Triptii Dimri ပါဝင်သော ဇာတ်ကားများ

Maa Behen (2026) အမေ့ပြဿနာ နက်ဖလစ်က ထုတ်လိုက်တဲ့ မှုခင်းဟာသ သည်းထိတ်ရင်ဖိုရုပ်ရှင်ကောင်းလေးကို တင်ဆက်ပေးလိုက်ပါတယ်။ မင်းသမီးကြီး မာဒူရီဒစ်ဆစ်နဲ့အတူ တခြား မင်းသမီးငယ်နှစ်ယောက်က သားအမိသုံးယောက်အဖြစ် အဓိကပါဝင်သရုပ်ဆောင်ထားကြပါတယ်။ အတင်းပြောရတာ ဝါသနာပါတဲ့သူတွေများတဲ့ အာဒါ့ရှ်ဆိုတဲ့ဆင်ခြေဖုံးရပ်ကွက်လေးတစ်ခုထဲမှာ ရေခါဆိုတဲ့ သမီးနှစ်ယောက်အမေ မုဆိုးမမိခင်တစ်ယောက်နေပါတဘယ်။ တစ်ညမှာတော့ ဂူပတာဆိုတဲ့ ရပ်ကွက်ထဲက လူကုံထံတစ်ယောက်ဟာ ရည်ရွယ်ချက်တခုနဲ့ ရေခါရဲ့အိမ်ထဲကို ရောက်ရှိလာပြီး ရုန်းရင်းဆန်ခတ်တွေဖြစ်ရာကနေ ရေခါဟာ မိမိကိုယ်ကိုယ် ခုခံရင်းနဲ့ ဂူပတာကို ရိုက်နှက်မိတာကြောင့် ဂူပတာတယောက် အသက်ငင်သွားခဲ့ပါတယ်။ ဒီလိုအခြေအနေမျိုးမှာ ရဲတိုင်ရင်လည်း ပတ်ဝန်းကျင်က မိန်းမသားတွေဖြစ်တဲ့ သူတို့ဘက်က ရပ်တည်ပေးမှာမဟုတ်ဘူးဆိုတာ သိနေတဲ့ ရေခါဟာ အိမ်ထောင်ကျပြီး အဝေးမှာနေတဲ့ သမီးကြီးနဲ့ ဆိုရှယ်မီဒီယာပေါ်မှာ အောင်မြင်ချင်နေတဲ့ သမီးငယ်တို့ကို အရေးပေါ်ခေါ်လိုက်ရပါတယ်။ ရန်ခဏခဏဖြစ်တတ်ပြီး စရိုက်မတူကြတဲ့ သားအမိသုံးယောက်ဟာ အိမ်ရှေ့ခန်းထဲက ခန္ဓာကိုယ်ကြီးကို ပတ်ဝန်းကျင်နဲ့ ရဲတွေမသိအောင် ဖုံးကွယ်ဖို့ ကြိုးစားကြတဲ့အခါမှာတော့...။ File size… 1.52 GB / 980 MB Quality…WEB DL 1080p HEVC/ 720p Format…mkv/ mp4 Duration….2h 7m Subtitle….Myanmar Subtitle (Hard Sub)

O'Romeo (2026) "အို... ရိုမီယို" IMDb - 5.8/10 မင်းသားကြီး ရှာဟစ်ကပူးနဲ့ တရီပသီ၊ ဒီရှားတို့လို မင်းသမီးချောနှစ်လက်တို့ ပါဝင်ထားကြပြီးရုံတင်ငွေ ကုဋေ ၁၃၀ဝန်းကျင်ရရှိခဲ့တဲ့ ရုံတင်ကားကြီးကို တင်ဆက်ပေးလိုက်ပါတယ်။၁၉၉၄ခုနှစ် ဘုံဘေမြို့မှာ သင်တုန်းဓားတလက်နဲ့ အပျောက်ရှင်းတတ်တဲ့ကြေးစားလူtတ်သမားကြီး အူစ်တရာ။ထောက်လှမ်းရေးအရာရှိတယောက်ပေါ် ကျေးဇူးကြွေးရှိနေတာမို့တစ်လတခါလောက် လူလိုက်tတ်ပေးနေရတာကို ငြီးငွေ့နေပြီမို့ကျွန်းလေးတကျွန်းဆီ ရှောင်ပြေးဖို့ ကြံစည်နေတဲ့ အူစ်တရာ။အဲဒီလို ကြံစည်နေချိန်မှာပဲ လူလေးယောက်ကို tတ်ပေးဖို့တောင်းဆိုသမျှပေးပါမယ်ဆိုပြီး ရောက်ချလာတဲ့ မုဆိုးမလေးအက်ဖ်ရှန်။တောက်လျောက်ငြင်းလွှတ်နေတဲ့ကြားက မလျော့တဲ့ဇွဲနဲ့ တောင်းဆိုမကတောင်းဆိုလာချိန်မှာတော့ဘာကြောင့် အဲဒီလူတွေကို tတ်ခိုင်းရတာလဲ၊ အဲဒီလူတွေက ဘယ်သူတွေလဲဆိုတာစိတ်ဝင်စားဖွယ် ခံစားကြည့်ရှုကြပါဦး။ File size… 11.8 GB / 2.97 GB / 1.28 Quality…WEB DL 4K / 1080p HEVC/ 720p Format…mkv/ mp4 Duration….2hr 58mins Subtitle….Myanmar Subtitle (Hard Sub)

Dhadak 2 (2025) "အချစ်အတွက် ကာရံထားတဲ့စည်းများ" IMDb (7/10) အခုတင်ဆက်ပြသမယ့် ဟိန္ဒူစကားပြော ဇာတ်ကားလေးတစ်ခုဖြစ်တဲ့ 2 Dhadak မှာ ဇာတ်နိမ့်ဖြစ်တဲ့ မင်းသား နီးလစ်ရှ်က ဘဝအခြေအနေ ကံထူးမသာပေမယ့် နာမည်ကြီးကောလိပ်မှာ ဥပဒေမေဂျာ သွားသင်ဖို့ ဖြစ်လာခဲ့ရင်း ဇာတ်နိမ့်ဖြစ်လို့ အနိုင်ကျင့်ခံရရင်း ဇာတ်မြင့် မိသားစုထဲက မင်းသမီး ဗီဒီရှာနဲ့ ချစ်ကြိုက်သွားခဲ့ပါတယ်။ ဥပဒေအသိုင်းအဝိုင်းဖြစ်တဲ့အပြင် ဇာတ်မြင့်မိသားစုကလည်း ဖြစ်တော့ အနိုင်ကျင့်ဖိနှိပ်ခံရမယ့် အချစ်အတွက် ဆူးဒုက္ခခရီး ပေါ်လာပါတော့တယ်။ ရီဗျူးကောင်းတွေရထားတဲ့အတွက် စိတ်ဝင်စားဖို့ကောင်းမယ်ဆိုတာတော့ ဧကန်မလွဲမသွေပါပဲ။ အချစ်ရဲ့ ခရီးလမ်းက ဇာတ်နိမ့် ဇာတ်မြင့် ခွဲခြားမှုက အရေးပါသလား။ လူတစ်ယောက်ရဲ့ စိတ်နေသဘောထားက ပိုအရေးပါသလား။ ကြိုးစားချင်ပြီး တက်လမ်းကို သွားချင်သည့် နီးလစ်ရှ်တစ်ယောက် ဒီလိုခွဲခြားတာကို ခုခံနိုင်ပါ့မလားဆိုတာ ကြည့်ရမည့်အပြင် ဥပဒေကျောင်းရဲ့ သဘောသဘာဝကိုပါ သိနားလည်သွားမယ့်ကားဖြစ်တာကြောင့် ကြည့်ရှုပေးကြပါဦး File size… 2.1 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 22m Subtitle….Myanmar Subtitle (Hard Sub)

Bhool Bhulaiyaa 3 (2024) "၀င်္ကပါ" IMDb - 5.1/10 အရှေးကူးမားစခဲ့တဲ့ ထိတ်လန့်ခြောက်ခြားဖွယ်ရာ ဟာသရုပ်ရှင်ကြီးရဲ့ သုံးကားမြောက်အသစ်စက်စက်ကို တင်ဆက်ပေးလိုက်ပါတယ်။ ဒီရုပ်ရှင်မှာတော့ နှစ်ကားမြောက်ရုပ်ရှင်က မင်းသားချောကာသစ်နဲ့ မင်းသမီးတရီပတီဒင်မ်ရီတို့ ပါဝင်ထားပါတယ်။ အပနှင်တဲ့ ပယောဂဆရာကြီးဘာဘာအဖြစ် လူတွေကို လိမ်စားနေတဲ့ ရူဟန်တစ်ယောက် ဒီတစ်ခါကြုံရမှာက ရော့တ်ခတ်တိုင်းပြည်က နန်းတော်ကြီးမှာရှိတဲ့ သရဲပါ။ ငြင်းလို့မရတဲ့ အကြောင်းပြချက်တွေနဲ့ နန်းတော်ကြီးဆီလိုက်သွားတဲ့အခါမှာ သွားတိုက်ဆေးတစ်ဘူးကို တစ်နှစ်သုံး၊ နွားကို နို့ပြန်တိုက်ပြီး ကိုယ်ရံတော်ကို ပြန်စောင့်ရှောက်နေကြတဲ့ တော်ဝင်မိသားစုကြီးနဲ့ ကြုံရဆုံရပါတယ်။ ဘယ်လိုအလွဲတွေနဲ့ ရယ်ရမောရပြီး ဘယ်လိုတွေ ခြောက်လှန့်မလဲဆိုတာကို ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်။) File size… 3 GB / 1.56 GB Quality…WEB DL 1080p HEVC/ 720p Format…mkv/ mp4 Duration….2h 38m Subtitle….Myanmar Subtitle (Hard Sub) Encoder….YK Translated by CM Bollywood Team

Vicky Vidya Ka Woh Wala Video (2024) "ဗစ်ကီ-ဗစ်တရာနဲ့ အမှု‌ပွေတဲ့ဗီဒီယိုစီဒီ)" တဝါးဝါးတဟားဟားနဲ့ အချစ်ဟာသကားကိုမှ ကြည့်ချင်တဲ့ ပရိသတ်ကြီးအတွက် IMDb 5.9/10 rating ရထားတဲ့ ဟင်ဒီဇာတ်လမ်းကောင်းလေးတစ်ပုဒ်နဲ့ မိတ်ဆက်ပေးချင်ပါတယ်။ ‌ဗစ်ကီဟာ ပျော်ပျော်ပါးပါးလွတ်လွတ်လပ်လပ်နေတတ်တဲ့ ဒန်းဆိုးဆရာလေးတစ်ယောက်ပါ။ သူ့ချစ်သူကတော့ ဆရာ၀န်မလေး ဗစ်တရာပေါ့။ တစ်နေ့ ဗစ်ကီခရီးသွားရာက ပြန်ရောက်တဲ့အခါ ဗစ်တရာရဲ့ စေ့စပ်ပွဲသတင်းကို ကြားရပါတော့တယ်။ ဒါပေမဲ့ ဗစ်ကီတစ်ယောက် အသည်းကွဲပြီး မှိုင်နေမယ်တော့ မထင်ပါနဲ့။ စေ့စပ်ပွဲမှာ စားစရာတွေ တစ်ပွဲပြီးတစ်ပွဲ တွယ်နေတာပါ။ စေ့စပ်ပွဲရဲ့အရေးကြီးတဲ့အချိန်ကို ရောက်လာတဲ့အခါကျမှ ဗစ်ကီတစ်ယောက် ဗရုတ်ကျပြီး ပညာသားပါပါ နှောင့်ယှက်ပါတော့တယ်။ ဒီလိုနဲ့ အဲဒီစေ့စပ်ပွဲပျက်သွားပြီး ‌အဆင့်အတန်းချင်းမတူတဲ့ ဗစ်ကီနဲ့ဗစ်တရာတို့နှစ်ဦး ပေါင်းဖက်ရဖို့ အကြောင်းဖန်လာပါတယ်။ ဒါပေမဲ့ သူတို့ဇာတ်လမ်းက ဒီမှာပြီးမသွားပါဘူး။ သူတို့လက်ထပ်ပြီးနောက်မှာတော့ သူတို့ရဲ့ လျှို့ဝှက်ဗီဒီယိုစီဒီ အခိုးခံလိုက်ရပါ‌တယ်။ ဇာတ်လမ်းက အဲဒီမှာစတာပါ။ ‌အဲဒီ‌နောက်မှာ သူတို့နှစ်ဦးသား အဲဒီလျှို့ဝှက်ဗီဒီယိုစီဒီကို ဘယ်လိုပြန်ရှာယူကြမလဲ၊ အိမ်ထောင်ရေးခရီးလမ်းမှာ ဘယ်လိုပြဿနာတွေကြုံရမလဲဆို ဟာသလေးတွေနှောပြီး ပေါ့ပေါ့ပါးပါးနဲ့ စိတ်၀င်စားစရာ ကြည့်ရမှာ စိတ်အပန်းပြေစေမဲ့ ဇာတ်လမ်းတစ်ပုဒ်ပါ။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ CM Bollywood team ပါ။) File size…3.23 GB / 1.6 GB  Quality…WEB DL 1080p HEVC / 720p Format…mkv/mp4 Duration….2h 32m Subtitle….Myanmar Subtitle (Hard Sub) Encoder….YK Translated by CM Bollywood Team

Bad Newz 2024 ဖူးစာရွာလည် Imdb 6/10 ၁၉နှစ်အရွယ် ဘရာဇီးအမျိုးသမီးတစ်ဦးဖြစ်ပျက်ခဲ့တာကို အခြေခံရိုက်ကူးထားတဲ့ ဖြစ်ရပ်မှန်ရုံကားတစ်ကားတင်ဆက်ပေးချင်ပါတယ် ကုဋေ၈၀သုံးထားပြီး ရုံတင်ငွေအနေနဲ့ ကု‌ဋေ၁၁၅.၇၄ ပြန်လည်ရရှိထားတဲ့အပြင် အပေါက်ဆုံး၄ကားမြောက်ဇာတ်ကားဖြစ်လာခဲ့ပါတယ် ဒီကားထဲမှာ မင်းသားချောဗစ်ကီ ပါဝင်သရုပ်ဆောင်ထားပြီး အသည်းထဲကစွဲရတဲ့ မင်းသမီးလေးTriptii Dimri ကလည်း အစွမ်းကုန်လှပပေးထားပါသေးတယ် ဖအေမတူဘဲ အမြွှာမွေးဖွားခြင်း ဒီသတင်းကအိန္ဒိယတစ်ဝှမ်းဟိုးလေးတကျော်ကျော်ဖြစ်နေပါတယ် ဒီဇာတ်လမ်းကိုရုပ်ရှင်ပြန်လည်ရိုက်ကူးဖို့ ကာယကံရှင်ဆီသွားရောက်မေးမြန်းခဲ့ပြီး အသေးစိတ်နောက်ကြောင်းပြန်ပေးထားတာပါ ဇာတ်လမ်းကတော့ ဘောစိမိသားစုမင်္ဂလာပွဲကစခဲ့ပါတယ် သမီးရှင်တွေ သားရှင်တွေက ကိုယ့်သားသမီးကိုပွဲထုတ်ကြတဲ့ပွဲတစ်ခုဆိုလည်း မမှားဘူးပေါ့ရှင် ဒီပွဲမှာ အာခေးလ်နဲ့ ဆာလိုနီတို့တွေ့ခဲ့ကြတယ် နှစ်ဦးသားက Sagittarius နဲ့ Gemini ဆိုတော့ လိုက်ဖက်ညီတယ်ဆိုပြီး ၂ဖက်မိဘကလည်းသဘောကျတဲ့အပြင် အတိုင်အဖောက်လည်းညီကြတဲ့ စိတ်တူကိုယ်တူသူတို့၂ယောက် တွေ့တွေ့ချင်းပဲစွဲလမ်းမိသွားလို့ အာခေးလ်တစ်ယောက် အားကြိုးမာန်တက်လိုက်ပါတော့တယ် ဒါပေမဲ့လည်းဆာလိုနီ့အိပ်မက်က စားဖိုမှူး‌တွေအတွက် အမြင့်ဆုံးဆုကို ဆွတ်ခူးနိုင်ဖို့ပါ ပန်းတိုင်မရောက်ခင် လမ်းမှာဝင်တိုက်မိတဲ့ ခလုတ်တံသင်းလေးအာခေးလ်နဲ့တွေ့မိတော့ သူ့အိပ်မက်တွေကို အကောင်အထည်ဖော်နိုင်ပါဦးမလား အဖေမတူတဲ့အမြွှာဇာတ်လမ်းကရော ဘယ်လိုဖြစ်တည်လာမလဲဆိုတာကိုတော့... ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ) File size…2.3GB / 1.1GB Quality…WEB DL 1080p HEVC / 720p Format…mkv/ mp4 Duration….2h 22m Subtitle….Myanmar Subtitle (Hard Sub) Encoder….YK Translated by CM Bollywood Team

မန်ဂျူရှီတို့မိသားစုဟာ မျိုးရိုးစဉ်ဆက် ဂီတပါရမီရှိကြသူတွေပါ။ ဒီမိသားစုထဲက အူမီဟာ အမွှာကိုယ်ဝန်လွယ်ခဲ့ပေမယ့် မွေးလာတဲ့အခါ သမီးလေး ကွာလာတစ်ယောက်ပဲ အသက်ရှင်ခဲ့ပါတယ်။ အမွှာတွေမှာ အားနည်းတဲ့ကလေး အသက်မရှင်တာမျိုး ဖြစ်တတ်ကြောင်း ဆရာဝန်က ရှင်းပြပေမယ့် အူမီက လက်မခံနိုင်ခဲ့ဘူး။ သားလေးသေဆုံးရတာ သမီးကြောင့်လို့ ယူဆပြီး ကွာလာ့ကို မေတ္တာမပေးခဲ့ပါဘူး။ ကွာလာ အရွယ်ရောက်လာတော့ အမေက မိသားစုအမွေဖြစ်တဲ့ ဂီတပညာကို သင်ပေးပါတယ်။ ဒါပေမယ့် သမီးရဲ့အရည်အချင်းကိုတော့ အထင်မကြီးဘဲ မိဘမဲ့ကောင်လေး ဂျာဂန်ရဲ့ အသံနဲ့ပါရမီကို သဘောကျနေခဲ့တယ်။ အမေရဲ့အသိအမှတ်ပြုမှုကို လိုချင်တဲ့ ကွာလာအတွက် ဝမ်းနည်းအားငယ်စရာ ဖြစ်လာတာပေါ့။ နှစ်တွေကြာလာတဲ့အခါ ကွာလာဟာ ရွှေဓာတ်ပြားဆုတွေ ရရှိတဲ့အထိ အောင်မြင်လာပြီး ဂီတလောကမှာ စံပြတစ်ယောက်အဖြစ် လေးစားခံရလာပါတယ်။ ဒါပေမယ့် အမေဆီက ချီးကျူးစကားကိုတော့ မကြားရသေးဘူး။ အဲဒီလိုအောင်မြင်နေချိန်မှာပဲ အသံတွေ ကြားယောင်လာသလို မှန်ထဲကပုံရိပ်တစ်ခုက သူ့အောင်မြင်မှုတွေကို ဝင်ယူမယ့်အလား ခြောက်လှန့်လာပါတယ်။ အမေရဲ့ချီးကျူးစကားရဖို့ ကွာလာ ဘယ်လိုဆက်ကြိုးစားမလဲ၊ မှန်ထဲကပုံရိပ်က ဘယ်သူလဲ၊ ဘာကြောင့် သူ့ကို ခြောက်လှန့်နေတာလဲ။

Laila Majnu (2018) ကိန္ဒရီ ကိန္ဒရာ ဒဏ္ဍာရီ Genre – Drama, Romance IMDB – 7.7/10 ၇ ရာစုလောက်မှာ Layla and Majnun ဆိုတဲ့ အာရေဗျ အချစ်ပုံပြင်လေးတစ်ပုဒ် ရှိခဲ့တယ်။ ခုထက်ထိ ခေတ်အဆက်ဆက် လက်ဆင့်ကမ်းပြီး ပါရှားဒေသ၊ အာရေဗျဒေသနဲ့ အာရှတစ်လွှား လူတိုင်းက ပြောဆိုခဲ့ကြတဲ့ ရှေးဟောင်းရိုးရာ ပုံပြင်လေးတစ်ပုဒ်ပေါ့။ အချစ်ပုံပြင်လေးသာဆိုတာပါ ပျော်ရွှင်စရာအတိချည်းပဲတော့ ဖြစ်မနေပါဘူး ဆရာကြီး ရှိတ်စပီးယားရဲ့ ရိုမီယိုနဲ့ ဂျူးလိယက်ဆန်ဆန်ပဲ ပြောရမှာပေါ့လေ။ ဒါပေမဲ့ ဒီပုံပြင်လေးဟာ ကြီးမားလှတဲ့ အချစ်စွမ်းအားတွေ၊ ကွဲကွာခြင်းရဲ့ သေလုမတတ် နာကျင်ရခြင်းတွေ၊ အသိုင်းအဝိုင်းတွေရဲ့ ကန့်သတ်မှု ပညတ်ချက်တွေကို မီးမောင်းထိုးပြထားတာပါ။ ဒီ ရိုးရာပုံပြင်လေးကိုပဲ အိန္ဒိယနိုင်ငံရဲ့ အေးချမ်းသာယာလှပတဲ့ ကက်ရှမီးယားပြည်နယ်မှာ အခြေပြုပြီး ယနေ့ခေတ်ကာလအတိုင်း ပြန်လည် ဆန်းသစ်ထားတဲ့ အချစ်ရုပ်ရှင်လေး ဖြစ်ပါတယ်။ လိုင်လာဆိုတာက စိတ်ကူးယဉ်ဆန်ဆန် အချစ်ရဲ့အကြောင်းတွေကို တွေးတောမှိန်းမောပြီး ရင်ခုန်နေတဲ့ လှပချောမောတဲ့ မိန်းမပျိုလေးတစ်ယောက်။ ထူးဆန်းတဲ့ အိပ်မက်တစ်ခုကိုလည်း ထပ်ခါတလဲလဲ မက်လို့ပေါ့လေ။ တစ်မြို့လုံးက ကာလသားတွေကလည်း အရူးအမူး ဝိုင်းပိုးပန်းတာခံရပြီး အလှဂုဏ်လေးတဝင့်ဝင့်နဲ့ ရှိနေတဲ့သူ။ ဒီအချိန်မှာ လိုင်လာ့အချစ်ဆိုတဲ့ ပြိုင်ပွဲလေးထဲကို ဝင်ရောက်လာသူက သူများတွေနဲ့ မတူပဲ တစ်မူထူးခြားသူ ဖြစ်နေခဲ့တယ်။ မြို့မျက်နှာဖုံးရဲ့ သားတစ်ယောက်၊ ချမ်းသာကြွယ်ဝပြီး အလိုလိုက်ခံထားလို့ ပျက်စီးနေတယ်၊ မူးယစ်ဆေး မိန်းမ လောင်းကစား အကုန်လုပ်တယ် စသဖြင့် မကောင်းသတင်း ကောလဟာလတွေနဲ့ နာမည်ဆိုး ရထားသူ ကာစီပေါ့။ ဒီလိုနဲ့ ထူးခြားသစ်လွင်တဲ့ အချစ်ဇာတ်လမ်းလေး ဖူးပွင့်လာမယ့်အချိန်မှာ မိဘပတ်ဝန်းကျင် အခြေအနေ အဆင့်အတန်း အာဃာတ ပညတ်ချက် စတဲ့ ဒေဝါမုန်တိုင်းတွေ ဝင်ရောက်လာခဲ့ချိန်မှာတော့…….။ ကက်ရှမီးယားပြည်နယ်ရဲ့ သာယာလှပတဲ့ ရှုခင်းတွေ ရှုမငြီးလှတဲ့ မင်းသား မင်းသမီးလေးတွေကို သာယာနာပျော်ဖွယ် သံစဉ်လေးတွေနဲ့အတူ ချိုခါးခါး ဖျော်စပ်ထားတဲ့ အချစ်တစ်ခွက်ကို သောက်သုံးကြည့်လိုက်ရအောင်ဗျာ။ (အညွန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်) File size… 2.26GB / 1GB Quality…WEB DL 1080p / 720p Format…mp4 Duration….2h 20m Subtitle….Myanmar Subtitle (Hard Sub) Encoder….YK Translated by CM Bollywood Team

2017 မှာထွက်ခဲ့သမျှ Bollywood ကားတွေမှာ အားရစရာ သိပ်မတွေ့ခဲ့ဘူး အထူးသဖြင့် တကယ့် ဂရိတ်ကြီးတွေရဲ့ ကားတွေ တော် မျှော်လင့်သလို ဖြစ်မလာခဲ့ဘူး (Akshay ရဲ့ Toilet တော့မကြည့်ရသေး) Badrinath Ki Dulhania လေးတော့ မဆိုးပါဘူး ဒီတစ်ခါ Bollywood ပရိတ်သတ်ကြီးကို တင်ဆက်ပေးမှာကတော့ မင်းသမီးကြီး Sridevi ရဲ့ Mom ဆိုတဲ့ ဇာတ်ကားပါပဲ့ English Vinglish မှာ ထူးထူးခြားခြား သတိထားမိတာပါ ( တခြားကားတွေ မကြည့်ဖူး ) ဒီကားထဲမှာလည်း သရုပ်ဆောင်သွားတာ သိပ်ကောင်းလွန်းလို့ မျက်ရည်ဝဲမိတဲ့ အထိပါပဲ့ အမေတစ်ယောက်ရဲ့ မေတ္တာ ဂရုဏာ ဒေါသ အားလုံးကို ကျွန်တော့်တို့ကို ချပြသွားနိုင်ပါတယ် မိခင် ဖြစ်ထားတဲ့ သူတွေ မိခင်ဖြစ်လာမည့် သူတွေ တွေ သမီးမိန်းကလေးတွေ သမီးရှင်တွေ လက်လွတ်မခံပဲ ကြည့်ထားသင့်တဲ့ ပညာပေး ဇာတ်ကား တစ်ကားပါ။ IMDB 7.4/10 ထိ ရရှိထားတာဆိုတော့ ကောင်းမကောင်း ပြောမနေတော့ပါဘူး ဒါ့အပြင် သဘာဝမင်းသားကြီး Nawazuddin Siddiqui ကလည်း အထူးသရုပ်ဆောင် အဖြစ်ပါဝင်ထားပါတယ်။ ဇာတ်လမ်းလေးကို ပြောရမယ်ဆိုရင့် ဒေ့ဗ်ကီဆိုတဲ့ ကျောင်းဆရာမ တစ်ယောက်ဟာ ခင်ပွန်းနဲ့ သမီးလေး နှစ်ယောက်နဲ့ ပျော်ရွှင်ဖွယ်ဘဝလေးကို ဖြတ်သန်းနေတာပါ။ ပြသနာ ရှိတာဆိုလို့ သမီးနှစ်ယောက်ဆိုတဲ့ အထဲမှာ သမီးအကြီးက လင်ပါသမီးပါ့ လင်ပါသမီး ဖြစ်ပေမယ့် ကိုယ့်သမီးအရင်းလို သဘောထားပြီး မေတ္တာတွေ ပေးခဲ့တယ့် ဘယ်တော့မှ ခွဲခြားခွဲခြား မဆက်ဆံခဲ့ပါဘူး ဒါပေမဲ့ အာယာ့ အာယာကတော့ အဖေဖြစ်သူ နောက်မိန်းမယူလိုက်ပေမယ့် မိမိ အမေဖြစ်သူ့ကို အခုချိန်ထိ မမေ့နိုင်သေးပဲ အမေ့နေရာကို တခြား တစ်ယောက်ကို အစားထိုးလို့ မရနိုင်သေးဘူး " အမေတစ်ယောက်ရဲ့ ဘဝမှာ သမီးတစ်ယောက်ဆိုတာ ရှိစမြဲပဲ့ ဒါပေမဲ့ သမီးတစ်ယောက်အတွက်တော့ အမေဆိုတာ အစားထိုးလို့ မရဘူး " အဆင်မပြေလှတဲ့ အာယာကို ကလေးမို့ အတတ်နိုင်ဆုံး လိုက်လျောပြီး တနေ့ အဆင်ပြေသွားမှာပါဆိုတဲ့ စိတ်နဲ့ ရှေ့ဆက်နေ့တဲ့ ဒေ့ဗ်ကီ တို့ ဘဝထဲကို မထင်မှတ်ထားတဲ့ ကံကြမ္မာဆိုးကြီး ကျရောက်လာပါတော့တယ့် အာယာ တစ်ယောက် ချစ်သူများနေ့ ပါတီပွဲကအပြန် အဓမ္မကျင့်ခံလိုက်ရပါတယ့် တရားခံတွေကို ဖမ်းမိပေမယ့် လူယုတ်မာတွေဟာ ခြေရာလက်ရာ ဖျောက်ကာ သက်သေတွေကို ဖျက်စီးခဲ့တဲ့အတွက် တရားဥပဒေအရ အပြစ်ပေးလို့ မရပါဘူး တရားသေ ပြန်လွှတ်ပေးခဲ့ရပါတယ့် ဒီအခါမှာတော့ အမေတစ်ယောက်က သမီးတစ်ယောက်အတွက် အကြွေးကို ကိုယ်တိုင် သိမ်းယူဖို့ ဖြစ်လာခဲ့ပါတော့တယ် " ဘုရားကို ယုံကြည်ပါ အစစအရာရာ အဆင်ပြေသွားလိမ့်မယ် ဘုရားက နေရာတကာမှာ ရှိမနေနိုင်ပါဘူးရှင် သိတယ်လေ ဒါကြောင့်ပဲ အမေတွေကို ဖန်ဆင်းထားတာပေါ့ " (ဇာတ်လမ်းအညွှန်းနဲ့ဘာသာပြန်က ကိုဇော်ထူးပါ။) File Size : (1.1 GB) Quality : Blu-Ray 720p Running Time : 2hr 26min Format : Mp4 Genre :Drama, Thriller Subtitle : Myanmar Subtitle (Hard Sub) Source : BluRay.x264.AC3.5.1.-.Hon3y Translated by Zaw Htoo Encode by Thanhtike Zaw