါတယ် ဇာတ်လမ်းကို ၂၀၀၀ ကာလက အမ်ဘာဂျီပါတာ ဆိုတဲ့ ရွာကလေးကို နောက်ခံထားပြီး အဓိက ဇာတ်ကောင်တွေကတော့ မာလီနဲ့ ပက်ဒါတို့ အမွှာမောင်နှမ ၂ ယောက်ပါ သူတို့အဖေက ဆံပင်ညှပ်ဆရာတစ်ယောက်ဖြစ်ပြီး မာလီက မင်္ဂလာဆောင်တွေရဲ့ တီးဝိုင်းမှာလိုက်တီးတဲ့ သူတစ်ယောက်ဖြစ်ပါတယ်... ပက်ဒါကတော့ ကျောင်းဆရာမတစ်ယောက်ဖြစ်ပြီး ... သူတို့ရွာမှာ အားလုံးကြောက်ရတဲ့ သူဌေးဖြစ်တဲ့ ဗန်ကတ် ဆိုသူလည်း ရှိပါတယ် သမီး အချိန်ပြည့်အလုပ်ရဖို့ ဖခင်က ဗန်ကတ်ကို အပူကပ်ခဲ့ရာကနေ ဗန်ကတ်နဲ့ ပက်ဒါတို့ နှစ်ယောက်ကို တစ်ရွာလုံးက အတင်းအဖျင်းတွေ ပြောလာတဲ့အခါမှာ ... အတားအဆီးတွေနဲ့ လူ့ဘဝဇာတ်ခုံ၊ ဇာတ်နိမ့်ဇာတ်မြင့် ကွာခြားပုံ၊ လူ့အသိုင်းအဝိုင်းရဲ့ ဝေဖန်ပြစ်တင်မှုတွေကို ရင်ဆိုင်ရပုံတွေအပြင်.... ဟာသဇာတ်လမ်းတစ်ခုကနေ မမျှော်လင့်တဲ့ အလှည့်အပြောင်းတွေနဲ့ တည်ဆောက်ထားတဲ့ ရုပ်ရှင်လေးကို ပရိသတ်ကြီး ကြည့်ရှုခံစားနိုင်ဖို့ တင်ဆက်ပေးလိုက်ပါတယ် အညွှန်းနဲ့ ဘာသာပြန်ကတော့ Yunni ~ V ~ BpL ~ Alex ~ ToMo ~ KKKZ ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.45GB / 1.12GB Quality…WEB DL 1080p / 720p Format…mp4 Duration….2h 24m Subtitle….Myanmar Subtitle (Hard Sub) Encoder….YK Translated by  Yunni ~ V ~ BpL ~ Alex ~ ToMo ~ KKKZ

Writer Padmabudhan (2023) Comedy, Drama IMDb 8.7/10 (4.6K) စာအုပ်မြို့တော်လို့ တင်စားရလောက်တဲ့ ဗီဂျေးဗာဒါဆိုတဲ့ နယ်မြို့လေးမှာ ပဒ်မားဘူရှန်းဆိုတဲ့ လူငယ်လေးတစ်ယောက်ရှိသတဲ့။ အဲ့ဒီမြို့လေးက စာအုပ်နဲ့ပတ်သက်လာရင် နာမည်ကြီးလွန်းလို့ စာရေးဆရာကတောင် သူရေးခ​ဲ့ဖူးတဲ့စာအုပ်ဟောင်းကိုပြန်ရှာတွေ့နိုင်လောက်အောင်ပေါ့ကွယ်။ ဒီလို စာပေထွန်းကားတဲ့မြို့လေးမှာ စာရေးဆရာတအားဖြစ်ချင်နေတဲ့သူကတော့ ကျွန်တော်တို့ ဇာတ်လိုက်ကြီး ပဒ်မားဘူရှန်းပဲဖြစ်ပါတယ်။ အကြွေးတွေယူပြီး စွန့်စွန့်စားစားနဲ့ စာအုပ်တစ်အုပ်ထုတ်ဝေခဲ့ပါတယ်။ ကံခေလွန်းတာများ တစ်အုပ်တောင် မရောင်းရတဲ့အပြင် စာအုပ်ပုံကြီးသာ အဖတ်တင်သွားခဲ့တယ်လေ။ အခွင့်အလမ်းက အိမ်တံခါးလာခေါက်တဲ့အခါ မဖွင့်ပေးတဲ့သူဟာ အရူးဆုံးသောလူပါပဲဆိုတဲ့အတိုင်းပဲ သူ့ဆီလည်း တစ်​ကြိမ်လာခေါက်ခဲ့ပါတယ်။ အဲ့ဒီအခွင့်အလမ်းက ဘာဖြစ်နေမလဲ...။ ဘယ်လိုကြောင့် သူ့ဆီရောက်လာတာလဲ...။ သူနဲ့သူ့မိသားစုအပေါ် ဘယ်လိုအကျိုးသက်ရောက်မလဲဆိုတာကို ဆက်လက်ရှုစားပေးပါနော်။........... File size…1.99GB / 1GB Quality…1080p  WEB DL /720p Format…mp4 Duration….2h 3m Subtitle….Myanmar Subtitle (Hard Sub) Encoder….YK Translated by Taylor ~ Cherry ~ Nyein Aye

Thappad ဆိုတဲ့ ကားနဲ့ လူသိပိုများတဲ့နာမည်ကြီးမင်းသမီးချောလေး Taapsee Pannu  ရဲ့ ကားသစ်ထွက်ရှိလို့လာပါပြီ... တစ်ချို့သောသူတွေဟာ အာဏာရပြီး အများကျိုးသယ်ပိုးဟန်တွေပြတဲ့သူတွေဆိုပေမဲ့ တစ်ချိန်တုန်းက ကလူတိုင်းထိတ်လန့်ကြောက်ရွှံရတဲ့ လူဆိုးကြီ:တွေဖြစ်ခဲ့ကြတယ်... လက်ရှိမှာလည်း ဉပဒေကိုလက်တစ်လုံးခြား ကွက်ကျော်ရိုက်နေတဲ့သူတွေပေါ့.... ဒီလိုလူတွေကို နည်းမျိုးစုံနဲ့ လက်လံဖမ်းဆီးနေတဲ့ ကောင်မလေးတစ်ယောက်ဦးဆောင်တဲ့ (၃)ယောက်အဖွဲ့တစ်ဖွဲ့ရှိတယ်...တစ်နေတာ့ သူတို့တွေဟာ ကလေး လူမှောင်ခိုကူးတာကို အဓိကထားလုပ်နေတဲ့ ဒုစရိုက်ရာဇာတစ်ဦးကို ဖမ်းဖို့ စီစဉ်ကြတယ်... အာဏာလည်းရှိပြီးငွေလည်းရှိတဲ့အပြင် အဆက်အသွယ်တွေ လူအင်အားတွေ တောင့်လွန်းတော့ သူတို့အတွက်မလွယ်လှဘူး...တစ်ချိန်တည်းမှာပဲ အစိုးရက ဒီလူဆိုးကြီ:ကိုဖမ်းနိုင်ရင် ရူပီသိန်း(၅၀)ချီးမြှင့်မယ်ဆိုပြီးကြေငြာထားတယ်... ဒီအကြောင်းကို ရွာတရွာရဲ့ မျောက်လောင်း ကလေး (၃)ယောက်ကသွားတွေ့တယ်... သူတို့သာ ဖမ်းနိုင်ရင် သိန်း၅၀ ရမယ် ..ဒါဆို သူတို့ရည်မှန်းချက်တွေပြည့်အောင် လုပ်ဖို့များစွာအထောက်အကူဖြစ်မယ်ဆိုပြီး စပါယ်ရှယ်အစီအစဉ်တွေဆွဲပြီး ဖမ်းဖို့ကြိုးစားပါတော့တယ်.. လူကြီး(၃)ယောက်နဲ့ ကလေး(၃)ယောက်ပေါင်းစည်းဖို့ဖြစ်လာသလို သူတို့အစီအစဉ်တွေအောင်မြင်မလား...ဆိုတာကိုတော့... File Size          : 2.5GB, 1.1GB, 378MB Quality            : Web-dl 720p, 480p Format            : mp4 Duration         : 1hr & 34mins Genre              : Drama , Action, Comey Translated by  Chothet_mlmt & Moe Lay Encoded by  Phyo Pyae

SP ကေဒီက အမှုဖြစ်ရင် ငါးမိနစ်အတွင်း တရားခံဖမ်းပြနိုင်တဲ့ ရဲအရာရှိတစ်ယောက်ပါ။ ဉာဏ်ကောင်းပြီး မိတ်ဆွေလည်းပေါသလို သတင်းထောက်တွေကြားမှာလည်း နာမည်ကြီးတယ်။ ချစ်သူ အာရာနဲ့အတူ ဘဝကို ပျော်ပျော်ရွှင်ရွှင် ဖြတ်သန်းနေတဲ့ သူ့ဆီ တစ်နေ့မှာတော့ အရင်ကလို အလွယ်တကူ ဖြေရှင်းဖို့မလွယ်တဲ့ အမှုတစ်ခု ရောက်လာပါတယ်။ ခေါင်း၊ လက်နဲ့ ကိုယ်ခန္ဓာကို တစ်ပိုင်းစီ ခုတ်ဖြတ်ထားပြီး လူတစ်ယောက်ပုံစံ ပြန်စီထားတဲ့ အလောင်းကို တွေ့ရတာပါ။ ဒါပေမယ့် ခေါင်းနဲ့ ကိုယ်ခန္ဓာက လူတစ်ယောက်တည်းရဲ့ အစိတ်အပိုင်းတွေ မဟုတ်နေဘူး။ နောက်ထပ်အလောင်းတွေ ရှိနေသေးတဲ့ သဘောဖြစ်တာကြောင့် ကေဒီလည်း အမှုထဲ ပိုဝင်စုံစမ်းလာရတယ်။ ဒီအမှုကို လိုက်ရင်း သူ့အတွက် ဘယ်လိုအသက်အန္တရာယ်တွေ ရှိလာမလဲ၊ တရားခံကရော ဘယ်သူလဲ။ Adivi Sesh ပါဝင်သရုပ်ဆောင်ထားပြီး ရက်စက်တဲ့ သတ်ဖြတ်ခန်းတွေ ပါဝင်ပါတယ်။

Rang De 2021 အချစ်ဟာ ဆန်းကြယ်တဲ့ ဆိုတဲ့ စကားကို ရှေ့တန်းတင်ရင် အားလုံးအတွက် ရယ်စရာဖြစ်မလား မသိဘူး။ ဝေးနေပေမဲ့၊ အပြင်မှာ မတွေ့ဖူးပေမဲ့ အရမ်းချစ်ရတဲ့အခါ ရှိတယ်။ ဘယ်သူနဲ့ ဘာတွေ လုပ်နေမလဲဆိုပြီး တွေးတောပူဆွေးရင်း တနေကုန်ငိုနေရတဲ့အခါ ရှိသလို နီးကပ်၊ထိစပ်နေပေမဲ့ အချစ်စိတ် မဖြစ်ဘဲ သူငယ်ချင်းထက် မပိုနိုင်တဲ့ သံယောဇဉ်တွေလည်း ကြုံဖူးမှာပါ။ နှစ်ယောက်လုံးက ချစ်စိတ်မဝင်ကြရင် နေသာသေးတယ်ဗျ၊ နှစ်ယောက်မှာ တစ်ယောက်က တစ်ဖက်သတ်ချစ်နေရမယ်ဆို မခက်ပေဘူးလား။ တေလဂူးတို့က အချစ်ကားလေးတွေမှာ တော်တော်လေး ကြည့်ကောင်းနေတာ အားလုံး အသိပါပဲ။ ခုဇာတ်ကားကတော့ တေလဂူးပရိသတ်တို့ ရင်းနီးပြီးသားဖြစ်တဲ့ Nithiinနဲ့ Keerthyတို့ရဲ့ အိမ်နီးချင်း ဇာတ်လမ်းလေးပါပဲ။ Nithiinဖြစ်တဲ့ အာဂျွန်ကတော့ ငယ်ငယ်ကတည်းက Keerthy ဖြစ်တဲ့ အာနူးရဲ့ ဒုက္ခပေးနည်းပေါင်းစုံကို ခံယူခဲ့ရသူတစ်ဦးပေါ့။ အာနူးက အာဂျွန် ဝယ်လာသမျှ စားမယ် သောက်မယ်။ မရင် အာဂျွန် အဖေ့ကို တိုင်မယ်။ အတန်းမှာလည်း အတန်းမှာမို့၊ အိမ်မှာလည်း အိမ်မှာမို့နဲ့ အာဂျွန်ကတော့ တော်တော် စိတ်ပျက်နေသူပေါ့။ ဒါကိုတော့ အာနူးရဲ့ စိတ်ထဲမှာ ကြည်နူးစရာလို့ သတ်မှတ်ထားတယ်။ အမြဲလိုလို သူ့အပေါ် ဂရုစိုက်တတ်တဲ့ အာဂျွန်ကလွဲပြီး သူ့အတွက်တော့ အားကိုးစရာမရှိဘူး။ ငယ်ရွယ်စဉ်မှာ အမြဲလိုလို သည်းခံကြ၊ အနိုင်ယူကြနဲ့ အဆင်ပြေပေမဲ့ အရွယ်ရောက်လာတဲ့အခါမှာတော့.... ကဲဒီလောက်ဆို အားလုံးလည်း အချစ်ဇာတ်မြူးနဲ့အတူ ဒရာမကားကောင်းတစ်ကားကို ကိုယ်တိုင်ခံစား ကြည့်ရှုဖို့ အချိန်တန်ပါပြီ။ တောင်းဆိုထားတဲ့ လူတွေအတွက်လည်း နောက်ကျသွားမယ်ဆိုရင် ခွင့်လွှတ်ပေးဖို့ ပြောချင်ပါတယ်။ အညွန်းကိုတော့ ညီညီကိုးမှ ရေးထားပြီး ဘာသာပြန်သူတွေကတော့ ကိုမြင့်သူနဲ့အတူ ညီညီကိုးက အင်အားဖြည့်ထားပါတယ်။ File size…1 GB and 2.2 GB Quality….WEB-DL 1080p and 720p Format…mp4 Duration…. 2h 10min Subtitle….Myanmar Subtitle (Hardsub) Translator ..... Myint Thu and Nyi Nyi Koe Encoder ..... August

Ardha Shathabdham (2021) "ချစ်ခြင်းမေတ္တာက အမျိုးဇာတ်နဲ့ အယူဝါဒတွေကို ကျော်လွန်နိုင်တဲ့နေ့လေး ရောက်လာခဲ့ရင်" "ကျွန်တော် ပန်းလေးတစ်ပွင့်လို ပွင့်လန်းနေပါ့မယ် အမြဲတမ်းထင်ကျန်ရစ်နေဖို့ပေါ့…." ဒီဇာတ်လမ်းလေးက အိန္ဒိယနိုင်ငံတွင်း မတည့်အတူနေ အမျိုးဇာတ်တွေအကြောင်းကို ပညာပေးရိုက်ကူးထားတဲ့ ကားလေးတစ်ကားပဲဖြစ်ပါတယ်... ခရစ်ရှနားဆိုတဲ့ကောင်လေးက ဟိုးကလေးဘဝကတည်းက ပွရှ်ပါးဆိုတဲ့ကောင်မလေးကို ချစ်ခင်နှစ်သက်လာခဲ့တယ်.. အရွယ်ရောက်လာတော့လည်း မပြယ်သော ချစ်ခြင်းတရား တွေနဲ့ တိတ်တခိုး ချစ်မြတ်နိုးနေဆဲပဲ... သူတို့ရွာမှာက ဇာတ်နိမ့်ဇာတ်နိမ့်တအားခွဲခြားလွန်းလို့ ဇာတ်နိမ့်ဇာတ်မြင့်လူနှစ်ဦးလက်ထပ်ကြရင် သေကွဲကွဲ ရတတ်တယ်..တစ်ရက် ခရစ်ရှနားဟာ သူချစ်ရတဲ့ ပွရှ်ပါးပန်ဖို့ အမြတ်တနိုးပျိုးလာခဲ့တဲ့ ပန်းလေးတစ်ပွင့် ဟာ သူကိုယ်တိုင်မပေးရသေးဘဲ သူ့ချစ်ရတဲ့သူခေါင်းထက် ကို ရောက်နေပါတော့တယ်.. ရက်အတော်များများစောင့်မျှော်နေခဲ့ရတဲ့ ဒီအခွင့်အရေးကို လက်လွှတ်လိုက်ရတဲ့အတွက် ဒေါသစိတ်လွန်ကဲပြီး ရမ်းလိုက် မိတဲ့သူက ရွာအုပ်ချုပ်ရေးမှူးရဲ့ သားဖြစ်နေပါတော့တယ် ရွာအုပ်ချုပ်ရေးမှူးကလည်း ဒါကိုအမျိုးဇာတ်ပြဿနာဖန်တီး ပြီး သူနဲ့ရန်ငြှိုးရှိတဲ့သူကို လက်စားချေဖို့ ကြိုးစားလာတဲ့အခါ မှာတော့ တစ်ရွာလုံး အုတ်အော်သောင်းနင်း ဆူပူသတ်ဖြတ်မှု တွေဖြစ်လာပါတော့တယ်... ဒီလိုနဲ့ ခရစ်ရှနားရယ် ပွရှ်ပါးရယ် သူတို့ရဲ့အမျိုးဇာတ်ပြဿနာကြီးနေတဲ့ သူတို့ရွာလေးမှာ ဘာတွေဆက်ဖြစ်လာမလဲဆိုတာကိုတော့ စိတ်လှုပ်ရှားစွာ ကြည့်ရှုရမှာပဲဖြစ်ပါတယ်... (ရုပ်ရှင်အညွှန်းနဲ့ဘာသာပြန်ကတော့ Thuya ဖြစ်ပါတယ်။) File size…(2.1 GB) and (1.3 GB) Quality….WEB-DL 1080p and 720p 5.1CH Format…mkv Duration….01:57:00 Subtitle….Myanmar Subtitle (Hardsub) Encoder….Nyeinsaeya Aung Translated by Thuya

ကာမာလာက ကလေးတစ်ယောက်ရှိတဲ့ နားမကြားသူ အမေတစ်ယောက်ပါ။ ဒူဘိုင်းကို ထွက်သွားပြီးကတည်းက အဆက်အသွယ်မရတော့တဲ့ ခင်ပွန်းကို စောင့်ရင်း နေ့စဉ်အခက်အခဲတွေကို ခါးစည်းခံနေရတယ်။ တစ်ဖက်မှာလည်း အကြားအာရုံ ပြန်ရလာနိုင်မလားဆိုတဲ့ မျှော်လင့်ချက်ကို ဆုပ်ကိုင်ထားပါတယ်။ အာလီဆိုတဲ့ လူငယ်ကတော့ ခရစ်ကတ်ကစားသမားတစ်ယောက်အဖြစ် အောင်မြင်ချင်တဲ့ အိပ်မက်ရှိတယ်။ သူနဲ့ သူ့ချစ်သူ ဇာရာတို့အကြောင်းအပြင် နေရာအတည်တကျမရှိဘဲ လှည့်လည်နေကြတဲ့ မိဘမဲ့ကလေးနှစ်ယောက်ရဲ့ ဘဝကိုလည်း ဇာတ်လမ်းက ပြထားပါတယ်။ မတူညီတဲ့အခြေအနေတွေမှာ နေထိုင်ကြပေမယ့် သူတို့အားလုံးဟာ လက်လျှော့ချင်စရာ အခက်အခဲတွေကြားကနေ မျှော်လင့်ချက်နဲ့ ရှေ့ဆက်ဖို့ ကြိုးစားနေကြသူတွေပါ။ သူတို့ရဲ့ နေ့စဉ်ဘဝတွေကို ပြသရင်း လူ့အဖွဲ့အစည်းထဲက အခွင့်ထူးခံတွေနဲ့ ဘဝအခြေအနေ ဘယ်လောက်ကွာခြားနေသလဲဆိုတာကိုလည်း ဖော်ပြထားတယ်။ ဒါရိုက်တာ Sujana Rao ရဲ့ ဒီရုပ်ရှင်ဟာ ဟိုက်ဒရာဘတ်မှာ ကြုံခဲ့ရတဲ့ မိုးကြီးရေလွှမ်းမှုကို နောက်ခံပြုထားပါတယ်။ ရေဘေးမှာ ဆုံးပါးခဲ့သူတွေကို ဂုဏ်ပြုမှတ်တမ်းတင်လိုတဲ့ ရည်ရွယ်ချက်နဲ့ ရိုက်ကူးခဲ့တာလို့ ဒါရိုက်တာက ပြောထားပေမယ့် ဇာတ်ကောင်တွေရဲ့ ဇာတ်လမ်းတွေက ဖြစ်ရပ်မှန်ကို တိုက်ရိုက်ပြန်ရိုက်ထားတာမျိုးတော့ မဟုတ်ပါဘူး။ လက်တွေ့ဘဝမှာ လူတွေကြုံနေရတဲ့ ဒုက္ခသုခနဲ့ ရုန်းကန်ရမှုတွေကို အခြေခံပုံဖော်ထားတာပါ။

ဇာတ်လမ်းအစမှာ ဘော်ဘီဆိုတဲ့ လူငယ်တစ်ယောက်ဟာ မူးရူးသောက်စားပြီး မျက်ရည်တွေနဲ့ လီလီဆီ ဖုန်းဆက်ဖို့ ကြိုးစားနေပါတယ်။ လီလီက တစ်ချိန်က သူ့ဘဝထဲ ဝင်လာခဲ့ပြီး နောက်တော့ သူ့ကို ဝမ်းနည်းမှုတွေနဲ့ ချန်ထားခဲ့သူပါ။ သူ ဘာကြောင့် ထွက်သွားခဲ့တာလဲဆိုတာကနေ သူတို့နှစ်ယောက်ရဲ့အကြောင်းကို ဆက်ပြထားတယ်။ ဘော်ဘီဟာ စိတ်လိုက်မာန်ပါ လုပ်တတ်သူပါ။ ကျောင်းမှာလည်း ကျောင်းသားသမဂ္ဂဆိုတဲ့ နာမည်အောက်ကနေ ထင်ရာစိုင်းနေသူလို့ အများက မြင်ကြတယ်။ မကြာခဏ ရန်ဖြစ်တတ်ပြီး သောက်စားတတ်ပေမယ့် မိန်းကလေးတွေကိုတော့ ရိုသေတတ်သူပါ။ လီလီပြောခဲ့တဲ့စကားတွေထက် သူဘာမှ ပြန်မပြောနိုင်ခဲ့တာကို ပိုနာကျင်နေရတယ်။ ဒါပေမဲ့ လီလီမှာ သူ့ကြောင့် တစ်စုံတစ်ခုဖြစ်ခဲ့တာကိုတော့ ဘော်ဘီ မသိခဲ့ပါဘူး။ လီလီ ဘာဖြစ်ခဲ့တာလဲ၊ သူတို့နှစ်ယောက် ပြန်ဆုံဖြစ်ကြဦးမလား။ ဘော်ဘီနဲ့ သူ့ရန်ဘက် ဘူလီရဲ့ညီတို့ကြားက ပြဿနာကရော ပြီးသွားပြီလား။ Vijay Devarakonda နဲ့ Rashmika Mandanna တို့ ပါဝင်ထားတဲ့ အက်ရှင်အချစ်ဇာတ်ကားဖြစ်ပြီး ခေါင်းစဉ်ကတော့ ချစ်လှစွာသော သွေးသောက်ရဲဘော်လို့ အဓိပ္ပာယ်ရပါတယ်။