Taylor Swift ပါဝင်သော ဇာတ်ကားများ

Hannah Montana 20th Anniversary Special (2026) ၂၀၀၆ ခုနှစ်တုန်းက Disney Channel ကနေ ကမ္ဘာတစ်ဝှမ်းလူကြိုက်များခဲ့တဲ့း Hannah Montana ထွက်ရှိခဲ့ခြင်း အနှစ် ၂၀ ပြည့် အထိမ်းအမှတ်အဖြစ်... Grammy ဆုရှင် မိုင်လေဆိုင်းရပ်စ် ကိုယ်တိုင်ပြန်ပါဝင်ထားပြီး Taylor Swift ရဲ့ The Eras Tour ရုပ်ရှင်ကို ရိုက်ကူးခဲ့တဲ့ ဖျော်ဖြေပွဲဒါရိုက်တာ Sam Wrench က ရိုက်ကူးပုံဖော်ထားတဲ့အထူးအစီအစဉ်တစ်ခု ဖြစ်ပါတယ်။ Call Her Daddy Podcast ရဲ့ အစီအစဉ်တင်ဆက်သူ Alex Cooper က မိုင်လေ ဆိုင်းရပ်စ် (Miley Cyrus) ကို အင်တာဗျူးလုပ်ထားတဲ့ ပုံစံနဲ့ စတင်တင်ဆက်ထားပါတယ်။ ဆယ်ကျော်သက်ဘဝမှာ Hannah Montana ဇာတ်ကောင်ကြောင့် ကြုံတွေ့ခဲ့ရတဲ့ စိတ်ဖိစီးမှုတွေ၊ အောင်မြင်မှုတွေနဲ့ ဘဝအလှည့်အပြောင်းတွေကို မိုင်လေကပြောသွားပြီး အထူးခြားဆုံး အချက်ကတော့... လွန်ခဲ့တဲ့ အနှစ် ၂၀ က ရိုက်ကူးရေးစတူဒီယို အပြင်အဆင်တွေဖြစ်တဲ့ မိုင်လေတို့ရဲ့ တီဗီထဲက မာလီဘူ (Malibu) ကမ်းခြေအိမ်ကြီး၊ ဟန်နာမွန်တားနားရဲ့ လျှို့ဝှက်အဝတ်လဲခန်းကြီးတွေကို ပြန်ဆောက်ပြီး ... မိုင်လေက အဲ့ဒီအခန်းတွေထဲကို ဆယ်စုနှစ်များစွာကြာမှ ပထမဆုံးအကြိမ် ပြန်လည်ခြေချကာ သူမရဲ့ အတိတ်ကို ပြန်လည်အမှတ်ရပုံ ဖြစ်ပါတယ်။ ဟန်နာမွန်တားနားထဲမှာ ဧည့်သည်အဖြစ်ပါဝင်ခဲ့တဲ့ တေလာဆွစ် , ဆယ်လီနာဂိုးမက်ဇ်တို့ကိုပါ guest အဖြစ်ခေါ်ထာားပြီး အမှတ်တရတွေကို ပြန်လည်တင်ဆက်ထားတာ ဖြစ်ပါတယ်။

Taylor Swift: The End of an Era (2025) S1 Season 01 (စ/ဆုံး) Swifties တို့အတွက် Taylor Swift ရဲ့ The End of an Era miniseries ကို တင်ဆက်ပေးလိုက်ပါတယ်။ ဒီစီးရီးကတော့ The Eras Tour ရဲ့ စင်ပေါ်၊ စင်နောက် အဖြစ်အပျက်တွေ အားလုံးကို ရိုက်ကူးပြသထားတဲ့ စီးရီးတစ်ခုပါ။ ဒီစီးရီးကို မကြည့်ခင် The Eras Tour အကြောင်းကို သိထားရင် ပိုအဆင်ပြေပါတယ်။ ဒီ Tour က ကျနော်တို့ မြင်ခဲ့ဖူးတဲ့ ဖျော်ဖြေပွဲတွေနဲ့ မတူပါဘူး။ ဒါက တေလာရဲ့ Career တစ်ခုလုံးကို စာအုပ်တစ်အုပ်မှာ ရေးပြီး ပရိသတ်ပေါင်း ၁၀ သန်းရှေ့မှာ တေလာကိုယ်တိုင် ဖတ်ပြလိုက်တဲ့ ပုံစံမျိုးပါ။ တေလာက၂၁ လ အတွင်း နိုင်ငံပေါင်း ၂၁ နိုင်ငံ၊ မြို့ပေါင်း ၅၁ မြို့မှာ သုံးနာရီကျော် ကြာမြင့်တဲ့ ရှိုးပွဲပေါင်း ၁၄၉ ပွဲ သီဆိုခဲ့ပါတယ်။ ဝင်ငွေကလည်း ဒေါ်လာ ၂ ဘီလျံကျော် ရှိခဲ့ပြီး ဒီပမာဏက Tour ပွဲအားလုံးထက် ပိုများတဲ့ ပမာဏ တစ်ခုပါ။ လာရောက်တဲ့ ပရိသတ်တွေကလည်း ရှိုးပွဲ တစ်ခုကို ကြည့်နေရတာတင် မဟုတ်ပါဘူး။ တေလာဆွစ်ရဲ့ အနုပညာသက်တမ်းမှာ ဖြတ်သန်းခဲ့သမျှ ဘဝကဏ္ဍတွေကို တစ်ခန်းပြီးတစ်ခန်း ပါဝင် ဖြတ်သန်းကြသလိုပါပဲ။ အစောပိုင်း ကန်းထရီးဆိုခဲ့တဲ့ ကာလကနေ ပေါ့ပ်ကာလအထိ၊ အဲဒီကနေ Indie-Folk ကာလ၊ အဲဒီကနေ သူမကြာခင် ထွက်ရှိထားတဲ့ အလ်ဘမ်အထိ တစ်ကန့်ပြီး တစ်ကန့် လှစ်ဟပြသွားတာပါ။ ပွဲတစ်ပွဲကို သီချင်းအပုဒ်ရေ ၄၀ ကျော် ၅၀ နီးပါး ပါဝင်ပြီး သုံးနာရီကျော် ကြာမြင့်ပါတယ်။ ဒီမှာတင် ပရိသတ်တွေကို တေလာတစ်ယောက် ဘယ်လောက် တန်ဖိုးထားသလဲ မြင်နိုင်ပါတယ်။ မဲလ်ဘုန်းက ခရစ်ကတ်ကွင်းမှာ ဖေဖော်ဝါရီလက လုပ်ခဲ့တဲ့ ရှိုးမှာ ဆိုရင်လည်း ပရိသတ်ပေါင်း ၉၆၀၀၀ ကျော် လာရောက် အားပေးခဲ့ပါတယ်။ အဲဒီပွဲက တေလာဆွစ် ဖျော်ဖြေခဲ့ဖူးသမျှထဲ ပရိသတ်အများဆုံး ပွဲတစ်ခု ဖြစ်သွားတဲ့အပြင် ဆယ်နှစ်အတွင်းမှာ ပရိသတ် အများဆုံး ဂီတပွဲတစ်ခု အဖြစ် စံချိန်တင်ခဲ့ပါတယ်။ ရှေ့မှာ ထွက်ထားတဲ့ Taylor Swift: The Eras Tour (The Final Show) ရုပ်ရှင်မှာတော့ ပွဲထဲက အရာတွေကို ပြန်ပြောင်းပြောထားတာ ဖြစ်ပေမဲ့ ဒီစီးရီးမှာတော့ စင်နောက်က ကိစ္စတွေကို ရိုက်ကူးထားပါတယ်။ ဒီ နယ်လှည့်ဖျော်ဖြေပွဲကြီး ဖြစ်မြောက်လာဖို့ အားထုတ်ခဲ့တဲ့ နောက်ကွယ်က လူတွေအကြောင်းကိုပါ ထဲထဲဝင်ဝင် ရိုက်ကူးပြထားတဲ့အပြင် တေလာရဲ့ အခက်အခဲတွေ၊ စိတ်ခံစားချက်ပိုင်းဆိုင်ရာတွေနဲ့ ပွဲထဲမှာ ပြသမယ့် အရာတွေကို ဖန်တီးပုံကိုပါ ပြောပြထားပါတယ်။ အခုလို ပွင့်ပွင့်လင်းလင်း ပြောထားတာကြောင့်လည်း ဒီစီးရီးက အတော်ကို ရင်ထဲရောက်တာပါ။ တေလာရဲ့ ပျော်ရွှင်မှု၊ ဝမ်းနည်းမှု၊ ဖန်တီးမှုတွေ အားလုံးကို အရှိအတိုင်း မြင်ရပါတယ်။ ပထမဆုံး အပိုင်းမှာတင် ဗီယင်နာမှာ ပွဲပျက်သွားတဲ့အကြောင်း၊ လီဗာပူးမြို့မှာ ဖြစ်ခဲ့တဲ့ စိတ်ထိခိုက်စရာ အဖြစ်အပျက်အကြောင်းတွေကို ပြောပြထားတာပါ။ ဒါက အပြင်လူအနေနဲ့ သာမန်ဆိုရင် ထဲထဲဝင်ဝင် သိနိုင်တဲ့ ကိစ္စတွေ မဟုတ်ပါဘူး။ အဲဒီလို အန္တရာယ်များတဲ့ စိန်ခေါ်မှုတွေကို တေလာတစ်ယောက် ဘယ်လို ကျော်ဖြတ်ခဲ့သလဲ ဆိုတာကိုပါ ဒီစီးရီးမှာ မြင်ရပါလိမ့်မယ်။ ပွဲအကြောင်း ဆက်ပြောရရင် တေလာက သူ့အလ်ဘမ်တွေ၊ ပုံတွေထဲမှာ Symbolistic ဆန်ဆန် အဓိပ္ပါယ်နက်နက်လေးတွေ မြုပ်ထားတတ်တာကို ပရိသတ်တွေ သိပြီးသားပါ။ ဒီ စီးရီးမှာလည်း အဲဒီလို Easter Egg တွေ ပါတယ်လို့ အမာခံ Swifties တွေက ပြောပါတယ်။ တေလာရဲ့ နောက်လုပ်မယ့် ပရောဂျက်တွေ၊ သီချင်းအကြောင်းတွေ စသဖြင့်ပေါ့။ ဒီစီးရီး ထွက်လာကတည်းက တွစ်တာတို့၊ Reddit တို့မှာ အကြိတ်အနယ် ဆွေးနွေး ငြင်းခုန်နေကြတာပါပဲ။ ဒါကလည်း တွေးကြည့်ရင် အမာခံပရိသတ်တွေအတွက် ပျော်စရာကိစ္စတစ်ခုပါ။ တေလာက ဒီစီးရီးထဲ ဘာတွေကို ပြောပြီး ဘာတွေကို မြုပ်ထားမလဲ ဆိုတာ အဖြေရှာတာကလည်း ရင်ခုန်စရာ တစ်ခု ဖြစ်လာပါလိမ့်မယ်။ စီးရီးထဲမှာ တကယ် ကြည်နူးစရာ ကိစ္စကတော့ အဖွဲ့ထဲပါဝင်တဲ့ လူတစ်ယောက်ချင်းစီကို တေလာက ကြင်ကြင်နာနာ ဆက်ဆံပြီး လူအယောက်စေ့တိုင်းကို အသိအမှတ်ပြုတာ မြင်ရတာပါပဲ။ The Eras Tour လို သမိုင်းဝင် ရှိုးပွဲတစ်ခုက မတော်တဆ ဖြစ်လာတာ မဟုတ်ပါဘူး။ နောက်ကွယ်မှာ ထောင်နဲ့ချီတဲ့ အကသမားတွေ၊ အဖွဲ့သားတွေ ရှိပါတယ်။ တေလာက သူတို့တစ်ယောက်ချင်းကို ကိုယ်တိုင်ကိုယ်ကျ ကျေးဇူးတင်စကားတွေ ပြောပါတယ်။ အသိအမှတ်ပြုပါတယ်။ ဘောနပ်စ်တွေ ပေးတုန်းကလည်း သူကိုယ်တိုင် နှစ်ပတ်လောက် စာတွေရေး၊ စာအိပ်ကိုလည်း ကိုယ်တိုင် ဖယောင်းနဲ့ ချိပ်ပိတ်ပြီး သေသေချာချာ ပေးတာပါ။ ဘောနပ်စ်ပေးတာတင် စုစုပေါင်း ဒေါ်လာ ၁၉၇သန်းလောက် ရှိမယ်လို့‌ သိရပါတယ်။ ဒါက သာမန် သဘောကောင်းတာတင် မဟုတ်တော့ပါဘူး။ ပုံမှန် ပွဲတွေဆိုရင် နောက်ကွယ်က အဖွဲ့သားတွေက လူမသိ သူမသိ ဖြစ်တတ်ပါတယ်။ အသိအမှတ်ပြု မခံရပါဘူး။ The Eras Tour မှာတော့ ပါဝင်တဲ့လူတိုင်း အသိအမှတ်ပြုခံရပါတယ်။ ဒါကလည်း တေလာကို တေလာ ဖြစ်လာစေတဲ့ အချက်တစ်ခုပါ။ ပြောရရင် The Eras Tour က Tour တစ်ခုထက် ပိုသလို ဒီ ဒိုကူစီးရီးကလည်း စီးရီးတစ်ခု ဆိုတာထက် ပိုပါတယ်။ ဒါကြောင့် Love Story သီချင်းကို ညည်းခဲ့ဖူးတာဖြစ်ဖြစ်၊ All Too Well နဲ့ ငိုခဲ့ဖူးတာဖြစ်ဖြစ်၊ Anti- Hero နဲ့ ကြေကွဲခဲ့ဖူးတာဖြစ်ဖြစ်၊ ဘယ်လို သီချင်းနဲ့ ဘယ်လိုတွေ ခံစားခဲ့ဖူးပါစေ... ဒီစီးရီးက ကိုယ့်ခံစားချက်တွေ ဖြစ်တည်ခဲ့ရာ ကာလတစ်ခုကို The Eras Tour ကတဆင့် ခေါ်ဆောင်သွားပေးမယ့် အချိန်ခရီးသွား စက်ကလေး ဖြစ်ပါကြောင်း.. File size… (900 MB) / (450 MB) Quality…. WEB-DL 1080p HEVC / 720p Format…. mkv/mp4 Genre…. Documentary, Music Duration…. 45min Subtitle…. Myanmar Subtitle (Hardsub)

Taylor Swift: The Eras Tour - The Final Show (2025) ဒါကတော့ ၂၀၂၄၊ ဒီဇင်ဘာ ၈ ရက်နေ့က ဗန်ကူးဗားမှာ ဖျော်ဖြေခဲ့တဲ့ The Eras Tour နောက်ဆုံးပွဲကို ရိုက်ကူးထားတာ ဖြစ်ပါတယ်။ တေလာဆွစ်အတွက်ရော၊ တစ်ကမ္ဘာလုံးက သူ့ပရိသတ်တွေ အတွက်ရော နောက်ဆုံး ဇာတ်ခန်းတစ်ခုကို ပိတ်ကားချခဲ့တဲ့ ပွဲဆိုရင်လည်း မမှားပါဘူး။ The Eras Tour က ပရိသတ်သန်းပေါင်းများစွာ အတွက် ဖျော်ဖြေပွဲ တစ်ခု ဆိုတာထက်ကို ပိုပါတယ်။ နောက်ဆုံးပွဲမှာလည်း မိနစ်နဲ့ချီပြီး အဆက်မပြတ် အော်ဟစ်အားပေးကြတာတွေ၊ ငိုကြ၊ ရယ်ကြ၊ ပျော်ကြတာတွေ အားလုံး ပါဝင်ပါတယ်။ ဒါက တေလာရဲ့ ဂီတသက်တမ်း တစ်လျှောက် ဖြတ်သန်းခဲ့သမျှ အမှတ်တရတွေကို နောက်တစ်ကြိမ် နင်းဖြတ်ရင်း ခံစားချက်တွေ အားလုံးကို အတူဖြတ်သန်းကြတဲ့ ပွဲတစ်ပွဲပါပဲ။ Tour တစ်ခုလုံးက ထူးခြားသလို နောက်ဆုံးပွဲကလည်း နောက်ဆုံးပိတ် အိတ်နဲ့လွယ် လို့ ပြောနိုင်လောက်အောင် ထူးခြားခဲ့ပါတယ်။ ရိုက်ကွင်းရိုက်ကွက်၊ အသံကွာလတီ၊ အလင်းအမှောင် အားလုံး သိပ်ကို ကောင်းလွန်းပါတယ်။ ရှိုးပွဲတစ်ခု ဆိုတာထက်ကို ပိုတဲ့ တကယ့် နောက်ဆုံးပွဲပါပဲ။ File size… (7 GB) / (3.5 GB) Quality…. WEB-DL 1080p HEVC / 720p Format…. mkv/mp4 Genre…. Documentary, Music Duration…. 03:27:37 Subtitle…. Myanmar Subtitle (Hardsub)

Taylor Swift: The Eras Tour (2023) ~ IMDb - 8.3/10, RT - 99%, Meta - 83% ~ [ အခုတင်တဲ့ Version က Speech တွေသီးသန့် ဘာသာပြန်ပေးထားပြီး သီချင်းတွေကို E-Sub အတိုင်းပဲ Encoding လုပ်ထားတဲ့ Version ပါ။ Swiftie တွေအနေ​နဲ့ သီချင်းတွေလိုက်ဆိုရင်းနဲ့ဖီးလ်ရင်း ကြည့်နိုင်အောင် ရည်ရွယ်ထားပါတယ်။ ] The Eras Tour ဆိုတာ Taylor Swift ရဲ့ Album တွေ အားလုံးကို တစ်ခေတ်ချင်းစီ ပြန်ခံစားနိုင်ဖို့ နေရာကောင်းတစ်ခုဆို မမှားပါဘူး။ Pandemic မှာ Album တွေ အများကြီး ထုတ်ခဲ့တာကတစ်ကြောင်း တခြားသော အရှုပ်အရှင်းတွေကတစ်ကြောင်း Taylor ဟာ Tour တွေ လှည့်ဖို့ အကြောင်းမလှခဲ့လို့လည်း ကျွန်တော်တို့ ဒီလို ခံ့ညားလွန်းလှတဲ့ Iconic Tour ကြီးကို ရခဲ့တာ ဖြစ်ပါတယ်။ ဒီတော့ ရှည်ရှည်ဝေးဝေးတွေ ပြောမနေတော့ဘဲ Taylor Swift ဆိုတာ ဘာလဲ။ The Eras Tour ဆိုတဲ့ စင်မြင့်ထက်ပေါ်မှာ ပရိသတ်နဲ့ အပေးအယူမျှမျှ သူဘယ်လိုတွေ တောက်ပသွားလဲဆိုတာ ကြည့်ရှုခံစားလိုက်ပါ။ 4K Quality ကိုတော့ EAC-3 Digital Sound Audio System နဲ့ Encode ထားတာမလို့ VLC Player လိုမျိုးနဲ့ကြည့်မှ အသံကြားရတာမျိုးရှိနိုင်ပါတယ်။4K Quality ကို အကြည်လင်ဆုံးဖြစ်အောင် Encode ထားပြီး ဖိုင်ဆိုက် 15GB ထိရှိတာကြောင့် PART-1/PART-2 အဖြစ် ၂ ပိုင်းခွဲပြီး တင်ပေးထားပါတယ်။ (ဒီဖျော်ဖြေပွဲနဲ့အညွှန်းကို Act Molemy မှ ပြန်ဆို ရေးသားထားပါတယ်) Size - (15 GB)/ (3.55 GB) / (1.55 GB) Quality - WEB-DL 4K HEVC EAC-3/1080p/ 720p IMDb Rating - 8.3/10 Format - mp4 Duration - 3H 1Min Genre - Documentary, Music Subtitle - Myanmar Subtitle (Hardsub) Translated by Act Molemy Encoded by Y,Ka Naung

ပထမကမ္ဘာစစ်အပြီး အမေရိကန်မှာ နောက်ခံထားတဲ့ ဒီဇာတ်လမ်းထဲက ဘတ်ထ် ဘရန်ဆန်ဟာ စစ်ပြန်ဆရာဝန်တစ်ယောက်ပါ။ ဆေးခန်းဖွင့်ပြီး စစ်ပြန်ရဲဘော်တွေကို ကူညီကုသပေးနေသူဖြစ်ပေမယ့် ဆေးမျိုးစုံ စမ်းသပ်နေတာကြောင့် ဆေးကောင်စီရဲ့ သတိပေးမှုကို မကြာခဏ ခံနေရပါတယ်။ သူ့အချစ်ဆုံးသူငယ်ချင်း ဟာရိုးဝုမန်းကလည်း စစ်ပြန်တစ်ယောက်ဖြစ်ပြီး ရှေ့နေအဖြစ် သူနဲ့ ဆယ်နှစ်ကျော် အလုပ်တွဲလုပ်လာခဲ့သူပါ။ သူနာပြု ဗယ်လာရီကတော့ သူတို့ရဲ့ အရင်းနှီးဆုံးသူငယ်ချင်းတစ်ယောက် ဖြစ်ပါတယ်။ တစ်နေ့မှာ ဗိုလ်ချုပ်ဟောင်း ဘေလ်မီးကင်းစ်ရဲ့သမီးက သူ့အဖေသေဆုံးမှုကို စုံစမ်းပေးဖို့ ဟာရိုးဆီ အမှုလာအပ်တယ်။ ဒီအမှုကို လိုက်စုံစမ်းကြတဲ့အခါ သာမန်သေဆုံးမှုလား၊ လူသတ်မှုလားဆိုတာ ခွဲခြားရုံနဲ့ မပြီးတော့ဘဲ နိုင်ငံနဲ့ချီတဲ့ အရှုပ်တော်ပုံကြီးထဲ ရောက်သွားကြပါတယ်။ ခရစ်ရှန်ဘေး၊ မာဂေါ့ရော်ဘီနဲ့ ဂျွန်ဒေးဗစ်ဝါရှင်တန်တို့ အဓိကပါဝင်ထားပြီး မာဂေါ့ရော်ဘီက သူနာပြု ဗယ်လာရီအဖြစ် သရုပ်ဆောင်ထားပါတယ်။ ရာမီမာလက်ခ်နဲ့ အာညာ တေလာဂျွိုင်းတို့က အရေးပါတဲ့ ဇနီးမောင်နှံဇာတ်ကောင်နှစ်ယောက်အဖြစ် ပါဝင်ကြသလို ခရစ်စ်ရော့ခ်နဲ့ တေလာဆွစ်တို့လည်း ပါဝင်ထားပါတယ်။

All Too Well ( Short Film ) 2021 IMDb - 9.1/10 ကဲ YouTube မှာ ထွက်တာ 24 နာရီပြည့်ပြီးသွားပြီဆိုတော့ CM မှာ တင်ပေးပါပြီ ဒီ short film လေးကတော့ Taylor Swift ကိုယ်တိုင် ရေးသားရိုက်ကူးထားတဲ့ ကြေကွဲဖွယ် ဇာတ်လမ်းလေးတစ်ပုဒ်ပါ Stranger Things ထဲက အားလုံးရဲ့ အချစ်တော်လေး Sadie နဲ့ Teen Wolf, Maze Runner, Love & Monster တို့ရဲ့ မင်းသား Dylan O'Brien တို့က အဓိကပါ၀င် သရုပ်ဆောင်ထားပါတယ် သီချင်းရှင်မမ Taylor လည်း ပါပါတယ် Short Film ဆိုပေမဲ့ သီချင်းကို ရိုက်ကူးထားတာဖြစ်လို့ dialogue တွေအပြင် သီချင်းလေးကိုပါ ခံစားရင်း ကြည့်ရှုနိုင်မှာပါ အသက်အရွယ် အလွန်ကွာခြားလွန်းတဲ့ relationship တစ်ခုကို ပုံဖော်ရိုက်ကူးထားပါတယ် အားလုံးပဲ ရှုစားပေးကြပါဦး File Size :  168 MB Quality : 1080p Running Time : 15min Format : Mp4 Genre : Biography, Drama, Romance Subtitle : Myanmar Subtitle (Hard Sub) Translated by : Yoon Sandi Aung Encode by : Thit San Khant

အားလုံး မျှော်လင့်နေကြတဲ့ ၂၀၂၀ ထဲမှာ လောလောလတ်လတ် ထွက်ရှိထားတဲ့ အမေရိကန် ပေါ့ပ် နဲ့ ကန်းထရီးအဆိုတော်မလေး တေလာဆွစ်ဖ် ရဲ့မှတ်တမ်းရုပ်ရှင် Miss Americana ကို တင်ဆက်ပေးလိုက်ပါတယ်… ဒီမှတ်တမ်းရုပ်ရှင်လေးဟာ IMDb – 8/10 နဲ့ Rottem Tomatoes – 90% တောင်ရရှိထားပါတယ် ဒီရုပ်ရှင်လေးဟာ တေလာဆွစ်က သူ့ရဲ့ဘဝအစိတ်အပိုင်းလေးတွေကို ခင်ဗျားတို့ဘေးနားမှာ ထိုင်ပြောနေတဲ့ အတိုင်း ကြည့်ရှုခံစားရမှာပါ… တေလာဆွစ်နဲ့အတူတူ ခင်ဗျားအပြင်ထွက်မယ်…သူနဲ့အတူတူ ရှိုးပွဲတွေလိုက်မယ် … သူနဲ့အတူ ဝမ်းသာစရာရှိရင် ဝမ်းသာလိုက်မယ် ဝမ်းနည်းစရာရှိရင်ဝမ်းနည်းမယ်… သူ့သီချင်းတွေ နားထောင်ရင်း သူနဲ့အတူတူ ကြီးပြင်းခဲ့ကြတဲ့ အတိုင်းပေါ့… ကန်းထရီးသီချင်းတွေကိုဆိုတတ်တဲ့ ဆယ်ကျော်သက်ကောင်မလေးဟာ အခုဆိုရင် အသက် ၃၀ နားကိုချဉ်းကပ်နေတဲ့ အမျိုးသမီးတစ်ယောက်ဖြစ်နေပါပြီ … ဒီအသက်အရွယ်အထိ သူဘယ်လို အားတင်းခဲ့ရတယ် ဘယ်လိုရဲရင့်ခဲ့ရတယ် ဘယ်လိုရင့်ကျက်ခဲ့ရတယ်ဆိုတာတွေကို …. ၁နာရီနဲ့ ၂၅ မိနစ်ကြာတဲ့ ဒီမှတ်တမ်းရုပ်ရှင်လေးထဲမှာ ခင်ဗျားတို့ မသိသေးတာတွေရော ခင်ဗျားတို့သိပြီးသားကိစ္စတွေရဲ့ အသေးစိတ်တွေကိုရော သူ့ရဲ့အချစ်ရေး မိသားစုအကြောင်းတွေရယ် သူ့ရဲ့ ဂီတဘဝနဲ့ တသီးပုဂ္ဂလဘဝ အကျိုးသက်ရောက်မှုတွေကို သူ့သီချင်းလေးတွေ နားထောင်ရင်း ရှူမြင်ခံစားရမှာဖြစ်ပါတယ်.. အညွှန်းနဲ့ဘာသာပြန်သူကတော့ Zuel Khant Thwin ပဲဖြစ်ပါတယ်…. File Size : (1.50 GB),(700 MB) Quality : NF WEB-DL (1080p 5.1,720p) Running Time : 1hr 25min Format : Mp4 Genre : Documentary Subtitle : Myanmar Subtitle (Hard Sub) Source : 1080p.NF.WEB-DL.DDP5.1.x264-NTG Translated by Zuel Khant Thwin Encoded by Thanhtike Zaw

IMDb 9.2/ 10 လတ်တလော ပူပူနွေးနွေးမှာ Grammy nomination 6 ခုတောင် ၀င်ခဲ့တဲ့ Taylor Swift, Artist of the Decade ရဲ့ folklore studio sessions လေး ရပါပြီနော် ဒီ film လေးထဲမှာ folklore မှာပါ၀င်တဲ့ သီချင်း 17 ပုဒ်ကို ဘယ်သီချင်းက ဘာအကြောင်း ဘာကြောင့် ရေးခဲ့သလဲ ဆိုတာတွေကို ရှင်းပြရင်း discussion လေးလုပ်လိုက် သီချင်းလေးဆိုလိုက်နဲ့ ရိုက်ကူးထားပါတယ် Track 17 ပုဒ်ကို အစဉ်လိုက် သီဆိုထားပြီး တကယ်ကို နားထောင်လို့ ကောင်းတဲ့အပြင် ဒီver ကိုတောင် ပိုကြိုက်သွားနိုင်လောက်ပါတယ် IMDb ကလည်း 9.2 တောင် ရရှိထားပါတယ် Swiftie တွေအတွက်တော့ Home Stay မှာ တကယ်ကို အပန်းပြေစေမယ့် film လေးတစ်ပုဒ်ပါ သီချင်းတွေကို အတတ်နိုင်ဆုံး ကြိုးစား ဘာသာပြန်ထားပါတယ် သိကြတဲ့အတိုင်း Folklore album ထဲက သီချင်းစာသားတွေက usage တွေမြင့်တဲ့အတွက် အမှားပါသွားခဲ့ရင် နားလည်ခွင့်လွှတ်ပေးကြဖို့ တောင်းဆိုချင်ပါတယ် Translators : Jerrica, Yoon Sandi Aung, May Thu Aung Encoder - Thit San Khant

IMDB Rating - 8.6 Taylor Swift ဟာ 2016 လောက်တုန်းက Social Media ပေါ်မှာ လူသန်းပေါင်းများစွာရဲ့ အပုပ်ချပြောဆိုခံခဲ့ရပြီး " မြွေမ " ဆိုတဲ့နာမည်နဲ့ ပြိုလဲအောင် ထိုးသတ်ခံခဲ့ရတယ် .. ခံစားရတာတွေကို မြိုသိပ်ရင်း 2017 မှာ ' Reputation ' ဆိုတဲ့ အခွေအသစ်နဲ့ လူတွေရှေ့ ပြန်ရောက်လာခဲ့ပါတယ်.. ဒီအခွေဟာ 2016 တုန်းက Cyber Bully လုပ်ခံခဲ့ရတဲ့အကြောင်းနဲ့ သူမချစ်ရတဲ့ ချစ်သူကောင်လေးအကြောင်းကို ရေးသားထားတာ ဖြစ်ပါတယ်.. Taylor Swift က Cyber Bully လုပ်ခံရတာကနေ တစ်ဆင့် စိတ်ဓာတ်ခွန်အားတွေရနိုင်တယ်ဆိုတာကို Repution Album & Reputation Stadium Tour နဲ့ သက်သေပြခဲ့ပါတယ်.. Tour ရဲ့ Stage အပြင်အဆင်ဟာ ခမ်းနားလှပပြီး Visual တွေလည်း အရမ်းမိုက်ပါတယ်.. ပေ 110 မြင်တဲ့ Stage ရဲ့ Floor & Wall ကို Screen အဖြစ် တွေ့မြင်ရမှာဖြစ်ပြီးတော့ .. Tour Oufit ပိုင်းမှာလည်း Stage အပြင်အဆင်နဲ့ လိုက်ဖက်အောင် ဝတ်ဆင်သွားပါတယ်။ Dancer တွေနဲ့တွဲဖက်ပြီး ပရိတ်သတ်တွေ မပျင်းရအောင်လဲ ဖျော်ဖြေသွားပါတယ်.. " မြွေမ '' လို့အခေါ်ခံခဲ့ရတာကြောင့် Tour ရဲ့ Theme ကို Snake တွေနဲ့ပြင်ဆင်ထားပြီး Giant Cobra မြွေကြီးအပြင် Visual နဲ့ Stage Design တွေမှာပါ မြွေတွေကို သုံးထားတာဖြစ်ပါတယ် .. နာမည်ကြီး Magazine တွေရဲ့ ချီးကျူးမှုကိုရရှိထားပြီး လူကြိုက်များ ရေပန်းစားနေတဲ့ " Reputation Stadium Tour '' Movie ဟာ လူတိုင်းကြည့်သင့်တဲ့ Tour Movie တစ်ခုပါ..... (Taylor Swift:Reputation Tour Movie ရဲ့ အညွှန်းကိုတော့ Taylor Fan Page တစ်ခုဖြစ်တဲ့ Myanmar 1989 Swifties Page မှကူညီပေးထားပြီးတော့ Pone Thone မှဘာသာပြန်ပေးထားပါတယ်...) File Size : ( 1 GB) Quality :Web DL 720p Running Time :2hr 05 min Format : Mp4 Genre : Music Subtitle : Myanmar Subtitle (Hard Sub) Translated by Pone Thone Encoded by Moe Myint Lwin

Taylor Swift: The 1989 World Tour - Live (2015) IMDb Rating - 8.8/10 1989 ဟာဆိုရင်တော့ ဆုပေါင်းများစွာကို သိမ်းပိုက်ခဲ့တဲ့ album တစ်ခု ဖြစ်သလို Taylor Swift ရဲ့ အကောင်းဆုံး Pop Album လို့တောင် ပြောလို့ရပါတယ်။ ဒီ Album ဟာ ဝက်ဝက်ကွဲ အောင် မြင်ခဲ့သလို World Tour ဟာလည်း သိပ်ကို ခမ်းနားခဲ့ပါတယ်။ ပွဲမှာလည်း အနုပညာရှင်များစွာကို Guest အနေနဲ့ ဖိတ်ကြားပြီး ပရိသတ်ကို အတူ ဖျော်ဖြေခဲ့ပါတယ်။ ဒီ Documentary/Music Film မှာတော့ Taylor ရဲ့ opinion တွေကိုလည်း အင်တာဗျုးတစ်ခုအနေနဲ့ ထည့်သွင်းဖော်ပြထား ပါတယ်။ လူအများကြားမှာ ရေပန်းစားခဲ့တဲ့ Clean Speech ဟာ လည်း 1989 Tour က highlight တစ်ခုပါပဲ။ ဒါကြောင့်မလို့ Swiftie တို့ အလွမ်းသယ်ဖို့ 1989 World Tour ကို Speech Only Translation နဲ့ တင်ဆက်ပေးလိုက်ရပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Act Molemy ဖြစ်ပါတယ်) File Size..........(6.4 GB) / (3.2 GB) Quality............WEB-DL 1080p / 720p Duration.........2Hr 12Min Subtitle...........Myanmar Hardsub Format............MP4 Genre..............Concert, Documentary, Music Translator.......Act Molemy Encoder..........SWM

The Giver (2014) IMDB Rating: 6.4/10 Genre : Drama, Romance, Sci-Fi ဒီနေ့ ပြောမယ့်ရုပ်ရှင်က "The Giver" ပါ။ ၂၀၁၄ ခုနှစ်က ထွက်ရှိခဲ့တဲ့ ဒီရုပ်ရှင်ကတော့ Lois Lowry ရဲ့ နာမည်ကြီး စာအုပ်ကနေ ရုပ်ရှင်အဖြစ် ပြောင်းလဲရိုက်ကူးထားတာဖြစ်ပါတယ်။ ဒီဇာတ်ကားထဲမှာ Jeff Bridges, Meryl Streep, Brenton Thwaites တို့လို နာမည်ကြီးသရုပ်ဆောင်တွေ ပါဝင်ပါတယ်။ ဒိတ်ဒိတ်ကြဲအဆိုတော် တေလာဆွဖ် တောင် ပါ၀င်ထားပါသေးတယ်။ ဇာတ်လမ်းကိုပြောရရင်တော့ နာကျင်မှုတွေ၊ စစ်ပွဲတွေ၊ ရက်စက်မှုတွေ၊ အရောင်တွေ မရှိပဲ အားလုံး တပြေးညီဖြစ်နေတဲ့ ကမ္ဘာမှာ ရှင်သန်နေထိုင်ကြတဲ့ လူတွေအကြောင်းပါ။ အားလုံးက သူ့ဟာနဲ့ သူကွက်တိဖြစ်နေပြီး အားလုံးပြီးပြည့်စုံနေတာမျိုးပေါ့။ အရွယ်တစ်ခုရောက်တဲ့အခါ အကြီးအကဲဆိုသူတွေက ‌သတ်မှတ်ပေးတဲ့ တာ၀န်ကျရာ အလုပ်ကို လုပ်ကြရပါဝာယ်။ အဲ့မှာ ဂျိုနတ်စ်လို့ခေါ်တဲ့ လူငယ်လေးတစ်ယောက်က Receiver of Memory(မှတ်ညဏ်လက်ခံသူ)အဖြစ် ရွေးချယ်ခံရပြီး အရင်ကမ္ဘာရဲ့ တကယ့် အမှတ်တရတွေကို သိရှိရဖို့ တာဝန်ပေးအပ်ခံရတာပါ။ ဂျိုနတ်စ်က သူမခံစားဖူးတာတွေ မမြင်ဖူး မကြားဖူးဝာာ‌ တွေကို သိရှိပြီး နောက်မှာတော့ လက်ရှိကမ္ဘာကိုအယုံအကြည်မရှိတော့ပဲ စွန့်စားခန်းစဖွင့်ပါ‌တော့တယ်။ အစပိုင်းမှာအဖြူအမည်းရုပ်ရှင်လိုမျိုးကနေ တဖြည်းဖြည်း အရောင်တွေ ပေါ်လာတဲ့ပုံက ဇာတ်ကားရဲ့ ပုံစံကို ပိုထင်ဟပ်စေပါတယ်။ (ရုပ်ရှင်အညွှန်းနဲ့ဘာသာပြန်ကို Thinzar Oo မှတင်ဆက်ထားပါတယ် ) File size…(1.4 GB )/ (1 GB) Quality…BluRay 1080p HEVC / 720p Format…mkv/mp4 Duration….01:37:00 Subtitle….Myanmar Subtitle (Hardsub) Encoder….Ka Naung Translated by Ivy Noe

ဒီကားလေးက အပင်လေးတွေကိုချစ်တတ်တဲ့သူတွေ အထူးကြည့်သင့်တဲ့ကားကောင်းလေးပါ ဆုကြီးလေးဆုနဲ့အခြားဆုပေါင်းများစွာရရှိထားပြီး အတွေးသစ်အမြင်သစ်အချို့ကိုပေးစွမ်းနိုင်ပါလိမ့်မယ် အသက်၁၂နှစ်ပဲရှိတဲ့ တက်ဒ်လေးက တနီးဗေးလ်ဆိုတဲ့ မြို့မှာနေပါတယ် မြို့ဟာသဘာဝတရားလုံးဝပျောက်နေပြီး  လေကအစသစ်ပင်အဆုံး man-madeတွေဖြစ်နေပါပြီ အသက်ရှင်ဖို့မဖြစ်မနေလိုအပ်တဲ့လေကိုတော့ အရင်းရှင်ငပုကောင်အိုဟဲကနေကြိုးကိုင်ထားပြီး ဈေးကိုသူလိုသလိုကစားကာတစ်မြို့လုံးကိုဂုတ်သွေးစုပ်နေပါတော့တယ် ကျွန်တော်တို့အားလုံးနီးပါးမုန်းလို့မရတဲ့မမဆိုတဲ့လူတန်းစားဟာ ဒီကားရဲ့အသက်ပါပဲ တဒ်ဟာသူ့ရဲ့မမကိုပိုးပန်းဖို့သစ်ပင်အစစ်ကို မဖြစ်မနေရှာရမယ့်အခြေအနေထဲရောက်သွားပြီး လုံးဝမမျှော်လင့်ထားတဲ့သစ်ပင်တွေမျိုးတုံးသွားစေတဲ့နောက်ကွယ်က အကြောင်းတရားအချိုု့ကိုရှာတွေ့သွားတဲ့အခါမှာတော့ အသံနောက်ခံတွေကတော့ တက်ဒ်နေရာမှာ မင်းသားချော Zac Efron နဲ့ မင်းသမီးနေရာမှာတော့ ပုရိသတို့ အသဲစွဲ Taylor Swift လေးပါ Translated by Dolly Encoded by sithu

Speak Now Tour ကိုတော့ သိပ်ကို ခမ်းနားတဲ့ ပြဇာတ်တစ်ပုဒ်လို့ တင်စားချင်ပါတယ်။ ဘာသာပြန်သူ ကိုယ်တိုင်လည်း Speak Now era မှာ Swiftie တစ်ယောက်ဖြစ်ခဲ့တာပါ။ အဖေဝယ်လာပေးတဲ့ Speak Now Tour အခွေကို တစ်နေ့ တစ်ခေါက်မှ မကြည့်ရရင် မနေနိုင်ခဲ့ရလောက်အောင်ကို ဒီ Tour ကို သဘောကျပါတယ်။ အားလုံးသိတဲ့အတိုင်း စင်မြင့်ထက်မှာ ဂီတပြဇာတ်တစ်ပုဒ်ကို ကြည့် နေရသလို ပရိသတ်ကို ဖျော်ဖြေတင်ဆက်တတ်တာ Taylor ရဲ့ စတိုင်လ်တစ်ခုပါ။ ဒီလို ဖျော်ဖြေမှုတွေထဲကမှ ပြဇာတ်အဆန်ဆုံးက Speak Now Tour ပါ။ Sparks Fly သီချင်းနဲ့ အငွေ့တွေကြားကနေ Taylor ထွက်လာပုံတွေ... Speak Now သီချင်းကို ဇာတ်လမ်းတစ်ပုဒ်လို သရုပ်ဖော်သွားတွေ ... စသဖြင့်ပေါ့။ အမှန်တိုင်းပြောရရင် ဘာသာပြန်က The Eras Tour က Enchanted ဖျော်ဖြေမှုထက် Speak Now Tour က Enchanted ဖျော်ဖြေမှုကို ပိုပြီး သဘောကျမိသူပါ။ The New Taylor က သူ့နည်း သူ့ဟန်နဲ့ slay နေသလို the Old Taylor လေးကိုလည်း ရင်မှာ စွဲကျန် နေဆဲပါ။ ဒါကြောင့်မလို့ Speak Now ကို အားလုံး ပြန်လည်ခံစားနိုင်ဖို့ Speech သီးသန့် ဘာသာပြန်လေးနဲ့ တင်ဆက်ပေးလိုက်ရပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Act Molemy ဖြစ်ပါတယ်) File Size..........(6 GB) / (2 GB) Quality............BLU-RAY 1080p / 720p Duration.........2Hr 20Min Subtitle...........Myanmar Hardsub Format............MP4 Genre..............Music Translator.......Act Molemy Encoder..........SWM

Valentine's Day 270ADရောမမှာ ကလောက်ဒီးယပ်စ်ဆိုတဲ့ ဘုရင်အုပ်ချုပ်ခဲ့တဲ့အချိန်ကာလတစ်ခုရှိဖူးပါတယ်။ ကလောက်ဒီးယပ်စ်ဟာစစ်မက်ပြီး ရက်စက်တဲ့ ဘုရင်တစ်ပါးပါ။ သူ့လက်ထက်မှာ စစ်သားတွေကို စိတ်ပျံ့မလွင့်စေဖို့ လက်ထပ်ခြင်းကိုတားမြစ်ခဲ့ပါတယ်။ အဲ့ဒီတစ်ချိန်တည်းမှာပဲချစ်ခြင်းမေတ္တာကို ယုံကြည်တဲ့ စိန့် ဗယ်လ်လင်တိုင်းဆိုတဲ့ ဘုန်းတော်ကြီးတစ်ပါးလည်းရှိခဲ့ပါတယ်။လူတိုင်းကိတိတ်တဆိတ်လက်ထပ်ပေးတဲ့ ဗယ်လင်တိုင်းကိုအကျဉ်းသွင်းလိုက်ပါတယ်။ အကျဉ်းသွင်းခံရတဲ့ ဗယ်လ်လင်တိုင်းဟာ Feb 14 မှာ နှုတ်ဆက်စာရေးပြီးသေဆုံးသွားခဲ့ပါတယ်။ ဒီရုပ်ရှင်ကတော့ ဗယ်လ်လင်တိုင်းဒေးမှာအချစ်ကစွန့်ပစ်သွားတဲ့။ ဗယ်လ်လင်တိုင်း‌ဒေးမှာအချစ်ကို တွေ့ရှိသွားတဲ့။ ဗယ်လ်လင်တိုင်းဒေးမှာ အချစ်ကို စွန့်ပစ်သွားတဲ့ လူတွေအကြောင်းပါ။ဒီရုပ်ရှင်က Fridayလိုမျိုး တစ်ရက်တည်းမှာဖြစ်နေတာတွေကို ရိုက်ပြသွားတဲ့ ရုပ်ရှင်မျိုးပါပဲ။ဒီရုပ်ရှင်ဟာ Ratingမကောင်းလှပေမယ့်Emotional ဖြစ်ပြီး Jessica Alba Anne Hathaway Emma Robertsတို့လိုမမတွေအပြင် Taylor Swift ၊Julia Robertတို့လို နာမည်ကျော်တွေပါ၀င်ထားတဲ့အတွက် ကြည့်ပျော်ပါတယ်။ လူတစ်ဦးချင်း တစ်ယောက်ချင်းစီရဲ့အဖြစ်သနစ်ကလေးတွေကို ဆက်စပ်ပြီးV Day Themeထဲမှာ အီမိုရှင်နယ်ဖြစ်စေတဲ့အခန်းများများသုံးထားတဲ့ ဒီရုပ်ရှင်မှာ ဇာတ်ကောင်တွေရဲ့ မိုးလင်းက မိုးချုပ်Vdayတစ်ရက်တာ ဘယ်လိုပြီးဆုံးသွားလဲ တရိပ်ရိပ်ခံစားရမှာပါ။လူရဲ့တစ်နေ့တာဟာပြဿနာတွေနဲ့စပြီး ပြဿနာတွေနဲ့ပဲဆုံးတတ်တဲ့ သဘာ၀တော့ရှိပါတယ်။ ကျွန်တော်တို့ရဲ့ V dayကရောဘယ်လိုများပြီးဆုံးသွားပါသလဲဆိုတာဒီရုပ်ရှင်အပြီးသတ်မှာ တစိမ့်စိမ့်ပြန်တွေးကြည့်ရင် အတော်တဿဖွယ်ကောင်းပါတယ်။စကားမစပ်ဗျာ ဒီရုပ်ရှင်ရဲ့ ရသအပြည့်အ၀ကို ဒီညမှာပဲရနိုင်မှာပါ။ File size__( 1.1 GB) Quality__Blu-720p IMDb Rating__5.7/10 Format__mp4 Duration__02:04:39 Type__Comedy, Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Hannah Montana: The Movie (2009) IMDb Rating (6.6) လူတိုင်းရဲ့ ငယ်ဘဝ အခိုက်အတန့်တစ်ကွေ့မှာ ဟန်နာမွန်တန်းနားဆိုတဲ့ ဇာတ်ကောင်မိန်းကလေးဟာ ငယ်ဘဝအမှတ်တရတစ်ခုအဖြစ် ပါဝင်နေကြမှာ အမှန်ပါပဲ။ ဟန်နာဆိုတဲ့ ဇာတ်ကောင်မိန်းကလေးကို အသည်းစွဲဖြစ်ခဲ့ကြရုံမက The Climb၊ You Can Always Find Your Way Back Home စတဲ့ ဇာတ်ဝင်တေးတွေဟာလည်း လူအများကြား ရေပန်းစားခဲ့ပါသေးတယ်။ လူငယ်သဘာဝ ပေါ့ပေါ့ပါးပါး ဇာတ်ကားလေးဆိုပေမဲ့ ဘဝနှစ်ခုမှာ နေထိုင်ဖို့ ကြိုးစားနေတဲ့ ကောင်မလေးတစ်ယောက်ရဲ့ အခက်အခဲတွေ၊ သူ့ရဲ့ကျော်လွှားမှုတွေ၊ ဘဝရဲ့စစ်မှန်တဲ့ အဓိပ္ပာယ်တွေကို ပြသထားတဲ့ ဇာတ်ကားလေးလည်း ဖြစ်တဲ့အတွက် ငယ်ဘဝရဲ့ အမှတ်တရလေးတွေကို တစ်ဖန်ပြန်တမ်းတဖို့အတွက် ခံစားကြည့်ရှုလိုက်ရအောင် ပရိသတ်တို့ရေ..... ဟန်နာအဖြစ် အဆိုတော် Miley Cyrus က အဓိက သရုပ်ဆောင်ထားပါတယ်။ File Size : 3.44GB/ 1.76GB Quality : BluRay 1080p 5.1CH/ 720p Format : mp4 Duration : 1hr 43m Genre : Comedy, Drama, Family, Music, Romance Subtitle : Myanmar Subtitle (Hard Sub)