Susan Gallagher ပါဝင်သော ဇာတ်ကားများ

One of the Good Ones (2026) ဒါရိုက်တာ Julie O'Hora ရိုက်ကူးထားတဲ့ ဒီရုပ်ရှင်ဟာ နယူးယော့ခ်ပြည်နယ် Buffalo က ရှေ့နေစည်းကမ်းထိန်းသိမ်းရေး ရုံးအဖွဲ့ရဲ့ ဖြစ်ရပ်မှန် အဖြစ်အပျက်တချို့ကို မှီငြမ်းထားပြီး ဥပဒေလောကရဲ့ လာဘ်ပေးလာဘ်ယူမှုနဲ့မတရားမှုတွေကို သရော်ထားတဲ့ Indie Legal Drama / Crime Comedy-Thriller ကားလေး ဖြစ်ပါတယ်။ ဇာတ်လမ်းမှာ ဇာတ်ကောင်က ပွဲကြည့်ပရိသတ်ဆီ တိုက်ရိုက်စကားပြောတဲ့ Meta-humor စတိုင်လေးပါဝင်လို့ တခြား ဥပဒေကားတွေနဲ့မတူဘဲ ဆန်းသစ်ပါတယ်။ Dean Alessi ဟာ နိုင်ငံရေးအရ ဩဇာလွှမ်းမိုးထားပြီး လာဘ်ပေးလာဘ်ယူမှုတွေ၊ ကိုယ်ကျိုးရှာမှုတွေနဲ့ ပုပ်ပွနေတဲ့ ဒေသတွင်း တရားဥပဒေစနစ်ကြီးထဲမှာ မတရားမှုကိုလက်မခံဘဲ တစ်ယောက်တည်း အမှန်တရားအတွက် ရင်းနှီးရုန်းကန်ရသူဖြစ်ပါတယ်။ သူ့အနေနဲ့ ပုပ်ပွနေတဲ့တရားသူကြီးတွေ၊ အစိုးရရှေ့နေတွေကို အရေးယူဖို့ ကြိုးစားနေစဉ်မှာပဲ အတိတ်က စိတ်ဒဏ်ရာတွေနဲ့ အရက်စွဲနေတဲ့ သူ့ရဲ့ အားနည်းချက်တွေကိုပါ တစ်ပြိုင်နက်တည်း အပြင်းအထန်ရုန်းကန် ကျော်ဖြတ်ရပါတယ်။ ဇာတ်လမ်းတစ်ခုလုံးက လေးနက်တဲ့ဥပဒေနဲ့ နိုင်ငံရေးပုပ်ပွမှုတွေကို မီးထိုးပြထားပေမယ့် ဇာတ်ကောင်က ကြည့်သူကို လှည့်ပြီး စကားပြောတဲ့ ပေါ့ပေါ့ပါးပါး Meta-humor လေးတွေ ပါဝင်တာကြောင့် ရယ်စရာရော စိတ်ဝင်စားစရာရော ရောစပ်ကြည့်ရမှာပါ။ အရက်သောက်သုံးတဲ့အခန်းတွေ၊ ဆဲဆိုကြိမ်းမောင်းမှုတွေနဲ့ ဥပဒေဆိုင်ရာ စိတ္တဇအခန်းတွေပါဝင်ပါတာကြောင့် အသက် ၁၆ နှစ်နဲ့အထက်သာ ကြည့်ရှုသင့်ပါတယ်။ Better Call Saul ဒါမှမဟုတ် The Trial of the Chicago 7 လိုမျိုး ဥပဒေလောကရဲ့ အမှောင်ဘက်ခြမ်းကို သရော်ထားတဲ့ Indie Legal Drama / Thriller ကားဆန်းတွေ ကြိုက်သူတွေအတွက် သင့်တော်ပါတယ်။ File Size - 953 MB/ 391 MB Quality - WEB-DL 1080p/ 720p Duration - 1h 24m Format - mp4 Genre - Comedy, Drama Subtitle - Myanmar Subtitle (Hard Sub)

Give Me Back My Daughter (2025) Single Mother တစ်ယောက်ဖြစ်တဲ့ ရီနေးဂျွန်ဆင်ဟာ သမီးလေးကို တစ်ယောက်ထဲ ပြုစုပျိုးထောင်ရင်း တစ်နေ့မှာ ကုမ္ပဏီရဲ့ လူလျှော့ချတဲ့စာရင်းထဲ ပါသွားပြီအလုပ်ပြုတ်သွားပါတယ်။ အလုပ် အသစ် ထပ်ရှာနေရင်းနဲ့ ဘယ်အလုပ်ကမှ အဆင်ပြေပြေ မခန့်ချင်ကြပါဘူး။ ဒီလိုနဲ့ အစိုးရက ပေးထားတဲ့ တိုက်ခန်းလေးကိုလည်း ပြန်အပ်လိုက်ရပါတယ်။ သားအမိနှစ်ယောက် အိမ်ခြေရာမဲ့ ဖြစ်သွားပြီး ကားထဲမှာနေ ကားထဲမှာအိပ်ရပါတော့တယ်။ ရီနေးတစ်ယောက် ဆက်တိုက် အလုပ်တွေ လျှောက်နေခဲ့ပေမယ့် ဘယ်အလုပ်ကမှ ခန့်တယ်လို့ မရှိပါဘူး။ တစ်ညမှာတော့ အိမ်ခြံမြေအကျိုးဆောင်ကုမ္ပဏီတစ်ခုက ဆက်သွယ်လာပြီး အင်တာဗျူးချင်ကြောင်း ပြောပါတယ်။ တိုက်တိုက်ဆိုင်ဆိုင် အင်တာဗျူးအချိန်နား ကပ်နေမှ သမီးဖြစ်သူကို ကျောင်းက ပြန်ပို့တဲ့အတွက် သွားကြိုရပါတော့တယ်။ သမီးကိုကြည့်ပေးမယ့်သူကို ဖုန်းဆက်အကြောင်းကြားပေမယ့် သွားတဲ့အခါမှာ တံခါးဖွင့်မပေးတဲ့အတွက် ရီနေးတစ်ယောက် သူ့သမီးလေး အီမန်နီကို အင်တာဗျူး လုပ်မယ့် ကုမ္ပဏီကို ခေါ်သွားရပါတော့တယ်။ တစ်ခါ သူ့အင်တာဗျူးကို ကလေးခေါ်လာတဲ့အတွက် ကုမ္ပဏီအကြီးအကဲက ဆူငေါက်တာ ခံရဖူးတဲ့ ရီနေးဟာ ကြံရာမရတဲ့အဆုံး သမီးဖြစ်သူကို ကားတံခါးပိတ်ပြီး ကားထဲမှာ ထားခဲ့လိုက်ပါတယ်။ အင်တာဗျူးကလည်း ထင်ထားတာထက် ပိုကြာသွားပေမယ့် အလုပ် ရသွားတဲ့ ရီနေးဟာ ပျော်ပျော်ကြီး ကားဆီလာခဲ့ပေမယ့် သူထင်မထားတဲ့ မြင်ကွင်းကြောင့် အရမ်းလန့်သွားခဲ့ပါတယ်။ အဲ့ဒါကတော့ ကားထဲမှာ တစ်ယောက်ထဲရှိနေတဲ့ အီမန်နီကို ဘေးပတ်ဝန်းကျင်က သတိပြုမိပြီး ရဲတိုင်လိုက်တဲ့အတွက် ရဲက လာကယ်ပြီး ခေါ်ဆောင်သွားတာဖြစ်ပါတယ်။ ရီနေးရဲ့ ပေါ့ဆမှုအတွက် အီမန်နီကို နိုင်ငံတော်ရဲ့ အုပ်ထိန်းခွင့်အောက်မှာပဲ ထားရှိပြီး ရီနေးဟာ သူ့သမီးကိုပြန်ခေါ်ဖို့ အလုပ်လည်း ရှာပြီး အိမ်ခန်းလည်း ပြန်ရအောင် ကြိုးစားရတော့မှာ ဖြစ်ပါတယ်။ File size… (1.8 GB) / (660 MB) Quality…. WEB-Rip 1080p HEVC / 720p Format…. mkv/mp4 Genre…. Drama Duration…. 01:30:00 Subtitle…. Myanmar Subtitle (Hardsub)

A Taste of Love 2024 (IMDb 5.7/10) 2024 February လကမှ အသစ်စက်စက်ထွက်ရှိထားတဲ့ Romance ဇာတ်ကားကောင်းလေးတစ်ကားနဲ့မိတ်ဆက်ပေးချင်ပါတယ် အောင်မြင်တဲ့စားဖိုမှူးတစ်ယောက်ရဲ့ ဝါသနာနဲ့၊ အလုပ် လက်တွေ့မကျတဲ့ ဘဝအချိုးအကွေ့လေးတွေကို ရိုက်ပြထားတဲ့ ဇာတ်ကားကောင်းလေးတစ်ကားပါ ဇာတ်အိမ်လေးကတော့ Generation အလိုက် စားဖိုမှူးတွေဖြစ်ကြပြီး ငယ်စဉ်ကတည်းက အိမ်မက်တွေအကြီးကြီးရှိနေတဲ့ တေလာရိုက်ဒါ ဆိုတဲ့ ကောင်းမလေးတစ်ယောက်ဟာ အရွယ်ရောက်လာတော့ အစားအသောက် တီဗွီရှိုးတစ်ခုမှာ နာမည်ကြီး စားဖိုမှူးဖြစ်နေတာပေါ့ တစ်နေ့တော့ သူရဲ့အောင်မြင်မှုကနေ နောက်ထပ်ကမ်းလှမ်းချက်တစ်ခုကြောင့် လူပင်ပန်း စိတ်ပင်ပန်းဖြစ်ပြီး မွေးရပ်မြေကို ဦးနှောက်ဆေးဖို့ ပြန်လာတဲ့အချိန်မှာ မိသားစုနဲ့ ငယ်သူငယ်ချင်းတွေနဲ့ ပြန်တွေ့ပြီး.... ဦးနှောက်မဆေးရဘဲ ဘယ်လို အခက်အခဲတွေနဲ့ကြုံရဦးလဲဆိုတာကိုတော့ ဇာတ်ကားလေးထဲမှာ ကြည့်ရှုခံစားကြည့်လိုက်ပါဦး........ ဒီဇာတ်ကားကိုအညွှန်းရေးပြီး ဘာသာပြန်ပေးထားတာကတော့ Leo ဖြစ်ပါတယ်

ဒီဇာတ်ကား​လေးက ခရစ္စမတ်ကာလကို အ​ခြေခံထားတဲ့ မိသားစု ဇာတ်ကား​​သစ်လေးပဲဖြစ်ပါတယ်။ IMDb 5.6,RT 95%ရထားပြီး မိသားစု​​တွေကြားမှာ ဖြစ်တတ်တဲ့ ပဋိပက္ခ​​တွေ၊ နားလည်မှုလွဲတဲ့ ပြဿနာ​တွေကို ပုံ​ဖော်ရိုက်ကူးထားတာပဲ ဖြစ်ပါတယ်။ လူစီဟာ မိသားစုနဲ့ အ​စေးသိပ်မကပ်တဲ့ သမီးလတ်တစ်ဦးပါ။ ခရစ္စမတ် အချိန် ရောက်လာ​တော့ မိသားစုနဲ့အတူ ပိတ်ရက်ကိုဖြတ်သန်းဖို့ အိမ်ပြန်လာရင်း ခရစ္စမတ်မတိုင်ခင်မှာပဲ အ​မေနဲ့စကားများခဲ့ကြ ပါတယ်။ ​နောက်တစ်​​နေ့မှာ​တော့​ အ​မေဖြစ်သူ အိမ်​ပေါ်က ဆင်း​ သွားတဲ့အတွက် ညီအစ်မသုံး​ယောက်နဲ့ အရင်​ယောကျ်ား​ဟောင်း သူတို့အ​ဖေပါ ​ပေါင်းပြီး အ​​​မေဖြစ်တဲ့ ကာရိုးလ်ကို လိုက်ရှာရင်း မိသားစုတွေကြားက မ​ကျေလည်မှု​၊ ပြဿနာ​တွေကို တစ်ခုချင်း ​ပြေလည်​အောင် ညှိယူ​သွားပုံ၊ ဖြေရှင်းသွားပုံ​တွေကို ကြည့်ရှုရမှာ ဖြစ်ပါတယ်။ File size…1.56GB / 741MB Quality…WEB-DL 1080p  / 720p Format…mp4 Duration….1h 37m Genre ….. Comedy , Drama Subtitle….Myanmar Subtitle (Hard Sub) Encoder….Min Wai Translated by JimX

When his aging mob boss is whacked, Charlie Swift, a loyal friend and hired gun, will stop at nothing to destroy the upcoming crew that took him out.

ဖီးလ်ဒင်းဟာ ဘွဲ့တော့ရသွားပြီဖြစ်ပေမယ့် ဘဝမှာ ဘာဆက်လုပ်ရမလဲ မသိသေးတဲ့ ကောင်လေးတစ်ယောက်ပါ။ ချစ်သူကလည်း ထားသွားတဲ့အချိန်၊ ဘာလုပ်ရမှန်းမသိဖြစ်နေရင်း ခွေးလေးတစ်ကောင် မွေးလိုက်ပါတယ်။ ကိုယ့်တာဝန်ကိုယ်တောင် မယူနိုင်သေးဘဲ ခွေးမွေးနိုင်ပါ့မလားဆိုတဲ့ အိမ်ကစိုးရိမ်သံတွေကြားမှာ ခွေးလေးရောက်လာတော့ တစ်အိမ်လုံးလည်း အငြိမ်မနေရတော့ဘူး။ အိမ်ဦးခန်းက အမေ့ဓာတ်ပုံနေရာမှာ ခွေးလေးပုံ ပြောင်းချိတ်မယ်ဆိုတဲ့အထိ ဖြစ်လာကြပါတယ်။ လူနဲ့ခွေးကြားက ချစ်ခင်တွယ်တာမှုကို ရေးဖွဲ့ထားသလို မိသားစုဝင်တွေကြားက ပြဿနာအဖုအထစ်လေးတွေကို ဖြေရှင်းကြပုံကိုလည်း ပြထားပါတယ်။

" The Wolf of Wall Street " နဲ့ "The Wizard of Lies " တို့ကို သတိရသွားစေမယ့် ဇာတ်ကားတစ်ကားထွက်ရှိလာခဲ့တယ် ။ အဲဒီဇာတ်ကားရဲ့ နာမည်က Billionaire Boys Club ပါ ။ ဒီဇာတ်ကားဟာ 1980 ခုနှစ် အစောပိုင်းကာလက တကယ့်ဖြစ်ရပ်မှန်ပေါ်ကို အခြေခံထားပြီး 1987 မှာလည်း ဒီနာမည်နဲ့ပဲ ဇာတ်ကားထွက်ရှိခဲ့ဖူးပါတယ် ။ ပထမဇာတ်ကားကို မကြည့်ဘူးတော့ ဒီရုပ်ရှင်ဟာ ပိုကောင်းလာသလား ၊ ညံ့သွားသလား ၊ ဘာတွေကွဲပြားသွားသလဲ ဆိုတာကိုတော့ မသိပါဘူး ။ ဒီဇာတ်ကားကိုကြည့်ဖြစ်တဲ့ အကြောင်းရင်းက နာမည်ကိုက ဆွဲဆောင်မှုရှိနေတာကြောင့်ပါ ။ နောက်ပြီး ဒီဇာတ်ကားမှာ ပါဝင်အားဖြည့်ထားတဲ့ သရုပ်ဆောင်တွေကြောင့်လည်း ကြည့်ဖြစ်သွားခဲ့ပါတယ် ။ ဒီဇာတ်ကားမှာ ပါဝင်ထားတဲ့ သရုပ်ဆောင်တွေကတော့ Ansel Elgort ၊ Taron Egerton ၊ Kevin Spacey ၊ Emma Roberts နဲ့ Jeremy Irvine တို့ဖြစ်ပါတယ် ။ ဒါ့အပြင် 1987 ထွက် ပထမဇာတ်ကားမှာ ပါဝင်ခဲ့တဲ့ Judd Nelson လည်းပါဝင်ခဲ့ပြီး သူ့ရဲ့အခန်းကဏ္ဍ နည်းပါးပါတယ် ။ ဇာတ်လမ်းပိုင်းကတော့ Joe Hunt ( Ansel Elgort ) ဟာ အပြောအဆိုကောင်းတဲ့ အသက် ၂၄ ဝန်းကျင် ပွဲစားလေးတစ်ယောက် ၊ ဒါပေမဲ့ အောင်မြင်မှု မရှိသူ ။ တစ်နေ့မှာ အလုပ်ကိစ္စဆွေးနွေးနေရင်း Dean Karny နဲ့ တွေ့ဆုံခဲ့ပြီး Billionaire Boys Club ကို စတင်ဖို့ စီစဉ်ကြပါတယ် ။ Billionaire Boys Club ဆိုတာကျောင်းနေဖတ်သူငယ်ချင်းတွေထဲက ချမ်းသာတဲ့သူဌေးသားတွေကို စည်းရုံးပြီး အမြန်ငွေရလွယ်မယ့် ရင်နှီးမြုပ်နှံတဲ့လုပ်ငန်း လုပ်ဆောင်တာပါ ။ Joe Hunt က ကျောင်းတုန်းက သူငယ်ချင်း မရှိဘူး ။ ဒီအတွက် Dean Karny အဆက်အသွယ်တွေ ရှာပေးရပါတယ် ။ တကယ်တော့ ဒီလုပ်ငန်းဟာ Ponzi ရဲ့ နည်းလမ်းမျိုးနဲ့ လည်ပတ်နေတာပါ ။ ဒါကို Ponzi Game လို့ပဲ ခေါ်ပါသေးတယ် ။ Ponzi Scheme ( Ponzi Game ) ဟာ ၁၉၂၀ လောက်က နာမည်ကြီးခဲ့တဲ့ Charles Ponzi ဆိုတဲ့သူက လုပ်ဆောင်ခဲ့တာပါ ။ ဒီအကြောင်းတွေကို Spoiler ဖြစ်မှာစိုးလို့ မဖော်ပြတော့ပါဘူး ။ Joe Hunt ကို ယုံကြည်မှုတွေရှိထားခဲ့ပြီး သူ့ရဲ့ Billionaire Boys Club ကို ရင်းနှီးဖို့ ဝင်ရောက်လာတဲ့သူက Ron Levin ( Kevin Spacey ) ပါ ။ ဒီလိုနဲ့ ဘာတွေဆက်ဖြစ်ကြမှာလဲဆိုတာ ..... ဇာတ်လမ်းရဲ့အစမှာ Joe Hunt ဟာ ထိုင်နေပြီး လူတဟ်ယောက်က Billionaire Boys Club လို့ စာရေးထားတဲ့ တိပ်ခွေတစ်ခွေဖွင့်ပြပါတယ် ။ တိပ်ခွေထဲက Dean ရဲ့အသံထွက်လာပါတယ် ။ သူပြောတာက " ချမ်းသာဖို့ မကောင်းတဲ့လျှို့ဝှက်ချက်တွေရှိတယ် ။ ဒါဟာ ပိုက်ဆံကြောင့်ချည်းမဟုတ်ဘူး ။ လူတွေခင်ဗျားအပေါ်ဘယ်လိုမြင်လဲ ဆိုတာနဲ့ ဆိုင်သလို ခင်ဗျားကိုယ်ခင်ဗျား ဘယ်လိုမြင်လဲဆိုတာနဲ့လည်း ဆိုင်တယ် ။ Ioe နဲ့ ကျွန်တော့်လို ချာတိတ်တွေအတွက်တော့ ချမ်းသာခြင်းဆိုတာ လေးစားခံရခြင်းပဲ " ဒီဇာတ်ကားဟာ ပြသချိန် 1 နာရီ ၄၀ မိနစ်သာရှိတာမို့ ဇာတ်လမ်းဟာ သွက်လွန်းလှပြီး ဒီထက်ပြသချိန်အနည်းငယ် ထပ်တိုးကြည့်ချင်တာကလွဲရင် ဟာကွက်သိပ်မရှိပါဘူး ။ ဇာတ်ကားထဲက သီချင်းသံနဲ့ Ansel ကိုတွဲတွေ့ရတဲ့အခါ Baby Driver ကို သတိရကြဦးမှာပါ ။ ဒီဇာတ်ကားကို လာမယ့် August 17 ရက်နေ့မှာ အမေရိကန်မှာ ရုံတင်မှာဖြစ်ပေမဲ့ ဒီကနေ့မှာကတည်းက DVD ထွက်ရှိနေခဲ့တာပါ ။ Ansel Elgort နဲ့ Taron Egerton ပရိတ်သတ်တွေအတွက် ကျေနပ်မှုပေးစွမ်းနိုင်မှာဖြစ်သလို Biography / Thriller / Drama ဇာတ်ကားကောင်းကြည့်ချင်သူတွေအတွက်လည်း စိတ်ကျေနပ်မှုရမှာအသေအချာပါ ။ " Think big and you will be big " Ron Levin ( Kevin Spacey ) MSR Rating - 7/10 #HH #MSR (ဇာတ်လမ်းအညွှန်းကိုတော့ Movie Short Review FB Page မှကူးယူဖော်ပြထားပါတယ်) (d3mon ဘာသာပြန်တင်ဆက်ပေးထားပါတယ်) File Size : (800 MB) and (350 MB) Quality : WEB-DL 720p Running Time : 1hr 48min Format : Mp4 Genre : Biography, Drama, Thriller Subtitle : Myanmar Subtitle (Hard Sub) Source : 720p WEB-DL DD5.1 H264-CMRG Translated by d3mon Encoded by Thanhtike Zaw