Terry Bird ပါဝင်သော ဇာတ်ကားများ

ချေ့စ်နဲ့ လိန်းတို့က သမီးရည်းစားစုံတွဲပါ။ ချေ့စ်က ခရီပါဆိုတဲ့ သတ္တဝါ ဒီလောကမှာ တကယ်ရှိတယ်လို့ ယုံကြည်ပေမယ့် လိန်းကတော့ လူတွေ လုပ်ကြံပြောဆိုထားတဲ့ ပုံပြင်တစ်ခုလို့ပဲ ထင်ထားပါတယ်။ တစ်နေ့မှာ ချေ့စ်က လိန်းကို Horror Hound ပွဲတော်ဆီ ခေါ်သွားခဲ့တယ်။ အဲဒီကို ရောက်တဲ့အခါ လိန်းရဲ့စိတ်ထဲမှာ မမျှော်လင့်ထားတဲ့ သေခြင်းတရားနဲ့ဆိုင်တဲ့ အနိဋ္ဌာရုံတွေ ပေါ်လာပါတော့တယ်။ ဒီမြင်ကွင်းတွေ ဘာကြောင့်ပေါ်လာတာလဲ၊ ခရီပါနဲ့ ဘယ်လိုဆက်နွယ်နေတာလဲဆိုတာ သူမ နားမလည်နိုင်သေးပါဘူး။ ၂၃ နှစ်မှာ တစ်ကြိမ်ပေါ်လာပြီး လူတွေကို အစုလိုက်အပြုံလိုက် သတ်တတ်တယ်ဆိုတဲ့ ဒဏ္ဍာရီလာ ခရီပါကရော တကယ်ရှိနေတာလား။

IMDb : 8/10 Rotten Tomatoes 80 % ဒီကားလေးတော့ကျွန်တော်တို့ရဲ့စုံထောက်ကြီးရှားလော့သရုပ်ဆောင်Benedict Cumberbatchပါဝင်တဲ့၂၀၀၇ခုနှစ်ကထွက်ရှိထားတဲ့ကားလေးပါ။ အပြင်မှာတကယ်ဖြစ်ခဲ့တဲ့ဖြစ်ရပ်မှန်ကိုအခြေခံထားတဲ့ကားလေးပါ။ Stuartဆိုတဲ့အိမ်ခြေမဲ့လူတယောက်ရဲ့ဘဝဇာတ်ကြောင်းလေးတခုကိုသေချာဖော်ပြထားပြီး ရင်ထဲမှာတခုခုကျန်သွားစေမယ့်ကားလေးဖြစ်ပါတယ်။ Guardian First Book Awardဆုရထားခဲ့တဲ့စာရေးဆရာAlexander Mastersရဲ့စာအုပ်ကိုရိုက်ကူးပုံဖော်ထားတာပါ။ ၂၀၀၀ပြည့်နှစ်တွေမှာAlexander(Benedict Cumberbatch)တယောက်လူမှုဖူလုံရေးအဖွဲ့တခုမှာဝင်လုပ်နေခဲ့ပါတယ်။ ဘာရယ်ညာရယ်ရည်ရွယ်ချက်မရှိဘဲလစာကောင်းကောင်းရတဲ့အတွက်လုပ်နေခဲ့တာပါ။ ရုတ်တရတ်ပဲအိမ်ခြေမဲ့တွေဟာထောက်ပံပေးထားတဲ့နေရာမှာမူးယစ်ဆေးခိုးပြီးရောင်းဝယ်တဲ့အတွက် အဲဒီအဖွဲ့ရဲ့ခေါင်းဆောင်တွေပေါ်အပြစ်ပုံကျလာပါတယ်။ အဲဒီကစပြီးအိမ်ခြေမဲ့တွေနဲ့တခါမှမထိတွေ့ဖူးတဲ့Alexanderတယောက်ဒီတခါတော့စတင်ဆက်ဆံရပါတော့တယ်။ အဖွဲ့ခေါင်းဆောင်တွေကိုပြန်လည်လွတ်မြောက်ဖို့အတွက်လှုပ်ရှားမှုတခုလုပ်ဖို့ အစည်းအဝေးခေါ်တဲ့ပွဲမှာAlexanderနဲ့Stuartစတင်တွေ့ဆုံခဲ့ပါတယ်။ Stuartဟာအိမ်ခြေမဲ့အရက်သမားဆေးစွဲနေသူတယောက်ပါ။ ဒီလိုနဲ့Stuartတယောက်Alexanderကိုကူညီရင်းတယောက်နဲ့တယောက်ရင်းနှီးလာပါတယ်။ အဲဒါနဲ့Alexanderတယောက်Stuartရဲ့အကြောင်းကိုစာအုပ်ထုတ်ဖို့ဆုံးဖြတ်ပြီး သူ့အကြောင်းတွေကိုတဖြေးဖြေးလေ့လာနိုင်ခဲ့ပါတယ်။ မမျှော်လင့်ပဲStuartမှာဆိုးဝါးတဲ့နောက်ခံအကြောင်းအရင်းတွေရင်နာစရာတွေကိုသိလာရပြီး တဲ့နောက်အိမ်ခြေမဲ့တွေနဲ့တခါမှမဆက်ဆံဖူးတဲ့Alexanderတယောက်ဒီတခါတော့Stuartကိုပိုမိုခင်လာရပါတော့တယ်။ Stuartအကြောင်းကိုလေ့လာရင်းအပေါ်ယံထင်ထားတာတွေနဲ့ကွဲလွဲနေတဲ့အကြောင်းလေးတွေနောက်ဆုံးသိလိုက်ရပါတယ်။ ဆိုတော့ဘယ်လိုအကြောင်းအရင်းတွေရှိနေလဲဆိုတာကြည့်လိုက်ရအောင်ဗျာ။ ဒီကားလေးကြည့်ပြီးတော့ရင်ထဲမှာတခုခုကျန်ခဲ့မယ်ထင်ပါတယ်။ တခါတလေကျွန်တော်တို့ထင်ထားတဲ့အပေါ်ယံအမြင်တွေဟာတကယ့်အဖြစ်နဲ့ပြောင်းပြန်ဖြစ်နေတတ်တာကိုမြင်ရမှာဖြစ်ပါတယ်။ ရိုးရိုးလေးနဲ့ကောင်းတဲ့ကားလေးဖြစ်ပါတယ် ဒါ့အပြင်ကျွန်တော်တို့ရဲ့အချစ်တော်ရှားလော့မင်းသားရဲ့တည်ငြိမ်နက်နဲတဲ့သရုပ်ဆောင်မှုတွေကိုမြင်ရမှာလည်းဖြစ်ပါတယ်။ (ဘာသာပြန်သူကတော့ Fridays ပဲဖြစ်ပါတယ်) File Size : 700 MB Quality :  720P HDTV Running Time : 1hr 32minutes Format : Mp4 Genre : Drama Translator : Fridays Encoder :Thanhtike Zaw