Tetsu Inada ပါဝင်သော ဇာတ်ကားများ

ပထမဦးစွာ စပြောချင်တာကတော့ ဒါ ခင်ဗျားတို့ ပုံမှန်ကြည့်နေကြ မြင်နေကြ Anime စီးရီး မဟုတ်ဘူးဆိုတာပါပဲ (လိင်ပိုင်းဆိုင်ရာ ဟာသပြက်လုံးများလည်း ပါဝင်ခြင်းကြောင့် ၁၈ နှစ်အောက်များ မကြည့်သင့်ပါရန်နဲ့ မိသားစုနဲ့လည်း အတူမကြည့်သင့်ပါကြောင်း)။ Chainsmoker Cat ဆိုတဲ့အတိုင်း ဆေးလိပ်ဂျိုး ကြောင်မတစ်ယောက် ဆေးလိပ်စွဲပြီး ပရမ်းပတာတွေ ဖြစ်ချင်တိုင်းဖြစ်နေတာကို အောဂလီဆန်စွာနဲ့ ကြည့်ရှုခံစားရမယ့် Black Comedy စီးရီးတစ်ခုပါ။ နောက်ပြီးတော့ Opening လေးကိုလည်း မကျော်ပဲ သေချာကြည့်ဖြစ်အောင်ကြည့်ကြပါလို့။ သူက Chainsawman OP လိုပဲ နိုင်ငံခြားနာမည်ကြီး ရုပ်ရှင်တွေရဲ့ဇာတ်ဝင်ခန်းတွေကို Reference ယူပြီး ထည့်ဖန်တီးထားတာမို့ ကြည့်ပြီးရင်လည်း ကိုယ်သိတဲ့ ဘယ်ရုပ်ရှင်တွေကို Reference ယူထားလဲဆိုတာ စဉ်းစားကြည့်လိုက်ကြပါဦး။ ကဲ ဒီတော့ ဇာတ်လမ်းက Black Comedy ဆိုတော့ တကယ်တမ်း ဘာမှဇာတ်အိမ်ဆိုပြီး မရှိနေဘူးရယ်။ Yaniko ဆိုတဲ့ ကြောင်တစ်ပိုင်းလူတစ်ပိုင်းလေးက တစ်ယောက်တည်းနေတယ်။ အလုပ်ကြုံရာလုပ်တယ်၊ ရတဲ့ပိုက်ဆံ ဆေးလိပ်သောက်တယ်၊ ငွေကုန်ရင်လည်း အိမ်ကြိုအိမ်ကြား ဆေးလိပ်ဖင်စီခံတိုလေးလိုက်ရှာ လိုက်ကောက် လိုက်သောက်ပြီး နေတာထိုင်တာ ပက်စက်စုတ်ပြတ် ညစ်ပတ်ပေတူးလန်လို့ပေါ့။ အဆုံးစွန်တဲ့ လူနေမှုဘဝနဲ့ ဖြတ်သန်းပြီး အိမ်လခလည်း အနိုင်နိုင်ပေးနေရတဲ့သူ။ ညီမဖြစ်သူ Imoko ကတော့ ချစ်လို့ စေတနာနဲ့ ဆေးလိပ်ဖြတ်ခိုင်းပေမဲ့ ကြိုးစားဖြတ်သော်ငြားလည်း ခွေးမြီးကောက် ကျည်တောက်စွပ်ဆိုသလိုပဲ သံသရာလည်လည်နေတဲ့ ဆေးလိပ်ဂျိုး ကြောင်မကို မြင်ရမှာပါ...။ အဲဒါကို သူ့အပြင် အိမ်နီးချင်းအခန်းဖော်တွေဖြစ်တဲ့ အရက်သမား၊ ဆေးသမား၊ ဟာသပြက်လုံးသမား၊ Streamer သမားနဲ့ Hentai မန်ဂါဆရာမ စသဖြင့် ဒီလူတွေ ပေါက်ကရမျိုးစုံ ကြိုးခုန်တာကိုလည်း မြင်ရမယ့်အပြင် သူ့ရဲ့ အလွဲလွဲအချော်ချော် တစ်နေ့တာ ဖြတ်သန်းသမျှလေးတွေကို ဟင်ခနဲ ဟာခနဲ ခွီလိုက် ရွံလိုက် လေလိုက်နဲ့ ကြည့်ရှုသွားရမှာပဲ ဖြစ်ပါတယ်။ ကြောင်မလေးဆိုပြီး သာမန် Anime Catgirl လေးတော့ မထင်လိုက်လေနဲ့ ခွေးချီးပုံထဲက ဆေးလိပ်တောင် ပြန်ယူသောက်တဲ့ဟာမရယ်။ အဲဒါမို့ ဒီကောင်က လောကရဲ့ အမှောင်ခြမ်းနဲ့ လူ့စရိုက် အဆိုးဆုံးအခြမ်းတွေကို ဆေးလိပ်ငွေ့တွေကြားကနေ လှောင်ပြောင်ရယ်မောချင်တဲ့ Seinen Comedy ကြိုက်သူတွေအတွက်တော့ ထူးထူးခြားခြား ကြည့်ရှုသင့်တဲ့ စီးရီးတစ်ခုပဲ ဖြစ်ပါကြောင်း ပြောကြားရင်း နိဂုံးချုပ်လိုက်ပါရစေဗျာ...။

၂၀၂၄ ခုနှစ် မနှစ် ၈ လပိုင်းကမှ ဂျပန်မှာ ရုံတင်ပြသခဲ့တဲ့ MHA ရုပ်ရှင်အသစ် ထွက်ရှိလို့လာခဲ့ပါပြီ။ ဒီရုပ်ရှင်လေးကတော့ MHA S6 နဲ့ S7 ကြားမှာ ဖြစ်ပျက်သွားတဲ့ ပင်မဇာတ်လမ်းတစ်ခုပါပဲ။ UA ကျောင်းက Class A တစ်သိုက် ထောင်ဖောက်ပြေးတဲ့သူတွေကို အပြိုင်အဆိုင်လိုက်ဖမ်းရင်း ဇာတ်လမ်းအစမှာ အလုပ်တွေများနေကြပါတယ်။ အဲဒီမှာ ဝတ်စုံပြည့်ဝတ်ထားပြီး ကောင်မလေးတစ်ယောက် ပျောက်နေလို့ လိုက်ရှာနေတဲ့ လူတစ်ပိုင်း စက်တစ်ပိုင်း ဆိုင်ကယ်နဲ့ ပဟေဠိလူတစ်ယောက်လည်း ရှိနေခဲ့တယ်၊ သူ့ကိုထိမိရင် နှင်းဆီပန်းတွေပွင့်ပြီး ထူးထူးဆန်းဆန်း ဖြစ်သွားစေတဲ့ ကောင်မလေးလည်း ရှိနေတယ်။ ဒီလို ရှုပ်ထွေးနေတုန်းမှာ အံ့သြစရာတစ်ခု ဖြစ်လာခဲ့ပါတယ်၊ All Might လို ပုံစံကြီးနဲ့ လူတစ်ယောက်ပေါ်လာခဲ့ပါတယ်။ အနားယူသွားခဲ့တဲ့ All Might နေရာမှာ သူက ဆက်ခံမယ် သူက ငြိမ်းချမ်းရေးသင်္ကေတအသစ်ဆိုပြီး ပလိန်းကြီးကြေငြာပြီး UA အဖွဲ့နဲ့ ထိပ်တိုက်တွေ့ကြတဲ့အခါမှာတော့ Deku တို့ ဘော်ဒါတွေ ဘာဆက်ဖြစ်ပြီး ဘယ်လိုရင်ဆိုင်ဖြေရှင်းကြမလဲ၊ ဒီ All Might အတုကြီးကရော ဘယ်သူလဲ ရည်ရွယ်ချက်က ဘာလဲ၊ ထူးဆန်းတဲ့ကောင်မလေးနဲ့ လိုက်ရှာနေတဲ့ စက်ရုပ်ဘဲကတော့ ဘာတွေလဲ စသဖြင့် MHA ရိုးရာအတိုင်း မြိုင်မြိုင်ဆိုင်ဆိုင် တိုက်ပွဲတွေနဲ့ ခံစားရဦးမယ့် ဇာတ်ကားကောင်းလေးတစ်ကားပါလို့။ File size…    2.4 GB / 1.15 GB Quality… WEB-DL 1080p / 720p Format… mp4 Duration…. 1h 50m Genre ..... Action, Adventure, Animation Subtitle…. Myanmar Subtitle (Hard Sub) Encoder…. Thit San Khant Translated... by Thura Aung

Season 2 ထွက်လာခဲ့ပြီဖြစ်လို့ အပတ်စဉ် တင်ဆက်ပေးသွားပါတော့မယ်.... Hell's paradiseဆိုတဲ့လူကြိုက်များ နာမည်ကြီးတဲ့ မန်ဂကို Senpai Yuji Kakuက ၂၀၁၈ခုနှစ်မှာ စတင် တင်ဆက်ခဲ့ပြီး အတွဲ​ပေါင်း၁၃တွဲထိထွက်ရှိထားပါတယ်။ ဒီလိုနာမည်​ကြီးမန်ဂတစ်ခုကို animeထုတ်​တော့မယ်ဆို​တော့ အရင်ဆုံးရှာကြည့်မိတာက ဘယ်studioကကိုင်မှာလဲဆိုတာပါ။ အခု​နောက်ပိုင်း ပ​ရောဂျက်​တွေအများကြီး​တောက်​လျောက်ကိုင်ကာ လက်စွမ်းပြ​နေတဲ့ MAPPAက ကိုင်မှာပါတဲ့။ ဒါတင်မက​သေးဘူး။ OPENING THEMEကိုလည်း နာမည်ကြီး Belle anime movieရဲ့ဇာတ်ဝင်​တေး Uကိုသီဆို​ပေးခဲ့တဲ့ millienium paradeအဖွဲ့က တင်ဆက်​ပေးမှာပါတဲ့။ ဇာတ်လမ်းအမြည်း လုပ်ကြံသတ်ဖြတ်​ရေးစစ်ဆင်​ရေးတစ်ခုလုပ်​နေရင်းနဲ့ ဖမ်းဆီးတာကိုခံခဲ့ရတဲ့ ဂဘိမာရုဟာ ​သေဒဏ်​ပေးခံခဲ့ရ​ပေမဲ့ သူ့ရဲ့သဘာဝလွန်အစွမ်းရှိတဲ့ခန္ဓာကိုယ်​​ကြောင့်သတ်မရဖြစ်ခဲ့ပါတယ်။ အဲ့ဒါနဲ့ ရှိုဂန်ကြီးအတွက် မ​သေ​ဆေးရှိတယ်လို့နာမည်ကြီး​နေတဲ့ကျွန်း​ပေါ်က​နေရှာ​ပေးနိုင်မယ်ဆိုရင် အပြစ်အားလုံးကိုခွင့်လွှတ်​ပေးမယ်လို့အ​ပေးအယူလုပ်လာခဲ့တာ​ကြောင့် အဆိုပါကျွန်းကြီးဆီကိုသွားရဖိူ့ဖြစ်လာခဲ့ပါတယ်။ ဒါ​ပေမဲ့ ဂဘိမာရုမသိ​သေးတာက သူ့အရင်ကလည်း အဖွဲ့ငါးဖွဲ့​စေလွှတ်ခဲ့​ပေမဲ့မ​အောင်မြင်ခဲ့တာကိုပါ။ ဒီလိုနဲ့ကျွန်းကြီး​ပေါ်​ရောက်သွားချိန်မှာ​တော့ မထင်မှတ်ထားတဲ့ကိစ္စ​တွေနဲ့​တောက်​လျောက်ကြုံရပါ​တော့တယ်။ File Size –  326.8MB  @Episode Quality – 1080p Duration – 24 minute (@Episode) Total Episodes: 13 Eps Subtitle – Myanmar Hardsub Format – Mp4 Genre :  Animation / Action  / Drama / Adventure / Sci -Fi & Fantasy Translator – Dr Nyan Encoder – Min Wai

(Warning *** အသက်၁၈နှစ်မပြည့်သူများနှင့် ကလေးများမကြည့်သင့်ပါ) IMDB Rating 6.2 Myanimelist 6.55 ရထားတဲ့ Animation, Action, Adventure typeဖြစ်တဲ့ Redo Of Healer 2021ဟာ Anime Ongoing စီးရီးတစ်ခုဖြစ်ပြီး Rezeroလို MCကို ပိုးစိုးပက်စက် နိမ်ထားပြီး အတော်လေး hardcoreဖြစ်တဲ့ စီးရီးတစ်ခုပါ.....ဇာတ်အိမ်ကိုလဲ အပိုင်း၁မှာတင် အတော်လေး ကြမ်းအောင် တင်ဆက်ထားပြီး Mcလို့ယူဆရတဲ့ Keyaruဟာ မှော်စွမ်းအင်တွေ ဓားစွမ်းရည်တွေရှိတဲ့ သူရဲကောင်းတွေထဲမှာ ကုသရေးစွမ်းအားသာရှိတဲ့ Healerအဖြစ် ပါဝင်ထားပါတယ်.... ဇာတ်လမ်းအကျဉ်းကတော့ Keyaruဟာ နေ့တိုင်း မကောင်းဆိုးဝါးဘုရင်နဲ့ တိုက်ခိုက်နေရပုံကို အိမ်မက်မက်နေပြီး တနေ့တောထဲမှာ သစ်သီးခူးရင်း အသံတစ်ခုရာ စေရာကိုလိုက်ရာကနေ နတ်သမီးတပါးနဲ့ဆုံကာ အရာအားလုံးကို မြင်နို်ငတဲ့ စွမ်းအင်ကိုရခဲ့ပါတယ်.... အဲ့ဒီမှာဇာတ်လမ်းက စတာပါပဲ......သူမြင်သမျှ အိမ်မက်ထဲက အရာတွေက သူ့ရဲ့ပထမဘဝက သူ့ဘဝစုတ်ပြတ်ခဲ့တာတွေ နာကျင်စရာတွေ ရွံစရာတွေ စော်ကားခံရမှုတွေဖြစ်နေလို့ပါ....အဲ့ဒီမှာတင်ပဲ Keyaruဟာ သူ့ရဲ့ပထမဘဝက သူ့ကို ဒုက္ခပေးသမျှတွေကို ပြန်လည်လက်စားချေဖို့ ပြင်ဆင်လာခဲ့ပါတော့တယ်...... အတော်လေးကို ပေါက်နေပြီး ဇာတ်လမ်းကလဲ ကောင်းတာကြောင့် Uncencored versionကို တင်ဆက်ပေးလိုက်ပါတယ်.....

ပထမဦးဆုံးအနေနဲ့ Made in Abyss ရဲ့ Watch order လေးပြောပြပါ့မယ် - Season 1 (13 Eps) or Movie 1,2 - Made in Abyss Movie 3: Dawn of the Deep Soul - Season 2 (12 Eps) - ခု ရုံတင်နေတဲ့ Made in Abyss Movie 4: Awakening Mystery တို့ ဖြစ်ပါတယ်။ ဒါပေမဲ့ Movie 1 - Journey's Dawn က Season 1 Ep 1 to 8 ကို ကာဗာလုပ်ထားပြီး Movie 2 - Wandering Twilight က Ep 9 to 13 ကို ကာဗာလုပ်ထားတဲ့ Recap Movie တွေ ဖြစ်တာမို့ ဒီ Movie 1 & 2 ကို ကြည့်လိုက်ရင် S1 ကြည့်တာနဲ့ အတူတူပဲ ဖြစ်ပါတယ်..။ ကဲ Made in Abyss အကြောင်းလေးကို ကြည့်မယ့်သူတွေအတွက် ရှင်းပြပါရစေ... စပြောချင်တာကတော့ ရုပ်ထွက်လေးတွေက Cute ပြီး ချစ်စရာကောင်းပေမဲ့လည်း ဇာတ်လမ်းနဲ့ ပြကွက်တွေကတော့ ကလေးကြည့် မဟုတ်ပါဘူး Deep & Dark ဖြစ်ပါတယ် သွေးထွက်သံယိုအကြမ်းဖက်တာတွေပါတယ် ကလေးသူငယ်တွေ ဆင်းရဲဒုက္ခတွေပါပါတယ် သူ ဇာတ်အိမ်တည်ထားတာက ဟိုးအရင်ကတည်းက Abyss လို့ခေါ်တဲ့ တွင်းနက်ကြီးတစ်ခုပေါ်ပေါက်လာခဲ့တယ် အဲဒီထဲမှာ အလွှာတွေအထပ်ထပ်တည်ရှိပြီး ထူးခြားဆန်းကြယ်တဲ့ ရှေးဟောင်းပစ္စည်းတွေလည်းရှိတယ် သတ္တဝါအဆန်းပေါင်းစုံလည်းရှိတယ် အောက်ဆုံးကိုလည်း ဘယ်သူကမှ မရောက်ဖူးပဲ ဒီ Abyss ထဲကို စူးစမ်းလေ့လာကြတဲ့ ဂူရှာဖွေသူတွေဆိုတာလည်း သက်သက်ရှိကြတာပေါ့ အဲဒီ ဂူရှာဖွေသူတွေကို အတွေ့အကြုံနဲ့ ပညာအလိုက် ဝီစီအရောင်လေးတွေနဲ့လည်း ခွဲထားကြပါတယ် ခေါင်းလောင်း - ဝီစီနီ - ဝီစီပြာ - ဝီစီလမင်း - ဝီစီနက် ပြီးတော့ ဝီစီဖြူတွေကတော့ ဆရာကြီးတွေ ဒီ Abyss ဆိုတာကလည်း ဆင်းချင်တိုင်း ဆင်းမရဘူး ဘာလို့လဲဆိုတော့ ဆင်းလိုက်တဲ့အလွှာပေါ်မူတည်ပြီး ပြန်တက်လာရင် Abyss ကျိန်စာလို့ခေါ်တဲ့ ဘေးထွက်ဆိုးကျိုးတွေကို ခံစားရပါသေးတယ် မူးဝေအော့အန် သွေးတွေထွက်တာမျိုးအပြင် လူစိတ်ပျောက်ပြီး မကောင်းဆိုးရွားဖြစ်တာမျိုးတွေပါ တအားနက်တဲ့အလွှာက (အလွန်ဆုံး ၆ လွှာ) ပြန်တက်လာရင် လူပါသေနိုင်လောက်တဲ့ထိ ဆိုးရွားတာမျိုးပေါ့လေ ကဲ Abyss အကြောင်း ရှင်းပြပြီးပြီဆိုတော့ ဇာတ်လမ်းလေးကို ပြောပြမယ်... ဒီ တွင်းနက်ကြီး Abyss အပေါ်က မြို့လေးရဲ့ မိဘမဲ့ဂေဟာလေးမှာ Riko လို့ခေါ်တဲ့ ဝီစီနီအဆင့် စူးစမ်းရှာဖွေသူ ကလေးမလေးတစ်ယောက်ရှိတယ်။ သူ့အမေ Lyza ဆိုတာက ဒဏ္ဍာရီလာ ဝီစီဖြူကြီးတစ်ယောက် တစ်ရက် ပထမအလွှာလေးမှာတင် Riko တစ်ယောက် ဟိုရှာ ဒီရှာလုပ်နေတုန်း အကောင်ကြီးတစ်ကောင် လိုက်သတ်တာခံနေရတဲ့အချိန် ထူးဆန်းပြီး မှတ်ဉာဏ်ပျောက်နေတဲ့ စက်တစ်ပိုင်း လူတစ်ပိုင်းကောင်လေး Reg က ကယ်ပေးလိုက်ပါတယ် အဲဒါတွေအပြင် Abyss အောက်ခြေက မြေအောက်ကမ္ဘာထဲကနေ စာတိုလေးတစ်ခုကလည်း Riko ဘဝကို အပြောင်းလဲကြီး ပြောင်းလဲပေးလိုက်ပါတော့တယ် အဲဒါက ဘာလဲဆိုတော့.. "မြေအောက်ကမ္ဘာ ချောက်နက်ကြီးရဲ့အောက်ဆုံးကနေ စောင့်နေတယ်" ဆိုပြီး မိခင်ဖြစ်သူက ရေးသားထားတယ်လို့ ယုံကြည်တဲ့ Riko ဟာ အမေကို လိုက်လံရှာဖွေဖို့ဆိုပြီး စက်ရုပ်ဘော်ဒါလေး Reg နဲ့အတူတူ Abyss အောက်ဆုံးထဲကို ဆင်းကြမယ့် စွန့်စားခန်းခရီးကြီး ဖြစ်ပါတယ်။ ၁၀ နှစ်ကျော် ကလေးလေး ၂ ယောက်တည်း လူကြီးတွေတောင် ဆင်းသွားကြရင် တော်ရုံတန်ရုံ အသက်ပျောက်သွားကြတဲ့ တွင်းနက်ကြီးထဲကို ဘယ်လိုတွေ ဖြတ်သန်းသွားကြမလဲ ဘယ်လို ထူးခြားဆန်းကြယ်မှုတွေ ရက်စက်မှုတွေကို ကြုံတွေ့ရမလဲ အောက်ဆုံးထိ ရောက်သွားမလား ဘာဖြစ်မှာလဲဆိုတာကို စိတ်ဝင်တစား ကြည့်ရှုရမှာပါ...။ File size…    2.2 GB / 1.2 GB Quality… Blu-ray 1080p / 720p Format… mp4 Duration…. 1h 58m Genre ..... Anime, Dark Fantasy, Folk Horror Subtitle…. Myanmar Subtitle (Hard Sub)

One Piece: Stampede (2019) IMDB - 7.5/10, MyAnimeList - 8.1/10 One Piece Anime ရဲ့သက်တမ်း နှစ် ၂၀ ပြည့် ထုတ်တဲ့ ၁၄ ကားမြောက် ရုပ်ရှင်ပါ။ Sky Island ပီးနောက်ကြေငြာထားတဲ့ကားပေါ့။ One Piece ဖန်တိုင်းမျှော်နေခဲ့ကြတဲ့ကားပါပဲ။ ရုံမတင်တဲ့အပြင် အကြည်ကိုလည်ပင်းရှာမျှော်ခဲ့ရတဲ့ကားပါ။ ခရမ်းချဉ်သီး 92 လုံးနဲ့ IMDB 7.5 ရထားပါတယ်။ Time Line အနေနဲ့ ကတော့ Wano မရောက်ခင်နဲ့ Big Mom ကိုသွားကလိပြီးတဲ့ အချိန်ကြားလို့ယူဆရပေမယ့် Movie ထဲမှာ လုဖီရဲ့ ဆုကြေးက ၁၅ ဘီလီယံ ဖြစ်နေတော့ Wano အပြီးလို့လဲထင်စရာရှိပါတယ်။ ဒါပေမဲ့ Non-Canon ဖြစ်တဲ့အတွက် Timeline နဲ့မဆိုင်တော့ သိပ်တော့ ခေါင်းစားစရာမရှိပါဘူး။ ကာရိုက်တာ Art ‌တွေအရ အခု Anime onging မှာ ရောက်နေတဲ့တစ်ဝိုက်လို့ပဲမှတ်ရပါတယ်။ ဇတ်လမ်း က‌တော့ ပင်လယ်ဓားပြတွေအတွက်ကျင်းပတဲ့ ပင်လယ်ဓားပြပွဲတော်ကြီး ကို အမှတ်မရှိအမြဲကမြင်းကြောထချင်‌နေတဲ့ လူဖီ က ပင်လယ်ဓားပြဘုရင် အသံကြားပြီးတော့ ဖင်တကြွကြွဖြစ်နေတာကြောင့် ရောက်သွားရာကနေ ဖြစ်ခဲ့ရတဲ့ အဖြစ်အပျက်ပါပဲ။ ပင်လယ်ဓားပြပွဲတော်မှာ Gol D Roger ရဲ့ ရတနာတစ်ခုကို ပြိုင်လုတဲ့ပွဲတစ်ခု ပါခဲ့ပြီး ကျင်းပတဲ့သူက ရော်ဂျာခေတ်က ပွဲစီစဉ်သူတစ်ယောက်ပါ။ တစ်ကမ္ဘာလုံးက ရှိရှိသမျှ ပင်လယ်ဓားပြ‌တွေ လာပြိုင်ကြပြီး Sabaody မှာရေတပ်တွေကို မိုက်‌ကြေးခွဲသွားခဲ့တဲ့ Worst Generation ထဲက လူဖီ ရဲ့ မိတ်ဆွေမကျ ရန်သူမကျကောင်‌တွေပါ လာပြိုင်ကြပါတယ်။ အဲ့ဒီမှာ ဘူးလက်ပေါ်လာပြီး အကုန်သမပါတယ်။ အများကြီးထပ်ညွှန်းရင် စပွိုင်ကြီးတွေမိကုန်ပါတော့မယ်။ Fight Scene အဂျွတ်ကြီးတွေပါပါတယ်။ ကာရိုက်တာအပိုင်း‌လေးတွေထည့်ရရင်‌တော့ အကုန်နီးပါး ပါပါတယ်ဗျ Sabo ၊ Smoker ကစလို့ မြင်တာနဲ့ဖြတ်ရိုက်ချင်စရာဆုတောင်းနဲ့ပြည့်တဲ့ Kizaru၊ Crocodile၊ Cypher 4 ၊ကလိန်ကကျစ် Foxy အဆုံး အကုန်နီးပါးပါပဲ။ Main Villain ဖြစ်တဲ့ Douglas Bullet အကြောင်း လေးပြောရရင် မူလက Galzburg ကစစ်သားပါ အဲ့ကနေ ပြဿနာတက် ပင်လယ်ထွက်ခဲ့ပြီး ရော်ဂျာကသူ့ကို အနိုင်ယူနိုင်ခဲ့လို့ ရော်ဂျာဆီမှာ ဓားပြဝင်လုပ်ပါတယ် Demon Heir (နတ်ဆိုးအမွေခံလို့) သိကြပြီး ရော်ဂျာသေပြီးနောက် ဝေလေလေဖြစ်ပြီး အကုန်ပတ်ရမ်းနေရင်း ရေတပ်က B-Call နဲ့ ဖမ်းပြီး Impel Down ကိုပို့လိုက်ပါတယ် ထောင်ကို မုတ်ဆိပ်မဲ ဝင်အချောင်နှိုက်ချိန်မှာလွတ်သွားခဲ့ပြီး ဒီပွဲကျမှပြန်ပေါ်လာတာပါ။ Ability အနေနဲ့ တော့ ရော်ဂျာနဲ့တောင်ယှဉ်ချနိုင်ပြီး Rayleigh နဲ့တန်းတူရှိပါတယ် ။ ဆိုတော့ Physical Strength ကတော့ပြောစရာလိုမယ်မထင်ပါဘူး။ နတ်ဆိုးသီးကတော့ Gasha Gasha no Mi အသီး (Sound of metal clankingーတစစီဖြုတ်/တပ်လုပ်နိုင်တဲ့ အစွမ်း) ဖြစ်ပြီးတော့ နိုးထတဲ့ အဆင့်ထိ Train ထားပါတယ်။ (PS - လူဖီက ရော်ဂျာနဲ့တန်းယှဉ်ချတဲ့ အစွမ်းနိုးထပြီးသား ဘဲကိုတီးနေလို့ Timeline ကို Wano နောက်ပိုင်းလို့ပဲယူဆလို့ရပါတယ်)

Konosuba!: God's Blessing on This Wonderful World! Movie 2019 2016ခုနှစ်မှာ အတွဲနှစ်ခုနဲ့ထွက်ခဲ့ပြီးအတော်လေး ရယ်ရတာကြောင့် ပရိတ်သတ်တွေအကြိုက်တွေ့ခဲ့တဲ့ Konosubaစီးရီးဟာ 2019ခုနှစ်မှာ ရုပ်ရှင်တခုအနေနဲ့ထွက်လာခဲ့ပါပြီ။ ရုပ်ရှင်မှာလဲ လုံး၀ဇာတ်ရှိန်ကျသွားတာမျိုးမရှိပဲ သူ့ဇာတ်လမ်းနဲ့သူရယ်နေရတာကိုတွေ့ရဦးမှာပါ။ ဒီရုပ်ရှင်မှာတော့ ကာဇူမနဲ့သူရဲ့အလွဲချော်နိုင်ဆုံး အဖွဲ့ကို Crimson Demonမျိုးနွယ်စုရွာက yunyunက ဘာတွေအားကိုးပြီးလဲ မသိ သူတို့ရွာကို မိစ္ဆာဘုရင်တိုက်ခိုက်မှုမှာ ကယ်တင်ဖို့ အားကိုးတကြီး ခေါ်လိုက်ပါတယ်။ကာဇုမတို့ အဲ့ဒီရွာမှာ မိစ္ဆာဘုရင်နဲ့သွားရောက်တိုက်ခိုင်းရင်း ခရီးသွားလမ်းမှာရော ရွာရောက်တဲ့အချိန်မှာရော မိစ္ဆာဘုရင်နဲ့တိုက်ခိုက်တဲ့ထိ တလျှောက်လုံးအခွီတွနဲ့ချည်းပဲ ကြည့်ရမှာမလို့ ကြည့်ဖြစ်အောင်ကြည့်ဖို့ ညွန်းပါရစေ... Translated by : Aung Tay Za Encoded by : YK FIle Size : 1.26GB and 692MB Duration : 1h30min Quality : 1080p and 720p

Steamboy (2004) IMDB - 6.8/10, MyAnimeList - 7.3/10 ဒီကားရဲ့ ဒါရိုက်တာ Katsuhiro Otomo ဆိုတာကတော့ Anime သမိုင်းက ဂန္ဓဝင်လက်ရာ Akira ကို ဖန်တီးခဲ့သူလည်း ဖြစ်ပါတယ်။ သူက ၂၀၀၄ ခုနှစ်က ထွက်ရှိပြီး ဉာဏ်ကြီးရှင်တွေဖြစ်တဲ့ Steam မိသားစုအကြောင်းကို ဖော်ပြထားတဲ့ ရုပ်ရှင်ပါ။ ထွက်ထားတာကြာနေပြီဆိုနေပေမယ့် Anime ချစ်သူတိုင်း အလွတ်မပေးသင့်တဲ့ ဇာတ်ကားကောင်းဖြစ်တာကြောင့် ဒီကားကိုကြည့်ဖို့ Recommend ပေးပါတယ်။ ဒီကားမှာဆိုရင် သားအဖဖြစ်သူ ဒေါက်တာ Lloyd Steam နဲ့ ဒေါက်တာ Eddie Steam တို့ဟာ အလုပ်တူတူလုပ်ရင်း ရေနွေးငွေ့ဘောလုံးလို့ခေါ်တဲ့ လူသားတွေရဲ့သမိုင်းကို ပြောင်းလဲပစ်နိုင်တဲ့ နည်းပညာတစ်ခုကိုတွေ့ရှိသွားပါတယ်။ ဒါပေမယ့်လည်း သားအဖနှစ်ယောက်က ဒီနည်းပညာကို အသုံးချမှုအပေါ်မှာ သဘောထားတွေကွဲလွဲလာတဲ့အတွက် နည်းပညာကို လျှို့ဝှက်ထားချင်တဲ့ ဒေါက်တာ Lloyd Steam ဟာ ရေနွေးငွေ့ဘောလုံးကို မြေးဖြစ်သူ Ray Steam ဆီလျှို့ဝှက်ပို့လိုက်ပါတယ်။ ဒါပေမယ့်လည်း ဒီနည်းပညာကို လိုချင်နေတဲ့ အခြားသူတွေလည်း အဲ့ဒါကိုလုယူဖို့ကြိုးစားလာတဲ့အတွက် Ray Steam ဟာလည်း ဒီပြဿနာထဲကို အလိုဆန္ဒမပါပဲ ဝင်ရောက်လာခဲ့ရပါတော့တယ်။ အဲ့ဒီကနေစပြီး ဘဝကိုအေးဆေးဖြတ်သန်းနေတဲ့ ဉာဏ်ကြီးရှင်ပေါက်စလေး Ray ရဲ့ဘဝဟာ ဘယ်လိုမျိုး တစ်ဆစ်ချိုးပြောင်းလဲသွားမလဲ ဘာတွေဆက်ဖြစ်လာမလဲဆိုတာကို ပရိတ်သတ်ကြီးတို့ ကြည့်ရှုခံစားလိုက်ကြပါဦးနော်....။ (အညွန်းနဲ့ ဘာသာပြန်ကတော့ Alyn ဖြစ်ပါတယ်) File size…    1.9 GB / 980 MB Quality… Blu-ray 1080p / 720p Format… mp4 Duration…. 2h 06m Genre ..... Animation, Action, Adventure Subtitle…. Myanmar Subtitle (Hard Sub) Encoder…. Thit San Khant Translated... by Alyn

အခုတစ်ခါတင်ဆက်ပေးချင်တာကတော့ နာမည်ကြီး japanese manga ကို movieအဖြစ်အသက်သွင်းထားတဲ့ Appleseed ဆိုတဲ့ကားလေးပဲဖြစ်ပါတယ် ဒီဇာတ်လမ်းလေးက 2131ခုနှစ်ကိုဇာတ်အိမ်တည်ထားပါတယ် လူသားတွေရဲ့ အမုန်းတရားတွေ အမျက်ဒေါသတွေ မတော်လောဘတွေကြောင့် တစ်ကမ္ဘာလုံးစစ်မြေပြင်ဖြစ်သွားပြီး အားလုံးနီးပါးပျက်စီးပြီးသွားတဲ့အချိန်မှာ တိုးတက်လှတဲ့နည်းပညာတွေနဲ့ဖန်တီးတည်ဆောက်ထားတဲ့ အိုလံပတ်စ်ဆိုတဲ့ စိတ်ကူးယဥ်နိုင်ငံလေးက တစ်ကမ္ဘာလုံးကိုအုပ်ချုပ်လျက်ရှိပါတယ် ဒူနန်နွန့် ဆိုတဲ့အမျိုးသမီးစစ်သည်တော်လေးဟာ တိုက်ရည်ခိုက်ရည်မှာထူးချွန်တာကြောင့်ရော ချောမောလှပသောရုပ်ရည်ရှိတာကြောင့်ရော ထင်ရှားကျော်ကြားတဲ့သူပါ သူမကို သူမရဲ့ချစ်သူဟောင်းဖြစ်တဲ့ ဘရီယာရီယိုစ်က စစ်မြေပြင်ကနေ ကယ်ဆယ်ပြီး အိုလံပတ်စ်ကိုခေါ်လာပေးခဲ့ပါတယ် ဘရီယာရီယိုစ်ကယခုအချိန်မှာစက်ရုပ်ခန္ဓာကိုယ်တပ်ဆင်ထားရတဲ့စက်ရုပ်တစ်ပိုင်းဖြစ်နေပါပြီ အဲ့ဒီအိုလံပတ်စ်ဆိုတဲ့စိတ်ကူးယဥ်နိုင်ငံလေးမှာ လူသားတွေနဲ့ထပ်တူကျအောင်ဖန်တီးထားတဲ့ ဘိုင်အိုရွိုက်ဆိုတဲ့ လူသားကလုန်းတွေက လူဦးရေတစ်ဝက်လောက်ရှိပါတယ် "ဘိုင်အိုရွိုက်"တွေဟာ တိကျတဲ့ စိတ်ခံစားမှုတွေမရှိဘဲ သူတို့ရဲ့အဓိကတာဝန်က လူသားတွေအတွက် ငြိမ်းချမ်းမျှတအောင်ထိန်းညှိပေးဖို့ပဲ ဒါပေမဲ့ အုပ်ချုပ်ရေးပိုင်းတွေမှာနေရာရထားတဲ့ ဘိုင်အိုရွိုက်တွေကို မကျေမနပ်ဖြစ်ပြီး အတိုက်အခံလုပ်နေတဲ့ လူသားတစ်စုလည်းရှိပါတယ် အဲ့ဒါကြောင့် လူသားနဲ့ဘိုင်အိုရွိုက်တွေ့ရဲ့ကြားမှာ တင်းမာမှုတွေ ပဋိပက္ခတွေရှိနေပါတယ် ဒူနန်တစ်ယောက် အိုလံပတ်စ်ကိုရောက်သွားပြီးနောက်မှာ အိုလံပတ်စ်ကိုထိပါးလာတဲ့ လူတစ်စုရဲ့တိုက်ခိုက်မှုတွေကို ခုခံကာကွယ်ရင်း သူမ,မမှတ်မိတဲ့ သူမရဲ့အတိတ်ကအကြောင်းတွေကိုပါ သိရှိလိုက်ရပါတယ်..... File size…(2.2 GB)/(1.2 GB) Quality….Webrip 1080p / 720p Format…mp4 Duration….01:38:00 Genre... Action, Animation, Science Fiction  Subtitle….Myanmar Subtitle (Hardsub) Encoder….Mr. Anderson Translated by Ruby Jane

One Piece Movie 4 - Dead End Adventure (2003) IMDb -7.1/10 My anime list -7.5/10 ဒီကားလေးကတော့ ကောက်ရိုးဦးထုပ်သားတွေရဲ့ ၄ ကားမြောက် ရုပ်ရှင်လေး ဖြစ်ပါတယ်။ Luffy တို့အဖွဲ့ဟာဆိုရင် ဇာတ်ကားစစချင်းမှာတင် ရေတပ်ရဲ့သည်းကြီးမဲကြီးလိုက်ဖမ်းတာကိုခံရရင်း ကျွန်းတစ်ကျွန်းမှာသောင်တင်နေပါတယ်။ အစားပုတ်တဲ့ Luffy ကြောင့် ပါလာသမျှငွေလဲ ဗိုက်ထဲ ရောက်သွားတော့ ဘိုင်တော်တော်ပြတ်နေ‌တဲ့အခြေအနေကိုရောက်နေတယ်။ ငွေချစ်ခင် Nami san ကတော့ ကိုယ်တွေလိုငွေမရှိရင်မနေနိုင်သူလေးပါ။ တစ်ညတော့ ဘားမှာစားကြရင်း ဘားကလူရဲ့လမ်းညွှန်မှုကြောင့် မြေအောက်တရားမဝင်ပြိုင်ပွဲတစ်ခုအကြောင်းသိသွားကြတယ်။ ပင်လယ်ဓားပြတွေအတွက် ပြင်းထန်တဲ့ပြိုင်ပွဲတစ်ခုဖြစ်ပြီး ပန်းတိုင်နေရာကိုအရင်ရောက်သူကဆုကြေးကိုပိုင်ဆိုင်မှာပါ။ ဒါကိုကြားပြီးနောက် Luffy တို့အုပ်စု မတုံ့မဆိုင်းဝင်ပြိုင်ပါတော့တယ်။ တစ်ဖက်မှာလဲ ရေတပ်ဟောင်း အရာရှိ Gasparde ရဲ့အကျင့်ယုတ်မှုတွေနဲ့ ပြိုင်ပွဲတစ်လျှောက် ဘယ်လို‌‌တွေ အကွက်ကျော် တိုက်ခိုက်ခံရမလဲစိတ်ဝင်စားစရာပါ။ ဒါ့အပြင် လမ်းမှာ Luffy တို့သ‌င်္ဘော‌ပေါ်ကို ခိုးလိုက်လာသူတစ်ယောက်ရှိပါတယ်။ အဲဒါကဘယ်သူလဲ ဘာရည်ရွယ်ချက်နဲ့လိုက်လာတာလဲ။ Luffy တို့က‌ရောနောက်ဆုံးမှာဆုကြေးကိုပိုင်ဆိုင်နိုင်မှာ‌သေချာရဲ့လား ဆိုတာကိုဇာတ်လမ်းကိုကြည့်ပြီးအဖြေရှာလိုက်ရအောင်နော်...။ (အညွန်းနဲ့ဘာသာပြန်ကတော့ Angelia ဖြစ်ပါတယ်) File size…    1.9 GB /  850 MB Quality… BluRay 1080p / 720p Format… mp4 Duration…. 1h 35m Genre ..... Animation, Adventure, Comedy Subtitle…. Myanmar Subtitle (Hard Sub) Encoder…. Thit San Khant Translated... by Angelia

One Piece: Clockwork Island Adventure (2001) My Anime List - 7.08/10, IMDB Rating - 6.6/10 ဒီတစ်ခါမှာတော့ CM ပရိတ်သတ်ကြီးကို မိတ်ဆက်ပေးချင်တဲ့ movie ကောင်းလေးကတော့ One Piece Animation Series ရဲ့ ၂၀၀၁ ခုနှစ်တုန်းက ထွက်ရှိထားခဲ့တဲ့ ၂ ကားမြောက် movie လေးပဲ ဖြစ်ပါတယ်။ ဇာတ်လမ်းအကျဥ်းကတော့ ဝရမ်းပြေးအဖြစ် ဆုကြေးငွေထုတ်ခံလိုက်ရတဲ့ Luffy တို့အုပ်စုက ကမ်းခြေတစ်ခုမှာ ပျော်ပွဲစားထွက်အနားယူနေရင်း Going Merry ဆိုတဲ့ သူတို့ရဲ့ ပင်လယ်ဓားပြသင်္ဘောကြီး အခိုးခံလိုက်ရပါသတဲ့။ ဘယ်သူခိုးသွားလဲဆိုတာ မသိဘဲ သူခိုးနောက်ကို လိုက်ကြရင်း ပင်လယ်ထဲမှာပဲ BorĹŤdo နဲ့ ‌Akisu ဆိုတဲ့ သူခိုးညီနောင်နဲ့ တွေ့သွားကြပါတယ်။ အဲဒီ သူခိုးညီနောင်နဲ့ တွေ့ပြီး သူတို့သင်္ဘောကို ခိုးသွားတာ နာရီစက်ကျွန်းပေါ်က Trump ပင်လယ်ဓားပြတွေဆိုတာ သိခဲ့ရပြီး BorĹŤdo တို့ ညီအစ်ကိုကလည်း အဲဒီနာရီစက်ကျွန်းပေါ်က စိန်နာရီဆိုတဲ့ ရတနာကို ခိုးချင်နေတာဖြစ်ကြောင်း ပြောလာခဲ့ပါတယ်။ အဲဒီအချိန်မှာပဲ ပင်လယ်ထဲမှာ Trump မောင်နှမတွေရဲ့ ပင်လယ်ဓားပြအုပ်စု‌နဲ့ ထိပ်တိုက်တွေ့ခဲ့ရပြီး Luffy တို့အုပ်စုထဲက Nami San ဆိုတဲ့ အလှလေးကို ပြန်ပေးဆွဲသွားခဲ့ပါတယ်တဲ့။ ဒီလိုနဲ့ပဲ စိန်နာရီကို ခိုးချင်တဲ့ BorĹŤdo ညီနောင်နဲ့ Nami San နဲ့ သူတို့ရဲ့ သင်္ဘော Going Merry ကို ပြန်လိုချင်တဲ့ Luffy တို့အုပ်စုဟာ နာရီစက်ကျွန်းကို အတူသွားဖို့ ဖြစ်လာကြတဲ့အခါ.......... ပန်းတိုင်တူနေကြတဲ့ အုပ်စုတွေ နာရီစက်ကျွန်းပေါ်က ထောင်ချောက်တွေအပြည့်ရှိနေတဲ့ Trump ရဲတိုက်ကို ဘယ်လို အရောက်သွားကြမလဲ Nami San နဲ့ Going Merry သင်္ဘောကိုရော Luffy တို့က ပြန်ရနိုင်ပါ့မလား၊ စိန်နာရီကိုရော BorĹŤdo ညီနောင်ကခိုးနိုင်ပါ့မလားဆိုတာ စိတ်ပါဝင်စားစွာနဲ့ စောင့်ကြည့်ရမှာပဲ ဖြစ်ပါတယ်။ နောက်ပြီး သူငယ်ချင်းအုပ်စုတွေကြားက သံယောဇဥ်တွေ၊ ဘယ်လိုတွေ ပူးပေါင်းတိုက်ခိုက်ကြလဲဆိုတာအပြင် One Piece ရဲ့ ထုံးစံအတိုင်း Luffy တို့ သူငယ်ချင်းအုပ်စုရဲ့ စခွီတွေလည်းပါဝင်တော့ တစ်ကားလုံး မပျင်းရဘူးဆိုတာတော့ အ‌သေအချာပါပဲ။ စီးရီးမကြည့်ဖူးတဲ့ လူတွေအတွက်လည်း အဆက်အစပ်မရှိဘူးလို့ မခံစားရလေအောင် တစ်ကားတည်းမှာပဲ အစအဆုံး အကုန်ပြီးစီးတဲ့ ဇာတ်ကားကောင်းလေးတစ်ခုဖြစ်ပြီး စီးရီးကြည့်ပြီးသား သူတွေအနေနဲ့လည်း အသစ်အဆန်းလေးဖြစ်အောင် ဒီ movie လေးကို ကြည့်ရှုဖို့ ဖိတ်ခေါ််အပ်ပါတယ်ရှင်။ (အညွှန်းနဲ့ ဘာသာပြန်ကတော့ ttmuswe ပဲဖြစ်ပါတယ်) File size… 1.4 GB / 620 MB Quality… Bluray 1080p / 720p Format… mp4 Duration…. 55m Subtitle….Myanmar Subtitle (Hardsub) Encoder…. Thit San Khant Translated by ttmuswe