Tyler Roberge ပါဝင်သော ဇာတ်ကားများ

How to Lose a Popularity Contest (2026) +++++++++++++++++ ဆယ်ကျော်သက် အချစ်ဟာသ (YA Rom-Com) ရုပ်ရှင်လေးတွေ ကြိုက်တဲ့သူတွေအတွက် "How to Lose a Popularity Contest" ဆိုတဲ့ Tubi Original ကားလေးကို ဒါရိုက်တာ Stephen S. Campanelli က ရိုက်ကူးထားပြီး Netflix ရဲ့ Ginny & Georgia ထဲက မင်းသမီးချောလေး Sara Waisglass နဲ့ နာမည်ကြီး TikToker/အဆိုတော် Chase Hudson (Lil' Huddy) တို့က အဓိက အတွဲညီညီ သရုပ်ဆောင်ထားတာမို့လို့ လူငယ်တွေကြားမှာ တော်တော်လေး ရေပန်းစားနေတဲ့ ကားလေးပါ။ ဇာတ်လမ်းရဲ့ အဓိကဇာတ်ကောင်ဖြစ်တဲ့ Ellie Pearse (Sara Waisglass) ဟာ အရာရာကို အပြည့်စုံဆုံးဖြစ်အောင် လုပ်တတ်တဲ့ စာတော်ကျောင်းသူလေးတစ်ယောက်ပါ။ ဒါပေမဲ့ သူ့ရည်းစားဟောင်း Rowan က လမ်းခွဲသွားတဲ့အခါမှာတော့ အကြီးအကျယ် စိတ်ဒဏ်ရာရသွားပါတယ်။ ပိုဆိုးတာက အဲဒီရည်းစားဟောင်းက ကျောင်းရဲ့ ကျောင်းသားခေါင်းဆောင် ရွေးကောက်ပွဲမှာ ဝင်ပြိုင်မယ်ဆိုတော့ Ellie တစ်ယောက် မခံချင်စိတ်နဲ့ ကလဲ့စားချေဖို့ အကွက်ချပါတော့တယ်။ ရည်းစားဟောင်းကို ရွေးကောက်ပွဲမှာ ရှုံးနိမ့်အောင် နှောင့်ယှက်ဖို့အတွက် Ellie ဟာ ကျောင်းက နာမည်ကြီး လူပေလူတေ Slacker လေးတစ်ယောက်ဖြစ်တဲ့ Nate Reed (Chase Hudson) ကို သွားပြီး စည်းရုံးပါတော့တယ်။ ထူးဆန်းတာက Nate ကလည်း သူ့ရည်းစားဟောင်းနဲ့ လမ်းခွဲထားရတာမို့လို့ အသည်းကွဲနေတဲ့သူ ဖြစ်နေတာပါ။ အဲဒါနဲ့ Ellie က Nate ကို သူ့ရဲ့ ခေါင်းညိတ်ရုပ်သေးရုပ်အဖြစ် သုံးပြီး ရွေးကောက်ပွဲမှာ ဝင်ပြိုင်ခိုင်းဖို့၊ Nate ရဲ့ 'Dumb Bro' (လူအူတူတူ ပုံစံ) ကို ဖျောက်ပြီး ဥက္ကဋ္ဌပုံစံပေါက်အောင် ပြုပြင်ပေးဖို့ ဖြစ်လာပါတော့တယ်။ ရွေးကောက်ပွဲ နီးလာတာနဲ့အမျှ Ellie က Nate ကို ကျောင်းသားထုကြားမှာ မဲတွေ အများကြီးရအောင်၊ လူကြိုက်များအောင် နောက်ကွယ်ကနေ ကြိုးကိုင်ပေးပါတယ်။ ဒါပေမဲ့ ရည်းစားဟောင်းတွေကို ကလဲ့စားချေဖို့ ပေါင်းမိရာကနေ၊ သူတို့နှစ်ယောက်ကြားမှာ မမျှော်လင့်ဘဲ အချစ်စိတ်တွေ တဖြည်းဖြည်း နိုးကြားလာတဲ့အခါမှာတော့... Ellie သေသေချာချာ ချမှတ်ထားတဲ့ အစီအစဉ်တွေအားလုံး ဗြောင်းဆန်ကုန်ပါတော့တယ်။ ကျောင်းတွင်း အားပြိုင်မှု၊ ရွေးကောက်ပွဲ မဲဆွယ်ပွဲတွေနဲ့ "Hate to Love" (မုန်းရာကနေ ချစ်သွားတဲ့) ဇာတ်လမ်းပုံစံမျိုး ကြိုက်တတ်ရင် ပေါ့ပေါ့ပါးပါးနဲ့ ရယ်ရယ်မောမော ကြည့်လို့ကောင်းမယ့် ကားလေးပါ။ နောက်ဆုံးမှာ Ellie တစ်ယောက် ရည်းစားဟောင်းကို ကလဲ့စားချေနိုင်မလား၊ ဒါမှမဟုတ် သူ့အတွက် တကယ့်အချစ်စစ်ဖြစ်တဲ့ Nate နဲ့ပဲ လက်တွဲသွားမလားဆိုတာကိုတော့ 'How to Lose a Popularity Contest' ထဲမှာ ဆက်လက်ကြည့်ရှုလိုက်ပါဦးနော်။ File Size… (1.32GB) / (725MB) Quality… WEB-DL 1080p HEVC / 720p Format…mkv / mp4 Duration…1h 42m Genre ….Comedy , Romance Subtitle….Myanmar Subtitle (Hard Sub)

A Nice Indian Boy (2024) "အလိမ္မာအိမ်ပါ အမေ့သမက် " လူနှစ်ဦးကြားက အချစ်ဆိုတာဟာ အသားရောင်မရွေး၊ လူမျိုးမရွေး၊ ကျား/မ မရွေးဖြစ်ပေါ်လာနိုင်တာမျိုးပါ။ ဒါကြောင့်မို့ ဒီတစ်ခါမှာတော့ အချစ်ဇာတ်လမ်းများစွာထဲက လူမျိုးမတူ၊ ဓလေ့မတူဘဲ ချစ်မိသွားကြတဲ့ လိင်တူချစ်သူနှစ်ဦးအကြောင်း ဟာသနဲ့ဒရာမာ နှောထားတဲ့ အချစ်ဇာတ်လမ်းတစ်ပုဒ်နဲ့ မိတ်ဆက်ပေးချင်ပါတယ်။ နာဗင်းဆိုတဲ့ အိန္ဒိယလူမျိုးဆရာ၀န်လေးဟာ ‌ဂေးတစ်ယောက်အဖြစ် ကိုယ့်ကိုယ်ကိုယ်လက်ခံထားသလို မိဘတွေကလည်း သိရှိထားပြီးသားပါ။ အမျိုးတစ်ယောက်မင်္ဂလာဆောင်တိုင်း နောက်တစ်ခါမင်းအလှည့်ပေါ့လို့ အမြဲအပြောခံရတတ်တဲ့ နာဗင်းတစ်ယောက် ကောင်လေးတစ်ယောက်နဲ့အတူတွဲထွက်ရမဲ့ သူ့မင်္ဂလာဆောင်ကို အမြဲမြင်ယောင်ကြည့်တတ်ပါတယ်။ တစ်နေ့တော့ သူတို့ဆေးရုံမှာ ဓာတ်ပုံလာရိုက်ပေးတဲ့ လူဖြူကောင်လေးဂျေးနဲ့ ဆုံဆည်းမိပြီး ချစ်သူဘ၀ ရောက်ရှိသွားခဲ့ပါတယ်။ ဒီလိုနဲ့ နာဗင်းတစ်ယောက် သူ့ရဲ့လူဖြူကောင်လေးကို မိဘတွေနဲ့ ဘယ်လိုမိတ်ဆက်ပေးမလဲ၊ အိန္ဒိယအသိုင်းအဝိုင်းထဲ ဘယ်လိုခေါ်သွင်းလာမလဲ၊ သားသမီးတွေရဲ့အိမ်‌ထောင်ရေးမှာ အိန္ဒိယလူရည်မွန်လေးဖြစ်ရေးကို အသားပေးတတ်တဲ့ နာဗင်းရဲ့အမေကရော လက်ခံပေးပါ့မလား၊ သူတို့နှစ်ဦးရဲ့အချစ်ခရီး ဘယ်လိုရှေ့ဆက်သွားမလဲဆိုတာ... ပေါ့ပေါ့ပါးပါး ကြည့်ရှုခံစားကြရမှာဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ CM Bollywood Team ဖြစ်ပါတယ်။) File size…1.4 GB / 700 MB Quality…WEB DL 1080p HEVC / 720p Format…mkv/mp4 Duration….1h 36min Subtitle….Myanmar Subtitle (Hard Sub) Encoder….YK Translated by CM Bollywood Team

Three Wiser Men and a Boy (2024) IMDb Rating (7.0) ဒီဇင်ဘာလခရစ်စမတ်ပွဲတော်ရက်လည်းနီးလာပါပြီ ဘာကျွေးကြမလဲ ဘာတွေလက်ဆောင်ပေးကြမလဲဆိုပြီး ကြိုပျော်တဲ့သူတွေလည်းကြိုပျော်ကုန်ကြပါပြီ ။ ဒီအချိန်မှာ ခရစ်စမတ်အကြောင်းအထူးပြုရိုက်ထားတဲ့ ဇာတ်ကားလေးတစ်ခုနဲ့မိတ်ဆက်ပေးချင်ပါတယ်။ လုခ် ဘရန်နာ( အင်ဒရူးဝေါ့ကာ) တေလာဘရန်နာ( တိုင်လာဟိုင်းစ်)နဲ့စတီဖန်ဘရန်နာ(ပေါလ်ကမ်ဘဲလ်)တို့က ညီအကိုသုံးယောက်ဖြစ်ပါတယ်။ လုခ်ကမီးသတ်ဌါနအကြီးအကဲဖြစ်ပြီးသူနဲ့သူ့ဇနီးကယ်ရိုလင်းမှာချစ်စရာကောင်းတဲ့သားလေးသောမတ်စ်ရှိပါတယ်။ သောမတ်စ်က ကျောင်းမှာ ခရစ်စမတ်အတွက်ကပြမယ့် ပြဇာတ်ထဲမှာပါနေပါတယ်။ စတီဖန်မှာချစ်သူ ဆူဇီ ရှိပြီးစတီဖန်ကစိတ်ဖိစီးမှုလျော့ချနိင်မယ့်နည်းလမ်းတွေအကြောင်းရေးတဲ့စာရေးဆရာဖြစ်ပါတယ်။ တေလာကတော့ ဂိမ်းတွေကိုဖန်တီးသူဖြစ်ပြီး သူ့ရဲ့ဂိမ်းကိုအပြတ်လာဝယ်ပေမယ့်မရောင်းလိုက်တဲ့အခါ ငွေကြေးပြတ်လပ်ပြီးနေတဲ့ တိုက်ခန်းကပါထွက်ပေးရတဲ့ အခြေအနေဆိုက်နေပါတယ်။ သူတို့အမေဘာဘရာ(မာဂရက်ကောလင်း)ကသူတို့ကို သူ့အိမ်မှာညစားဖို့ခေါ်လိုက်ပါတယ်။ မထင်မှတ်ထားတဲ့ဟာကသူ့အမေကသူတို့ကို ချစ်သူရွိုင်နဲ့မိတ်ဆက်ပေးလိုက်တာပါ။ နေစရာပျောက်နေတဲ့တေလာတိုက်တွန်းတာနဲ့ ညီအကိုသုံးယောက်နဲ့သောမတ်စ်တို့ဘာဘရာ့အိမ်မှာ တစ်ပါတ်နေဖို့အကြောင်းဖန်လာပါတယ်။ သောမတ်စ်ဆီကိုကွတ်ကီးမုန့်တွေဝယ်လာပို့တဲ့တေလာကကျောင်းကစန္ဒယားဆရာမလေးနဲ့ရင်းနှီးသွားပါတယ်။ မထင်မှတ်ပဲ တေလာနဲ့စတီဖန်ကြောင့်ကျောင်းက ခရစ်စမတ်အထိမ်းအမှတ်ပြဇာတ် အခင်းအကျင်းနဲ့အဝတ်အစားတွေကိုဖျက်ဆီးသလိုဖြစ်သွားပါတယ်။ သူတို့ငယ်ကတည်းကြောက်ရတဲ့ကြောက်ရတဲ့ကျောင်းအုပ်ကြီးက သူတို့ညီအကိုသုံးယောက်ကိုပြဇာတ်ကိုအောင်မြင်အောင်ပြန်လုပ်ဖို့ တာဝန်ပေးလိုက်ပါတယ်။ ညီအကိုသုံးယောက်ဘာတွေလုပ်ကြမလဲပြဇာတ်ကအောင်မြင်မလား ဘယ်သူတွေကသူတို့ကိုကူညီမလဲ ညီအကိုနှစ်ယောက်ရဲ့အချစ်ရေးနဲ့မိခင်ကြီးရဲ့အချစ်ရေး အဆင်ပြေမလားဆိုတာတော့ဆက်ကြည့်ရှုနိုင်ပါတယ်။ အတွေးအခေါ်ပါတဲ့ဒိုင်ယာလော့တွေကလည်း ဆွဲဆောင်မှုရှိပါတယ်။ မိသားစုရဲ့ ခရစ်စမတ်ရိုးရာကိုလည်းတွေ့ရမှာဖြစ်သလိုခရစ်စမတ်မှာလုပ်တတ်ကြတဲ့အနောက်နိုင်ငံတွေရဲ့ ရိုးရာလေးတွေကိုပါသိရမှာဖြစ်ပါတယ်။ ဒီရုပ်ရှင်က ၂၀၂၂ ကရိုက်ကူးခဲ့တဲ့ ThreeWise Men and a Boy ဇာတ်ကားရဲ့အဆက်ဖြစ်ပါတယ်။ ဒါရိုက်တာက တယ်ရီအင်ဂရမ်ဖြစ်ပါတယ်။ Hallmark Channel ကထုတ်လွှင့်တာဖြစ်ပြီးချန်နယ်ပရိသတ်တွေကြိုက်ကြတဲ့မိသားစုဇာတ်ကားဖြစ်ပါတယ်။ (အညွှန်းနဲ့ဘာသာပြန်ကတော့ khin sakar khin ဖြစ်ပါတယ်။) File size…(1.8 GB) / (840 MB) Quality….WEB-Rip 1080p HEVC / 720p Format…. mkv/mp4 Genre….Comedy,Drama,TV Movie Duration….01:24:25 Subtitle….Myanmar Subtitle (Hardsub) Encoder….Double K Translated by khin sakar khin