Tim Pigott-Smith ပါဝင်သော ဇာတ်ကားများ

ဒီဇာတ်ကားလေးကတော့ အက်ရှင်ကားကောင်းလေးပါ နာမည်ကြီး London has fallen တို့လို ဇာတ်ကားလေးတွေကြည့်ဖူးရင်သိကြမှာပါအဲ့လိုအကြမ်းဖက်အက်ရှင်ဆန်ဆန်လေးပါပဲဗျ ဒီထဲမှာတော့ အာရပ် အကြမ်းဖက်သမားတွေက ဗြိတိန်နိုင်ငံက အီရန်သံရုံးကို ဝင်စီးတာဗျ အာရပ်ကော ဗြိတိန်ကော အီရန်သံရုံးကောဆိုတော့ခေါင်းရှုပ်သွားလားတော့ မသိ? အာရပ် တွေကတကယ်တော့အီရန်မှာ မတရားဖမ်းဆီးထားတဲ့အာရပ်တွေကိုပြန်လွှတ်ပေးရေး အာရပ်ဒေသမှာအီရန်ပါရှားတွေရဲ့မတရားဖိနှပ်မှုတွေကို လျော့ချပေးရေးစတဲ့တောင်းဆိုမှုတွေ အတွက် ဗြိတိန်အီရန်သံရုံးက အီရန်လူမျိုးဝန်ထမ်းတွေကိုဓားစာခံဖမ်းပြီး ဗြိတိန်အစိုးကနေတစ်ဆင့်အီရန်ကိုလှမ်းညှိခိုင်းတဲ့သဘောမျိုးပါ သူတို့ကိုယ်တိုင်ကအင်အားမကြီးတော့အင်အားကြီးနိုင်ငံဖြစ်တဲ့ဗြိတိန်ကိုကြားဝင်စေ့စပ်ပေးလိုတဲ့ပုံစံမျိုးပါ ဗြိတိန်ကိုနစ်နာစေလိုတဲ့ပုံစံမျိုးတော့မဟုတ်ဘူးပေါ့ ဗြိတိန်က အဲ့တော့ကိုယ့်နိုင်ငံထဲဖြစ်တာဆိုတော့လဲအရှုပ်တော်ပုံထဲဝင်ရှင်းပေးရတော့တာပေါ့ ဇာတ်ကားTITLE ပေးထားတဲ့အတိုင်း6ရက်အတွင်းဘယ်လို ဖြေရှင်းကြမလဲဆိုတာကတော့ ..... ဘာသာပြန် အညွန်းကတော့ Pyae Xein Sett ပါ Qty - Web-dl 720p Duration - 1hr 32min Subtitle - Myanmar Hardsub Format - Mp4(×264) Translator - Pyae Xein Sett Encoder - Kyaw Ye Aung

Jupiter Ascending (2015) ဒီဇာတ်ကားကတော့ အကာသသိပ္ပံအက်ရှင်ဇာတ်ကားတစ်ကားဖြစ်ပြီး ဒါရိုက်တာ Wachowskis ကရိုက်ကူးထားတာပါ။ သရုပ်ဆောင်တွေအဖြစ် Mila Kunis, Channing Tatun, Sean Bean, Eddie Redmayne, Douglas Booth တို့ပါဝင်ထားပါတယ်။ ဇာတ်လမ်းအကျဉ်း လူသားတွေကို နတ်ဘုရားတွေကအုပ်စိုးတဲ့အနာဂါတ်ကာလမှာဖြစ်ပါတယ်။ Jupiter Jones ဟာကံမကောင်းတဲ့ ရုရှားပြောင်းရွှေ့အခြေချနေထိုင်သူတစ်ဦးဖြစ်ပြီး အလုပ်အကိုင်အဖြစ် အိမ်သာတွေကိုသန့်ရှင်းရေးလုပ်ပြီး အသက်မွေးပါတယ်။ ဂျူပီတာဟာ နက္ခတ်တာရာကြည့်မှန်ပြောင်းဝယ်ဖို့ ငွေလိုသဖြင့် သူ၏အစ်ကိုဝမ်းကွဲ အကြံပေးချက်ကြောင့် မမျိုးဥကို ဆေးခန်းတစ်ခုမှာသွားရောင်းပါတော့တယ်။ ဆေးခန်းမှာ မထင်မှတ်ထားတဲ့တိုက်ခိုက်ခံရမှုတွေကြားမှ ကယ်တင်ရှင်တစ်ဦးပေါ်လာကာ သူမသည် တော်ဝင်သွေးဖြစ်ကြောင်း သိလိုက်ရပါတော့တယ်။ သူမ၏ ဇစ်မြစ်က သူမကို ဘယ်လိုအန္တရယ်ဖြစ်စေနိုင်မလဲ၊ သူမကို ဘာကြောင့်အန္တရာယ်ပြုချင်နေရတာလဲ စသည်တို့ကို ကြည့်ရှုခံစားရမည့် ဇာတ်ကားတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Eunice ဖြစ်ပါတယ်။) File size…(1.7 GB) / (1 GB) Quality….Blu-Ray 1080p HEVC / 720p Format…. mkv/mp4 Genre….Action, Adventure, Sci-Fi Duration….02:08:26 Subtitle….Myanmar Subtitle (Hardsub) Encoder….Benjamin Translated by Eunice

"ဟူဒီးနီ"လို့ပြောလိုက်တာနဲ့ မျက်လှည့်ပညာရပ်နဲ့ မစိမ်းတဲ့သူတွေ တန်းသိကြမှာပါ။ ၂၀ ရာစုရဲ့ အကျော်ကြားဆုံးသော မျက်လှည့်ပညာရှင်ကြီးပဲ ဖြစ်ပါတယ်။ ဒီဘက်ခေတ်မှာ ဒေးဗစ်ကော်ပါဖီးဆိုတာနဲ့ လူတိုင်းတန်းသိသလိုမျိုး သူ့ခေတ်သူ့အခါကလည်း ဟူဒီးနီဆိုတာနဲ့ ဟိုးလေးတကျော်ကျော်ပါပဲ။ ကိုယ်ပိုင်မျက်လှည့်ပြကွက်တွေ တီထွင်ဖန်တီးပြီး အောင်မြင်မှုယူခဲ့တဲ့သူပါ။ သူနာမည်ကြီးရတဲ့အဓိကအကြောင်းရင်းကတော့ အချုပ်မှန်သမျှက လွတ်အောင်လုပ်ပြနိုင်တာကြောင့် ဖြစ်ပါတယ်။ Escape Man လို့ နာမည်ကြီးပါတယ်။ "The Handcuff King" လို့လည်း လူသိများပါတယ်။ လက်ထိပ်ခတ်မယ်၊ ကြိုးတုပ်မယ်၊ သေတ္တာထဲထည့်မယ်၊ လက်ထိပ်ခတ်ပြီး ရေထဲခုန်မယ်၊ သေတ္တာထဲထည့်ပြီး မြစ်ထဲပစ်ချမယ်၊ ဘယ်လိုမျိုးတွေနဲ့ပဲ သူ့ကို တုတ်နှောင်ပြီးထားပေမယ့် သူကတော့ လွတ်အောင်လုပ်ပြနိုင်ပါတယ်။ လက်ထိပ်တွေက ကြိုတင်စီမံထားတဲ့ Fake တွေလို့ ထင်စရာရှိပါတယ်။ အဲဒါကြောင့် ရဲအဖွဲ့ပေါင်းစုံက သူ့ကိုစမ်းသပ်ပါတယ်။ ဘယ်လိုလုပ်ထားတဲ့ လက်ထိပ်နဲ့ပဲခတ်ခတ်၊ သူကတော့ လွတ်တာပါပဲ။ ဒီပြကွက်တွေက ဟူဒီးနီရဲ့ နာမည်ကျော်ပြကွက်တွေပဲ ဖြစ်ပါတယ်။ Now You See Me ထဲက ကောင်မလေး မှန်ရေကန်ထဲ ခုန်ချပြတာတွေဟာ ဟူဒီးနီ စခဲ့တာပါ။ "ကဲ...ကောင်မလေးရဲ့လက်တွေကို ဖြတ်ပြီးပြီ။ ဒီတစ်ခါ ခန္ဓာကိုယ်ကို အလယ်ကနေ နှစ်ခြမ်းပိုင်းပြပါမယ်။ ပိုင်းလိုက်ပါပြီ။ ပရိသတ်ထဲက တစ်ယောက်လောက် ကျွန်တော့်ကို ကူညီနိုင်မလားမသိဘူး။ ဟိတ်..ချာတိတ်၊ ကိုယ့်ကိုလာကူစမ်းပါလားကွာ။" နောင်တစ်ချိန်မှာ ဟူဒီးနီလို့ နာမည်ကျော်ကြားလာမယ့် ချာတိတ်လေးဟာ မြေဝိုင်းမျက်လှည့်ပွဲလို့ခေါ်တဲ့ လမ်းဘေးက မျက်လှည့်ဝိုင်းတစ်ခုမှာ မျက်လှည့်ဆရာကြီးရဲ့ အကူအညီတောင်းခြင်းကို ခံလိုက်ရပါတယ်။ သူလုပ်လိုက်ရတာကတော့ ဘာမှပြောပလောက်တာမဟုတ်ပါဘူး။ ဒါပေမယ့် အဲဒိအဖြစ်အပျက်အပြီးမှာ မျက်လှည့်ပိုးတွေက သူ့ခန္ဓာကိုယ်ထဲကို စိမ့်ဝင်သွားပါပြီ။ သူလည်း မျက်လှည့်ဆရာဖြစ်ချင်လာပါပြီ။ အဲဒိနောက် မျက်လှည့်ပညာတွေသင်ကြားရင်း အတန်အသင့်တတ်ကျွမ်းလာတဲ့အခါ မြေဝိုင်းမျက်လှည့်ပွဲတွေမှာ သူဖျော်ဖြေပါတယ်။ သူ့ရဲ့ချစ်စဖွယ်ရုပ်ရည်လေးနဲ့၊ ကလေးလေးတစ်ယောက်က မျက်လှည့်ပြနေတယ်ဆိုတော့ လူအများစိတ်ဝင်စားကြပြီး သူ့ကို အကြွေစေ့လေးတွေ ထည့်ပေးကြပါတယ်။ သူ မျက်လှည့်ပြရတဲ့ အဓိကအကြောင်းကတော့ စီးပွားရေးချိနဲ့နေတဲ့ သူ့မိသားစုအတွက် သူတတ်နိုင်တဲ့ဘက်က ကူညီချင်လို့ပါပဲ။ နောက်တစ်ချက်ကတော့ မျက်လှည့်ပညာရပ်ကို သူတကယ် စိတ်ဝင်စားလို့ပါ။ ဗီဇက အဲဒိက စပါတယ်ခင်ဗျာ။ "လူကြီးမင်းအပေါင်းတို့၊ ဟောဒီက မစ္စတာဟူဒီးနီမှ သူ့ကိုလက်ထိပ်ခတ်ပြီး သေတ္တာထဲထည့်ထားပေမယ့် လွတ်မြောက်အောင် လုပ်ပြပါလိမ့်မယ်ရှင်။" "လုပ်ဇာတ်ကြီးတွေပါကွာ၊ သေတ္တာထဲက ထွက်ပြမနေပါနဲ့ဦး။ မင်းတကယ်လုပ်နိုင်တယ်ဆိုရင် လက်ထိပ်အစစ်ကနေပဲ လွတ်အောင်လုပ်ပြ။ ရော့...ဒီမှာ" သူ့ကို ထိုပုဂ္ဂိုလ်ကိုယ်တိုင် လက်ထိပ်လာခတ်ပြီး မိနစ်ပိုင်းအတွင်းမှာပင် (လက်ထိပ်ကို လေထဲတွင်မြောက်ပြလျက်) "လူကြီးမင်းက ဒီလိုမျိုး လွတ်အောင်လုပ်ပြခိုင်းတာလားခင်ဗျာ" ဟူဒီးနီဟာ အဲဒိဖြစ်ရပ်နောက်ပိုင်းမှာ တဟုန်ထိုးကျော်ကြားလာပါတယ်။ သာမန်မျက်လှည့်ပညာရှင်အဆင့်ကနေ နာမည်ကျော်ပုဂ္ဂိုလ်တစ်ယောက် ဖြစ်လာပါတော့တယ်။ အဲဒိနောက်ပိုင်း သူထပ်မံတီထွင်ထားတဲ့ ပြကွက်အဆန်းတွေနဲ့ ဟူဒီးနီတစ်ယောက် အထွတ်အထိပ်ကို ရောက်လာတဲ့အခါ....။ နာမည်ကျော်မျက်လှည့်ဆရာကြီး ဟူဒီးနီအကြောင်းကို မှတ်တမ်းတင်ရိုက်ကူးထားတဲ့ Houdini TV Mini Series ပဲ ဖြစ်ပါတယ်။ Part 1 နဲ့ Part 2 ဆိုပြီး နှစ်ပိုင်းထွက်ပါတယ်။ ၂၀ ရာစုရဲ့ ထူးချွန်ပညာရှင်တွေထဲမှာ တစ်ယောက်အပါအဝင်ဖြစ်တဲ့ မျက်လှည့်ဆရာကြီး၊ မျက်လှည့်လောကရဲ့ ရှေ့ဆောင်လမ်းပြကြီးအကြောင်းဆိုတော့ အပိုင်တောင်ဝယ်သိမ်းထားသင့်ပါသေးတယ်။ ဒီဇာတ်ကားမှာ သူ့ရဲ့နာမည်ကျော်ပြကွက်တွေရဲ့ လျှို့ဝှက်ချက်တွေကိုပါ ဖော်ထုတ်ပြသထားပါတယ်။ တော်တော်များများ မျက်လှည့်ကြည့်ဖူးကြမှာပါ။ မျက်လှည့်ဆရာက ပြကွက်တွေပြသတဲ့အခါ ရင်သပ်ရှုမောဖြစ်ရတာ အမှန်ပါ။ ဒါပေမယ့် လျှို့ဝှက်ချက်ကို ဖော်ထုတ်ပြသတဲ့အခါကျတော့ တော်တော်များများက "သြော်...ဒါလေးများ"ဆိုပြီး ဖြစ်သွားကြပါတယ်။ သြော်...ဒါလေးများ ဆိုရင် အစကတည်းက ကိုယ့်ဘာသာကိုယ် လုပ်ပြကြပါလား။ သူများလုပ်ပြတော့မှ သြော်...ဒါလေးများ တဲ့။ ကိုလံဘတ်စ် ကြက်ဥထောင်ပြသလိုပေါ့။ "ဟေ့ကောင်၊ မင်းကြက်ဥထောင်တတ်လား" ဆိုပြီး ထောင်ခိုင်းတယ်။ ဘယ်လိုထောင်ထောင် မရဘူး။ ကိုလံဘတ်စ်က "ပေး၊ ငါထောင်ပြမယ်"ဆိုပြီး ကြက်ဥကို အားနဲ့ ဆောင့်ချလိုက်တော့ အောက်ခြေကွဲကြေပြီး ထောင်သွားပါတယ်။ အဲဒိတော့ ဟိုကောင်က "သြော်...ဒါလေးများ"တဲ့။ အဲဒါဆိုလည်း အစကတည်းက ကိုယ့်ဘာသာကိုယ် ထောင်ပြပါလား လဒရဲ့။ မျက်လှည့်ဆရာဆိုတာ "သြော်...ဒါလေးများ" တွေကိုပဲ လုပ်ပြတာပါ။ ဒါပေမယ့် ဘာမှမဆန်းဘူးလို့ သွားမပြောပါနဲ့။ မဝေဖန်ပါနဲ့။ သူ့လိုမျိုး ကိုယ်စဉ်းစားမိရဲ့လား၊ သူ့လိုမျိုး ကိုယ်တီထွင်နိုင်ရဲ့လားဆိုတာ အရင်တွေးကြည့်ပါ။ ကျွန်တော့်ရဲ့ မမ်ဘာတွေ ဒီဇာတ်ကားကြည့်ပြီး "သြော်...ဒါလေးများ" မဖြစ်ရင် ကျွန်တော်ကျေနပ်ပါပြီ။ "A magician is not really a magician. He is an actor pretending to be a magician." မျက်လှည့်ဆရာဆိုတာ မှော်အစွမ်းပေါက်နေတဲ့ ဝိဇ္ဇာတစ်ယောက်မဟုတ်ပါဘူး။ ဝိဇ္ဇာယောင်ဆောင်ထားတဲ့ သရုပ်ဆောင်တစ်ယောက်ပါ။ ဒီဇာတ်ကားမှာ ဟူဒီးနီရဲ့ ဘဝဖြတ်သန်းမှုအဆင့်ဆင့်ကို တွေ့ကြရမှာပါ။ သူ့အမေကို သူဘယ်လောက်ချစ်တာတွေ၊ သူ့ဇနီးအပေါ် သူဘယ်လောက် တန်ဖိုးထားတာတွေ၊ မျက်လှည့်ဆရာတစ်ယောက်အနေနဲ့ နိုင်ငံအတွက် ဘယ်လိုအမှုထမ်းခဲ့သလဲဆိုတာတွေ၊ ပရလောကနဲ့ သူနဲ့အကြားက စိန်ခေါ်မှုတွေအကြောင်းကို ကြည့်ရှုကြရမှာပါ။ File size…1.7 GB / 800 MB Quality… Blu - Ray 1080p & 720p Format… mp4 Duration….90m @Episode Genre ..... Biography , Drama Subtitle…. Myanmar Subtitle (Hard Sub)

Red 2 (2013) Redဖန်တွေအတွက် Red 2ကို တင်ဆက်ပေးလိုက်ပါပြီ။ Red 2ကိုလည်း Redထဲက chractersတွေ ပြန်လည်ပါဝင်လာပါတယ်။ Die Hard, Glass, Pulp Fiction, 12 Monkeys, The Fifth Element အစရှိတဲ့ ရုပ်ရှင်ကောင်းတွေရဲ့ မင်းသားကြီး Bruce Willisက ဦးဆောင်ထားပြီး Dangerous Liaisons, Places in the Heart, The Killing Fields, Being John Malkovich, In the Line of Fire တို့ရဲ့ မင်းသားကြီး John Malkovichအပြင် The Queen, Prime Suspect (TV Series), Gosford Park, The Madness of King George, The Long Good Fridayတို့ရဲ့ ဝါရင့်မင်းသမီးကြီး Helen Mirrenတို့အပြင်A Bittersweet Life, I Saw the Devil, Masquerade, The Man Standing Next, Mr. Sunshineတို့ထဲက ကိုရီးယားအက်ရှင်မင်းသားကြီး Lee Byung-hunတို့က ပြန်လည်ပါဝင်ထားပါတယ်။ ဒါ့အပြင် Anthony Hopkinsနဲ့ Mary-Louise Parkerတို့လို character အသစ်တွေလည်း ပါဝင်ထားပါတယ်။ ဇာတ်လမ်းကတော့... Red အပြီးမှာ ဖရန့်တစ်ယောက် သူ့ကောင်မလေးနဲ့အတူ အေးအေးဆေးဆေး အနားယူနေပါတော့တယ်။ ထိုအချိန်မှာ သူ့ရဲ့ဘော်ဒါကြီး မယ်ဗင်က သူ့ကို လိုက်သတ်နေတဲ့ လူတစ်စု ရှိတယ်ဆိုပြီး ဖရန့်ကို လာရှာပါတော့တယ်။ အဲဒီလိုပြောပြီးချင်းချင်းမှာ မယ်ဗင်က ကားဗုံးပေါက်ကာလျှောသွားပါလေရော။ (အမှန်က ဟန်ဆောင်သေတာပါ) မာဗင် ဆုံးသွားပြီးတော့ CIAက ဖရန့်နဲ့ မာဗင်က တွဲပြီး ပရောဂျက် နိုက်ရှိတ်မှာ ပါတယ်ဆိုပြီး မသင်္ကာဘူးလို့ဆိုကာ လာဖမ်းပါတော့တယ်။ ပရောဂျက်နိုက်ရှိတ်ကို CIAတွေရော MI6တွေရော ရုရှားတွေပါ ပါလာတဲ့အခါ။ ပရောဂျက်နိုက်ရှိတ်ဆိုတာက ဘာလဲ။ သူနဲ့ မာဗင်၊ ဖရန့်တို့နဲ့က ဘယ်လိုပတ်သက်နေတာလဲ။ CIA, MI6, KGBတို့လက်အောက်ကနေ ဖရန့်နဲ့ မာဗင်တို့ ပြေးလို့လွတ်ပါ့မလားဆိုတာကို အက်ရှင်ကားပီပီ ကြမ်းကြမ်းတမ်းတမ်း ကြည့်ရှုရမှာဖြစ်ပါတယ်။ (ရုပ်ရှင်အညွှန်းနဲ့ဘာသာပြန်ကို Minn Khant Kyi Win မှတင်ဆက်ထားပါတယ်။) CM မှာ RED  ၂ ကားလုံးတင်ဆက်ထားပါတယ်။ File size…(9.5 GB)/(2.4 GB )/(1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….01:55:49 Subtitle….Myanmar Subtitle (Hardsub) Encoder….Ka Naung Translated by Min Khant Kyi Win

Alice In Wonderland(2010) IMDB : 6.4 Rotten Tomatoes : 50% Genre : Family/Adventure/Fantasy Alice in Wonderland ကို လူတိုင်းသိကြမယ်လို့ထင်ပါတယ်။ ကျွန်တော်တို့ရဲ့ ငယ်ဘဝတစ်စိတ်တပိုင်းဆိုလည်းမမှားပါဘူး။ ငယ်ငယ်ကတည်းက လောကကြီးကိုရင်ဆိုင်ပြီးတိုက်ခိုက်နေရတဲ့ အသက်အရွယ်ရောက်လာတာတောင်မှ Tim Burton ရဲ့ရုပ်ရှင်တွေကိုကြည့်ပြီး Tim Burton Universe ထဲကိုသွားချင်တဲ့စိတ်ကမကုန်သေးပါဘူး။ Fantasy လောကရဲ့ ဖခင်ကြီး Tim Burton ရဲ့ရုပ်ရှင်တွေဟာ ကြည့်လိုက်တိုင်း ရင်ထဲမှာတော့ တစ်ခုခုကျန်ခဲ့ပါတယ်။ Alice in Wonderland လည်းအဲလိုပါပဲ။ ကျွန်တော်တို့ဟာ ဘဝမှာ တစ်ခါတော့ အံ့ဖွယ်ကမ္ဘာကိုရောက်သွားတဲ့ Alice တော့ဖြစ်ချင်ခဲ့မှာပါ။ ရှုပ်ထွေးလှတဲ့ လောကကြီးကနေ အံ့ဖွယ်ကမ္ဘာကိုရောက်သွားတဲ့ Alice ကို အားကျခဲ့မိမှာပါ။ Alice in Wonderland ဟာ Rating အရကြည့်မယ်ဆိုရင်တော့ သိပ်ပြီးအားရစရာမဟုတ်ပေမယ့် Academy ၂ ဆုသိမ်းပိုက်ထားတဲ့ ရုပ်ရှင်ဖြစ်ပြီး ပရိသတ် လူငယ်/လူကြီး ကြိုက်ကြတဲ့ ရုပ်ရှင်တကားဖြစ်ပါတယ်။ Alice in Wonderland Theme Song က ကြက်သီးထစေသလို Avril Lavigne ရဲ့ Alice (Underground) သီချင်းကလည်း တခုခုကိုလွမ်းသွားစေမှာပါ။ ဘဝအမောတွေပြေအောင်လို့ ကြည့်လိုက်ကြပါ၊ ကြည့်ပြီးတဲ့လူတွေလည်း အမြင်တမျိုးနဲ့ပြန်မြင်ရမယ်ထင်ပါတယ်။ ဇာတ်ညွှန်း ချားလ်စ်ဆိုတဲ့ ကုန်သည်တစ်ယောက်မှာ အဲလစ်စ်ဆိုတဲ့ သမီးလေးတစ်ယောက်ရှိတယ်။ အဲလစ်စ်လေးဟာ ငယ်ငယ်ကတည်းက အိမ်မက်တစ်ခုတည်းကိုမက်ပါတယ်။ အဲဒီအိမ်မက်ထဲမှာ ဝစ်စ်ကုတ်ဝတ်ထားတဲ့ယုန်ပါတယ်၊ ဒိုဒိုငှက်ကြီးတစ်ကောင်ပါတယ်၊ ပြုံးနေတဲ့ကြောင်ကြီးတစ်ကောင်ပါတယ်။ အိမ်မက်ဆိုတော့ အတည်မှတ်လို့မရဘူးပေါ့လေ။ "သမီးရူးသွားပြီလား" တဲ့။ ဒါက အဲလစ်စ်လေးရဲ့ သူ့အဖေ ချားလ်စ်ကိုမေးတဲ့အမေး။ ချားလ်စ်ကပြန်ဖြေတယ် "ဟုတ်တယ်၊ သွက်သွက်ခါအောင်ပဲတဲ့။ ဒါပေမဲ့ လျှို့ဝှက်ချက်တစ်ခုအဖေပြောပြမယ်။ အတော်ဆုံးလူတွေအကုန်လုံးက ရူးနေကြတာပဲ" တဲ့။ ဒီလိုနဲ့ အဲလစ်စ်လေး ၁၉ နှစ်သမီးရောက်တော့ ရှေးခေတ်အင်္ဂလန်ပြည်ကြီးရဲ့ထုံးစံအတိုင်း ယောက်ျားပေးစားဖို့ကြံပါတော့တယ်။ ဒါပေမဲ့ လက်ထပ်ခွင့်ကို လက်ခံသည်/မလက်ခံသည် မပြောရသေးခင်မှာ အဲလစ်စ်ဟာ ယုန်တွင်းထဲပြုတ်ကျပြီး အံ့ဖွယ်ကမ္ဘာကြီးကိုရောက်သွားပါတော့တယ်။ ဒီလိုနဲ့ အဲလစ်စ်ဟာ မြေအောက်အံ့ဖွယ်ကမ္ဘာကြီးကို ကယ်တင်ဖို့အကြောင်းဖန်လာပါတော့တယ်။ အဲလစ်စ်လေးတစ်ယောက် အံ့ဖွယ်ကမ္ဘာကြီးကိုဘယ်လိုကယ်တင်မလဲဆိုတာ စိတ်ဝင်စားစွာနဲ့ကြည့်လိုက်ကြပါဦးခင်ဗျာ။ အရူးဦးထုပ်သမား အဖြစ် မင်းသားကြီး Johnny Depp အဲလစ်စ် အဖြစ် မင်းသမီး Mia Wasikowska ခန်းဆောင်နီဘုရင်မအဖြစ် Tim Burton ကားမှာ မပါမဖြစ် မင်းသမီး Helena Bonham Carter ခန်းဆောင်ဖြူဘုရင်မအဖြစ် အချစ်တော်မင်းသမီး မကြာနု Anne Hathaway ပညာရှိ ပေါက်ဖတ်အဖြစ်အသံသရုပ်ဆောင် မင်းသားကြီး Alan Rickman ခန်းဆောင်နီဘုရင်မ တပ်မှူးအဖြစ် မင်းသား Crispin Glover တို့က ပါဝင်သရုပ်ဆောင်ထားကြပါတယ်။ File size…2.8 GB / 1.1 GB Quality…Bluray 4k /1080p / 720p Format…mp4 Duration….1hr 48 minute Subtitle….Myanmar Subtitle (Hard Sub) Encoder….Thit San Khant Translated by Lucifer Maximoff

James Bond ဇာတ်ကားတွေ ထွက်ရှိခဲ့တာ မင်းသားကြီး ရှောင်ကွန်နရီရဲ့ Dr.No (1962) ကနေ အခုနောက်ဆုံးထွက် Spectre (2015) ထိ (၂၄) ကားရှိပါတယ်။ Quantum of Solace ဇာတ်ကားမှာ ၂၁ ကားမြောက် ဂျိမ်းဘွန်းဇာတ်ကား Casino Royal ဇာတ်ကားနဲ့ ဆက်နွယ်မှု ရှိပါတယ်။ Casino Royal ဇာတ်ကားမှာ ဘွန်းနှင့် မစ္စတာဝှိုက်တို့ ကာစီနိုကစားပွဲအပြီး နောက်တစ်နာရီ အကြာ ဖြစ်ပျက်သော ဖြစ်ရပ်တခုနဲ့ Quantum of Solace ဇာတ်ကားကို စဖွင့်ထားတာပါ။ ဒီဇာတ်ကားကတော့ IMDb Rating(6.7/10) နဲ့ Rotten Tomatoes (65%) ရရှိထားပါတယ်။ File size…(2.3 GB) and (1.2 GB) Quality….BluRay 1080p and 720p (HEVC Encode) Format…mkv Duration….01:46:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

V For Vendetta (2005) IMDB - 8.2/10 Rotten - 73% နိုဝင်ဘာ၅ရက်နေ့ဟာ ဗြိတိန်နိုင်ငံမှာတော့နိုင်ငံရေးအခြေခံအားလပ်ရက်တရက်ပဲဖြစ်ပါတယ်။ ခုနောက်ပိုင်းမှာကျေးဇူးတော်နေ့ဆိုပြီးကျင်းပကြတယ်လို့လည်းဆိုကြပါတယ်။ အဲဒီနေ့ကို GuyFawkes နေ့လို့လည်းခေါ်ခဲ့ကြပါတယ်။ အဲဒီနေ့လေးရဲ့ဖြစ်လာပုံကတော့၁၆၀၅ခုနှစ်နိုဝင်ဘာလ၅ရက်နေ့မှာ GuyFawkes ဆိုတဲ့ ကတ်တလစ်ဂိုဏ်းဝင်တယောက်ဟာ သူ့အဖွဲ့ဝင်တွေနဲ့အတူ ကတ်တလစ်ဧကရာဇ်ကိုပြန်လည်နန်းတင်ဖို့အတွက်အင်္ဂလန်ဘုရင်ဂျိမ်း(JameI)ကိုလုပ်ကြံဖို့ကြံစည်ခဲ့ပါတယ်။ ယမ်းအိုးတွေများစွာကိုပါလီမန်အဆောက်အအုံရဲ့မြေအောက်ခန်းထဲကိုသယ်ဆောင်ပြီးဖောက်ခွဲလုပ်ကြံဖို့ကြိုးစားခဲ့ကြတာပါ။ သို့ပေမယ့်ကံမကောင်းချင်တော့ အမည်မသိသတင်းပေးစာတစောင်ကြောင့် သူ့တို့အားလုံးအဲဒီနေ့မှာပဲအဖမ်းခံခဲ့ရပြီးဇန်နဝါရီလ၃၁ရက်မှာကွပ်မျက်ခံခဲ့ရပါတယ်။ ဟောဒီဇာတ်ကားလေးမှာလည်းအဲဒီဖြစ်စဉ်ကိုအခြေခံထားပြီးတရားမျှတမှုဆိုတာဘာလဲ။ ဖိနှိပ်ခံရတဲ့အချိန်မှာဘယ်လိုတုံ့ပြန်ကြမလဲ။ အိုင်ဒီယိုလော်ဂျီတစ်ခုကို ဘာနဲ့မှသတ်လို့မရဘူးဆိုတာတွေ စတဲ့စတဲ့ စိတ်ဝင်စားဖို့ကောင်းတဲ့အချက်တွေအပြင် ကမ္ဘာကျော်ဟက်ကာအဖွဲ့Anonymousအဖွဲ့သုံးတဲ့မျက်နှာဖုံးရဲ့မူလဇစ်မြစ်ကဘယ်ကလဲ။ ဘယ်လိုရည်ရွယ်ချက်နဲ့အဲဒီမျက်နှာဖုံးကိုအသုံးပြုကြတာလဲ... အဲဒီမျက်နှာဖုံးလေးရဲ့တကယ်ဆိုလိုရင်းအစစ်အမှန်ကဘာလဲဆိုတာကိုတွေ့ရဦးမှာပါ။ ဇာတ်ကားကိုတော့ဇာတ်ကြောင်းလေးတွေပြောပြီးမမိတ်ဆက်တော့ပါဘူး။ ကိုယ်တိုင်ကြည့်ပြီးအားရပါးရခံစားစေချင်လို့ပါ။ သုံးတဲ့စကားလုံးတွေဒိုင်ယာလော့တွေဟာလည်းတကယ်ကိုအနှစ်ပါတာကိုတွေ့ရမှာပါ။ စိတ်ကိုဖျော်ဖြေပေးရုံရုပ်ရှင်သက်သက်မဟုတ်ဘဲ ကြည့်ရတာတကယ်ကိုအကျိုးရှိစေမှာဖြစ်ပြီး တကယ်လည်းကြည့်သင့်တဲ့ဇာတ်ကားလေးတကားဖြစ်ပါတယ်။ ဘယ်လိုအကြောင်းကြောင့်ပဲဖြစ်ဖြစ်ကြည့်ဖြစ်အောင်ကြည့်ဖို့တိုက်တွန်းချင်ပါတယ်ဗျာ။ Rating မြင့်ကားလေးတကားဖြစ်ပြီး imdb rating 8.2ထိရထားပါတယ်။ File size…(900 MB) and 3GB Quality…Blu-Ray Rip HEVC 1080p 5.1 / 720p Format…mp4 Duration….02:12:00 Subtitle….Myanmar Subtitle (Hardsub) Translator…..The Fridays Encoder….CM

ပထမကမ္ဘာစစ် ဖြစ်နေတဲ့ ၁၉၁၆ ခုနှစ်မှာ အမေရိကန်က စစ်ထဲ မဝင်သေးပါဘူး။ ဒါပေမယ့် စစ်တိုက်ချင်၊ လေယာဉ်မောင်းချင်ကြတဲ့ အမေရိကန်လူငယ်တချို့ကတော့ စစ်ပညာသင်ပေးမယ့် ပြင်သစ်နိုင်ငံဆီ သွားပြီး စစ်ထဲ ဝင်ကြပါတယ်။ Flyboys ဟာ အဲဒီကာလက ဖြစ်ရပ်မှန်ကို အခြေခံရိုက်ကူးထားတဲ့ ဇာတ်ကားပါ။ အကြောင်းအမျိုးမျိုးနဲ့ ရောက်လာကြတဲ့ သူတို့အတွက် လေယာဉ်နဲ့ တာဝန်ထွက်ရတိုင်း အသက်ပြန်ပါလာမလားဆိုတာ မသေချာဘူး။ ကျဆုံးသူတွေ များလာတာနဲ့အမျှ သေဆုံးသတင်းတွေကလည်း ကြားနေကျ ဖြစ်လာတယ်။ မနေ့က အတူရှိခဲ့သူ ဒီနေ့ကျဆုံးသွားတဲ့အခါ လက်စားချေဖို့ အချိန်စောင့်ရင်း အရက်နဲ့ ဖြေသိမ့်သူတွေ ရှိသလို နောက်လူတွေကို ကာကွယ်ဖို့ အသက်စတေးသူတွေလည်း ရှိပါတယ်။ သူတို့ရဲ့ စစ်တွင်းဘဝနဲ့အတူ ကောင်းကင်ပေါ်မှာ လေယာဉ်အချင်းချင်း ရင်ဆိုင်တိုက်ခိုက်ကြတဲ့ တိုက်ပွဲတွေကိုလည်း ပြထားပါတယ်။

မက်ဆာဒိုးနီးယားဘုရင် အလက်ဇန်းဒါးရဲ့ ဘဝကို ငယ်စဉ်ကနေ အင်ပါယာတည်ဆောက်တဲ့ကာလအထိ ပုံဖော်ထားတဲ့ ဇာတ်ကားပါ။ ဘီစီ ၃၅၆ ကနေ ၃၂၃ အတွင်း အသက်ရှင်ခဲ့တဲ့ သူ့အကြောင်းမှာ စစ်ပွဲနဲ့ နယ်မြေသိမ်းပိုက်မှုတွေအပြင် မိသားစုအတွင်း ဆက်ဆံရေးတွေ၊ ငယ်ပေါင်းမိတ်ဆွေတွေ၊ ချစ်သူတွေနဲ့ ယဉ်ကျေးမှုမတူတဲ့ လူမျိုးတွေကြား သူနေထိုင်အုပ်ချုပ်ခဲ့ပုံတွေပါ ပါဝင်ပါတယ်။ သူ့ဖခင် ဖိလစ်က လူမျိုးစုတွေကို စုစည်းပြီး ဂရိလူမျိုးစုတွေကို အောင်နိုင်ခဲ့သူပါ။ ဥရောပကနေ အာရှဘက်ကို ဆက်ချဲ့ပြီး ပါရှန်းအင်ပါယာကို သိမ်းပိုက်ဖို့လည်း ရည်ရွယ်ထားတယ်။ အလက်ဇန်းဒါးအတွက် ဒီအခြေအနေက အစကောင်းတစ်ခု ဖြစ်ပေမယ့် ထီးနန်းဆက်ခံရမယ့်လမ်းကတော့ ဖြောင့်ဖြူးနေတာ မဟုတ်ပါဘူး။ ဖခင်က နောက်အိမ်ထောင်ပြုပြီး သားတစ်ယောက် ထပ်ရလာတဲ့အခါ နန်းဆက်ခံရေးအတွက် ပြိုင်ဆိုင်စရာ ပေါ်လာပါတယ်။ ဖိလစ် လုပ်ကြံခံရပြီးနောက် အလက်ဇန်းဒါး ဘုရင်ဖြစ်လာတယ်။ အဲဒီနောက် ဖခင်ရည်ရွယ်ခဲ့တဲ့ ပါရှန်းဘက်ကို စစ်ချီပြီး ဘုရင်ဒရိုင်းရပ်စ်နဲ့ ရင်ဆိုင်ကာ ဘေဘီလုံကို သိမ်းပိုက်ခဲ့ပါတယ်။ သူ့ရဲ့စစ်ဆင်ရေးတွေမှာ အားထားရသူတွေကတော့ ငယ်ပေါင်းမိတ်ဆွေတွေဖြစ်တဲ့ ဟက်ဖိုက်စတီရန်၊ ပထောလမီ၊ ကတ်ဆန်းဒါ၊ နီရားကတ်စ်နဲ့ ကရားတို့စ်တို့ပါ။ သူတို့ရဲ့ စစ်ရေးစွမ်းရည်နဲ့ သူ့အပေါ် သစ္စာရှိတဲ့ စစ်တပ်ကို အားပြုပြီး အလက်ဇန်းဒါးဟာ အီဂျစ်နဲ့ ပါရှန်းကနေ အိန္ဒိယအထိ နယ်မြေချဲ့ထွင်လာပါတယ်။ ကိုယ်ရေးဘဝဘက်မှာတော့ မိခင်ရဲ့ လောဘနဲ့ ရက်စက်မှုတွေကို ငယ်စဉ်ကတည်းက မြင်တွေ့ခဲ့ရပုံ၊ ငယ်ပေါင်းသူငယ်ချင်း ဟက်ဖိုက်စတီရန်နဲ့ ပါရှန်းသုံ့ပန်း ဘာဂိုအက်စ်တို့နဲ့ ချစ်သူဆက်ဆံရေးတွေကိုလည်း ပုံဖော်ထားပါတယ်။ နောက်ပိုင်းမှာ ရော့ဇာနာနဲ့ လက်ထပ်ပြီး သားတစ်ယောက်ရခဲ့သလို နောက်ထပ် မိဖုရားနှစ်ယောက်လည်း ရှိခဲ့ပါတယ်။ အလက်ဇန်းဒါးက ပါရှန်းယဉ်ကျေးမှုကို လေးစားအားကျသူဖြစ်ပြီး မက်ဆာဒိုးနီးယားယဉ်ကျေးမှုနဲ့ ရောယှက်စေခဲ့တယ်။ ဖမ်းဆီးရမိတဲ့ ပါရှန်းတော်ဝင်မျိုးနွယ်တွေကိုလည်း တော်ဝင်မိသားစုလို ဆက်ဆံခဲ့ပါတယ်။ သူ့စစ်ရေးအကြောင်းကိုတော့ ပါရှန်းနဲ့ ရင်ဆိုင်ခဲ့တဲ့ ဂယ်ဂွယ်မယ်လာတိုက်ပွဲ၊ အိန္ဒိယဆင်တပ်နဲ့ တိုက်ခိုက်ခဲ့တဲ့ တောတွင်းတိုက်ပွဲတွေကနေ ပြသထားပါတယ်။ သုံးနာရီကျော်ကြာတဲ့ ဒီရုပ်ရှင်မှာ ပထောလမီရဲ့ နောက်ခံစကားပြောနဲ့ ဇာတ်ကြောင်းကို ဆက်ပေးထားပြီး Colin Farrell၊ Angelina Jolie နဲ့ Anthony Hopkins တို့ ပါဝင်သရုပ်ဆောင်ထားပါတယ်။ မူရင်းအညွှန်းကတော့ အလက်ဇန်းဒါးရဲ့ ဘဝတစ်လျှောက်ကို ရုပ်ရှင်တစ်ကားထဲ ထည့်ပုံဖော်ရာမှာ မျှော်လင့်ထားသလောက် မဖြစ်လာခဲ့ဘူးလို့ သုံးသပ်ထားပြီး နောက်ခံစကားပြောများတာကိုလည်း ထောက်ပြထားပါတယ်။ တစ်ဖက်မှာတော့ အညွှန်းရေးသူက လူအများ စိတ်ထဲက သူရဲကောင်းပုံရိပ်အစား ချစ်ခြင်း၊ မာန်တက်ခြင်းနဲ့ အရက်သောက်ခြင်းတို့ ရှိနေတဲ့ လူတစ်ယောက်အဖြစ် ပုံဖော်ထားတာကို ပရိသတ်တချို့ လက်မခံနိုင်ခဲ့တာ ဖြစ်နိုင်တယ်လို့ ယူဆထားပါတယ်။ ဒါက ဇာတ်ကားမအောင်မြင်ရတဲ့ အကြောင်းရင်းကို အညွှန်းရေးသူရဲ့ ခန့်မှန်းသုံးသပ်ချက်ပါ။ တိုက်ပွဲမြင်ကွင်းတွေကိုတော့ မူရင်းအညွှန်းမှာ ချီးကျူးထားပါတယ်။

IMDb Rating (6.2) မင်းသားကြီး Rowan Atkinson ကို မစ္စတာဘင်းအဖြစ် လူသိများကြသလို ဂျွန်နီအင်းဂလစ်ရှ်အဖြစ်လဲ မှတ်မှတ်သားသားရှိကြမှာပါ… ” အမှားဆိုတာ ငါ့အဘိဓာန်မှာ မရှိဘူး” ပြောတတ်တဲ့ ဂျွန်နီအင်းဂလစ်ရှ်ဆိုတာ အမြဲတမ်းတလွဲတွေပဲ လုပ်တတ်တဲ့ အင်္ဂလန်နိုင်ငံကိုကယ်တင်နေကျ သူရဲကောင်းအေးဂျင့်တစ်ယောက်ပါပဲ။ ဒီကားကတော့ အင်းဂလစ်ရှ်ရဲ့ စပိုင်အေးဂျင့်ဘဝစတင်ဖြစ်ပေါ်လာပုံပါ။ MI5 တို့ MI6 တို့ MI7 တို့ဆိုတာ အင်္ဂလန်ပြည်ရဲ့ လျှို့ဝှက်အေးဂျင့်ဌာနတွေပေါ့…ဒီဌာနမှာ အင်းဂလစ်ရှ်ရယ် သူဘာမှားမှားသူ့ဖက်က အမြဲနေတဲ့ သူ့တပည့်ကျော် ဘော့ရယ်က တောက်တိုမယ်ရ လုပ်ရတာပါ… တစ်နေ့တော့ အတော်ဆုံးအေးဂျင့်ဝမ်းဆိုတဲ့လူ သေသွားပါတယ်…သေပုံက အင်းဂလစ်ရှ်သေချာရှာဖွေပေးလိုက်တဲ့ ရေငုတ်သင်္ဘောကုတ်က အမှားကြီးဖြစ်နေလို့ အေဂျင့်ဝမ်းခမျာ ရေငုတ်သင်္ဘောထဲ ဝင်မရဘဲ သေသွားတာပါ..ဒါ့အပြင် ကျန်တဲ့အေးဂျင့်တွေလဲ အလုံခြုံဆုံးဆိုတဲ့ MI7 ဌာနချုပ်မှာ ဗုံးပေါက်လို့ အကုန်ကိစ္စချောသွားပါတယ်။ ဒါကြောင့်မလို့ လျှို့ဝှက်အေးဂျင့်ဌာနမှာ အသက်ရှင်ကျန်ရစ်တာဆိုလို့ တောက်တိုမယ်ရ အင်းဂလစ်ရှ်ရယ် သူ့တပည့်ကျော်ဘော့ရယ်ပဲ ရှိပါတော့တယ်။ဒီလိုချိန်ခါမှာ ဝန်ကြီးချုပ်က အေးဂျင့်ဝမ်းကိုင်တွယ်နေတဲ့ကိစ္စတွေကို ဆက်လက်စုံစမ်းဖို့ ဖိအားပေးလာတဲ့အခါမှာတော့ ဌာနအကြီးအကဲကလဲ နားအေးပြီးရော ရှိတဲ့လူနှစ်ယောက်ကို အေးဂျင့်ပေးလိုက်ပါတော့တယ်။ နဂိုကတည်းက အေးဂျင့်ရူးရူးနေတဲ့ အင်းဂလစ်ရှ်တစ်ယောက် အင်္ဂလန်ပြည်ကြီးကို ဘယ်လိုကယ်တင်မလဲဆိုတာ ဆက်လက်ရှုစားရမှာပါ။ Johnny English ဇာတ်ကား ၃ ကားရှိပြီး ၃ ကားလုံးကို ဒီမှာ https://channelmyanmar.to/?s=Johnny+English ကြည့်လို့ရပါတယ်။ File size… (2.2 GB) / (900 MB) Quality…BluRay 1080p HEVC /720p Format…mkv/mp4 Duration….01:27:25 Subtitle….Myanmar Subtitle (Hardsub) Encoder….Nyeinsaeya Aung Translated by Mugiwara Ya

Gangs of New York(2002) ကားဟောင်းအများစုဟာ ဇာတ်လမ်းပြသချိန်ရဲ့ ၃ပုံ ၁ပုံလောက်ထိ သည်းခံပြီးကြည့်ရပါတယ်.. ပြီးမှ ကားရဲ့ဆိုလိုရင်းနဲ့ ဇာတ်လမ်းဇာတ်ကွက်ကို အနည်းငယ်ရိပ်မိလာတာပါ... ဒီလိုကားကောင်း ကားဟောင်းတွေကြားထဲမှာ Gangs of new york ကတော့ ဇာတ်လမ်းစစချင်းပဲ ခပ်သွက်သွက်နဲ့ မပျင်းမရိအောင် စထားတယ်... ပြီးတော့ မင်းသားတွေကလည်း နာမည်ကြီး Leonardo DiCaprioနဲ့ Daniel Day-Lewisတို့ ဖြစ်တဲ့အပြင် မင်းသမီးကလည်း , Cameron Diaz, ဗျ... ဒီဇာတ်ကားဟာ အမေရိကန် ပြည်တွင်းစစ် ဖြစ်နေတုန်းအချိန်က ရှိခဲ့တဲ့ နယူးယောက်မြို့ကို ဇာတ်အိမ်တည်ပြီး ရိုက်ကူးထားခဲ့တာပါ။ နယူးယောက်ဟာ ဂိုဏ်းပေါင်းစုံ အဖွဲ့အသီးသီး နှင့် ရှိနေကြပြီး အဓိက ဂိုဏ်းကြီးနှစ်ခုဖြစ်သည့် ဒေသခံဂိုဏ်းနှင့် ယုန်သေဂိုဏ်းတို့ဟာ သမိုင်းကြွေးတွေ ရှိခဲ့ပါတယ်။ တစ်ချိန်တည်းမှာပဲ ခိုးဝင်လာတဲ့ အိုင်ရစ်တွေရဲ့ အရေးကလည်း ရှိပါသေးတယ်။ ဒါ့အပြင် ပြည်တွင်းစစ်အတွက် စစ်မှုမထမ်းမနေရ အမိန့်ကို မကျေနပ်တဲ့ သာမန်လက်လုပ်လက်စား ဆင်းရဲသား တွေကလည်း ရှိပါသေးတယ်။ ပြဿနာပေါင်းများစွာနဲ့ လွန်ခဲ့တဲ့ နှစ်ပေါင်း ၂၀၀ ကျော်က နယူးယောက်မြို့ကို ရိုက်ကူးပြသထားတာဟာ ရုပ်ရှင်ကြည့်ပရိသတ်ကို ထူးခြားတဲ့ ရသ ပေးနိုင်မှာ အသေအချာပါပဲခင်ဗျာ ..   File Size : 2.8 GB, 1.3 GB Quality : Blu-Ray 1080p, 720p Format…mp4 Duration…02:47:00 Genre : Crime, Drama Subtitle : Myanmar Subtitle (Hard Sub) Translated by Ye Pye Sone Encoded by AHtet

The Four Feathers (2002) ဒီရုပ်ရှင်ကို ၁၉၈၇ မှာ Mr. India နဲ့ ၁၉၉၄ မှာ Bandit Queen အစရှိတဲ့ အိန္ဒိယရုပ်ရှင်တွေကိုရိုက်ပြီး နိုင်ငံတကာရဲ့ အာရုံစိုက်မှုရခဲ့တဲ့ အိန္ဒိယဒါရိုက်တာ Shekhar Kapoor က ရိုက်ထားတယ်။ Bandit Queen အရှိန်ကြောင့်ပဲထင်ပါရဲ့... ယူကေမှာ သူဦးဆုံးရိုက်ခဲ့တဲ့ကားက Cate Blanchett နဲ့ရိုက်တဲ့ Elizabeth... နောက် အခုရုပ်ရှင် The Four Feathers ကို ဆက်ရိုက်တယ်။ နောက် Elizabeth: The Golden Age... သူရိုက်တဲ့သုံးကားလုံးက အင်္ဂလန်သမိုင်းကြောင်းနဲ့သက်ဆိုင်တဲ့ ကားတွေချည်းပဲ။ Elizabeth မှာတော့ ကောင်းခဲ့ပေမဲ့ ဒုတိယကား The Four Feathers မှာတော့ ဇာတ်ရှိန်နည်းနည်းသွက်နေတာကြောင့် ကျတော့ကျသွားတယ်။ ဒါပေမဲ့လည်း ရှေးခေတ်စစ်ပွဲတွေအကြောင်း ကြည့်ရမယ့်ရုပ်ရှင်ဆိုတော့ ကြည့်လို့ပျော်သလို ကြည့်လို့လည်းတန်နေသေးတယ်။ အက်ရှင်ခန်းတွေ စွန့်စားခန်းအခန်းတွေလည်း ပါသင့်သလောက်ပါတာဆိုတော့ အက်ရှင်ပရိသတ်တွေအတွက်လည်း အဆင်ပြေလိမ့်မယ်။ Heath Ledger ရိုက်ဖူးခဲ့တဲ့ A Knight's Tale လိုပဲ အရမ်းကြီးလန်ပျံမနေရင်တောင် အင်တာတိန်းမန့်တော့ တော်တော်ဖြစ်တဲ့ ကားမျိုးပဲ။ ဝတ္တုကတော့ ၁၉၀၂ကတည်းကထွက်ခဲ့တဲ့ A. E. W. Mason ရဲ့ The Four Feathers စာအုပ်ဆိုတော့ ဂန္ထဝင်စာရင်းဝင်တဲ့စာအုပ်ကို ပြန်ရိုက်ထားတယ်ပြောရမယ်။ ဒါကလည်း ပထမဆုံးရိုက်တာမဟုတ်ပါဘူး။ ရှေ့မှာလည်းတော်တော်ရိုက်ခဲ့ကြပြီးသားပဲ။ သရုပ်ဆောင်တွေက Kate Hudson, Heath Ledger, Djimon Hounsou, Wes Bentley, Michael Sheen စတဲ့လူတွေကို သုံးထားတယ်။ အကုန်လုံးတော့ ခင်ဗျားတို့နာမည်နဲ့တွဲသိချင်မှသိမယ်။ ဒါပေမဲ့ ခင်ဗျားတို့ တော်တော်ရင်းနီးပြီးသား လူတွေချည်းပဲ။ ဇာတ်ကတော့ ၁၈၈၄ အင်္ဂလန်မှာ ဇာတ်အိမ်စထားတယ်။ ဗြိတိန်တော်ဝင်တပ်ထဲက သူငယ်ချင်းတစ်အုပ်ရဲ့ ဆက်ဆံရေးကို စပြတယ်။ အဓိကကတော့ မင်းသားရယ် သူ့အခင်ဆုံးသူငယ်ချင်းရယ်ပေါ့။ အဲဒီနောက် သူတို့တပ်ကို အီဂျစ်က ပုန်ကန်သွားတဲ့ကာနယ်အာမက်ကို တိုက်ခိုက်ဖို့ လွှတ်လိုက်တဲ့အချိန်မှာ မင်းသားက တပ်ထဲကနေ နှုတ်ထွက်သွားတယ်။ ဒီနောက် မင်းသားကို သူ့သူငယ်ချင်းသုံးယောက်ရယ် သူလက်ထပ်မယ့်ကောင်မလေးရယ်က ငှက်တောင်မွှေးလေးချောင်းလာပေးသွားကြတယ်။ ငှက်တောင်မွှေးက သူတို့ဆီမှာ သူရဲဘောကြောင်တာကို ကိုယ်စားပြုတယ်။ မင်းသားကို သူရဲဘောကြောင်တဲ့ အလကားကောင်လို့ လာဝိုင်းပြောလိုက်သလိုဖြစ်သွားတယ်။ ဒီလိုနဲ့ နေလာရင်း မင်းသားက ဒီကိစ္စကြီးကို စိတ်ထဲက ဘယ်လိုမှထုတ်မရနိုင်ခဲ့ဘူး။ ဒီတော့ သူ့သူငယ်ချင်းတွေတိုက်ပွဲဝင်နေတဲ့ ဆူဒန်ကို လိုက်သွားပြီး သူ့သတ္တိကို သက်‌သေပြဖို့လုပ်တယ်။ သူကြောက်နေတာက စစ်ပွဲကိုမဟုတ်ဘဲ တခြားအရာတစ်ခုဖြစ်ကြောင်း သက်သေပြဖို့လုပ်ရင်း သူ့သူငယ်ချင်းတစ်ယောက်ချင်းကို သူကယ်တင်ဖို့ကြိုးစားရင်း ဆူဒန်မှာ သူကြုံလာရတဲ့ အခက်အခဲတွေ တိုက်ပွဲတွေကို ပြသွားတယ်။ ဇာတ်တော့ နည်းနည်းသွက်နေပေမဲ့ စစ်ကားတစ်ကားအနေနဲ့ဆို ကြည့်ကောင်းသလို နာမည်ကြီးမင်းသားမင်းသမီးတွေကို မြင်ရမှာဆိုတော့ ကြည့်ဖို့တော့ တန်ပါတယ်။ လွန်လေပြီးသော Heath Ledger ရဲ့ကားဆိုတော့ကာ ဒီရုပ်ရှင်ဟာ ငြင်းစရာတော့မရှိနေပါဘူး။ (ရုပ်ရှင်အညွှန်းနဲ့ဘာသာပြန်ကို W မှ တင်ဆက်ထားပါတယ်။) File size…(3 GB)/(1.1 GB) Quality….BluRay 1080p HEVC /720p Format…mkv/mp4 Duration….02:11:37 Subtitle….Myanmar Subtitle (Hardsub) Encoder….Ka Naung Translated by W

၁၉၇၂ ခုနှစ် ဇန်နဝါရီလ ၃၀ ရက်မှာ ဖြစ်ပွားခဲ့တဲ့ ဖြစ်ရပ်မှန်ကို အခြေခံထားတဲ့ ဇာတ်ကားပါ။ အဲဒီအချိန်က ဗြိတိန်လက်အောက်မှာရှိတဲ့ အိုင်ယာလန်မြောက်ပိုင်းဒေသမှာ ကက်သလစ်ဘာသာဝင်တွေ ခွဲခြားဆက်ဆံခံနေရပြီး ပြည်သူအများစုက ဗြိတိန်ကနေ ခွဲထွက်ချင်နေကြပါတယ်။ ဖိနှိပ်မှုတွေနဲ့ ဖမ်းဆီးမှုတွေကြားမှာ အိုင်ဗန်ဦးဆောင်တဲ့ ဒယ်ရီမြို့သားတွေက သူတို့လိုချင်တာတွေကို ညှိနှိုင်းတောင်းဆိုဖို့ ကြိုးစားကြတယ်။ ဗြိတိသျှဘက်ကတော့ ဒီလိုတောင်းဆိုမှုတွေ ထပ်မပေါ်ပေါက်လာအောင် တားဆီးဖို့ပဲ ကြိုးပမ်းနေပါတယ်။ နှစ်ဖက်ရဲ့ ရည်ရွယ်ချက်တွေ ကွာခြားနေတဲ့အချိန် တနင်္ဂနွေမနက်ခင်းတစ်ခုကို ရောက်လာခဲ့တယ်။ ခွဲခြားဆက်ဆံခံနေရတဲ့ မြို့ခံတွေရဲ့ တောင်းဆိုချက်တွေကို ညှိနှိုင်းဖြေရှင်းနိုင်ပါ့မလား။

The Remains of the Day (1993) ~ IMDb - 7.8/10, Rotten Tomatoes - 96% ~ ဒီရုပ်ရှင်ဟာ အော်စကာ ဆန်ခါတင်စာရင်းမှာ ၈ ဆုတောင် တသီကြီးဝင်ခဲ့ပေမယ့် အဲဒီတုန်းက သူနဲ့ အပြိုင်က Schindler's List ဖြစ်နေခဲ့တာကြောင့် ဘာဆုမှ ချိတ်မသွားရှာခဲ့တဲ့ တစ်ခါတုန်းက အကောင်းဆုံးရုပ်ရှင်တစ်ကားပါ။ ခုခေတ်ရဲ့ ဂန္ထဝင်တွေလို့ သမုတ်ခံနေကြရပြီ‌ဖြစ်တဲ့ Sir Anthony Hopkins, Hugh Grant, Christopher Reeve နဲ့ Emma Thompson တို့လို ပုဂ္ဂိုလ်တွေ ခေါင်းဆောင်ပါဝင်ထားပါတယ်။ ၁၉၃၀ ပြည့်လွန်နှစ်တွေရဲ့ ဗြိတိန်မှာ ဇာတ်အိမ်တည်ထားတဲ့ သစ္စာရှိ၊ တာဝန်သိ အိမ်တော်ထိန်းကြီးတစ်ယောက်အကြောင်းဖြစ်ပါတယ်။ Booker Prize ရထားတဲ့ နာမည်တူ စာအုပ်ကိုပဲ ရုပ်ရှင်ပြန်ရိုက်ထားတာဖြစ်ပြီး ဒုတိယကမ္ဘာစစ်မတိုင်ခင်က ကြီးကျယ်ခမ်းနားတဲ့ အင်္ဂလိပ်လူမျိုး အထက်တန်းလူတန်းစားတစ်ရပ်ကိုတွေ့မြင်ရမှာပါ။ စည်းစနစ်ကြီးပြီး အလုပ်မှာသာ အရာရာမြှုပ်နှံထားတဲ့ စတီဗင်ဆိုတဲ့ အိမ်တော်ထိန်းကြီးတစ်ယောက် သူအိမ်ကြီးရှင် သခင်ဒါလင်တန်အပေါ် မှာထားတဲ့အကြွင်းမဲ့ယုံကြည်မှုနဲ့ သစ္စာတရားအပေါ် သခင်ဒါလင်တန် ကွယ်လွန်ပြီးနှစ်အတော်ကြာမှ သူကိုယ်တိုင်ပြန်မေးခွန်းထုတ်လာမိပါတယ်။ သခင်ဒါလင်တန်ဟာ တကယ့်လူကြီးလူကောင်းစစ်စစ်တစ်ယောက် အရှိန်အဝါကြီးသူတစ်ယောက်ဖြစ်ခဲ့ပေမဲ့ သူ့ရဲ့ တလွဲစာနာမှုတစ်ခုအပေါ် အခြေခံမိတဲ့ဆုံးဖြတ်ချက်အမှားတစ်ခုကြောင့် ဗြိတိန်နိုင်ငံသားတွေရဲ့ သစ္စာဖောက်လို့ အခေါ်ခံရမှုတွေအောက်မှာ နောက်ဆုံးနေ့တွေကို ဖြတ်သန်းခဲ့ရသူပါ။ ဂုဏ်ရှိန်ပြင်းချိန်ကစလို့ မီးငယ်မှိန်ချိန်အထိ အနားမှာ တောက်လျှောက်ခစားခဲ့တဲ့သူကတော့ အိမ်တော်ထိန်းကြီး စတီဗင်ပါ။ ဒါလင်တန်စံအိမ်ကြီးနဲ့ သခင်ဒါလင်တန်ဟာ စတီဗင်အတွက်တော့ ကမ္ဘာတစ်ခုလုံးပါပဲ။ သူ့ရဲ့ သခင်အသစ်က နားရက်ပေးပြီး ခရီးသွားခိုင်းချိန် "ကမ္ဘာကြီးကို နောက်ဆုံးမြင်ခဲ့တာ ဘယ်တုန်းကလဲ စတီဗင်" လို့မေးတာကို "အတိတ်တုန်းကတော့ ကမ္ဘာကြီးကသာ ဟောဒီအိမ်ကြီးဆီ အမြဲ အလည်လာနေကျပဲ" လို့ ပြန်ဖြေတတ်သူမျိုးပေါ့။ ဇာတ်လမ်းအစစ်ကဘယ်အချိန်မှာစလဲဆိုတော့ သခင်ဒါလင်တန် ကွယ်လွန်သွားပြီးနောက် စာနယ်ဇင်းတွေမှာ ပလူပျံနေတဲ့ မကောင်းသတင်းကို ကြားပြီး မခံမရပ်ဖြစ်တဲ့စိတ်နဲ့အတူ စတီဗင်ဆီ ရောက်ရှိလာခဲ့တဲ့ စာတစ်စောင်ကြောင့်ပါ။ စာကိုပို့လိုက်သူကတော့ တခြားမဟုတ်ဘဲ တစ်ချိန်က စတီဗင်နဲ့အတူ အိမ်တော်ကြီးမှာ အတူခစားခဲ့ကြတဲ့ မစ္စကန်တွန်ဆိုတဲ့ အမျိုးသမီးပါပဲ။ အိမ်တော်ထိန်းကြီးရဲ့ မျက်လုံးတွေကတဆင့် လွန်ခဲ့တဲ့ နှစ်၂၀က ဒါလင်တန်စံအိမ်မှာ ဖြစ်ပျက်ခဲ့သမျှတွေကို လက်ရှိအချိန်နဲ့ လူးလာကူးရင်းတွေ့ရမှာပါ။ ရုပ်ရှင်က ၂နာရီ ၁၄ မိနစ်စာဆိုပေမဲ့ ဘဝကြီးတစ်ခုလုံးစာကြာတယ်လို့ ခံစားရပါလိမ့်မယ်။ မကောင်းတဲ့သဘောနဲ့ပြောတာမဟုတ်ဘဲ အဲဒီလောက်ထိကို လူကိုကျေနပ်သွားစေတယ်လို့ ပြောချင်တာပါ။ မဆိုသစလောက်လေးတော့ လေးပေမယ့် ပေါ့ပေါ့ပါးပါးခံစားရစေမယ့် အပိုင်းလေးတွေလည်း ပါပါတယ်။ ဒီကားရဲ့ အိမ်တော်ထိန်းကြီး စတီဗင်နေရာမှာ သရုပ်ဆောင်ဖို့ကို Sir Anthony Hopkins က ဘတ်ကင်ဟမ်နန်းတော်မှာ အဲလိဇဘက်ဘုရင်မကြီးအတွက် အနှစ် ၅၀ အမှုထမ်းခဲ့တဲ့ Cyril Dickman လို့ခေါ်တဲ့ အိမ်တော်ထိန်းကြီးတစ်ယောက်ဆီကနေ လေ့လာသင်ယူအကြံတောင်းခဲ့တာဖြစ်ပါတယ်။ (ဒီဇာတ်ကားနဲ့အညွှန်းကို Z မှ ပြန်ဆို ရေးသားထားပါတယ်) Size - 2.3GB, 900MB Quality - 1080p, 720p IMDb Rating - 7.8/10 Format - mp4 Duration - 2H 14Min Genre - Drama, Romance Subtitle - Myanmar Subtitle (Hardsub) Translated by Z Encoded by Y

"ဂျွန် ကိုလ်ဘီ" ဆိုတဲ့ ဗြိတိသျှစစ်သားတစ်ဦးဟာ စစ်မဖြစ်ခင်က နာမည်ကြီး ဘောလုံးသမားတစ်ယောက် ဖြစ်ပါတယ်။ စစ်ပွဲအတွင်း စစ်သုံ့ပန်းဖြစ်သွားခဲ့ပြီး စခန်းထဲမှာ အကျဉ်းသားတွေကို ဘောလုံးကစားဖို့ စိတ်အားထက်သန်အောင် ဦးဆောင်ပေးနေသူပါ။ တစ်နေ့မှာတော့ ဘောလုံးဝါသနာအိုး ဗိုလ်မှူး ဗွန် စတိုင်နာဟာ စစ်သုံ့ပန်းအကျဉ်းသားအဖွဲ့နဲ့ ဂျာမန်စစ်သားအဖွဲ့တို့အကြား ချစ်ကြည်ရေး ဘောလုံးပွဲတစ်ပွဲ ကစားဖို့ အကြံပြုလာခဲ့ပါတယ်။ တစ်ဖက်မှာလည်း "ကာနယ် ဝေါလ်ဒရွန်" နဲ့ "ရှာလော့ခ်" တို့ ဒီဘောလုံးပွဲကို အခွင့်ကောင်းယူပြီး အကျဉ်းသားတွေ ထွက်ပြေးနိုင်မယ့် လျှို့ဝှက် အစီအစဉ်တစ်ခုကို စတင်ရေးဆွဲကြပါတယ်။ သူတို့တစ်ဖွဲလုံး နာဇီတွေရဲ့ လက်ထဲကနေ အောင်မြင်စွာ ထွက်ပြေးလွတ်မြောက်နိုင်မလား၊ ဘောလုံးကွင်းထဲမှာရော ဘယ်လိုမျိုး သမိုင်းဝင်အောင်ပွဲ ကို ဆွတ်ခူးသွားမလဲဆိုတာကို အတူစောင့်ကြည့်လိုက်ရအောင်ပါ

Clash of the titans - 1981 Genre – Action,Adventure,Family IMDb - 6.9/10 ဂရိနတ်ဘုရားတွေရဲ ဒဏ္ဍာရီကို အခြေခံထားတဲ့ ငယ်ဘဝအောက်မေ့ဖွယ် ဇာတ်ကားတစ်ကားနဲ့ မိတ်ဆက်ပေးချင်ပါတယ်. အိုလံပတ်စ်တောင်ပေါ်က နတ်ဘုရားတွေရဲ့ဖခင် ဖြစ်တဲ့ ဇုစ်ဟာ အာဂို့စ်တိုင်းပြည်က အလွန်ချောမောလှပတဲ့ ဘုရင့်သမီးတော် ဒနေးကို အထူးစောင့်ကြပ်ထားတဲ့ကြားက ရွှေရောင်ချိုးရေအသွင်ပြောင်းပြီးတော့ ပေါင်းသင်းခဲ့ပါတယ်။ ကလေးတစ်ယောက်ရလာခဲ့တဲ့ သမီးတော် ဒနေးအပေါ် ဖခင်ဘုရင်ကြီး အက်ကရီးစီးယက်စ်က အမျက်တော်ရှိပြီး ဒနေးနဲ့သားငယ် ပါးစီးယက်စ်ကို ပင်လယ်ထဲကို စွန့်ပစ်ခဲ့ပါတယ်။ ဒါကို သိရှိသွားတဲ့ ဇုစ်နတ်ဘုရားက အာဂို့စ်တိုင်းပြည်ကို ဧရာမတိုက်တန်ကြီး ကရာကန်ကို စေလွှတ်ဖျက်ဆီးစေခဲ့ပြီး ဒနေးနဲ့သားတော်ပါးစီးယက်စ်ကို ဘေးကင်းရာကို လုံလုံခြုံခြုံရောက်ရှိစေရန် ပင်လယ်နတ်ဘုရားပိုဆိုက်ဒန်ကို စေခိုင်းခဲ့ပါတယ်။ ပါးစီးယက်စ်တစ်ယောက် ချောမောခန့်ညားစွာ အရွယ်ရောက်လာခဲ့ပြီး ဇုစ်ရဲ့ဂုဏ်ယူဝံ့ကြွားစရာ ဖြစ်လာခဲ့ပါတယ်။ သူ့သားကာလီးဘော့စ်အပေါ် ပြစ်ဒဏ်ချထားမှုအပေါ် မကျေနပ်တဲ့ နတ်ဘုရားမတက်တစ်က ဇုစ် မျက်နှာသာပေးခြင်းခံရတဲ့ ပါးစီးယက်စ်အပေါ်မနာလိုဖြစ်ပြီး ကျိန်စာသင့်မျှော်လင့်ချက်မဲ့နေတဲ့ ဂျော်ပါမြို့ကို ရောက်ရှိစေခဲ့ပါတယ်။ သူ့ရဲ့မွေးရပ်မြေ အာဂို့စ်ကို ပြန်လည်သိမ်းပိုက်ဖို့ အကြံရှိတဲ့ပါးစီးယက်စ်က သူ့ရဲ့ခရီးစဉ်ကိုဂျော်ပါမြို့ကနေ စတင်ဖို့ ဆုံးဖြတ်ခဲ့ပါတယ်။ တက်တစ်စ်နဲ့ မကောင်းဆိုးဝါးသဖွယ် အသွင်ပြောင်းပြီး အပြစ်ပေးခံထားရတဲ့ ကာလီးဘော့စ်တို့ရဲ့ ကြီးစိုးမှုကြောင့် ဂျော်ပါမြို့သားတွေဟာ ကျီးလန့်စာစားဖြစ်နေကြပြီး ကာလီးဘော့စ်နဲ့ ရည်ရွယ်ထားတဲ့ မင်းသမီးအန်ဒရိုမေဒါကလည်း အကျဉ်းစံသတို့သမီးလောင်းဘဝကိုရောက်နေခဲ့ပါတယ်။ အန်ဒရိုမေဒါနဲ့ လက်ဆက်ဖို့ ကြိုးစားသူတိုင်းကလည်း ကာလီးဘော့်စ်ရဲ့ ပဟေဠိပုစ္ဆာကို မဖြေဆိုနိုင်ကြဘဲမီးတင်ရှို့ယစ်ပူဇော်ခံရစမြဲပါ။ အန်ဒရိုမေဒါနဲ့ လက်ဆက်ရင်း တိုင်းပြည်တစ်ခုလုံးကို အုပ်စိုးရမယ့်အခွင့်အရေးကို ပါးစီးယက်စ်ကလည်း ကြိုးစားလာပါတယ်။ စီစဉ်သူ ဇုစ်ကနေတစ်ဆင့် နတ်ဘုရားတွေရဲ့လက်ဆောင်ဖြစ်တဲ့ ကိုယ်ပျောက်ခေါင်းဆောင်း၊ ဓားလွတ်တစ်ချောင်းနဲ့ ဒိုင်းကာတစ်ခုကိုပါ ရရှိလာရင်း အန်ဒရိုမေဒါကို မျက်ဝါးထင်ထင်မြင်တွေ့ရချိန်မှာတော့ သူ့အတွက်ဆို ဘာမဆိုလုပ်ရဲတဲ့သတ္တိတွေ ဝင်လာခဲ့ပါတယ်။ စိမ့်မြေသခင် ကာလီးဘော့စ်ကိုပါ တိုက်ခိုက်အနိုင်ယူပြီး အန်ဒရိုမေဒါရဲ့ ပုစ္ဆာကိုဖြေဆိုကာ တိုင်းပြည်တစ်ခုလုံးပါ အပိုဆောင်းရယူနိုင်ခဲ့ပါတယ်။ ရွှေလက်ဆက်ပွဲမှာ အန်ဒရိုမေဒါရဲ့မိခင်၊ ဂျော်ပါရဲ့ဘုရင်မ ကတ်စီရိုပီအာရဲ့ မဆင်မခြင်ပြောဆိုမှုကြောင့် နတ်ဘုရားမတက်တစ်က သားဖြစ်သူအပေါ် ကျူးလွန်ခဲ့တဲ့အပြစ်နဲ့ သူ့အပေါ်စော်ကားမှုအပေါ် ပြန်လည်ပေးဆပ်ရန် အန်ဒရိုမေဒါရဲ့ အသက်ကို တောင်းဆိုခဲ့ပါတယ်။ ဂျော်ပါမြို့သူမြို့သားအားလုံးကို ကရာကန်ဖျက်ဆီးတိုက်ခိုက်မည့်ဘေးမှ လွတ်လိုပါက အန်ဒရိုမေဒါကို ရက် (၃၀) အတွင်း ကရာကန်အား ယစ်ပူဇော်ဆက်သရန် အမိန့်ပေးခဲ့ပါတယ်။ ပါးစီးယက်စ်ကလည်း ဧရာမတိုက်တန်ကရာကန်ကို အနိုင်ယူနိုင်ဖို့ နည်းလမ်းတွေကို ရဲမက်ဗိုလ်ပါတွေနဲ့အတူ တိုင်ပင်စဉ်းစားကြရင်းနဲ့ပဲ ရှာပုံတော်စွန့်စားခန်းခရီးတစ်ခု ထွက်ရန် ဖန်လာပါတော့တယ်... ၈၀ ခုနှစ်က Special Effects တွေ အခုကာလလောက် မဖွံ့ဖြိုးသေးပေးမယ့် Clash of the titans ဟာ လူတစ်ပိုင်းနတ်ဘုရားတစ်ပိုင်း ပါးစီးယက်စ်ရဲ့ ရဲရင့်မှု၊ နတ်မြင်းပျံ ပက်ဂဆစ်၊ ဇီးကွက်စက်ရုပ်ကလေး ဘူဘို၊ ကြောက်မက်ဖွယ် ဧရာမတိုက်တန်ကရာကန်၊ အန်ဒရိုမေဒါရဲ့ အလှတရား စတဲ့ ရောင်စုံစုတ်ချက်တွေနဲ့ ချယ်မှုန်းထားတဲ့ ဂန္ထဝင်ပန်းချီကားတစ်ချပ်အဖြစ် ရှိနေဆဲပါ။ File size…    3.1 GB /  1.5 GB Quality… BluRay 1080p / 720p Format… mp4 Duration…. 1h 58m Genre ..... Action/Adventure/Family Subtitle…. Myanmar Subtitle (Hard Sub) Encoder…. Hein Tayza Translated by Sai Sumali