Teddy Sears ပါဝင်သော ဇာတ်ကားများ

Brilliant Minds 2024 IMDb - 6.8/10 နာမည်ကျော်အာရုံကြောဆရာဝန် စာရေးဆရာ Oliver sackရဲ့ သူ့ရဲ့ဆရာဝန်သက်တမ်းတစ်လျှောက်မှာ ကြုံရတဲ့ ထူးဆန်းတဲ့caseတွေအကြောင်း ရေးထားတဲ့စာအုပ်နှစ်အုပ်ကို အခြေခံရိုက်ကူးထားတဲ့ Brilliant Minds ဒီကားလေးနဲ့ တခြားဆရာဝန်ဇာတ်လမ်းတွဲတွေ မတူတဲ့အချက်ကတော့ ဒီဇာတ်လမ်းမှာပါမယ့် caseတွေလူနာတွေက ကျွန်တော်တို့ခန္ဓာကိုယ်ရဲ့mastermindလည်းဖြစ် ဆေးပညာမှာ လေ့လာနေသမျှထဲမှာ လေ့လာလို့မဆုံးနိုင်သေးတဲ့ ကိုယ်အင်္ဂါအစိတ်အပိုင်းဖြစ်တဲ့ ဦးနှောက်နဲ့အာရုံကြောပိုင်းဆိုင်ရာ ထူးထူးခြားခြားcaseတွေကိုပဲ ကြည့်ရှုခံစားရမှာပါ။ ဒေါက်တာဝုဖ်ဟာ ပါရမီရှင်လို့တင်စားရလောက်တဲ့ ဦးနှောက်အာရုံကြောပါရဂူတစ်ယောက်၊ ပါရမီရှင်ပီပီ ကိုယ်မှန်တယ်ထင်ရာကို တဇွတ်ထိုးလုပ်တတ်သလို လူတိုင်းနဲ့လည်းအဆင်မပြေတဲ့ လူ့ဂွစာကြီးပေါ့။ ကုသရေးအတွက် လူနာအကျိုးအတွက် လိုအပ်လာမယ်ဆိုရင် စည်းကမ်းဆိုတာလည်း ချိုးဖောက်ဖို့ ဝန်မလေးတဲ့သူပီပီ လောလောလတ်လတ် အလုပ်ပြုတ်လာတဲ့ဝုဖ်ကို သူငယ်ချင်း ကယ်ရိုလ်က ဘရွန့်စ်ဆေးရုံမှာ လာလုပ်ဖို့ ကမ်းလှမ်းပါတော့တယ်။ ဝုဖ်တစ်ယောက် အစပိုင်းမှာတော့ ခါးခါးသီးသီးငြင်းနေပေမဲ့ ဝုဖ်ကိုနားလည်နေတဲ့ကယ်ရိုလ်ရဲ့စည်းရုံးရေးနဲ့ တစ်သက်လုံး လူနာတွေအတွက်ပဲ ဘဝကိုမြှုပ်နှံထားသူပီပီ လူနာတွေကို မကုသရရင် မနေနိုင်တဲ့ ဝုဖ်တစ်ယောက် ဘရွန့်စ်ဆေးရုံမှာ အလုပ်သင်တစ်သိုက်နဲ့ လူနာတွေကို ကုသပေးဖို့ ဖြစ်လာတဲ့အခါ.... ဘရွန့်စ်ဆေးရုံအသံကြားတာနဲ့ ဒေါက်တာဝုဖ်တစ်ယောက် ဘာလို့အကြောက်အကန်ငြင်းနေတာလဲ။ သူ့ရဲ့ မျက်နှာတွေကို မမြင်ရတဲ့ရောဂါကရော ဘယ်လိုဖြစ်လာတာလဲ။ ထူးဆန်းတဲ့စရိုက် ထူးဆန်းတဲ့ရောဂါရှိနေတဲ့ဆရာနဲ့ အလုပ်သင်တပည့်တစ်သိုက်ကရော ဘယ်လိုဆန်းပြားတဲ့လူနာတွေနဲ့caseတွေကို ကုသမှုပေးကြမလဲဆိုတာ ရှုစားကြရအောင်ပါ။ File Size – 789 MB(Appx;)@Episode Quality – 1080p WEB DL Duration –43minute (@Episode) Total Episodes:6Eps Subtitle – Myanmar Hardsub Format – Mp4 Genre : Drama Translator – Alex

Justice League: Warworld (2023) Justice League ရဲ့ Warworld ဆိုတဲ့ Animation ကားလေးထွက် လာပါပြီ။ Warworld ဆိုတဲ့အတိုင်း စစ်ပွဲတွေနဲ့ ပြည့်နေတဲ့ ကမ္ဘာကြီး ပေါ့။ ဒါပေမဲ့ အရှိသဘောအတိုင်း တည်ရှိနေတဲ့ ကမ္ဘာမဟုတ်ပဲ ဂြိုလ် တစ်ခုလောက်ကြီးမားပြီးစကြာဝဠာတစ်ခုလုံး မာတီဗာစ့်တွေအကုန်လုံး ပြောရရင် တည်ရှိမှုအကုန်လုံးကို ဖျက်ဆီးနိုင်တဲ့ စွမ်းအားအကြီးဆုံး လက်နက်ပါပဲ။ အဲလက်နက်ရဲ့ အစွမ်းက Virtual World တစ်ခုကို တည်ဆောက်ပြီး လူတွေရဲ့ စိတ်ကိုထိန်းချုပ်ကာ လူတွေဆီက ထွက် လာတဲ့ အကြောက်တရား...အမုန်း..ဒေါသ အစရှိတဲ့ မကောင်းတဲ့ခံစား ချက်တွေကို စွမ်းအင်အရင်းအမြစ်အနေနဲ့ အသုံးချတာပါ။ ဒီတော့ အကျဉ်းသားအနေနဲ့ လူတွေကို ဖမ်းဆီးပြီးအသုံးချရတာပေါ့၊ ဖမ်းခံရတဲ့သူတွေထဲ စူပါမန်း..ဘတ်မန်း နဲ့ ဝန်ဒါဝူးမန်း တို့ပါ ပါသွားခဲ့ ပါတယ်။ ဒီလိုနဲ့ သုံးယောက်သား စစ်ကမ္ဘာထဲမှာ ကျင်လည်ဖို့ရာဖြစ်လာ တော့တာပေါ့။ အစပိုင်းမှာတော့ ကောင်းဘွိုင်ခေတ်ရောက်လိုက်၊ Wizard တွေနဲ့ ချလိုက်၊ ဟီးရိုးတွေကလည်းစိတ်ထိန်းချုပ်ခံထားရတော့ သူတို့ ကိုယ်သူတို့ ဘယ်သူတွေမှန်းမသိပဲ ဇာတ်ရည်မလည်ပဲဖြစ်နေပါလိမ့်မယ်။ နောက်ဆုံးမှာတော့ တစ်စုံတစ်ခုက သူတို့ကိုလှမ်းခေါ်နေတဲ့ လှုံ့ဆော်သံ နဲ့အတူ သူတို့ရဲ့ စွမ်းအားတွေကိုပါ စတင်ခံစားမိလာပါတော့တယ်။ သူတို့ ကိုလှမ်းခေါ်နေတဲ့အရာကရော ဘာများဖြစ်မလဲ၊ စူပါမန်းတို့ သုံးယောက် စစ်ကမ္ဘာထဲကမှာ ဘယ်လိုတွေကြုံတွေ့ကြရမလဲဆိုတာကိုတော့ ဆက်လက် ကြည့်ရှုလိုက်ကြပါဦး။ (ဒီဇာတ်လမ်းရဲ့အညွှန်းကို Thetti Tun ဘာသာပြန်ရေးသားပေးပြီး၊ ဘာသာ ပြန်ရေးသားပေးသူများကတော Khant Sett Naing, Thetti Tun တို့ဖြစ်ပါတယ်) File Size..........(1.63 GB) / (581 MB) Quality............WEB-DL 1080p / 720p Duration.........1Hr 30Min Subtitle...........Myanmar Hardsub Format............MP4 Genre..............Animation, Action, Adventure Translator.......Khant Sett Naing, Thetti Tun Encoder..........Zin Phyo Aung

A Waltons Thanksgiving(2022) ဒီကားလေးကတော့ အခုလို ခရစ်ယာန်ဘာသာဝင်တွေရဲ့ ခရစ္စမတ်ကာလ ရိုးရာလို ခရစ်တော်ကို ကျေးဇူးတင်ကြောင်းသက်သေခံတဲ့ ကျေးဇူးတော်နေ့လေးအကြောင်းကိုဖော်ကျူးထားတဲ့ကားလေးပဲဖြစ်ပါတယ် Jesus ရဲ့ ဖန်ဆင်းမှု ကောင်းခြင်းပေးမှုဆိုတာ ခရစ်ယာန်တွေရဲ့သက်ဝင်ယုံကြည်မှုတစ်ခုပါ ဒါကြောင့်လဲ ကောင်းတဲ့ကိစ္စတစ်ခုခုဖြစ်လာတိုင်း အရှင်ယေရှုကိုကျေးဇူးတင်ပါတယ်ဆိုပီး သူတို့ရဲ့သက်ဝင်ယုံကြည်မှုကိုပြသတတ်ကြပါတယ် ဒီကားမှာတော့ ဝေါ်တွန်ဆိုတဲ့မိသားစုလေးရဲ့ ဘုရားသခင်ပေါ်သက်ဝင်ယုံကြည်မှုကိုမြင်ရမှာပါ ဝေါ်တွန်တို့မိသားစုဟာ ကလေးတွေအများကြီးရှိတဲ့ မြင်သူတိုင်းအားကျရတဲ့ပျော်စရာမိသားစုလေးတစ်ခုပေါ့ ကလေးတွေများတော့ထုံးစံအတိုင်း ပြဿနာတွေလဲများခဲ့တာပေါ့ အဲ့တော့ အိမ်ထောင်ဦးစီးဖြစ်တဲ့ဂျွန်နဲ့ သူ့ဇနီးလစ်ဗီတို့ဟာ အတော်လေးထိန်းသိမ်းရရှာပါတယ် တောင်ယာလုပ်တဲ့မိသားစုလေးတွေပဲများတဲ့ American ရဲ့ county တစ်ခုဖြစ်တဲ့အားလျော်စွာ တစ်ရာသီပြီးလို့ ကောက်ရိတ်သိမ်းစရာတွေ ရိတ်သိမ်းပြီးတာနဲ့ ကောက်သစ်စားပွဲတော်ဆိုပီးကျင်းပလေ့ရှိကြပါတယ် ကောက်သစ်စားပွဲနဲ့အတူ ခရစ်ယာန်တွေရဲ့ ရိုးရာဖြစ်တဲ့ အဖဘုရားသခင်ကိုကျေးဇူးတော်ချီးမွမ်းတဲ့ ကျေးဇူးတော်နေ့လေးကလဲကပ်ပါလာတာပေါ့ ကလေးတွအများကြီးရှိတဲ့ မိသားစုကြီးတစ်စုအနေနဲ့ ကောက်သစ်စားပွဲမှာ အဖဘုရားသခင်ကိုကျေးဇူးတော်ချီးမွမ်းဖို့ ဘယ်လိုကျေးဇူးတင်စရာကိစ္စလေးတွေ သူတို့မိသားစုပေါ် ကောင်းချီးပေးမလဲဆိုတာတော့ ကြည်နူးရသလေးခံစားပြီး ကြည့်ကြည့်ကြပါဦး ။ ( ဘာသာပြန်ပြီး အညွှန်းရေးသားထားသူကတော့ Hein That Naing ပါ ) File Size__(1GB) Quality__720p IMDb Rating__6.0/10 Format__mp4 Duration__01:22:00 Type__Drama Subtitle__Myanmar Subtitle (Hardsub) Translated by Hein That Naing Encoded by Naing Aung Latt

လက်ထပ်ခါနီး သတို့သမီးလောင်း မယ်လိုရီဟာ မင်္ဂလာပွဲကျင်းပမယ့် ဒန်ဗာမြို့ဆီ ဆန်ဖရန်စစ္စကိုကနေ တစ်ယောက်တည်း ကားမောင်းလာပါတယ်။ လမ်းခွဲတစ်ခုကို ရောက်တော့ လက်ထပ်မယ့်သူကို စိတ်ကောက်နေတဲ့ မယ်လိုရီက လမ်းအတိုင်း ဆက်မသွားဘဲ တကွေ့တပတ်မောင်းဖို့ ဆုံးဖြတ်လိုက်တယ်။ လမ်းတစ်ဝက်မှာပဲ ကားက စက်ရပ်သွားပါတယ်။ အနားမှာ အကူအညီတောင်းစရာလူလည်း မရှိ၊ ဖုန်းလိုင်းလည်း မမိလို့ အခက်တွေ့နေချိန် အမျိုးသားတစ်ယောက်က ရုတ်တရက် ကူညီဖို့ ရောက်လာတယ်။ မြို့တွေနဲ့ဝေးတဲ့ ဒီနေရာမှာ ဆုံလိုက်ရသူဟာ မယ်လိုရီအတွက် အားကိုးရမယ့်သူ ဖြစ်မလား၊ ဒီတွေ့ဆုံမှုက ဘယ်လိုအခြေအနေတွေဆီ ခေါ်သွားမလဲ။

ဒီတစ်ခါတော့ ခွေးချစ်တတ်သူလေးတွေအကြိုက်တွေ့စေမယ့် မီးသတ်ခွေးလေး ဒူဝီအကြောင်းကို မြိုင်မြိုင်ဆိုင်ဆိုင်လေး ကြည့်ရှုရမယ့်ကားလေးပါပဲ....။ ဇာတ်လမ်းဇာတ်အိမ်လေးက ရိုးရိုးလေးနဲ့ ခွေးလေးဒူဝီရဲ့ ပါးနပ်မှု သွက်လက်မှုတွေကို သဘောကျမြင်တွေ့ရဦးမှာပါ။ ဇာတ်လမ်းထဲမှာဆိုရင် မီးသတ်ခွေးမဖြစ်ခင်က ခွေးလေးဒူဝီဟာ ဟောလိဝုဒ် ရုပ်ရှပ်ရှင်လောကမှာ ဝက်ဝက်ကွဲအောင်မြင်ခဲ့တဲ့ စူပါစတားခွေးလေးပေါ့...။ သူ့ရဲ့အောင်မြင်လွန်းတဲ့ရုပ်ရှင်တွေကိုပြောပါဆိုရင် "Jurassic Bark" (ဂျူရက်စစ်ဟောင်သံ)တို့"The Fast & The Furriest" (လျှင်မြန်သူ ခွေးစုတ်ဖွား)တို့ပါတဲ့...။ ဒီလို နာမည်ကျော် ဟောလိဝုဒ်စတားခွေးလေးဟာ တစ်ရက်မှာတော့ ကံကြမ္မာဆိုးဝင်ပြီး ခွေးလေခွေးလွင့်ဘဝကိုရောက်ခဲ့ရပါတော့တယ်။ သေကံမရောက်လို့ မီးသတ်တပ်ဖွဲ့တစ်ခုက ကယ်ဆယ်မွေးစားခံရပြီးနောက် လူတွေကို ကူညီရင်းပဲ မီးသတ်ခွေးလေးဖြစ်လာခဲ့တယ်ပေါ့။ ခွေးလေးဒူဝီရဲ့ ဆန်းကြယ်လှတဲ့ ကံကြမ္မာအနိမ့်အမြင့် အဖုံဖုံကို လိုက်ပါစီးမျှောခံစားကြည့်နိုင်ဖို့ တင်ဆက်ပေးလိုက်ပါတယ်ဗျာ....။ File size…2.57 GB/1.35 GB Quality…WEB-Rip 1080p 5.1 CH/ 720p Format…mp4 Duration….1h 51m Genre …..Action ,  Comedy , Family Subtitle….Myanmar Subtitle (Hard Sub) Encoder….Min Wai Translated by Themes