Surjith ပါဝင်သော ဇာတ်ကားများ

Purusha Pretham(2023) IMDb 7.2/10 The times of India. 3.5/5 စုံထောက်မှုခင်းကားလည်းကြိုက် ဟာသကားလည်းကြိုက်တဲ့ ဘောလိဝုဒ်ရုပ်ရှင်ပရိသတ်ကြီးအတွက် ၂၀၂၃ ထွက် အသစ်စက်စက်ကားသစ်လေးတစ်ကားလာပါပြီ။ ရာဇဝတ်သားတွေကို ဖမ်းဆီးဆုံးမရာမှာ လက်သံပြောင်ပြီး အမှုတွေလိုက်တာတော်တဲ့ SI ဆီဘတ်စတေရှန်ဟာ ရဲလောကမှာ နာမည်တစ်လုံးနဲ့ကျော်ကြားသူတစ်ယောက်ပါ။ တစ်နေ့မှာတော့ ဒီလိုအမှုလိုက်ကျွမ်းတဲ့စုံထောက်ကြီးရဲ့အပိုင်ဘက်ခြမ်းကမြစ်ထဲမှ အလောင်းတစ်ခုပေါ်လာခဲ့ပါတယ်။ ထုံးစံအတိုင်း အမှုလိုက်ရင်းမှာပဲ အလောင်းဟာ ပျောက်ခြင်းမလှပျောက်ဆုံးသွားတဲ့အခါ စခန်းတစ်ခုလုံ းပြဿနာတွေအမျိုးမျိုးတက်ပြီး အမျိုးစုံကြိုးခုန် ပြဿနာတွေတက်လာပါတော့တယ်။ ဘာပြဿနာတွေရှုပ်လာမလဲ၊ ဘာတွေဆက်ဖြစ်မလဲ၊ အလောင်းကရော ဘယ်ရောက်သွားတာလဲ စတာတွေကိုတွေကိုတော့ ပရိသတ်ကြီးပဲ ဆက်အဖြေရှာကြည့်ဖို့ CM Bollywood Team ရဲ့ Aditi, V, ZWE, YH, Cherry, BpL နဲ့ Yunni တို့မှ ဘာသာပြန်တင်ဆက်ပေးလိုက်ပါတယ်နော်။ File size…1.97GB  / 973MB Quality…1080p WEB DL / 720p Format…mp4 Duration….2h 33m Subtitle….Myanmar Subtitle (Hard Sub) Encoder….YK Translated by Aditi~ V~ ZWE~ YH~ Cherry~  BpL ~ Yunni

ကြမ်းကြမ်းရမ်းရမ်း အိန္ဒိယရုပ်ရှင်တွေ ကြည့်ချင်တယ်။ ဒါပေမယ့် အိုဗာတင်းမဖျော်ပဲ လက်တွေ့ဆန်တဲ့ရိုက်ချက်တွေလည်း လိုချင်တယ်ဆိုပါစို့။ ဒါဆိုရင်တော့ လွမ်းခန်း၊ ဆွေးခန်း၊ ချစ်ခန်း၊ ကြိုက်ခန်းတွေမပါပဲ ရင်တထိထိတ်နဲ့ကြည့်ရမယ့် အက်ရှင်ကားကောင်းကို Channel Myanmar ကနေ ဘာသာပြန်တင်ဆက်ပေးလိုက်ပါတယ်ခင်ဗျာ။ ည ။ ညဟာ ပုံမှန်ထက် မှောင်မိုက်လာခဲ့။ သာမန်ညတွေမှာ အိပ်စက်အနားယူကြ၊ အလုပ်သွားကြနဲ့ လည်ပတ်နေခဲ့တဲ့ တစ်နှစ်တာ ရာသီစက်ဝန်းမှာ ဒီညဟာတော့ ပိုပျော်စရာကောင်းခဲ့။ နှစ်စဥ်ကျင်းပလေ့ရှိတဲ့ Aranjali ရဲ့ဘုရားပွဲနေ့ဖြစ်တာကြောင့်ပေါ့ဗျာ။ လူတွေဟာ ဝတ်ကောင်း၊ စားလှတွေဝတ် မီးရောင်စုံတွေ၊ စျေးဆိုင်တန်းလေးတွေ၊ ဂီတသံတွေညံစီနေတဲ့ ပွဲစျေးထဲ လည်ပတ်ရင်း ပျော်ရွှင်နေခဲ့ကြတာပေါ့။ ဒါပေမယ့် ဒီနှစ် Aranjali ဘုရားပွဲရဲ့အခြေအနေကတော့ ရီမောသံတွေအစား ဆဲဆိုသံတွေ ညံပြီး သွေးသံတရဲရဲပေါ့။ ဆင်တစ်ကောင်ရယ်၊ နံမည်ဆိုးနဲ့ကျော်ကြားတဲ့ ရာဇဝတ်သားလူမိုက်တွေရယ်၊ လက်ရဲဇက်ရဲလို့ဆိုရမယ့် လူငယ်တချို့ရယ်၊ ပြီးတော့ ပြဇာတ်အကတစ်ဖွဲ့ရယ် ရုန်းရင်းဆန်ခတ်ဖြစ်ခဲ့ကြတဲ့ညပေါ့။ ရဲကားသံတွေလည်း တဝီဝီ၊ ပြေးတဲ့လူကပြေးနဲ့ ဖရိုဖရဲအခြေအနေကို စိတ်လှုပ်ရှားဖို့ကောင်းအောင် ကြည့်ရမှာပါ။ ဒီကဘုရားပွဲတို့၊ ပျော်ပွဲရွှင်ပွဲတို့မှာဖြစ်လေ့ရှိတဲ့ ရန်ပွဲတွေလိုမျိုးပါပဲ။ ဒါပေမယ့် ထူးခြားတာက ဆင်တစ်ကောင်ကို ထည့်ရိုက်ထားတဲ့နေရာမှာ အိန္ဒိယတို့ရဲ့ အစဥ်အလာအတိုင်း ပါးစပ်အဟောင်းသား ရင်မောရမယ့်ရိုက်ချက်တွေပေါ့။ ဘုရားပွဲညတစ်ညရဲ့ ရန်ပွဲနောက်က မြုပ်ထားတဲ့ဇာတ်ကွက်တွေ၊ အက်ရှင်ကြမ်းကြမ်းတွေကို IMDb ရဲ့ rating 7.9 နဲ့အတူတူ ကြည့်ရှူရင်း အခုပဲတဝကြီးခံစားလိုက်ပါဗျာ။ File size… 2.4GB Quality…1080p True WEB DL Format…mp4 Duration….2h 2min Subtitle….Myanmar Subtitle (hard sub) Encoder….YK Translated by Shwe Pwint & Yunni & Haruko & HM

တောထဲဝင်လာတဲ့ ခရီးသွားတွေကို လမ်းလွဲအောင် ဖမ်းစားတတ်တဲ့ ပါရူမာဒန်ဆိုတဲ့ တစ္ဆေအကြောင်း ပုံပြင်တစ်ပုဒ်နဲ့ ဇာတ်လမ်းစပါတယ်။ တစ္ဆေကို နှိမ်နင်းဖို့ ဘုန်းကြီးတစ်ပါးက ခြင်းတောင်းကို ခေါင်းပေါ်ရွက်ပြီး တောထဲဝင်လာတယ်။ လမ်းမှာ ဘောလုံးတစ်လုံးလို့ ထင်ရတဲ့အရာကို တွေ့တော့ ကလေးတွေ ကစားဖို့ဆိုပြီး ကောက်ထည့်လာခဲ့ပါတယ်။ နောက်မှ အဲဒါက လုံးခွေနေတဲ့ ပုရွက်စားကောင်ဖြစ်နေပြီး စကားပါ ပြောတတ်နေတယ်။ ဘုန်းကြီးက အဲဒီအကောင် ညွှန်တဲ့အတိုင်း သွားမိရာက ကိုယ်တိုင်လမ်းပျောက်သွားခဲ့ပြီး နောက်ကျမှ သူသယ်လာတာ တစ္ဆေကိုယ်တိုင်ဖြစ်မှန်း သိလိုက်ရပါတယ်။ အဲဒီပုံပြင်အပြီးမှာတော့ အန်တိုနီနဲ့ ရှာဂျီဗန်တို့ ဝေးလံခေါင်ဖျားတဲ့ ရွာတစ်ရွာဆီ သွားနေကြတာကို တွေ့ရပါတယ်။ ဝရမ်းပြေးတစ်ယောက်ကို ဖမ်းဖို့ အလုပ်ကြမ်းသမားတွေအဖြစ် အသွင်ယူလာကြတာပါ။ ဖမ်းရမယ့်သူအကြောင်းက နာမည်တစ်ခုကလွဲလို့ ဘာမှမသိဘူး။ လူကိုလည်း မမြင်ဖူးသလို ဓာတ်ပုံတောင် မရှိကြပါဘူး။ ရွာကိုသွားဖို့ ခရီးကြုံရတဲ့ ဂျစ်ကားတစ်စီးပေါ် လိုက်လာကြရင်း နယ်ခံရွာသားတွေနဲ့ စကားပြောကြည့်တော့ ယဉ်ကျေးပြီး ရိုးသားကြတယ်လို့ ထင်မိကြတယ်။ တောတွေ၊ တောင်တွေ၊ ကွေ့ကောက်တဲ့လမ်းတွေကို ဖြတ်လာပြီးနောက် ချောက်ကမ်းပါးပေါ်က ခနော်ခနဲ့တံတားတစ်စင်းဆီ ရောက်လာပါတယ်။ ကားနဲ့လူတွေရဲ့ အလေးချိန်ကို မခံနိုင်တာကြောင့် လူတွေက ဆင်းလျှောက်ပြီး ကားကို သတိထားဖြတ်မောင်းကြရတယ်။ တံတားဟိုဘက်လည်း ရောက်ရော စောစောက ယဉ်ကျေးချိုသာနေသူတွေက စကားပြောတိုင်း ဆဲဆိုနေတဲ့ ရိုင်းစိုင်းခက်ထန်သူတွေလို ပြောင်းသွားပါတော့တယ်။ ရွာသားတွေရဲ့ ရုတ်တရက်ပြောင်းလဲမှုအပြင် ပိုပြီးနားလည်ရခက်တဲ့ လျှို့ဝှက်ချက်တွေကလည်း အန်တိုနီနဲ့ ရှာဂျီဗန်တို့ကို စောင့်နေသေးတယ်။ ဒါရိုက်တာ Lijo Jose Pellissery က သမားရိုးကျဇာတ်လမ်းပြောပုံနဲ့ ကွဲပြားတဲ့ပုံစံကို သုံးထားပါတယ်။ ဂြိုလ်သား၊ အချိန်နဲ့နေရာ၊ အချိန်စက်ဝန်းထဲ ပြန်လည်ပတ်နေမှုတို့နဲ့ ဆက်စပ်ပြီး အဓိပ္ပာယ်ဖွင့်ကြသူတွေရှိသလို ရိုးရှင်းတဲ့ဇာတ်လမ်းလို့ ယူဆသူတွေလည်း ရှိတယ်။ တောအုပ်ရဲ့ တိတ်ဆိတ်မှုကြားက စူးစူးရှရှအသံတွေကို အသုံးပြုပြီး ခြောက်ခြားစရာအငွေ့အသက်ကို ဖန်တီးထားပါတယ်။