Wayne Duvall ပါဝင်သော ဇာတ်ကားများ

ဒီဇာတ်လမ်းလေးက အချစ်အတွက်ဆို ဘဏ်ဓားပြလည်း တိုက်မယ်၊ ထောင်လည်းဖောက်မယ်ဆိုတဲ့ နုံနုံအအ ကောင်လေးတစ်ယောက်ရဲ့ဇာတ်လမ်းပါ။ ဇာတ်လမ်းအကျဥ်းကို ပြောပြရရင် ဘာရွန်ဟာ လည်လည် ဝယ်ဝယ်မရှိတဲ့လူရိုးလေးဖြစ်ပြီး ရောဂါသည်အမေကြီးကို ပြုစုနေရသူပါ..။ ငွေရေးကြေးရေးက သိပ်မပြေလည်လို့ မိခင်ကြီးရဲ့ဆေးဖိုး အတွက် ရုန်းရင်းကန်ရင်း တစ်နေ့မှာအလုပ်ဖြုတ်ခံလိုက်ရပါတယ်...။ အဲ့ဒီနေ့မှာပဲ မာမလိတ်ဆိုတဲ့ ကောင်မလေးနဲ့တွေ့ဆုံပြီး အချစ်ရဲ့ ကြိုးဆွဲရာကတဲ့ရုပ်သေးဖြစ်ခဲ့ရပါတော့တယ်...။ ဒီကောင်မလေးရဲ့ စေခိုင်းမှုကြောင့် နုံအအနဲ့ ချစ်မျက်ကန်း တစ်ယောက်ဖြစ်တဲ့ ဘာရွန်တစ်‌ယောက် ဘဏ်ဓားပြဘယ်လိုတိုက်မလဲ ထောင်ဘယ်လိုဖောက်မလဲဆိုတာတွေကို ဇာတ်လမ်းလေးထဲမှာ မြင်တွေ့ရမှာပါ....။ File size…1.63GB / 769MB Quality…WEB-DL 1080p 5.1 CH/ 720p Format…mp4 Duration….1h 39m Genre ….. Comedy , Crime , Drama Subtitle….Myanmar Subtitle (Hard Sub) Encoder….Min Wai Translated by Themes

A Quiet Place Part 2 (2020) IMDb Rating (7.2) / Rotten Tomatoes (91%) Quiet Place 2 လာပါပြီ။ အသံထွက်တာနဲ့ ချက်ချင်းလာသတ်တဲ့ ဂြိုလ်သားလို သတ္တဝါဆိုးတွေကို မှတ်မိဦးမှာပါ။ အပိုင်း ၁ မှာတုန်းကတော့ အသက်ရှင်သန်ဖို့ အဓိက ကြိုးစားနေရတာဖြစ်ပြီး နောက်ဆုံးမှာတော့ ပြန်တိုက်ခိုက်နိုင်မယ့်နည်းကို တွေ့သွားခဲ့ပါပြီ။ အခု အပိုင်း ၂ မှာတော့ ကျန်ခဲ့တဲ့ မိသားစုဝင်လေးဟာ အခြားနေရာတစ်ခုကို ရွှေ့ဖို့ကြိုးစားရင်း လူအသစ်တွေနဲ့ တွေ့ပြီး လွတ်မြောက်နယ်မြေတစ်ခုကိုရောက်နိုင်မယ့် သဲလွန်စ တွေ့လာတဲ့အခါ....။ ပထမရုပ်ရှင်က ဇာတ်ကောင်တွေဖြစ်တဲ့ Emily Blunt နဲ့ သူ့ကလေးတွေပါဝင်ထားပြီး Cillian Murphy က အသစ်ပါဝင်ထားပါတယ်။ A Quiet Place ရုပ်ရှင်အားလုံးကို ဒီမှာ https://www.channelmyanmar.to/?s=a+quiet+place ကြည့်ပါ။ File size…(7 GB)/(1.7 GB ) / (800 MB) Quality….BluRay 4K HEVC/ 1080p / 720p Format…mkv/mp4 Duration….01:37:00 Subtitle….Myanmar Subtitle (Hardsub) Encoder….SWM , Ka Naung Translated by Mr.Anderson

The Hunt (2020) IMDb Rating 6.4 / 10 ထိရရှိထားပါတယ်။ ဒီဇာတ်ကားက Digital Release အနေနဲ့ ထွက်ရှိလာတဲ့ ရုံတင်ကားတစ်ကားပါပဲ . . . လူကုံထံလူတစ်စုရဲ့ Group Chat တစ်ခုတွင် အိမ်တော်ကြီးမှာအမဲလိုက်ခြင်းနဲ့ပတ်သတ်ပြီး အပြန်အလှန်ပြောဆိုပြီးမကြာခင်မှာ  ....  တစ်ယောက်နဲ့တစ်ယောက်မသိကြတဲ့ နေရာစုံက လူ ၁၁ ယောက်ဟာ ဘယ်ရောက်လို့ဘယ်ပေါက်မှန်းမသိတဲ့နေရာတစ်ခုမှာနိုးလာကြတယ်။ သူတို့ကိုဘာလို့ရွေးချယ်ထားတာလဲ ဘာလို့ဒီကိုရောက်နေတာလဲ ဘယ်သူမှသေချာမသိကြပါဘူး။ လက်နက်သေတ္တာကြီးထဲမှာ လက်နက်တွေကိုစယူလိုက်တာနဲ့ အမဲလိုက်ပွဲကစတင်ပြီး တစ်ယောက်ပြီးတစ်ယောက် ရက်ရက်စက်စက် အသတ်ခံကြရတယ်။ ဒါပေမယ့် သားကောင် ကနေမုဆိုးအဖြစ်ပြန်ပြောင်းသွားတဲ့အခါမှာ ဖုံးကွယ်ထားတဲ့အကြောင်းအရင်းတွေထွက်ပေါ် လာပါတယ်။ ဒီကိစ္စတွေဖြစ်ရတဲ့ အကြောင်းအရင်းအစစ်အမှန်ဟာ ချယ်ရီသင်းသီချင်းလေးလို "လိုက်လို့ပြေးတာလား ပြေးလို့လိုက်တာလား" နဲ့မုန့်လုံးစက္ကူကပ် ဖြစ်နေလို့ သေချာနားလည် အောင်လို့ဇာတ်လမ်းလေးပဲကြည့်လိုက်ကြပါတော့နော်။ ဇာတ်လမ်းစစချင်းမှာပဲ သွေးသံတရဲရဲနဲ့ ထိတ်လန့်ဖွယ်ရာတွေမြင်တွေ့ရမှာဖြစ်ပြီး တစ်ယောက်သေတိုင်း ဟာခနဲ ဟင်ခနဲ ဖြစ်ရမယ့် IMDb 6.4 ရထားတဲ့ဇာတ်ကားမျိုးလေးဖြစ်ပါတယ်။ Quality – 720p  Web-Rip Duration – 1 hrs 30 mins Subtitle – Myanmar Hardsub Format – Mp4 Genre : Action, Horror, Thriller Source : 1080p.WEB-RIP Translator – Htoo Htoo Ka Joe Encoder – San Win Maung

တရားမမှုအတွက် တရားခွင်နဲ့ ရာဇဝတ်မှုအတွက် တရားခွင် ဆိုတာပဲရှိတယ်။ နိုင်ငံရေး တရားခွင်ဆိုတာ မရှိဘူးဗျ။ ဟိ...ဟိ... နိုင်ငံရေးလှည့်ကွက် အနေနဲ့ အသုံးချဖို့ တရားခွင်ကို အသုံးချတာလေ။ မကြားဖူးဘူးမလား။ ဘယ်ကြားဖူးမလဲ။ တကယ်မှမရှိတာကိုး။ ဟား...ဟား.... ဆောရီးဗျာ။ နည်းနည်းတော့ရယ်မိတယ်။ အဲဒါနဲ့ နိုင်ငံရေးတရားခွင်ဆိုတာ မရှိဘူးနော်။ ကျွန်တော်ပြောရင် ယုံလိုက်။ ငိငိ xD... ၁၉၆၈ ခုနှစ် အမေရိကန်နိုင်ငံ ချီကာဂိုမြို့မှာ အမျိုးသားဒီမိုကရက်တစ်ညီလာခံကို ကျင်းပခဲ့ပါတယ်။ ၁၉၅၅ ခုနှစ်က အစပြုခဲ့တဲ့ ဗီယက်နမ် စစ်ပွဲက အားကောင်းနေဆဲကာလလည်းဖြစ်ပါတယ်။ ဒီလို အကျိုးမရှိဘဲ အပျက်ပျက်နဲ့နှာခေါင်းသွေးထွက်ရတဲ့ စစ်ပွဲကို တားစီးနိုင်ဖို့ရည်ရွယ်ချက်နဲ့ တစ်နိုင်ငံလုံးအာရုံစိုက်နေကြတဲ့ ညီလာခံရှိရာ ချီကာဂိုမြို့ကို စစ်ပွဲကို ဆန့်ကျင်သူတွေကို ဦးဆောင်ပြီး စစ်ပွဲဆန့်ကျင်ရေးတက်ကြွ လှုပ်ရှားသူ ၇ ယောက် ချီကာဂိုမြို့ကို ငြိမ်းချမ်းစွာ ချီတက်လာခဲ့ပါတယ်။ ဒီလို ဆန့်ကျင်ဆန္ဒပြရာမှာ ဆန္ဒပြသူတွေနဲ့ ရဲတွေကြားမှာ ပဋိပက္ခတွေဖြစ်ပွားပြီး လူပေါင်းများစွာ ထိခိုက်ဒဏ်ရာရခဲ့ပါတယ်။ ဒီလို အဓိကရုဏ်းဖြစ်ပွားအောင် သွေးထိုးလှုံ့ဆော်ဖို့ ပူးပေါင်းကြံစည်မှုနဲ့ ၁၉၆၉ မတ်လ ၁၀ ရက်နေ့မှာ ခေါင်းဆောင် ၇ ယောက်ကို တရားစွဲဆိုခဲ့ပါတယ်။ နေဦး တရားစွဲတယ်လို့ ပြောမိတာလား။ မတရားအဆွဲခံရတယ်လို့ ပြောရင် ပိုမှန်မလား။ အဲဒါကို ဇာတ်ကားကို တစ်ချက်ကြည့်ပြီးမှ ဆုံးဖြတ်ကြတာပေါ့။ တကယ်ကို စိတ်ပျက်စရာကောင်းတဲ့ တရားခွင်အကြောင်းကို ရိုက်ကူးထားတာဖြစ်ပေမဲ့ အတော်ကို ဟာသမြောက်ပါတယ်။ Chicago 7 လို့ လူသိများတဲ့ ဒီ ၇ ယောက် စစ်ပွဲကို ငြိမ်းငြိမ်းချမ်းချမ်း ဆန့်ကျင်ဆန္ဒပြရင်း ထောင်ခြောက်ဆင်ခံရပြီး နိုင်ငံရေးကစားပွဲထဲက ထိုးကျွေးခံနယ်ရုပ်လေးတွေ ဖြစ်လာတဲ့ပုံကို လှလှပပလေးပြထားပါတယ်။ ဒီ လူ ၇ ယောက်ထဲက နာမည်ကျော် နိုင်ငံတကာလူငယ်ပါတီ(YIP - Yippy လို့လည်းခေါ်ပါတယ်) ခေါင်းဆောင် အက်ဘီ ဟော့ဖ်မန်း ရဲ့ပြက်လုံးတွေကတော့ အဓိကအားဖြည့်ထားတာပေါ့။ သောက်တလွဲတရားသူကြီး ဂျူလိယက် ဟော့ဖ်မန်း(တရားခံ အက်ဘီဟော့ဖ်မန်းနဲ့အမျိုးမတော်ပါ။ ဒီအကြောင်းကို ဇာတ်ကားထဲမှာ သေချာရှင်းရှင်းလင်းလင်းပြထားပါတယ်။) ရဲ့ ကြောင်တောင်တောင် ဂေါက်တောက်တောက် လုပ်တာတွေက တကယ်ကို မုန်းချင်စရာကောင်းသလို ရယ်လည်းရယ်ချင်စရာကောင်းပါတယ်။ သူတို့ ၇ ယောက် တရားရုံးမှာ မလှုပ်သာမလှည့်သာ အကြပ်ရိုက်နေကြတာကို ထေ့လုံးငေါ့လုံးတွေနဲ့ သရော်ပြထားပြီး အဓိကရုဏ်းဖြစ်တဲ့နေ့က အဖြစ်အပျက်ကို အပြည့်အစုံပြထားပါတယ်။ ဒီတရားခွင်ဖြစ်လာတဲ့ အကြောင်းကို သိရင် အပေါ်မှာ ပြောထားတဲ့အတိုင်း နိုင်ငံရေးတရားခွင်ဆိုတာ ရှိလား ဆိုတာ ပြန်ပြီးမေးခွန်းထုတ်ချင်စရာဖြစ်လာပါလိမ့်မယ်။ ပိုပြီး ထင်ရှားတာကတော့ သူတို့ ၇ ယောက်နဲ့ ဘာမှမဆိုင်တဲ့ လူမည်းအခွင့်အရေးတက်ကြွလှုပ်ရှားသူ Black Panther ပါတီ ခေါင်းဆောင် ဘော်ဘီစီးလ် ကိုပါ သူတို့ ၇ ယောက်နဲ့ အတူတရားစွဲခံထားရတာကိုသာကြည့်ပါတော့။ သူတို့တွေက အတွေးအခေါ်တစ်ခုကို ပြည်နယ်တွေကို ဖြတ်ပြီးသယ်လာရင်း တစ်နိုင်ငံလုံးကို သိလာအောင် မြင်လာအောင် ကြားလာအောင် ပြောပြဖို့ ကြိုးစားရင်းက ပါးစပ်တွေကို ပိတ်ထားလိုသူတချို့ရဲ့စနက်ကြောင့် ရာဇဝတ်သားတွေဖြစ်လာခဲ့ရတာပါ။ တရားခွင်ကျင်းပနေစဉ်မှာပါ တကယ်ကို ပါးစပ်ကို အဝတ်နဲ့ ဆို့ပြီး မပြောနိုင်အောင် ပါးစပ်ပိတ်ထားခဲ့တာကို တွေ့ရပါလိမ့်မယ်။ ဒီသောက်တလွဲ တရားခွင်က ဘယ်လိုသောက်တလွဲတွေဖြစ်မယ်ဆိုတာကို The Trial of Chicago 7(2020) ကြည့်ပြီး ခွီရင်း ဒီဇာတ်ကားရဲ့ မတ်စေ့(Message) ကြီးကို ယူလိုက်ကြပါကုန်။ "တစ်ကမ္ဘာလုံးက စောင့်ကြည့်နေကြတယ်"တဲ့ ဆန္ဒပြသူတွေရဲ့ ကြွေးကြော်သံပါ။ သူတို့ပြောတဲ့အတိုင်းပဲ တစ်ကမ္ဘာလုံးက စောင့်ကြည့်နေကြတယ်ဆိုပေမဲ့ စောင့်ကြည့်နေကြရုံပါပဲ။ မပြောဘဲ၊ မလုပ်ဘဲနေခဲ့ကြတာပါ။ ဒီနေရာမှာ အက်မွန် ဘရွတ်ရဲ့ စကားကို ကိုးကားချင်ပါတယ်။ "မကောင်းမှုအောင်မြင်ဖို့အတွက် ဘာမှမလိုပါဘူး။ လူကောင်းတွေ ဘာမှမလုပ်ဘဲ ရပ်ကြည့်နေဖို့ပဲလိုပါတယ်" ဆိုတဲ့စကားလေးပါပဲ။ လိုအပ်ရင် ကျွန်တော်တို့ ပြောဖို့လိုပါတယ်။ ပြဖို့လိုပါတယ်။ လုပ်ဖို့လိုပါတယ်။ ဒါပေမဲ့ ပြောတဲ့သူတွေ ဘာဖြစ်တတ်တယ်ဆိုတာ ဒီဇာတ်ကားမှာ မြင်မှာပါ။ ဘေးကနေ လက်ပိုက်ကြည့်နေရုံအတွက်တော့ သတ္တိမလိုဘူးပေါ့။ တစ်ယောက်ယောက်ကတော့ ပြောဖို့လိုနေပြီဆိုတာကို သိပြီး သိတဲ့အတိုင်းပြောခဲ့ကြတဲ့ သူရဲကောင်း ၇ ယောက်ကို ဒီအညွှန်းနဲ့ ဦးညွှတ်လိုက်ချင်ပါတယ်။ (အညွှန်းနဲ့ဘာသာပြန်သူကတော့ d3mon ပဲဖြစ်ပါတယ်…) File Size : (1.80 GB) , (950 MB) and (480 MB) Quality : NF WEB-DL (1080p 5.1,720p,480p) Running Time : 2hr 09min Format : Mp4 Genre : Drama, History, Thriller Subtitle : Myanmar Subtitle (Hard Sub) Source : 1080p.WEB.h264-PALEALE Translated by d3mon Encode by Thanhtike Zaw

ဖစ်ရပ်မှန်ရုပ်ရှင်ကားတစ်ကား ထပ်ပြီး ဘာသာပြန်တင်ဆက်ပေးလိုက်ပါတယ်။ ၁၉၉၆ ဇူလိုင်လမှာ အမေရိကန် ဆန်တန်နီရယ်အိုလံပစ်ပန်းခြံမှာ ဗုံးပေါက်ကွဲမှုတစ်ခုဖြစ်ပွားခဲ့ပြီး လူ ၂ ယောက်သေ၊ ၁၀၀ ကျော်ဒဏ်ရရခဲ့ပါတယ်။ ဒီဗုံးရဲ့ပြင်းအားနဲ့ လူဦးရေအရ ဒီထက်ပိုသေပြီး ထိခိုက်နိုင်ပေမယ့် ကယ်တင်ရှင်တစ်ယောက်ကြောင့် သက်သာခဲ့တာပါ။ အဲဒီလူကတော့ အဆိုပါဗုံးကို တွေ့ပြီး လူတွေကို ဖယ်ရှားခိုင်းခဲ့တဲ့ လုံခြုံရေးဝန်ထမ်း ရစ်ချက် ဂျူဝယ်ပါပဲ။ နေ့ချင်းညချင်းပဲ ရစ်ချက်ဟာနိုင်ငံတော် သူရဲကောင်းဖြစ်လာခဲ့ပါတယ်။ ဒါပေမယ့် ဒီဂုဏ်ယူမှုဟာ ရက်ပိုင်းပဲ ခံပါတယ်။ အက်ဖ်ဘီအိုင်က သူ့ကို သူရဲကောင်းလုပ်ချင်စိတ်၊ နာမည်ကျော်ကြားလိုစိတ်ကြောင့် ဗုံးခွဲသူလို့ သံသယဖြစ်ပြီး၊ သတင်းတွေမှာလည်း ပါလာတဲ့အခါ ရစ်ချက်ရဲ့ ဘဝ ကပြောင်းကပြန်တွေ ဖြစ်လာပါတော့တယ်။ အဲဒီအက်ဖ်ဘီအိုင်နဲ့ မီဒီယာတွေကို တွန်းလှန်ပြီး အမှန်တရားကို သက်သေပြဖို့ ရစ်ချက်ရယ် သူ့ရဲ့ မိတ်ဆွေဟောင်း ဒေါသအိုးရှေ့နေကြီး ဝက်ဆန်ဘရိုင်းယန့်ရယ် ကြိုးစားကြတဲ့အခါ…. File Size : (1 GB , 235 MB ) Quality : WEB-DL 720p Running Time : 2 hr 11 min Format : Mp4 Genre : Biography , Crime , Drama Subtitle : Myanmar Subtitle (Hard Sub) Translated by Little Neo Encoded by Moe Myint Lwin

ဒီရုပ်ရှင်ကား ကို မကြည့်ခင် သတိပေးချင်တာက အတော် ခေါင်းရှုပ်ရလိမ့်မယ် မျက်စိတွေ နောက်ရလိမ့်မယ် ဆိုတာပါပဲ ဒါပေမယ့် ကြည့်ရင်း ကြည့်ရင်း နဲ့ အကြောင်းအရာ တစ်ခုကို တစ်ဖြေးဖြေး သဘောပေါက်သွားပါမယ် IMDb 7.1 ဆိုတော့ ဇတ်လမ်းမကောင်းမှာ စိတ်မပူရပါဘူး အကြောင်းအရာလေးက ကန်တူကီ မှာ ၂၀၀၄ ခုနှစ်က တကယ်ဖြစ်ပွားခဲ့တဲ့ အကြောင်းအရာလေးကို ရိုက်ကူးထားတာပါ ဇတ်လမ်းကို အညွှန်းပုံစံ မပြောပဲ စာအနေနဲ့ပဲ ပြောပြချင်တော့တယ် ကျောင်းသားလေး ယောက်ဟာ အနုပညာ ပြတိုက်မှာ ရှိတဲ့ ဒေါ်လာ သန်းချီတန်တဲ့ စာအုပ်တစ်အုပ်ကို ခိုးယူဖို့ ကြံစည်ကြတဲ့ အကြောင်းလေးပါ သူတို့ အသက်ငယ်ငယ်လေးတွေ နဲ့ ဒီလိုအရာကို ခိုးယူဖို့ ဘာတွေက သူတို့စိတ်ကို ညစ်ညမ်းစေခဲ့သလဲ ဘယ်အရာတွေ ကြောင့်လဲ အတွေးပေါင်းများစွာ နဲ့ ကြည့်ရှုရမှာပါ မထင်မှတ်ထားလောက်တဲ့ ဇတ်ကြောင်းကို အဲ့ဒီဖြစ်ရပ်မှာ ပါဝင်ခဲ့တဲ့ ကျောင်းသား ၄ ယောက်က ပြန်ပြောပြထားပါတယ်.... ပိုပြီး ထူးဆန်းတာက အဲ့ဒီလေးယောက်ဟာ ဘာရာဇဝတ်မှုမှ မကျူးလွန်ထားဘူးတဲ့ ရိုးရိုးအေးအေးလေးတွေပါပဲ ဒီလိုည မိုးအေးအေးလေးနဲ့ ကြည့်ရှုခံစားလိုက်ကြပါအုံး ဒီရုပ်ရှင်ကားကို ဘာသာပြန်ပေးထားတာကတော့ May Thu ဖြစ်ပြီး Thit San Khant မှ တင်ဆက်ပေးပါသည်။

Prisoners (2013) IMDb Rating (8.2) / Rotten Tomatoes (82%) Duneတို့ Blade Runner 2049တို့ Arrivalတို့နဲ့ အော်စကာတွေ တစ်သီကြီးရဖူးသလို ပရိသတ်လက်ခံမှုအားလည်းများတဲ့ Denis Villeneuveရဲ့ Prisonersကို မကြည့်ဖူးတဲ့ လူလည်း မရှိလောက်တော့ပါဘူး။ သရုပ်ဆောင်တွေကလည်း Jake Gyllenhaalတို့ Hugh Jackmanတို့ Paul Danoတို့ David Dastmalchianတို့လို သရုပ်ဆောင်ပိုင်းမှာ နာမည်ကောင်းအပြည့်ရထားတဲ့ လူတွေချည်းပါပဲ။ အရင်ငါးနှစ်လောက်ကတည်းက တင်ထားခဲ့တာမို့ အားလုံးလည်းကြည့်ပြီးနေပြီမို့ Screenrantက Prisoners Ending Explained: Does Loki Find Keller?ဆိုတဲ့‌ ဆောင်းပါးထဲက အချက်တွေကို ပြန်ထုတ်နုတ်ထည့်ပြီး ဇာတ်လမ်းအစဉ်လိုက်အတိုင်းပဲ ဖြည့်စွက်ပြန် ပြောပြထားပါတယ်။ မကြည့်ရသေးရင်တော့ ဒီလောက်ထိပဲ ဖတ်သင့်ပါတယ်။ အားလုံးသိတဲ့အတိုင်း ဒီရုပ်ရှင်ရဲ့ဇာတ်က ကလေးအခိုးခံရတာကို ပြန်ရှာတဲ့ဇာတ်ပါပဲ။ ကျေးဇူးတော်နေ့မှာ ဒိုဗာ ( ဟုချ်ဂျက်မန်း)တို့ မိသားစုက အိမ်နီးချင်းအိမ်ကို သွားလည်တယ်။ အိမ်နီးချင်းရဲ့သမီးလေးနဲ့ သူ့သမီးလေးက အပြင်ထွက်သွားရာက ပျောက်သွားတယ်။ ကလေးတွေပျောက်သွားတဲ့အမှုကို စုံထောက်လိုက်ီ ( ဂျိတ်)က ဦးဆောင်ပြီးစုံစမ်းတယ်။ သူတို့ စုံစမ်းတာကို အားမရတဲ့ ဒိုဗာက သူ့နည်းသူ့ဟန်နဲ့ ကလေးကိုရှာတယ်။ ဒါကို အစကနေ အဆုံးအထိ ကွင်းဆက်တွေ ချိတ်ဆက်ပြီး Denis Villeneuve တင်ဆက်ထားပုံက ကြည့်ရှုသူတွေအတွက် တော်တော်လေးအားရစရာကောင်းသလို , သူတို့ရှာတွေ့သမျှ အရာအားလုံးက လမ်းစတွေဖြစ်နေသလို အဲဒီအရာအားလုံးကပဲ လမ်းပျောက်စေခဲ့တာက ဒီရုပ်ရှင်ထဲက ခံစားနေရသူတွေအတွက် ကြည့်ရှုတွေအနေနဲ့ တော်တော်လေးအားမလို အားမရဖြစ်စရာကောင်းခဲ့တယ်။ ဒီရုပ်ရှင်ထဲက စုံထောက်လိုကီ လိုက်စုံစမ်းခဲ့သမျှ လူတွေဟာ တကယ့်တရားခံမဟုတ်ခဲ့ပေမဲ့ တရားခံနဲ့ တိုက်ရိုက်ဖြစ်စေ သွယ်ဝိုက်ဖြစ်စေ ပတ်သက်နေတဲ့ လူတွေချည်းပဲ။ သူတို့စစစုံစမ်းခဲ့တဲ့သူက အဲလက်စ်ဂျုန်းပါ။ ကလေးတွေကို ကားပေါ်တင်ခေါ်သွားမိပေမဲ့ ဘာအပြစ်မှမရှိဘူးလို့ ကောက်ချက်ချထားကြတဲ့ ၁၀နှစ်ကလေး ဉာဏ်ရည်နဲ့ လူပါ။ ရုပ်ရှင်စစချင်းတော့ သူက တရားခံလိုလိုထင်ခဲ့ရပေမဲ့ တကယ်တမ်း သူလည်း ဂျုန်းလင်မယားရဲ့ ပထမဆုံးနစ်နာသူတစ်ယောက်ဖြစ်နေခဲ့တယ်။ သူ့ကားပေါ်ပါသွားတယ်လို့ ယူဆထားတော့ ရဲတွေက သူ့ကိုဖမ်းပြီး စစ်ဆေးတဲ့အချိန်မှာ ဆယ်နှစ်ကလေးဉာဏ်ရည်ပဲရှိတာသိခဲ့ရပြီး သူ့ဆီက ဘာမှမေးမရခဲ့လို့ ပြန်လွှတ်ပေးလိုက်ရတယ်။ ဒါပေမဲ့ သူက သဲလွန်စတွေ အများကြီးပေးခဲ့ပါတယ်။ ဒိုဗာကို သူပြောခဲ့တဲ့ " ကျွန်တော်မထားခဲ့ခင်အထိ သူတို့မငိုသေးဘူး"ဆိုတဲ့ စကားရယ် ။ "ကျွန်တော်က အဲလက်စ် မဟုတ်ဘူး"ဆိုတဲ့ စကားရယ်။ " ကျွန်တော်စောင့်နေပေမဲ့ သူရောက်မလာခဲ့ဘူး"ဆိုတဲ့ စကားရယ်။ "သူတို့က ဝင်္ကပါထဲမှာ"ဆိုတဲ့ စကားရယ်က ဒီကားလုံးမှာ သူ့ဘာသာပြောခဲ့တဲ့ စကားအကုန်ပါပဲ။ ဒီစကားတွေ အားလုံးကလည်း အမှုရဲ့အဖြေဆီ ဦးတည်နေခဲ့တယ်။ တကယ်လို့သာ ဒီစကားတွေကို လိုကီသိခဲ့ရင် အစကတည်းက ကွင်းဆက်မိပြီး မြန်မြန်ဖြေရှင်းနိုင်လောက်ပါတယ်။ ဒါပေမဲ့ ရဲတွေကို မယုံတော့တဲ့ ဟုချ်က သူ့ဘာသာပဲ ကြိတ်လုပ်ခဲ့လို့ ကွင်းဆက်က မမိခဲ့တာကတော့ သူတို့ကို တော်တော်လေးစိတ်ထဲ အားမလိုအားမရဖြစ်စေခဲ့သလို ရုပ်ရှင်ရဲ့ thrillerအရသာကလည်း အရသာပိုရှိသွားခဲ့တယ်။ အဲလက်စ်ဟာ Paul Danoရဲ့ သရုပ်ဆောင်သက်တမ်းမှာ သူ့အရည်အချင်းကို ထုတ်ပြနိုင်ခဲ့တဲ့ ဇာတ်ကောင်တွေထဲက တစ်ခုဖြစ်ခဲ့သလို Paul Danoဟာလည်း ၁၀နှစ်ကလေးဉာဏ်ရည်နဲ့ လူကြီးဖြစ်နေတဲ့ အဲလက်စ် ဇာတ်ကောင်ကို ကောင်းကောင်းပုံဖော်သွားနိုင်ခဲ့တယ်။ အဲလက်စ်ဂျုန်းကို လွှတ်ပေးပြီးတဲ့နောက် စုံထောက်လိုကီဟာ တစ်အိမ်တက်တစ်အိမ်ဆင်းလိုက်ရှာခဲ့တယ်။ ဒီမှာ သူထပ်တွေ့ခဲ့ရတာက ဖာသာရဲ့ မြေအောက်ခန်းထဲက အလောင်းပါပဲ။ ဖာသာကတော့ အဲဒီလူကိုသတ်တာဟာ အဲဒီလူဟာ ကလေး၁၆ယောက်ကိုသတ်ခဲ့ကြောင်းပြောပြီး သူ့ဆီအာပတ်လာဖြေရင်း ဘုရားသခင်နဲ့ စစ်ပွဲဆင်နေတဲ့အကြောင်းပြောခဲ့လို့ပါပဲ။ နောက်ပိုင်းမှာတော့ အဲဒီလူဟာ မစ္စတာဂျုန်းဖြစ်ကြောင်း ဟော်လီဂျုန်းရဲ့စကားနဲ့ဆက်စပ်နဲ့ ဆက်စပ်ပြီး သိခဲ့ရတယ်။ ဟော်လီဂျုန်းအိမ်က ပုံထဲက မစ္စတာဂျုန်းပုံမှာလည်း အလောင်းမှာတွေ့ရတဲ့ ဝင်္ကပါပုံစံလည်ဆွဲကို ဝတ်ဆင်ထားခဲ့တယ်။ ဒါကို လိုကီက နောက်ဆုံးမှ သိခဲ့ပါတယ်။ တကယ်လို့သာ လိုကီသာ အဲလက်စ်နဲ့ဆက်စပ်ပြီး ဂျုန်းကို သံသယဝင်ခဲ့လို့ ဒါကိုစောစောသတိထားမိခဲ့ရင် ဖာသာစကားနဲ့ချိတ်ဆက်ပြီး ဂျုန်းလင်မယားဟာ ကလေးခိုးသူတွေဖြစ်ကြောင်း ပိုစောစောသိရင်လည်း သိခဲ့နိုင်ပေမဲ့ ဒီမှာလည်း ထပ်လွတ်ပြန်တာပါပဲ။ ဖာသာက သူသတ်ခဲ့တဲ့ ကလေးသူခိုး (ဝါ) မစ္စတာဂျုန်းက မိသားစုနဲ့အတူလုပ်ခဲ့တာလို့ ပြောခဲ့တယ်လို့ပါ ပြောပြခဲ့ပေမဲ့လည်း လွတ်သွားတာပါပဲ။ တော်တော်လေး လက်တွေ့ကျတယ်လို့တောင် ပြောရမလားမသိပါဘူး။ ရှိနေတဲ့ သဲလွန်စအများကြီးမှာမှ မိချင်တဲ့ဟာပဲမိပြီး နောက်ဆုံးမှအမှုပေါ်သွားတာမျိုးပေါ့။ နောက်ထပ် စုံထောက်လိုကီ သံသယဝင်ခဲ့တဲ့သူကတော့ ဘော့တေလာပါ။ သူ့ကိုတော့ တရားခံအစစ်လို့ပါ သေချာထင်ခဲ့ကြတယ်။ သူကိုယ်တိုင်လည်း ဂျုန်းမိသားစုခိုးတာခံခဲ့ရတဲ့ ကလေးတစ်ယောက်ပါပဲ။ တရားခံအစစ်လို့ ထင်လည်းထင်ချင်စရာပါပဲ သူကတော့ တော်တော်စားတဲ့ ဇာတ်ကောင်ပါပဲ။ လိုကီဟာ သူ့ကို သံသယဝင်ပြီး သူ့အိမ်လိုက်သွားတော့ သူ့အိမ်မှာ သွေးစွန်းနေတဲ့ ကလေးအဝတ်တွေအများကြီးတွေ့ခဲ့ရသလို မြွေတွေ ဝင်္ကပါပုံတွေလည်း တွေ့ခဲ့ရတယ်။ သွေးစွန်းနေတဲ့ ကလေးအဝတ်တွေမှာ ပျောက်သွားတဲ့ကလေးတွေရဲ့ အဝတ်တွေပါနေတယ်လို့ မိသားစုက အတည်ပြုပြီးတဲ့နောက် သူ့ကိုပဲ တရားခံလို့ ကောက်ချက်ချပြီး ကလေးတွေအလောင်းရှိတဲ့နေရာကို ဆက်တိုက်မေးခဲ့ပေမဲ့ သူကတော့ ဝင်္ကပါပုံတွေပဲ ထိုင်ဆွဲပေးခဲ့တယ်။ နောက်ဆုံး သူ့ကိုယ်သူ သတ်သေသွားခဲ့တယ်။ ဒီမြွေတွေ ဝင်္ကပါတွေ ကလေးသတ်တာတွေဟာ တကယ်တမ်း မစ္စတာဂျုန်းစိတ်ဝင်စားခဲ့တဲ့ အရာတွေပါ။ သူ့ထရော်မာက လာတာတွေပါပဲ။ တကယ်တမ်း သူက ကလေးတွေကို မသတ်ခဲ့ဘဲ မစ္စတာဂျုန်းကို လိုက်တုပြီး ဝက်သွေးတွေနဲ့ ကလေးအဝတ်တွေနဲ့ အတုလုပ်ခဲ့တာဖြစ်ခဲ့တယ်။ သူဟာ မစ္စတာဂျုန်းပြန်ပေးဆွဲတာခံရပြီး လွတ်လာခဲ့သူဖြစ်ပေမဲ့ ဘာမှမမှတ်မိဘူးလို့ ကောက်ချက်ချထားခဲ့ကြပေမဲ့ ဒါတွေက သူမှတ်မိနေတာကိုတော့ ပြနေတယ်။ သူ့ကွင်းဆက်မှာတော့ ဖာသာ့ဆီက မစ္စတာဂျုန်းအလောင်းကဆွဲပြားနဲ့ တေလာဆွဲထားတဲ့ ဝင်္ကပါပုံတူနေတာကို လိုကီက သတိထားမိခဲ့ပေမဲ့ ဟော်လီဂျုန်းကို ကွင်းဆက်မမိခဲ့ပြန်ပါဘူး။ ပြောရရင် ဒီရုပ်ရှင်မှာ တကယ့်သဲလွန်စအစစ်တွေကို လိုကီရော ဒိုဗာရော ရခဲ့ပေမဲ့ တစ်ယောက်တစ်ခြမ်းစီလိုဖြစ်နေပြီး နှစ်ခုပေါင်းလိုက်ရင် ပြည့်စုံသွားမှာပေမဲ့ ဒိုဗာက လိုကီကို ဘယ်လိုမှမယုံတာကြောင့် မချိတ်ဆက်မိခဲ့တာကလည်း တော်တော်လေး အားမလိုအားမရဖြစ်စရာပါပဲ။ တကယ်တမ်း ဘယ်သဲလွန်စကိုမှ သူတို့မချိတ်ဆက်မိခဲ့ပါဘူး။ ကလေးမလေးနှစ်ယောက်ထဲက တစ်ယောက်ဖြစ်တဲ့ ဂျွိုင်းက ထွက်ပြေးပြီး လွတ်လာတဲ့အချိန် ဂျွိုင်းက ဒိုဗာကို "ဦးလေး အဲဒီမှာရှိခဲ့တယ်"လို့ ပြောမှပဲ ဒိုဗာက ဟော်လီဂျုန်းကို ကွင်းဆက်မိသွားသလို လိုကီကလည်း ဒိုဗာရှိမယ်ထင်တဲ့နေရာနောက်လိုက်ရင်း အဲလက်စ်ဂျုန်းကို တွေ့လို့ ရဲမှူးခိုင်းတဲ့အတိုင်း ဟော်လီဂျုန်းဆီသွားရင်းမှ ပုံကလည်ဆွဲကိုတွေ့သလို ကလေးကိုဆေးထိုးနေတာကိုလည်း လက်ပူးလက်ကြပ်မိခဲ့တာပါပဲ။ တော်တော်လေး မချင့်မရဲဖြစ်စရာကောင်းတဲ့ တည်ဆောက်ပုံနဲ့ thrillerအရသာအပြည့်ထွက်အောင် လုပ်သွားတဲ့ Villeneuveနဲ့ ဇာတ်ညွှန်းဆရာ Aaron Guzikowskiကို ဆလံပေးရမှာပါပဲ။ တစ်ချိန်လုံး အားမလိုအားမရဖြစ်စရာတွေ စိတ်ထဲမချင့်မရဲဖြစ်ချင်စရာတွေနဲ့ပဲ အသက်ဆက်သွားခဲ့တဲ့ ဒီကားဟာ အဆုံးထိလည်း ဒီလိုပဲ လုပ်သွားခဲ့ပါတယ်။ အရှိန်ကုန်တင်လိုက်တယ်လို့တောင် ပြောလို့ရတယ်။ လိုကီဟာ တွင်းထဲအပိတ်ခံထားရတဲ့ ဒိုဗာဝီစီမှုတ်တဲ့အသံ သဲ့သဲ့ကို‌တော့ ကြားလိုက်သလိုလိုဖြစ်နေတဲ့ အခန်းနဲ့ အဆုံးသတ်သွားခဲ့တာပါ။ တွေ့မတွေ့တော့ မပါတော့ပါဘူး။ တွင်းထဲက ဒိုဗာကို လိုကီတွေ့မလား မတွေ့ဘူးလားဆိုတဲ့ မသေချာမှုနဲ့ အဆုံးသတ်သွားခဲ့တာက ပရိသတ်တွေအတွက် စိတ်ထဲ မကျေမလည်ဖြစ်ချင်စရာ ကောင်းနေတယ်။ ဒါပေမဲ့ Screenrantက ဆောင်းပါးထဲတော့ Prisonersလို ရုပ်ရှင်မျိုးဟာ လုံးဝသေချာနေတဲ့ Happy Endingနဲ့ အဆုံးသတ်ရင် ကြောင်တောင်တောင်ဖြစ်သွားမယ်လို့ ဆိုပါတယ်။ သူ့စကားကို တွေးကြည့်တော့ ဟုတ်လည်းဟုတ်ပါတယ်။ ဒီလိုမဟုတ်ပေမဲ့ လူပျောက် ပြန်တွေ့ ပျော်စရာဇာတ်သိမ်းနဲ့ အဆုံးသတ်သွားတဲ့ကားတွေ ကျွန်တော်တို့ကြည့်ခဲ့ဖူးပါတယ်။ နည်းနည်းပေါနေတဲ့ ကားတွေ ဖြစ်နေတတ်တာလည်း များသလို ဒီကားရဲ့အဆုံးသတ်ကို မိသားစုပြန်ပေါင်းစည်းကြလေသတည်းဆိုပြီး ကိုယ့်ဘာသာတွေးကြည့်တော့လည်း အခုအဆုံးသတ်လို အရသာရှိမနေပြန်ပါဘူး ဒီတိုင်းသာ အကောင်းဆုံးလို့ပဲ သူ့စကားအတိုင်း ထောက်ခံရမှာပါပဲ။ တစ်ချိန်တည်းမှာပဲ ဒိုဗာအတွက် စိတ်မကောင်းဖြစ်စရာကောင်းသလို တစ်ဖက်မှာလည်း ဒိုဗာ အဲလက်စ်အပေါ်လုပ်ခဲ့တဲ့ လုပ်ရပ်တွေအရ ဖြစ်သင့်လို့ဖြစ်လာတယ်လို့ ထင်ချင်စရာလည်း နည်းနည်းကောင်းတယ်။ ဒါပေမဲ့ ကျွန်တော့်အမြင်တော့ ဒိုဗာမမှားခဲ့ပါဘူး။ အဲလက်စ်ဟာ ၁၀နှစ်ကလေးဉာဏ်ရည်ပဲရှိသလို အပြစ်ကင်းတယ်လို့ အဆုံးမှာ ကောက်ချက်ချခဲ့ပေမဲ့ တကယ်တမ်း ဟော်လီဂျုန်းစကားအတိုင်းဆို အဲလက်စ်ဟာ ဟော်လီဂျုန်းဆီ ကလေးတွေကို မခေါ်သွားခဲ့ရင် ကလေးတွေအဖမ်းမခံရပါဘူး။ ဟော်လီဂျုန်းကတော့ အဲလက်စ်ဟာ ကလေးတွေကို ခေါ်ပဲခေါ်လာတာ လက်ဖျားနဲ့တောင် မထိခဲ့ဘူးလို့ ဒိုဗာ့ကို ကျင်းထဲ ပစ်မချခင်ပြောခဲ့ပါတယ်။ ဒါကလည်း ဒိုဗာ့ကို အပြစ်ရှိစိတ်ဝင်စေချင်လို့ပဲ ဖြစ်နိုင်ပါတယ်။ ကြောက်လို့ပဲဖြစ်ဖြစ် စိတ်မနှံ့လို့ပဲဖြစ်ဖြစ် ဟော်လီဂျုန်းဆီမှာ ရှိနေတာသိသိနဲ့ ဟော်လီဂျုန်းကို သူလုံးဝမဖော်ခဲ့တဲ့အချက်ကလည်း တကယ်မပြောတတ်လို့ပဲဆိုဆို အပြစ်ကင်းတယ်လို့ မထင်ရပြန်ပါဘူး။ အပြစ်ကင်းနေရင်တောင် ချုပ်ထားခဲ့တဲ့ ဒိုဗာမမှားခဲ့ပါဘူး။ ဟော်လီဂျုန်းက အဲလက်စ်မရှိလို့ သူအထီးကျန်လွန်းလို့ ကလေးတွေကို ကျင်းထဲကနေ ထုတ်ပေးခဲ့တယ်လို့ ပြောခဲ့ပါတယ်။ ဒိုဗာသာ အဲလက်စ်ကို မချုပ်ထားခဲ့ရင် ဂျွိုင်းလည်း လွတ်လာမှာမဟုတ်သလို သူတို့လည်း ဘယ်တော့မှ တွေ့တော့မှာမဟုတ်ပါဘူး။ ဒိုဗာရဲ့လုပ်ရပ်တွေဟာ လွန်ကျူးခဲ့ပေမဲ့ မမှားခဲ့လို့ ဒီကံကြမ္မာနဲ့ မထိုက်တန်ခဲ့ပါဘူး။ ဝမ်းနည်းစရာကောင်းတာက ဒီအမှုကို တကယ်တမ်းဖြေရှင်းလိုက်တာက ဒိုဗာဖြစ်ခဲ့ပေမဲ့ သူ့သမီးက လိုကီ့ဆီလာလည်တော့ သူ့အ‌မေက သူ့သမီးက သူ့သူရဲကောင်းကိုလာတွေ့တာလို့ပြောခဲ့တာပါပဲ။ တကယ်တမ်း သူလွတ်လာတဲ့ အကျိုးဆက်ဖြစ်လာစေခဲ့တဲ့ အကြောင်းတရားဖြစ်ခဲ့တဲ့ သူ့သူရဲကောင်းအစစ်ဖြစ်ခဲ့တဲ့ သူ့အဖေကတော့ လူဆိုးသက်သက်ဖြစ်သွားသကိုး။ သူ့အဆုံးသတ်က လိုကီက ဒိုဗာကိုတွေ့မတွေ့က မရေမရာဖြစ်နေပေမဲ့ ကျွန်တော်တော့ တွေ့မယ်လို့ပဲ မြင်ပါတယ်။ အားလုံးထွက်သွားပြီး မီးတွေပါအမှောင်ချသွားခဲ့တဲ့ ညလယ်ခေါင်နားမှာ ဒိုဗာဟာ ဒီအသံကို ကျိန်းသေရှာတွေ့မှာပါပဲ။ ဘာလှုပ်ရှားမှုမှမရှိတော့တဲ့ ညနက်ရဲ့ တိတ်ဆိတ်တဲ့ဓာတ်ဟာ အသံ အရွေ့အနံ့စသဖြင့် အပြောင်းအလဲသေးသေးလေးတွေကိုတောင် တော်တော်ထင်းစေတဲ့ ဓာတ်မျိုးပါပဲ။ ဒီတိုင်း အရာအားလုံးတိတ်နေငြိမ်နေလို့ ထင်ရှားသွားတယ်ဆိုတာထက် သူ့ဓာတ်မှာကို တစ်ခုခုရှိနေသလို ကျွန်တော်တော့ ခဏခဏခံစားမိဖူးတယ်။ ဒီတော့ တွေ့ကိုတွေ့မယ်လို့ပဲ ယုံပါတယ်။ ရုပ်ရှင်ရဲ့ အကျဉ်းသားများဆိုတဲ့ နာမည်ကိုတော့ Screenrantက အဓိဇာတ်ကောင်၂ကောင် သူတို့ကိုယ်တိုင်အကျဉ်းသားဖြစ်လာတဲ့ အကျိုးဆက်နဲ့ ရင်ဆိုင်လာရတာကိုပြောချင်တာလို့ အဓိပ္ပာယ်ကောက်ထားပါတယ်။ ဒိုဗာကလည်း သူ့သမီးကိုရှာဖို့ သူ့လူသားဆန်မှုကို ကျောခိုင်းပြီး သောကတွေရဲ့ အကျဉ်းသားဖြစ်လာခဲ့သလို နောက်ဆုံးမှာ ကျင်းထဲမှာ အကျဉ်းသားဖြစ်သွားရတယ်။ လိုကီကလည်း ကလေးတွေကိုရှာဖို့ အရမ်းစိတ်စွဲနေတာကြောင့် သူ့အမှုမှာ သူပိတ်မိပြီး သူ့အမှုရဲ့အကျဉ်းသားဖြစ်ခဲ့ပေမဲ့ အန်နာကိုကယ်ပြီး ဒီအကျဉ်းထဲက ထွက်လာနိုင်ခဲ့တယ်ဆိုပါတယ်။ ဒါပေမဲ့ ကျွန်တော်တော့ ဒိုဗာကိစ္စက သူ့အတွက် မတင်မကျဖြစ်နေသေးတာမို့ ဒိုဗာကိုရှာမတွေ့မချင်း ဒီအမှုမှာ လိုကီဟာ အကျဉ်းသားဖြစ်နေဦးမယ်လို့မြင်တယ်။ ဒိုဗာကို လိုကီတွေ့ခဲ့ရင်တော့ နှစ်ယောက်စလုံး အကျဉ်းသားဘဝက လွတ်မြောက်သွားမှာပါ။ တစ်နည်းပြောရရင် ဝင်္ကပါထဲက လွတ်သွားမှာပါ။ ဒိုဗာကို လိုကီမတွေ့ခဲ့ရင်တော့ နှစ်ယောက်စလုံး အကျဉ်းသားအဖြစ် ကျန်ရှိနေမှာပါပဲ။ ဘယ်လိုဖြစ်စေချင်လဲကတော့ ထုံးစံအတိုင်း ကျွန်တော်တို့ရဲ့ လွတ်လပ်ခွင့်ပေါ့။ (ရုပ်ရှင်အညွှန်းနဲ့ဘာသာပြန်ကို WiRa Aung မှ တင်ဆက်ထားပါတယ်။) File size…(5.6 GB)/(1.8 GB )/(1.3 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:33:00 Subtitle….Myanmar Subtitle (Hardsub) Encoder….Ka Naung Translated by WiRa Aung

Lincoln (2012) IMDb Rating = 7.3/10 Directed By Steven Spielberg အေဘရာဟမ်လင်ကွန်းဆိုတဲ့ နာမည်ကြားရင် ၁၆ဆက်မြောက် အမေရိကန်သမ္မတဆိုတဲ့ဂုဏ်ပုဒ်ထက် ငွေဝယ်ကျွန်စနစ်ကို တိုက်ဖျက်ခဲ့သူဆိုတဲ့ ဂုဏ်ပုဒ်နဲ့ ပိုသိကြတယ်။ ဂျော့ဝါရှင်တန် သောမတ်ဂျက်ဖာဆန်၊ အေဘရာဟမ်လင်ကွန်း၊ သီအိုဒိုးရုစဘဲ့စတဲ့ Mount Rushmoreမှာ ထွင်းထုထားတဲ့ အကြီးကျယ်ဆုံးအမေရိကန်သမ္မတ လေးယောက်ထဲကတစ်ယောက်။ သူကသစ်လုံးအိမ်ကလေးကနေ သမ္မတဖြစ်လာသူ၊ အသွားအပြန်ရထားပေါ်စာဖတ်ရင်းလေ့လာခဲ့တဲ့သူ စသဖြင့် အချက်တွေနဲ့လည်း နာမည်ကျော်တယ်။ တစ်ချိန်တည်းမှာပဲ အမေရိကန်သမိုင်းရဲ့ လုပ်ကြံသတ်ဖြတ် ခံရတဲ့လေးဦးတည်းသော သမ္မတတွေထဲက တစ်ယောက်ဖြစ်တယ်။ ဒီရုပ်ရှင်ဟာ သူ့နာမည်ကြီးတပ်ထားပေမဲ့ သူ့အတ္ထုပ္ပတ္တိကို ရိုက်ပြထားတာတော့ မဟုတ်ဘူး။ ငွေဝယ်ကျွန်စနစ်ကို ဖျက်သိမ်းဖို့ ဘယ်လိုဘယ်ပုံ အားလုံးကြိုးပမ်းခဲ့ရလဲဆိုတဲ့ အကြောင်းအရာဘက် ပိုသွားတယ်။ အဲ့ဒီကာလအကြောင်းသိထားမှပဲ ဒီရုပ်ရှင်ကြည့်ရတာ ပိုအဆင်ပြေ‌လောက်မယ်။ လုပ်ကြံမခံရခင်အထိ ၁၈၆၁- ၁၈၆၅ လင်ကွန်းရဲ့ သမ္မသက်တမ်းတစ်လျှောက်ဟာ ပြည်တွင်းစစ် ဖြစ်ရာကာလနဲ့ အတူတူပဲ။ ပြည်တွင်းစစ်ဟာ တောင်ပိုင်းပြည်နယ် ၁၁ခုက ခွဲထွက်ဖို့ကြိုးစားရာက စခဲ့တယ်။ အဲ့ဒီတောင်ပိုင်းပြည်နယ်တွေကို ကွန်ဖက်ဒရိတ်စီလို့ ခေါ်ပြီး ဂျက်ဖာဆန်ဒေးဗစ်က ဦးဆောင်ခဲ့တယ်။ အဲ့ဒီတောင်ပိုင်းနဲ့ ပြည်တွင်းစစ်ကို လင်ကွန်းဖြေရှင်းခဲ့တဲ့ပုံကို ကျွန်တော်တို့ ဒီရုပ်ရှင်မှာ တွေ့ရလိမ့်မယ်။ ‌ဒါရိုက်တာ စတီဗင်စပီးဘတ်ချ်က အမေရိကန်ရဲ့ လက်ရှိခေတ်အထိအကြီးကျယ်ဆုံး ပြိုင်ဘက်ပါတီနှစ်ခုဖြစ်တဲ့ ရီပတ်ဘလစ်ကန်နဲ့ ဒီမိုကရက်တွေရဲ့ ငွေဝယ်ကျွန်စနစ်ဖျက်သိမ်းရေးနဲ့ ပက်သက်ပြီး အခြေအတင်တွေကိုပါ မြင်သာအောင်ပြသွားတယ်။ နောက်ရီပတ်ဘလစ်ကန်မှာမှ ကွန်ဆာဗေးတစ် ရီပတ်ဘလစ်ကန်နဲ့ ရဒီကယ်ရီပတ်ဘလစ်ကန်တို့ရဲ့ သဘောထားကွဲလွဲမှုတွေကို ရောပေါ့။ ငွေဝယ်ကျွန်စနစ်ကိစ္စနဲ့ပက်သက်ပြီး တောင်ပိုင်းရဲ့အမြင်တစ်ချို့ကို ကျွန်တော်တို့လေရူးသုန်သုန်မှာမြင်နိုင်တယ်။ ကျွန်တွေရဲ့ဘဝကိုတော့ အန်ကယ်တွမ်ရဲ့တဲကလေးတို့ ၊ 12 YEARS A SLAVE တို့မှာ မြင်နိုင်တယ်။ အခုကတော့ ကျွန်စနစ်ဖျက်သိမ်းဖို့ ဘယ်လို ကြိုးပမ်းခဲ့တယ်ဆိုတဲ့ အကြောင်းပေါ့။ ဒီလောက်ထိသိရင်ကိုပဲ ကြည့်လို့ အဆင်ပြေပါပြီ။ ကျန်တာကိုတော့ စပီးဘတ်ချ်က သူ့နည်းသူ့ဟန်နဲ့ အဖွဲ့ပေါင်းစုံရဲ့ အမြင်ပေါင်းစုံကို မြင်သာအောင် ပြောပြထားတယ်။ ပုဂ္ဂလိကအမြင်ရတော့ သူတို့ပြဿနာတွေဟာ ကျွန်တော်တို့လက်ရှိ ပြဿနာတွေနဲ့ ကျောရိုးသဘောလောက်ဆင်နေတယ်။ အကြီးဆုံး ပြဿနာကြီး၂ခုကို သူ့သက်တမ်းမှာတင် ပြေလည်အောင် ဖြေရှင်းနိုင်ခဲ့တဲ့ လင်ကွန်းရဲ့နိုင်ငံရေး စွမ်းဆောင်ရည်ကိုလည်း စပီးဘတ်ချ်က သေချာ ပြထားတယ်။နောက်လင်ကွန်းရဲ့ အတ္တကိုရောပေါ့။ ချီးကျုးထားပေမဲ့ သူတော်ကောင်းလုံးလုံးကြီး အဖြစ်တော့ ပုံဖော်မထားဘူး။ လင်ကွန်းကို အတော်များများက အချိန်ဆွဲတဲ့လူလို့ပြောကြတယ် သိတဲ့ တတ်တဲ့လူတွေပြောကြတာတော့ နိုင်ငံရေးမှာ စိတ်ရှည်တဲ့လူက အနိုင်ပဲတဲ့ ဒီရုပ်ရှင်ကြည့်ပြီးနောက် ကျွန်တော်လင်ကွန်းကို တကယ်တော်တဲ့ နိုင်ငံရေးသမားကောင်းတစ်ယောက်ဆိုတာကို သိသွားခဲ့တယ်။ စတီဗင်စပီးဘတ်ချ်ဟာ အချက်အလက်တွေကို စုံစေ့အောင် သုံးပြီး ရိုက်ပြသွားနိုင်ခဲ့တယ်။ ဒန်နီရယ်ဒေးလူးဝစ်ဟာ ဒီရုပ်ရှင်နဲ့ BEST ACTOR IN A LEADING ROLE အော်စကာဆုကို ရသွားခဲ့တယ်။ဆန်ခါတင်တွေလည်း အတော်ဝင်ခဲ့တယ်။ Terminal , Catch Me If You Can, AI, Schindler's List, Saving Private Ryan နဲ့Indiana Jonesကားတွေကို ရိုက်ထားတဲ့ ဒါရိုက်တာ စတီဗင်စပီးဘတ်ချ်ကိုတော့ အားလုံး ရင်းနှီးပြီးသား ဖြစ်မှာပါပဲ။ တစ်ခုရှိတာက ဒါရိုက်တာရဲ့ တင်ပြပုံဟာ တော်တော်တော့ ဖျော်ဖြေရေးမဆန်ဘူး။ နိုင်ငံရေးဘက် စိတ်ဝင်စား သူတွေတော့ ကြည့်သင့်တဲ့ကားပါပဲ။ ၂နာရီခွဲအတွင်းမှာ ၁၉ရာစုရဲ့ အကြီးကျယ်ဆုံးဖြစ်ရပ်ကြီးနဲ့ အမေရိကန်ရဲ့ ပြည်တွင်းစစ်အခြေအနေ၊ နိုင်ငံရေးအခြေအနေအပါအဝင် တခြားအကြောင်းအရာတွေကိုပါ အနုလုံပဋိလုံ‌ကြေကြေနဲ့ ရိုက်ပြသွားနိုင်တာကတော့ လက်ဖျားခါလောက်စရာပါပဲ။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) Quality__1080p , 720p IMDb Rating__7.3/10 Format__mp4 Duration__02:30:00 Type__Biography , Drama , History , War Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Edge of Darkness(2010) အညွှန်း IMDb...7.0 "လူတိုင်းနိုင်ငံရေးလုပ်လာကြတဲ့ အခြေအနေတစ်ခုရှိတယ် လုံးဝမဖြစ်သင့်တဲ့အဖြစ်မျိုးမှန်း သိနေတဲ့အခါမှာ ဝင်ပါရတော့တာပဲလေ ကိုယ့်ဘဝဆုံးသွားနိုင်တယ်ဆိုတာတောင်သိလျှက်နဲ့ပေါ့" ဒါကတော့ ဒီဇာတ်လမ်းထဲက ဇာတ်ကောင်တစ်ယောက်ဖြစ်တဲ့ ဂျက်ဘာ့ဂ်က ပြောခဲ့တဲ့စကားပေါ့... ဘော်စတွန်မြို့က စုံထောက် သောမတ်စ်ခရေဗင်မှာ အမ်မာခရေဗင်ဆိုတဲ့ သမီးတစ်ယောက်ရှိတယ်.. တစ်နေ့တော့ သူနဲ့သူ့သမီးနဲ့ အိမ်တံခါးဝကအထွက် လူတစ်ယောက်က "ခရေဗင်" လို့အော်ပြီး Shotgun နဲ့ပစ်သွားတာမှာ သူ့သမီးမှန်ပြီး ဆုံးသွားတယ်..... ခရေဗင်ဟာ စုံထောက်တစ်ယောက်ဖြစ်တဲ့အတွက် ရန်ငြှိုးရန်စတွေရှိမှာပဲလို့ ရဲတွေကတွေးမိတဲ့အခါမှာ လူသတ်သမား တကယ်တမ်းသတ်ချင်တဲ့လူက စုံထောက်ခရေဗင်ပဲဖြစ်မယ်လို့ ကောက်ချက်ချလိုက်တယ်... သူ့ကိုပစ်တဲ့အချိန်မှာ သူ့သမီးကိုမှားပြီးထိသွားတယ်ပေါ့... ဒါပေမဲ့ ဒီကိစ္စက သွေးရိုးသားရိုးမဟုတ်မှန်းရိပ်မိတဲ့ စုံထောက်ခရေဗင်အတွက်တော့ တစ်ကိုယ်တော်ထောက်လှမ်းမှုတွေလုပ်ပြီး လူသတ်သမားကို လိုက်ရှာတဲ့အခါမှာ သူ့သမီးနဲ့ပတ်သက်တဲ့အကြောင်းတွေကို မထင်မှတ်စွာဘဲ ရှာဖွေတွေ့ရှိလာခဲ့ရချိန်မှာတော့... File Size :(2.2GB) (0.9 GB) and (365 MB) Quality : Blu-Ray 1080p5.1ch ,720p Format…mp4 Duration…01:52:00 Genre : Action, Crime , Drama Subtitle : Myanmar Subtitle (Hard Sub) Translated by Paing Encoded by Phyo Pyae

cm ပရိသတ်ကြီးကို ဒီတစ်ခါ ရိုမန်တစ် မှုခင်း ဟာသ ဇာတ်ကားလေး တစ်ခုနဲ့ မိတ်ဆက်ပေးချင်ပါတယ်။ ဒီကားလေးကို ဝါရင့်နာမည်ကြီး သရုပ်ဆောင်တွေ ဖြစ်ကြတဲ့ မင်းသမီးကြီး ဂျူလီယာရောဘတ်နဲ့ မင်းသား ကလိုက်ဗ်အိုဝင်တို့ တွဲဘက်ညီညီ သရုပ်ဆောင် ထားကြပါတယ်။ ဂျူလီယာရောဘတ်ရဲ့ ပရိသတ်ဆိုရင် ကြည့်ကိုကြည့်သင့်တဲ့ ဇာတ်ကားလေးတစ်ကားဖြစ်ပါတယ်။ ဇာတ်ကြောင်းက အစိုးရစစ်တပ်ထောက်လှမ်းရေး အရာရှိ ရေးကိုဗယ်ဟာ ဒူဘိုင်းက ပါတီတစ်ခုမှာ စီအိုင်အေ အေးဂျင့်တစ်ဦးဖြစ်တဲ့ ကလဲရာစတန်ဝစ်ကို အကြောင်းမသိဘဲ လူပါးပုလင်းထိ သွားပြီးဇာတ်လမ်း စမိပါတယ်။ ဟိုတယ်ရောက်တော့ ကလဲရာက သူ့ကို ဆေးခတ်အိပ်ပျော်အောင် လုပ်ပြီး သူ့ဆီက လျှို့ဝှက်အရေးကြီး စာရွက်စာတမ်းတွေကို အလစ်သုတ်သွားခဲ့တာပါ။ နောက်သုံးနှစ်အကြာ ရောမမြို့မှာ ပြန်ဆုံမိကြတဲ့အခါ နှစ်ယောက်အတူ အကောင်းစား ဟိုတယ်တစ်ခုမှာ ရက်အတန်ကြာ ပြန်ချိတ်မိခဲ့ကြပါတယ်။ အစိုးရအလုပ်တွေကို ထွက်ပြီး ပြိုင်ဆိုင်မှု များတဲ့ စီးပွားရေး ကော်ပိုရေးရှင်းအလုပ်မှာ ဂျင်ပေါ်ကထုံး လုပ် ပိုက်ဆံများများ ရှာဖို့ အတူကြံခဲ့ကြပြီး အစီအစဉ်တွေ ဆွဲကြပါတော့တယ်။ တခြားသူတွေကို လှည့်စားနိုင်ဖို့အတွက် နှစ်ဦးသား အကွက်ကျကျ ဘယ်လိုတွေ လုပ်ကြမလဲ။ တစ်ဦးခြေလှမ်း တစ်ဦးကြိုမြင်နေကြတဲ့ သူတို့နှစ်ဦး ဘယ်လိုတွေ ကွက်ကျော်ရိုက်ကြမလဲဆိုတာကိုတော့ ဇာတ်လမ်းလေးနဲ့ မျောပါရင်း ကြည့်ရှုခံစားကြည့်ကြပါဦး...။ File size…1.66GB ,  789MB Quality…Blu-Ray 1080p / 720p Format…mp4 Duration….2h 5m Genre …..Comedy , Crime , Romance Subtitle….Myanmar Subtitle (Hard Sub) Encoder….Min Wai Translated by Aoi

Evolution (2001) IMDb Rating (6.1) / Rotten Tomatoes (44%) ဇာတ်လမ်းအကျဉ်း ဟောလီးဝုဒ် ဂြိုလ်သားတို့ ထုံးစံအတိုင်း အမေရိကန်ပြည်ထောင်စုကိုပဲ ဆင်းကြပါတယ်။ တစ်ညမှာ ဥက္ကာခဲတစ်ခု အမေရိကန်ပြည်ထောင်စု အရီဇိုးနားပြည်နယ်ပေါ်ကို ကျပြီး မြေအောက်လိုဏ်ဂူထဲ ပြုတ်ကျသွားပါတယ်။ ကောလိပ်ကျောင်းဆရာ၂ယောက်ဖြစ်တဲ့ အိုင်ရာကိန်းနဲ့ ဟယ်ရီဘလော့ခ်တို့ သွားရောက်လေ့လာရာမှ အလွန်အပွားမြန်ပြီး ဆင့်ကဲပြောင်းလဲမှုမှာလည်း လျင်မြန်လွန်းတဲ့ ဂြိုလ်သားမျိုးစိတ်တွေကို အဆိုပါဥက္ကာခဲပေါ်မှ လေ့လာတွေ့ရှိခဲ့ပါတယ်။ ဒါကို အိုင်ရာနဲ့ ကျောင်းတော်က ရန်စရှိဖူးတဲ့ အစိုးရ လက်အောက်ခံဗိုလ်ချုပ် ရပ်ဆယ်ဝုဒ်မန်းက သိသွားတဲ့အခါမှာတော့ ဂြိုလ်သားအန္တရာယ်ကို ပူးပေါင်းကာကွယ်ကြမလား၊ အချင်းချင်း စားမာန်ခုတ်ကြမလား ဆိုတာကို ရှုစားရမှာပါ။ ၂၀၀၁ခုနှစ်က ရုပ်ရှင်ဖြစ်ပေမယ့် အတော်လေး ကြည့်ပျော်ပါတယ်။ တိတ်ခွေခေတ်တုန်းက ဝက်ဝက်ကွဲအောင်မြင်ခဲ့သလို trend ဖြစ်စေခဲ့တဲ့ ပြကွက်တွေလဲ ပါပါတယ်။ Golden Schmoes Award မှာ Best Sci-Fi Movie of the Year ၂၀၀၁ Nominee ဝင်ခဲ့ပါတယ်။ ဇာတ်ကို ဦးဆောင်လာသူတွေကတော့ The X-Files နဲ့ နာမည်ကြီးလာသူ David Duchovny နဲ့ ဟာသပညာရှင် Orlando Jones တို့ဖြစ်ပါတယ်။ လုပ်ကွက်သိပ်မများပေမယ့် ကောင်းကောင်းဇာတ်ပို့ပေးခဲ့သူတွေကတော့ American Pie သရုပ်ဆောင် Seann William Scott နဲ့  ၂၁ရာစုအကောင်းဆုံးသရုပ်ဆောင်တွေထဲကတစ်ယောက်ဖြစ်တဲ့ Julianne Moore တို့ဖြစ်ပါတယ်။ (အညွှန်းနဲ့ဘာသာပြန်ကတော့ T Lone ဖြစ်ပါတယ်။) File size…(2.5 GB) / (1.4 GB) Quality….WEB-Rip 1080p HEVC / 720p Format…. mkv/mp4 Genre….Action, Comedy, Sci-Fi Duration….01:42:48 Subtitle….Myanmar Subtitle (Hardsub) Encoder….Benjamin Translated by T Lone

O Brother, Where Art Thou?(2000) IMDb....7.7/10 Rotten - 77% အဲဗရက် ဒယ်လ်မာ နဲ့ ပိဒ်တို့ တို့ သူငယ်ချင်း (၃)ယောက်ဟာ ခပ်ဆိုးဆိုး ဘော်ဒါတွေ.... တစ်ရက်တော့အမှုတစ်ခုကြောင့် ၃ယောက်လုံးထောင်ကျသွားတယ်.... ဒါပေမယ့် ထောင်မကျခင်တုန်းမှာ ရတနာတွေကို သူတို့ဖွက်ထားနိုင်ခဲ့တယ်.... ဒီရတနာတွေကြောင့် သူတို့ (၃)ယောက်ဟာ ထောင်ကထွက်ပြေးပြီး ရတနာတွေကိုရှာဖွေဖို့ကြိုးစားကြတော့တယ်.... သူတို့ ထောင်ကလွတ်မြောက်မလား...ဖွက်ထားတဲ့ရတနာတွေရောပြန်တွေ့မလား.... ဒီကြားထဲ သူတို့ထောင်ပြေးလုပ်နေစဉ်ကာလအတွင်းမှာ ရင်ဆိုင်ရတဲ့ အန္တရယ်ပေါင်းစုံကိုလည်း ကျော်လွှားနိုင်ပါ့မလားဆိုတာကိုတော့ ခံစားကြည့်လိုက်ပါဦး........ ဒီကားက IMDb 7.7, Rotten Tomatoes 77% ရရှိထားပြီး လူ(၃)ယောက်စရိုက် ၃မျိုးနဲ့ ထွက်ပြေးစဉ်ကာလတစ်လျှောက် လူတွေရဲ့သဘော မနောတွေ အာဏာရူးတဲ့သူတွေအကြောင်း သူငယ်ချင်းမေတ္တာတရားတွေအကြောင်းကို ဟာသလေးတွေနှောပြီး ပညာသားပါပါလေးရိုက်ကူးပြထားတာပါ...အတင်းကလိထိုးရယ်ခိုင်းတဲ့အကွက်တွေလုံးဝမပါပဲ တွေးတွေးပြီးပြုံးနေရတဲ့အခန်းမျိုးတွေပါ... 1930 ခုနှစ်လောက်က အမေရိကန်တောင်ပိုင်းရဲ့ ကျေးလက်ဒေသ အလှအပတွေကို တစ်ဝကြီး ရှုစားရမှာဖြစ်တဲ့အပြင် Cinematography ပိုင်းကလည်းပြောစရာမလိုအောင် လှပတဲ့ ရှုခင်းတွေ ကို ခံစားရမှာဖြစ်ပါတယ်... မင်းသားကြီးတွေကလည်း နာမည်ကြီးမင်းသားတွေဖြစ်တဲ့ George Clooney, John Turturro, Tim Blake Nelson တို့ဖြစ်ပါတယ်... Comedy,Drama ကားကောင်းတစ်ခုဖြစ်သလို Folk Music ကောင်းကောင်းလေးတွေပါ နားဆင်ရဦးမှာဖြစ်တာကြောင့် မိုးအေးအေးလေးနဲ့ ကော်ဖီခွက်လေးတစ်ခွက်ကိုင်ပြီး ဇိမ်ကျကျနှပ်လို့ရအောင် လက်တို့ပေးလိုက်ပါရစေလားဗျာ။ ဇာတ်လမ်းအညွှန်းနဲ့ဘာသာပြန်သူကတော့ Kiwi ပဲဖြစ်ပါတယ်... File Size : (852 MB) Quality : Blu-Ray 720p Format…mp4 Duration…01:47:00 Genre : Adventure, Comedy, Crime Subtitle : Myanmar Subtitle (Hard Sub) Translated by Kiwi Encoded by Phyo Pyae

ယခုအခါတင်ဆက်ပေးလိုက်တာကတော့ ၁၉၉၉ ခုနှစ်ကထွက်ရှိခဲ့တဲ့မိသားစုဒရာမာဇာတ်ကားကောင်းလေးပါ ပတ်ကပ္ပဒိုရာ နဲ့ ဘက်သ်ကပ္ပဒိုရာတို့လင်မယားမှာသားသမီးသုံးယောက်ရှိပါတယ်.... အကြီးဆုံးသားကဗင်းဆင့်...အလတ်ကသုံးနှစ်သားလေးဘန်...အငယ်ဆုံးကတော့သမီးလေးပါ....တနေ့ကျမိခင်ဖြစ်သူဘက်သ်ဟာကလေးသုံးယောက်ကိုခေါ်ပြီးတော့ပြန်လည်တွေ့ဆုံပွဲကိုသွားဖို့ချီကာဂိုကိုသွားခဲ့ပါတယ်....သူမဟိုတယ်မှာပိုက်ဆံသွားရှင်းပြီးအပြန်မှာသားအကြီးဆုံးဗင်းဆင့်နဲ့အတူထားခဲ့တဲ့သားအလတ်လေးဘန်ဟာပျောက်သွားခဲ့ပါတယ်....ထိုအခါရဲတွေနဲ့အတူသူငယ်ချင်းမိတ်ဆွေတွေကပါကူရှာပေးခဲ့ကြပေမဲ့လူံဝရှာမတွေ့ခဲ့ပါဘူး....မိခင်ဖြစ်သူမှာလည်းပျောက်သွားတဲ့သားအလတ်လေးကြောင့်ကျန်တဲ့ကလေးနှစ်ယောက်ကိုလည်းဂရုမစိုက်နိုင်ခဲ့ပါဘူး.... နောက် ၉ နှစ်ကြာပြီးတဲ့နောက်မှာတော့ သူတို့သားလေးရဲ့ပုံစံတူပန်းချီနဲ့ရုပ်ချင်းဆင်တဲ့ကောင်လေးတယောက်ကိုတွေ့လိုက်ရတဲ့အခါမှာတော့..... File size… (2 GB) / (1 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre...Drama,  Mystery  Subtitle….Myanmar Subtitle (Hardsub) Encoder….Swan Min Htet Translated by AKM

မိုးသည်းသည်း ဆက်တိုက်ရွာနေတာကြောင့် ဟန့်တင်ဘာ့မြို့လေးက ဆည်ကြီးကို ရေဖွင့်ချနေရပြီး မြို့ခံတွေကိုလည်း ဘေးလွတ်ရာ ရွှေ့ပြောင်းခိုင်းထားရပါတယ်။ ဒီအချိန်မှာ ဘဏ်ကလည်း မြို့ထဲက ဘဏ်ခွဲမှာရှိတဲ့ ဒေါ်လာသုံးသန်းကို တခြားနေရာ ရွှေ့ဖို့လုပ်တယ်။ ငွေတွေကို သယ်သွားရမယ့် ကျည်ကာကားကို တွမ်နဲ့ သူ့ဦးလေး ချာလီတို့ မောင်းလာကြပါတယ်။ ရေက မြန်မြန်တက်လာပြီး လမ်းတွေပါ မြုပ်ကုန်လို့ သူတို့ကားဟာ မြို့အထွက်မှာတင် ပိတ်မိသွားတယ်။ အကူအညီခေါ်နေတုန်း ဒေါ်လာသုံးသန်း ရွှေ့မယ့်သတင်းကို အတိအကျရထားတဲ့ ဂျင်မ်တို့အဖွဲ့ ရောက်လာပြီး ငွေတွေကို လုဖို့ ကြိုးစားပါတော့တယ်။ ရေဘေးကြားမှာ တွမ်က ငွေတွေကို ကာကွယ်နိုင်ပါ့မလား၊ ဂျင်မ်တို့ကပဲ လက်ဦးသွားမလား။ မော်ဂန် ဖရီးမန်း ပါဝင်ထားတဲ့ ဒီအက်ရှင်ဇာတ်ကားမှာ အန္တရာယ်နဲ့ ငွေကြေးကြားက လူတွေရဲ့ ပြောင်းလဲလွယ်တဲ့စိတ်ကိုလည်း တွေ့ရပါတယ်။

ဒီကားဟာ မင်းသားကြီး Tom Hank ပါဝင်ထားပြီး ၁၉၉၅ ခုနှစ်က ထွက်ခဲ့တဲ့ နာမည်ကြီး ဖြစ်ရပ်မှန်ကို အခြေခံပြီး ရိုက်ကူးထားတဲ့ ဇာတ်ကားကောင်းတစ်ကား ဖြစ်ပါတယ်။ ၁၉၇၀ ပြည့်နှစ်က အမှန်တကယ် ဖြစ်ပျက်ခဲ့တဲ့ အပိုလို-၁၃ အာကာသယာဉ် ခရီးစဉ်ကို ရိုက်ကူးထားတာပါ။ စွန့်စားခန်းတွေ၊ အက်ရှင်တွေ အများကြီးပါတဲ့ကားမျိုး မဟုတ်ပါဘူး။ ကြည့်နေစဉ်တစ်လျှောက် ရင်ခုန်စိတ်လှုပ်ရှားနေရမှာပါ။ အာကာသထဲမှာ မမျှော်လင့်ဘဲ အသက်အန္တရာယ်ကြုံလာတဲ့အခါ အာကာသယာဉ်မှူးတွေနဲ့ ကမ္ဘာပေါ်က ကွပ်ကဲရေးစခန်းကလူတွေ ဘယ်လိုပေါင်းစည်းပြီး အသက်ရှင်ဖို့ ကြိုးစားခဲ့ကြသလဲဆိုတာကို ပုံဖော်ပြထားပါတယ်။ ပြဿနာတစ်ခုနဲ့ ကြုံလာတဲံအခါ လူသားတွေရဲ့ ဉာဏ်ရည်ဉာဏ်သွေး၊ ဇွဲလုံ့လနဲ့ အချင်းချင်း ပူးပေါင်းဆောင်ရွက်မှုက ဘယ်လောက်တောင် အစွမ်းထက်သလဲဆိုတာကို ပြသပေးထားပါတယ်။ IMBD - 7.7 နဲ့ Tomato - 94% ရထားတဲ့ကားမလို့ ပြန်လည် ကြည့်ရှုခံစားနိုင်အောင် တင်ဆက်ပေးလိုက်ပါတယ်။

တွမ်ဟန်းဒါးစ်ဟာ နည်းပညာကုမ္ပဏီတစ်ခုက မန်နေဂျာတစ်ယောက်ပါ။ အလုပ်ကို ကြိုးကြိုးစားစားလုပ်သလို ဇနီးနဲ့ သားသမီးတွေကိုလည်း ချစ်တဲ့သူဖြစ်ပါတယ်။ နှစ်ပေါင်းများစွာ မျှော်လင့်ထားတဲ့ ရာထူးတိုးကိစ္စ အကောင်အထည်ပေါ်လာတော့မယ့်အချိန်မှာ သူ့ရည်းစားဟောင်း မဲရီဒစ်ဂျွန်ဆန် ရောက်လာပါတယ်။ ဆွဲဆောင်မှုရှိပြီး ထက်မြက်တဲ့ မဲရီဒစ်က သူနဲ့မသက်ဆိုင်တဲ့ တွမ်ရဲ့ဌာနမှာ ရာထူးတိုးသွားတာပါ။ တွမ်ကတော့ ကိုယ်လုပ်ခဲ့တာမဟုတ်တဲ့ ဌာနတွင်းထုတ်လုပ်ရေးပြဿနာတစ်ခုကို အဖြေရှာနေရတယ်။ ရည်းစားဟောင်းနဲ့ အလုပ်မှာ ပြန်ဆုံရတဲ့နောက် သူရင်ဆိုင်ရမယ့် ပြဿနာတွေက ဒီလောက်နဲ့ မပြီးသေးပါဘူး။ Michael Douglas နဲ့ Demi Moore တို့ ပါဝင်ထားတဲ့ ဒရာမာ၊ သည်းထိတ်ရင်ဖိုဇာတ်ကားဖြစ်ပြီး အဖော်အချွတ်ခန်းအချို့ ပါဝင်ပါတယ်။

ဝီလီယံဖော်စတာက မကြာသေးခင်ကမှ အလုပ်ထုတ်ခံထားရတဲ့ ဒုံးကျည်အင်ဂျင်နီယာတစ်ယောက်ပါ။ ယာဉ်ကြောပိတ်တာ၊ လမ်းတွေညစ်ပတ်နေတာ၊ လူတွေရဲ့ ရိုင်းစိုင်းတဲ့ အပြုအမူနဲ့ ကွဲအက်နေတဲ့ ပလက်ဖောင်းတွေက သူ့အတွင်းမှာရှိတဲ့ ခံပြင်းဒေါသနဲ့ ခါးသီးမှုတွေကို ပိုဆိုးလာစေပါတယ်။ မတည်ငြိမ်တဲ့ သူ့အတွေးတွေနဲ့ ဒီအခြေအနေတွေ ပေါင်းမိတဲ့အခါ ဒေါသတွေ ပေါက်ကွဲထွက်လာပြီး ပြစ်မှုတွေ ဆက်တိုက်ကျူးလွန်မိတော့တယ်။ မိုက်ကယ်ဒေါက်ကလပ် ပါဝင်သရုပ်ဆောင်ထားတဲ့ မှုခင်းအက်ရှင်ဇာတ်ကားဖြစ်ပြီး ဝီလီယံရဲ့ လုပ်ရပ်တွေနဲ့အတူ အဲဒီခေတ်က လူမှုစနစ်ကိုပါ ထင်ဟပ်အောင် တင်ဆက်ထားပါတယ်။