Ty Simpkins ပါဝင်သော ဇာတ်ကားများ

The Isolate Thief (2026) IMDb Rating (7.6) / Rotten Tomatoes (67%) ဒီဇာတ်ကားကတော့ Action, Drama နဲ့ Western Thriller အမျိုးအစား ရုပ်ရှင်ဇာတ်ကားပဲ ဖြစ်ပါတယ်။ ဒါရိုက်တာ John Suits က ရိုက်ကူးထားပြီး သရုပ်ဆောင်တွေအဖြစ် Mackenzie Foy, Sean Bean, Odeya Rush, Jack Kesy နဲ့ Ty Simpkins တို့က ပါဝင်သရုပ်ဆောင်ထားကြပါတယ်။ အမေရိကန် ပြည်တွင်းစစ် ကာလရဲ့ အလွန်အမင်း အေးစက်လှတဲ့ ဆောင်းရာသီ ရာသီဥတုကြီးထဲမှာ Ada ဆိုတဲ့ အမျိုးသမီးငယ်လေးဟာ သီးခြားခွဲထွက်နေတဲ့ ပြည်ထောင်စု တပ်မတော် စခန်းတစ်ခုမှာ တစ်ယောက်တည်း စခန်းစောင့်အဖြစ် နေထိုင်နေရရာကနေ ဇာတ်လမ်းစတာပါ။ တစ်နေ့မှာတော့ မထင်မှတ်ဘဲ ခိုးယူခံထားရတဲ့ ရွှေအမြောက်အမြားဟာ သူမရဲ့ စခန်းဆီ မတော်တဆ ရောက်ရှိလာခဲ့ပါတယ်။ အဲဒီနောက်မှာတော့ အဲဒီရွှေတွေကို လိုက်လံရှာဖွေနေတဲ့ ရက်စက်ကြမ်းကြုတ်တဲ့ ဓားပြဂိုဏ်းတစ်စုဟာ သူမ နေထိုင်ရာ စခန်းကို သိမ်းပိုက်လိုက်ကြပါတော့တယ်။ အကူအညီမဲ့နေတဲ့ ခါးသီးလှတဲ့ ဆောင်းရာသီ ပတ်ဝန်းကျင်ကြီးထဲမှာ Ada ဟာ သူ့ဆီ ရောက်နေတဲ့ ရွှေတွေကို ဓားပြတွေ မသိအောင် ဝှက်ထားရင်း၊ တစ်ချက်မှားတာနဲ့ အသက်ဘေးကြုံနိုင်တဲ့ ထိတွေ့ဆက်ဆံမှုတွေကြားထဲကနေ ဉာဏ်ဆင်ပြီး ယှဉ်ပြိုင်တိုက်ခိုက်သွားရမယ့် သည်းထိတ်ရင်ဖို ဇာတ်လမ်းမျိုးပါပဲ။ ဒီဇာတ်ကားဟာ Old Henry ရုပ်ရှင် ထုတ်လုပ်သူတွေက ဖန်တီးထားတာဖြစ်လို့ Western အငွေ့အသက် အပြည့်နဲ့ ဇာတ်လမ်းဆင်ထားတာ ဖြစ်ပါတယ်။ မင်းသမီး Mackenzie Foy နဲ့ မင်းသားကြီး Sean Bean တို့ရဲ့ အပြန်အလှန် ဉာဏ်စမ်းကစားမှုတွေနဲ့ အမေရိကန်ပြည်တွင်းစစ်နောက်ခံ ရုပ်ရှင်ကောင်းတစ်ကားပဲဖြစ်ပါတယ်။ File size… (4.1 GB) / (1 GB) / (690 MB) Quality…. WEB-Rip 4K HEVC / 1080p HEVC / 720p Format…. mkv/mp4 Genre…. Action,Drama,Western Duration…. 01:36:59 Subtitle…. Myanmar Subtitle (Hardsub)

Insidious: The Red Door(2023) နာမည်ကျော် သရဲကား ရုပ်ရှင်တွဲတွေဖြစ်တဲ့ Insidious ရုပ်ရှင်တွေထဲက နောက်ဆုံးထွက် ၅ ရုပ်ရှင်ဖြစ်ပါတယ်။ လိပ်ပြာလွှင့်ရာကနေ ပရလောက မကောင်းဆိုးဝါးတွေနဲ့ ကြုံရပုံကို အခြေခံထားတဲ့ ဇာတ်လမ်းတွေပါပဲ။ ၅ ကားရဲ့နာမည်တွေကတော့ Insidious 2011 Insidious: Chapter 2 2013 Insidious: Chapter 3 2015 Insidious: The Last Key 2018 Insidious: The Red Door 2023 တို့ပါပဲ။ ဒီငါးကားထဲမှာ ဘယ်သူ့မေးမေး ပထမဆုံး ရုပ်ရှင်က ကြောက်စရာအကောင်းဆုံးလို့ ပြောမှာပါပဲ။ ကျန်တဲ့ရုပ်ရှင်တွေလည်း မဆိုးလှပေမဲ့ ဂျိမ်းစ်ဝန် ရိုက်ခဲ့တဲ့ ပထမဆုံးရုပ်ရှင်ကိုတော့ မမီကြပါဘူး။ ဒီကားကတော့ အရင်ဒါရိုက်တာတွေမဟုတ်ဘဲ ဒီရုပ်ရှင်ရဲ့ ခေါင်းဆောင်မင်းသား Patrick Wilson ကိုယ်တိုင် ပထမဆုံး ဒါရိုက်တာလုပ်ပြီး ရိုက်ကူးထားတာဖြစ်ပါတယ်။ ဇာတ်လမ်းအကျဉ်း ဂျော့ရှ် နဲ့ ဒေါ်တန် တို့ သားအဖဟာ ကိုမာဝင်ခဲ့တဲ့ကိစ္စရယ် သရဲပူးပြီး မိသားစုကိုပြန်ရန်ရှာတဲ့ကိစ္စတွေရယ်ကို မေ့ပျောက်ဖို့အိပ်မွေ့ချဆရာအကူအညီနဲ့ မှတ်ဉာဏ်တွေကို မသိစိတ်ထဲမှာ ဖုံးကွယ်ထားလိုက်ကြပါတယ်။ ဒီလိုနဲ့ ၉ နှစ်ကြာလာတဲ့အထိ အဲဒီတုန်းကအဖြစ်တွေကို ဝေဝေဝါးဝါးနဲ့သတိမရဘဲ နေထိုင်လာကြတာပါ။ ဒါပေမဲ့ သားအကြီး ဒေါ်တန် ကောလိပ်တက်ရတဲ့အချိန်ရောက်လာပြီး ကောလိပ်မှာ ထူးဆန်းတာတွေနဲ့ စကြုံလာတဲ့အခါ... ဂျော့ရှ် ကလည်း သူ့ရဲ့အတိတ်ကို ပြန်မှတ်မိဖို့ ကြိုးစားရင်းနဲ့ ကြောက်စရာတွေကြုံတွေ့လာတဲ့အခါ... သားအဖနှစ်ယောက်အတင်းမေ့ပစ်ထားတဲ့ အတိတ်ကို ပြန်ရင်ဆိုင်ရပါတော့တယ်။ File size : 2.37 GB & 1.3GB &420MB Quality : WEB-DL 4K , 1080p 5.1Ch, 720p Format : mp4 Duratio : 1h 47min Genre : Horror, Mystery, Thriller Subtitle : Myanmar Subtitle (Hard Sub) Translated by Mr.Anderson Encoded by Phyo Pyae , Thit San Khant

The Whale ထဲက အင်္ဂလိပ်စာဆရာတစ်ယောက်ဟာ ကိုယ်အလေးချိန် ပေါင် ၆၀၀ ရှိပြီး အဝလွန်ခြင်းနဲ့အတူ အရေပြားအနာအမျိုးမျိုးကိုပါ ခံစားနေရသူပါ။ သူ့မှာ ဇနီးဟောင်းတစ်ယောက်၊ သမီးတစ်ယောက်နဲ့ သူငယ်ချင်းတစ်ယောက် ရှိတယ်။ သူ့ဘဝမှာ ရှိခဲ့ဖူးတဲ့ ကောင်လေးတစ်ယောက်ကတော့ အခု မရှိတော့ပါဘူး။ သူ့စကားအရ အဲဒီနောက်မှာပဲ ကိုယ်အလေးချိန်တွေ တက်လာခဲ့တာပါ။ သူ သိပ်နှစ်သက်တဲ့ စာတစ်ပုဒ်က မိုဗီဒစ်ဝတ္ထုအကြောင်း ရေးထားတဲ့ အက်ဆေးပါ။ ဝေလငါးကို သတ်ဖို့ ဘဝရည်မှန်းချက်ထားတဲ့ ကပ္ပတိန်အာဟတ်နဲ့ သူသတ်ချင်နေမှန်းတောင် မသိတဲ့ ဝေလငါးအကြောင်းကို အက်ဆေးထဲမှာ ပြောထားတယ်။ ဝေလငါးကို သတ်နိုင်ရင် ဘဝအဓိပ္ပာယ်ရှိလာမယ်လို့ ထင်နေတဲ့ အာဟတ်ကိုလည်း စာရေးသူက သနားနားလည်ပေးထားပါတယ်။ ဝေလငါးအကြောင်း အသေးစိတ်ဖော်ပြတဲ့ ပျင်းစရာအပိုင်းတွေကိုတောင် ရှေ့မှာလာမယ့် ဝမ်းနည်းစရာတွေကနေ စာဖတ်သူကို ခဏနားခွင့်ပေးထားတာလို့ အဲဒီအက်ဆေးက မြင်ထားတာပါ။ သူ့အခြေအနေ ဆိုးလာပြီး သေတော့မလို ဖြစ်တဲ့အချိန်တွေမှာ ဒီအက်ဆေးကို ဖတ်ပြပေးဖို့ တောင်းဆိုတတ်တယ်။ ဇာတ်ကောင်တွေကို နားလည်ဂရုစိုက်ပေးတဲ့ အဲဒီစာရဲ့ အရေးအသားဟာ လူတွေ တစ်ယောက်ကိုတစ်ယောက် ဂရုမစိုက်ဘဲ မနေနိုင်ဘူးဆိုတဲ့ သူ့အမြင်နဲ့လည်း နီးစပ်နေပါတယ်။ အင်္ဂလိပ်စာနဲ့ စကားလုံးတွေကို ချစ်တဲ့သူ့အတွက် အက်ဆေးတွေဟာ အသက်မွေးဝမ်းကျောင်းရဲ့ အစိတ်အပိုင်းလည်း ဖြစ်တယ်။ ကျောင်းသားတွေရဲ့ အရေးအသားမှာ သူလိုချင်တာက သင်ခန်းစာနဲ့ အမှတ်ပေးအလုပ်ထက် ရိုးသားမှုပါ။ ဒါပေမယ့် သူကိုယ်တိုင်လည်း အမြဲတမ်း ရိုးသားနိုင်ခဲ့သူတော့ မဟုတ်ဘူး။ သမီးဖြစ်သူက သူ့ဓာတ်ပုံကိုတင်ပြီး ငရဲမီးထဲရောက်ရင် အဆီတွေထွက်လာလိမ့်မယ်လို့ ရက်ရက်စက်စက် ရေးတဲ့အခါမှာတောင် သမီးရဲ့ စာအရေးအသားကို သူက ချီးကျူးတယ်။ သူမသေခင် မှန်ကန်တဲ့အရာတစ်ခုခု လုပ်သွားချင်ပြီး သမီးကိုလည်း သူများက ဂရုစိုက်ပေးသလို သူကလည်း သူများကို ပြန်ဂရုစိုက်ပေးနိုင်တဲ့ ပတ်ဝန်းကျင်မှာ နေစေချင်ပါတယ်။

Marvel Cinematic Universe: Phase Three ကတော့ MCU ရဲ့ အကောင်းဆုံးအစိတ်အပိုင်းလို့ဆိုရတဲ့အထိ လူကြိုက်များပြီး ထောင့်စေ့ခဲ့ပါတယ်။Phase 3 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်နဲ့ မျက်နှာချင်းဆိုင်ဖိုက်ကြတဲ့အထိ ကြမ်းကုန်ကြပါပြီ။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 3 မှာတော့ ရုပ်ရှင် ၁၁ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Captain America: Civil War (2016) Doctor Strange (2016) Guardians of the Galaxy Vol. 2 (2017) Spider-Man: Homecoming (2017) Thor: Ragnarok (2017) Black Panther (2018) Avengers: Infinity War (2018) Ant-Man and the Wasp (2018) Captain Marvel (2019) Avengers: Endgame (2019) Spider-Man: Far From Home (2019) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Avengers: Endgame (2019) IMDb Raing (8.4) / Rotten Tomatoes (94%) "Avengers: Endgame" သည် MCU Phase 3 ရဲ့ အထွတ်အထိပ်နဲ့ Infinity Saga ရဲ့ အဆုံးသတ်ဇာတ်ကားဖြစ်ပြီး၊ 11 နှစ်တာ MCU ဇာတ်လမ်းတွဲရဲ့ နိဂုံးချုပ်အဖြစ် ရပ်တည်ကာ ရုပ်ရှင်သမိုင်းမှာ အကြီးကျယ်ဆုံး box office အောင်မြင်မှုများ ရရှိခဲ့ပါတယ်။ "Infinity War" မှာ Mad Titan ဖြစ်တဲ့ Thanos ဟာ စကြဝဠာကြီး အဓွန့်ရှည်ဖို့ Infinity Stones အနန္တကျောက်တုံးတွေကိုသုံးပြီး သက်ရှိ တစ်ဝက်တိတိကို ဖျောက်ပစ်ခဲ့ပါတယ်။ ဒီအဖြစ်အပျက်ပြီး 5 နှစ်အကြာမှာတော့ ကျန်ရစ်သူ Avengers များဟာ အချိန်ခရီးသွားပြီး Infinity Stones များကို ပြန်လည်စုဆောင်းပြီး Snap ကို ပြန်ဖျက်မယ့် မဟာဗျူဟာကိုကြံဆောင်တဲ့အခါ Thanos နဲ့ ဘယ်လိုထိပ်တိုက်တွေ့ကြမလဲဆိုတာ အံ့ဩဘနန်းကြည့်ရှုရမယ့် စူပါဟီးရိုးသမိုင်းရဲ့ အကြီးကျယ်ဆုံးသော ရုပ်ရှင်ကားဖြစ်ပါတယ်။ Budget $356-400 million ကုန်ကျခဲ့ပြီး Box office ဝင်ငွေ $2.799 billion ထိပြန်လည်ရရှိခဲ့တာကြောင့် အအောင်မြင်ဆုံး MCU ဇာတ်ကားဖြစ်လာပါတယ်။ Infinity Stones အကြောင်းတွေနဲ့ MCU အကြောင်းကို အကြမ်းဖျဉ်းမိတ်ဆက်ရရင် Marvel Universe မှာ Infinity Stone လို့ ခေါ်တဲ့ စွမ်းအား အကြီးဆုံး ကျောက်တုံး(၆) လုံးရှိပါတယ်။ အဲဒီကျောက်တုံးတွေဟာ စကြဝဠာအနှံ့မှာ ပြန့်ကျဲနေပါတယ်။ ကျောက်တုံးတစ်တုံးချင်းစီမှာ သီးခြားအစွမ်းတွေ ရှိပြီး သာမာန်လူတွေ ကိုင်တွယ်သုံးစွဲဖို့ မဖြစ်နိုင်သလောက်ပါပဲ။ Infinity War ရဲ့ အဓိက ဗီလိန်ဖြစ်တဲ့ Mad titan လို့ခေါ်ကြတဲ့ Thanos က ဒီကျောက်တုံးတွေကို စုစည်းပြီး စကြဝဠာကို သူ့သဘောအတိုင်းဖန်တီးဖို့ကြိုးစားပါလိမ့်မယ်။ ဒါကို Avengers( Captain America, Iron Man, Hulk, Thor, Black Widow, Hawkeye, Vision,Scarlet Witch,Antman,Falcon) တို့နဲ့ Spiderman, Doctor Strange, Black Panther, Guardians of the Galaxy အဖွဲ့တို့ ပူးပေါင်းတားဆီးကြရင်း ဖြစ်လာတဲ့ စစ်ပွဲပါ။ Infinity Stones 6 လုံးရဲ့ တည်နေရာတွေကတော့ ၁. Space Stone aka Tesseract (Blue) (Captain America: the first avenger ဇာတ်ကားမှာ နာဇီတွေဆီက လုယူရတဲ့ ကျောက်တုံးဖြစ်ပြီး Avengers ဇာတ်ကားမှာ လိုကီက ဂြိုလ်သားတွေကို ကမ္ဘာကိုခေါ်ဖို့ ဝင်ပေါက်ဖွင့်တဲ့နေရာမှာ အသုံးပြုခဲ့ပါတယ်၊ လက်ရှိကတော့ Asgard ဂြိုလ်ပေါ်မှာ သိမ်းဆည်းခဲ့ရင်း Thor: Ragnarok ကားအဆုံးမှာ လိုကီ ခိုးယူခဲ့တာကို တွေ့ရမှာပါ) ၂။ Reality Stone aka Aether (Red) ( စကြဝဠာကို Big Bang မတိုင်ခင်အထိတောင် ပြန်ပြောင်းပစ်နိုင်ပါတယ်။ Thor 2: The Dark World မှာ ပါလာခဲ့ပြီး နောက်ဆုံး credit scene မှာ Collector ဆိုသူဆီမှာ သိမ်းဆည်းထားပါတယ်) ၃။ Power Stone (Purple Orb) ( ဂြိုလ်တစ်ခုလုံးကို အသာလေးဖျက်ပစ်လို့ရတဲ့ raw power တွေပါပါတယ်။ Guardian of the Galaxy 1 မှာ ပါဝင်ခဲ့ပြီး Xander က Nova Corps စစ်တပ်လက်ထဲမှာ သိမ်းဆည်းထားပါတယ်။) ၄။ The Time Stone ( The Eye of Agomotto, Green) ( အချိန်ကို လိုသလိုအသုံးချနိုင်ပါတယ်။ Doctor Starnge ဇာတ်လမ်းမှာ ပါဝင်လာပြီး လက်ရှိ ဒေါက်တာ စထ်ရိန့်က စောင့်ရှောက်ထားပါတယ်) ၅။ Mind Stone (Yellow) ( ဉာဏ်ရည်ကို မြှင့်တင်ခြင်းနဲ့ စိတ်ညို့ခြင်းတွေ ပြုလုပ်နိုင်ပါတယ်။ Avengers 1 မှာ ပါဝင်ခဲ့ပြီး လက်ရှိ Vision ရဲ့ နဖူးထဲမှာ မြှပ်ထားတာပါ) ၆။ Soul Stone (Orange) ( သက်ရှိ သက်မဲ့ အခြေအနေတွေကို ထိန်းချုပ်နိုင်ပါတယ်။ Planet Vormir မှာရှိပါတယ်။ ) အဆိုပါ ကျောက်တုံး ၆ တုံးကို သုံးနိုင်ဖို့ Infinity Gauntlet ဆိုတဲ့ လက်အိတ်ကို လိုပါတယ်။ အဲဒီလက်အိတ်ကိုတော့ Thanos ပိုင်ဆိုင်ထားပါတယ်။ ကဲ Thanos ကြီးရဲ့အကြံအစည် အောင်မြင်ပါ့မလားဆိုတာ....။ File size…(7.4 GB)/ (3.6 GB )/(1.8 GB) Quality…WEB-DL IMAX 4K HEVC/ 1080p HEVC / 720p Format…mkv/mp4 Duration….03:01:00 Subtitle….Myanmar Subtitle (Hardsub) Encoder….Ka Naung Translated by Littleneo

ဒီဇတ်ကားကို ကြည့်ပြီးမှ ဟိုးအရင်တုန်းက Chapter 1 & 2 ကို ကြည့်သင့်တယ် ထင်တာပဲ အဲ့ဒါမှ အဲလိစ် ရဲ့ နောက်ကြောင်းကို ဇတ်ရည်လည်မှာပါ ဒါကတော့ ပရလောကဖြင့် ချိတ်ဆက်နိုင်တဲ့ ပညာရှင် အဲလိစ် မသေဆုံးခင် ဖြေရှင်းခဲ့တဲ့ ပရလောက ဇတ်လမ်းတွေထဲက တစ်ခုဖြစ်ပြီး အဲလိစ် ဘာကြောင့် ပရလောကဖြင့် ချိတ်ဆက်နိုင်ခဲ့တယ်ဆိုတာရဲ့ ဇတ်မြစ် ဖြစ်ပြီး သူမ ရဲ့ မိခင် ကို သတ်ဖြတ်ခဲ့တဲ့ သော့လက် ပိုင်ရှင် မကောင်းဆိုးဝါး ကို ရင်ဆိုင်ဖြေရှင်းရမယ့် အခန်းလဲ ဖြစ်ပါတယ် အဲလိစ် ရဲ့ ငယ်ဘ၀ က နေထိုင်ရာ အိမ်ကြီးတွင် မကောင်းဆိုးဝါးများ ကပ်ညှိနေ၍ လက်ရှိအိမ်ပိုင်ရှင်က အကူအညီတောင်းလို့ အဲလိစ် နှင့် သူ၏ လက်ထောက် တို့ သွားရောက် ကူညီဖြစ်ရင်း ငယ်ဘ၀ နှင့် ပြန်လည် ချိတ်ဆက်မိခဲ့ရာ...... ဒီရုပ်ရှင်ကားကို ဘာသာပြန်ပေးထားသူကတော့ Tariq L Walker ဖြစ်ပြီး Thit San Khant မှ Encode ပေးထားပါတယ်

The Nice Guys (2016) IMDb Rating (7.4) / Rotten Tomatoes (91 %) The Nice Guys 2016 အမေရိကန်ဇာတ်ကားဟာဆိုရင်ဖြင့် မင်းသားကြီး Russell Crowe နဲ့ Ryan Gosling တို့ ဦးဆောင်ပါဝင်ထားတဲ့ အပစ်အခတ် အညစ်အပတ် ဟာသဇာတ်တစ်ခုဖြစ်ပါတယ်။ IMDb 7.4 ကို အချိုအချောင်ရထားတဲ့ဇာတ်ကားမဟုတ်ပါဘူး။ ခရမ်းချဉ်သီးပုပ် 91 ရာနှုန်းကလည်း ဝေဖန်ခံနိုင်တဲ့ ဇာတ်ကား‌ကောင်းဖြစ်တယ်ဆိုတာ သိသာစေတာပေါ့။ ဇာတ်ကွက်တစ်ခုချင်းဆီမှာ ဖော်ကွက်လေးတွေပါပြီး မြန်ဆန်တဲ့ plot twist တွေကို ဖြေထုတ်ထားတာပါ။ အကြမ်းအရမ်းကို Russell Crowe က တာဝန်ယူထားပါတယ်။ Gladiator 2000 မှာ မြင်တွေ့ခဲ့ရသလိုပဲ မင်းသားကြီးက တည်ငြိမ်ရင့်ကျက်ပြီး အေးအေးမှန်မှန် သရုပ်ဆောင်သွားတာကို တွေ့ရမှာပါ။ ဟာသဘက်ကိုတော့ Ryan Gosling ပဲ သယ်ရတာပေါ့လေ။ ဒါပေမဲ့ Blade Runner 2049 ကနဲ့တော့ မတူတော့ပဲ ခပ်သွက်သွက် အူကြောင်ကြောင်စရိုက်ကို ပေါ်လွင်အောင် ဖော်ကျူးသွားပါတယ်။ ဇာတ်ကြောင်းဆိုတာထက် ဇာတ်ကွက်ကို အသားပေးတဲ့ဇာတ်လမ်းဖြစ်တာမို့ spoiler alert သိပ်မရှိဘဲ ကြည့်ရှုနိုင်မှာပါ။ ဇာတ်လမ်းကိုက ဘာဖြစ်မယ်ဆိုတာ အစောကြီးက သိပြီးထားပြီမို့ ဘယ်လိုတင်ပြသွားမယ်ဆိုတာကိုပဲ စောင့်ကြည့်ရမယ့်ဇတ်လမ်းဖြစ်ပါတယ်။ အခြေခံ Theme အရလည်း ဇာတ်လမ်းကျောရိုးက အရင်းရှင်ဗျူရိုကရေစီတွေနဲ့ နစ်နာသူပြည်သူတွေကြားက ဖန်တရာတေဇာတ်လမ်းဖြစ်ပါတယ်။ ဒါပေမဲ့ ဟောလိဝုဒ်ဇာတ်ကားတွေနဲ့ပြောင်းပြန် လူကောင်းတွေက ကျရှုံးရတဲ့ဇာတ်မလို့ အရသာတစ်မျိူး ရနေဦးမှာပါ။ ဘာမဆို အလွဲလုပ်တတ်တဲ့ ကမ္ဘာပေါ်က အညံ့ဆုံးစုံထောက်ကြီး မာ့ခ်ျ ရယ်၊ ပိုက်ဆံရရင် လူတွေကိုလိုက်ရိုက်ပေးတတ်တဲ့ လူမိုက်ကြီး ‌ဟေလီ ရယ်၊ 13 နှစ်သမီး ဟိုလီ ရယ်တို့က ကားလောကရဲ့ ကြီးသုံးကြီးကိုဆန့်ကျင်လို့ နံရံကို ခေါင်းနဲ့ဝင်ဆောင့်မိတဲ့အဖြစ်ကို တွေ့မြင်ရမှာပါ။ အရင်းရှင်များ ရပ်တည်နိုင်ရေးအတွက် သမီးကိုတောင် ချနင်းရက်နိုင်တဲ့ တရားရေးရာဌာနရဲ့ ဌာနမှူးကို အပြစ်ရအောင် စွမ်းနိုင်ခဲ့ပေမဲ့ ရေသောက်မြစ်ကြီးကတော့ ပန်းပန်လျက်ပဲဖြစ်နေတာကို အသည်းမပေါက် အေးဆေးတည်ငြိမ်စွာ လက်ခံသွားတဲ့ မင်းသားကြီးနှစ်ဦးရဲ့ ပြောင်မြောက်တဲ့အမူအရာတွေကို ပြန်လည်ခံစား ကြည့်ရှုကြပါဦးစို့ရဲ့လားဗျာ။ မင်းသမီး Margaret Qualley တယောက် အရမ်းလှနေတာကလဲ ဒီကားကို ကြည့်သင့်တဲ့အချက်တချက်ပါပဲ။ (ရုပ်ရှင်အညွှန်းနဲ့ ဘာသာပြန်ကို Arr Khun Winchester မှ တင်ဆက်ထားပါတယ်။) File size…(4.7 GB)/ (1.6 GB )/(1.1 GB) Quality…WEB-DL  4K HEVC/ 1080p HEVC / 720p Format…mkv/mp4 Duration….01:55:00 Subtitle….Myanmar Subtitle (Hardsub) Encoder….Ka Naung Translated by Arr Khun Winchester

GOTG ထဲက Starlord သရုပ်ဆောင် Chris Pratt နဲ့ Spiderman ထဲက ဂွမ်သရုပ်ဆောင် Bryce Dallas Howard တို့ ပါဝင်ထားတဲ့ အမိုက်စား ဒိုင်နိုဆောကားကို ပြန်လည်တင်ဆက်လိုက်ပါတယ်။ ဒါရိုက်တာ Colin Trevorrow က ရိုက်ကူးထားပြီး Universal Pitcure ကနေ ထုတ်လုပ်ထားပါတယ်။ IMDb 6.9 နဲ့ RT 71% ရရှိထားတဲ့ သိပ္ပံအက်ရှင်ကား ဖြစ်ပါတယ်။ ဒိုင်နိုဆောတွေရဲ့ ဒီအန်အေတွေကနေတစ်ဆင့် မျိုးဗီဇအင်ဂျင်နီယာ ပညာရပ်နဲ့ သက်ရှိ ဒိုင်နိုဆောတွေကို ဖန်တီးပြီး ဂျူရက်ဆစ်ကမ္ဘာဆိုတဲ့ အပန်းဖြေဥယျာဉ်ကို တည်ဆောက်ထားပါတယ်။ လာရောက်အပန်းဖြေသူတွေကို ဆွဲဆောင်ဖို့ ရည်ရွယ်ချက်နဲ့ အသစ်အသစ်သော ဒိုင်နိုဆောတွေကို မျိုးဗီဇပေါင်းစပ်ပြီး ဖန်တီးလိုက်တဲ့အခါ ဂြိုဟ်ဆိုးစဝင်ပါတော့။ တစ်ဖက်မှာလည်း အိုဝမ်တို့က ရက်ပ်တာ ဒိုင်နိုဆောတွေရဲ့ ဉာဏ်ရည်ကို စမ်းသပ်ဖို့ ရက်ပ်တာသုံးကောင်ကို မွေးမြူလေ့ကျင့်ပေးနေကြတယ်။ ဒီကောင်တွေကို စစ်ရေးစစ်ရာမှာ အသုံးပြုဖို့အတွက် ကွင်းဆင်းစမ်းသပ်ချင်နေတဲ့သူက ရှိနေပြန်ပါတယ်။ အသစ်ဖန်တီးလိုက်တဲ့ ဒိုင်နိုဆော လွတ်ထွက်သွားတဲ့အခါမှာ သူ့အတွက် ဂွင်တွေ့သွားပြီး ပြဿနာတွေက ပိုရှုပ်လာပါတော့တယ်။ ရင်တထိတ်ထိတ်နဲ့ ကြည့်ရမှ ကြိုက်တယ်ဆိုသူများအတွက် ဇာတ်လမ်းကောင်းတစ်ပုဒ် ဖြစ်မှာပါပဲ။ ကြည့်ရှုလိုက်ကြပါဦး... File size…    4.7 GB /  1.5 GB  / 890 MB Quality…  BluRay 4K HDR /  1080p / 720p Format… mp4 Duration…. 1h 40m Genre ..... Action/Sci-fi Subtitle…. Myanmar Subtitle (Hard Sub) Encoder…. Thit San Khant Translated by EL MoH

ဒီအပိုင်း ၂ မှာတော့ ဒေါလ်တွန် ရဲ့ ဖခင် ဂျော့ချ် ငယ်ရွယ်စဉ်က သူ့အနောက်ကို လိုက်နေခဲ့တဲ့ မကောင်းဆိုးဝါး မိန်းမကြီး အကြောင်းကို နောက်ကြောင်းပြန်တဲ့ အခန်းတွေ ပါဝင်လာခဲ့ပါပြီ ဒီ အပိုင်း ၂ မှာတော့ အဲလိစ် မရှိတော့ ပေမယ့် အဲလိစ် ရဲ့ နောက်လိုက် ၂ ယောက်နဲ့ မိတ်ဆွေ ဟောင်းတို့က ဂျော့ချ် ရဲ့ ခန္ဓာကိုယ်ထဲမှ မကောင်းဆိုးဝါးကို ဖယ်ထုတ်ဖို့ ကြိုးစားရတော့မဲ့ အချိန်ပဲ ဖြစ်ပါတော့တယ်... ဒီ Insidious Chapter 2 ကို ဘာသာပြန်ပေးထားသူကတော့ May Thazin Soe ဖြစ်ပြီး Thit San Khant မှ Encode ပေးထားပါတယ်

Marvel Cinematic Universe: Phase Two ကတော့ Phase One ရဲ့ အောင်မြင်မှုကြောင့် ပရိတ်သတ်အများအပြားရဲ့ယုံကြည်မှုနဲ့ အားပေးမှုကို အရံသင့်ရရှိခဲ့ပြီး ခန့်ညားထည်ဝယ်စွာဆက်လက်တင်ဆက်နိုင်ခဲ့ပါတယ်။Phase 2 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်အကြောင်းတွေ ပိုမိုပါဝင်လာခဲ့ပါပြီ။ Phase 1 တုန်းက Solo မိတ်ဆက်ခဲ့တဲ့ လူစွမ်းကောင်းတွေကို Phase 2 မှာ ပိုမိုစုစည်းမြင်တွေ့လာရပြီး MCU ရဲ့ ကြီးမားကျယ်ပြန့်တဲ့ Universe ကို ထပ်မံချပြနိုင်ခဲ့ပါတယ်။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 2 မှာတော့ ရုပ်ရှင် ၆ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Iron Man 3 (2013) Thor: The Dark World (2013) Captain America: The Winter Soldier (2014) Guardians of the Galaxy (2014) Avengers: Age of Ultron (2015) Ant-Man (2015) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Iron Man 3 (2013) IMDb Rating (7.1) / Rotten Tomatoes (79 %) Iron Man 3 ကတော့ Marvel Cinematic Universe (MCU) Phase 2 ကို စတင်ခဲ့တဲ့ ဇာတ်ကားဖြစ်ပြီး Tony Stark (Iron Man) ရဲ့ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ စိန်ခေါ်မှုတွေကို ဗဟိုပြုပြီး Iron Man ဇာတ်ကောင်ကို ပိုမိုနက်ရှိုင်းစွာတွေ့မြင်စေခဲ့တဲ့ဇာတ်ကားဖြစ်ပါတယ်။ The Avengers (2012) ဇာတ်ကားမှာဖြစ်ပွားခဲ့တဲ့ New York တိုက်ပွဲကြောင့် Tony ဟာ PTSD (Post-Traumatic Stress Disorder) ကို ခံစားနေရပြီး၊ သူ့ရဲ့ စိတ်ငြိမ်းချမ်းမှုကို ပြန်လည်ရှာဖွေနေစဉ်မှာပဲ မထင်မှတ်တဲ့အန္တရာယ်တွေကျရောက်လာတဲ့အခါမှာတော့....။ Budget $200 million ကုန်ကျခဲ့ပြီး Box office ဝင်ငွေ $1.266 billion ထိပြန်လည်ရရှိခဲ့ပါတယ်။ File size…(5 GB)/ (2 GB )/(1.3 GB) Quality…BluRay 4K HEVC/1080p HEVC / 720p Format…mkv/mp4 Duration….02:11:00 Subtitle….Myanmar Subtitle (Hardsub) Encoder….Ka Naung

အေးချမ်းသာယာနေတဲ့ မိသားစုလေးဟာ အိမ်အသစ်တစ်ခုကို ပြောင်းလာခဲ့တယ် အရမ်းချစ်ကြတဲ့ ဂျော့ချ် တို့ လင်မယား ရယ် ကလေး ၃ ယောက်ရယ်ပေါ့ တစ်နေ့မှာတော့ အကြီးဆုံးသားဖြစ်သူ ဒေါလ်တွန် တစ်ယောက် အိပ်နေစဉ် အချိန်တွေမှာ မကောင်းဆိုးဝါးတွေကို မြင်နိုင်ခဲ့ပြီး ထို မကောင်းဆိုးဝါးတွေကလဲ လူ့လောက ကို ကူးလာဖို့အတွက် ဒေါလ်တွန် ရဲ့ ခန္ဓာကိုယ် ကို လိုချင်တဲ့အတွက် မိသားစု ကို အမျိုးမျိုး ဒုက္ခပေးပါတော့တယ် တစ်နေ့မှာတော့ သူတို့ ရလုဆဲဆဲ အခြေအနေကို ရောက်ရှိလာပါတော့တယ် ပရလောက ကို မယုံတဲ့ ဂျော့ချ် ဟာ ပရလောက နှင့် အဆက်အသွယ်လုပ်နိုင်သော အဲလိစ် ကို ခေါ်ဆောင်ပြီး သားဖြစ်သူ ဒေါလ်တွန် ရဲ့ ဖြစ်ပျက်နေတဲ့ ကိစ္စကို ကူညီခိုင်းခဲ့သော အခါ... ဒီရုပ်ရှင်ကားကို ဘာသာပြန်ပေးထားသူကတော့ May Thazin Soe ဖြစ်ပြီး Thit San Khant မှ Encode ပေးထားပါတယ်

IMDb...7.4 ၂၀၁၀ခုနှစ်ကထွက်ရှိခဲ့တဲ့ဒီကားဟာ အတော်များများကြည့်ဖူးပြီးသားဖြစ်မှာပါ...ကျွန်တော်တို့ဟာ  ဇာတ်လမ်းရဲ့ကောင်းမွန်မှု သရုပ်ဆောင်တွေရဲ့ ပြောက်မြောက်တဲ့အမူအရာတွေကို  ချီးမွန်းအကဲဖြတ်မှုအားနည်းခဲ့တဲ့အချိန်ကတောင် သိပ်ကိုကောင်းလွန်းတယ်လို့ တခြားသူတွေကိုညွှန်းဆိုခဲ့ဖူးပါတယ်... လင်မယား ၂ယောက် ..အမျိုးသားက ကျောင်းဆရာ ..အမျိုးသမီးက ရုံးဝန်ထမ်း..သားကလေးတစ်ယောက်နဲ့ပေါ့ .. ဘဝကိုရိုးရှင်းစွာ ဖြတ်သန်းနေတဲ့မိသားစုလေးတစ်စုပေါ့...သို့ပေမယ့် တစ်နေတော့ သူတို့မိသားစုအတွက် ကံဆိုးမှုတစ်ခုကြီးရောက်လာခဲ့တယ်..အမျိုးသမီးကို လူသတ်မှုတစ်ခုနဲ့ ရဲတွေဖမ်းခေါ်သွားတာပါပဲ. .ယောကျ်ားဖြစ်သူဟာ မိန်းမကိုကယ်ဖို့ရှေ့နေတွေနဲ့တွေ့ဆုံခဲ့ပေမယ့် အမှုရဲ့သက်သေများအရ  သူ့မိန်းမဆီကိုပဲ ဦးတည်နေပါတယ်..သူ့မိန်းမကလည်းမသတ်ဘူးလို့ပြောခဲ့သလို သူကိုယ်တိုင်လည်း ယုံကြည်ခဲ့ပေမယ့် ဒီယုံကြည်မှု အမှန်တရားတွေဟာ ဘာမှ အသုံးမဝင်တော့ပါဘူး.... ဒီတော့ သာမန်ကျောင်းဆရာတစ်ယောက်အတွက် အတွေးတွေဟာ ရူးမတတ်ပဲ..လူသတ်မှုဟာ နှစ်ရှည်လများထောင်ကျနိုင်တော့ ပြိုကွဲေတော့မယ့် မိသားစုအတွက် သူဟာ ဆုံးဖြတ်ချက်တစ်ခုကိုချလိုက်တယ်..သူ့မိန်းမကို ဒီအမှုတောထဲက ဆွဲထုတ်ပြီး တစ်ဘက်နိုင်ငံကို ထွက်ပြေးဖို့ပါပဲ... ကျွန်တော်တို့အားလုံး ချီးမွမ်းတဲ့ ဒီကားမှာ .Russell Crowe  ဟာ အဓိကနေရာမှာ ပါခဲ့ပါတယ်..သူတစ်ယောက်ထဲ တစ်ကားလုံးကိုထိန်းကျောင်းသွားတယ်.. သာမန်ကျောင်းဆရာလေးတစ်ယောက်ဟာ တော်ရုံလူမစဉ်းစား မလုပ်နိုင်တဲ့အရာမျိုးတွေကို တုန်တုန်ယင်ယင်နဲ့လုပ်သွားတာ... ခင်ဗျားတို့ဟာ ဒီကားကိုကြည့်နေရင်း Russell Crowe နဲ့အတူ လွင့်မြောပါသွားလိမ့်မယ်...ဇာတ်ကားရဲ့ဆွဲဆောင်မှုဟာ ၅မိနစ်လောက်ကထဲကဆွဲခေါ်သွားတယ်. .ပြသချိန် ၂နာရီ ၁၃မိနစ်မှာခင်ဗျားဟာ ကျောက်ရုပ်တစ်ရုပ်ထိုင်နေသလို ငြိမ်သက်စွာထိုင်နေရင်း ရင်တထိတ်ထိတ်နဲ့ အတွေးတွေ မျှော်လင့်ချက်တွေနဲ့ ပျော်ဝင်သွားလိမ့်မယ်ဆိုတာ ကျွန်တော်ရဲရဲကြီးအာမခံရတယ်.... ဇာတ်လမ်းအညွှန်းနဲ့ ဘာသာပြန်သူကတော ကို Oung Xix Ming ဖြစ်ပါတယ်... . File Size : (2.32GB) Quality : Blu-Ray 1080p 5.1 CH Format…mp4 Duration…02:13:00 Genre :  Action, Crime, Drama Subtitle : Myanmar Subtitle (Hard Sub) Translated by Oung Xix Ming Encoded by Phyo Pyae

Revolutionary Road (2008) IMDb - 7.3/10 Rotten - 67% Titanic စုံတွဲ လီယိုနာဒိုနဲ့ကိတ်ဝင်းစလတ်တို့ကို ပူးတွဲပြီး ထပ်မံမြင်တွေ့ရမယ့်ဇာတ်ကားပါ။ ဒီဇာတ်ကားနဲ့ မင်းသမီးကိတ်ဝင်းစလတ်ဟာ Golden Globe Awards ဆုကိုရရှိခဲ့ပါတယ်...ရုပ်ရှင်အညွှန်းကိုတော့ ကိုဝဏ္ဏသန်းထွန်းရဲ့ ခံစားမှုဆောင်းပါးနဲ့ မိတ်ဆက်ပေးပါရစေ။ Revolutionary Road အား ဆင့်ပွားခံစားခြင်း ပထမဆုံး မိတ်ဆက်ပေးချင်တာတော့ ဒီ ဇာတ်လမ်းကို ရေးသားခဲ့သူ စာရေးဆရာ Richard Yates နဲ့ သူ့ ဝတ္တုအကြောင်းပါ။ ဒီ ဝတ္တုဟာ ရစ်ချက် ရဲ့ ပထမဆုံး ဖန်တီးမှု တစ်ခုဖြစ်ခဲ့ပြီး (၁၉၆၂) ခုနှစ်ရဲ့ National Book Award မှာ နောက်ဆုံး စကာတင် သုံးဆုထဲ ပါခဲ့ပါတယ်။ ပရိသတ်အကြိုက်ဖြစ်ခဲ့ပြီး (၂၀၀၅) ခုနှစ်မှာ Time မဂ္ဂဇင်းက ရွေးချယ်တဲ့ (၁၉၂၃) ခုနှစ်ကနေ လက်ရှိအချိန်ထိ အကောင်းဆုံး အင်္ဂလိပ်ဘာသာနဲ့ ရေးသားတဲ့ စာအုပ်တစ်ရာ အတွင်း ပါဝင်ခဲ့တယ်လို့ အင်တာနက် မှတ်တမ်းများအရ သိရပါတယ်။ ဒီ Revoultionary road နဲ့ ပါတ်သတ်ပြီး ရစ်ချက်က အင်တာဗျူး တစ်ခုမှာ … “ကျွန်တော် ဒါကို ရေးခဲ့တာ (၁၉၅၀) ခုနှစ်များဆီက အမေရိကန်တွေရဲ့ ဘဝတွေကို ပုံဖော်ပြချင်တာထက် ပိုပါတယ်။ ခင်ဗျားတို့လည်း သိမှာပါ။ အဲဒီကာလတွေ တုန်းက ဆင်ခြေဖုန်းရပ်ကွက်တွေမှာ နေတဲ့ သာမန် လူတန်းစား အလွှာ တစ်ခုတင် မကပါဘူး။ တစ်နိုင်ငံလုံးမှာ ကြပ်တည်းမှုတွေ၊ ရုန်းကန်ရပ်တည်ရတာတွေ၊ ဘဝအာမခံချက်မရှိ၊ လုံခြုံမှု မရှိတဲ့ အခြေအနေတွေကို ကျနော်တို့ ရင်ဆိုင်ခဲ့ရတာ မှတ်လား” ဆိုပြီး ဖြေကြားသွားပါတယ်။ အဲဒီခေတ်ကာလ က လူနေမှုပုံစံတွေကို ထင်ဟပ်ပြတဲ့ အိမ်ထောင်ရေး ဇာတ်လမ်းတစ်ခုပေါ့။ (၁၉၅၀) နှစ်များဆီက အမေရိကန် တောင်ပိုင်းပြည်နယ် တစ်ခုရဲ့ မြို့ တစ်မြို့မှာ Frank နဲ့ April တို့ နှစ်ဦးက Bar တစ်ခုမှာ တွေ့ဆုံပြီး ချစ်ကြိုက်ခဲ့တယ်။ အဲဒီ အချိန်မှာ ဖရန့်ခ် က အလုပ်ကိုင် မယ်မယ်ရရမရှိ ကြုံရာကျပန်း လုပ်နေရသလို၊ အေပရယ်ကလည်း မင်းသမီးဖြစ်ချင်လို့ ကြိုးစားနေဆဲ ကာလ၊ အေပရယ်ကို လက်ထပ်ပြီး ဖရန့်က ကုမ္ပဏီ တစ်ခုမှာ အရောင်းစာရေးနေရာက ဝင်လုပ်တယ်။ နောက်ပိုင်း အေပရယ် ကိုယ်ဝန်ရလာတဲ့ အချိန်ကျမှ ဆင်ချေဖုန်းရပ်ကွက် တစ်ခု ရဲ့ Revolutionary road လို့ အမည်ရတဲ့ လမ်းက နေအိမ်ကို ပြောင်းရွှေ့ပြီး နေထိုင်ခဲ့ကြပါတယ်။ (သူတို့နဲ့ တစ်ရပ်ကွက်တည်း နေတဲ့အိမ်နီးချင်းတွေကတော့ ရုန်းကန်ရပ်တည်ရမှုတွေနဲ့ အသားကျနေတဲ့ Revolutionary လမ်း က မိသားစုတွေထဲ မှာ သူတို့ ဇနီးမောင်နှံက အဒီ အခြေအနေတွေကို တော်လှန်ပြီး ပျော်ရွှင်တဲ့ အိမ်ထောင်သည် ဘ၀ တွေကို ထူထောင်နိုင်သူများ အဖြစ် သတ်မှတ်ခဲ့ပါတယ်။) အများရဲ့ အမြင်မှာ သာယာချမ်းမြေ့တဲ့ လူငယ်စုံတွဲ အိမ်ထောင်သည် ဘဝကို ဖရန့်ခ် နဲ့ အေပရယ် တို့က ပိုင်ဆိုင်ထားတယ်လို့ ဆိုနိုင်ပေမယ့် တကယ့် လက်တွေ့ဘဝမှာ တော့ သူတို့ နှစ်ဦးအိမ်ထောင်ရေးက အဆင်မပြေလှပါဘူး။ သားသမီးတွေရလာချိန်မှာ အေပရယ်က ဘဝနောင်ရေးအတွက် ခိုင်မာချင်လာတယ်။ ခင်ပွန်းဖရန့်ခ် ကိုလည်း သူ ဝါသနာဗီဇ နဲ့ ကိုက်ညီတဲ့ အလုပ်တစ်ခု လုပ်စေချင်တယ်။ ဒါကတော့ မထူးဆန်းပါဘူး။ မိခင်ကောင်း၊ အိမ်ထောင်ရှင်မတိုင်း ဖြစ်ချင်ကြတဲ့ စိတ် ဆန္ဒမျိုးပါပဲ။ ဖရန်ခ့်ဘက်က ကြည့်တော့လည်း သူ ဝါသနာမပါလှတဲ့ အလုပ်ထဲမှာ တစ်နေ့ (၁၀) နာရီ အချိန်ပေးပြီး အလုပ် လုပ်နေတယ်။ သားသမီးတွေကို အဆင်ပြေအောင် ကျွေးမွေးနိုင်တယ်။ ဒါပေမယ့် သူ အိမ်ထောင်ရေးဘဝက အဆင်မပြေလှဘူး။ ဇနီးဘက်က Demanding တွေ များလွန်းတယ်ပေါ့။ မပျော်ရွှင်တဲ့ အိမ်ထောင်သည် ဘဝကို ဖြေရှင်းဖို့ အမျိုးမျိုး ကြိုးစားနေပေမယ့် မအောင်မြင်၊ ဒါကိုပဲ ဖုံးကွယ်ဖို့ ကြိုးစားရင်း နဲ့ လုံးခြာလိုက်နေတော့တာပဲ။ ဧပရယ်က ပြင်သစ်မှာ အခြေကျဖို့ စီစဉ်တယ်။ ဖရန့်ခ်ကလည်း သဘောတူပြီးကာမှ ဧပရယ် မှာ တတိယ ကိုယ်ဝန်လွယ်လာရချိန်၊ ဖရန့်ခ် အလုပ်ကလည်း လခ ကောင်းကောင်းနဲ့ ရာထူးတိုးပေးလို့ တိုင်ပင်ထားတဲ့ အစီအစဉ်က ပျက်၊ အဲဒီ မလိုချင်တဲ့ ကိုယ်ဝန်ကို ဧပရယ်က ဖျက်ချပစ်ချင်၊ ယောက်ကျားလုပ်သူက သဘောမတူ၊ အခြေအနေရ ဒီမှာပဲ ဆက်နေဖို့ လက်ခံလိုက်ရပေမယ့် ဇနီးဖြစ်သူရဲ့ စိတ်ထဲမှာတော့ ပဲရစ် အစီအစဉ် အကောင်အထည် ဖော်ခွင့်မရလိုက်တာ ကြီးမားတဲ့ မကျေနပ်မှု အစိုင်အခဲပဲ။ သူ့ရဲ့ မျှော်လင့်ချက်ကို ခင်ပွန်းဖြစ်သူက ရိုက်ချိုးခဲ့တယ်လို့ပဲ ထင်နေတယ်။ အဲဒီ နောက်ပိုင်းမှာ သူတို့ လင်မယား နှစ်ယောက် ရဲ့ ကြားက ဆက်ဆံရေးက အရမ်း အေးခဲသွားခဲ့ပြီ။ အဲဒီ အခြေအနေကြားမှာ ဖရန့်ခ် က သူ့ အလုပ်ထဲက အမျိုးသမီး မော်ရင်း နဲ့ ဖောက်ပြန်ခဲ့သလို၊ အေပရယ်ကလည်း အိမ်နီးချင်း ကလေးအဖေ တစ်ဦးနဲ့ ငြိစွန်းသွားခဲ့တယ်။ ဒါက ဘယ်လိုမှ လက်သင့်ခံစရာ မရှိတဲ့ အမည်းစက်ပါ။ ဒါပေမယ့် ... လူတွေရဲ့ အပြုအမူကို ခေတ်ကြောင့်လို့ အတိအကျ လက်ညိုးထိုးလို့ မရပေမယ့် ဒီ scene တွေကို ထည့်ရိုက်ပြထားတာဟာ အိမ်တွင်းရေးမပြေလည်တဲ့ ဘဝတွေနဲ့ The age of anxiety လို့ သုံးနှုန်းရလောက်တဲ့ အဲဒီခေတ်မှာ စိတ်ညစ်ညူးမှုတွေကို ပုံစံအမျိုးမျိုး နဲ့ ထွက်ပေါက်ရှာတတ်တဲ့ အနေအထားမျိုးလို့ပဲ တွေးယူမိပါတယ်။ ဖရန့်ခ်က သူ ဖောက်ပြန်ခဲ့တဲ့ အကြောင်း ဇနီးဖြစ်သူကို ပြန်ပြောပြတဲ့ အချိန်မှာတောင် ဧပရယ်ဘက်က တုန်လှုပ်မှု မရှိတော့ဘူး။ သူ တို့ နှစ်ယောက်ကြားက အမုန်း အစိုင်အခဲ က ထုထည်ကြီးမားနေခဲ့ပြီ။ အဲဒီ အစိုင်အခဲ ပေါက်ကွဲတဲ့ အချိန်မှာ၊ သူတို့ မိသားစုရဲ့ domestic violence က မီးတောင် တစ်ခုပေါက်ကွဲသလို ရန်ဖြစ်စကားများမှုတွေ ခဏခဏ ဖြစ်လာရတဲ့ အဆုံးမှာတော့ ….. ဒီရုပ်ရှင်ကနေ ပျော်ရွှင်မှုတွေ၊ စိတ်ကြည်နူးစရာ romance လေးတွေကို ခံစားရမှာ မဟုတ်ပါဘူး။ ဒေါသတကြီး ပေါက်ကွဲ အော်ဟစ်သံတွေ၊ ဆဲဆို ရန်ဖြစ်သံတွေ နဲ့ ပြည့်နှက်နေတဲ့ မပြေလည်တဲ့ အိမ်ထောင်သည် လင်မယားကို ပဲ မြင်ရမှာပါ။ အပေါ်ယံပဲ ကြည့်ရင်တော့ ခေတ်တစ်ခေတ် ရဲ့ နောက်ခံ အိမ်ထောင်ရေး ဇာတ်လမ်းပေါ့။ မပြေလည်တာတွေကို fix မလုပ်နိုင်ဘဲ အပေါ်ယံဟန်ဆောင်မှုတွေနဲ့ ပြေလည်သယောက် ဖုံးကွယ်ထားတဲ့ အခါ ကြာလာလေလေ၊ အနာယဉ်းလာလေလေ နဲ့ အဆုံးသတ် မကောင်းတဲ့ ဖြစ်စဉ်မျိုးပါပဲ။ အဲဒါကြောင့်ပဲ သူတို့ နိုင်ငံတွေမှာ Marriage ဆိုတာကို အယုံမကြည် မရှိသူတွေ များလာပြီး လက်မထက်ခင် အတူနေ၊ သဘောထားချင်း မတိုက်ဆိုင်ရင် လွယ်လွယ်လေး ကွဲ လိုက်ကြ၊ နောက် တစ်ယောက်နဲ့ ပြန် တွဲ လိုက်ကျ နဲ့ .. complicated relationships တွေကို ပိုင်ဆိုင်နေကြသလား မသိပါ။ ဒီ ဇာတ်ကားထဲမှာ သတိပြုမိတာ တစ်ခုရှိတယ်။ အဲဒါက အိမ်ထောင်မပြုခင်မှာ ကိုယ်စီ စိတ်ကူးတွေ၊ အိပ်မက်တွေ ရှိတယ်။ ဥပမာ - ဧပရယ် ဆိုရင် မင်းသမီး ဖြစ်ချင်နေတယ်။ တကယ်တမ်း အိမ်ထောင်ပြုလိုက်တဲ့ အချိန်မှာ အဲဒီ စိတ်ကူးတွေ အကောင်အထည်ဖော်ခွင့်မရှိတော့ဘူး။ မိသားစုဘဝထဲ မြုပ်နှံလိုက်ရတယ်။ သားသမီး ရလာတဲ့အချိန်မှာ ပို လို့တောင် မဖြစ်နိုင်တော့တယ်။ အဲဒီ အချိန် အိမ်ထောင်ရေးမှာ အဆင်မပြေတာလည်း ကြုံရော .. ကိုယ်ဖြစ်ချင်တာတွေ မဖြစ်ခဲ့တဲ့ ဒါဏ်ရာဟောင်းက ပြန် ပေါ်လာတယ်။ အဲဒါ ပြသနာ အစ ပဲ။ ယောက်ကျားတွေရဲ့ ဗီဇကို မသိမသာလေး ပြသွားတဲ့ ဇာတ်ကွက်လေးတွေ ရှိတယ်။ ဥပမာ ဧပရယ် (Kate) နဲ့ ဖောက်ပြန်ခဲ့တဲ့ Shep ဟာ သူတို့ရဲ့ အိမ်နီးချင်း၊ ဧပရယ်ရဲ့ အချစ်ဆုံး သူငယ်ချင်း မီလီ ရဲ့ ခင်ပွန်း။ မီလီက အိမ်ထောင်ရှင်မကောင်း တစ်ယောက်၊ ယောက်ကျားက ရှင်ဆိုရှင်၊ သေဆိုသေ၊ ဒါကို သူ့ယောက်ကျား လုပ်တဲ့သူက ဖောက်ပြန်တယ်။ နောက်ဆုံးခန်းမှာ မီလီက ဖရန့် နဲ့ ဧပရယ်အကြောင်း ခင်ပွန်းဖြစ်သူကို ပြောပြချင်တယ်ဆိုတော့ “သူတို့ အကြောင်းတွေ ငါဘာမှ မကြားချင်တော့ဘူးကွာ” ဆိုပြီး ထွက်သွားပါလေရော ..။ အဲဒါက တစ်ချက်။ ဖရန့် တို့ရဲ့ နောက်ထပ် အိမ်းနီးခြင်း ဟဲလင် ဆိုလည်း သူ့ သား စိတ္တဇ ဝေဒနာသည်အတွက် တစ်ယောက်တည်း ရုန်းကန်နေရတာ။ ခင်ပွန်းလုပ်တဲ့သူက ဟောင်းဝဒ်က ဇနီး အပေါ် ထောက်ခံတဲ့ အပြုအမူမျိုးတစ်ခါမှ မပြခဲ့ဘူး။ တစ်ခုခု တိုင်ပင်ချင်တဲ့အချိန်တောင် နားမှာတပ်ထားတဲ့ ear phone ကို အသံမြင့်ပစ်လိုက်တယ်။ အဲဒီ အချက်တွေကို ကြည့်ချင်းအားဖြင့် ခင်ပွန်းတွေဟာ ဇနီးဖြစ်သူရဲ့ ဖွင့်ဟတိုင်ပင်တာမျိုးကို နားထောင်ချင်တဲ့ ဆန္ဒမရှိဘူး ဆိုတဲ့ သဘောမျိုး ဖြစ်နေတယ်။ နှစ်ယောက်ကြားက ထိတွေ့မှု နဲ့ ဝေမျှခံစားမှု အားနည်းခြင်း (lack of communication and sharing) က အိမ်ထောင်တစ်ခု ကျိုးပျက်စေနိုင်ဖို့ လုံလောက်တဲ့ အကြောင်းရင်းတစ်ခု ဖြစ်နေပြီ မဟုတ်လား။ ဒီ ဇာတ်လမ်းရဲ့ နောက်ထပ် စိတ်ဝင်စားစရာ အချက်တစ်ခုက ဒီ ရုပ်ရှင်ကို ပုံဖော်ခဲ့သူ American Beauty တို့ Skyfall တို့လို နာမယ်ကြီး ရုပ်ရှင်တွေရဲ့ ဒါရိုက်တာ Sam Mendes က အဲဒီ ဇာတ်ကားရိုက်တဲ့ အချိန် ကိတ် ရဲ့ ခင်ပွန်းဖြစ်ပြီးတော့ အဲဒီ ဇာတ်ကားထွက်ပြီး နှစ်နှစ်အကြာ (၂၀၁၀) မှာ သူတို့ နှစ်ဦး လမ်းခွဲလိုက်ကြပါတယ်။ ဇာတ်ဝင်ခန်းတွေမှာ လင်မယားစရိုက် အနမ်းအရှုပ်၊ အပွေ့အဖက်တွေကို ပီပြင်အောင် ရိုက်ကူးရတာနဲ့ ပါတ်သတ်လို့ ဇနီး ဖြစ်သူ ကိတ် နဲ့ လီယို တို့ သရုပ်ဆောင်တဲ့ အပေါ် ကြီးကြပ်ရတာကို သူအနေနဲ့ စိတ်ထဲ ဘာမှ မရှိလှပါဘူးလို့ ဆန် က အင်တာဗျူး တစ်ခုမှာ ဖြေခဲ့ပါသေးတယ်။ ထူးချွန်ဆုတွေနဲ့ ပါတ်သတ်ပြီး ပြောရရင် ရွှေကမ္ဘာလုံးဆု (Golden Globe) အတွက် စံကာတင် သုံးဆု ပါခဲ့ပြီး ကိတ် က အကောင်းဆုံး အမျိုးသမီးထူးခွန်ဆု ဆွတ်ခူးခဲ့ပါတယ်။ Silver Lingings Playbook က ဂျနီဖာ လောရင့်စ် ကို ကြည့်ပြီး ဒီ သူငယ်မ အတော် သရုပ်ဆောင်ကောင်းတာပဲလို့ တွေးခဲ့မိတာ။ ဒီ ဇာတ်ကားထဲက ကိတ် ကို ဘယ်မှီမလည်း။ (အသက်အရွယ်နဲ့ သဘာ ကတော့ အတော်ကွာပါတယ်။) အထူးသဖြင့် သူ စိတ်တွေအရမ်းလှုပ်ရှားနေလို့ စီးကရက် သောက်ပြီး စိတ်ထိမ်းရတဲ့ အခန်းတွေ၊ လင် ဖြစ်သူကို အားမလို အားမရ ဖြစ်နေလို့ .. “ဘာမှ အားကိုးလို့ မရဘူး။ ဘယ်လို ယောက်ကျားမျိုးလည်း” ဆိုပြီး လက်ညိုးငေါက်ငေါက်ထိုးပြီး ရန်တွေ့တဲ အခန်းတွေနဲ့၊ ယောက်ကျားလုပ်သူက တခြား မိန်းမတစ်ယောက်နဲ့ ဖောက်ပြန်ခဲ့တယ်ဆိုတာ ပြန်ပြောတဲ့အချိန်မှာတောင် မျက်နှာ တစ်ချက်ကလေး မပျက်ဘဲနဲ့ “ အခုချိန်မှ ဘာရည်ရွယ်ချက်နဲ့ ဒါတွေ လာပြောနေတာလည်း၊ ရှင် အပေါ် ကျွန်မ ဘာ ခံစားချက်မှ မရှိတော့ဘူး” ဆိုပြီး သွေးအေးအေး ပြန်ပြောနေတဲ့ အခန်းတွေက အတော် သရုပ်ပါ ပါတယ်။ ဒီ ဇာတ်လမ်းကနေ တွေးမိတာတော့ အိမ်ထောင်မှု တစ်ခုဆိုတာ ဘက်ပေါင်းစုံက ရှု့ထောင့်အမျိုးမျိုးနဲ့ ချဉ်းကပ်စဉ်းစားရတဲ့ ကျုယ်ပြန့်တဲ့ ဘာသာရပ်တစ်ခုပါပဲဗျာ။ ဘ၀ ခရီးရှည်ကြီးကို မသေမချင်း အတူတူ လျှောက်လှမ်းရတဲ့ အချိန်မှာ သူ့ ဆီမှာ ကိုယ် လက်မခံနိုင်စရာ ဘယ်လိုအချက်တွေ ပါလာနိုင်လည်း ဆိုတာလည်း ကြို မသိနိုင်ဘူးလေ။ အဲဒါကြောင့် လက်ထပ်ပြီးစ စုံတွဲတွေကို Honeymoon ပျားရည်ဆမ်းခရီး ထွက်ခိုင်းကြတာ။ အဲလို သွားတယ်ဆိုတဲ့ သဘောကလည်း ခရီးရှည်ကြီးကို နှစ်ယောက်အတူ မသွားခင် ခရီးတို တစ်ခုကို နှစ်ယောက်အတူ သွားကြည့်တာ။ လူ တစ်ယောက်အကြောင်းဆိုတာ ခရီးအတူ ထွက်ရင်ကို ဘယ်လို စရိုက်တွေ ရှိလည်း သိနိုင်တာမျိုးတဲ့။ အဲလို ခရီးတိုလေး ထွက်တဲ့အချိန် ကိုယ် မကြိုက်တဲ့ အမူအကျင့်တွေ ကိုယ့် ဘဝခရီးဖော်ဆီက တွေ့လာခဲ့ရင် သည်းခံစိတ်ရှည် နားလည်နိုင်အောင်လို့တဲ့ဗျာ။ စာလည်း အတော်ရှည်သွားပြီ။ စဉ်းစားစရာ ကောင်းတဲ့ အချက်လေး နှစ်ချက်နဲ့ ဒီ အညွန်းကို ပိတ် ပါရစေ … A man is incomplete until he is married. After that, he is finished. ယောက်ျားတစ်ယောက်ဟာ အိမ်ထောင်မပြုသေးမချင်း မပြီးပြည့်စုံဘူး။ အိမ်ထောင်ပြုပြီးသွားရင်တော့ နိတ္ထိတံ သွားပြီ။ Zsa Zsa Gabor [from MKS group] အိမ်ထောင်ပြုခြင်းဟာ ကြိုး တစ်ချောင်း နဲ့ ချည်နှောင်လိုက်တာဆိုရင် အဲဒီ ကြိုးဟာ ယောက်ကျား ဖြစ်သူကို ချည် တဲ့ ကြိုး မဟုတ်ပါဘူး။ မိန်းမသားဖြစ်သူကို ချည်တဲ့ကြိုးပါ။ (ဂျူး) ဝဏ္ဏသန်းထွန်း (၂၁၊ ဂျွန်၊ ၂၀၁၃) (ရုပ်ရှင်အညွှန်းကို Than Htun Wunna Facebook မှကူးယူဖော်ပြပါသည်။) File size…(1 GB) Quality…BluRay Rip 720p Format…mp4 Duration….01:59:00 Subtitle….Myanmar Subtitle (Hardsub) Encoder….Nyeinsaeya Aung Translated by Naw Lydia

Little Children (2006) IMDb Rating (7.5) / Rotten Tomatoes (80 %) မင်းသမီး Kate Winslet နဲ့ Jennifer Connelly တို့အပြိုင်ကြဲထားပြီး သူတို့နှစ်ယောက်အပြိုင်လုမယ့်မင်းသားကတော့ Patrick Wilson ဖြစ်ပါတယ်။ ဇာတ်လမ်းကတော့.. ဘရက်ဆိုတဲ့ ကလေးအဖေဆီမှာ ကေသီဆိုတဲ့ မော်ဒယ်ရှုံးအောင်လှတဲ့ ဇနီးသည်လေးရှိပေမယ့် သူ့ဘဝသူ မလွတ်လပ်ဘူး မရှင်သန်ဘူးထင်ရာကနေ ဆာရာဆိုတဲ့လုံးကြီးပေါက်လှ ကလေးအမေ နောက်တယောက်ကို ငြိတွယ်မိသွားပါတယ်။ ဆာရာကျတော့လဲ သူ့ခင်ပွန်းရဲ့လိင်စိတ်စွဲလမ်းမှုတလွဲတွေကို သည်းမခံနိုင်ဖြစ်ရာကနေ သူ့ဘဝသူမကျေနပ်နဲ့ ပိတ်လှောင်နေရသူပါ။ ဒီလိုရှင်သန်ရာကိုယ်စီဘဝမှာ အားမရသူနှစ်ယောက်အချင်းချင်း အားပေးကူညီကြရင်း အားတွေပါကုန်ပြီး ဘာတွေဆက်ဖြစ်ကြမလဲဆိုတာ......။ ဒါတင်မကသေးဘဲ ဝမ်းနည်းကြေကွဲစရာ လူ့သဘောသဘာဝတခုနဲ့ပါ ချိတ်ဆက်ထားတာမလို့ ဒီရုပ်ရှင်ကားက Rating တွေလဲ ကောင်းခဲ့သလို တကယ်လဲ ထိုင်ရာမထတမ်းကြည့်မိမယ့် ရုပ်ရှင်မျိုးဖြစ်ပါတယ်။ " လူတွေဟာ အတိတ်ကို ပြန်မပြင်နိုင်ကြပါဘူး.. ဒါပေမယ့်..အနာဂတ်ဘဝကိုတော့..မတူကွဲပြားအောင် တည်ဆောက်လို့ရပါတယ်... စပြောင်းလဲဖို့သာ အဓိကပါပဲ" - Little Children (2006) (အဖော်အချွတ်ခန်းတချို့ပါတာကြောင့် မိသားစုနဲ့ကြည့်မယ်ဆို ချင့်ချိန်ကြည့်ရမယ့်ကားပါ။) File size…(2.4 GB )/(1.2 GB)  Quality….BluRay 1080p HEVC / 720p Format…mkv/mp4 Duration….02:16:00 Subtitle….Myanmar Subtitle (Hardsub) Encoder….Ka Naung Trasnlated by Mg King

War of the Worlds (2005) IMDb Rating  (6.5) / Rotten Tomatoes (76%) ဒီဇာတ်ကားက ဒါရိုက်တာကြီး Steven Spielberg ရဲ့လက်ရာဖြစ်ပြီး မင်းသား Tom Cruise , မင်းသမီး Dakota Fanning က ကလေးသရုပ်ဆောင်တို့အဖြစ် အဓိကပါဝင်ထားပါတယ်။ နာမည်ကြီး ဂန္တဝင်စာရေးဆရာ H.G Wells ရဲ့  Science fiction ဝတ္ထုဖြစ်တဲ့ " War of the Worlds ” ကိုရိုက်ကူးပုံဖော်ထားတဲ့ရုပ်ရှင်ကားဖြစ်ပါတယ်။ ဇာတ်လမ်းကတော့... ရေးဖာရာက သင်္ဘောကျင်းမှာ ကုန်တင်ကုန်ချလုပ်တဲ့ ကရိန်းအော်ပရေတာတစ်ယောက်။ သမီးတစ်ယောက် သားတစ်ယောက်ရှိပေမဲ့ ဇနီးဖြစ်သူနဲ့အိမ်ထောင်ကွဲနေတာကြောင့် သူနဲ့အတူမနေကြပါဘူး။ တစ်ရက် ဇနီးဖြစ်သူက သူ့ရဲ့နောက်ယောကျ်ားနဲ့အတူ ဘော်စတွန်မှာရှိတဲ့မိခင်ဖြစ်သူဆီသွားမှာမို့ ရေးဆီကို ရက်ပိုင်းလောက်နေဖို့ သားနဲ့သမီးကို လာပို့သွားပါတယ်။ သားဖြစ်သူက ဆယ်ကျော်သက်ဆိုတော့ ရေးနဲ့မတည့်ပေမဲ့ ဉာဏ်ကောင်းတဲ့သမီးငယ်လေးကတော့ အဖေကိုချစ်ရှာပါတယ်။ အဲ့လိုနေနေကြတုန်းမှာပဲ ရေးတို့သားအဖတွေနေတဲ့နေရာမှာ လျှပ်စီးမုန်တိုင်းတွေတိုက် မိုးကြိုးတွေတရပ်စပ်ပစ်ပါတော့တယ်။ အကုန်ငြိမ်သွားတဲ့အချိန် မြေကြီးမှာ အက်ကြောင်းရာကြီးဖြစ်ပြီး ဘာမှန်းမသိတဲ့အရာကြီးတွေပေါ်လာပါတယ်.... ကမ္ဘာကြီးက မသိပေမယ့် ကမ္ဘာကြီးကို စောင့်ကြည့်နေတဲ့တခြားကမ္ဘာက ဂြိုလ်သားတွေရှိနေပါတယ်... သူတို့ဟာ အချိန်အခါသင့်ချိန်မှာ ကမ္ဘာကြီးပေါ်ကို ရောက်ရှိလာပြီး အရာအားလုံးကို ထင်ရာစိုင်း ဖျက်စီးဖို့ ကြိုးစားပါတော့တယ်.... ဒီလိုကပ်ဘေးဆိုက်ချိန်မှာပဲ ရေးတို့မိသားစုရဲ့ မေတ္တာတရားဆက်နွယ်မှုတွေနဲ့ လူသားတွေရဲ့ အသက်ရှင်လွတ်မြောက်ရေး ကြိုးစားကြပုံတွေကို သည်းထိတ်ရင်ဖိုကြည့်ရမယ့်ဇာတ်လမ်းပါ။ သေရေးရှင်ရေးကြုံဆုံလာရချိန်မှာ မိသားစုတွေကြားကချစ်ခြင်းတွေ လူသားတွေရဲ့ လုံ့လဝီရိယတွေကို ပုံဖော်ရိုက်ကူးထားပါတယ်။ File size…(13 GB)/(3.5 GB )/(2.1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….01:56:31 Subtitle….Myanmar Subtitle (Hardsub) Encoder….Ka Naung Translated by Pyae Phyo