Tom Godwin ပါဝင်သော ဇာတ်ကားများ

Supergirl (2026) IMDb Rating (6.1) / Rotten Tomatoes (53%) Supergirl (2026) ဟာ DC Universe (DCU) ရဲ့ ဒုတိယမြောက် ရုပ်ရှင်ဖြစ်ပြီး ကောမက်ပရိသတ်တွေ အကြိုက်တွေ့ခဲ့တဲ့ Tom King ရဲ့ Supergirl: Woman of Tomorrow ကို အခြေခံပြီး ရိုက်ကူးထားတာဖြစ်ပါတယ်။ ဒါရိုက်တာ Craig Gillespie ရိုက်ကူးထားပြီး Milly Alcock (Supergirl)၊ Matthias Schoenaerts (Krem)၊ Eve Ridley (Ruthye) နဲ့ တခြားသရုပ်ဆောင်တွေ အများကြီးပါဝင်ထားတဲ့ စူပါဟီးရိုး၊ သိပ္ပံဇာတ်လမ်း (Sci-Fi) နဲ့ အက်ရှင်အမျိုးအစား ရုပ်ရှင်တစ်ကားဖြစ်ပါတယ်။ ဇာတ်လမ်းအကျဉ်း ကမ္ဘာမြေပေါ်မှာ ချစ်ခြင်းမေတ္တာအပြည့်နဲ့ ကြီးပြင်းလာခဲ့ရတဲ့ Superman နဲ့ မတူဘဲ Supergirl ဖြစ်သူ Kara Zor-El ကတော့ Krypton ဂြိုဟ် ပျက်စီးသွားချိန်မှာ အပျက်အစီးတွေကြား ၁၄ နှစ်ကြာအောင် ဒုက္ခမျိုးစုံခံပြီးမှ အသက်ရှင်ကျန်ရစ်ခဲ့တာပါ။ ဒါကြောင့်မို့လို့ သူ့ရဲ့ စိတ်ဓာတ်နဲ့ စရိုက်က Superman ထက် အများကြီး ပိုမာကျောပြီး ရင်းနှီးရခက်တဲ့ ပုံစံရှိပါတယ်။ သူ့ရဲ့ ၂၃ နှစ်ပြည့် မွေးနေ့မှာတော့ Kara တစ်ယောက် အာကာသထဲ လှည့်လည်ရင်း သောက်စားမူးယစ်နေတုန်း Ruthye ဆိုတဲ့ ဂြိုဟ်သူ ကောင်မလေးတစ်ယောက်နဲ့ ဆုံတွေ့ခဲ့ပါတယ်။ Ruthye ဟာ သူ့အဖေကို ရက်ရက်စက်စက် သတ်ဖြတ်သွားခဲ့တဲ့ Krem ဆိုတဲ့ လူသတ်သမားကို လက်စားချေဖို့ ကြိုးစားနေတာပါ။ အစတော့ မကူညီချင်ပေမဲ့ Krem က Kara ရဲ့ ခွေးလေး Krypto ကို ထိခိုက်အောင် လုပ်လိုက်တဲ့အခါမှာတော့ Kara တစ်ယောက် ခရစ်ပတိုကို ကယ်ဖို့ Krem ကို တွေ့အောင်ရှာမှဖြစ်မှာမို့ ရုသီကိုခေါ်ပြီး စကြဝဠာတစ်ခွင် စွန့်စားခန်းတွေ ဖွင့်ကြပါတော့တယ်။ သမီးလိမ္မာပုံစံ မဟုတ်ဘဲ သေနတ်၊ ဓား၊ စကြာဝဠာထဲက အရက်ဆိုင်တွေနဲ့ ခပ်ကြမ်းကြမ်း Space Western ပုံစံ ဖန်တီးထားတာမို့လို့ DCU ရဲ့ ဇာတ်ကြောင်းအသစ်ကို မြင်တွေ့ရမှာပါ။ House of the Dragon ထဲမှာ ပရိသတ်သဘောကျခဲ့တဲ့ Milly Alcock က Kara အဖြစ် သရုပ်ဆောင်ထားပြီး Character နဲ့ အတော်လေး လိုက်ဖက်မှုရှိပါတယ်။ Aquaman အဖြစ်ကနေ ပရိသတ်တွေ မျှော်လင့်နေကြတဲ့ အာကာသ ကြေးစားဆုကြေးမုဆိုး Lobo အဖြစ် Jason Momoa ပါဝင်လာတာကလည်း ဇာတ်ကားရဲ့ ကြည့်ချင်စရာ အချက်တစ်ခုပါ။ ကမ္ဘာမြေပေါ်မှာပဲ အခြေမစိုက်ဘဲ ဂြိုဟ်ပေါင်းစုံ၊ အာကာသဓားပြတွေ၊ ကြေးစားတွေနဲ့ အက်ရှင်ခန်းစုံစုံလင်လင် ကြည့်ရမှာဖြစ်လို့ တင်ဆက်ပေးလိုက်ရပါတယ်။ File size… (6.4 GB) / (1.5 GB) / (970 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Action,Adventure,Science Fiction Duration…. 01:48:59 Subtitle…. Myanmar Subtitle (Hardsub)

Savage House (2026) အရင်က ဆင်းရဲသားတစ်ဦးဖြစ်ခဲ့ဖူးတဲ့ "ချောင်စီ"ကတော့ ငွေပေးပြီး ဘွဲထူးဂုဏ်ထူးတွေကို ဝယ်ယူပြီး အထက်တန်းလွှာအသိုင်းအဝိုင်းထဲ ​ရောက်ရှိလာသူပါ အထက်တန်းလွှာအဖြစ် ဆက်လက်ရပ်တည်နိုင်ဖိုအတွက် အထက်တန်းလွှာမျိုးရိုး​မြင့်ဖြစ်သူ လေဒီဆားဗေ့ချ်နဲ့ လက်ထပ်ခဲ့ပြီး ဆားဗေ့ချ်မျိုးရိုးနာမည်ကို ပြောင်းခဲ့ပါတယ် ​ဒါ​ပေမဲ့လည်း သူတိုရဲ့ အသုံးအဖြုန်းကြီးမှုကြောင့် အကြွေးတွေပိပြီး သူတိုပိုင်ဆိုင်တဲ့ အိမ်တော်ကြီးကလည်း စုတ်ပြတ်ပျက်စီးနေခဲ့ပါပြီ အဲဒီအချိန်မှာ အာဏာကြီးတဲ့ ​မြိုစားမင်းနဲ့ ​မြိုစားမင်းကတော်က သူတိုအိမ်ကို ညစာစားဖို လာရောက်လည်ပတ်မယ်လို အကြောင်းကြားလာတဲ့အခါမှာတော့ သူတို​တွေဟာ အခွင့်အရေးကို အမိအရဆုပ်ကိုင်ဖို ကြိုးစားပါတော့တယ် ​ဂုဏ်ပကာသန ပြချင်လွန်းတဲ့ ချောင်စီဆားဗေ့ချ်က ဟာ ရှိသမျှအမွေအနှစ် ပစ္စည်းတွေကို ရောင်းချတဲ့အပြင် အကြွေးအတင်ခံပြီး ညစာစားပွဲအတွက် ပြင်ဆင်ခဲ့ပါတယ် ဒါပေမယ့် အိမ်တော်ကြီးမှာ လျှိဝှက်ဖောက်ပြန်မှုတွေ အကြွေးပြဿနာတွေ အာဏာလိုချင်စိတ်နဲ့ လောဘတွေကြောင့် အရာအားလုံးက အရှုပ်အထွေးတွေအဖြစ် ပြောင်းလဲသွားပါတယ် ညစာစားပွဲမရောက်ခင် အိမ်တော်ကြီးထဲက အရှုပ်တွေကို ဖြေရှင်းနိုင်မလား... မြိုစားမင်းနဲ့မြိုစားမင်းကတော်အတွက် စီစဥ်ထားတဲ့ ညစာစားပွဲက ဘယ်လိုဆက်ဖြစ်သွားမလဲဆိုတာကိုတော့... ၁၈ ရာစုအပြင်အဆင်ကို ခမ်းခမ်းနားနားရိုက်ကူးထားပြီး Dark Comedy ကြိုက်တဲ့သူတွေအတွက် လက်မလွတ်သင့်တဲ့ ဇာတ်ကားကောင်းလေးပါပဲ

မင်းသားကြီး ဝါကင်းဖီးနစ်ရဲ့ သမိုင်းရုပ်ရှင်အသစ် နပိုလီယံ ထွက်လာပါပြီ။ သမိုင်းရုပ်ရှင်နဲ့သိပ္ပံစိတ်ကူးယဉ်လောကရဲ့ ဆရာကြီးတစ်ပါးဖြစ်တဲ့ Sir Ridley Scott ရိုက်ကူးထားတာဖြစ်ပါတယ်။ Ridley Scott ရဲ့လက်ရာတွေကိုတော့ လူတိုင်းအနည်းဆုံး တစ်ကားလောက်တော့ ရင်းနှီးကြမှာပါ၊ Blade Runner, Alien, Gladiator, Thelma & Louise, Hannibal, Black Hawk Down, The Martian, Kingdom of Heaven နဲ့ ယခုရုံတင်နေတဲ့ Napoleon အပါအဝင် နာမည်ကြီးရုပ်ရှင် တစ်ရာကျော်ရိုက်ခဲ့ပါတယ်။ ရုပ်ရှင်လောကမှာရတဲ့အောင်မြင်မှုကြောင့် ဆာဘွဲ့ပါ ရခဲ့တဲ့သူလည်းဖြစ်ပါတယ်။ အလှတရားမှာနာမည်ကြီးတဲ့ ဂျိုးဆက်ဖင်းနေရာမှာလည်း Vanessa Kirby က သရုပ်ဆောင်ထားတဲ့အပြင် နပိုလီယံနဲ့ ခုတင်ပေါ်က တိုက်ပွဲတွေ ဖောဖောသီသီ ပါတာကြောင့် မိသားစုနဲ့ကြည့်မိရင်တော့ မျက်နှာပူရနိုင်ပါတယ်။ ပြင်သစ် စစ်ဘုရင်ကြီး နပိုလီယံဘိုနာပတ်အကြောင်းကို ရိုက်မယ်ဆိုရင် ပြောစရာတွေအရမ်းများလွန်းလို့ အကုန်ပါဖို့မလွယ်ပါဘူး။ သူ့ရဲ့တိုက်ပွဲကြီးတွေအကြောင်းပြောမလား၊ သူ့ရဲ့ စိတ်ဝင်စားစရာ လက်စွဲတော် ဗိုလ်ချုပ်တွေအကြောင်းပြောမလား၊ ဂျိုးဆက်ဖင်းနဲ့သူ့ရဲ့အချစ်ရေးအကြောင်းပြောမလား အများကြီးပါပဲ။ ဒီရုပ်ရှင်ထဲမှာတော့ သူရဲ့ အအောင်မြင်ဆုံးတိုက်ပွဲတွေနဲ့ ကျဆုံးချိန်ရောက်သွားစေတဲ့ တိုက်ပွဲတွေအကြောင်းကို အဓိက ပြသထားပြီး ဂျိုးဆက်ဖင်းနဲ့အချစ်ဇာတ်လမ်းကို ရောယှက်ထားပါတယ်။ သရုပ်ဆောင်၊ ရိုက်ချက်တွေ ပြောစရာမလိုအောင် ကောင်းတာမို့ ကြည့်ဖြစ်အောင်ကြည့်သင့်တဲ့ ရုပ်ရှင်တစ်ကားပါပဲ။ အမြောက်တပ်ဗိုလ်ကြီးအဖြစ်ကနေ ဗိုလ်မှူးချုပ်၊ ဗိုလ်ချုပ်ရာထူးတိုးလာပြီး တိုက်ပွဲကြီးတွေ ဆက်တိုက်အောင်မြင်ခဲ့တာတွေ၊ ပြင်သစ်တော်လှန်ရေးမှာ အင်ပါယာဖြစ်လာတာတွေ၊ ရုရှားနဲ့စစ်ပွဲမှာအကြီးအကျယ်ဆုံးရှုံးပြီး နယ်နှင်ခံရတာတွေ၊ နယ်နှင်ခံရတဲ့ဘဝကနေ ပြင်သစ်ကို ပြန်တိုက်ယူဖို့ကြိုးစားတာတွေနဲ့ နောက်ဆုံးအဆုံးသတ် ဝါတာလူးစစ်ပွဲအကြောင်းတွေကို မြင်ရမှာပါ။ ကြည့်လိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(6.42 GB) / (2.45 GB) / (1.42 GB) Quality............WEB-DL 4K / 1080p / 720p Duration.........1Hr 57Min Subtitle...........Myanmar Hardsub Format............MP4 Genre..............Action, Adventure, Biography Translator.......Mr.Anderson Encoder..........SWM / Ka Naung

Alice through the Looking Glass (2016) IMDB : 6.2 Rotten Tomatoes : 29% Genre : Fantasy/Drama/Adventure Alice through the Looking Glass ကတော့ Alice in Wonderland(2010) ရဲ့ Sequel ရုပ်ရှင်ဖြစ်တာကြောင့် သိပ်ပြီးတော့ အထွေအထူးမညွှန်းတော့ပါဘူး။ ဇာတ်ကြောင်းကိုပဲတန်းပြောလိုက်ပါတော့မယ်။ ဇာတ်ညွှန်း အဲလစ်စ်လေး အသက် ၂၂ နှစ်ကျော်ခဲ့ပါပြီ။ သူ့အဖေပိုင်တဲ့ သင်္ဘော"အံ့ဖွယ်" ရဲ ကပ္ပတိန်တစ်ယောက်ဖြစ်နေခဲ့ပါပြီ။ ဒီလိုနဲ့ တရက်မှာ ကြည့်မှန်တစ်ခုကနေပြီး အဲလစ်စ်ဟာ အံ့ဖွယ်ကမ္ဘာကိုပြန်ရောက်သွားခဲ့ပါတယ်။ ရောက်သွားတဲ့အချိန်မှာ ဟက်တာတစ်ယောက် စိတ်ဖောက်နေပါပြီ။ ဘာလို့စိတ်ဖောက်လည်းဆိုတော့ သူ့မိသားစုဟာ ဂျက်ဘာဝေါ့ကီလက်ချက်နဲ့ အသက်မဆုံးပဲ အသက်ရှင်နေတယ်ဆိုတဲ့ အသိကြောင့်ဖြစ်ပါတယ်။ သူတို့ကိုကယ်တင်နိုင်မယ်ဆိုလည်း အဲဒါက အဲလစ်စ်တစ်ယောက်တည်းပဲရှိကြောင်း ဟက်တာကပြောခဲ့ပါတယ်။ ဒါပေမဲ့ အဲလစ်စ်က မဖြစ်နိုင်ကြောင်းပြောခဲ့ပါတယ်။ နည်းလမ်းတစ်ခုရှိနေတာကလွဲလို့ပေါ့လေ။ အဲဒါကတော့ အချိန်နောက်ပြန်ခရီးသွားပြီးပြန်ကယ်တာပါပဲ။ အချိန်ကလည်း အဲလစ်စ်တစ်ယောက်တည်းပဲ နောက်ပြန်သွားလို့ရပါတယ်။ ဘာလို့လည်းဆိုတော့ အဲလစ်စ်က မြေအောက်ကမ္ဘာရဲ့အတိတ်မှာ ရှိမနေတဲ့ တစ်ဦးတည်းသောလူဖြစ်နေတာကြောင့်မလို့ပါ။ ကဲ အချိန်နောက်ပြန်သွားရင်း ဘာတွေဆက်ဖြစ်မလည်းဆိုတာကို ကြည့်လိုက်ကြပါခင်ဗျာ။ File size…7.3 GB /3.2GB / 1.6 GB Quality…4K /WEB DL 1080p HEVC / 720p Format…mkv/mp4 Duration….1hr 53 minute Subtitle….Myanmar Subtitle (Hard Sub) Encoder….Thit San Khant Translated by Lucifer Maximoff

About Time (2013) IMDb - 7.8/10 Rotten - 68% ဒီကားလေးထဲမှာတော့ တင်မ် ဆိုတဲ့ကောင်လေးတစ်ယောက် သူအချိန်ခရီးသွားနိုင်တယ်ဆိုတာကို သူ့အဖေဆီကထူးဆန်းစွာသိခဲ့ရပါတယ်။ မကြာခင်မှာပဲ သူတို့အိမ်ကို ခဏလာလည်တဲ့ သူ့ညီမရဲ့သူငယ်ချင်း ရှားလော့ကို ချစ်ကြိုက်မိရာက အချိန်တွေနောက်ပြန်လှည့်ပြီးအမျိုးမျိုးကြိုးစားရုံနဲ့ အချစ်စစ်ကိုမရနိုင်ဘူးဆိုတာ တင်မ်သိသွားခဲ့ပါတယ်။ ဒီလိုနဲ့ တင်မ်တစ်ယောက် ချစ်သူရှာဖို့ လန်ဒန်ကို ရောက်လာခဲ့ပြီး တစ်နေ့မှာ မေရီဆိုတဲ့ ကောင်မလေးနဲ့ တွေ့ပြီးချစ်မိခဲ့ပါတယ်။ သူ့ရဲ့နေ့စဉ်ဘဝအလွဲတွေကို အချိန်တွေနောက်ပြန်လှည့်ပြီး အကောင်းဆုံးဖြစ်အောင် ကြိုးစားရင်း မေရီနဲ့ ရည်းစားတွေဖြစ်ခဲ့ပါတယ်။ တစ်နေ့မှာ သူတဖက်သတ်ချစ်ခဲ့ရတဲ့ ရှားလော့နဲ့ လန်ဒန်မှာပြန်တွေ့တော့ ရှားလော့ကသူ့ကို လက်ခံဖို့ အရိပ်အယောင်တွေပြနေတဲ့အချိန်မှာ သူ မေရီ့ကို တကယ်ချစ်နေပြီဆိုတာသိခဲ့ပြီး မေရီ့ကို ရိုမက်တစ်ဆန်ဆန်လက်ထပ်ခွင့်တောင်းခဲ့တဲ့ အပိုင်းလေးကိုတော့ အပျိုဖျန်းလေးတွေ တကယ်အားကျသဘောကျကြမှာပါ။ ဒီလိုနဲ့ သူတို့နှစ်ယောက် ဘဝခရီးလမ်းလေးဖြောင့်ဖြူးဖို့ အချိန်တွေနောက်ပြန်လှည့် အမျိုးမျိုးကြိုးစားရင်း တင်မ်တစ်ယောက် ဘဝရဲ့ အဓိပ္ပာယ်ကို နားလည်သွားခဲ့ပြီး အချစ်အရှုံးသမားလေးတင်မ်က နောက်ဆုံးမှာ ပျော်ရွှင်စရာမိသားစုလေးတစ်ခုကို ဖန်တီးနိုင်ခဲ့ပါတယ်။ ဇာတ်လမ်းတစ်လျှောက်လုံးမှာ တင်မ်နဲ့ သူ့သူငယ်ချင်းတွေရဲ့အလွဲတွေကို ဟာသနှောပြီးရိုက်ထားတဲ့ ဘဝပညာပေးကားလေးဖြစ်လို့ အားလုံးအကြိုက်တွေ့မယ့် ကားကောင်းလေးပါ။ File Size : (902 MB) Quality : Blu-Ray 720p Running Time : 2hr 3min Format : Mp4 Genre :Comedy, Drama, Fantasy Subtitle : Myanmar Subtitle (Hard Sub) Source : 1080p BluRay x264-SPARKS Translated by May Thura Lwin Encoded by Thanhtike Zaw