Viola Prettejohn ပါဝင်သော ဇာတ်ကားများ

The Testament of Ann Lee (2025) IMDb Rating (7.0) / Rotten Tomatoes (86%) ဒီကားလေးကတော့ ၁၈ ရာစုတုန်းက "Shakers" ဆိုတဲ့ ဘာသာရေးဂိုဏ်းကို စတင်တည်ထောင်ခဲ့တဲ့ အမျိုးသမီးခေါင်းဆောင် Ann Lee ရဲ့ ဘဝအကြောင်းကို အခြေခံရိုက်ကူးထားတဲ့ သမိုင်းဝင် ဂီတဒရာမာ (Historical Musical Drama) ကားကောင်းလေးတစ်ကားပါ။ ဇာတ်လမ်းအကျဉ်း ဇာတ်လမ်းက အင်္ဂလန်နိုင်ငံ မန်ချက်စတာမြို့မှာ မွေးဖွားခဲ့တဲ့ Ann Lee (Amanda Seyfried ) ကနေ စထားပါတယ်။ Ann ဟာ ငယ်ဘဝမှာရော၊ အိမ်ထောင်ကျပြီးချိန်မှာပါ စိတ်ဒဏ်ရာတွေ အများကြီးရခဲ့တယ်။ ကလေး ၄ ယောက်မွေးတာ ၄ ယောက်စလုံး ငယ်ငယ်ရွယ်ရွယ်နဲ့ ဆုံးပါးသွားတဲ့အတွက် စိတ်ပိုင်းဆိုင်ရာ တော်တော်လေး ထိခိုက်ခဲ့ရရှာတယ်။ အဲဒီနောက်မှာတော့ သူဟာ ခရစ်ယာန်ဂိုဏ်းခွဲတစ်ခုဖြစ်တဲ့ Quakers တွေနဲ့ ပူးပေါင်းမိပြီး ဘာသာရေးဘက်ကို အာရုံစိုက်လာခဲ့တယ်။ ကြာလာတော့ သူ့ကိုယ်သူ ဒုတိယအကြိမ် ဝင်စားတဲ့ မေရှိယ (Messiah) အဖြစ် ခံယူကာ "Shakers" ဆိုတဲ့ ကိုယ်ပိုင်ဂိုဏ်းကို စတင်တည်ထောင်ခဲ့ပါတယ်။ သူတို့ဂိုဏ်းက တခြားဂိုဏ်းတွေနဲ့မတူဘဲ ဘုရားဝတ်ပြုတဲ့အခါမှာ သီချင်းတွေဆို၊ ကခုန်ပြီး စိတ်လှုပ်ရှားတက်ကြွစွာ ဝတ်ပြုလေ့ရှိကြတယ်။ ဒါ့အပြင် Ann Lee က ကျား/မ တန်းတူညီမျှရေး၊ လူတန်းစားခွဲခြားမှုမရှိရေးနဲ့ လိင်မှုကိစ္စရှောင်ကြဉ်ရေး (Celibacy) တွေကို အဓိကထား ဟောပြောခဲ့တယ်။ ဒါပေမဲ့ သူ့ရဲ့ ဒီလိုဟောပြောချက်တွေက အဲဒီခေတ်က အသိုင်းအဝိုင်းအတွက် လက်ခံရခက်နေတော့ ဘာသာရေးအစွန်းရောက်အဖြစ် သတ်မှတ်ခံရပြီး စုန်းမလို့ စွပ်စွဲခံရတာ၊ ရိုက်နှက်ထောင်ချခံရတာတွေ အများကြီး ကြုံခဲ့ရတယ်။ အဲဒီလို ဖိနှိပ်မှုတွေ၊ အခက်အခဲတွေကြားကနေ သူ့ရဲ့ နောက်လိုက်တပည့်တွေ၊ အစ်ကိုဖြစ်သူ William တို့နဲ့အတူ အမေရိကကို ထွက်ပြေးပြီး သူတို့ယုံကြည်တဲ့ လွတ်လပ်တဲ့ ဘာသာရေးအသိုင်းအဝိုင်းလေးတစ်ခုကို ဘယ်လိုတည်ဆောက်ခဲ့ကြလဲ ဆိုတာကို ရိုက်ကူးတင်ဆက်ထားတာပါ။ ဒီကားရဲ့ အထူးခြားဆုံးအချက်က သာမန်အတ္ထုပ္ပတ္တိကားတွေလို ရိုးရိုးကြီးပြမသွားဘဲ မူရင်း Shaker သီချင်းဟောင်းတွေကို ပြန်လည်အသက်သွင်းပြီး Musical ပုံစံမျိုး တင်ဆက်ထားတာပါပဲ။ ရုပ်ရှင်ထဲက သီချင်းတွေ၊ ကကွက်တွေက ဇာတ်ကောင်တွေရဲ့ ယုံကြည်မှုနဲ့ ခံစားချက်ကို ပိုပြီး နက်နက်ရှိုင်းရှိုင်း ရောက်သွားစေတယ်။ အထူးသဖြင့် ခေါင်းဆောင် Ann Lee နေရာက သရုပ်ဆောင်သွားတဲ့ Amanda Seyfried ရဲ့ သရုပ်ဆောင်ချက်က တကယ့်ကို အသက်ဝင်ပြီး ကြည့်ရတာ အရမ်းပီပြင်ပါတယ်။ သမိုင်းကြောင်းတွေ၊ ဘာသာရေး ယုံကြည်မှုတွေနဲ့ အမျိုးသမီးတစ်ယောက်ရဲ့ ကြံ့ကြံ့ခံ ရုန်းကန်မှုတွေကို ဂီတအနုပညာနဲ့ ပေါင်းစပ်ကြည့်ရှုချင်တယ်ဆိုရင်တော့ လက်မလွှတ်တမ်း ကြည့်သင့်တဲ့ ဇာတ်ကားကောင်းလေးတစ်ကား ဖြစ်ပါတယ်။ (18+ အခန်းတချို့နှင့် ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (2 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Drama,History,Music Duration…. 02:17:56 Subtitle…. Myanmar Subtitle (Hardsub)

ဒါက‌တော့ လတ်တလောမှထွက်ရှိထားတဲ့ အပိုင်း၆ပိုင်းပါ ဗြိတိန်မီနီစီးရီးလေးဖြစ်ပါတယ်။ အပိုင်းတစ်အစမှာ စစ်တပ်သယ်ပို့ရေးယာဉ်က စမ်းသပ်ခန်းကနေ ပစ္စည်းသယ်လာရာမှ ဒမ်ဘရီမြို့အနီးမှာ ကားမှောက်ပြီး ဓါတုလက်နက်ယိုစိမ့်သွားပါတယ်။ အနီးအနားမှာရှိနေတဲ့ သက်ကြီးစုံတွဲက ကူးစက်ခံရပြီး ဘိုးဘွားဂေဟာက လူတချို့ပါ ကူးစက်ခံလိုက်ရပါတယ်။ ကူးစက်ခံလက္ခဏာတွေကတော့ အသားကိုဆာလောင်တာဖြစ်ပြီး ဇွမ်ဘီတွေနဲ့မတူဘဲ ကိုယ်ပိုင်အသိစိတ်ကတော့ ကျန်နေသေးတာပါ။ ဂေဟာကနေမှတဆင့် ဒမ်ဘရီမြို့ထဲကိုပါကူးစက်လာပြီး ဆယ်ကျော်သက်တွေဖြစ်ကြတဲ့ ကယ်လီ၊ ဖင်န်၊ ချာလီနဲ့ စတက်ဖ်တို့ ဘယ်လိုရင်ဆိုင်ကြမလဲဆိုတာ စိတ်၀င်စားစရာကြည့်ရှုရမှာပါ။ File size…(660 MB)/(392 MB) Quality….Webrip 1080p / 720p Format…mp4 Duration….00:52:00 Genre...Comedy, Drama Subtitle….Myanmar Subtitle (Hardsub) Encoder….Swan Min Htet Translated by Soe Thiri Nwe

သိပ္ပံစိတ်ကူးယဉ် အက်ရှင် စီးရီးတိုလေးတစ်ခု တင်ပေးချင်ပါတယ်။အပိုင်း (၆) ပိုင်းပဲ ပါပါတယ်။ IMDb 7.6 အထိ ရထားပါတယ်။ထုတ်လုပ်သူ၊ ဇာတ်ညွှန်းဆရာကတော့ Joss Whedon ပဲ ဖြစ်ပါတယ်။ Joss ဆိုလို့ နှာခေါင်း ရှုံ့မသွားပါနဲ့ဦး။Justice League မှာ ပရိသတ်တွေ မကြိုက်ခဲ့ပေမယ့်သူ့လက်ရာ Avengers ရယ် Age of Ultron ကို ကြိုက်ခဲ့ကြတာ သတိရဦးမှာပါ။ဒါ့အပြင် စူပါဟီးရိုးဖန်တိုင်းကြိုက်တဲ့ Agents of Shield စီးရီးကလည်း သူ့လက်ရာပါပဲ။ဒီလောက်ဆို ဒီဘဲကြီးက Sci-fi action တွေမှာ စိတ်ချရတယ်ဆိုတာ သိမှာပါ။ ဇာတ်လမ်းအကျဉ်းက ဒီလိုပါ... ဝိတိုရိယခေတ်လို့ ခေါ်တဲ့ 1837 နဲ့ 1901 ခုနှစ်ကြားကလန်ဒန်မြို့မှာ အခြေတည်ထားပါတယ်။မြို့ပေါ်ကနေ ထူးဆန်းတဲ့ အရာကြီးတစ်ခု ဖြတ်ပျံသွားပြီးအဲဒီအရာပေါ်ကနေ ကျလာတဲ့ မီးပွားလို အရာလေးတွေဟာလူပေါင်းများစွာကို ထိတွေ့မိခဲ့ပါတယ်။အဲဒီထဲက အချို့အမျိုးသမီးတွေဟာ စွမ်းအင်ကိုယ်စီ ထူးထူးဆန်းဆန်းရလာခဲ့တာပါပဲ။ဒီလိုစွမ်းအားတွေရှိနေတဲ့ အမျိုးသမီးတွေကို ရှေးကာလမှာပိုပြီးကြောက်ရွ့့ကြ နှိမ်ချကြတာမဆန်းပါဘူး။ဒီရုပ်ရှင်က ခေါင်းဆောင်မင်းသမီးတွေ အဓိကပါဝင်တာဖြစ်ပါတယ်။အဲဒီ စွမ်းအင်တွေရနေတဲ့ အမျိုးသမီးတွေကို စုစည်းပြီး ကာကွယ်ပေးဖို့ဂေဟာတစ်ခုကို မင်းမျိုးမင်းနွယ် လူချမ်းသာ အပျိုကြီး မစ္စ လဗီးနီးယားဘစ်လိုးဆိုတဲ့သူက တည်ထောင်လိုက်ပါတယ်။ X-women တွေလိုပေါ့။အဲဒီဂေဟာကိုဦးစီးတဲ့ စွမ်းအားရှင်ကတော့ မစ္စစ် အမ်မာလီးရားထရူး ဆိုတဲ့ မုဆိုးမ ဖြစ်ပြီးသူ့အစွမ်းကတော့ အနာဂတ်ကို အပိုင်းအစတွေအနေနဲ့ ဖြတ်ခနဲ မြင်နိုင်တာပါပဲ။ သူ့ရဲ့လက်ထောက်အနေနဲ့ အခင်ဆုံး သူငယ်ချင်းကတော့ မစ္စ ပန်းနန့်စ် အဒဲရ်ဖြစ်ပြီးသူ့အစွမ်းကတော့ လျှပ်စစ်စီးကြောင်းတွေကိုမြင်နိုင်ပြီးခေတ်ရှေ့ပြေးတဲ့ ပစ္စည်းမျိုးစုံကို တီထွင်နိုင်သူ ဖြစ်လာပါတယ်။သူတို့မိတ်ဆွေတွေကလည်း အစွမ်းကိုယ်စီနဲ့ပေါ့။သူတို့ ရင်ဆိုင်ရတဲ့သူတွေကတော့ ဖိနှိပ်ချင်တဲ့ အစိုးရအပြင်သူတို့လိုစွမ်းအားရှိနေတဲ့ စိတ္တဇလူသတ်သမား ((ဂျိုကာလို ကာရိုက်တာမျိုး)၊သူတို့တွေကို ဖမ်းပြီးစမ်းသပ်နေတဲ့ ဆရာဝန်၊ဒါ့အပြင် သူတို့ကို စွမ်းအားတွေရလာစေတဲ့ အနာဂတ်ကလာတဲ့ ဂြိုလ်သားတွေပါ ဖြစ်လာပါတယ်။ ဒီစီးရီးကို ဘာသာပြန်သူအနေနဲ့ အတော်ကို ကြိုက်ပါတယ်။ပုံမှန် ဇာတ်လမ်းနဲ့သရုပ်ဆောင်တွေကို ကြိုက်တာအပြင် ဘောနပ်စ် အနေနဲ့ဗြိတိန်စကားပြောနဲ့လေသံလေးတွေပါလို့ ပိုသဘောကျပါတယ်။မင်းသမီးက အန်းဟဲသားဝေးနဲ့ ဆင်နေလို့ သဘောကျပါတယ်။ဝိတိုရိယခေတ် လေဒီလေးတွေရဲ့ ခါးစီးတွေနဲ့ ဂါဝန်ရှည်လေးတွေနဲ့ ချစ်စရာကောင်းတာလေးကို သဘောကျပါတယ်။တိုက်ခိုက်ခန်းတွေက အရမ်းကြမ်းတော့ ဂါဝန်တွေ ကျွတ်လိုက် ပြဲလိုက် မလုံ့တလုံဖြစ်လိုက်ကိုလည်း သဘောကျပါတယ်။သတိပေးချင်တာကတော့ မိသားစုနဲ့ ကြည့်မယ်ဆိုကြည့်လို့ရပေမယ့်အိပ်ရာခန်းလေးတွေ ၃-၄ ခန်းလောက် ပါတာမို့ရီမုလေး ကိုင်ထားပြီးကြည့်သင့်ကြောင်း အကြံပေးရင် တင်ဆက်လိုက်ကြပါတယ်။အပန်းဖြေနိုင်ကြပါစေ။ File size…(993 MB)/(519 MB) Quality….HEVC 1080p / 720p Format… mkv / mp4 Duration….00:52:00 Genre...Sci-Fi & Fantasy, Drama Subtitle….Myanmar Subtitle (Hardsub) Encoder…. Swan Min Htet Translated by Little Neo