Tara Basro ပါဝင်သော ဇာတ်ကားများ

Wait For Me To Be Successful Later (2026) IMDb Rating (7.7) လတ်တလောမှာ အလုပ်လက်မဲ့ဖြစ်နေတဲ့ အာဂါဆိုတဲ့ လူငယ်လေးအတွက် ဘ၀မှာ အမုန်းဆုံးအချိန်တွေကတော့ ပျော်စရာကောင်းလှပါတယ်ဆိုတဲ့ ပွဲတော်ရက်တွေပါပဲ။ အဲ့ဒီလိုရက်တွေမှာ အမျိုးတွေအကုန်ဆုံစည်းကြပြီး အလုပ်မရှိ အောင်မြင်မှုမရှိသေးတဲ့အာဂါဟာ အဒေါ်တွေ ညီအစ်ကိုဝမ်းကွဲတွေရဲ့ လှောင်ပြောင်ကဲ့ရဲ့မှုတွေကို ခါးခါးသီးသီးခံယူရလေ့ရှိပါတယ်။ ဒါ့အပြင် သူတို့မိသားစုဟာဆွေမျိုးတွေထဲမှာ အဆင်းရဲဆုံးဖြစ်လေတော့ ပွဲတော်ချိန် အမျိုးတွေရယ်မောစကားပြောနေချိန်တွေမှာ သူ့အမေက မီးဖိုထဲကမထွက်ရသလို အဖေဖြစ်သူကလည်း ကျန်တဲ့ ညီအစ်ကိုမောင်နှမတွေခိုင်းသမျှ လုပ်ပေးရလေ့ရှိတတ်ပါတယ်။ ဒါတွေအားလုံးဟာ သူ့ရင်ထဲမှာ ဆူးတစ်ချောင်းလိုအမြစ်တွယ်နေခဲ့ပြီး မိသားစုရဲ့ကျဆင်းနေတဲ့ စီးပွားရေးနဲ့ဂုဏ်သိက္ခာကိုပြန်ပြီးမြှင့်တင်ပေးဖို့ အမျိုးတွေရဲ့ ပြစ်တင်စကား ခွဲခြားဆက်ဆံမှုတွေကို ရပ်တန့်သွားအောင်လုပ်ဖို့က သူ့ရဲ့နံပါတ်တစ်ဦးစားပေးဖြစ်လာခဲ့ပြီးအောင်မြင်မှုရဖို့အစွမ်းကုန် ကြိုးစားရုန်းကန်ပါတော့တယ်။ အာရှမိသားစု အများစုမှာကြုံတွေ့ရလေ့ရှိတဲ့ ပွဲတော်ရက် အမျိုးတွေဆုံကြတဲ့အခါအချင်းချင်း နှိုင်းယှဉ်ကဲ့ရဲ့တတ်ကြတဲ့ အစဉ်အလာတစ်ခုကိုမီးမောင်းထိုးပြထားပြီး ဆွေမျိုးတွေကြားမှာဖြစ်လေ့ဖြစ်ထရှိတဲ့ ပြဿနာတွေကိုကြည်နူးစရာ၊ ကြေကွဲစရာတွေနဲ့ ပီပီပြင်ပြင်ပုံဖော်ထားတဲ့ မိသားစုဒရာမာကားကောင်းတစ်ကားဖြစ်ပါတယ်။ File size… (1.8 GB) / (1 GB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama Duration…. 01:50:9 Subtitle…. Myanmar Subtitle (Hardsub)

Comedy Buddy (2026) IMDb Rating (7.5) "တစ်ခါတလေကျတော့လည်း... ကိုယ့်ဘဝရဲ့ အဆိုးဝါးဆုံး စိတ်ဒဏ်ရာတွေက သူများတွေအတွက် အကောင်းဆုံး ဟာသပြက်လုံးတွေ ဖြစ်လာတတ်တယ်" တာဝါက စင်တင်ဟာသလောကမှာ အောင်မြင်ဖို့ကြိုးစားရုန်းကန်နေရတဲ့ ကောင်မလေးတစ်ယောက်ပါ။ ငယ်စဉ်ကတည်းကစွန့်ပစ်သွားခဲ့တဲ့ နာမည်ကျော်ဟာသလူရွှင်တော်ဖခင်ကိုစိတ်နာပေမယ့် စင်တင်ဟာသကိုမှ ဝါသနာပါမိရင်း မိခင်ဖြစ်သူကိုကောင်းကောင်းထားနိုင်ဖို့အတွက် အစွမ်းကုန်ကြိုးစားပေမယ့် အောင်မြင်မှုနဲ့လွဲနေဆဲ တာဝါဟာ သူ့ငယ်စဉ်ဘ၀က စွန့်ပစ်သွားတဲ့ ဖခင်အကြောင်း စိတ်ဒဏ်ရာတွေကို ဟာသအဖြစ်ပြောမိချိန်မှာတော့ မထင်မှတ်ပဲ တစ်ဟုန်တိုးထပေါက်သွားပါတော့တယ်။ နာမည်ကျော် တီဗွီအစီအစဉ်တွေကပါ ကမ်းလှမ်းမှုတွေရရှိလာခဲ့ချိန်မှာတော့ သူ့ဖခင်ဆီကပါ အဆက်အသွယ်ပြန်ရလာခဲ့ပြီးသူနဲ့ ပြန်ပြေလည်ချင်ကြောင်း အရိပ်အယောင်တွေ ပြလာတဲ့အခါမှာတော့..။ ဇာတ်ကား နာမည်က Comedy Buddy ဆိုပေမယ့် ဟာသထက် မိသားစုချစ်ခြင်းမေတ္တာ၊ သူငယ်ချင်းချစ်ခြင်းမေတ္တာ ဒရာမာဘက်ကိုသွားပါတယ်။ နာမည်ကြီး သရုပ်ဆောင်တွေအပြိုင်ကျဲထားတဲ့ ကြည်နူးနွေးထွေးစရာ Heartwarming ကားကောင်းလေးတစ်ကားဖြစ်ပါတယ်။ File size… (1.6 GB) / (0.98 GB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama Duration…. 02:07:25 Subtitle…. Myanmar Subtitle (Hardsub)

၂၀၁၇ ခုနှစ်က ထွက်ရှိခဲ့တဲ့ အင်ဒိုနီးရှားသရဲကား Pengabdi Setan ရဲ့ အဆက်ဖြစ်ပြီး ၂၀၂၂ ခုနှစ်မှာ ထွက်ရှိခဲ့ပါတယ်။ မိခင်သေဆုံးပြီးနောက် ရီနီတို့မောင်နှမတွေဟာ အဖေနဲ့အတူ တိုက်ခန်းမှာ နေထိုင်နေကြတယ်။ ဒီနေရာမှာ နေရတာ အဆင်ပြေတယ်လို့ သူတို့ ထင်ထားကြပါတယ်။ ဂျကာတာမြောက်ပိုင်းကို မုန်တိုင်းဝင်လာတဲ့တစ်နေ့မှာတော့ အမေရဲ့အတိတ်ဆိုးကလည်း သူတို့ဆီ ပြန်ရောက်လာတယ်။ ရေတွေတက်ပြီး မီးပျက်နေတဲ့ညမှာ ရီနီတို့မောင်နှမတွေဟာ မိဘတွေရဲ့အတိတ်ဆိုးနဲ့ ရင်ဆိုင်ရတော့မှာပါ။ ဒီညကို ကျော်ဖြတ်ပြီး သူတို့ လွတ်အောင်ပြေးနိုင်ကြပါ့မလား။

ဒီကားက​တော့ အင်ဒိုသရဲကားပါ ကျိန်စာ​တွေ, အောက်လမ်း​တွေ, ​မှော်​တွေ, ရုပ်​သေးပညာ​တွေနဲ့ ပတ်သတ်ပြီးစိတ်ဝင်စားတဲ့သူ​တွေဆိုရင် ဒီကားကလက်မလွတ်သင့်တဲ့ကားပါ မင်းသမီးနဲ့သူ့သူငယ်ချင်းတို့က အထည်​ရောင်းတဲ့စီးပွား​ရေးလုပ်ဖို့ အတွက်၂​ယောက်သား​ရှိသမျှ​ငွေအကုန်ရင်းလိုက်ကြတယ် ကံဆိုးစွာနဲ့ ဂျင်းမိပြီး သူတို့မှာထားတဲ့အထည်​တွေက Qualityအရမ်းညံ့​တော့ဘယ်သူမှမဝယ်ကြဘူး အဲ့မှာ၂​ယောက်လုံးမွဲပြာကျ​နေတဲ့အချိန် မင်းသမီးကသူ့မိဘ​တွေ​နေခဲ့တဲ့ရွာမှာအ​မွေပြန်သွား​တောင်းမယ်ဆိုပြီး သူငယ်ချင်း၂​ယောက်သားဆုံးဖြတ်လိုက်ကြတယ် ရွာကလည်း​တော်​တော်ကို​ဝေးပြီး လူ​တော်​တော်များများမသိတဲ့ရွာကြီးပါ သူတို့အဲ့ရွာလည်း​ရောက်​ရောရွာကြီးက​ခြောက်ကပ်​နေပြီ ကြက်သီးထစရာအပြည့်နဲ့သူတို့ကိုကြိုဆို​နေပါတယ် ​ အဲ့က​နေစပြီး မင်းသမီးသူအ​မွေရမယ့်ဟာကိုစုံစမ်းရင် းသူ့သူငယ်ချင်းနဲ့အတူ အဲ့ရွာက​နေလွတ်မှာလား မလွတ်ဘူးလားဆိုတာ ကြည့်ကြပါဦးလို့... File Size - 1.14 gb Quality - web-dl 1080p Subtitle -  burmese Translator - Dolly Encoder - Thit San Khant

ဒီကားလေးကတော့ စူပါဟီးရိုးဖန်တွေအတွက် 2019 တုန်းက ထွက်ရှိထားတဲ့ အင်ဒိုနီးရှားစူပါဟီးရိုးဇာတ်ကားလေးပါ။ BumiLangit စတူဒီယိုကနေထုတ်လုပ်တာဖြစ်ပြီး BumiLangit Cinematic Universe(BCU) ရဲ့ ပွဲဦးထွက် စူပါဟီးရိုးကားလည်းဖြစ်ပါတယ်။ ဒီနှစ်ပိုင်းအတွင်းမှာ BCU ကနေ နောပ်ထပ် Sequals တွေထပ်ထွက်ဖို့ရှိပါသေးတယ်။ ဇာတ်လမ်းအကျဉ်းကတော့.... ဆောက်လုပ်ရေးကုမ္ပဏီကြီးတစ်ခုဟာ အောက်ခြေဝန်ထမ်းတွေကို အလုပ်တွေဖိခိုင်း၊ အချိန်ပိုတွေလုပ်ခိုင်းပြီး လစာတွေကိုကျတော့မစို့မပို့သာပေးပြီး အချိန်အကြာကြီးခေါင်းပုံဖြတ်နေခဲ့ပါတယ်။ အဲဒီလို အမြတ်ကြီးစားခေါင်းပုံဖြတ်တဲ့ ဆောက်လုပ်ရေးကုမ္ပရဲ့အထက်လူကြီးတွေကို သည်းမခံနိုင်တော့တဲ့အဆုံး တစ်နေ့မှာတော့အလုပ်သမားတွေဟာစုဖွဲ့ပြီး ဆန္ဒပြဖို့လုပ်ပါတော့တယ်။ အဲဒီဆန္ဒပြတဲ့အုပ်စုထဲမှာ ဆန်ချာကာဆိုတဲ့ကောင်လေးတစ်ယောက်ရဲ့ အဖေလည်းပါပါတယ်။ ဆန်ချာကာ ဆိုတာကတော့ မွေးကတည်းက ထူးခြားတဲ့စွမ်းအားနဲ့မွေးဖွားလာတဲ့ကလေးလေးပါ။ သူဟာ မိုးကြိုးတွေကနေခွန်အားတွေပြန်ယူနိုင်ပြီး ရန်သူတွေကိုလည်း လျှပ်စီးတွေနဲ့ ပစ်နိုင်တဲ့အစွမ်းရှိပါတယ်။ ပြီးတော့ သူ့စွမ်းအားတွေထုတ်နေတုန်းမှာဆိုရင် သူ့လက်ထဲကိုင်ထားတဲ့အရာဝတ္တုနဲ့ အမျိုးအစားတူတဲ့ပစ္စည်းတွေဟာ ကွဲကြေပျက်စီးနိုင်ပါတယ်။ ဒါပေမယ့် ဆန်ချာကာလေးဟာ သူ့မှာစွမ်းအားရှိနေတာကို မသိရှာပါဘူး။ ဆန်ချာကာရဲ့အဖေတို့ဟာ ဆန္ဒပြရင်းမတော်တဆဖြစ်ပြီး ငွေနဲ့မက်လုံးအပေးခံထားရတဲ့ တခြားစက်ရုံဝန်ထမ်းတစ်ယောက်ရဲ့လက်ချက်နဲ့ သေသွားခဲ့ရပါတယ်။ အဖေမရှိတော့တဲ့နောက်ပိုင်းမှာ ငွေကြေးအခက်အခဲကြောင့် ဆန်ချာကာအမေဖြစ်သူဟာ တစ်နေ့မှာ အပြင်ထွက်အလုပ်ရှာရင်းအပြီးတိုင်ပျောက်သွားခဲ့ပါတယ်။ မိဘမဲ့ဖြစ်သွားတဲ့ဆန်ချာကာလေးဟာ အိမ်ကနေထွက်၊ ကြုံရာလိုက်တောင်းရမ်းရင်း တခြားကလေးတွေလိုက်ရိုက်တာခံခဲ့ရပါတယ်။ ဆန်ချာကာကို နောက်ထပ်မိဘမဲ့လေးတစ်ယောက်က ကယ်တင်ခဲ့ပြီး နောက်နောင်ကိုယ့်ကိုယ်ကိုကာကွယ်နိုင်အောင် သိုင်းတွေလည်း သင်ပေးခဲ့လိုက်ပါတယ်။ ဒီလိုနဲ့ သိုင်းလည်းတတ် ၊ ကိုယ်ကိုယ်၌ကမသိသေးတဲ့အစွမ်းတွေကိုလည်း ပိုင်ဆိုင်ထားတဲ့ ဆန်ချာကာလေးဟာ နောက်ထပ်ဆယ်နှစ်လောက်ကြာတဲ့အခါမှာတော့.... ဒီဇာတ်ကားလေးဟာ comic ကိုအသက်ပြန်သွင်းထားတဲ့ BumiLangit Cinematic Universe ရဲ့ ပွဲဦးထွက်ဇာတ်ကားဖြစ်တာကြောင့် Gundala စတင်ဖြစ်လာပုံတွေ၊ Hero အသစ်တွေနဲ့ သူတို့ရဲ့ ဗီလိန်တွေကို မိတ်ဆက်တဲ့ ကနဦးဇာတ်ကားအနေနဲ့ပဲရှိပါသေးတယ်။ ဒါပေမယ့် ထင်ရက်စရာမရှိတာက ဇာတ်လမ်းကို အတတ်နိုင်ဆုံးဇာတ်အိမ်ကောင်းကောင်းဖွဲ့ပြီး ဗီလိန်နဲ့ ဟီးရိုးတွေကိုမိတ်ဆက်ပေးသွားတာပါပဲ။ စူပါဟီးရိုးကားသာဆိုပေမယ့် အချိတ်အဆက်မိတဲ့ အက်ရှင်ခန်းလေးတွေကလည် း The Raid ဇာတ်ကားထက်မလျော့တဲ့ ခံစားမှုမျိုးကိုပေးစွမ်းတာမို့ အားရစရာကောင်းလှပါတယ်။ IMDB Rating ကလည်း 7/10 တောင်မှဆိုတော့ ကြည့်ဖြစ်အောင်ကြည့်ဖို့ တိုက်တွန်းချင်ပါတယ်။ ဇာတ်ကားအညွှန်းနဲ့ ဘာသာပြန်ကတော့ ကျွန်တော် သဲသွေး (နေရဲနီ)ပဲဖြစ်ပါတယ်။ File Size : (900 MB)  Quality : WEB-DL 720p Running Time : 2hr 03min Format : Mp4 Genre : Action, Adventure, Drama Subtitle : Myanmar Subtitle (Hard Sub) Source : 1080p WEB-DL AAC x264-NonDRM Translated by Nay Yell N Encoded by Thanhtike Zaw

၁၉၈၃ ခုနှစ်ကို နောက်ခံထားတဲ့ ဒီအင်ဒိုနီးရှားသရဲကားမှာ ရီနီတို့မိသားစုက မြို့ပြနဲ့ အလှမ်းဝေးတဲ့ မြို့စွန်က အဖွားအိမ်မှာ နေထိုင်ကြပါတယ်။ တစ်ချိန်က နာမည်ရအဆိုတော်ဖြစ်ခဲ့တဲ့ အမေဟာ ဖျားနာနေတာ သုံးနှစ်ကျော်ရှိပြီဖြစ်ပေမယ့် ဘာရောဂါမှန်း ဆရာဝန်တွေတောင် ရှာမတွေ့ကြဘူး။ အသက် ၂၁ နှစ်ရှိတဲ့ ရီနီက အကြီးဆုံးပီပီ ကောလိပ်ကို ရပ်နားပြီး အိမ်မှာ အမေနဲ့ မောင်ငယ်သုံးယောက်ကို ပြုစုစောင့်ရှောက်နေခဲ့တယ်။ အမေမဆုံးခင်မှာ ကြောက်လန့်နေတဲ့ ထူးဆန်းတဲ့အပြုအမူတွေကို ရီနီတို့ သတိထားမိကြပါတယ်။ တစ်ညမှာတော့ အမေ ရုတ်တရက်ဆုံးသွားပြီး အဖေကလည်း မိသားစုအကြွေးတွေအတွက် အလုပ်လုပ်ဖို့ မြို့ကို ထွက်သွားတယ်။ အဲဒီနောက် အိမ်မှာ ကြောက်စရာအဖြစ်အပျက်တွေ တဖြည်းဖြည်း ပေါ်လာပါတော့တယ်။ ရွာက ဘာသာရေးဆရာရဲ့သားက ဆုံးသွားတဲ့အမေကို ဂါဝန်ဖြူ၊ ခေါင်းပေါင်းဖြူနဲ့ အိမ်အပေါ်မှာ တွေ့ခဲ့တယ်ဆိုပြီး ဒီအိမ်ကနေ ထွက်သွားဖို့ သတိပေးတယ်။ ဒါပေမယ့် မိသားစုအခက်အခဲတွေကြောင့် ရီနီက မပြောင်းနိုင်ဘူးလို့ ပြန်ပြောခဲ့ပါတယ်။ အဲဒီနေ့ အိမ်ပြန်ရောက်တဲ့အခါ ရေတွင်းထဲမှာ သေဆုံးနေတဲ့ အဖွားကို တွေ့လိုက်ရတယ်။ အဖွားက မဆုံးခင် သူ့အသိတစ်ယောက်ဆီ စာရေးထားခဲ့တာကြောင့် ရီနီကိုယ်တိုင် သွားပို့ခဲ့ပါတယ်။ အဲဒီလူဆီကနေ အမေ့အကြောင်း မထင်မှတ်ထားတဲ့ စကားတွေကို ကြားရသလို သူတို့ကို နတ်ဆိုးက သေရွာခေါ်သွားမယ်ဆိုတဲ့ သတိပေးချက်ကိုပါ ကြားလိုက်ရတယ်။ ရီနီက မယုံနိုင်ဖြစ်နေတုန်း အိမ်မှာ ကြုံရတဲ့အရာတွေက အရင်ထက် ပိုဆိုးလာပါတယ်။ ညတိုင်း လာခြောက်နေတာက တကယ်ပဲ အမေ့တစ္ဆေလား။ အမေသာဆိုရင် ကိုယ့်သားသမီးတွေကို ဘာကြောင့် ဒီလိုလုပ်နေရတာလဲ။ အဲဒီလူ ပြောသွားတာတွေ မှန်နေမယ်ဆိုရင်ရော သူတို့ ဘယ်လိုအသက်လွတ်ကြမလဲ။ ဇာတ်ကားက ဒီအဖြစ်တွေကို အိပ်မက်လို ပြန်ဖြေရှင်းမထားဘဲ ဇာတ်လမ်းထဲမှာ တကယ်ကြုံနေရတဲ့ အဖြစ်အပျက်တွေအဖြစ် ပုံဖော်ထားပြီး အာရှဓလေ့တွေနဲ့ ခေတ်ဟောင်းနောက်ခံကို တွဲဖက်ထားပါတယ်။

အမေ အသည်းအသန်နေမကောင်းဖြစ်နေလို့ နာတာရှာဟာ လန်ဒန်ကနေ ပြန်လာခဲ့ပါတယ်။ ဆေးရုံမှာ အမေအမြဲကိုင်ထားတယ်ဆိုတဲ့ စာအုပ်လေးတစ်အုပ်ကို ရလိုက်တော့ စာအုပ်ထဲကလူကို အမေ့ဆီ ခေါ်ပေးနိုင်ရင် အမေ့အခြေအနေ ပြန်ကောင်းလာနိုင်မလားလို့ တွေးမိတယ်။ အိမ်အပြန်လမ်းမှာတော့ သူ့ရည်းစားရဲ့ အကြွေးရှင်လူဆိုးတွေက ရိုက်နှက်ပြီး ကားကိုပါ ယူသွားလို့ ရဲစခန်းရောက်လာကြပါတယ်။ အဲဒီရဲစခန်းမှာ ကားပြိုင်မောင်းရင်း အရှိန်လွန်မောင်းလို့ အဖမ်းခံထားရတဲ့ ဆထရီယိုနဲ့ သူ့ကိုလာထုတ်ပေးတဲ့ သူငယ်ချင်းတွေလည်း ရောက်နေကြတယ်။ ဒီလိုနဲ့ နာတာရှာဟာ ဆထရီယိုတို့ သူငယ်ချင်းတစ်စုနဲ့ ဆုံမိသွားပါတယ်။ နာတာရှာကို စိတ်ဝင်စားသွားတဲ့ ဆထရီယိုက ဒိုင်ယာရီထဲက ဘွိုင်းဆိုသူကို ကူရှာပေးဖို့ အခြေအနေဖန်တီးလိုက်တယ်။ ဘွိုင်းက အောင်မြင်နေတဲ့ စီးပွားရေးလုပ်ငန်းရှင်ဖြစ်တာကြောင့် တွေ့ဖို့က မလွယ်ပါဘူး။ အဲဒီကြားမှာ နာတာရှာ့ရည်းစားက သဝန်တိုပြီး ပြဿနာတွေ ဖန်တီးလာတော့ သူတို့မိတ်ဆွေတွေကြား ဆက်ဆံရေးလည်း ရှုပ်ထွေးလာတယ်။ အင်ဒိုနီးယားဇာတ်ကား Boy's Diary ဟာ လူငယ်တွေရဲ့ မိတ်ဆွေဆက်ဆံရေးကို ပေါ့ပေါ့ပါးပါး ဖော်ပြထားပါတယ်။ ကိုယ်စထားတဲ့အလုပ်ကို ပြီးမြောက်အောင် ကြိုးစားလိုစိတ်နဲ့ နောက်ခံမတူသူတွေကြား အပြန်အလှန်ဖေးမမှုကိုလည်း ပြောထားတယ်။ သွေးသားမတော်စပ်ကြပေမယ့် မေတ္တာထားကြရင်း မိသားစုလို နီးစပ်လာနိုင်တယ်ဆိုတဲ့ အမြင်မျိုးပါ။ ဆထရီယိုတို့ကတော့ တွေ့ဖို့ခက်နေတဲ့ ဘွိုင်းကို နာတာရှာ့အမေဆီ အရောက်ခေါ်ပေးနိုင်ပါ့မလား။