Tim Daish ပါဝင်သော ဇာတ်ကားများ

ဒီ ဇာတ်ကားလေးကတော့ ဒုတိယကမ္ဘာစစ်မစတင်ခင်အချိန်နဲ့ ဒုတိယကမ္ဘာစစ်ပြီးကာလကို နောက်ခံထားရိုက်ကူးထားတာဖြစ်ပြီး ၁၉၀၀ ပြည့်နှစ်တွေအတွင်း ပါလက်စတိုင်းကို စတင်အခြေချရွှေ့ပြောင်း လာခဲ့ကြတဲ့ ဂျူးလူမျိုးတွေနဲ့ ဒေသခံအာရပ်လူမျိုးတွေအကြား တင်းမာမှုတွေအကြောင်းကို ရိုက်ကူးထားတာဖြစ်ပါတယ်။ ဝီလ်ကင်က ရဲတပ်ဖွဲ့ဝင်တစ်ယောက်အနေနဲ့ ဒေသတွင်းက အကြမ်းဖက်မှုတွေကို နှိမ်နင်းဖို့ တာဝန်ယူထားရသူဖြစ်ပါတယ်။ တယ်အာဗိ ဒေသတွင်းမှာ ဂျူး နဲ့ အာရပ် မြေအောက်တော်လှန်ရေးအဖွဲ့ အစည်းတွေအများကြီးခြေရှုပ်နေကြပြီး အချင်းချင်းလည်း လုပ်ကြံ သတ်ဖြတ်ကြသလို အုပ်ချုပ်သူ ဗြိတိသျှတွေပါ မထင်ရင်မထင်သလို လုပ်ကြံခံနေရတဲ့အခြေအနေလည်းဖြစ်ပါတယ် ဒီဇာတ်လမ်းလေးမှာတော့ ရှိုရှားနားလို့ခေါ်တဲ့ ဂျူးအမျိုးသမီး နဲ့ ဝီလ်ကင်ဆိုတဲ့ ဗြိတိသျှရဲအရာရှိတစ်ယောက်ရဲ့ အချစ်ရေးနဲ့ နိုင်ငံအတွင်း ဖြစ်ပျက်နေတဲ့ ဂျူး-အာရပ်-ဗြိတိသျှ ပဋိပက္ခတွေကို စိတ်ဝင်စားဖွယ် ကြည့်ရှူရမှာပါ။ File size…1.80GB / 973MB Quality…WEB-DL 1080p 5.1CH / 720p Format…mp4 Duration….2h 1m Genre ….. Drama , Thriller Subtitle….Myanmar Subtitle (Hard Sub) Encoder….Min Wai Translated by Wil

Series လည်း ကြည့်ချင်တယ် အရှည်ကြီးကြည့်ရမှာလည်း ပျင်းတယ်ဆိုတဲ့သူတွေရှိရင် အပိုင်းနည်းနည်း‌နဲ့ ကြည့်လို့ကောင်းတဲ့ series တစ်ခုနဲ့ မိတ်ဆက်ပေးချင်ပါတယ်။ ဇာတ်ကားနာမည်က The Serial Killer's Wife ဖြစ်ပြီးတော့ 2023 ခုနှစ် December ကမှ ထွက်ရှိထားတာ ဖြစ်ပါတယ်။ ဇာတ်လမ်းအကျဉ်းကို ပြောပြရရင်တော့ ဘတ်သ်ရဲ့ အမျိုးသား တွန်က ကျေးလက်ဒေသက ဆရာဝန်တစ်ဦးပါ။ တွန်ရဲ့ ဆေးခန်းအကူ ကေတီ သေဆုံးရာကနေ ဇာတ်လမ်းအစပြုပါတယ်။ တစ်နေ့ ဘတ်သ်နဲ့ တွန်တို့ ဧည့်သည်တွေနဲ့အတူ မွေးနေ့ကျင်းပနေတုန်း ရဲတပ်ဖွဲ့က ရောက်လာပြီးတော့ တွန်ကို လူသတ်မှု သံသယတရားခံအဖြစ် ဖမ်းသွားခဲ့တယ်။ အခြေအနေတွေကလည်း ဖရိုဖရဲဖြစ်ပြီး ဧည့်သည်တွေရှေ့မှာ မျက်နှာပျက်စရာတွေ ဖြစ်ကုန်ပါတယ်။ ဘတ်သ်ဟာ အတင်းအဖျင်းတွေကို ရင်ဆိုင်ရင်း ယောက်ျားဖြစ်သူ အပြစ်ကင်းကြောင်း သက်သေပြဖို့ တွန်ရဲ့ ပစ္စည်းတွေကို ရှာဖွေခဲ့တယ်။ မမျှော်လင့်ထားဘဲ တွန်က ကေတီအပါအဝင် တခြားအမျိုးသမီးတွေနဲ့ ဖောက်ပြန်နေတာကို ဘတ်သ်တစ်ယောက် သိလိုက်ရပါတယ်။ ဒီကစလို့ ဇာတ်လမ်းဟာ ပိုမိုရှုပ်ထွေးလာပြီးတော့ ဘတ်သ်နဲ့ တွန်ရဲ့ မရိုးရှင်းတဲ့ အတိတ်အကြောင်းတွေပါ ပါလာမှာပါ။ ရဲတွေကရော လူသတ်မှုကို ဘယ်လိုဖော်ထုတ်မလဲ၊ လူသတ်တရားခံအစစ်က ဘယ်သူလဲ၊ တခြားကွင်းဆက် လူသတ်မှုတွေနဲ့ ဘယ်လိုချိတ်သွားမလဲ၊ ဘတ်သ်နဲ့ တွန်ရဲ့ ဆက်ဆံရေးကရော ဘယ်လိုဆက်ဖြစ်မလဲဆိုတာတော့ ကိုယ်တိုင်ကြည့်ရှုလိုက်ပါ။ ဇာတ်လမ်းအစအဆုံး လူသတ်သမားက ဘယ်သူလဲဆိုတာကို plot twist ပေါင်းများစွာနဲ့ ရင်ခုန်စွာ ကြည့်ရှုရမယ့် ဇာတ်ကားကောင်းလေးဖြစ်တာမလို့ ကြည့်ဖြစ်အောင်ကြည့်သင့်ကြောင်း recommend ပေးလိုက်ပါတယ်။ File size…  700 mb Quality… WEB Rip 1080p Format… mp4 Duration….  45 m Genre .....  Drama, Crime Subtitle…. Myanmar Subtitle (Hard Sub) Encoder…. Thit San Khant Translated by..   Htet Nyein Khant , Zin San Oo , Orica

ခရစ္စတင်ဟာ မိခင်တစ်ယောက်အဖြစ်ရော အိမ်ရဲ့အဓိကထောက်တိုင်အဖြစ်ပါ တာဝန်တွေပိနေတဲ့ သာမန်အမေရိကန်အိမ်ထောင်ရှင်မတစ်ယောက်ပါ။ သားက ကောလိပ်တက်နေပြီ၊ ခင်ပွန်းက ဖောက်ပြန်နေပြီး အလုပ်မှာလည်း လိင်ခွဲခြားဆက်ဆံတဲ့ အထက်လူကြီးနဲ့ ကြုံနေရတယ်။ ဒီလိုမွန်းကျပ်နေချိန်မှာ သူမသိကျွမ်းတဲ့ အီတလီက အဖိုး ဆုံးသွားတဲ့သတင်း ရောက်လာပါတယ်။ ခရစ္စတင်က နေ့စဉ်ဘဝကနေ ခဏလွတ်ထွက်ပြီး အပန်းဖြေခွင့်လည်း ရမယ်ဆိုတဲ့စိတ်နဲ့ အသုဘသွားတက်ဖို့ အီတလီကို ထွက်လာခဲ့တယ်။ ဒါပေမယ့် အဖိုးရဲ့သေတမ်းစာအရ သူအမွေရလိုက်တာက ဟန်ပြဝိုင်လုပ်ငန်းတစ်ခုတည်း မဟုတ်ပါဘူး။ အဲဒီလုပ်ငန်းနောက်ကွယ်က မာဖီးယားဂိုဏ်းကြီးကိုပါ ဆက်ခံရတော့တာပါ။ ပိုးကောင်တောင် မသတ်ရဲတဲ့ ခရစ္စတင်တစ်ယောက် လူသတ်မှုနဲ့ မှောင်ခိုလုပ်ငန်းတွေကို ဦးစီးရတဲ့အခါ ဘယ်လိုအလွဲတွေ ကြုံရမလဲ။ သူ့ကို လုပ်ကြံဖို့ ကြိုးစားသူတွေကို ဘယ်လိုရင်ဆိုင်ပြီး တခြားမာဖီးယားမိသားစုတွေရဲ့ လေးစားမှုကို ဘယ်လိုရယူမလဲဆိုတာကို အက်ရှင်နဲ့ ဟာသရောပြီး ပြထားပါတယ်။ စားဝတ်နေရေးနဲ့ နေ့စဉ်တာဝန်တွေကြားမှာပဲ ဘဝက ပြည့်စုံနေနိုင်သလား၊ ချစ်လို့ အားနာလို့ဆိုပြီး ကိုယ့်ဆန္ဒထက် သူများဆန္ဒကို ဦးစားပေးနေခြင်းက မှန်ကန်တဲ့ရွေးချယ်မှုလားဆိုတဲ့ အတွေးတွေလည်း ပါပါတယ်။ ကြော်ငြာတွေက လူတွေရဲ့ စိတ်မလုံခြုံမှုကို အမြတ်ထုတ်ပုံနဲ့ အီတလီရဲ့ ပတ်ဝန်းကျင်အလှတွေကိုလည်း တွေ့ရပြီး Monica Bellucci ပါဝင်သရုပ်ဆောင်ထားပါတယ်။ ကြမ်းတမ်းတဲ့စကားအသုံးအနှုန်းတွေနဲ့ သွေးထွက်သံယိုခန်းတွေ ပါဝင်ပါတယ်။

အီတလီနိုင်ငံ ရောမမြို့မှာ နေထိုင်တဲ့ ဆယ်ကျော်သက်ကောင်လေး လီယိုဟာ ကျောင်းနှစ်ကုန်ပရောဂျက်အတွက် ဗီဒီယိုမှတ်တမ်းတစ်ပုဒ် ရိုက်ရတဲ့အခါ ကိုယ့်မိသားစုအကြောင်း ရိုက်ဖို့ ဆုံးဖြတ်လိုက်ပါတယ်။ သူ့မှာ ဖခင်နှစ်ယောက် ရှိတယ်။ သူတို့အကြောင်း၊ ကိုယ်ဘယ်လို မွေးဖွားလာခဲ့သလဲဆိုတဲ့အကြောင်း၊ တခြားကလေးတွေလိုပဲ ကြီးပြင်းလာခဲ့ပုံနဲ့ မွေးစာရင်းမှာ ဖခင်နှစ်ယောက်လုံးရဲ့ နာမည်ထည့်နိုင်ဖို့ ကြိုးစားခဲ့တာတွေကို မှတ်တမ်းတင်ထားတာပါ။ ဒီမိသားစုရဲ့နောက်ခံမှာ လိင်တူစုံတွဲတွေအတွက် ဥပဒေအရ အသိအမှတ်ပြုမှုနဲ့ ကန့်သတ်ချက်တွေ ရှိနေပါတယ်။ မူရင်းအညွှန်းမှာ ဖော်ပြထားသလို အီတလီမှာ ၂၀၁၆ ခုနှစ် ဇွန်လမှ လိင်တူစုံတွဲတွေရဲ့ အရပ်ဘက်ပေါင်းဖက်မှုကို အသိအမှတ်ပြုတဲ့ ဥပဒေ အသက်ဝင်လာခဲ့တာပါ။ အခွင့်အရေးအများအပြား ရလာပေမယ့် ကလေးမွေးစားခွင့်မှာ ကန့်သတ်ချက်တွေ ရှိနေပြီး လက်ထပ်ထိမ်းမြားခွင့်ကိုလည်း အဲဒီအညွှန်းရေးသားချိန်မှာ တရားဝင် အသိအမှတ်မပြုသေးဘူးလို့ ဆိုထားပါတယ်။ လီယိုတို့မိသားစုမှာ နောက်ထပ် မသိရသေးတဲ့အရာတစ်ခုက သူ့ရဲ့သွေးသားတော်စပ်တဲ့ ဖခင် ဘယ်သူလဲဆိုတာပါ။ လီယိုတင်မက ဖခင်နှစ်ယောက်လုံးလည်း မသိကြဘူး။ ဇာတ်လမ်းထဲက ရှင်းပြချက်အရ ဖခင်နှစ်ယောက်ရဲ့ သုက်ပိုးကို ရောပြီး အလှူရှင်ရဲ့ မမျိုးဥနဲ့ ပေါင်းစပ်ကာ ဖြစ်လာတဲ့သန္ဓေသားကို အငှားကိုယ်ဝန်ဆောင်သူရဲ့ သားအိမ်ထဲ ထည့်ခဲ့တာကြောင့်လို့ ဆိုပါတယ်။ ဖခင်နှစ်ယောက်ရဲ့ နှစ် ၂၀ ပြည့် နှစ်ပတ်လည်နေ့မှာတော့ မမျှော်လင့်ထားတဲ့ လူတစ်ယောက် ရောက်လာတယ်။ အဲဒီနောက် မိသားစုကြားက ချစ်ခြင်းမေတ္တာတွေ အဆုံးသတ်သွားတော့မလား၊ လီယိုရဲ့အဖေရင်း ဘယ်သူလဲဆိုတာကိုရော သိလာရမလားဆိုတာတွေကို အလွဲအချော်ဟာသတွေနဲ့ တွဲတင်ပြထားပါတယ်။