Sumiko Fuji ပါဝင်သော ဇာတ်ကားများ

Children of the Sea (2019) IMDB - 6.5/10, MyAnimeList - 7.1/10 Ruka ဆိုတဲ့ ဆယ်ကျော်သက်အရွယ် ကောင်မလေးတစ်ယောက်ဟာ နွေရာသီမှာ ဖခင်ဖြစ်သူရဲ့ ပြတိုက်ကို သွားရင်း Sora နဲ့ Umi လို ခေါ်တဲ့ ထူးခြားတဲ့ ကောင်လေးနှစ်ယောက်နဲ့ တွေ့ဆုံခဲ့ပါတယ်။ ဒီကောင်လေးနှစ်ယောက်ဟာ ရေနေသတ္တဝါတွေရဲ့ ပျိုးထောင်မှုနဲ့ ကြီးပြင်းလာရတယ်ဆိုသလို ပင်လယ်နဲ့ နက်ရှိင်းတဲ့ ဆက်နွှယ်မှုတေွ ရှိခဲ့ပါတယ်။ တစ်ရက်ကျ ဝေလငါးတွေဟာ မထင်ထားတဲ့ နေရာတွေမှာ‌ ပေါ်လာခဲ့သလို ငါးတွေကလည်း ပြတိုက်ကနေ ပျောက်သွားတာမျိုးတွေ ဖြစ်ခဲ့တယ်။ ဒါ့အပြင် ထူးဆန်းတဲ့ တေးသံကလည်း ပင်လယ်ဘက်ကနေ ထွက်လာခဲ့တယ်။ ဒီလိုဖြစ်ရပ်တွေကနေ Ruka တစ်ယောက် ပွဲတော်အကြောင်း ပင်လယ်နဲ့ ကြယ်တွေအကြောင်း သိလာရာကနေ ကောင်လေးနှစ်ယောက်နဲ့ သံယောဇဉ်ပိုတိုးလာခဲ့ပါတယ်။ အဲဒီနောက်မှာတော့ သက်ရှိတွေရဲ့ ဘဝဇာတ်ကြောင်းနဲ့ ဆက်စပ်နေတဲ့ လျှိဝှက်ချက်တွေကို သိလာခဲ့ရတယ်။ တကယ်ပဲ ပင်လယ်ကြီးက Ruka ကို ဘာများ ပြောချင်နေတာလဲ သူကရော ဒီဇာတ်လမ်းမှာ ဘယ်လိုနေရာကနေ အရေးပါတဲ့ဇာတ်ကောင်အနေနဲ့ ဖြစ်မလဲဆိုတာ ပရိသတ်ကြီးကပဲ ကြည့်ရှုပေးကြပါဦးခင်ဗျာ။

The Girl Who Leapt Through Time တို့ Wolf Children တို့ Mirai တို့ Belle တို့လို Anime ဇာတ်ကားကောင်းတွေကို ဖန်တီးပေးခဲ့တဲ့ ဒါရိုက်တာ Mamoru Hosoda ကြီးရဲ့ ၂၀၀၉ ခုနှစ်တုန်းက ဂန္ဒဝင် Anime တစ်ကားလေးကို ပြန်ပြီး တင်ဆက်ပေးလိုက်ပါရစေဗျာ။ ဒီကားလေးကတော့ ၂၀၀၉ ခုနှစ်ကတည်းကဆိုပေမဲ့ AI လို နည်းပညာမြင့် Cybertechnology တွေကို မိသားစု စည်းလုံးမှုဆိုတဲ့ သံယောဇဉ်မေတ္တာတွေနဲ့ ချိန်ထိုးယှဉ်ပြ တင်ဆက်ပေးထားတာပါ။ ဇာတ်လမ်းတည်ထားတဲ့ ကမ္ဘာကြီးမှာ Oz ဆိုတဲ့ Virtual World ကြီး တစ်ခုရှိတယ် အဲဒါကြီးက ဘယ်လောက်တောင် ကြီးမားလည်းဆိုတော့ သာမန်အသုံးပြုသူတွေတင်မကပဲ ကမ္ဘာတစ်ဝန်းက အစိုးရစနစ်၊ စီးပွားရေးနဲ့ နေ့စဉ်လူနေမှုဘဝတွေကို ချိတ်ဆက်ထားပေးထားတဲ့ကမ္ဘာကြီးတစ်ခုပေါ့။ ကဲ ဒီတော့ ဇာတ်လမ်းလေးဆက်ပြောရမယ်ဆို သင်္ချာပါရမီရှင် အထက်တန်းကျောင်းသားလေး Kenji ဆိုတဲ့ ဆရာသမားလေးက ကြိတ်သဘောကျနေတဲ့ Senpai မမ Natsuki ကနေ အလုပ်တစ်ခုရှိတယ် လုပ်မလားဆိုတော့ မျက်စိစုံမှိတ် လုပ်မယ်ဆိုပြီး ပါသွားတာ အဲဒါက တကယ်တမ်း ဖြစ်ချင်တော့ Natsuki က နယ်ဖက်က သူ့ဆွေကြီးမျိုးကြီး မိသားစုထဲက ခေါင်းဆောင်ဖြစ်တဲ့ အဘွားဖြစ်သူကို မသေခင် ချစ်သူရည်းစား ထားပါ့မယ်ဆိုပြီး ကတိပေးထားလို့ ဟန်ဆောင်ချစ်သူအဖြစ် မွေးနေ့မှာ ခေါ်သွားတာရယ်။ ဒါနဲ့ လူပေါင်းသောင်းခြောက်ထောင်လောက်ရှိတဲ့ မိသားစုကြီးထဲမှာ Kenji တစ်ကောင် ဟန်ဆောင်နေရင်း တစ်ညမှာ Oz ကွန်ရက်ကြီးရဲ့ လုံခြုံရေးကုဒ် သင်္ချာပဟေဠိတစ်ခုကို မတ်ဆေ့ချ်အနေနဲ့ ရောက်လာတော့ ဘာမှန်းညာမှန်းမသိပဲ ဖြေလိုက်မိရာကနေ Love Machine လို့ခေါ်တဲ့ အဖျက်စွမ်းအားကြီးတဲ့ Rogue AI တစ်ခု နိုးထလာပြီး OZ ကွန်ရက်တစ်ခုလုံးကိုရော ကမ္ဘာ့အခြေခံ စနစ်အားလုံးကိုရော စတင်ဒုက္ခပေးပြီး ဖျက်ဆီးသောင်းကျန်းမှုတွေ စတင်လာတော့ Kenji တစ်ယောက် Natsuki တို့ မိသားစုအုပ်လိုက်ကြီးနဲ့ ဘယ်လိုတွေ ပူးပေါင်းပြီး ရင်ဆိုင်ဖြေရှင်းကြမလဲဆိုတာကို စိတ်ဝင်စားစရာ ကြည့်သွားရမှာပဲ ဖြစ်ပါတယ်...။ ဒါရိုက်တာ Mamoru Hosoda ဆိုတာ လူသားဆန်တဲ့ သံယောဇဉ်၊ မိသားစု မေတ္တာနဲ့ စိတ်ကူးယဉ်/နည်းပညာ ကမ္ဘာတွေကို အလှပဆုံး ပေါင်းစပ်ရိုက်ကူးတတ်တဲ့ ဂျပန် Anime လောကရဲ့ ထိပ်တန်း ဒါရိုက်တာကြီးတစ်ဦးဖြစ်လို့ ဒီကားမှာလည်း ဘယ်လိုပေါင်းစပ်ထားသလဲဆိုတာကို ခံစားလိုက်ကြပါဦးဗျာ...။

Air Doll (2009) IMDb... 6.9 ***မိသားစုနဲ့အတူ ကြည့်ရှုလို့မသင့်လျော်တဲ့ ဇာတ်ဝင်ခန်းတချို့ ပါဝင်ပါတယ်*** ကိုးရီးယားမင်းသမီးကြီး Bae Doona ၊ ဂျပန်မင်းသား Arata Iura နဲ့ Itsuji Itao တို့ အဓိက ပါဝင်သရုပ်ဆောင်ထားတဲ့ ဂျပန်ကားဟောင်းလေးကို ပြန်လည်တင်ဆက်ပေးလိုက်ပါတယ်။ - ဇာတ်လမ်းအကျဉ်း - လူသားတွေရဲ့ အထီးကျန်မှု ပြေပျောက်စေဖို့ ဖန်တီးခံထားရတဲ့ လေထိုးအရုပ်မလေး နိုဇိုမိ (Bae Doona) ဟာဆိုရင် တစ်နေ့မှာ ရုတ်တရက်ကြီး လူသားတွေအတိုင်း ခံစားနိုင်တဲ့ နှလုံးသားလေး ရှိလာပါတော့တယ်။ အိမ်ပြင်ကိုထွက်ပြီး နွေးထွေးတဲ့ အရောင်စုံလောကကြီးအကြောင်း သိလာရတဲ့ နိုဇိုမိဟာ အမှတ်မထင် ဆုံတွေ့မိတဲ့ ဗီဒီယိုအရောင်းဆိုင်က ဝန်ထမ်းလေး ဂျူနိချိ (Arata Iura) ကို ချစ်မိသွားတော့တာပေါ့။ အဲဒီနောက်မှာ နိုဇိုမိနဲ့ ဂျူနိချိတို့ တွဲဖြစ်သွားပြီး နိုဇိုမိလည်း အဲဒီဆိုင်လေးမှာပဲ အလုပ်လုပ်ဖြစ်သွားပါတယ်။ လေထိုးအရုပ်မလေးအတွက် အစစအရာရာ အဆင်ပြေနေခဲ့ပေမဲ့ မမျှော်လင့်ထားတဲ့ အဖြစ်အပျက်တစ်ခု ဖြစ်ပျက်လာတဲ့အခါမှာတော့... ဖြူစင်တဲ့ နှလုံးသားအရင်းခံနဲ့ လေထိုးအရုပ်မလေး နိုဇိုမိရဲ့ ချိုမြိန်ပေမဲ့လည်း ခါးသက်တဲ့ ဘဝဇာတ်ကြောင်းလေးကို ဇာတ်ကားထဲမှာ ဆက်လက်ကြည့်ရှုပေးကြပါဦးနော် (ဇာတ်လမ်းအညွှန်းနဲ့ ဘာသာပြန်ဆိုသူကတော့ Hnin Wai Oo ပဲ ဖြစ်ပါတယ်။) File Size… 2.45GB/ 900MB Quality… BluRay 1080p/ 720p Format…mp4 Duration…1h 58m Genre …..Psychological, Life, Drama, Fantasy Subtitle….Myanmar Subtitle (Hard Sub) Encoder….Tiff Translated by Hnin Wai Oo

The Wandering Moonတို့ Rageတို့လို ဂျပန်ကားကောင်းတွေကို ရိုက်ခဲ့ဖူးတဲ့ ကိုရီးယားဂျပန် ဒါရိုက်တာ အီဆန်းဂီရိုက်ထားတဲ့ကား။ ဒီဒါရိုက်တာကလည်း အကောင်းကြီးလည်းမဟုတ်ဘူး မကောင်းတာလည်းမဟုတ်ဘူး။ ထားတော့ အဲဒီထက်အခရာကျတာက ဒီရုပ်ရှင်မှာ သူမတူတဲ့ဆွဲဆောင်မှုက သက်သက်ပါပြီးသား။ Yu Aoi(ယုအအိုအိ)ပေါ့။ ဂျပန်စီနီမာကြီးတစ်ခုလုံးက မင်းသမီးတွေထဲ ယုအအိုအိက ဘယ်သူနဲ့မှမတူဘူး။ ဆွဲဆောင်မှုရှိတယ်။ တစ်ချိန်တည်းမှာပဲ အပြစ်ကင်းတယ်။ ကလေးလေးတစ်ယောက်ကို မြင်တဲ့အမြင်နဲ့ရော လိင်စိတ်နိုးကြွစရာအရာတစ်ခုအဖြစ်နဲ့ရော ယုအအိုအိကို ခင်ဗျားနှစ်ခုလုံးမြင်ကြည့်လို့ရတယ်။ ရုပ်လှပေမဲ့လည်း အဲဒီလှနေတဲ့ရုပ်က သရုပ်ဆောင်မှုကို ထိခိုက်သွားခဲ့တဲ့ သာဓကတွေ ကျွန်တော်တို့အများကြီး ကြုံခဲ့ရတယ်။ ဒါပေမဲ့ ယုအအိုအိကတော့ အဲဒီဘောင်ကို အလိုလိုကျော်လွှားနိုင်ခဲ့တယ်။ သူရိုက်ခဲ့တဲ့ ဒါရိုက်တာတွေဆိုတာကလည်း ဒိတ်ဒိတ်ကြဲတွေများတယ်။ One Million Yen Girlတို့ All About Lily Chou-Chouတို့ Birds Without Namesတို့ Wife of a Spyတို့လို ကားတွေကို တော်တော်များများကြည့်ဖူးကြမှာပါ။ ဂျပန်ရုပ်ရှင်တစ်ကားကို ယုအအိုအိထည့်လိုက်တယ်ဆိုတာက ညနေခင်းထဲ သက်တန့်ရောင်တိမ်တွေ ပစ်ထည့်ပေးလိုက်သလိုပဲ။ ကျွန်တော်တော့ ယုအအိုအိရဲ့ ဘယ်ကားကိုမှ ဝန်လေးနေမှမဟုတ်ဘူး။ ဇာတ်ကတော့ ကျောက်မီးသွေးလုပ်ငန်းနဲ့အသက်မွေးတဲ့ မြို့လေးတစ်မြို့မှာ အပြောင်းအလဲတစ်ခုဖြစ်လာတယ်။ မိုင်းလုပ်သားတွေ အလုပ်လက်မဲ့ဖြစ်ကြတယ်။ သူတို့သမီးတွေက သူတို့တာဝန်ကို ဟူလာအကသမတွေအဖြစ် အကသင်ပြီး အိမ်ထောင်တာဝန်ကို ကူထမ်းဖို့လုပ်ကြပေမဲ့ သူတို့ဘဝကို ကျောက်မီးသွေးတွင်းထဲကနေ ထွက်နိုင်အောင် လုပ်ခဲ့ကြပေမဲ့ သရုပ်ပျက်အကဆိုပြီး အားလုံးဝေဖန်ခံနေရတာတွေနေ ဘယ်လိုကြိုးစားကျော်ဖြတ်မလဲ ရိုက်ပြထားတာပါ။ File size…    2.4 GB /  1.2 GB Quality… BluRay 1080p / 720p Format… mp4 Duration…. 1h 48m Genre ..... Drama Subtitle…. Myanmar Subtitle (Hard Sub) Encoder…. Thit San Khant Translated by WiRa Aung